وتمضى ..بنا ..الاعوام

[نزار حسن محمد]

وتمضى الاعوام بنا...

احبتى .. مرت الايام.... كالخيال احلام ..
اتذكر الان دكان ود الصول وكيف كانت جلستنا العصريه
اتذكر الان كافتريا ابراهيم وكيف كانت الصاله تعج بالاعضاء والطلبات
اتذكر الان حوش القرقراب وكيف اخوانا ابورجاء واقف على طوله يستقبل الاحباب
اتذكر الان الهترشات وكيف ود حمدتو يمدنا باخر المستجدات
اتذكر الان رضاحسن والفرنسيه ومدخلات ودعوب
اتذكر الان بوتيك برتبيل للكلام الجميل ..وعكسات ابو علا
اتذكر الان جريدة المنتدى والصحفى القانونى شبارقه
اتذكر الان انتو يالمغتربين وتلك القامه مدنيه
اتذكر قهوة التيمان وعصابة المنتدى
اتذكر الان راكوبة جبنه مع الاخوات امنيه بكرى ودشبرقاويه واخواتها
اتذكر الان الان الان محبوبنا المخلص الكرسى الساخن وذكريات
ومرت الايام ..كا الخيال احلام
احبتى ..
سؤال
من يصنع الذكريات نحن ام هى ..

[سواااح]

ابو النيز وهترشات اخر العام
وتمضي بنا الاعوام
يا اخوي ما تخلينا مستورين
وما تنبش الذي ولي وفات
لكن يكن العشم دائما
ان تكون ذكرانا لدي الاخرين طيبة وجميلة
اما نفوسنا .. فنحن ادري بها
ويكفيني فخرا
ان المنتدي جمعني
باخوات واخوة
لم اجد منهم الا الخير
والحب
وجميل الوصال والود

دمــــــــــــــــت ،،

[بورتبيل]

اتمنى ان تكون ذكرانا لمن بعدنا طيبة ..واتمنى للجميع التوفيق ...واطلب العفو من كل من اخذ في نفسه ....ذات مرة بسبب مشاركة من مشاركاتي ....او بسبب سوء فهم لبعض ما كتبنا او ما كتبه الاصدقاء الاعضاء ......اتمنى ان تدوم اواصر التواصل والإخاء ....اتمنى ان نبدأ عاماً جديد ملئ بما هو مفيد.

ودوماً الى الأمام باذن الله

[معتز الريح]

سؤال
من يصنع الذكريات نحن ام هى ..


الذكريات يصنعها الجمال المتمثل في من ذكرتهم ..
الذين أحببناهم من كتاباتهم وأشتقنا لرؤيتهم ..

[ناصر عمر دبيب]

وتمضى الاعوام بنا...

احبتى .. مرت الايام.... كالخيال احلام ..
اتذكر الان دكان ود الصول وكيف كانت جلستنا العصريه
اتذكر الان كافتريا ابراهيم وكيف كانت الصاله تعج بالاعضاء والطلبات
اتذكر الان حوش القرقراب وكيف اخوانا ابورجاء واقف على طوله يستقبل الاحباب
اتذكر الان الهترشات وكيف ود حمدتو يمدنا باخر المستجدات
اتذكر الان رضاحسن والفرنسيه ومدخلات ودعوب
اتذكر الان بوتيك برتبيل للكلام الجميل ..وعكسات ابو علا
اتذكر الان جريدة المنتدى والصحفى القانونى شبارقه
اتذكر الان انتو يالمغتربين وتلك القامه مدنيه
اتذكر قهوة التيمان وعصابة المنتدى
اتذكر الان راكوبة جبنه مع الاخوات امنيه بكرى ودشبرقاويه واخواتها
اتذكر الان الان الان محبوبنا المخلص الكرسى الساخن وذكريات
ومرت الايام ..كا الخيال احلام
احبتى ..
سؤال
من يصنع الذكريات نحن ام هى ..


اخي نزار كل سنة وانت طيب
اذا فرقتنا الايام تجمعا الزكريات

http://www.600kb.com/uploads/a20648369a.gif (http://www.600kb.com)
باذن الله

[نزار حسن محمد]

الاحباب
سواااح ، بورتبيل ،معتز، ناصر

كتر الف خيراكم على المرور ..
آها ياخوانا
انا نويت ادق صيوان زكريات بى هنا :confused:
تعالووو الشاى موجود والجرايد والشمارات
وماعندنا كشف ملح ساكت :(:o:mad:
اها منتظرنكم وبنتفقدكم ..والما بجينا
بنشيل حسه :D..فى
صيوان الذكريات

[جنيـــــدو]

الأخ نزار

الذكريات تصنع نفسها ...

جئنا إليكم وكنا سعداء بمعرفتكم ...

وكل عام وأنتم والجميع بخير ...

وهكذا تمضي الأيام والشهور والسنين ونسأل الله حسن الخاتمة .

[نزار حسن محمد]

ممرحبتين حبابك جيندو واليوم السعيد الليله جابك
ادخل لى جو الصيوان الجماعه قاعدين هناك ركن
قالو بدوره الدفويه والشمارات الدوقاقه

[Jamal Elmahi]

شفته الصيوان مقجوج ...الاباريق مرصوصه وجمب أي إبريق طوبه من فوق ليها صابونة فنيك ..شفته ود حسن متحزّم ومتلزّم ...قلته اللهم أجعلو خير ...يارب يكون صيوان عرس ما صيوان فراش ...هاآآآجنا دحين دا عرس منو ...قال لي دا ماعرس آآآعمي ...قلته لاحوله ولا قوّه إلا بالله ...آها آآآبوي المات منو ...قال لي لا دا ماصيوان فراش ...عاد صيوان شنو ...ود حسن دا جنّه ولاّ عضاهو كلب قاجّي ليهو صيوان نص الشارع ومتحزّم فوق شنو نان ...دا صيوان الزكريات آآآآعمي ...قلته عاد يعميني ويطرشني آآآولدي ما سمعته لي بي صيوان زكريات ...لكن قطع شك أخير من صيوان الفراش ...سلام عليكم آآآآناس ...

[sambaaa]

يا ود حسن
والله هبشت فينا حتة كده الواحد كان بفتش ليها بدون ما يحس .. ( دي غلوتية مش كده ؟ )
منتدى ود مدني بيتنا الجميل وحوشنا الكبير
دائما أردد هذه الجملة ..
فهو زكريات ودنيا كاملة مليئة بالحياة
هو الصداقات القوية والمتفردة .. وهو منبع الأخوة الحقيقية التي ربطت بين كل أعضائه
هو كل شئ .. كل شئ ..
وهنا أسجل حقيقة .. فقد لعب المنتدى دوراً هاماً جداً في حياتي الخاصة ..:)

[منتهى]

ما تقول انا جيت صيوان الرجال لى شنو يا ود حسن انا بس جيت اسالكم بدوروا شاى والله قهوه

[مرتضى يوسف العركي]

الحبيب نزار حسن
ما بين ما خطيتم وابو سفروق وهذا الاسفير .....حياة ملؤها الصدق والكلمة الطيبة والنية القاصدة ... انها حياة وليس زكريات بما فيها من لقاء وحرارة وتفاعل .... كم نحن مساءلون فيما نكتب وفيما نطرح وفيما ينفع الناس ....ابناء واعضاء هذا المنتدى هم الطليعة وهم البناء للوطن وهم من يحملون التحديات والمعالجات والتغيير نحو الافضل اتمنى ان يكون هذا المنتدى معولا للبناء وان ينعكس خيرا على اهلنا وبلدنا التحية لكم اخي نزار ولكل اعضاء المنتدى فهم وجوه نيرة زكية تستحق كل الود ....

[Madanawi]

كل شئ يرتكز على ماضيه لوضع لبنات حاضره ومستقبله
ما وصل اليه المنتدى من تواصل .. وألق .. ولقاءات متكررة
في مدني وخارجها هو نتاج تلكم التفاعلات الماضية بين
اعضاء ومريدي هذا المنتدى النموذجي.
حين يستلهم كل فرد مننا .. معنى وجوده هاهنا ومدى اسعاده
للاخرين وإثراء فضاءات المنتدى بخبرات شتى ومعارف
مختلفة .. وعلوم دينية ودنيوية .. حينها فقط نجني ثمرة
هذا الملتقى الجامع لكل ابناء ودمدني في المهجر
و في .. ست المدائن،،

فنجان الجبنة .. وين .. يا ابوسفروق؟؟؟

[هيثم عبدالعال]

الماضي وذكرياته جميله ويقيني أن الحاضر والمستقبل أجمل بهذه الكوكبة التي تنتظم المنتدى ،، ووالله لو لم يكن لهذا المنتدى من منفعه سوى التواصل معكم يا من أضفتم لحياتنا بعداً جديداً لكفاه .
أسأل الله أن يبقينا على المحبة والوداد وأن يدوم تواصلنا

[عثمان جلالة]

الرائع نزار ... شكرا لك ... وشكرا يمتد كالنيل في سريانه نحو المصب لكل أعضاء المنتدى الذين ... أضاءوا لنا الطريق ... كانوا معنا قلبا وقالبا في الحزن .. والفرح ... أسعدونا بذكريات نتلهف يوميا في استردادها واجترارها ... ويمضي نهرنا نحو مصبه ... يحمل الشوق والمحبة ... والجديد المنتظر من أبداع بلا حدود راسخا نحو التطوير والانصهار ... دمتم لنا ... ودامت أحلى الذكريات

[نزار حسن محمد]

شفته الصيوان مقجوج ...الاباريق مرصوصه وجمب أي إبريق طوبه من فوق ليها صابونة فنيك ..شفته ود حسن متحزّم ومتلزّم ...قلته اللهم أجعلو خير ...يارب يكون صيوان عرس ما صيوان فراش ...هاآآآجنا دحين دا عرس منو ...قال لي دا ماعرس آآآعمي ...قلته لاحوله ولا قوّه إلا بالله ...آها آآآبوي المات منو ...قال لي لا دا ماصيوان فراش ...عاد صيوان شنو ...ود حسن دا جنّه ولاّ عضاهو كلب قاجّي ليهو صيوان نص الشارع ومتحزّم فوق شنو نان ...دا صيوان الزكريات آآآآعمي ...قلته عاد يعميني ويطرشني آآآولدي ما سمعته لي بي صيوان زكريات ...لكن قطع شك أخير من صيوان الفراش ...سلام عليكم آآآآناس ...

لاحوله ياخوانا ..هوووى انته يالقاعدين كورنا ..لاحوله انتو ما سمعته بالفقير ابو خطوه
هوووى ياشيخنا ..تلحقنا وتفزعنا ..عووووووك يامولانا ..وين بتلحق تانى ..دا مالشيخ
جمال الماحى ابوخطوه لاحاق بعيد ...جاء وطل على صيوانكم وادكم الفاتحه وماشى
ارقدو عافيه وتب ما بتجيكم عوجه ..وكان جاء تانى قولولو..ده صيوان ..راس السنه
كل شى موجود ناس الذكر بصايد وناس الديسكو بصايد ..تلحقنا وتنجدنا ياشيخى
ابوخطوه ...نحن فى انتظار جيتك ..وكت سيرتك اجيبوها ..اهلى كتير بريدوها
حليل العشره ما بتهون على الناس البعزوها ...

[نزار حسن محمد]

يا ود حسن
والله هبشت فينا حتة كده الواحد كان بفتش ليها بدون ما يحس .. ( دي غلوتية مش كده ؟ )
منتدى ود مدني بيتنا الجميل وحوشنا الكبير
دائما أردد هذه الجملة ..
فهو زكريات ودنيا كاملة مليئة بالحياة
هو الصداقات القوية والمتفردة .. وهو منبع الأخوة الحقيقية التي ربطت بين كل أعضائه
هو كل شئ .. كل شئ ..
وهنا أسجل حقيقة .. فقد لعب المنتدى دوراً هاماً جداً في حياتي الخاصة ..:)

ياخوانا هوووى..سامبا جاكم ..شوفو الوجاه.. دى ..((كدى قومو نستقبل ابو الشباب ابوعفان
كل الجمال وهبه لك وجعله السحر فى وجنتيك ..اسمع الزغاريد ياسامبا حتى بناتنا
وقفن من عمل الشاى والقهوه ..وجابن الدلوكه وقعدن اغنان ده اليوم الدايرنه لك ياسامبا
مبروك عليك اجرتقوك وسيروك ياسامبا مبروك عليك .. ادخل يالحبيب ..كل موجود شاى
قهوه ..عصير ..اقاشى..

[نزار حسن محمد]

ما تقول انا جيت صيوان الرجال لى شنو يا ود حسن انا بس جيت اسالكم بدوروا شاى والله قهوه

ابشرى ..انا اخوك انتى ..عارفك اصيله وزايده فى البنوت حلا ..الحمدالله الترامس
تمام التمام شاى وقهوه بزياده ..مافى شى قاصر ...بس امسكى لى العدد بتاع البنوت
فى صيوانكم الجوه ...عشان نفرز بنات المشاط من بنات الكوفير ..لى حفلة راس السنه
كتر الف خيرك يالمبروكه ..ادخلى لى جوه ...

[نزار حسن محمد]

الحبيب نزار حسن
ما بين ما خطيتم وابو سفروق وهذا الاسفير .....حياة ملؤها الصدق والكلمة الطيبة والنية القاصدة ... انها حياة وليس زكريات بما فيها من لقاء وحرارة وتفاعل .... كم نحن مساءلون فيما نكتب وفيما نطرح وفيما ينفع الناس ....ابناء واعضاء هذا المنتدى هم الطليعة وهم البناء للوطن وهم من يحملون التحديات والمعالجات والتغيير نحو الافضل اتمنى ان يكون هذا المنتدى معولا للبناء وان ينعكس خيرا على اهلنا وبلدنا التحية لكم اخي نزار ولكل اعضاء المنتدى فهم وجوه نيرة زكية تستحق كل الود ....

هلا ..والله ..هلا ..بزيارتك صيوانا نور كل زينا ..حبيبنا سعادة المستشار الحلامابى جاكم
ادخل لى جوه جيب كرسى ياولد ..يازول اقعد فوق ..عليكم الله ياخوانا شوفوو الزول ده
متواضع كيف قال بدور اتفن معاكم فى البرش عشان اتونس معاكم واعرف اخبار الفريق
العرس منو والفارق منو واخبار الرياضه شنوا ده ما يهو زولكم الحبيب مرتضى
حبيب الكل ..

[نزار حسن محمد]

كل شئ يرتكز على ماضيه لوضع لبنات حاضره ومستقبله
ما وصل اليه المنتدى من تواصل .. وألق .. ولقاءات متكررة
في مدني وخارجها هو نتاج تلكم التفاعلات الماضية بين
اعضاء ومريدي هذا المنتدى النموذجي.
حين يستلهم كل فرد مننا .. معنى وجوده هاهنا ومدى اسعاده
للاخرين وإثراء فضاءات المنتدى بخبرات شتى ومعارف
مختلفة .. وعلوم دينية ودنيوية .. حينها فقط نجني ثمرة
هذا الملتقى الجامع لكل ابناء ودمدني في المهجر
و في .. ست المدائن،،

فنجان الجبنة .. وين .. يا ابوسفروق؟؟؟


يا ارض احفظى ما عليك ويا بدر اوع تسحرو
معز طه ..جاكم ..انتو ما عارفين الاغنيه ..بتاعة
ناس معزتنا ..مابنريد غيرم رحلو خلونا حليلم
انته قائلين كتبوه فى ود المطامير!! ولا فى ابورجاء!!
والله كلام ..ادخل يالحبيب الجماعه شايف رسالوو
لى جوز كوتشينه ..وبتنا منتهى عامل جبنه بالقرنفل
ما جبنت حبيبك ..ابقى داخل يالحبيب

[نزار حسن محمد]

الماضي وذكرياته جميله ويقيني أن الحاضر والمستقبل أجمل بهذه الكوكبة التي تنتظم المنتدى ،، ووالله لو لم يكن لهذا المنتدى من منفعه سوى التواصل معكم يا من أضفتم لحياتنا بعداً جديداً لكفاه .
أسأل الله أن يبقينا على المحبة والوداد وأن يدوم تواصلنا

ما شاءالله..تبارك الله ..ودقر ياعين ..سعادة المستشار هيثم عبدالعال جاكم ..
الزول الحنين ..الزوق والطافه ..والناس القيافه ...شوف عينى الحبيب هيثم
جاب لكم كيس باسطه 10كيلو ..لكن الله ياستر ..الادمن لو شم ريحة الباسطه
حرم بتلحق امات طه ..فى خمس دقائق..
تعال بجاى يالحبيب اقعد ..ناس الشمارات بهناك وناس الكوتشينه بجاى وناس الونسه
البتنفع الناس بى هنا جم اخوك الحلامابى ..جيب شاى ياجنى

[نزار حسن محمد]

الرائع نزار ... شكرا لك ... وشكرا يمتد كالنيل في سريانه نحو المصب لكل أعضاء المنتدى الذين ... أضاءوا لنا الطريق ... كانوا معنا قلبا وقالبا في الحزن .. والفرح ... أسعدونا بذكريات نتلهف يوميا في استردادها واجترارها ... ويمضي نهرنا نحو مصبه ... يحمل الشوق والمحبة ... والجديد المنتظر من أبداع بلا حدود راسخا نحو التطوير والانصهار ... دمتم لنا ... ودامت أحلى الذكريات

الزول الوسيم فى طبعه دائما هادى ..عثمان جلاله ..بى جلالة قدره جاكم ..قطع كل المشور ده عشان اجيكم واسلم عليكم ..ماهو عشان فنان حساس مرهف ..حبيب الكل ..
ادخل لى جوه يا ابوعفان ..جبنتك كيف ..

[منتهى]

والله صيوان البنات قدر ما قعدت وقعدت وقعدت

وحرست وحرست مافى واحده مدة راسها عشان

كدى خلونى اتاوق بى وراء صيوان الرجال

عشان اعرف اكتر عن اعضاء المنتدى العاشرت

زمنهم والما حالفنى الحظ انى اواكب عهدهم الجميل

ولك اخى نزار ولهم جميعا كل الاحترام والتقدير

وكدى امسك منى سرامس الشاى بالنعناع الاصلى

دى وورونا الفاتنا شنو ؟ ومنو ؟

[عمر سعيد]

الحبيب نزار حسن محمــد


أود بدايةً ... ونحن نســتقبل عاماً جديداً .. أن نســأله تعالى أن يتقبل عملنــا هذا ... وأن يجعل عواقب أمورنا إلى خير ... اللهم اجعل مجتمع مدينتنــا الحبيبــة ( ودمدني ) مجتمعاً مرحوماً ، ولا تجعل فينا ولا معنا ولا منا شقياً ولا محروما ً، يا رب العالمين ... واغفر لنا يا أرحم الراحمين ما خالط ذلك مما لا ترضاه، يا أكرم الأكرمين!

اللهم إنا نسألك يا ذا الجلال والإكرام أن توفقنا لكل ما فية مرضاتك ... وخير مدينتنــا الحبيبــة ( ودمدني ) وأن تختم لنا بخير ... وجُدْ علينا بمَنِّك وامتنانك. اللهم اهدنا ويسر لنا الهدى، يا رب العالمين، يا أكرم الأكرمين، ويا أرحم الراحمين!

[عمر سعيد]

وأقول ثانيــةً أنك وكالعهد بك صاحب مبادرات ... وقد جاءت هذه المرة ليكون " ختامها مســــك " كأحسن ما تكون الخاتمة لهذا العام الذي أتســــــــم بالعطاءات والأنجازات الكبيرة ... وأرجو أن تسمح لي أيها الحبيب في أن أقتبس التعبير الجميل الذي أتحفنا به المتألق دوماً " معتز الريح سنهوري " : " الذكريات يصنعها الجمال المتمثل في من ذكرتهم ..الذين أحببناهم من كتاباتهم وأشتقنا لرؤيتهم

والقادم أجمل وأروع بإذنه تعالى

مع تحياتي ودعواتي المخلصات لشخصكم الحبيب ... ولكل أبنائي وأحبابي بالمنتديات فرداً ... فرداً وكل عام وأنتم بخير

[Isam Hussien H]

نزار حسن الرجل الجميل ، أتذكرك الآن وأنت في باهي طلعتك ببركات تتزين بإبتسامة لا توحي بغير النقاء ،، أستعين بمفردات إبن خالي معتز ( الذكريات يصنعها الجمال المتمثل في من ذكرتهم ..
الذين أحببناهم من كتاباتهم وأشتقنا لرؤيتهم .. )

كل المنى بسنة للمدينة مليانه بكل ما هو أنيق ومتطور ، بدون أمراض بدون هواجس بدون ألم ..

[sambaaa]

ياخوانا هوووى..سامبا جاكم ..شوفو الوجاه.. دى ..((كدى قومو نستقبل ابو الشباب ابوعفان
كل الجمال وهبه لك وجعله السحر فى وجنتيك ..اسمع الزغاريد ياسامبا حتى بناتنا
وقفن من عمل الشاى والقهوه ..وجابن الدلوكه وقعدن اغنان ده اليوم الدايرنه لك ياسامبا
مبروك عليك اجرتقوك وسيروك ياسامبا مبروك عليك .. ادخل يالحبيب ..كل موجود شاى
قهوه ..عصير ..اقاشى..
:) :) :)
يا ود حسن أنا زواجي بكرة إنشاء الله
1/1/2008م
والأن انا بصدد السفر لأرض الخير والطيبة
أرجو دعوااااتكم ،،،.
( دي مفاجأة مش كده ؟ ) .. بمناسبة رأس السنة الميلادية الجديدة .
طبعا الخبر ده حصرياً عبر هذا البوست الجميل

[القيصر]

كل سنه وانتو طيبين

[مدناوية]

:) :) :)
يا ود حسن أنا زواجي بكرة إنشاء الله
1/1/2008م
والأن انا بصدد السفر لأرض الخير والطيبة
أرجو دعوااااتكم ،،،.
( دي مفاجأة مش كده ؟ ) .. بمناسبة رأس السنة الميلادية الجديدة .
طبعا الخبر ده حصرياً عبر هذا البوست الجميل




ألف ألف ألف مبروك يا سامبا
وبيت مال وعيال


وإن شاء الله دايماً صيوانكم عمران بالأفراح يا نزار حسن

وكل سنة وإنتو طيبين وسنة خير وسعادة ومحبة عليكم يارب

[النور محمد يوسف]

وبهذا تزداد نجمتكم تالقا وبريقا في حياتنا ..... تصنعون لنا الذكريات وتخلدونها في دواخلنا اخي نزار ....متميز وستظل الوهج واللمعان في قلبي

وكل عام وانتم بخير

[منتهى]

هووووى يا ود حسن الصيوان انفضى والله شنو اكان فضيتوه قولوا لى عوك انا لسه اتاوق

[رضا حسن محمد]

اخوى البلال
كلامك حلو زى غناك
احبك بنضحك
واحبك عبوس
احبك ترسل لى الفلوس


مبروك يا سامبا العرس والغنية دىهدية منى ( فى المنطقة حديد تقيل اوو دشقا)
البوست فى منتهى الروعة زى روعة منتهى

[منتهى]

اخوى رضا وين اللموزين بتاعك باقى لى عندى مشوار ضرورى

ونيابه عن ود حسن الزاغ وخلى الرجال فى الصيوان براهم انا


برحب بيك وبقول ليك مالك متاخر


وتسلم يا رب

[طلال الصول]

مادام الذكريات جميلة مش مهم نصنعا والا تصنعنا

[نزار حسن محمد]

وأقول ثانيــةً أنك وكالعهد بك صاحب مبادرات ... وقد جاءت هذه المرة ليكون " ختامها مســــك " كأحسن ما تكون الخاتمة لهذا العام الذي أتســــــــم بالعطاءات والأنجازات الكبيرة ... وأرجو أن تسمح لي أيها الحبيب في أن أقتبس التعبير الجميل الذي أتحفنا به المتألق دوماً " معتز الريح سنهوري " : " الذكريات يصنعها الجمال المتمثل في من ذكرتهم ..الذين أحببناهم من كتاباتهم وأشتقنا لرؤيتهم

والقادم أجمل وأروع بإذنه تعالى

مع تحياتي ودعواتي المخلصات لشخصكم الحبيب ... ولكل أبنائي وأحبابي بالمنتديات فرداً ... فرداً وكل عام وأنتم بخير

ابو الكل استاذنا العزيز عمر سعيد النور
ربنا يحفظك ويخلك لنا ....فانت من تعجز الكلمات عن وصفه ..
هووووى يالقعدين قاومووو على حيلكم ابوكم جاء اسلم عليكم
مرحبتين حبابك ابو الوليد ..بى زيارتك صيوانه نور كله زينا..
الشاى والقهوه يابنات عمك عمر قاعد معنا ..

[نزار حسن محمد]

نزار حسن الرجل الجميل ، أتذكرك الآن وأنت في باهي طلعتك ببركات تتزين بإبتسامة لا توحي بغير النقاء ،، أستعين بمفردات إبن خالي معتز ( الذكريات يصنعها الجمال المتمثل في من ذكرتهم ..
الذين أحببناهم من كتاباتهم وأشتقنا لرؤيتهم .. )

كل المنى بسنة للمدينة مليانه بكل ما هو أنيق ومتطور ، بدون أمراض بدون هواجس بدون ألم ..

الرجل القامه ..توصيفا ..ووصفا
الوجيه صاحب الابتسامه العذبه الحنونه عصام ودحسين
الرجل المتواضع ..ادبا وجمالا..
بالله شوف من ما جيت البنات كلهم قعدن اتاوقا بالحيطه
هووووى يابنوت ده ياهو عصام حسين اشهر لاعب
كرة طائره فى السودان ..عرفتنو ..ادخل ياوجيه لى جوه

[نزار حسن محمد]

وبهذا تزداد نجمتكم تالقا وبريقا في حياتنا ..... تصنعون لنا الذكريات وتخلدونها في دواخلنا اخي نزار ....متميز وستظل الوهج واللمعان في قلبي

وكل عام وانتم بخير

يارض احفظى ما عليك ويابدر اوع تسحره
ياخوانا هووووى صلى على الحبيب الاديب
النور محمد يوسف بجلالة قدره جاكم عشان
اسلم عليكم عشان هو بحبكم ..ونحن بنحبه
والله شرفتنا وبى جيتك نورتنا ..
ادخل يا ستاذ لى جوه ..
القهوه يابنات حبابك حبابك يا حبيب..

[نزار حسن محمد]

:) :) :)
يا ود حسن أنا زواجي بكرة إنشاء الله
1/1/2008م
والأن انا بصدد السفر لأرض الخير والطيبة
أرجو دعوااااتكم ،،،.
( دي مفاجأة مش كده ؟ ) .. بمناسبة رأس السنة الميلادية الجديدة .
طبعا الخبر ده حصرياً عبر هذا البوست الجميل

ياحبايب ...
ده اليوم الدايرنه لك ياسامباااا مبروك عليك
ياخوانا
العنده رقم سامبااا بالسودان اكتبه لنا ..
انشاءالله بيت مال وعيال ياغالى

[نزار حسن محمد]

كل سنه وانتو طيبين

الوجيه القيصر
اسم على مسمه...مشاءالله عينى بارده
ادخل ياحبيب على الصيوان بس خليك
بعيد من كبك شايفه بحدر لك ..
انت عملته شنوه ؟؟؟
وعاين هناك بالله البنيه ديك طالع ليها
فى حجرين عشان تشوفك..
ادخل لى جوه ياوجيه بس النظارات تانى
ماتلبسه بالليل..

[نزار حسن محمد]

هووووى يا ود حسن الصيوان انفضى والله شنو اكان فضيتوه قولوا لى عوك انا لسه اتاوق

الغاليه منتهى
وين انفضى نحن يادوب ابتدينا ..
انتظرى شويه اخواتك اسع بجن
كلهم فى الكوفير لكن انت ماشاءالله
عليك حلوه جميله وذيك وين ..
بالله المساير والمشاط بعدك احرم
اصيله يابت بلدى..

[نزار حسن محمد]

اخوى البلال
كلامك حلو زى غناك
احبك بنضحك
واحبك عبوس
احبك ترسل لى الفلوس


مبروك يا سامبا العرس والغنية دىهدية منى ( فى المنطقة حديد تقيل اوو دشقا)
البوست فى منتهى الروعة زى روعة منتهى

اها ياخوانا ..عبد الرضى جانا
هوى يارضا حملتك امانا اروحنا وهوانا
تقف على طولك وتستقبال كل الحبان
لقايت ما اصل السوق وارجع
ما القاك جبت السوارى
الله يسترنا من شبارقه ود دعوب
خليك بشوش ..ذى رشوشه

[نزار حسن محمد]

مادام الذكريات جميلة مش مهم نصنعا والا تصنعنا

طلال الصول ..مرحبتين حبابك ياغالى
كدى تعال ادخل لى جوه كلام الذكريات
جميل بالحيل..
وانت فسر وانا ما بقصر..
حبابك وحباب ابناء الصول الغالين
القهوه يابنات

[ود المطامير]

أى والله بنتذكر
وأنا لحد اليوم بتذكر عربية حبايب قلبى التيمان البتمشى مكعوجه ديك

وبتذكر السفروق كان عابر للقارات وهسى يا حليلو لو داير يعبر إلا يعبوهو بترول فى الجو
هع هع هع هع هع
وراك وراك و بسوى ليك ضغط وسكرى

[zoolfrda]

أى والله بنتذكر
وأنا لحد اليوم بتذكر عربية حبايب قلبى التيمان البتمشى مكعوجه ديك



يا سلاااام يا عروة .. والله كانت عربية لذيذة كيف

هههههه

تصدق قعدت أفتش فيها ... وما قدرت أجيبا تاني ... يكونوا وقفوها زي ما وقفوا الكريسيدا هع هع هع

لكن هاك رابط الموضوع اتصبر بيهو وما زالت المحاولات جارية عشان نلم في عربية التيمان تاني

http://wadmadani.com/vb/showthread.php?t=12935

[نزار حسن محمد]

أى والله بنتذكر
وأنا لحد اليوم بتذكر عربية حبايب قلبى التيمان البتمشى مكعوجه ديك

وبتذكر السفروق كان عابر للقارات وهسى يا حليلو لو داير يعبر إلا يعبوهو بترول فى الجو
هع هع هع هع هع
وراك وراك و بسوى ليك ضغط وسكرى

لا حوله ياخوانا الكتحه فينا شنوا..محمد معنا ماتغشانا
ياهو زاتو ود المطامير بشحمه ولحمه..
جاى كدارى من المطامير عشان عيون حبايبه
عشانكم ياناس الصيوان ..
استعده ساكت ياناس الصيوان
واربطه الاحزمه من شلاقت الزول الحلوه
ود المطامير تعال يابوى بلاك خربانه
ام بناية قش

[نزار حسن محمد]

يا سلاااام يا عروة .. والله كانت عربية لذيذة كيف

هههههه

تصدق قعدت أفتش فيها ... وما قدرت أجيبا تاني ... يكونوا وقفوها زي ما وقفوا الكريسيدا هع هع هع

لكن هاك رابط الموضوع اتصبر بيهو وما زالت المحاولات جارية عشان نلم في عربية التيمان تاني

http://wadmadani.com/vb/showthread.php?t=12935

حباب الرزين ..صاحب الصوت الرزين
حباب حبيب الكل حباب الزول فرده
عريس الموسم ...
زغرتن يابنات ..واعملووو حساب المطره
ماتروح لكم المكياج
الزول جاى افتش على عروس
ادخل لى جوه بس ماتقعد جنب ود المطامير

[طلال الصول]

الحاج نزار الله يسلمك ويبارك فيك وياها المحريه والله واحنا هدا قاعدين ونسمع والله وكمان انا متابع اخباركم وحكاويكم من بدري بس فعلا ايام والله ايام

[نزار حسن محمد]

الحاج نزار الله يسلمك ويبارك فيك وياها المحريه والله واحنا هدا قاعدين ونسمع والله وكمان انا متابع اخباركم وحكاويكم من بدري بس فعلا ايام والله ايام

الوجيه طلال ..
والله القلوب وشواهد ياغالى
والجاى اجمل من الفات
بس ما تغيب وخليك قريب