مشاهدة النسخة كاملة : الله يخليكم لى .
ود المطامير
09-12-2007, 10:45 AM
أحبتى
إخوتى وأخواتى الكرام
والله أنا خجلان من نفسى جد والله
دى المره التالته أحرد فيها
بس بالجد المره دى والله ما كنت متخيل تانى أجر حرف هنى نهائى
كنت أحسبه الوداع من غير لقاء
ولكن أطير وين ؟
أمشى وين ؟
فى الجزيره عندى نت
فى البيت عندى نت ... وكلما أدخل النت بقبل كدا من منتديات ود مدنى وبعمل نفسى ما شايفها .. وأنا شايفها ... أتنفسها .. أعشقها ... وعليه وجدت نفسى أتابع حروفكم الدرر
مشاعركم النبيله ... أحاسيسكم الغاليه ... وإذدادت قطرات الدموع
وإذاد الضغط ..
كل من خط حرف فى حقى
ذاد عذاب شوقى للقياكم
كل من همس بكلمه
حرك سكونى ... أرّق مضجعى .. وجعلنى أتقلب كم لدغه عقرب
حردت قبل كدا كم مره ولكن
فى المره دى تأكدت مليار فى المئه
من غيركم أنا عدم .. قالها حبيب قلبى معتز الريح
من بره ودعتكم ومن جوه لا ما بقدر
عدت إليكم ورأسى مرفوع حتى ولو كان خصمى
يقهقه ... يشمت ... لعودتى .. لأن .. كما .. قال .. .. ذلك الزول السمح
اللى بالرسائل الخاصه كسر عزيمتى .. قال
ود المطامي ليس ملكى لكى أعدمه فى الساحه العامه أمام الجميع
ود المطامير ملككم إنتو وإنتو وقفتم معه قلبا وقلب وقفه لن أنساها لكم مهما حييت
لكم من القلب كل الحب
ويا له من إمتحان !!!!!!!!!
zoolfrda
09-12-2007, 11:13 AM
مرحب بيك يا عروة والله أسأل أن يظلنا بظله يوم لا ظل إلا ظله
ود المطامير
09-12-2007, 11:18 AM
مرحب بيك يا عروة والله أسأل أن يظلنا بظله يوم لا ظل إلا ظله
حبيب حبى فرده
آمييييييييييين يا رب
وإنت بعد ربنا ليك الفضل
ود المطامير
09-12-2007, 11:22 AM
إليك أيها الجندى المجهول
نبشت دفاترى لكى ألبى طلبك
ولم أستطع
وإستعنت بصديق ووعدنى بكره
يرجع صورتى السديرى والطاقيه
ود البلد عمّه وسديرى
أيها الساكن فى ديار معمر والكتاب الأخضر
أيها المهندس .. لبيت النداء
ود المطامير
09-12-2007, 11:24 AM
أيها الجندى الحاضر
كلماتك
همساتك لها صدى فى أعماقى أبد الدهر
فياليتها مست
مسامع من أراد خنق ود المطامير
ود المطامير
09-12-2007, 11:26 AM
كونى أعود من تانى دى معجزه
أنتم أشعلتم فتيلها
أطلقتم صاروخها
جزاكم الله عنى كل خر
بدون فرز
المكاشفى
09-12-2007, 01:45 PM
هيع هيع هيع
الحبيب والله المنتدى من غيرك عدم
وعليك الله تانى مره ماتلعب بى اعصابنا
وخليت الواحد يفكر فى طريقه مخارجه
بس ربك ستر..
ود المطامير
09-12-2007, 09:53 PM
هيع هيع هيع
الحبيب والله المنتدى من غيرك عدم
وعليك الله تانى مره ماتلعب بى اعصابنا
وخليت الواحد يفكر فى طريقه مخارجه
بس ربك ستر..
أخوى الحبيب ... المكاشفى ..\
سلام ليك من القلب أيها الحبيب الشامخ شموخ الخوّه
مشتاقين والله شوق هدّ الضلوع
ياليت من عادانى يسمعك وأنت تود الخروج لخروجى
تسلم أيها الأخ الحبيب
بنت الرفاعي
10-12-2007, 12:11 AM
لو كان المكاشفي حاول إنو ينسحب فنحن........................................!
عليك الله ياود المطامير تاني ماتفكر كدة والدنيا دي صدقني مابتستاهل الواحد يزعل علشانها ولا فيها، وعلى ما أظن يعني إنك أقوى من إنك تخلي أهلك وأصحابك علشان واحد عاداك أو ضايقك ، وخليك متذكر دائما إنو لو واحد عاداك في ألف بيعزوك ، ولو خليت ليهو المنتدى أو الدنيا بالتأكيد هو الرابح وإنت الخسران ولو بتخسر براك مالو؟ المشكلة بيخسرو معاك ناس كتار، ولو في أخطاء أو أشياء ماعاجباك صلح الخطأ أو إتكلم عنه علشان اللي ماشايف أو مامنتبه للأخطاء ينتبه وبرضو يصلحها، وده حال الدنيا ياباشا.
خارج كل الأطر..(بعد إذنك أخوي ود المطامير)
إليكم إذا جف يوما مدادي من دون قصد مني (مازي ود المطامير):D ولظروف حالت دون ذلك وإذا لم يكن موتا، فتأكدوا أنني لابد أن أعود ولو بنظرة:
بعاد الزول مابنسينا طيبتكم...
وكيف الزول ينسى كمان معزتكم...
وعمر الخوة ماهانت..
ومصيرو الزول..
حياتو الناس وبين الناس..
وفيها يعيش بطيبتكم.
وسلامتكم.
zukibush
10-12-2007, 02:51 AM
عدنا والعودو أحمدو
سلالالالالالالالالالالالالالالالالامة كرااااااااااااااااااااااااااااااااااامة منور يا عمدة
ود المطامير
10-12-2007, 11:43 AM
لو كان المكاشفي حاول إنو ينسحب فنحن........................................!
عليك الله ياود المطامير تاني ماتفكر كدة والدنيا دي صدقني مابتستاهل الواحد يزعل علشانها ولا فيها، وعلى ما أظن يعني إنك أقوى من إنك تخلي أهلك وأصحابك علشان واحد عاداك أو ضايقك ، وخليك متذكر دائما إنو لو واحد عاداك في ألف بيعزوك ، ولو خليت ليهو المنتدى أو الدنيا بالتأكيد هو الرابح وإنت الخسران ولو بتخسر براك مالو؟ المشكلة بيخسرو معاك ناس كتار، ولو في أخطاء أو أشياء ماعاجباك صلح الخطأ أو إتكلم عنه علشان اللي ماشايف أو مامنتبه للأخطاء ينتبه وبرضو يصلحها، وده حال الدنيا ياباشا.
خارج كل الأطر..(بعد إذنك أخوي ود المطامير)
إليكم إذا جف يوما مدادي من دون قصد مني (مازي ود المطامير):D ولظروف حالت دون ذلك وإذا لم يكن موتا، فتأكدوا أنني لابد أن أعود ولو بنظرة:
بعاد الزول مابنسينا طيبتكم...
وكيف الزول ينسى كمان معزتكم...
وعمر الخوة ماهانت..
ومصيرو الزول..
حياتو الناس وبين الناس..
وفيها يعيش بطيبتكم.
وسلامتكم.
أختنا العزيزه مرام
تسلمى وربنا يديك العافيه
لكم عدت وكونى عدت فهذا يعنى أن مكانتكم فى نفس
عاليه وساميه .. إحترام وتقدير ..
فالضغوط لا تعد ولا تُحسب
عُدت وسبحان الله فى نفس يوم عودتى وجدت
ما جعلنى أعضّى أصابعى .. الإسطياد فى المياه العكره .. لازال يلازمنى
عدت .. لأن البعاد عنكم .. قاسى ومؤلم
فتحملت الألم لأن فى خوّتكم لى الشفاء
مش عارف أقول ليك شنو ؟
الله يديك العافيه
والله يكون فى عون ود المطامير
ود المطامير
10-12-2007, 11:46 AM
عدنا والعودو أحمدو
سلالالالالالالالالالالالالالالالالامة كرااااااااااااااااااااااااااااااااااامة منور يا عمدة
إنتو اللى منورين والله
وأنا رهن إشارتكم
إنتو تأمروا بس .
عثمان جلالة
10-12-2007, 09:31 PM
بركه الجيت بركه الجيت .... عسل انت وبسكويت ... حبيب القلب ود المطامير .. ان شاء الله بى رجعتك .. يصرفوا لينا المرتب قبل نهاية الشهر ... خاصة وإنو الدنيا عيد .... ما تقول لي العلاقه شنو ... كده يا خي متفائل بى رجعتك :p
mahagoub
16-12-2007, 09:46 AM
الحمد لله عاد القلب للنبض بعد ان توقف لعدة ايام
من غيرك خربانه
وانا موافق تحذف المشاركة دى
اهلاً بيك حبيبنا وحبنا
moh_alnour
16-12-2007, 04:14 PM
تظل ود مدني
أرض المحبة والمحنة والجمال
لا تعرف العصبية ولا الجهوية ولا أقصاء الأخر
هي ود مدني
الرأي والرأي الأخر من قبل أن تعرفه قناة الجزيرة القطرية
هي دعوة لتصفية النفوس والبعد عن التباغض والتشاحن
نتمنى أن نتذكر دوماً أننا أجتمعنا على الخير وله نسعى دوماً
وألا نجنح إلى الفرقة والتشرزم والشتات
وقديماً قيل
تأبى الرماح إذا أجتمعنا تكسرا *** وإذا أفترقنا تكسرت أحادا
و نتمنى ألا تُعطى الأمور أكبر من حجمها الطبيعي
فالمنتدى من الجميع وللجميع
ومرحبا بالجميع في منتدى سيدة المدائن
وكل عام والجميع بخير
Madanawi
05-01-2008, 04:06 AM
الأخ العزيز ود المطامير
فرحانة بيك كل النجوم ،،
والليلة جيت شايل الفرح ،،
و حمدلله على السلامة ،
شمس الامل
06-01-2008, 06:36 AM
السلام عليكم ورحمة الله
واخيرا حيكون لي الشرف اشارك في مواضيعك
والله سمعت عنك كتيير وانت كنت سبب من اسباب تسجيلي في المنتدى
للكن للاسف انا سجلت ولقيتك مافي والمنتدى مازي ما وصفوهو لي
لكن الحمدلله رجعت ونورت المنتدى
وحمدالله على السلامة
ودمتم في امان الله ،،،
ناصر عمر دبيب
06-01-2008, 12:55 PM
اخي العزيز ود المطامير والله العظيم ليك وحشة
منتدي ودمدني من دونك ماليو اي طعم وعملنا مظاهرات وكسرنا ودخلونا قرفة الحبس بسببك
الله يخليك خليك معنا
ولك جزيل الشكر
ابوالنور
07-01-2008, 12:54 AM
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
حباب العمده
ود المطامير
09-01-2008, 06:44 AM
بركه الجيت بركه الجيت .... عسل انت وبسكويت ... حبيب القلب ود المطامير .. ان شاء الله بى رجعتك .. يصرفوا لينا المرتب قبل نهاية الشهر ... خاصة وإنو الدنيا عيد .... ما تقول لي العلاقه شنو ... كده يا خي متفائل بى رجعتك :p
مين ؟ أخوى جلاله ؟ زول البردعه ؟
حلال ود ود عمى
يصرفوا ليك شنو ؟ والكاشف أخوى ود الطاهر شفط الخزينه وسحسح بيها فى السودان
الصرف يا الكاشف بقى عند ود البشير نوم النفاج عليهو ..
ود المطامير
09-01-2008, 06:53 AM
اخي العزيز ود المطامير والله العظيم ليك وحشة
منتدي ودمدني من دونك ماليو اي طعم وعملنا مظاهرات وكسرنا ودخلونا قرفة الحبس بسببك
الله يخليك خليك معنا
ولك جزيل الشكر
تسلم يا حبيب قلبى
وياريت وحاةالله لو قلت لى ولو بطرف إشاره
وواسطتى وحاتك واصله لأكبر مدى
كيف تدخلو الحبس ؟
وأنا معاكم على طول الخط
الله لا يحرمنى منك
GREY MAN
09-01-2008, 11:59 AM
ود المطامير
دق الدفوف صنغر وقف
قال لليراع لازم تبل كل الشجر
دااخل هناك.. قصصه.. ورقع
مرق السديري وشال حديد
داير لياقتو تكون حديد
وشبارقه ديمه محيرو
وشبارقه ما سبقك خلاس
نزل جريدتو المبدعه
وخلاك ورا
ورينا كيف شيل الحديد جواه جديد
دايرين نشوف منك جديد
ود المطامير
09-01-2008, 06:12 PM
الحمد لله عاد القلب للنبض بعد ان توقف لعدة ايام
من غيرك خربانه
وانا موافق تحذف المشاركة دى
اهلاً بيك حبيبنا وحبنا
عمّى الحبيب
مشتاقين يا طيب
وآسفين تأخرت عليك وانت يوم تجينا نجيك جارين حفايا
نبضات القلب أنتم رفعتو وتيرة تسارعها بحلو الكلام والمشاعر النبيله
أتمنى دوام المحبه فى القلوب الطيبه
ود المطامير
09-01-2008, 06:19 PM
تظل ود مدني
أرض المحبة والمحنة والجمال
لا تعرف العصبية ولا الجهوية ولا أقصاء الأخر
هي ود مدني
الرأي والرأي الأخر من قبل أن تعرفه قناة الجزيرة القطرية
هي دعوة لتصفية النفوس والبعد عن التباغض والتشاحن
نتمنى أن نتذكر دوماً أننا أجتمعنا على الخير وله نسعى دوماً
وألا نجنح إلى الفرقة والتشرزم والشتات
وقديماً قيل
تأبى الرماح إذا أجتمعنا تكسرا *** وإذا أفترقنا تكسرت أحادا
و نتمنى ألا تُعطى الأمور أكبر من حجمها الطبيعي
فالمنتدى من الجميع وللجميع
ومرحبا بالجميع في منتدى سيدة المدائن
وكل عام والجميع بخير
أخوى الحبيب
صدقت والله فى كل كلمه
ونحنا حمنا منتديات كتيره وما قدرت أتأقلم معاها
ولا عرفت كيف أتفاعل لأنى ود المطامير وود المطامير بموووووت فى مدنى
وهنا صوت مدنى التآلف والإخاء الصادق
قد نختلف ... نزعل .. ولكن فى النهايه أهل وأحباب
صدقنى قد صدقت وفعلا منتدانا العامر هذا لا مثيل له
لأنه منتدى أسرى إجتماعى راقى وجميل
تسلم أخوى الحبيب
ود المطامير
09-01-2008, 06:21 PM
الأخ العزيز ود المطامير
فرحانة بيك كل النجوم ،،
والليلة جيت شايل الفرح ،،
و حمدلله على السلامة ،
أخوى الغالى ... مدناوى ..
الله يسلمك من كل شر
ويديك ألف عافيه
والله يا معز أنا مبسوط منك كتير
الله لا يحرمنى منك
آمين يا رب العالمين
ود المطامير
09-01-2008, 06:31 PM
السلام عليكم ورحمة الله
واخيرا حيكون لي الشرف اشارك في مواضيعك
والله سمعت عنك كتيير وانت كنت سبب من اسباب تسجيلي في المنتدى
للكن للاسف انا سجلت ولقيتك مافي والمنتدى مازي ما وصفوهو لي
لكن الحمدلله رجعت ونورت المنتدى
وحمدالله على السلامة
ودمتم في امان الله ،،،
لا أدرى كيف أصف لك فرحتى الطاغيه والشديده
بهذه الشهاده التى أعتز بها وأضعها وسام على صدرى
وأفتخر به فى كل المحافل
سرتنى كلماتك الجميله غاية السرور
ويسعدنى ويشرفنى أن أجدك تزينين موضوعى بحروفك النيره
والشرف لى أنا لأنك وضعتى بصمتك على موضوعى
وإن شاء الله المنتدى راح يكون أجمل من الأول بما تنثروه من درر الكلام
الله يديك العافيه والمنتدى منور بوجودك
ود المطامير
09-01-2008, 06:38 PM
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
حباب العمده
حبابك وحباب أخوى
حباب زولا مليان حنان
تعرف يا حبيب قلبى ؟
إنت الوحيد اللى وضعت إبهامك على عِلّة ود المطامير
قلت ( حماقه ) ؟ هع هع هع هع
عافى منك وراضى عنك والله لأنك أهديتنى أكبر عيوبى
والله لما قريت الكلمه دى قربت أقع من الضحك وقلت لنفسى أبوالنور حبيبى دا
عارف مشكلة مشاكلى
هع هع هع هع
تسلم يا غالى على الدرر أعلاه
ود المطامير
09-01-2008, 06:42 PM
ود المطامير
دق الدفوف صنغر وقف
قال لليراع لازم تبل كل الشجر
دااخل هناك.. قصصه.. ورقع
مرق السديري وشال حديد
داير لياقتو تكون حديد
وشبارقه ديمه محيرو
وشبارقه ما سبقك خلاس
نزل جريدتو المبدعه
وخلاك ورا
ورينا كيف شيل الحديد جواه جديد
دايرين نشوف منك جديد
حبيب قلبى
تشيل حديد تعمل عضلات
علشان تلاقى شبارقه فى لفّه
تقول ليهو هيييع طوالى يقوم جارى
هع هع هع هع
عمر البشير
13-01-2008, 08:41 PM
والله يا ود المطامير هارون الرشيد ما سو ليه كده
لكن لقيت زباينك كتار. ما شاء الله عيني بارده.
اللهم لا حسد.
وربنا يديم المحبة
ولك كل الود.
ود المطامير
13-01-2008, 10:02 PM
والله يا ود المطامير هارون الرشيد ما سو ليه كده
لكن لقيت زباينك كتار. ما شاء الله عيني بارده.
اللهم لا حسد.
وربنا يديم المحبة
ولك كل الود.
هع هع هع هع هع
الله يخليك ويخليهم لى
آاااامين يارب العالمين
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir