نهاية مدينة ودمدني

[محمد مصطفي]

اريد ان اخبركم عن شي يحصل داخل مدينة ود مدني المدينة التي لا يوجد بداخلها امن في يوم امس وانا في طريقي الي صديقي الذي يسكن في جزيرة الفيل مررت بقسم الشرطة الشرقي واري كمية من الناس داخل القسم فوقفت ودخلت ووجت كمية من الامهاة يبكون سالت ماذا يدور هنا قالو هنالك 13 شخص وهم ليسو بسودانيين جنسهم برطاني يتجولون داخل مدينة ود مدني ويقبضون علي أي طفل او طفلة تتجول بالغرب من منزلها ويطعنوها حقنه انتو عارفين الحقنة دي تحمل بداخلها أي نوع من انواع الفايروس انها تحمل فايروس الايدز وحتي الان لم يقبضو علي الجماعة ديل 7 اطفال يحملون الان مرض الايدز وانا اعرف اسرة واحد من الاطفال ديل وانا اتحدث الي والده قال لي ذهبت به الي الدكتور الدكتور قال ليه لم يظهر المرض الا بعد 5 سنوات يعني لمن الولد عمرو ابقي 10 سنين حتي بعدين المرض اظهر له

أين الامن اين الحكومة وهم ليسو بسودانيين اين

يا خوانه انحن نخاف من البقر ولا من البشر

تمسك مدني من أي ناحية مدمره الليله مافي زول في مدني بياكل لحمة

وانا اعرف كمية من الاسر منعت اطفالها من الذهاب الي مدارسهم خوفاً عليهم


هذا هو الذي يحصل داخل مدني
وشكراً لكم

[عثمان جلالة]

حبيب القلب كبك .. لك التحية والله يسلم مدني والجزيره ... وحقيقه كلامك أحزني شديد ... يعني عينك عينك كدا أطفالنا يدوهم الأيدز ... وين المسئولين كان رجال صحة أو امن أو لجان شعبيه ... يعني أسي الناس تكافح حمى الوادي المتصدع .. ولا الأيدز ... ولا القصه شنو ؟؟؟؟ والله يكضب الشينة ... يا كبك أعملوا دوريات في الأحياء .... الشباب يشيلوا الشيله طالما المسئولين نايمين .... وحقيقة البوزعو في فيروس الأيدز ديل مفروض يموتوا ... بحكم الشريعة ... والله يسلم اهلنا جميعاً ... آآآآآآآمين

[جنيـــــدو]

( إنا لله وإنا إليه راجعون )







نقول ليكم ألحقوها بتقولوا تمام ....... مدني !


من المفروض أن تعرض مثل هذه المصائب للوالي ..

لكن إذا كان هنالك والي !!! أم تراه الآن يعبث .


هذا ما يجعل القلب يقطر دماً .......


.....

[moh_alnour]

والله يا كبك أنا لحدي الأن ما مصدق الموضوع دا
يا ناس يا عالم كيف خواجات يحوموا في البلد دي وما في زول يقول ليهم تلت التلاتة كم
ومعقول نحن في المنتدى دا نسمع بالأخبار دي من كم يوم وناس الأمن والولاية ما يسمعوا بالكلام دا وما يتحروا عنو
ليكم الله أيها الشعب المقلوب على أمره

[ناصر عمر دبيب]

والله ياكبك كلام عجيب دي مشكلة كبيرة جدا اين الوالي اين مدير شرطة الولاية اين البحث اين الشعب اين اين اين اين.
الله المستعان .

[محمد حسين (المميز)]

ياخوانا بالمنطق كده ماممكن,,,
اول حاجه السؤال؟؟

كيف عرفتوهم بيطعنو في الأطفال فايروس الأيـدز؟؟

السؤال التاني
لو افترضنا انه كده هم الخواجات جهلا للدرجه دي؟؟
حاجه زي دي ممكن يبدأو بيها في الخلا والفيافي محل التعليم الناقص والأمن المنعدم
يعني محل ممكن تدخل اي حلــّــه تطعــّــم من أصغر شافع لغاية جدها وحبوبتها

مش يجو يبدأو بمدينة مدني تاني مدينه في السودان..

مع احترامي ليك يابوحميـد وده مش تشكيك في مصداقية كلامك بس ممكن تكون اشاعه,,
او معلومه اتروت من الناس بشكل شمارات واتحولت للمرحله دي.

لكن برضو لابـد من التحري الجاد من الجهات الأمنيـه,,,


*-*-*-*-*-*-*-*-*-*-*-*

[عوض صقير]

ياجماعة الخير الموضوع ده عبارة عن إشاعات روجت فى مدينة سنجة وتحدثت عنه وسائل الأعلام وتم القبض على مروجى هذه الأشاعة ... وأتضح بأن هناك من يريد زعزة الأمن والأستقرار لدى الآخرين ...

[محمد مصطفي]

ياخوانا بالمنطق كده ماممكن,,,
اول حاجه السؤال؟؟

كيف عرفتوهم بيطعنو في الأطفال فايروس الأيـدز؟؟

السؤال التاني
لو افترضنا انه كده هم الخواجات جهلا للدرجه دي؟؟
حاجه زي دي ممكن يبدأو بيها في الخلا والفيافي محل التعليم الناقص والأمن المنعدم
يعني محل ممكن تدخل اي حلــّــه تطعــّــم من أصغر شافع لغاية جدها وحبوبتها

مش يجو يبدأو بمدينة مدني تاني مدينه في السودان..

مع احترامي ليك يابوحميـد وده مش تشكيك في مصداقية كلامك بس ممكن تكون اشاعه,,
او معلومه اتروت من الناس بشكل شمارات واتحولت للمرحله دي.

لكن برضو لابـد من التحري الجاد من الجهات الأمنيـه,,,


*-*-*-*-*-*-*-*-*-*-*-*


اخي المميز

معليش انت ما قاعد في مدني لا انت لا الاخ عوض صقير
لكن الكلام ما اشاعه لانو الليله لو اشاعة ما اسر كتيرة بترحل بتمشي الخرطوم بتخلي مدني ما اسر كتيره بتمنع اولادهم انهم ما امشو المدارس بعدين يا حبيبي انا بقول ليك في حالات فحصت

وكلامك صح هم مفرضو موش مفروض مشو الحلا والفيافي يا سيدي هم في اي حته عندهم ناس في المناقل نفس الكلام ده

بعدين انت بتقول لي اشاعات ساي

الليله انت لو في مدني بتعرف الكلام بعدين انا بقول كنت في القسم الشرقي يعني ما سمعت ولا قالو لي بعدين انحن ناس كبار بنعرف الصح من الغلط بنعرف الكلام المنطقي من الما منطقي

وبسبب الكلام عشان ااكد ليك انو ما اشاعه تلفزيون ولاية الجزيرة استضاف السيد الوالي وزير الصحة الاتحادي وزير الصحة ولاية الجزيرة وكانو بتناقشو في الكلام ده وانا برضو كنت حاضر البرنامج





وشكراً

[محمد مصطفي]

ياجماعة الخير الموضوع ده عبارة عن إشاعات روجت فى مدينة سنجة وتحدثت عنه وسائل الأعلام وتم القبض على مروجى هذه الأشاعة ... وأتضح بأن هناك من يريد زعزة الأمن والأستقرار لدى الآخرين ...



الاخ الاكبر عوض صقير

هذه ليست باشاعات هذا هو الحاصل داخل المدينة

انتو بطمنو ولا بتغشو في نفسكم هذا هو الحاصل



وشكراً

[صابرحسين]

الأخ / محمد عوض
تحياتي الحارة

مصداقاً لكلامك أنا قبل يومين طرحت موضوع مشابه بهذا المنتدى عن تطعيم مشبوه دون علم وزارة الصحة في أحياء مدني جنوب ـ شندي فوق والمزاد ـ وبعض قرى الجزيرة ، وكلامك أكد الموضوع 0
نسأل الله العافية للجميع

[شمس الامل]

يا جماعة الله الكلام ده خطير وبصراحة انا لي 15 يوم مفارقة مدني ما سمعت بكلام زي دا
لكن مفروض الشباب الزيك يا محمد اقل حاجه يعملوها يوصلو الكلام لوزير الصحة او الوالي شخصيا ويعرفو مدى صحة الكلام وخطورتة وتشوفو الخطوة الحيعملوها شنو عارفة انو ممكن تكون صعبة لكن لابد واحد يتحرك عشان الباقين يتحركو معاهو
يا ريت ما تسكت على الموضوع دا يا محمد وتبذل اقصى جهد فيه وان شاء الله ربنا واحنا معاك
والله المعين

[mamdoh]

والله ده شي محزن انا مع كلام الاخ عثمان جلال عمل دوريات في الاحياء من أولاد الحي علي مدار 24 ساعة ده الشي لازم مانتظر مساعدة من الحكومة

[ballal]

الكلام دى إشاعة وبس زي رسائل الجوالات تنتقل من شخص الى اخر

[المكاشفى]

والله ياكبك انا الكلام ده سمعت بيه
ولكن قالو بنات وبنات بلد كمان
زى بنات تطعيم الشلل وكده ومستخدمات من
جهات خارجيه . وحماعتا لينا ساكنين جوه
مدنى ضربوا محزرين من الكارثه وقالوا
كان جنكم العكاز بس.

[ابوندى]

شكراً كبك
هذا الكلام خطير ومهم لذا ارجو تثبيت الموضوع حتى تتكشف الحقائق

وهذا لايعنى ان نجلس او نطلق عليه اسم شائعة
فيجب التحرى الدقيق فى الموضوع من قبل الاعضاء الموجودين
بمدنى حالياً ومعرفة الحقائق وقد اصاب جلالة فيما ذكر ,
بأن تعمل دوريات بالاحياء مثل السابق حتى تتضح الرؤيا او تثبت انها شائعة
ونحن منتظرين آخر الاخبار
شكراً لك اخى محمد مصطفى مرة اخرى

[محمد مصطفي]

اخي شمس الامل

منو القال ليك الوالي ولا وزير الصحة ما عارفيين

في نفس اليوم النزلت فيه البوست كانو عاملين معاهم لقاء في تلفزيون الجزيرة وطبعاً الوالي كلامو الواحد ده وان شاء الله يتم الغبض عليهم وجاري البحث عنهم وكلام زي ده يعني



واخر التطورات بقوو اكبوه في الموية يعني في الازيار واي مدرسة في ازيار مدير المدرسة كسرهم

بعدين اي زول بقول الكلام ده اشاعة ممكن اتصل تلفون علي اهلو في مدني بوره الحقائق كلها


وشكراً

[Madanawi]

استهداف الغرب لكياننا وأرثنا دليل كاف على
وجود نوايا مسبقة لقتل مستقبلنا ونصف حاضرنا
من يسوقون لحقوق الانسان هم .. أول من يهضم حقوقه
التثبت من الأمر واجب .. واتخاذ كافة الاجراءات الوقائية
لمثل هذه الهجمة .. أوجب وذو أولوية عليا وعاجلة
الجهد الشعبي يجب أن يتماشى جنبا الى جنب مع الجهد
الرسمي للقبض على المجرمين ومعاقبتهم
اذا ثبت فعلا ان هنالك محاولات لزرع المرض الفتاك في دماء اطفالنا.
الشكر لاخونا كبك .. الحادب على أمر المدينة،،
والشكر لجلالة لمداخلته النيرة وشحذ الهمم الشعبية،،

دامت مدني في حدقات العيون .. والعزة لك يا وطني،،،

[شبارقة]

الموضوع سلاح ذو حدين ولا يخلو من استهداف الأمن القومي:
1ـ اذا كان الموضوع مجرد اشاعة فهي بلا شك تسبب زعزعة الأمن وهذا أخطر من فقدان الأمن الغذائي نفسه.
2ـ اذا كان الأمر صحيح فهذه الطامة الكبرى ، ولا حول ولا قوة الا بالله.

كل هذا ايها الإخوة يلفت نظرنا لأنواع الحروب القادمة ..
أن يحل شعب محل شعب ..
استهداف وطن غني خام مترع بالخيرات مثل السودان ليس بالغريب ..

انفض غبارك ايها الشعب الأبي
طالما نامت حكوماتك دهرا
شغلها أن تكنز الجيب جنيهات حرام
من دمانا ..
قوتنا ...
والاغتراب!!

[عماد السائح]

الاخوان الاعزاء كل شي ممكن والله يكضب الشينة وليس مشكلة الممرضات الليبية ببعيد ولكن دعني اقترح اتركو الحكومة وففتشو انتو في مدني فان وجتموهم فعليكم بتنفيذ المادة اربعة من مادة الحرامي الدخل بانت او المادة خمسة من قانون العشير والدباغة في الحرامي التلب قبل صلاة الصبحوالله معاكم
صدر تحت توقيعي جم ناس نوفل

[التيمان]

لا اله الا الله محمحد رسول الله


الكلام والله خطير جدا جدا

انشاء الله انا بسعى اجيب قرارو وبحرك لييكم الشباب

وفى الشغل هناك وبتابع ليكم الحنك وبجيكم بالاكيده


قولو انشاء الله

[DANY]

[ سؤال برىء !!
ماهى مصلحة الجماعه الخواجات ديل عشان يدوا اطفالنا ميكروب الايدز ؟؟؟؟؟؟؟
ادونى سبب واحد وجيه عشان نصدق !!!![

[محمد يوسف]

في اليومين الفاتو يا جماعة الخير كان معايا سندوتشات إتنين زيادة وأنا راجع البيت صادفت ثلاثة من الشماشة فتوقفت بجانب الطريق وناديتهم يا ولد تعال هنا وتفجأت بان الثلاثة تجمعوا في كتله واحدة بعيداً عن العربة وينظرون إليا في رعب !!!

فقلت لهم تعالوا شيلوا السندوتشات دي ، فقال لي كبيرهم : ( نهنا إتأشينا هسا ما دايرين هاجة ) وطوالي قاموا جارين طيران كل واحد على جيهة.

أنا تعجبت من تصرفهم لكن بعد ما قرأت هذا الموضوع عرفت السبب !! أكيد أمهم وصتهم قالت ليهم أعملوا حسابكم من أي عربية.

[saleh farah]

والله ياجماعه كل شئ جايز
لكن اقوليكم حاجه حاتريح الناس دى كلها وتظهر الحقيقه
اي واحد من الاخوان الموجودين فى مدنى امشى اقابل اي مسئول واتقصى الحقيقه
وطبعا زى مااتحدث الجميع البلد معرضه لكل شئ وللاسف لايوحد حسيب ولا رقيب
حتى الموضوع ده لوكان اشاعه مفروض اكون في توجيه اعلامى بتكذيب الخبر
او مواجهة للحقيقه وتحذير المواطنين

[التيمان]

والله ياجماعه


فى اى تطعيم شغال


والناس بسبب الاشاعات دى ابو يطعموا اولادم


وقالو ليهم انحنا فى مراكزنا خلينا التجوال وبرضو مافى اى زول مشى عليهم


ودى اشاعات الحمد لله
لزعزعه الامن البلد براها جايطه هنا وفى الخرطوم

ودى اكيده


ودمتم،،

[ناصر عمر دبيب]

انشاءالله ياالتيمان يكون الكلام دي صح عشان الناس تحس بلامان داخل المدينة الاهل كلهم مشغولين بلاحداث دي في مدني وخارج المدينة

[حبيبة ودمدني]

انتو يا جماعه دايرين تطفشونا من البلد ولاشنو

كان الكلام دا صحي تاني مابجي السودان دا كلام اعوج تب


كبك اهااااااااااااااا السودان زاتو طفشتنا منو

[التيمان]

وبعدين يا حبيبه قالو الاطفال


انت مالك خايفه






ههههههههههههههههههههه


مافى حاجه والله

وبنشكر والله الاخ محمد مصطفى

الود كبك ويديك العافيه


وكل عام وانت بخير يا صديقى



وانتو بخير

[ابوندى]

اها يا كبك
منتظرين الاخبار الجديدة بالنفى أو التأكيد

[ناصر عمر دبيب]

http://www.600kb.com/uploads/4226cc4659.gif (http://www.600kb.com)

[باسطه]

هووووووووووووي ياجماعة الكلام ده صح
هسي ختيت سماعة التلفون بعد ماأنهيت مكالمة تلفونية لمدني مع أحد الاخوان الثقة وصاحب علاقات واسعة
أكد لي الخبر ولكن قال أن الحالات في مدني قليلة أغلب الحالات كانت في ام القرى والمناقل أما بالنسبة لنوع الفايروز فلم يتم التحقق منه أما عن كونه فيرزو إيدز فهذا لحد الآن إشاعات لكن عن وجود أجانب قامو بتطعيم بعض الأطفال فهذا صحيح وجاري البحث عنهم أما بالنسبة للأضرار قال لي إنو الأطفال التمه تطعيمهم حدث تورم في اليد فقط وليس هنالك حتى الآن أعراض أخرى وقد قامت الجهات المسئولة بإرسال منشور لجميع المدارس وتنبيههم بعدم تطعيم الاطفال ورفض أي جهة تطلب القيام بذلك داخل المدارس وبالفعل قد قامت المدارس بتنبيه الأطفال وقد تأكدت من ذلك بنفسي فقد قمت بالإتصال بالأهل في مدني واكدو لي الخبر أيضاً بالإضافة إلى أنه تم تبيههم في المدارس التي يدرسون فيها من قبل الإدارة.

وأخيراً لانملك إلا أن نقول
لا حول ولا قوة إلا بالله حسبنا الله ونعم الوكيل
أتمنا من جميع الاخوان تنبيه الاهل بمدني وأخذ الحذر والحيطه

أسال الله لنا ولكم الحفظ من كل سوء وضراء

[الزبير محمد عبدالفضيل]

مشكور حماده علي هذا الطرح الجيد والممتاز فعلا كثرة الاجانب في السودان عامه من

أخطر الاشياء في البلاد . والمفروض حكومة الولايه تشكل لجنه للبحث المستعجل في

هذا الموضوع حتي تعرف مصدر دخول هذه الشرذمه من الخوجات كيف دخلوا وكيف

ينشروا هذا السم الخطير

اكرر شكري واعظيم أمتنناي لشخصك الغالي ودمتم

[عوض صقير]

والله ياجماعه


فى اى تطعيم شغال


والناس بسبب الاشاعات دى ابو يطعموا اولادم


وقالو ليهم انحنا فى مراكزنا خلينا التجوال وبرضو مافى اى زول مشى عليهم


ودى اشاعات الحمد لله
لزعزعه الامن البلد براها جايطه هنا وفى الخرطوم

ودى اكيده


ودمتم،،


مجهود مقدر منكم والله , جزاكم الله خير

[taboo]

غايتو يا كبك الكلام دا لو صاح تبقي نهايه ود مدني جد والله

[خالدعمرحسين]

حفظ الله تعالى اهلنا فى مدنى وأنا عايز اوضح شى الى واحد من اخوان قال كبو الفيروس فى موى (أزيار) على فكره الفيروس الايدز بموت سريع فى وسط الماء وما بعيش كتير لكن بعد طعن الانسان الفيروس ممكن نقول من شهر الى 3 شهور بظهر فى التحاليل والى 6 شهور بتظهر الاعراض لان أذا كانت بالحقن أنتقال مرض الايدز سريع .


ولهذا نقول ربنا يحفظ اهلنا وأطفال الصغار ومافى اى حاجه اسمها اشاعات فى يعنى فى هذه الممأرسات الغير صحيحه والبلد مافى مسؤل عن الجارى فى البلد وأنا متفق مع كلام واحد من الاخوان الدوريات من ماتصبح الى مغيب الشمس لان فى هذه الفتره الناس كلها فى الشارع وتقبض على هولاء المجرميين ونحن من وراء الاهل فى مدنى وربنا يحفظ الناس من كل مكروه

[ناصر عمر دبيب]

وين ياكبك مع العيد

[مدناوية]

حسبي الله ونعم الوكيل

[ابوالنور]

وما زال الامن مستتب من ناحية الحمي النزفيه واليوم الخامس للعيد وكل سنة وانتو مضحين وضابحين قدام بيتكم زي ما قال اخونا حمتو
عيد من غير ضحية صلاة وباقي الايام عادية شربوت بلا شية عيد سعيد وطعمية
خلوه التطعيم داك فات شوفولينا الضحية دي ممكن يعدوها لينا ولا كيف واحد جيعان

[ابوجود]

حسبنا الله ونعم الوكيل

[محمد السر احمد]

يا اخوانا ماف دخان بدون نار
والله يستر

[البرنس]

لك الله يا مدني
حسبي الله ونعم الوكيل