العزيزة سيادة المدير أسماء محمد الشريف

[خالد أحمد الصول]

تهني أسرة منتدي ودمدني الاخت العزيزة عضو المنتدي أسماء محمد الشريف بإختيارها مديرا للعلاقات العامة و التسويق في إذاعة الرياضية FM104 بمكتب مدني
وقد وعدت الاخوان خالد الصول و صلاح الطاهر و ابوزيد بوليمة كبيرة من لحم الضان
لها مني المني و عقبال المدير الجد جد

[سواااح]

الف مبروك اسماء
والامنيات لك بمزيد من النجاح والتقدم
وان يوفقك الله في حياتك ..
والناس الشايلة هم الوليمة
انشاء تتحول لي وليمة كبسة
عشان ما عزمتزنا معاكم ،،

[معتز الريح]

ألف مبروك ..
ومزيداً من النجاح ..
ومزيداً من التقدم ..

[عثمان جلالة]

الأخت العزيزة أسماء ... مبروك ... واعتبريني مراسلكم في البرنامج بصفحة رياضه من خارج الحدود

[ناصر عمر دبيب]

الف مبروك اسماء محمد شريف
والامنيات لك بمزيد من النجاح والتقدم

[باسطه]

الف مبروك اسماء محمد شريف
والامنيات لك بمزيد من النجاح والتقدم

[مرتضى يوسف العركي]

تستاهل اسماء
تستاهل بت الشريف
انها لمفخرة ان تتبؤا مبدعة مثلها هذاالموقع يقيني بانها ستديره باقتدار التهاني والتبريكات لها وللاخ خالد الصول ولاعضاء المنتدى

[Madanawi]

مليون مبروك للأخت أسماء
مع كل الأماني بالنجاح والتفوق المهني

الشكر لك أيضا أخونا خالد الصول على
التواصل واتاحة الفرصة لنا لنهنئ الأعضاء
في كل خطوة بركة لك .. وللجميع،،

[abomazeen]

ألف مبروك لك أختنا اسماء محمد الشريف
ومزيداً من النجاح ومزيداً من التقدم بغذن الله ...

[ابوزيد محمد نور]

الف مبروك اسماء محمد شريف
والامنيات لك بمزيد من النجاح والتقدم

[صالح ابوشوارب]

الف مبروك اسماء
والامنيات لك بمزيد من النجاح والتقدم
وان يوفقك الله في حياتك

[محمد الشايقي]

الاستاذه اسماء
الف مبروك ومزيد من النجاح
والانطلاق الى فضاءات ارحب
اتمنى لك التوفيق

[المكاشفى]

مليار مبروك الغاليه اسماء
وربنا يقدرك على المسؤوليه
وللامام يارب

[moh_alnour]

يظل شهياً طعم الشوق بهذا الشكل
يظل شهياً أن تشتاق لهذا الحد
ونظل دوماً نتمنى لك كل التوفيق والنجاح
في حياتك
الخاصة والعامة ، العلمية والعملية
وددت لو قدمت التهاني حضوراً بين يديكم
لكني قبلت توسل أناملي لتخط عني تبريكاتي مثنى وثلاث ورباع
ألف ألف ألف مبروك يا سومة

[هيثم عبدالعال]

مليون مبروك للمبدعه أسماء والأمنيات الصادقه بمزيد من الترقي بإذنه تعالى

[GREY MAN]

الف مبروك ومزيدا من التقدم

[شمس الامل]

الف مبروك اسماء
الله يوفقك ويعلي مراتبك كمان وكمان





ودمتم في رعاية الله

[فدوى الحسن]

الف مبروك اسماء محمد شريف

[هشام السماني إبراهيم]

الف مبروك اسماء

الى الامام

[عمر سعيد]

مع صادق الدعوات للمولى الكريم بأن يجعل التوفيق حليفــك .... ودائماً في تقدم ونجاح إن شاء الله ... ودمتِ في حفظ الله ورعايته .

وشكراً ود الصول لهذا التواصل ... وللمتابعة ... والنقل الحي لهذه النجاحات

[عمر البشير]

الف مبروك اختي اسماء
ونتمي لك مزيدا من النجاح والتوفيق
والي الامــــــــــــــــــام.


ودمت بود.

[عزيز عيسى]

التهنئة الخالصة للأخت العزيزة أسماء بمناسبة الوظيفة الجديدة..
سعدت جدا بلقاءك أنت والاخت فدوي الحسن.. والدكتورة أم هاشم..
والأخوان أبوزيد محمد نور.. خالد الصول.. خالد هاشم.. وأولاد هاشم بسلامتهم..
محمد السر.. صلاح ود الطاهر.. عوض صقير.. أنيس التوم..
عماد أبورجاء.. عصام حمدتو.. نبيل حمدتو.. إيهاب حمدتو..
كان اللقاء من أجمل لحظات العمر.. ربنا يجمعنا مرات ومرات أخرى
في ساعات خير..
ولو النزفية إنتهت وبقيتوا على الوليمة
ما تنسوا ترسلوا لينا (ضلعة) نكدها معاكم.. :D

[اسامه حسن مصطفى]

الف..الف مبروك اخت اسماء
ومن البعد ازف لكى تمنياتى بالتوفيق والنجاح ودمتم زخرا للحبيبه
مـــــــــــــــــــــــــــــــــــــــــــــــــ ـدنى

[محمد أحمد الشيخ]

مبروووك وعقبال ما تبقي مديرة الأذاعة كلها

[أسماء الشريف]

تحيه عطره للجميع
وكل ثانيه وانتم طيبين
شكرا علي التهاني والدعوات الجميله وبتمني أكون قدر المسؤليه وعند حسن ظنكم
ومافي زول يزعل العزومه ليكم كلكم أما الناس البره السودان برسل ليهم الضلع في رساله
ربنا يخليكم لي يارب
وياريت تسمعوني في الرياضيه اف ام 104 في برنامج كيف اصبحتو فيه فقره من اعدادي وتقديمي أسمها (لك أسرتي) كل أحد وأربعاء وخميس الساعه 9 صباحا
وعقبال ماتسمعوني في اذاعه ودمدني قريب في برنامج أمسح دموعك وابتسم باذن الله
مشتاقه ليكم وكان نفسي ارد عليكم واحد واحد لكن اتأخرت ولازم ارجع البيت فعزرا
وفي امان الله

[مدنيّة]

كدي الاول يا اسماء قولي لي مريخابية ولا هلالابية
وبعدين نتفاهم;)

[ابراهيم]

كدي الاول يا اسماء قولي لي مريخابية ولا هلالابية
وبعدين نتفاهم;)



الف مبروك يا أسماء وإلى الأمام دوماً
وعليك الله ردي علي اختنا مدنية دي عشان راقدة ليها فوق راي

[moh_alnour]

كدي الاول يا اسماء قولي لي مريخابية ولا هلالابية
وبعدين نتفاهم;)


قايتو هي أضان حمراء

[sambaaa]

الف مبروك اسماء
والامنيات لك بمزيد من النجاح والتقدم
وان يوفقك الله في حياتك ..

[أسماء الشريف]

اعضاء منتدي ودمدني الاحباب
اذيكم انشاءالله تكونوا بخير دائما
بالنسبه للفقره الكلمتكم عنها كان كلفت بيها عشان انشغال الزميله ساره مهدي اللي كانت بتقدم الفقره اصلا،ولكن نسبه لاستقراري في مدني ح تواصل ساره تقديم الفقره لكن ربما تنزل بين فتره وتانيه مواد بي صوتي لاني سجلت حوالي 7 مواد احتياطيه لاني عارفه انو انا مابقدر افارق مدني كتير.
وأكيد ح اتواصل معاكم عبر الرياضيه اف ام 104 ومن خلال برنامج دوري الواعدين اللي كلفني بيه الفنان المرهف محمد ميرغني
والبرنامج في المرحله الاولي خاص بمبدعي ولايه الجزيره واللي بتأهل فيه بيدخل التصفيات النهائيه وبينافس مبدعي الولايات الاخري.
وهو بمر بعده مراحل:
*دوري 16
*دوري ال8
*ودوري ال4
واكيد في جوائز قيمه للفائزين
اللي بيرغب في المشاركه بشارك بعمل مسموع وبعدما يتأهل بشارك بعمل خاص
والمشارك بسجل العمل في شريط أو Cd
البسجل عملوا يتصل بالرقم 0915072008 عشان يسلمني العمل.
وانا واثقه انو الجزيره منبع الابداع فربنا يقدرنا علي التحكم في فيض المشاركات
تقبلوا خالص الامنيات بالتوفيق
مع السلامه

[زيزي]

الف مبروك اسماء محمد شريف
والامنيات لك بمزيد من النجاح والتقدم

[أسماء الشريف]

حاضر ياابراهيم ح ارد
والله يامدنيه أنا عندي قصه طريفه مع المريخ والهلال
اسرتي مريخاب كلهم ماعدا أمي فلما الهلال يتغلب مع هتافاتنا وفرحنا واحتفالنا بتكون وحيده وحزينه ومنظرها بيكون (جبان) علي حد قول شبابا الايام دي
فأنا عشان مربياني حبوبتي حنينه حبتين فمن الصف السابع الابتدائي قلبتك وبقيت هلالابيه ومازلت.والحكايه دي مرات كده بيدخلني في حاله انفصام في الشخصيه الرياضيه الداخليه عشان كده بطلت احضر مباريات هلال مريخ وبقيت مركزه مع مباريات المنتخب القومي.ها..ها..ها
وانشاء الله المنتخب القومي يحقق السنه دي آمال الشعب السوداني قولوا آآآآآمييييييييييييييييين
وربنا يحقق أمانيكم الخاصه والعامه ولو فرقتنا القبائل أوالاهتمامات أو .... بنشكر منتدي ودمدني لانو بجمعنا كلنا بدون فرز
الي اللقاء حبايبي الحلوين

[MUSAB24]

مبروك للاذاعة الرياضية


باسماء الشريف :):):):):):):):) لتنضم الي العقد الفريد بمدني ومنهم داليا الطاهر .


واسماء شعلة ممن النشاط والحيوية من زمن تلفزيون الجزيرة ومليئة بالطموحات ولاتؤثر فيها الاحباطات .

تفاصيل اوفي لاحقا

مصعب

[أسماء الشريف]

عثمان جلاله
لك التحيه
ونحن في انتظار مساهماتك باعتبارك مراسلنا الرياضي من الخارج.

[أسماء الشريف]

مرحبا بك مصعب في دارك
لك التحيه الزميل مصعب محمود
المزيع الذي أحبه الجميع لروحه المرحه وعفويته المحببه
بالتأكيد أخي مصعب أفتقدك مشاهد تلفزيون الجزيره
أعلم أنك الآن في ماليزيا برفقه الزميل الصديق وائل محمد الحسن الذي ترك مكانه فارغا في شاشه الجزيره
بلغه تحياتي
ومرحبا بك مرة أخري

[أسماء الشريف]

أخي مصعب
كنت قد التقيت بالرائعه حبيبتي داليا الطاهر في مهرجان طبول السلام الذي اقامته سودانيز ساوند بمسرح الجزيره
بالأمس.كان يوما رائعا بروعه أهل الجزيره محبي السلام
وكم كان رائعا ذلك الوزير (الشريف صديق الهندي وزير الثقافه والاعلام بالولايه)حين قال (أنا أحمل الصحفيين رساله الي رئيس الجمهوريه بان يحل الحكومه الحاليه وتتكون حكومه جديده من المبدعين)
هذا الحديث ذكرني بابيات من قصيده لي كانت قد بثتها قناه النيل الازرق في عام 2005
أقول في جزء منها
عــزرا لوكــــــــان اتطـــــاولت وقلتها بالفم المليـــــــــــــــان
الرئــيس بيدير للدوله وهــــــو المسئول عن العمـــــــــــران
بس المبدع هـــــــو القـــــادر يصنع لي مجد الاوطـــــــــــــان
وأنا ماعليت بالحرف الصوت بس صوت الحق عالي وريان
أما القدال فقد أبدع وأمتع وكان كعادته دوما مبدع من طراز مميز
وفي ختام المهرجان غني فنان السلام شرحبيل أحمد برفقه ابنته نهي
والجدير بالذكر أن المجموعه الموسيقيه التي رافقته كان من ضمنها ابنه محمد وزوجته
لشرحبيل أسره مبدعه بحق حفظهم الله
وتم من خلال المهرجان تكريم عدد من الشخصيات
وأخبرني الزميل يوسف ود النعمه أنه غطي أحتفالات السلام التي أقيمت في الولايات الاخري ولكنه لم يشهد قط انفعالا بالحدث كالذي شهده في الجزيره
وسألني مالسبب في ذلك ولكني لم أجب علي سؤاله (فاحيانا يكون الصمت أبلغ حين لانقوي علي نطق العباره)

[MUSAB24]

شكرا اسماء

لي معك عودة خاصة

اخر اخبارنا بماليزيا موثقة بالصور
حيث بالامس القريب احتفلنا باعياد الاستقلال والسلام بالتعاون مع الجالية السودانية بكل من ماليزيا وتايلاند

تقبلي تحيات وائل وتحياتي لكل اهل الاعلام بالجزيرة

ولي عودة

[114]

مبروك

وإلى الأمام

وعاشت مدني

وعاش كل ناس مدني

وعاش كل ناس منتديات مدني

وشكرا يا خالد الصول على الأخبار الجميلة دي

[أسماء الشريف]

شكراعلي التهنئه استاذنا الكبير
عمر حسن غلام الله
ومتعك الله بالصحه والعافيه

[أسماء الشريف]

اذيك يامصعب كيفك وكيف وائل
أتمني تكونوا بخير
وأنا تمام الحمد لله
وتحياتك لاهل الاعلام بالجزيره اعتبرها وصلت
ترجعوابالسلامه انشاء الله