تذكــارات على جــدار طاحـــونـــــة

[بورتبيل]

وتمر الايــام وتتبعها السنين
والتذكارات العتيقة تحكي بان الجمع مر من هنا في رحلة البحث عن الذاد ولقمة العيش اليابسة - ليحكي تذكارك هنا عن لحظات ومواقف طريفة وذكريات لها حنين في رحاب طاحونة قديمة او دكان عتيق او ملتقى للتسامر والسمر.
في طاحونتنا هذه نحكي ذكرياتنا وتذكاراتنا ومواقفنا الطريفة ..( اها اسالوني من ام دلدوم تاني) !!!؟؟
ونتسال هل بقيت الطواحين في ذاكرتنا تعبر عن الدقيق والعجين والخمارة -وستات التسالــي والفول المدمس وقفف العيش ومخالي الدقيق.
هنا على المرور الكرام ان يكتبوا تذكاراتهم كما كانوا يكتبونها في ايامٍ ذهبت باحلى عبق الذكريات.

[نزار حسن محمد]

الذكريات صادقه وجميله ..
مريت من هنا ..اخوكم نزار حسن

[باسطه]

بمناسبة ستات الفول والشاي

زكرتونا أيام المدرسة الواحد يغنج ليهو بخمسين جنيه حق الفول ومتين جنيه بتاعت الشاي

نقوم نشرب الشاي بالفول السوداني :D:D:D
سمعتو بيها دي هههههههههههههه

دي واحدة أبو سريعة ولي عودة

[عثمان جلالة]

ألا ليت ما مضى يعود ..... ذكرياتنا ... والماضي .... والإجترار ............. ظاهرة الاسترجاع ... والاستمتاع ... والشجون

[بورتبيل]

الذكريات صادقه وجميله ..
مريت من هنا ..اخوكم نزار حسن

انت جــــــــــاي ولا مــــاشي ولا طرفك من طبعـــــــو شفقان

حبيبنا ابو النيــــــز - وين تذكارك وين خطاباتك اليـــــّا
على العموم كل عام وانت بالف خيـــــــر .. وتذكــار نشيلو في عيون اطفــال بتحاكي القمرة في شاشة الرتينة.
يا رزيــن انت مريت من هنـــا وجيتك منتظرنها تــــــاني

[بورتبيل]

بمناسبة ستات الفول والشاي

زكرتونا أيام المدرسة الواحد يغنج ليهو بخمسين جنيه حق الفول ومتين جنيه بتاعت الشاي

نقوم نشرب الشاي بالفول السوداني :D:D:D
سمعتو بيها دي هههههههههههههه

دي واحدة أبو سريعة ولي عودة


شايف صورتــك فوق خدود كبـــابي الشــاي
وفوق سحاب ابيض بيتقاطر تهــــــاني
ولمة عزاز فوق طرف العصــــــــاري
وحنين مقسم بين ذكريات ايام جميلة
ودنيا شايلة معاها الزمن .... وراحـــلة

تذكار مثير وذكراك لسع باقيــة فينا .. يا ريت تعود لينا تاني وتاني تعود ايامنا الجميلة
لك الود يا باسطــــــــة

[بورتبيل]

ألا ليت ما مضى يعود ..... ذكرياتنا ... والماضي .... والإجترار ............. ظاهرة الاسترجاع ... والاستمتاع ... والشجون

اشيلك في القليب نــوار ..
واحكيلك حكايــة ذكرى من نبض الحروف والايام والتذكار واشياءنا الاولى في تفاصيل الحيـــــاة حيث كانت من غيــر تعقدات .. واغتراب وغربة متعكننة.

عثمان .. الاستمتاع معكم ومنكم نتمنى ان يتسع الوقت لاجترار الذكريات وايام المذاكرة في الفصول العتيقة والشخبطات المترهلة على جدار مدارس شقت صمت الزمن وكانت حيث كان الكيان.
لك المنى وعاطــر التحايـــــــا .. وكل عام والجميع بخيـــر

[نزار حسن محمد]

الحبيب بورتبيل
تانى جابنى الشارع جنب الطاحونه المهجوره
وتعال النسعلك انت صحى ود المطامير الفلاته
لبعوهو ..ام دلدوم ..عشان كده الطاحونه قفلوها
ما عليك ..سنعيد الذكريات ونفتح الطاحونه
بس خلى ود المطامير اقوم من سرير طه القرشى
الله اجازى الشربوت ...
وطال علينا فراقكم والله ياغالين ..

[بورتبيل]

الحبيب بورتبيل
تانى جابنى الشارع جنب الطاحونه المهجوره
وتعال النسعلك انت صحى ود المطامير الفلاته
لبعوهو ..ام دلدوم ..عشان كده الطاحونه قفلوها
ما عليك ..سنعيد الذكريات ونفتح الطاحونه

وطال علينا فراقكم والله ياغالين ..

طال الفراق .. للغاليين .. اصحاب حوش القرقراب .. والجرائد .. واناس كانت تبهرنا كتاباتهم ومشاركاتهم.

ابو النيز الطاحونة فاتحة وسنعيدها سيرتها الاولى .. وانتا معانا ما هامينا شي

[ابوالنور]

الميت مسولب والعجاج يكتح والخيل تجقلب والشكر لي حماد

[بورتبيل]

الميت مسولب والعجاج يكتح والخيل تجقلب والشكر لي حماد

تذكار من حماد شاكر عجاج !!!!!!!

[بورتبيل]

يا حماد اخوي - الى اين يقودك التفكير
شايف صورتك بالطاقية الانصارية
اتمنى ان يكون في الطاقية طاقة لقضية
او قضية لشعب يأكله الشتات وهو لم يزل
فكــــــــــــرة

[المكاشفى]

يابورتو يارائع دائما تنكت درر
اها تزكارى من الخارج مكتوب بالدوايه
المصنوعه من حجر البطاريه (الماركه)
البنمرك بيها شوالات الدقيق وسرقناها
سرقه من داوود بتاع الطاحونه وكتبنا
باصايد الشرقى المقابل شارع بنات المدرسه
أحب بنات الثانوى العام
ياحليل الزمن داك اسى الدقيق بقى بالجرادل
وبالملوه زمان تحلف تقول عندكم تكيه إلا كيلتين........
آه من الزمن ده

[بورتبيل]

مكــــــاشفـــــــي
الماركة .. طريق بنات الثانوي والعام .. الشخبطة على الحيط .. شوالات الدقيق .. داوؤد بتاع الطاحونة .. زمن مترع بالفوضى اللذيذة .. مسكون بالشجن .. تمر عليه نسمات التذكار فيبدو اكثرة إلفة

تغير الحال وتبدل ..طريق الثانوي العام .. بقى في خبر (كانت هنا مدرسة متوسطة) .. الشخبطة اصحبت ضرباً من ضروب التخلف الحضاري .. داوؤد ترك الطاحونة بعد ان تقدم به العمر.. لديه دكان صغير في بيته .. الفوضى اصبحت اكثر ترتيباً .. الشجن غاب عن الدروب.. والإلفة متلاشية في زمن متغير كل صباح.
تحياتي

[عمر البشير]

طاحونتك ده يا بورتييل المرة ده حقت كهرباء ولا لسا بالجاز. :p

[abu_ola]

بورتو الجميل والذكريات المعتقة برحيق الدقيق و عبق الجاز


الحجر المنقور جديد بطحن العيش دُراش عشان كده الليلة ما تمشوا الطحونة بدري

القمح لازم و لابد يطحونه بعد عيش مايو و يطحنو بعدة الصفراء و ممنوع مرور الفتريتة و الدبر

الزريعة إلا تنتظر لي آخر اليوم

الحمير مربوطات في حجر الطاحونة القديم

ووجهاء الحمير مربوطة في ماسورة التبريد حقت البابور

حوض التبريد مليان بالطحالب و بتاع الكارو حالف ما يكب الموية إلا يدوهو القروش

صف البلي قدام الطاحونة حدو شارع العربات

ستات التسالي قاعدات في ضل الطاحونة

الحمام و القُمري و الطيور المدللة حالفة ما يفوت الطاحونة

الوليدات العارفين ببواطن الأمور جابو قلوبيات و شركوا للطير في ضل الضهر


سقف الطاحونة ملي بغبار الدقيق و بيت العنكوت

الحديدون معشش في اوضة البابور يطلع و يدخل زي أم العروس الخاتة ليها لبن في النار

صفيحة الجاز متكية عشان ما تدفق الجاز باقي مقدودة في الكورنة بتاعتها

برميل الجاز لجق أمات طه

الدنيا عيد و الناس صفوف

بكسي ناس الفُراش جاب شوالين عيش و قالو يدقدقو ليهم أول عشان الضيوف البيجو للعزاء

كان الجاز كمل يا بورتو الأ تمشو طاحونة الفريق القدامي

تذكرات الشباب منحوته على جدار الطاحونة بالفحم

التذكارات دي بالذات يا بورتو اخوي بجيك ليها بالمهلة باقي اخوك متخصص في الوقوف على الأطلال و استنطاق الماضي

[abu_ola]

اسف على التكرار يا حلوين بس الشوق سايقنا سوق و بورتو فتح مكامن الدهشة وصب عصير الإنتشاء

[بورتبيل]

ياااااااااه يا ابو عُلا ولله خليتني اقراء كاني بعاين حالياً في المشاهد قدامي..

اولاً انت وينك مختفى كدا ما ظاهر - وتاني كل سنة وانتا طيب وتالتاً لازم لازم ترجع تاني وتوريني التذكارات فيها شنو.

بالمناسبة انا رسلتا ليك في الخاص ذات مرة بس ناديتك وما رديت

[abu_ola]

الحبيب مدثر كل عام و انت بألف خير يا رب

اليومين دي أخوك باقية عليهو غربة و شجن

عشان كدع استروا ما بدر منا

و لكم العتبى حتى ترضى

التذكارات اكيد بجيبها ليك بي ضبانتها

و بالمناسبة الطاحونة كانت حقت خالي و بانيها قادم بيت جدي الكبير

يعني بالمختصر المفيد نحن أولاد الطاحونة

[ابوالنور]

تشخبط وتكتب
تكتب وتلغى
تأكد وترسم
رقة وروعة شخصك
اصل العفة
وطهر السيرة
برتوووووووووو
متشعلقين وكده

[بنت الرفاعي]

غايتو الذكريات البكتبوها في الحيط أو في أي حتة كنت بقرأها لكن لم ولن أجرؤ على خط أي شي ولو حرف لأنو في إعتقادي كدة حأوسخ الحيطة وأشوهها وحيبقى منظرها العام ماجميل، مع إنو مرات بتمنى لو أكتب كلمات لكن نفسي مابتقبل !!!
لكن في ناس بيكتبوا ذكريات جميلة.

الطاحونة وزمن الناس البيوتهم بعيدة من الطاحونة ينتظروا الحمار أو الكارو يودوهو بيهو ويدققوهو، أيام ربما كانت في وقتها هم لمن يذهب وينتظر دوره وجميلة في نفس الوقت، أما الآن (أجري ياولد جيب لينا كيلو دقيق............ من دكان...........!!!)
لكن مازالت هناك طواحين حيث أنه هناك نوع من الدقيق الذي لايوجد إلا بالتدقيق في الطواحين.
و
ياحليل زمان.

[abu_ola]

الحبيب بورتــــــو

جئتك من ذاك الزمن الجميل

و الوجه ما زال فيه بقايا ذرات دقيق عالقة

و الحواجب و رُشرٌش العيون بس تقول الفاضل سعيد في مسرحية عجب سيدو

جئت احكي لك بعض الذكريات

و آخذ منك الكثير

ربما يأتي ذات يوم أحفادنا فيجدون هذه الخربشات على صفحات الإنترنيت

فيعلمون بأننا قد مررنا من هنا ذات مساء ..


التذكارات أنواع و الكتابة فنون

تذكار مكتوب بالفحمة

تذكار مكتوب بالطباشير الأبيض

تذكار مكتوب بطباشير ملون مسروق من المدرسة

تذكار مكتوب بالماركــة

و تذكار مكتوب بالحيمور

تذكار منحوت بمسمار على جدران الطاحونة

تذكارات خاصة مرسومة بقلم حواجب على شباك الطاحونة

احلي التذكارات المكتوبة على حوض البابور ... كنا كلما تتم اضافة طبقة جديدة من الأسمنت للتقلب على التصدعات نجي نحن أولاد الطاحونة و نكتب تذكاراتنا فتظل منحوتة للأبد و هي ماركة عالمية محفوظة الحقوق لأولاد البيت فقط والأصدقاء المقربين من العائلة المالكة

أول ما يلفت نظرك كلمة يا علي المكتوبة على باب الطاحونة بخط جميل و راقي ربما في الأمر أستعانة بغير الله أو تلميحاً للإنتماء الحزبي لتلك المنطقة في إشارة الى السيد / علي الميرغني

و على جانبي الباب مكتوب بخط كبير أنتخبوا مرشحكم فلان أبن فلان الدائرة 73 الرمز القطية

و اذا سرحت النظر في جدران الطاحونة الداخلية تتواثب إليك عدة تذكارات مزدحمة خطها السابقون و العابرون و المنتظرين على رصيف الشوق

للذكري و التاريخ و المانجو و البطيخ و الهلال غلب المريخ

اخوكم فلان بن فلان حلة ديم سعد


اذا دفن جسدي في الرمال

و ضاع اسمي في الخيال

فهذا خطي لا يزال

الفيلسوف الأوحد



إسنافيك بتاريخ كذا لفلان و فلان على يد فلان و علان


اذكرونا إذا القلب حنى

و إذا عثمان حسين غنى

كانت لنا أيام

فلان بن فلان فريق القوز



أحب بنات سادسة
بدون توقيع


الذكري ناقوس يدق في عالم النسيان

واحد من البشر


صورة قلب مضروب بي سهم و مكتوب داخلة حرف M كبير

و تحت مكتوب مكتول هواك أنا من زمان

التوقيع أبو الدُو

و الكثير من الخربشات التي تشبه اللوحات السريالية أو أن شئت الدقة فقل هي عبارة عن شفرات بين المرسل و المستقبل لا يفك طلاسمها إلا خبير


...

ختاما .... اذكروني

أبو عُلا مر من هنا

[نزار حسن محمد]

ورروك ياخوانا الحقو ..اخوكم ود المطامير
بت الفلاته متشعلقه فى رقبة ود المطامير
واختها بى ام دلدوم فى ضهر ود المطامير ..
ياربى اكون قال ليهم..كى ونأ:confused:

[بورتبيل]

ابو علاُ ولله وصفك جميل ومرورك اجمل - واحلى حاجة حكاية اولاد البيت ( الاسرة المالكة) المالكة للطاحونة طبعاً
وذي ما قلتا ( نحنا اولاد الطاحونة)
عدني بان تمر من هنا ثانية وللذكرى عندك شجون وشجون



ورروك ياخوانا الحقو ..اخوكم ود المطامير
بت الفلاته متشعلقه فى رقبة ود المطامير
واختها بى ام دلدوم فى ضهر ود المطامير ..
ياربى اكون قال ليهم..كى ونأ:confused:

نزار حسن وود المطامير - والحجاز ادو عكاز !!

وين انت يا ود المطامير

[نزار حسن محمد]

يا برتو ود المطامير اليومين ديل بقى لجان ثوريه
وقاعد احفظ فى الكتاب الاخضر ..

[ود المطامير]

ورروك ياخوانا الحقو ..اخوكم ود المطامير
بت الفلاته متشعلقه فى رقبة ود المطامير
واختها بى ام دلدوم فى ضهر ود المطامير ..
ياربى اكون قال ليهم..كى ونأ:confused:
هع هع هع هع
أم دلدوم دى سيدها عارفها
ومن يومها تانى ما مشى دقق دقيق فى طاحونه
أنا أبوك يا عمروى ... هع هع هع هع هع هع

[ود المطامير]

ابو علاُ ولله وصفك جميل ومرورك اجمل - واحلى حاجة حكاية اولاد البيت ( الاسرة المالكة) المالكة للطاحونة طبعاً
وذي ما قلتا ( نحنا اولاد الطاحونة)
عدني بان تمر من هنا ثانية وللذكرى عندك شجون وشجون




نزار حسن وود المطامير - والحجاز ادو عكاز !!

وين انت يا ود المطامير
يا ود عمّى
الكاشف أخوى دا ما يدردق
أنا عارفو يعمل بيان جمهورى ويشربكها
ونقعد فى يحلها الشربكها
ود المطامير موجود بس لسه فى طور النقاهه
أصلو طالع من عمليه جراحيه فى كيف تتعلم الصبر
وصبرنا وحاة الله لما الصبر زاتو قال لي يازول هوووووووووى لا بعرفك ولا بتعرفنى
هع هع هع هع هع هع
بس نرجع للطاحونه
يا بورتبيل ... مدثر يا ود عمّى ...
والله الطاحونه بدونك مافى طاحونه ياخى رجعنا للزمن الجميل
ياخى انت عارف إنت سيد الطاحونه ومديرها
وما عليك لو لو بت الفلاته دايره تدى أم دلدوم بنخت ليها ضهر الكاشف أخوى
لا ما ود الطاهر ود الطاهر طلع عيار فنشك .. قصدى ود حسن أبوسفروق
بس الحاجه الحلوه سفروقو سفروق أبوسفروق فى عام 2008 بقى محدود
والله غير العام العام وبيت النسوان ما يقدر يفكو
هع هع هع هع هع هعى هع

[يا سر مكتوم]

اصدق التحايا وعساك والجميع بخير
انا هنا لست بصدد الكلام الجميل ومش حا ابيع موية في حارة السقايين ولا جالب التمر إلى هجر ولاني اكثر ميلا للقراءة وإن كتبت فأحتفظ بما أكتب ولا احب الطماطم في كراس الإملاء بس لو سمحت يا انقاره رسل لي جوالك في رسالة e-mail، على امل التواصل معكم حتى اتمكن من فتح كوة على ايام جميلة تحياتي للجميع

واحد من قبل ايام الطواحين

[بورتبيل]

اصدق التحايا وعساك والجميع بخير
انا هنا لست بصدد الكلام الجميل ومش حا ابيع موية في حارة السقايين ولا جالب التمر إلى هجر ولاني اكثر ميلا للقراءة وإن كتبت فأحتفظ بما أكتب ولا احب الطماطم في كراس الإملاء بس لو سمحت يا انقاره رسل لي جوالك في رسالة e-mail، على امل التواصل معكم حتى اتمكن من فتح كوة على ايام جميلة تحياتي للجميع

واحد من قبل ايام الطواحين
بس كان تدينا امارة - او اشارة او اي حاجة نتذكرك بيها يا ود مكتوم
على كل رسلتا ليك طلبك في رسالة خاصة
على امل التواصل

[المكاشفى]

الحبيب بورتــــــو

جئتك من ذاك الزمن الجميل

و الوجه ما زال فيه بقايا ذرات دقيق عالقة

و الحواجب و رُشرٌش العيون بس تقول الفاضل سعيد في مسرحية عجب سيدو

جئت احكي لك بعض الذكريات

و آخذ منك الكثير

ربما يأتي ذات يوم أحفادنا فيجدون هذه الخربشات على صفحات الإنترنيت

فيعلمون بأننا قد مررنا من هنا ذات مساء ..


التذكارات أنواع و الكتابة فنون

تذكار مكتوب بالفحمة

تذكار مكتوب بالطباشير الأبيض

تذكار مكتوب بطباشير ملون مسروق من المدرسة

تذكار مكتوب بالماركــة

و تذكار مكتوب بالحيمور

تذكار منحوت بمسمار على جدران الطاحونة

تذكارات خاصة مرسومة بقلم حواجب على شباك الطاحونة

احلي التذكارات المكتوبة على حوض البابور ... كنا كلما تتم اضافة طبقة جديدة من الأسمنت للتقلب على التصدعات نجي نحن أولاد الطاحونة و نكتب تذكاراتنا فتظل منحوتة للأبد و هي ماركة عالمية محفوظة الحقوق لأولاد البيت فقط والأصدقاء المقربين من العائلة المالكة

أول ما يلفت نظرك كلمة يا علي المكتوبة على باب الطاحونة بخط جميل و راقي ربما في الأمر أستعانة بغير الله أو تلميحاً للإنتماء الحزبي لتلك المنطقة في إشارة الى السيد / علي الميرغني

و على جانبي الباب مكتوب بخط كبير أنتخبوا مرشحكم فلان أبن فلان الدائرة 73 الرمز القطية

و اذا سرحت النظر في جدران الطاحونة الداخلية تتواثب إليك عدة تذكارات مزدحمة خطها السابقون و العابرون و المنتظرين على رصيف الشوق

للذكري و التاريخ و المانجو و البطيخ و الهلال غلب المريخ

اخوكم فلان بن فلان حلة ديم سعد


اذا دفن جسدي في الرمال

و ضاع اسمي في الخيال

فهذا خطي لا يزال

الفيلسوف الأوحد



إسنافيك بتاريخ كذا لفلان و فلان على يد فلان و علان


اذكرونا إذا القلب حنى

و إذا عثمان حسين غنى

كانت لنا أيام

فلان بن فلان فريق القوز



أحب بنات سادسة
بدون توقيع


الذكري ناقوس يدق في عالم النسيان

واحد من البشر


صورة قلب مضروب بي سهم و مكتوب داخلة حرف M كبير

و تحت مكتوب مكتول هواك أنا من زمان

التوقيع أبو الدُو

و الكثير من الخربشات التي تشبه اللوحات السريالية أو أن شئت الدقة فقل هي عبارة عن شفرات بين المرسل و المستقبل لا يفك طلاسمها إلا خبير


...

ختاما .... اذكروني

أبو عُلا مر من هنا

ابو علا والزمن المريح
حبيبنا الشوق فاض بينا وحمدا لله
على السلامه وكل سنه وانت طيب
وحتما اياك ابو علا اذا وصف اكفى
ويمين بالله صور حيه وباقيه مابقيت الروح
فى الجسد 0 ويمين بالله مابتتعقب فى وصف.
ربنا يحفظك من كل شر ومن عين بورتو ...
وغيرة ودالمطاميس وعين ابسفروق
وعينى انا..............
وختاما ابقى ماتحرمنا من جميل عباراتك

[ودتابر]

والله يا جماعة الموضوع دا ذكرني حاجات كتييييره .. ورجعني لي سنييييييين بعيدة ونحن طلبة بعطبرة الثانوية .. في السبعينات ... وأسرد ليكم واحده من الذكريات .. بس برؤية عصرية عشان زمن العولمة ..



زمان طردونا من المدرسة ..
ما دفعنا المصاريف
وكانت الدنيا خرييييييييييييييييييييييييييييييييف
والاتبراوي واصل القيف
*** ****
اتلمينا .. واتجمعنا ..
وبي شرف الوطن أقسمنا
اتشاورنا .. واتفقنا
*** ****
في سور الكنيسة يكتب محمد .. وعثمان
وفي ضهر خلوة أحمد رابعة يكتب الشاويش وعبدالرحمن
وفي ضهر نادي الأمل يكتب قاسم .. وسلمان
وفي حوش الزاوية الكبيرة يكتب جمال ومعاهو ودأمان
وأنا وناصر نحوم السوق نكتب في ضهر أي دكان
وباقي الشلة .. كلو واحد يختار ليهو مكان
*** ****

وكانت العبارة (الرسالة) واااااااااااحدة بدون عنوان
في كل موقع ومكان .. نكتب :
ليه يا وطن بتحرمنا زاد العقول ..
ورفعة الشان ..
يسقط .. يسقط .. يسقط السجان

عفواً :

معليش أحبابي .. تداخل الرمز من الحقيقية .. لضرورة الذكري المربوطة بالواقعولكم حببببببببببببببببببببي

[عبدالرحمن مدثر]

بمناسبة العودة

عندى تذكاااااااار

بس لسه محتااااااار

قلت استنى تاكيد العودة الجميلة

لسيد الطاحونة

انا من زمان كنت بريد طاحونة (ودالنمير)

ولدينا معها ذكريات

وتزكاااااااااارات