المساعد الشخصي الرقمي

مشاهدة النسخة كاملة : جنيات النفاج ... بصح اغتربوا


عثمان جلالة
11-12-2007, 05:13 AM
الجنيات ... والبنيات .. فوق ضهر حلتنا ... سلام وشوق ... وحاجات تانيه ... حاميانا الدخله والمرقه ... ما لو نفاجنا ده ... يصوصي . .. يا كافي البلا لا فيه صوت دلوكه ... ولا عرضه جنيات .. ولا قعدته كبار الحله في راكوبه ماهله ...يشربو في جبنتهم ولا سمايه ... يعقدن فيها حبوباتنا .. يضربن في الشتم .. الحاصل شنو ... قالوا في البندر الشباب عنوان حلتهم ونحن الحمد لله حلتنا دي كانت عامره ... لكن بالله أسي تمشيها زقاق زقاق زول يرد ليك السلام مافي ... بصح جنياتنا ديل اغتربوا وبناتنا عرسوهن وجدودنا وحبوباتنا مشو الحج ؟؟؟؟؟ أها بدور أسعلكم منهم واحد واحد ... ما لكم قاطعننا !!!!!
الجنى بورتبيل .. بازي ...أبو النور ... التيمان .. ود العيكوره ... ود البشير .. باسطه .. الليبي .. النور .. شبارقه ... هشام ... ناصر .. أبو مازن .. مرتضى .. صابر .. أدمون .. دعوب .. رضا ... ود ام تريبات ...ود الريح .. أبو علا .. أبو رانيه ... البنيات .. أمنية .. فدوى .. سمر .. مرام ... معزه ... غيداء .. زيزي .. حبيبة مدني ... نازك .. نور .. مدنيه وناسنا الكبار ... المحجوب .. عبد المنعم ود الطاهر ..صالح .. ود الماحي ودالمطامير ... (العمد) واللسته والله كبيره تب ... والشوق بحر .... والعيد جاي ... في زول بعيد برا بطن حلتو ... وعليكم الله الجاي والغاشي يذكرنا كان نسينا حبيب من الحبان ... وودعتكم الله
بنت الرفاعي
11-12-2007, 10:26 AM
وييييين ياأخينا قااااااااااعدة، وفاقداهم زيك كدة وبتاوق كل مرة لكن أهو الحال في حالو غايتو البركة في الموجودين.
وبارك الله فيك عالسؤال عن الجميع وماقصرت تب ومانفقدك في شينة ولانفقدهم آآآآآآمين .:)
عثمان جلالة
11-12-2007, 08:54 PM
وييييين ياأخينا قااااااااااعدة، وفاقداهم زيك كدة وبتاوق كل مرة لكن أهو الحال في حالو غايتو البركة في الموجودين.
وبارك الله فيك عالسؤال عن الجميع وماقصرت تب ومانفقدك في شينة ولانفقدهم آآآآآآمين .:)

مرام الرائعة ...كميات كده من التحيات ... جينا للعيد ولقينا الحله فاضيه ... يعني خروفنا ده ... نرجع بيهو لا شنو ؟؟؟ مع إنو خالي من حمى الوادي المتصدع :p .. البركه فيك وفي الباقين نتمنى نشوفهم ... عموما ... كل سنة وانت طيبة يا مرام في الأيام المباركه دي ... ويعود عليك بالخير والعافية ... وتحقيق كل الاماني ... بركة من صلى وقال يا الله :D
منتهى
11-12-2007, 09:58 PM
والله يا اخوى عثمان كنت زمان ما بقوم من الكمبيوتر باقى لى بحب الونسه وشقلتى كلهابطلتها بس هسى شايفا الدار بقت خلا وزول اقول ليك الله اجيرك مافى حتى البترسل ليه رساله خاصه ارد ليك بعد تنسى الموضوع كان شنو
شكلها كانت لمممممممى واتفرتقت
عثمان جلالة
11-12-2007, 11:17 PM
والله يا اخوى عثمان كنت زمان ما بقوم من الكمبيوتر باقى لى بحب الونسه وشقلتى كلهابطلتها بس هسى شايفا الدار بقت خلا وزول اقول ليك الله اجيرك مافى حتى البترسل ليه رساله خاصه ارد ليك بعد تنسى الموضوع كان شنو
شكلها كانت لمممممممى واتفرتقت

العزيزه ... منتهى .. العيد مبارك عليك ... وعقبال تحقيق الأماني .. ان شاء الله الدار منكم ما تخلا ... وحلتنا دي تكون على الدوام رويانه بى حسكم ومشاركاتكم ... بس تعرفي الدنيا مشاغل .. وقالوا جد لأخوك العذر ... بس أهم حاجه .. يكونوا طيبين ... والله يديك العافية يا منتهي ويعمر دارك في الدنيا والىخره ... بس خليك قريبه ....:p
بنت الرفاعي
12-12-2007, 12:27 AM
خالي من الحمى؟؟؟!! كدي أرفعو لي كم كوم لحمة أضبط بيهم شية جمر، بس ماتكون نسيت الشطة؟ وأعزم معاك ناس المنتدى كلهم.:)

وكل سنة وكل أمانيك محققة ونلاقيكم بخير إنشاءالله.
عثمان جلالة
12-12-2007, 02:45 AM
خالي من الحمى؟؟؟!! كدي أرفعو لي كم كوم لحمة أضبط بيهم شية جمر، بس ماتكون نسيت الشطة؟ وأعزم معاك ناس المنتدى كلهم.:)

وكل سنة وكل أمانيك محققة ونلاقيكم بخير إنشاءالله.

هس هس أسكتي يا مرام ... ما تكوركي بالشيه أسي بجوك ناس هشام ودعوب ود البشير وباسطه طايرين .... وعليك الله حاولي أشويها بدون ريحه :D عشان نشبع تب والرهيفه التنقد ... وانت بألف خير
مختار بازى
12-12-2007, 04:00 AM
ولدنا والله ليك شوق كمياااااااااااااااااااااااااات لكن والله العظيم في الفترة الفاتت دي أخوك اتملي برامج للطيش....

من الحادث مرورا بقدوم ست الحبايب وأخيرا فكرة العيد في السودان باقي ليك اخوك ماشي يتم اكل السمك مع استاذ صلاح والبقية علي فكرة انا نازل السودان بكرة ان شاء الله اي وصية اي حاجــــــــــــــــة اي سلام لاي زول في اي مكان يوصل باذن الواحد الاحد الاحــــــــــــــــــــد...

اخوك مختـ بازي ـــــــــــار
بنت الرفاعي
12-12-2007, 04:56 AM
تصل بالسلامة إنشاءالله يامختار.
عثمان جلالة
12-12-2007, 05:08 AM
:D
ولدنا والله ليك شوق كمياااااااااااااااااااااااااات لكن والله العظيم في الفترة الفاتت دي أخوك اتملي برامج للطيش....

من الحادث مرورا بقدوم ست الحبايب وأخيرا فكرة العيد في السودان باقي ليك اخوك ماشي يتم اكل السمك مع استاذ صلاح والبقية علي فكرة انا نازل السودان بكرة ان شاء الله اي وصية اي حاجــــــــــــــــة اي سلام لاي زول في اي مكان يوصل باذن الواحد الاحد الاحــــــــــــــــــــد...

اخوك مختـ بازي ـــــــــــار

الحبيب بازي ... شوق فايت الحد ... شايفك في العام تكورك ... السلام ده ما داير تردوا :p والله دي مفاجأه يا بخت السودان بيك ... وسلم لينا على العقب ... وحمدا لله على سلامة ست الحبايب وقول ليها جلالة قال بعد وقعتك دي .... ضروري تشوف ليك عروس ... لأنو حوداثك كترت ... قبل ما تبقى تشليح ... بريه يا مختار ود بازي .. بريه:D:D
moh_alnour
12-12-2007, 03:31 PM
والله يا نجمنا ما قلت إلا الحق
المنتدى اليومين دي حالتو تأسف
zukibush
13-12-2007, 01:54 AM
الجنيات ... والبنيات .. فوق ضهر حلتنا ... سلام وشوق ... وحاجات تانيه ... حاميانا الدخله والمرقه ... ما لو نفاجنا ده ... يصوصي . .. يا كافي البلا لا فيه صوت دلوكه ... ولا عرضه جنيات .. ولا قعدته كبار الحله في راكوبه ماهله ...يشربو في جبنتهم ولا سمايه ... يعقدن فيها حبوباتنا .. يضربن في الشتم .. الحاصل شنو ... قالوا في البندر الشباب عنوان حلتهم ونحن الحمد لله حلتنا دي كانت عامره ... لكن بالله أسي تمشيها زقاق زقاق زول يرد ليك السلام مافي ... بصح جنياتنا ديل اغتربوا وبناتنا عرسوهن وجدودنا وحبوباتنا مشو الحج ؟؟؟؟؟ أها بدور أسعلكم منهم واحد واحد ... ما لكم قاطعننا !!!!!
الجنى بورتبيل .. بازي ...أبو النور ... التيمان .. ود العيكوره ... ود البشير .. باسطه .. الليبي .. النور .. شبارقه ... هشام ... ناصر .. أبو مازن .. مرتضى .. صابر .. أدمون .. دعوب .. رضا ... ود ام تريبات ...ود الريح .. أبو علا .. أبو رانيه ... البنيات .. أمنية .. فدوى .. سمر .. مرام ... معزه ... غيداء .. زيزي .. حبيبة مدني ... نازك .. نور .. مدنيه وناسنا الكبار ... المحجوب .. عبد المنعم ود الطاهر ..صالح .. ود الماحي ودالمطامير ... (العمد) واللسته والله كبيره تب ... والشوق بحر .... والعيد جاي ... في زول بعيد برا بطن حلتو ... وعليكم الله الجاي والغاشي يذكرنا كان نسينا حبيب من الحبان ... وودعتكم الله

اخوى الغالي عثمان
لك التحايا والاجلال اشكرك على سؤالك عنا والله مابتقصر
والله المشغوليات وتجهيزات العيد ناس فحم وسكن سكاكين وتوديع الوالد العزيز للأداء مناسك الحج لربنا يردو لينا بالسلامة وعقبالنا كلنا يارب .
وانحنا معاك على طول عشت يا باشا
التحايا
ود ام تريبات
13-12-2007, 06:34 AM
الجنيات ... والبنيات .. فوق ضهر حلتنا ... سلام وشوق ... وحاجات تانيه ... حاميانا الدخله والمرقه ... ما لو نفاجنا ده ... يصوصي . .. يا كافي البلا لا فيه صوت دلوكه ... ولا عرضه جنيات .. ولا قعدته كبار الحله في راكوبه ماهله ...يشربو في جبنتهم ولا سمايه ... يعقدن فيها حبوباتنا .. يضربن في الشتم .. الحاصل شنو ... قالوا في البندر الشباب عنوان حلتهم ونحن الحمد لله حلتنا دي كانت عامره ... لكن بالله أسي تمشيها زقاق زقاق زول يرد ليك السلام مافي ... بصح جنياتنا ديل اغتربوا وبناتنا عرسوهن وجدودنا وحبوباتنا مشو الحج ؟؟؟؟؟ أها بدور أسعلكم منهم واحد واحد ... ما لكم قاطعننا !!!!!
الجنى بورتبيل .. بازي ...أبو النور ... التيمان .. ود العيكوره ... ود البشير .. باسطه .. الليبي .. النور .. شبارقه ... هشام ... ناصر .. أبو مازن .. مرتضى .. صابر .. أدمون .. دعوب .. رضا ... ود ام تريبات ...ود الريح .. أبو علا .. أبو رانيه ... البنيات .. أمنية .. فدوى .. سمر .. مرام ... معزه ... غيداء .. زيزي .. حبيبة مدني ... نازك .. نور .. مدنيه وناسنا الكبار ... المحجوب .. عبد المنعم ود الطاهر ..صالح .. ود الماحي ودالمطامير ... (العمد) واللسته والله كبيره تب ... والشوق بحر .... والعيد جاي ... في زول بعيد برا بطن حلتو ... وعليكم الله الجاي والغاشي يذكرنا كان نسينا حبيب من الحبان ... وودعتكم الله


قاااااااااااااااااااعدين ياابو البنية لكن انت يابوي بتشوفنا تاني .... مالك بينا الجرورة في دكان النفاج خليتها ...

موووووووووووووووووووووووووووووووزة
قالوا في المثل:
إن مال الشدر مابكسرن فراعو والزول إن قال راسي موجوع بربطولو كراعو ؟؟؟
حبيبة ودمدني
13-12-2007, 08:23 PM
هوووووووووووووووووووووووووووووي


ياجماعه حبيبة وصلت

نوم تاني مافي
عثمان جلالة
14-12-2007, 09:33 PM
والله يا نجمنا ما قلت إلا الحق
المنتدى اليومين دي حالتو تأسف

محمد النور ... مرحب بيك وبى ناس جزيرة الفيل ... وحمدلله على سلامة ود اللمين ... أدخل لى جوا ... عليك الله يا مرام ... أديهو شوية أم فتفت خاليه من الحمى النزفيه ... أها نديك الشربوت أسي ولا بعد الشيه؟؟؟؟:D
عثمان جلالة
14-12-2007, 09:36 PM
اخوى الغالي عثمان
لك التحايا والاجلال اشكرك على سؤالك عنا والله مابتقصر
والله المشغوليات وتجهيزات العيد ناس فحم وسكن سكاكين وتوديع الوالد العزيز للأداء مناسك الحج لربنا يردو لينا بالسلامة وعقبالنا كلنا يارب .
وانحنا معاك على طول عشت يا باشا
التحايا

نازك الملائكة ... ان شاء الله الوالد ربنا يتقبل حجته ..وجميع المسلمين ويرجعوا سالم .. وغانم بمغفرة ربنا ورحمته آآآمين ... وعليك الله جيبي لينا معاك سكين ولا اتنين .. وأدخلي على مرام ومنتهى في المطبخ جهزوا الخروف ده ..:p
عثمان جلالة
14-12-2007, 09:40 PM
قاااااااااااااااااااعدين ياابو البنية لكن انت يابوي بتشوفنا تاني .... مالك بينا الجرورة في دكان النفاج خليتها ...

موووووووووووووووووووووووووووووووزة
قالوا في المثل:
إن مال الشدر مابكسرن فراعو والزول إن قال راسي موجوع بربطولو كراعو ؟؟؟

عريسنا النفض ... كيسنا ... عليك الله ظبط لينا الشربوت ده بمواصفات لكودديه :p

موووووووووووووزه + برتكانه ... اها رايك شنو

والله اليومين ديل محتاج للدين شديد .... ما عندكم خرفان تربية النفاج ... ولا بالعدم عنبلوقات .. دايرين نضحي:D
عثمان جلالة
14-12-2007, 09:47 PM
:D
هوووووووووووووووووووووووووووووي


ياجماعه حبيبة وصلت

نوم تاني مافي

أهلا حبابك يا حبيبة ... أدخلى لى جوه ... نوم شنو يا بت امي ... مع شربوتنا ده بس روتانا سينما .... مش حتقدر تغمض عينيك :D
zukibush
14-12-2007, 11:30 PM
اهها يا خواتى تعالوا جاى
مرام نظفي الكرشه دى منتهى انت الكمونية اها يا رجال المرارة عوزنها بعتى والا من غير عتى ونفختوا الفشفاش
العمدة وييييين الخراف دى ما عاوزة تكسير عثمان دى ما ريقوا نشف خليهو يرتاح شوية ضابح كم خروف وين الاولاد ديل بيختفوا فى الشية مش امشوا جبوهم من الالعاب
عثمان جلالة
15-12-2007, 11:18 PM
اهها يا خواتى تعالوا جاى
مرام نظفي الكرشه دى منتهى انت الكمونية اها يا رجال المرارة عوزنها بعتى والا من غير عتى ونفختوا الفشفاش
العمدة وييييين الخراف دى ما عاوزة تكسير عثمان دى ما ريقوا نشف خليهو يرتاح شوية ضابح كم خروف وين الاولاد ديل بيختفوا فى الشية مش امشوا جبوهم من الالعاب


ههههههههههه ... قصدك ناس هشام وفدوى وودالبشير ... وبقية الشله ... أسي عليك الله الناس في شنو وهم في شنو ... اجري يا ولد قول ليهم البيت محروس وستو تكوس ... نحن مضيوفين .. تعالوا رتبوا الصيوان والكراسي .. عندنا مفجأه في العيد ده ... الله يضب الشينة
بنت الرفاعي
15-12-2007, 11:48 PM
نازك أنا علي شية الجمر ، الكرشة نضفيها إنتي.
ودجلالة اخوي الشية لقيته كيف ؟ ماسألت من الزيادة الظاهر ماعجبتك.:D
عثمان جلالة
16-12-2007, 03:05 AM
نازك أنا علي شية الجمر ، الكرشة نضفيها إنتي.
ودجلالة اخوي الشية لقيته كيف ؟ ماسألت من الزيادة الظاهر ماعجبتك.:D

لسه ما تخافي نحن بنعمل في عملية إحماء بس قبل المباراه ... لسه .. دعوب ما جا وهشام ... غايتو شيلي شيلتك وكتري الحاجات بس الجماعة ما وصولو لسه:eek: