فضائح المنتخب القومي

[ملك زمانو]

والله يا جماعة المنتخب القومي فضحونا في المبارياة التأهيلية الودية وما أعتقد إنو بعد كده يقدروا يعملوا حاجة في كأس أمم أفريقيا والنتائج كالتالي :
السودان vs غنك البلجيكي : 2-5 !!!!!!!!!!!!:mad:
السودان vs المنتخب النيجيري : 0-2
السودان vs منتخب غانا (الرديف !!!!!!!!!) : 0-2
السودان vs منتخب غانا الأول : 0-6 !!!!!!!!!!!!!!:mad:

إذاً السودان أعتقد ماله أي حظوظ إلا بعد تغيير جذري في التيم الأساسي

[Isam Hussien H]

إبني ملك زمانو سُعدت كثيراً بتواجدك بالمنتدى الذي أعتبره منزلك ،، أكثر من التداخل وشارك الآخرين بآراء متوازنة ، وإطلع كثيراً حتى تكون كما نريد لك من مستقبل ،، فإلى الأمام ،،
أما المنتخب القومي نتمنى له خطوات جادة نحو الإجادة وإلا سنتزيل المجموعة والقارة ..

[مرتضى ساتى]

100 فى ال100 سنتزيل المجموعه والدوره عامه ما عايز واحد يقول لى تفأل خيرا مادام بهاء الدين مشطوب من المريخ وهو يحرس مرمى المنتخب ونرجع نقول بنجرب فى اللعيبه ما كل المنتخبات بترجب ليه ماتهزمت صراحه حيسرقوا فرحة تأهل المنتخب الى غانا
احلى شى فى برنامج عالم الرياضه المغضوب عليه كل يومين يستضيف اثنين ونقعد نسرد فى الذكريات
صراحه احباط بالجنبات

[Madanawi]

بس نقول .. الله يستر ،،

[روبش]

يا شباب والله الحظ خدمنا .. لكن عمرنا ما بنستفيد من غيرنا .. حتى في ابسط الاشياء العامة مثل الانضباط نحن بعيدين كل البعد .. اخر خبر انو مازدا سوف يضم علاءالدين بابكر للتشكيلة رغم غيابه عن المعسكر بحجة ظروفه والاستفادة منه .. وين الانضباط يا جماعة ..
بالمقابل تم سحب اللاعب اليجا تانا من تشكيلة زامبيا لعدم حضوره المعسكر الاعدادي للمنتخب. قايتو لو ماشين للرفاهية غانا ما اظن فيها رفاهيه ... ولو عايزين يمثلوا السودان تبقى هنا المشكلة

[روبش]

الاخوان ملك زمانو وعصام مرتضى ومدناوي لو بتشاهدو الدورة احسن ما يكون معاكم حد عشان الفضيحة تكون فراديه

[ملك زمانو]

إنتوعارفين أول حاجة يعملها مازدا يشيل نفسوا وينقص لاعبين المريخ إلى العجب وسفاري والسعودي بس ويجيب لاعبين من الخرطوم 3 وباي الأندية

[مرتضى ساتى]

المشكله يا ملك لو جاب لعيبه من الخرطوم ثلاثه او من الخرطوم عشرين مع الاعتذار للاغنيه الهلاريخ ما حيخلوهم على طول تلاقاهم مسجلين زي ما حصل مع منتخب الناشئين قبل كدة والان مع المنتخب الاولمبى الفائز بدورة سيكافا

[اسامه حسن مصطفى]

الاخ ملك زمانو
الاعزاء عصام ومرتضى ساتى ومدناوى وروبش
تحياتى
دعونا الان نرفع ايدينا تضرعا لله والتوفيق للمنتخب وانشاء الله سوف يكون هناك حوار شامل وهادف للكره السودانيه بين كل الاعضاء بعد نهاية كأس الأمم الافريقيه .
مع العلم بأن مدينتنا الغاليه مدنى هى مصنع لأفزازكره القدم السودانيه فى الماضى البعيد والقريب

[اسامه حسن مصطفى]

يااااا الله يامرتضى ياريت لو الهلاريخ ديل انخسفت بيهم الارض
حانشوف كوره صاح لا تقولى الدورى الاسبانى ولا الايطالى
بس قول يارب

[مرتضى ساتى]

الاخ الغالى اسامه اولا مرحب بيك فى المنتدى ونورت دارك وثانيا صراحه الكلام ده جميل ولكن للاسف الشديد فى ناس ما برضيهم وبفتكروا نحن ضد الخرطوم مع انو شداد نفسوا عندوا راي فى الشغله دي وخاصه الادارات صاحبة المال لا علاقه لها بالكوره ونحن حتى الان بنتعامل بالوجاهات و بالموده والطيبه الزايده والمجاملات وشيلنى واشيلك والدلائل كثيره وبنقول للحارس بهاء الدين الف سلامه كنا نتمنى ان تكون الحارس الاول فى نهائيات افريقيا

[احمد كنان]

قلبي علي وطني . بعد ان شاهدنا الافتتاح زادت الرجفه واختلطت التوقعات علي مصير منتخبنا وهو يخوض غمار هذه الملحمه . سؤال علي الهامش لماذا لم يتم الاستعانه بالمدرب ريكاردو؟

[اسامه حسن مصطفى]

عزيزى مرتضى
نهارك سعيد
بداية اشكرك لترحيبك لى بالمنتدى .
انا يامرتضى ما عيزك تأسف على ناس قليلى العقل والحيله الذين يزعمون بأننـــا
ضـــــــــــد الخرطوم اوشندى او كوستى او................. الخ
نحن بتهمنا حاجه واحده وهى ظهور الكره السودانيه بشكل مشرف فى خارطه الكره المحــليه والعــــــالميه على صعيد منتخــــباتنا وأنديتنا ( كلها ) ....
ولكى يحدث هذا لابد ان نتجاوز هذه الفــئه المزكـوره اعلاه والذهاب للامــــام
وبالتوفيق ان شاء الله .
ولكم تحياتى