شمار فى الفندق

[paradaies]

تحياتى للجميع,,,
عندى شمار لسه مادقوهو حارقنى شديد!!!
ادقوه...ولا اوديه السحانة, ويكون ناعم شوية!!!!
غايتو اولا داير اعرف سبب تكرار صورة العضو والتوقيع لاكثر من عضو
هل هى صدفة !!! او متعمدة لاى سبب من الاسباب ؟؟؟؟؟
والشمار دقوه انتو وشوفو المنتدى مليان صور وتواقيع .
غايتو انا شمارى سحنتو وخليتو ناعم ,والسحانة مقفولة .
والشماره حارقو يرشو لينا .
ودمتم,,,,

[moh_alnour]

بري بري ما شوفتو وبري بري ما شفنا
وشمار زي دا أصلو ما شفنا في المنتدى
وكلنا منتظرين
والله شمارك ناعم ما محتاج لي سحانة

[شيخة بنت شيوخ]

انا عن نفسي اي شفتو

[moh_alnour]

انا عن نفسي اي شفتو

طيب يا شيخة فتي لينا الشمار دا

[حبيبة ودمدني]

الشمار حرقني شديييييييييييييييييييييييييد

[paradaies]

غايتو انا شمارى سحنتو وخليتو ناعم ,والسحانة مقفولة
والشماره حارقو يرشو لينا .
وكمان فى ناس فى المنتدى ما بعقبوا لاى موضوع الا يكون فلان اوفلانة مشتركة
فى البوست .واناعملت مراجعة بالورقة والقلم لجميع الاقسام لمدة شهرين بس
وجدت مايؤيد شمارى . اعملوها انتو , وخلوا شمارى ناعم والسحانة مقفولة .
وشكرا لمرور الاخوة ( Mohalnour,وشيخة بت الشيوخ ,وحبيبة ).
وياناس الادارة امسكوا الخشب .
ودمتم,,,

[moh_alnour]

مارنجان السودان
تسعة لغات والعاشرة إبتسامة
قطع ورد ( بكسر الواو )

[ابراهيم]

واناعملت مراجعة بالورقة والقلم لجميع الاقسام لمدة شهرين بس
وجدت مايؤيد شمارى . اعملوها انتو , وخلوا شمارى ناعم والسحانة مقفولة .


والله يا بارادايس انت خترى وشماراتك موثقة
انا غايتو برة من ورقتك دي
ويوم تجي تفتح السحانة ادينا خبر:D

[عمر البشير]

السلام عليكم

اخي paradaies
لكن شمارك ما مسحون باقي الغربله.
بس حكاية التواقيع والصور لسا ما فتيتا لينا.

وفي انتظارك

ولك ودي.

[naz_imam]

والله ياشباب الشمارات عندكم ... فتوا سريع

[ود قلبه]

كلامك ده ما ساي اكيد وراه شمار ياريت تورينا ليه لانو انا بل الجد حرقنى شدييييييييييييييييييييييد

[abdgina]

احبابي اولاد وبنات مدني لكم الود.حقو شوية تكون الونسة هادفة.ولا انا غلطان

[المكاشفى]

يامحمد النور معقوله الشمار
ده يفوت عليك والله لى زمن
داير افتوا لاكين ماقادر ........
اها بعدين بنخاف من الجماعه
اصحاب الشمار باقى فردنا
اها ماشمار هناى وهنايه

[moh_alnour]

يامحمد النور معقوله الشمار
ده يفوت عليك والله لى زمن
داير افتوا لاكين ماقادر ........
اها بعدين بنخاف من الجماعه
اصحاب الشمار باقى فردنا
اها ماشمار هناى وهنايه


الحبيب المكاشفي
وينك ليك زمن مسجل غياب
الشمار أنا عارفو لكن عامل فيها طاشي وبرا الشبكة
على قول أهلكم الدراميين ( داخل لي في شخصية ) بتاعت واحد فارة داقس
وكان ما أخاف الكضب هي تلاتة شخصيات هناي وهناي وهناية

[paradaies]

اخوتى تحياتى لكم ,,,
* محمد النور خلى هناى وهناية مستورة والسحانة مقفولة والمكاشفى داير يعمل ليك مخالفة. مارنجان السودان
تسعة لغات والعاشرة إبتسامة
قطع ورد ( بكسر الواو ) ودى جديدة على اصلى عشرة سنين مارجعت السودان.
* شيخة بنت شيوخ عارفة (وعاملة نائمة).انا عن نفسي اي شفتو ودا كلامها.
* ابراهيم خليك قريب ( ويوم تجي تفتح السحانة ادينا خبر)وبديك خبر .
* عمر البشير(لكن شمارك ما مسحون باقي الغربله) انا قلت ليك شمارى ناعم ..
* ابو ريم وقلبه ( فتوا سريع) اعملوا مراجعة سريعة حاتشوفوا براكم.
* المكاشفى خلى محمد النور انت ماعارف؟؟!!!
* اخونا abdgina
ونستنا هادفة لتجعل للنفاج شوية مرح بدون خدش او احراج لا شخص,وهنالك بوستات
اخرى للمواضيع الجادة التى تهم ودمدنى .
وجدت مايؤيد شمارى . اعملوها انتو , وخلوا شمارى ناعم والسحانة مقفولة .
ودمتم,,,,

[المكاشفى]

يامحمد النور والله اهو مره فى
ومره مافى نحن النت ده مابنشوفوا
الا فى الشغل وكيفكم انتوا وتسلمو
اها انت عملتهم تلاته شكيت محنك
وكمان اخونا معتصم مرقنى ساى
والله الله يسامحك انا ماعارف
الجماعه الياهم التواقيعهم بتشابهو
وكل هاجه فى هتته وجدى يأنى
مافى مسكله الننتزر السهانه بأد يفتهوها

[moh_alnour]

والله يا المكاشفي يا أخوي
حسي نحن شمارنا في الفندق دا بقى
عايزين نعرف متين حيفتحو السحانة دي

[المكاشفى]

والله يامحمد انا خايفها
تتطلع هوى ساى
زى هوى صاحبك انور
من كشحتوا صايمه تانى ماشفناهو

[paradaies]

والله يامحمد انا خايفها
تتطلع هوى ساى
اخونا المكاشفى, لك التحية والتجلة .
كلمة ماعارف ؟؟!! دى بالعامية السودانية وتعنى تاكيد المعرفة .
وليس عدم المعرفة.
ادونى الامان من الادارة والاشخاص الذين سوف اذكرهم .
عشان تعرف ما هوى ساى .
ودمتم,,,

[moh_alnour]

لك الأمان يا أخ العرب
بُق البحصة ( على قول أخوانا السوريين )
وفي إنتظار شمار الفندق
تخريمة : الفندق دي مفروض تتكتب بالكاف ( الفُندك )

[mahagoub]

شمارات صحى ولا الزول ده كان بحلم ؟؟؟

[المكاشفى]

يامعتصم ليك الامان
وكان ما مصدق ريحنا
وريح رقبتك من زرزره
المشرفين رسل لينا الشمار
فى الخاص فاض بينا عديل
وله شنو ياود النور

[okasha]

شمارك دا يخلى الواحد احتار

ولا زى الواحد شاف فار

ولا زى هوا فى جو حار

ولا بالجد استحق الانتظار


:cool::cool::cool:

[moh_alnour]

بالحيل يالمكاشفي
وقول لود مارنجان أها شمار جديد
أترقبو

[ابوالنور]

ادونى الامان من الادارة والاشخاص الذين سوف اذكرهم .
عشان تعرف ما هوى ساى .
ودمتم,,,
اها اتفضل قول معاك صاحب المدير عندك شنو بعد كده وكان لي الناس برضو برضو معاك اخوهم الكبير
ولا شنو يا شباب