حاجة غريبة ***** حاجة عجيبة!!!!

[مدناوية]

صراحة حاجة محزنة وملفته للنظر

يوم 2007/12/31 المنتدى كان كلو بوستات تهنئة بالسنة الميلادية الجديدة لمن الأعضاء ماعرفو يردوا التهاني في ياتو بوست والمشرفين شغالين ينظمو في الحركة وكانت زحمة فظيعة ،،،


لكن الغريب والعجيب إنو يوم 1428/12/30 الناس عايشة حياتها عادي ومافي أي ترحيب ولا تهنئة بالسنة الهجرية الجديدة،،،



الكلام دا ياخوانا ماصاح منكم ،، نحن مسلمين ومفروض نهنئ بعضنا بالسنة الهجرية الجديدة



عليكم الله ماحاجة تحير؟؟؟؟




كل سنة وكل المسلمين بألف خير

وربنا يحقق الأماني

[معتز الريح]

ملاحظة قوية ..
أها أنا أول واحد ..

كل عام وأنتم بخير .. بحلول السنة الهجرية 29
نتمنى للجميع الصحة والعافية والسعادة والرخاء ..

[مدناوية]

ملاحظة قوية ..
أها أنا أول واحد ..

كل عام وأنتم بخير .. بحلول السنة الهجرية 29
نتمنى للجميع الصحة والعافية والسعادة والرخاء ..




دائماً سباق ياود الريح

ربنا يديك ألف عافية


وإن شاء الله تكون سنة خير عليك وعلى جميع المسلمين

[ودالسني]

اختي العزيزه
اغلب الناس لا يهتم بالسنه الهجريه
ابتدت او انتهت الا من خلال الاجازه
واتمني ان تكون البدايه من هنا
وكل سنه وانت طيبه والمسلمون بالف خير

[Madanawi]

السنة الهجرية هي التقويم الاسلامي المعتمد
لصيام شهر رمضان والوقوف بعرفة وهي
التي تحدد لنا بقية الايام التي فيها نفحات مثل
يوم عاشورا .. وكذلك بقية المناسبات الاسلامية

كل عام وأنتم بخير .. بحلول السنة الهجرية الجديدة

ومن العائدين،،،،،،،،،،،،

[ود المطامير]

والله فعلا كلامك صاح
تسلمى والله على الملاحظه

[شمس الامل]

الملاحظة سليمة بس انا اقولك سبب من الاسباب
احنا في يومنا العادي بنتعامل بالميلادي
فحياتنا كلها ماشة بالميلادي
والسنة الهجرية دي ما بنتعامل بيها الا في 3 حالات
اولا رمضان والتانية الوقوف بعرفة والتالتة اجازة راس السنة
يبقى العيب ما مننا العيب
والغلط اساسا هو تعاملنا بالميلادي كاساس والهجري كشئ ثانوي


وكل عام والجميع بخير وبتمام الصحة والعافية ،،


ودمتم في امان الله ،،،

[عثمان جلالة]

شكرا للتذكير .... وكل عام والمسلمين بخير وعافية ... نحن غايتو هنا في الغربة ما بنحس بأي حاجه .. لأنو أصلا مافي إجازة ... إلا في العيدين ... جعل الله أيامكم وأيامنا أعيادا

[ود المطامير]

شكرا للتذكير
يا الضو يعنى إنت ذى لو ما مدناويه دى ماك جايب خبر
هع هع هع هع هع

[مدنيّة]

ثقافتنا هي السبب يا مدناوي
ولو ما الاجازة ما كنا جبنا خبر الا من رحم ربي

[moh_alnour]

والله يا بت عمي بالتبني ملاحظة ذكية
ما عندك عوجة والله كنت مفتكر الذاكرة عايزة فرمتا لكن عينا باردة
تعرفي يا مدناوية في أحتفالية بالسنة الهجرية الجديدة في قناة النيل الأزرق واحد من
الضيوف قال ليهم ( حسي لو الحكومة كانت بتدي الناس رواتبم بالشهر الهجري كانو أتذكروها )
ياريت والله لو طُبق التقويم الهجري على معاملاتنا الحكومية في السودان
تخريمة : لكن نحن في السعودية اللامة العواطلية بنتذكر السنة الهجرية عشان تجديد الإقامة .

[مرتضى يوسف العركي]

أصبت رائعتنا مدناوية ....
نعم نخطيء في عدم التفاعل مع الهجرة ....فيما يبدو ان الحاجة للقرارات الحكومية والتاصيلية لابد ان تجرع بصورة اكبر واعمق عيبنا في اننا نتبنى الاخرين ونترك عظيم ما لدينا ومن ترك ترك .........
ملاحظة جديرة بالاحترام والتامل فماذا نحن فاعلون في التفعيل
شكرا لكم مدناوية مرة اخرى

[abomazeen]

صراحة حاجة محزنة وملفته للنظر

يوم 2007/12/31 المنتدى كان كلو بوستات تهنئة بالسنة الميلادية الجديدة لمن الأعضاء ماعرفو يردوا التهاني في ياتو بوست والمشرفين شغالين ينظمو في الحركة وكانت زحمة فظيعة ،،،

لكن الغريب والعجيب إنو يوم 1428/12/30 الناس عايشة حياتها عادي ومافي أي ترحيب ولا تهنئة بالسنة الهجرية الجديدة،،،

الكلام دا ياخوانا ماصاح منكم ،، نحن مسلمين ومفروض نهنئ بعضنا بالسنة الهجرية الجديدة

عليكم الله ماحاجة تحير؟؟؟؟
كل سنة وكل المسلمين بألف خير
وربنا يحقق الأماني





أختنا العزيزة مدناوية
وحتى ننصف الآخرين ... راجعي الروابط التالية وسوف تجدين ضالتك !


(1) أخونا العزيز : زول فردة
http://wadmadani.com/vb/showthread.php?t=22966


(2) شخصي الضعيف :
http://wadmadani.com/vb/showthread.php?t=22926



http://www3.0zz0.com/2007/07/11/03/12406452.gif



ومداخلات الأخوة الكرام ... خير دليل على ذلك
لك التحية والتقدير ...

[عبدالرحيم سعيد]

كل عام وأنتم بخير .. بحلول السنة الهجرية 29
نتمنى للجميع الصحة والعافية والسعادة والرخاء ..

[سمسم]

كل عام وانتم بخير

[ahmed algam]

حاجة غريبة والله