المساعد الشخصي الرقمي

مشاهدة النسخة كاملة : آخر اللحظات في العام 2007


شبارقة
31-12-2007, 06:37 AM
31 ديسمبر 2007م الساعة السابعة مساء بتوقيتنا
قدامنا ساعات قبل السنة الجديدة ما تخش!!
وقبل ما يمشي العام 2007 لازم يا اخوانا نراجع حساباتنا ..
حتى التاجر آخر السنة المالية براجع حساباتو !!
مش الأولى اننا نراجع سنة مضت ؟!!

في كل المجالات

العبادات
العلاقات الاجتماعية
الانجازات
الاخفاقات
المكتسبات
المفقودات
مش لازم الواحد يقيف مع نفسو ساعة زمن!!
يلا نشوف عملنا شنو في سنة مشت
ونتعلم عشان نتلافى أخطاء العام الماضي
ونحاول ننجز حاجة نفتخر بيها لمن تمر سنة ونجي نحاسب نفسنا في مثل هذا اليوم بعد سنة!!
عاطر التحايا
GREY MAN
31-12-2007, 11:31 AM
كل سنه وانت طيب
وانشاء الله اي حاجه راحت منك لي وره تلقاها راجياك في السنه دي.
zukibush
01-01-2008, 04:55 AM
فعلا اخى شبارقة
انا محتارة من الناس البتقول ليك نحتفل بالسنة الجديدة
انا غايتو الاحتفال ده عندى مراجعة حسابات واشوف انا انجزتا شنو فى السنة الماضية
وما شفتوا قدو سعاتى لما تتملى صفحة الانجازات والله وكانى سابحة فى الهواء طايره فى السحاب
والنفسيات تكون تماااااااام ودى العاوزه احتفال مش السنة الجديده
ربنا يديك العافيه
شبارقة
01-01-2008, 08:49 PM
كل سنه وانت طيب
وانشاء الله اي حاجه راحت منك لي وره تلقاها راجياك في السنه دي.

وانت طيب وبألف خير يارب ..
وان شاء الله أي حاجة حلوة فاتت علينا وعلى وطنا الحبيب تكون مدخرة لهذا العام ...

عاطر التحايا،،
شبارقة
01-01-2008, 08:53 PM
فعلا اخى شبارقة
انا محتارة من الناس البتقول ليك نحتفل بالسنة الجديدة
انا غايتو الاحتفال ده عندى مراجعة حسابات واشوف انا انجزتا شنو فى السنة الماضية
وما شفتوا قدو سعاتى لما تتملى صفحة الانجازات والله وكانى سابحة فى الهواء طايره فى السحاب
والنفسيات تكون تماااااااام ودى العاوزه احتفال مش السنة الجديده
ربنا يديك العافيه

كلامك في محلو ...
الاحتفال بالانجاز وليس بالسنة الجديدة ...
والا فما معنى أن نحتفل بعام جديد وهنالك في كل ساعة دقيقة جديدة وفي كل يوم ساعة جديدة وفي كل شهر يوم جديد وفي كل سنة شهر جديد وهكذا دواليك ..
فالأولى أن نحتفل بإنجازاتنا ونترك الزمن لخالقه ...

أندى وعاطر الأماني،،،