لغة المسكول في عالم الجوال

[rizig أبوحشيش]

لغة المسكول في عالم الجوال هذه الظاهرة صراحة كثيرا ما تحرجك يتصل عليك أحد أصحابك
مثلا والغريب أن جواله مليئ بالرصيد ولكن تجده يحافظ عليه من أجل الإتصال به للسودان فقط
وأنا أتكلم عن حال المسكول في بلاد المهجر وهي ظاهرة منتشرة جدا
إذا كان صاحبك عزيز عليك تحاول بقدر ما تستطيع أن تتصل عليه حتي وإن كان لديك عمل
تترك عملك من أجل أن تذهب للبقالة مثلا من أجل أن تشتري لك رصيد إن لم يكن عندك حينها رصيد
يحدثني أحد الشباب يقول لي عندما أعلم أن المتصل عمل مسكول لي لا أهتم بأن أتصل عليه
وهذه طبعا تختلف من شخص لأخر فما هو راي الإخوة في ذلك

[شبارقة]

طابت أوقاتك ..
المس كول أو الرنة (كما يقول اخوتنا المصريين!) والتي تغنى عليها الفنانين العرب (سويلي مس كول *** بس ولو رنه)!!
من ناحية انها محرجة صراحة نعم !!
ففي كثير من الأحيان لا يكون لديك الرصيد الكافي لإجراء المكالمات، وقد تكون في مكان لا يسمح لك باعادة شحن الرصيد كأن تكون في سفر أو في العمل أو نحوه!
والغريب في الأمر أنه اذا ما قمت بتطنيش (الممسكل) يستشيط غضباً وويلومك على عدم الاتصال!!
حقيقة المس كول ظاهرة غير حضارية الا في حالة الضرورة!!

[حبيبة ودمدني]

ياجماعه المسكول دا مفروض مايعملوا الا الطلبه


يعني انا دايما بعمل مسكول للناس الشغالين لاكن الطلبه زي بتصل ليهم لانو ديلك عندهم مرتب وقروش لاكن

(انحنا طلبه ما طولبه)

هههههههههههههههه

[moh_alnour]

الأخ : رزق أبو حشيش

شكراً على هذه المشاركة الخفيفة الدم والروح

تعرف أنا عندي مبدأ ماشي بيهو في الجوال ، البعمل لي مس كول من السودان أو حتى يتصل علي عديل ما بفتح ليهو الخط إطلاقاً بل بتصل عليهو ودائماً ما يكون أحد أفراد الأسرة أو أحد الأصدقاء أو الزملاء
أما في السعودية فمبدئي هو أنو أنا العايزو بتصل عليهو والعايزني يتصل علي ( ما عدا بعض الأستثناءات ) وبالغلط ما حصل عملت لي واحد مس كول

بس تعرف البغيظ أكتر أنو واحد يعمل ليك مس كول وتتصل عليهو يقول ليك عايز أسلم عليك ( طيب ياخي أنت لو عايز تسلم ما تتصل ) منطق غريب صاح
وتقبل مروري

[طلال الصول]

المسكولات دي حاجة لكن (كلمني من الجوال ) جميلة برضو علشان يعمل فيها حتى رصيد لي رنة ما عندو والحنك تلفونو خط ولسه الفاتورة ما اندفعت وكدا

[rizig أبوحشيش]

طابت أوقاتك ..
المس كول أو الرنة (كما يقول اخوتنا المصريين!) والتي تغنى عليها الفنانين العرب (سويلي مس كول *** بس ولو رنه)!!
من ناحية انها محرجة صراحة نعم !!
ففي كثير من الأحيان لا يكون لديك الرصيد الكافي لإجراء المكالمات، وقد تكون في مكان لا يسمح لك باعادة شحن الرصيد كأن تكون في سفر أو في العمل أو نحوه!
والغريب في الأمر أنه اذا ما قمت بتطنيش (الممسكل) يستشيط غضباً وويلومك على عدم الاتصال!!
حقيقة المس كول ظاهرة غير حضارية الا في حالة الضرورة!!

في الحقيقة لولما ((أخوتنا المصريين ))لما كان الإسم أصلا أنا أعرف أحد المصريين
يمسكل وتمسكل له خطيبته في الساعة أكثر من عشرة مرات وهذه لغة التواصل بينهم ..
أما إذا ما عندك رصيد أو تكون في مكان لا يسمح لك بإعادة الشحن هذه حالة كد لا تحصل كثيرا
لك الشكر أخونا شبارقة علي المداخلة

[rizig أبوحشيش]

ياجماعه المسكول دا مفروض مايعملوا الا الطلبه


يعني انا دايما بعمل مسكول للناس الشغالين لاكن الطلبه زي بتصل ليهم لانو ديلك عندهم مرتب وقروش لاكن

(انحنا طلبه ما طولبه)

هههههههههههههههه


أنحنا الطلبة عاذرنهم لكن صراحة لمان إكتروها بتحمل شكل ما حلو
إنتو يالطلبة شكلو مرات مس كول ومرات رسالة ومرة إتصال إديك إحساس إنو دا ما مس كول الواحد فاهم الحال ما حا يرد عليكم
الشكر موصول اليك حبيبة ودمدني علي المرور

[جنيـــــدو]

الأخ رزق أبو حشيش


مشكور على خفة دمك وكدا ..

المسكول له طعم خاص - يمكن تشويق - يمكن سلام - يعني حسب الجاييك منه مسكول -
هسه لو جاك مسكول من خطيبتك ! ما بتجر تتصل لكن لو جاك من واحد جلده بتتصل !
يعني المسألة احساس شخصي !

[سواااح]

اديها طناش يا معلم
والعيزك يتصل بيك
واحسن يتصل وقول ما عندي رصيد
ولا يعملها شينة ويعديها مسكولات

[rizig أبوحشيش]

اديها طناش يا معلم
والعيزك يتصل بيك
واحسن يتصل وقول ما عندي رصيد
ولا يعملها شينة ويعديها مسكولات


لكم الشكر جميعا أخوتي علي المداخلات الجميلة
لكن صراحة يا مشرفنا كلام عين العال

[rizig أبوحشيش]

الأخ رزق أبو حشيش


مشكور على خفة دمك وكدا ..

المسكول له طعم خاص - يمكن تشويق - يمكن سلام - يعني حسب الجاييك منه مسكول -
هسه لو جاك مسكول من خطيبتك ! ما بتجر تتصل لكن لو جاك من واحد جلده بتتصل !
يعني المسألة احساس شخصي !


الأخ عمر الجنيد أنحنا مشكلتنا كلها في الجلدة وعاوزين الرسالة تصل للجلدة ولك التحية أخي جنيدو

[بنت الرفاعي]

البتصل لي بتصل ليهو والبمسكل لي بمسكل ليهو لكن في ناس بتكون عارف لو مسكلوا ليك سلام بس، وده طبعا بين الأصحاب يجيك مسكول يعني السلام عليكم ترد بالمسكول وعليكم السلام لكن إذا كتر المسكول من نفس الرقم بتصل بقول يمكن ماعندهم رصيد وعايزني ضروري ، لكن أكتر شي بيغيظ يجيك مسكول من رقم مابتعرفو؟؟؟!!! و برضو لو الرقم كتر المسكولات مرات بطنش ومرات بتصل ( طبعا على حسب الرصيد ).:D

[معروف الجزولي]

بصراحه يا اخوانا المسكول ده حركه ما حضاريه وغيازه مهما كانت الظروف-- فانت عملت لي مسكول معناها محتاج لي اذا طال ما انو انت محتاج لي من باب اولي تتصل انت- فمثلا انا بعرف واحد صديق حكي لي قبل كده وقال لي قبل فتره واحد مسكل ليه وحينما اتصل عليه ليعرف السبب بتاع المسكول ذكر ليه بانه عايز اعزيه في وفات خالته- مع العلم بان صاحبنا التاني صاحب المسكول وضعو المادي افضل من صاحبنا الاول صاحب المكالمه - اها رايكم شنو

[rizig أبوحشيش]

بصراحه يا اخوانا المسكول ده حركه ما حضاريه وغيازه مهما كانت الظروف-- فانت عملت لي مسكول معناها محتاج لي اذا طال ما انو انت محتاج لي من باب اولي تتصل انت- فمثلا انا بعرف واحد صديق حكي لي قبل كده وقال لي قبل فتره واحد مسكل ليه وحينما اتصل عليه ليعرف السبب بتاع المسكول ذكر ليه بانه عايز اعزيه في وفات خالته- مع العلم بان صاحبنا التاني صاحب المسكول وضعو المادي افضل من صاحبنا الاول صاحب المكالمه - اها رايكم شنو



والله يامعروف المس كول بصورة عامة بغيظ لكن زي صاحبنا دا بجيب الضغط
زي واحد عامل مس كول من السودان لمان إتصلت عليه قال لي كلم فلان يتصل بي
أها شوف زي دا !!!

[ود قلبه]

ياخى دى عمليه بايخة بايخة بجد
والله دى ابيخ من العشاء بي كسره