ابراهيم
23-10-2004, 01:55 PM
قصيدة حلمنتيشية بتاعت واحد منتظر المواصلات فكتب هذه القصيدة
قد سألت النفس يوماً هل أنا يا نفس بركب
جوة باصاً جانا يقدل قد تكعكع قد تكركب
ماني عارف انو باصاً جانا عايم مثل مركب
شاقي مويتاً ليها ريحة تزكم المشحوط معنكب
****
ولقد قلت لنفسي وانا قاعد أدافر
هل رأيتي الدفسة دي ؟ ويعني بس لازم نسافر
فأشارت صوب تاكسي فإذا بالتاكسي نافر
***
ايهاً البص تكلم وأخبريني يا تكاسي
مالو لو حنيتي مرة وشلتي همي وإنتكاسي
***
وصاحبنا بعد ما ركب البص بعد مجازفة واصل في القصيدة وقال
شفت واحد قد تطرزن ثم بالشباك طفر
طابقاً ليو كيس صعوداً خلى كل البص مزفر
وصاحبك الكمساري كنكش في التصادم ثم صفر
ثم دق وقال دقيقة ثم صنقع وثم دنقر
وثم قال البص دا فاضي وما تستف لسا بدري
***
ويواصل في تداعيات الرحلة قائلاً
قلت للكمساي مهلاً
ما تزوغ بالباقي ياخي
مني طنش عامل اطرش
ثم لاحظ انتفاخي
جاني راجع صر لي ثم حمر
رحت راخي
***
وختم قصيدته بوصية وحكمة لكي يعتبر الركاب قائلاً
إن أتي الكمسارى فادفع
ثم من باقيك فاقنع
إن سألتو بتبقى جاني وياما من الفاظو تسمع
ربما بي نظرة حادة او كمان بالبنية تلبع
أو تزوغ براحة تلبد
أو تنط من باصو تجري
إن شاء الله تعجبكم
قد سألت النفس يوماً هل أنا يا نفس بركب
جوة باصاً جانا يقدل قد تكعكع قد تكركب
ماني عارف انو باصاً جانا عايم مثل مركب
شاقي مويتاً ليها ريحة تزكم المشحوط معنكب
****
ولقد قلت لنفسي وانا قاعد أدافر
هل رأيتي الدفسة دي ؟ ويعني بس لازم نسافر
فأشارت صوب تاكسي فإذا بالتاكسي نافر
***
ايهاً البص تكلم وأخبريني يا تكاسي
مالو لو حنيتي مرة وشلتي همي وإنتكاسي
***
وصاحبنا بعد ما ركب البص بعد مجازفة واصل في القصيدة وقال
شفت واحد قد تطرزن ثم بالشباك طفر
طابقاً ليو كيس صعوداً خلى كل البص مزفر
وصاحبك الكمساري كنكش في التصادم ثم صفر
ثم دق وقال دقيقة ثم صنقع وثم دنقر
وثم قال البص دا فاضي وما تستف لسا بدري
***
ويواصل في تداعيات الرحلة قائلاً
قلت للكمساي مهلاً
ما تزوغ بالباقي ياخي
مني طنش عامل اطرش
ثم لاحظ انتفاخي
جاني راجع صر لي ثم حمر
رحت راخي
***
وختم قصيدته بوصية وحكمة لكي يعتبر الركاب قائلاً
إن أتي الكمسارى فادفع
ثم من باقيك فاقنع
إن سألتو بتبقى جاني وياما من الفاظو تسمع
ربما بي نظرة حادة او كمان بالبنية تلبع
أو تزوغ براحة تلبد
أو تنط من باصو تجري
إن شاء الله تعجبكم