المساعد الشخصي الرقمي

مشاهدة النسخة كاملة : ما احلى.. ساعات ..اللقاء***



نزار حسن محمد
15-12-2007, 11:32 PM
ما احلى ساعات اللقاء فى الشاطى قرب الملتقى

ماشاءالله وتبارك الله وعينى بارده وعين الحسود فيها عود ..اليومين ديل اعضاء منتدانا الحبيب يتجمعون بدولة الامارات العربيه المتحده ..انيس التوم ،،عزيزعيسى واسرته ،عمر غلام الله واسرته ،
* مشهد اول ..
صالة مطار دبى تستقبل الوجيه انيس التوم قادما من كوريا الجنوبيه ويمكث لمدة تسعه ساعات ويغادر الى مطار الخرطوم ومنها لست المدائن ..
مشهد ثانى ..
صالة مطار دبى الوجيه عزيز عيسى واسرته يصل مساء الخميس ويتوجه لمدينة ابوظبى ثم يعود ظهر السبت متوجها الى مطار الخرطوم ومنها الى ست المدائن بعد ان التقى بعمنا ابونبيل وعبدالمنعيم زول فرده وتحدث مع ود المطامير وابوسفروق وسوف يعود عبر مطار دبى يوم 27/12/2007 متوجها الى امريكا ...
مشهد ثالث ..
الطريق البرى الرياض ابوظبى تتوقف سيارة الوجيه الاستاذ عمر غلام الله امام اول كبينة هاتف ويتصل بى معلنا عن وصله الى امارة ابوظبى ومعه الاسره الكريمه ويدعو جميع اعضاء منتدى ودمدنى بالامارات لحضور زواج قريبه يوم الاثنين بفندق الشيرتون ابوظبى
وسيكون معنا لحين عودة الوجيه عزيز عيسى لكى نلتقى به بمطار دبى ...

مشهد رابع ..
ود الصول ..ود الطاهر ..ابوزيد ..ابورجاء ..ابو المهتدى ..ابو النور ..التيمان ..كبك ..
ود حمدتو ..ابو نبيل ..معتز حمدتو ...ايهاب العريس ..عزيز عيسى ..انيس التوم ..عوض صقير ..هذه الكوكبه تتجمع الان بست المدائن ودمدنى ..

مشاءالله وتبارك الله وعينى بارده وعقبال ما نتجمع فى الحرام المكى ...
والشمارات ..اصبرو عليها شويه شويه و بجيكم برواقه ...

معتز الريح
15-12-2007, 11:49 PM
الحبيب أبوالنيز ..
حاسدنهم وتمنينا أن نكون معهم ..
ولمة إن شاء الله في مدني ..

رضا حسن محمد
15-12-2007, 11:55 PM
متين يا الله لى حبيب يعود
اقيم ليالى بالكمان والعود

Madanawi
16-12-2007, 12:59 AM
العزيز ود حسن .. الله يبشرك بالخير
نقول ماشاء الله .. وربنا يحفظكم يا ابناء مدني
وانتم تلتفون حول نسّام ست المدائن رائح أو غادي
ربنا يديم اللمات .. في الخير دائما
وكل عام والجميع .. بخير،،،ً

نزار حسن محمد
17-12-2007, 12:44 AM
كل عام والجميـــــــــــــــــــع بخير ..
الى الاخوه اعضاء المنتدى بامارة ابوظبى
يدعوكم اليوم الاستاذ عمر غلام الله 114
لمشاركتهم الافراح بمناسبة زواج احد أقرباء
بفندق الشيرتون ابوظبى ..
وكل العام وانتو طيبين طيبين،،

محمد السر احمد
17-12-2007, 10:48 PM
كل سنة و اعضاء المنتدي بالف خير
ومدني الله يخليها لينا
ةانشاء الله دائما متلمين في السمح

zoolfrda
17-12-2007, 11:01 PM
كل عام والجميـــــــــــــــــــع بخير ..
الى الاخوه اعضاء المنتدى بامارة ابوظبى
يدعوكم اليوم الاستاذ عمر غلام الله 114
لمشاركتهم الافراح بمناسبة زواج احد أقرباء
بفندق الشيرتون ابوظبى ..
وكل العام وانتو طيبين طيبين،،

وتم اللقاء يا نزار مع الاستاذ الفاضل 114 وسط أجوار احتفالية جميلة وقد كانت تغمرني سعادة تضاهي سعادة العريس بل تفوقها سعادة حينما تقابلت مع الاخ عمر حسن غلام الله لأول مرة واستمعتنا سوية بروعة المناسبة

أبوبكرحامد
18-12-2007, 01:25 AM
كل سنة والجميع بألف خير ، ومتجمعين فى الحرم بإذنه تعالى.

حبيبة ودمدني
18-12-2007, 01:32 AM
نموت مغسه يعني

اهاااااااااااااااا وناس السعوديه العواطليه بي الرياض مافي لمه لينا ولاشنو