رداً على شبارقة ............ حيرتونا يالنساوين!!!!!

[مدناوية]

لا حيرناكم ولا شتيييييين
إنتو من الله خلقكم محتارين
الحيرة تختاكم تمشي وين؟؟!!





واقفين قاعدين محتارين
صاحين نايمين محتارين
ماكلين شاربين محتارين
لابسين نضيف ولا وسخانين برضو محتارين
الحيرة تفوتكم تمشي وين؟؟!!





لسناتكم أسن من السكين
كلامكم كتير يوجع الإضنين
بس نسمع فيكم وقاعدين صابرين





تجوا داخلين تجرجروا في الكرعين
طلبات طلبات وطوالي في حالة عايزين دايرين
تكوركوا الكسرو الويكة وين يافطين؟؟؟
تشبعوا وتلفوا السفة ديل أهم إتنين
غايتو عالم فظيعين عجيبين!!!





وكان قالت ليك ناولني قروش يالزين
بدون تفكير ترد (أجيب ليك من وين؟)
وطوالي ماعندكم وفلسانيييييين
والجيب مافيهو ولا قرشييييييييين
حالة أخير منها العرس بالدين ...





الصبر الصبر يا نساوين
وللجنة إن شاء الله داخلين
الله يكون في عونكم والله مساكين
من ناس شبارقة طوالي مظلومين





رفقاً بالقوارير وصوكم يالطيبين
وختاماً ،،،
نساوينكم شيلوهم في رموش العين
ما بتلقوا زيهم وهم ليكم حافظين صاينين
بتلقوهم في السمح والشين
ياهم ما عندكم غيرهم يالزينين
وربنا يهنيكم ويديكم سعادة الدارين









يا أخواني ما تقولوا أمين؟؟؟!!!!

[معتز الريح]

لسناتكم أسن من السكين
كلامكم كتير يوجع الإضنين
بس نسمع فيكم وقاعدين صابرين



اختنا الكريمة ..
كلو ما عندي عليهو اعتراض ..
لكن الفقرة الفوق دي ماااا منطقية ..

[باسطه]

وكان قالت ليك ناولني قروش يالزين
بدون تفكير ترد (أجيب ليك من وين؟)
وطوالي ماعندكم وفلسانيييييين
والجيب مافيهو ولا قرشييييييييين
حالة أخير منها العرس بالدين ...
[/COLOR][/SIZE][/CENTER]



هو غير جنسكم ده البنشف الجيوب منو؟؟؟:mad::mad:
ضربني بكى وسبقني إشتكى
كلام ياحمام




ما بتلقوا زيهم وهم ليكم حافظين صاينين
بتلقوهم في السمح والشين
ياهم ما عندكم غيرهم يالزينين
وربنا يهنيكم ويديكم سعادة الدارين[/CENTER]









يا أخواني ما تقولوا أمين؟؟؟!!!!



آآآآآآآآآآآآآآآآآآآمين

[بنت الرفاعي]

شفتي الكلام ده كيف يامدناوية؟؟!!!
معتز الريح معترض!!:confused::eek:

[Madanawi]

الصبر الصبر يا نساوين



جربوا الصبر مرة بس!!



وللجنة إن شاء الله داخلين




من أطاعة زوجها دخلت الجنة




الله يكون في عونكم والله مساكين




آمييييييييييييييييييييين!!
بس ما .. مساكييييييييييييييين!!

[مدناوية]

اختنا الكريمة ..

كلو ما عندي عليهو اعتراض ..

لكن الفقرة الفوق دي ماااا منطقية ..





العزيز ،،،، معتز الريح

الكلمات حلمنتيشية ،،،
يعني من باب الهظار والمداعبة وليس أكثر



مافي داعي للزعل ،،، لأنو الموضوع واضح إنو هزلي وما جادي

ولا إنته رأيك شنو؟؟؟؟




لك العتبى حتى ترضى ياسيدي الفاضل

[مدناوية]

هو غير جنسكم ده البنشف الجيوب منو؟؟؟:mad::mad:
ضربني بكى وسبقني إشتكى

كلام ياحمام






آآآآآآآآآآآآآآآآآآآمين





دا حال الدنيا يا باسطة
من هسي خليك عارف
بعد تعرس إن شاء الله ،،،، نشاف جيوب شديد

[عثمان جلالة]

ههههههههههه والله يا مدناوية قصيده جميله ومعبره ... لكن التقول قالتها قونادليزا رايس .... أصلها شغاله بى ... دقاني وبكى وسبقني اشتكى .... ومن يوم الليله سميناك المدافع عن حقوق الجنس اللطيف بمنتديات ود مدني:p

[مدناوية]

شفتي الكلام ده كيف يامدناوية؟؟!!!
معتز الريح معترض!!:confused::eek:




المعترض نراضيه
والزعلان نعتذر ليه

الدنيا فيها شنو عشان نشيل في قلوبنا ،،، وهي قلوبنا ناقصة؟؟؟
ما كفاية عليها الشايلاهو

[مدناوية]

جربوا الصبر مرة بس!!


[/center]



من أطاعة زوجها دخلت الجنة






آمييييييييييييييييييييين!!
بس ما .. مساكييييييييييييييين!!




إنت شايف إنهم ما مساكين يا مدناوي؟؟؟

خلاص زي ما تحب ،،، ما مساكين ما مساكين ،،، أصلوا ما حنزعلك

أحسن زاتو ،،، أصلاً المسكين سكين

[مدناوية]

ههههههههههه والله يا مدناوية قصيده جميله ومعبره ... لكن التقول قالتها قونادليزا رايس .... أصلها شغاله بى ... دقاني وبكى وسبقني اشتكى .... ومن يوم الليله سميناك المدافع عن حقوق الجنس اللطيف بمنتديات ود مدني:p




القصيدة حلمنتيشية للتغير وكسر الروتين ،،، وطبعاً زي ما قلته فيها حاجات معبرة وحاجات مبالغ فيها

وإلا ما كان سموهو حلمنتيش ،،، ولا شنو يامعتز الريح؟؟؟؟

لكن الظاهر في ناس ما بتتقبل الحاجات دي

[رضا حسن محمد]

بكرةالنقة وبكرة النقة وبكرة النقة

[معتز الريح]

العزيز ،،،، معتز الريح

الكلمات حلمنتيشية ،،،
يعني من باب الهظار والمداعبة وليس أكثر



مافي داعي للزعل ،،، لأنو الموضوع واضح إنو هزلي وما جادي

ولا إنته رأيك شنو؟؟؟؟




لك العتبى حتى ترضى ياسيدي الفاضل



زعل شنو يا مدناوية؟؟ ..
بالعكس البوست ممتع وزكرني أبوياسر ..
وكلامك الفوق كلو منطقي ..

لكن أنت عارفه النقة واللسان السنين حق منو؟؟
عليك الله أمشي قوقل وأكتبي المره النقناقة ..

والموضوع ضحك × ضحك ..

[معتز الريح]

شفتي الكلام ده كيف يامدناوية؟؟!!!
معتز الريح معترض!!:confused::eek:


أختنا العزيزة ..
أنا ما معترض ولا حاجه ..
لكن النقة معروفه تبع منو ..
اللينا لينا .. والعلينا علينا ..

زمان أبوياسر كان عاملني رئيس جمعية الرفق بالقوارير ..
وكمان بعد ما جابو لي بنية .. تمسكت أكتر بالجمعية..

ولا عايزين تشيلوني الصالح العام ؟

[بنت الرفاعي]

الله؟؟!!! يامعتز زي ما إنو في نسوان نقناقات بالطبع في رجال لاحول يمكن يكون أحسن منهم النسوان؟ولا شنو؟؟؟؟!!!!:confused::D

[DANY]

تجوا داخلين تجرجروا في الكرعين
طلبات طلبات وطوالي في حالة عايزين دايرين
تكوركوا الكسرو الويكة وين يافطين؟؟؟
تشبعوا وتلفوا السفة ديل أهم إتنين
غايتو عالم فظيعين عجيبين!!!


الدنيا فيها شنو عشان نشيل في قلوبنا ،،، وهي قلوبنا ناقصة؟؟؟
ما كفاية عليها الشايلاهو

[معتز الريح]

الله؟؟!!! في رجال لاحول يمكن يكون أحسن منهم النسوان؟ولا شنو؟؟؟؟!!!!:confused::D


الدليل ولدي الصغير ..

[بنت الرفاعي]

الحمدلله يا معتز القلت براك.:D:D:D:p:p:p

[مدنيّة]

مدناوية ياختي دي كلللللللللها حيرة !!!

[المكاشفى]

والله قصيده جميله ومعبره
بس ماعصرتى علينا؟؟؟؟

[moh_alnour]

والله يا مدناوية
أنا والكاشف أخوي ( باسطة )
دا شهر ما عندنا فيهو نفقة
عشان كدا ما قاعدين نعد أيامو
بس يا ختي ود الريح دا مالك عصرتيهو لينا كدا
الراجل فرحان بجية البنية ( ليان )
وكمان نحن بنقول ود الريح دا ( قاسم أمين المنتدى )
تقومي تكرهي لينا لعب البلي في المنتدى
أحسن ليك صلحي علاقاتك معاهو
بعدين حيبقى ليك نصير

[مدناوية]

بكرةالنقة وبكرة النقة وبكرة النقة



الله لا يجيب النقة
مع العلم إنو دا شي مستحيل

[مدناوية]

زعل شنو يا مدناوية؟؟ ..

بالعكس البوست ممتع وزكرني أبوياسر ..
وكلامك الفوق كلو منطقي ..


لكن أنت عارفه النقة واللسان السنين حق منو؟؟
عليك الله أمشي قوقل وأكتبي المره النقناقة ..


والموضوع ضحك × ضحك ..




أنا ماقلته
إنو النسوان ما نقناقات
لكن الراجل لما يكون نقناق إلا المرة تطلع تخلي ليهو البلد
ولا شنو؟؟؟؟

[مدناوية]

الدليل ولدي الصغير ..




وشهد شاهد من أهلها

[مدناوية]

مدناوية ياختي دي كلللللللللها حيرة !!!



عليك الله يامدنية ياأختي
دا ما ياهو الحاصل؟؟؟؟!!!

[مدناوية]

والله قصيده جميله ومعبره
بس ماعصرتى علينا؟؟؟؟




لازم يكون في حبة مبالغة عشان تتفاعلو مع القصيدة وتطلعوا الجواكم
ولا مو كدي؟؟؟؟

[مدناوية]

والله يا مدناوية

أنا والكاشف أخوي ( باسطة )
دا شهر ما عندنا فيهو نفقة
عشان كدا ما قاعدين نعد أيامو
بس يا ختي ود الريح دا مالك عصرتيهو لينا كدا
الراجل فرحان بجية البنية ( ليان )
وكمان نحن بنقول ود الريح دا ( قاسم أمين المنتدى )
تقومي تكرهي لينا لعب البلي في المنتدى
أحسن ليك صلحي علاقاتك معاهو

بعدين حيبقى ليك نصير



دا كلام شنو يا mohaalnour ... أخونا معتز الريح هو رئيس جمعية الرفق بالقوارير داخل المنتدى
وخصوصاً بعد ما وصلت ليان بالسلامة ربنا يخليها ليهو


وبعدين علاقتي معاهو مية المية
ولا مو كدي يا ود الريح؟؟؟؟

[سواااح]

مدناوية ..

وقفة جميلة

وترويح عن النفس

الي حد الانتعاش

لك وافر الشكر

دمــــــــــــــــتي ،،

[سواااح]

مدناوية ..

وقفة جميلة

وترويح عن النفس

الي حد الانتعاش

لك وافر الشكر

دمــــــــــــــــتي ،،

[مدناوية]

مدناوية ..

وقفة جميلة

وترويح عن النفس

الي حد الانتعاش

لك وافر الشكر

دمــــــــــــــــتي ،،




سواااح ،،،


ينصر دينك ياعريسنا ،،،



إنته أول واحد ترد بروح رياضية من غير ماتحسسني بالذنب


رغم إنها قصيدة حلمنتيشية



والمقصود منها الترويح عن النفس بدون تعصب



جزاك الله ألف خير ياعريسنا

[شبارقة]

[QUOTE=مدناوية;270273]
لا حيرناكم ولا شتيييييين

[CENTER]وكان قالت ليك ناولني قروش يالزين
بدون تفكير ترد (أجيب ليك من وين؟)
وطوالي ماعندكم وفلسانيييييين
والجيب مافيهو ولا قرشييييييييين
حالة أخير منها العرس بالدين ...


مسكين يا الزين
مرتك يالزين دافراك في الدين
تمرق بي وين؟؟؟
تطلع من شغلك تجي تعبان
تلقى النسوان
ماليات البيت
آخر قعدة وجبنة وشاي وونسة وضحكة
تفتح خشمك برطوش في الراس
ما يحلنّك الا الكرعين
مسكين يا الزين
مسكين يا الزين
مسكين يا الزين


الأخت الرائعة مدناوية
شكراً لهذه الابتسامة التي وزعتيها علينا جزافاً
لك أندى وعاطر التحايا

[مدناوية]

[quote=مدناوية;270273]
لا حيرناكم ولا شتيييييين

[CENTER]وكان قالت ليك ناولني قروش يالزين
بدون تفكير ترد (أجيب ليك من وين؟)
وطوالي ماعندكم وفلسانيييييين
والجيب مافيهو ولا قرشييييييييين
حالة أخير منها العرس بالدين ...


مسكين يا الزين
مرتك يالزين دافراك في الدين
تمرق بي وين؟؟؟
تطلع من شغلك تجي تعبان
تلقى النسوان
ماليات البيت
آخر قعدة وجبنة وشاي وونسة وضحكة
تفتح خشمك برطوش في الراس
ما يحلنّك الا الكرعين
مسكين يا الزين
مسكين يا الزين
مسكين يا الزين


الأخت الرائعة مدناوية
شكراً لهذه الابتسامة التي وزعتيها علينا جزافاً
لك أندى وعاطر التحايا


الرائع شبارقة
إن شاء الله دوم مبتسمين
ولي قدومكم ما صارين
ولي جيوبكم ما قافلين
ونحن بيكم كتير فرحانين
*
*
*
*
*
*
*
*
*
*
*
*
*
*
*
*
*
*
*
*
*
*
*
أخيراً ظهرته