ماذا يحدث اذا دخل الرجل المطبخ

[aborawan]

جوووووووووووووووووووووطة شديدة اكيييييييييييييييييييييد:):)
http://www.latef.net/Picture/files/nona-1098260908.jpg

[أبوريلان]

أكيد بلخبط العجين :D :D :D

[ابوقيس]

اسي المرأه دي لو اشنقلت خاته رجل في الطوه

ورجل في السلم ((النوع ده أصلو مابيسمع الكلام))

انت عارف خليه تقع احسن عشان تاني ماتطلع

[aborawan]

مشكورين يا حلوين على المرور

[امير عبدالباقي]

ابوروان الرجل في المطبخ فات المراءه حقيقه
واكل الرجل اطعم من المراءه

[خالد حمد موسى]

ابوروان لك التحيه..طبعاالراجل مع المطبخ تبقي حالته صعبه جدااوماقادريخلص من اي شي اوشغله في المطبخ تعال شوف اصحاب الفن هم النساءدقايق وكل شي خالص....

[aborawan]

امير انت قاعد تخش المطبخ يعني ؟

خالد المره فعلا هي المديرة الصاح للمطبخ

مشكورين يا حلوين

[أبو السعود]

صراحة انا مع الأخ امير

اكل الرجال اطعم من اكل النساء

[aborawan]

باين عليك يا ابو السعود عزااااااااااااااااابي درجة اولي :):)

[wadmadani]

والله يا شباب ده موضوع مهم زي كل المواضيع

لاني انا هنا في مصر (الغربه) ممنوع علي منعا باتا دخول المطبخ وذا دخلتا اعمل اي حاجه لازم ادفع تامين قبل الدخول وادفع تمن الحاجات العايز ادفعا مقدم بعدين لو الطبخه طلعت حلوة ولا ما حلو ما مشكله


وطبعا دايما ما حلوة خصوصا الرز الي بعملو ما بيتعرف رز الي بعد مرور عده ايام بسبب جوده الطبخ


هههههههههههههههههههههههه

بس حا اتعلم حا اتتعلم

;) ;) :p :D

[aborawan]

مصيرك بكره تتعلم من الايام وتعرف كيف يكون الطبيخ وحلة الرز مع الاعتذار للاغنية :):)

[زيكو منيب]

تسلم يا ابو روان على موضوعك الجميل و زي ما قلت لازم الواحد فينا يتعلم يعمل حلة

[aborawan]

والله هي مهمه وما مهمة يمين بالله العبد لله ليه في الغربه 4 سنوات كباية شاي ما بعرف يعملا :D:D

[زيكو منيب]

هههههههههههههههه

[بابكر]

الاخ الغالى
ابو روان لك التحيه والتقدير
والله موضوع دخول الزوج المطبخ اتا مجربه وخاصه لمن الاولاد يكونوا فى السودان بجوط المطبخ جوطه ولمن اكون عاوز شى ومالاقيهو وين اتصل على الوليه فى السودان توصف لى مكانو
وطبعا اخوك صفر فى الطبخ
والله البيض انساهو لمن يحرق ولو ماشميت ريحه الحريق ما اتذكر انى ختيت بيض فى الغاز

[aborawan]

هههههههههههه والله حالتك صعبه اخوي عشان كده يا اخوي ما تسفر الاولاد وتقعد لازم الحجل بالرجل خوفاً من الجهجه وكده :):)

[Dove]

رمضان كريم

عن أي الرجال تتحدث يا ابوروان
يقال ان الرجال في الغربة يتقاسمون واجب المطبخ
مع زوجاتهم ، عليها الغداء و هو مكلف بتجهيز العشاء

وبعد شوية جيب معاك الغداء يا ابو محمد
والعزر معها المسكينة وزنها قارب الطن
وهي تهرول ما بين غرفة النوم والثلاجة والميكرفيف

أف

[aborawan]

منو القال ليك مافي اى كلام زي ده وان وجد بكونوا اقليه قليله جدا في الغربة الراجل بدخل المطبخ في حالة يكون الميز عليه ( في بيت العزابه اقصد ) لكن مع الاسرة ما بتدخل المطبخ نهائي وان صادف ودخلت المطبخ بتكون مسالة ذوقية عشان تشارك نصفك الاخر ولو جزء بسيط من المشاق التى تتحملها كربة منزل