اين ابو المهتدى سمعت انه مريض

[التيمان]

يا جماعه عمكم ابو المهتدى وين


مافى زول بسال منو ساى فى المنتدى


حقو تورونا لى وين او اى تلفون انا بمشى لى البيت والله بس التلفون




والله الراجل واحشنااااااااا

[عثمان جلالة]

التيمان ... ليكم وحشه ... ولى ابو المهتدي كمان ... ومنتظرين معاكم أخبار الرجل القامة ... وشكرا لهذه اللفته في السؤال عن اعضاء المنتدى

[بنت الرفاعي]

نتمنى له الشفاء العاجل إنشاءالله.

[عزيز عيسى]

التيمان،

الزول الجميل الحبوب الإنسان الخلوق الأخ عوض إبراهيم أبو المهتدي بخير..
زرته في منزله العامر في السوريبة قبل حوالي ثلاثة أسابيع عند زيارتي الأخيرة
الى السودان ومدني.. جلست وإتونست معه.. طوال فترة زيارتي القصيرة وجلوسي
معه لم ينقطع لسانه عن السؤال عن جميع الأخوان في المنتدى..
الراجل كان مصاب بآلآم في الظهر وأجرى عملية جراحية قبل حوالي ستة شهور..
الآن بدأ يتماثل للشفاء ولكنه لم يباشر عمله منذ أن أجرى العملية الجراحية وحتى الآن..
أرجوا أن لا تنسوه من الدعاء حتى يرفع الله عنه.. إنسان يستاهل كل خير.

تلفون الأخ عوض: 0923502040

أنحنا في أمريكا جبنا ليكم أخباره.. شفت التكنولوجيا بتعمل كيف؟

وكثر خيركم في السؤال عن أخوانكم.

[ابوزيد محمد نور]

والله لكم الف تحية وانتم فكاهة هذا المنتدى
واحب ان اطمئنكم على عمنا ووالدنا ابوالمهتدى
بانه بخير وصحه جيد وكان معى يوم احد الماضى
دمتم لهذا الصرح العملاق

تلفون عمنا ابو المهتدى : 0923502040

[أبوبكرحامد]

عاجل الشفاء للرائع أبو المهتدى ، شكراً التيمان على اللفتة البارعة.

[التيمان]

تسلمو شباب والله يديكم العافيه


انا بمشى هناك

وبجيب ليكم الصور فى المنتدى


اترقبو الجلسه

[أبو مهدي371]

احبابي واخوتي التيمان لكم كل ماتحمله النفس من ود وعرفان لهذه اللفته البارعة الا وهي السؤال عن الخال عوض ابراهيم .
والله لنا عظيم الشرف نحن ابناء السوريبة بان تشرفونا بداركم وان تحلوا وسط اهلكم وان تكن لكم منا حلقات ود وحب لا تنفصل مهما طال بها الغياب لان اصحاب النفوس الطيبة لاتتبدل ملامحهم مهما الزمن جار وطال عليهم .
ان لم نكن في دول المهجر لاستقبلناكم بالورود وفرشنا لكم الارض رملا ترحيبا بمقدمكم الميمون .
ولكن عشمي في اهلي كبير بان يستقبلونكم نيابتا عنا اجمل استقبال .
الغربة ابعدتنا عن دار اهلنا هلا بلغتمهما عن السلام .
اما الصور التي تكلمتم عنها رجائي ان لا تنسوها لان الشوق بنا تمكن
وتمتم في حفظ الله ورعايته .

[التيمان]

يا ابو مهدى انا بصور ليك السوريبه كلها

[مرتضى يوسف العركي]

يا سلام ايها التيمان على هذه الروعة تجاه رائعنا ابو المنتدى والذي اندب حظي في عدم رؤويته عن قرب سائلا الله العزيز القدير ان يشمله بعنياته ويعافية وان نصحبه سالما في كل الدروب ....التحية لكم وله ودمتم جميعا بخير وعافية

[التيمان]

يسلمو ياخال



ودمتم،،،

[أبو مهدي371]

مشككوريييييييييييييييييين التيمان وان شاء الله تشرف بيكم السوريييييييييييييية .

[أبو مهدي371]

احبابي التيمان شنو عملتو نايمين ناس السوريبة كل ما ينتظروكم باضبيحة ياكلها الطير
حكايتكم شنو نحن مامنتظرين ( الصور) .
انشاء الله ماطولو الغياب .

[عمك تنقو]

ياسلام عليكم ياتيمان وربنا يخليكم ويديكم العافية ومافي شك أبو المهتدي فقدناهو مدة طويلة في المنتدي ولا سؤال عنه فجزاكم الله الف خير ..
وسؤالنا عنه ان كان مريضا شفاه الله ونتمني له دوام الصحة والعافية وحرام ياناس المنتدي وبالذات قدامي المحاربين لماذا السكوت عن ابو المهتدي اذا كان مريضا ,,
نرجو الافادة والسؤال عنه وشوفو لينا وين ياتيمان والباقي مقدور عليه انشاء الله ..