bugash
05-12-2007, 11:11 PM
أديني تذكرة الرحيل
سدي منفذ دخلتي
أهديني شبال الوداع
شان أمرقك .....
شان امرقك من بين حروفي
ومن بين فواصل الكلمة في سفر الكتابة
ودهشة الحرف البتول
من مسامي
من عروقي ومن تراجديا الوصول
من دواخلي
ومن تقاسيم الفصول
أديني خاطرك في الرحول
شان امسح الخاطر الزمان رسمك قوافي
رسمك مواسم اغنيات
شكل بهاك بي دق طبول
لماك غناوي الدهشة في الفرح البطول
أديني تذكرة الرحول
من مداينك ومن عينيك
وابقى مارقة
شيليني تاريخ ما ابتدا
غنيني كلمة زول جهول
أديني ميعاد الرحول
جففت نبع الانكسار
رجحت كف الانتماء لي عالمي
الكان زمان قبلك فصول
رديني لي وطنى اللكان
لا فيهو وجيهك نور مكان
لا بسمتك قوس من قزح
لا ضيع الصبر القبول
رديني لي وطنى الزمان
معاك جربت المحال
ورجعت عاودني الفضول
لا بشكي ليك لا بشتكيك
لا بترسمك تاني الحروف
لا روعتك مقياس مسافات زي زمان
لا همستك تحنان مكان
رديني زي أول فلان
لا لا مست يدي السحاب
لا جردت حلمي المآسي
لا حضور ضيك وصول
رديني زي أول فلان
احفظ ملامح اي زول
ما قلبي اداك امتياز
دوزن حروفك الف قول
أديني ميعاد الرحول
خليني اتيمم بلاك
واحلم بلاك
واعيش بلاك
ترجع لي من تاني الفصول
سدي منفذ دخلتي
أهديني شبال الوداع
شان أمرقك .....
شان امرقك من بين حروفي
ومن بين فواصل الكلمة في سفر الكتابة
ودهشة الحرف البتول
من مسامي
من عروقي ومن تراجديا الوصول
من دواخلي
ومن تقاسيم الفصول
أديني خاطرك في الرحول
شان امسح الخاطر الزمان رسمك قوافي
رسمك مواسم اغنيات
شكل بهاك بي دق طبول
لماك غناوي الدهشة في الفرح البطول
أديني تذكرة الرحول
من مداينك ومن عينيك
وابقى مارقة
شيليني تاريخ ما ابتدا
غنيني كلمة زول جهول
أديني ميعاد الرحول
جففت نبع الانكسار
رجحت كف الانتماء لي عالمي
الكان زمان قبلك فصول
رديني لي وطنى اللكان
لا فيهو وجيهك نور مكان
لا بسمتك قوس من قزح
لا ضيع الصبر القبول
رديني لي وطنى الزمان
معاك جربت المحال
ورجعت عاودني الفضول
لا بشكي ليك لا بشتكيك
لا بترسمك تاني الحروف
لا روعتك مقياس مسافات زي زمان
لا همستك تحنان مكان
رديني زي أول فلان
لا لا مست يدي السحاب
لا جردت حلمي المآسي
لا حضور ضيك وصول
رديني زي أول فلان
احفظ ملامح اي زول
ما قلبي اداك امتياز
دوزن حروفك الف قول
أديني ميعاد الرحول
خليني اتيمم بلاك
واحلم بلاك
واعيش بلاك
ترجع لي من تاني الفصول