المساعد الشخصي الرقمي

مشاهدة النسخة كاملة : الجديد في الكرو سمح ولا شنو ......


ود ودالنو
14-01-2008, 02:38 AM
عوووك ياناس المنتدي
اخوكم فرده نيو في منتدي مدني الحضارة
قبولكم لي شرف كبير

علي فكرة انا من قرية ود النو جنوب مدني أي بالواضح
جنوب قرية ود النور
التي هي ايضا جنوب بركات
فهمتوا انا من وين
وشغال صحفي ما تسألوني وين

اها النشوف ترحيبكم بي كيف يا فرد
ولكم شكري
ود المطامير
14-01-2008, 03:06 AM
يا الحبيب
مرحب حبابك ويسلم الطريق الجابك
شرفونا أهل الصحافه والله يعنى قلم جاهز وخبره فى الإضافات والمعرفه
ترحب بيك ديارك يا الحبيب .. وألف مرحب بيك والله ..
أها شنو ليك عليك الله ؟
ابوالنور
14-01-2008, 03:17 AM
حبابك يا اخوي والله زادنا شرف بمجيئك الينا وحباب الصحفين
بس ما تكون في قووون
ويلا نشوفك لي جوه طوالي
منتهى
14-01-2008, 04:39 AM
حبابك عشره بلا كشره ابقى داخل لى جوه
moh_alnour
14-01-2008, 07:34 AM
مليار مراحب بناس ود النور
حللت أهلاً ونزلت سهلاً ، وتشرفنا بأنتسابك لنا
ونتمنى أن يطيب لك المقام بيننا
وفي إنتظار مساهماتكم الثرة
عزيز عيسى
14-01-2008, 08:52 AM
يا جماعة الزول دا قاليكم من ود النو..
كدي أولا بالتبادي يورينا منو في أولاد ود النو..
حبابك يا العشا..
وألف مرحب بيك والبيت بيتك وأخذ راحتك بالكامل.
وإن شاء الله تجد كل شيء يعجبك هنا.
وتعال لينا بمشاركاتك وخلينا نستفيد منك
ولي قدام.
.
مدنيّة
14-01-2008, 10:14 AM
شنو يا ود ود النو عملتها لينا كلها جنو جنوب وتوهتنا كدا

عموما الف مرحب بيك
ومنتظرين قلمك وما يسطره

همسة : ابو النور قوون هينة يااخوي كعب يكون × الدار :D
المكاشفى
14-01-2008, 10:46 AM
حبابك الف اخوى
وان ماشالك المكان
تشيلك رؤوسنا
ابقى لى جوه
اخوك كشه الدولى
صالح ابوشوارب
14-01-2008, 07:45 PM
الأخ ود ودالنو مرحب بيك في منتدى ست المدائن
http://bloomstoday.com/images/flowers_max/S10-3142.jpg


والبيت بيتكم ومنتظرين جديدكم الرائع ...
عبدالرحيم سعيد
15-01-2008, 01:08 AM
حبابك من ودعشاغربا الي قنب شرقا ومن ودالنو جنوبا الي بركات شمالا وبلالة وام بسطنا والتكلة زيادة
النور محمد يوسف
15-01-2008, 01:16 AM
أهلا بك ود ود النو .... وصحفي كمان.... اهلا بيك كثير ....وياخوي انت اتورطت ما كان تقول صحفي ....لاننا ننتظر من الصحفي على الأقل الظهور بالجديد يوميا .....
فأنت فعلا حتى الان اضافة وعاوزينك تثبتها....
وجيب لينا معاك صحفيين زيادة....
بس ما تجيب لينا أخبارا شينة .....عاوزين أخبار حلوة باستمرار ......حتى لو من حواشاتكم...الخضار المجاني دا
عمر سعيد
15-01-2008, 05:31 AM
حبابك ... وألف مرحب بيك ود ودالنو ... ونســعد كثيراً بانضمامك لمنتديات ودمدني ... وبالمناسبة إشارة لسؤال أخونا الأستاذ / عزيز عيسى : " كدي أولا بالتبادي يورينا منو في أولاد ود النو " ... فهمتها أنا على أنها توريه ( معنى قريب .. وآخر بعيد ) ... ولتوضيح ما أعنيه : من الأسر المعروفة بمدينــة ودمدني ( أسرة ود النو ) ... عميد هذه الأسرة أستاذ الآجيال / محمـد عثمان النو ... وقد أشتهر بين أهل المدينــة إختصاراً باسم ( ود النـو ) ... هذا الرجل تتلمذت على يديه أجيال متعددة ... واعتاد الجميع على مناداته بالأستاذ فهو بحر من العلوم والأدب والفن ... هل يا ترى هنالك صلة بين الرجل و ... ود النو التي تقع جنوب ود النور ؟

عموماً هو فأل خير أن تنضم لركبنــا فود النو الذي أشرنا إليه بعالية شخصية مرحة ومحبوبة لكل أهل المدينــة ... وأنت ستكون كذلك بإذنه تعالى ( من شكل دخلتك علينــا ) فهى دخله مريحة للنفس وظريفة .

وبعد ... نسعد كثير بانضمامك ( ود ودالنو ) ... آملين أن تقضي بيننـا اسعد الأوقات ...ونتطلع لمشاركاتك التي ستكون ولاشك إضافة حقيقية لهذا المنتدى
مرتضى يوسف العركي
15-01-2008, 08:54 PM
اهلا باستاذنا ود ود النو
مرحبتين حبابك ويوم سعيد لينا جابك ...ابقى لجوه فنحن في انتظارك وشرفت المنتدى وبيك كلو زينة
مدناوية
15-01-2008, 09:20 PM
حبابك عشرة بلا كشرة

نورت المنتدى بي طلتك

ومنتظرين جديدك
ود ودالنو
16-01-2008, 02:28 AM
اولا وقبل كل شي ترحبيبكم دا حار شديد خالص
وبيعني بطريق مختصر طبيعة مدني واهلها
المعروفين طبعا للآخرين بهذه الاريحية
وفي نفس الوقت ما بقدر ارد ليكم واحد واحد
انا باخدكم كدا بالجملة وحبة كدا قطاعي
واصبروا علي شوية
خلوني اخد نفس من الجكة الاخدتها في تسجيل
بيانتي
وقرايتي المتأنية لردودكم التي ادخلت السرور الي نفسي

قريتي يا سادة ليست لديها صلة بأسرة النو التي اشار اليها بعض
الاخوة في ترحابهم بي
ولكن اقدر اقول ليكم لدي اسرتي صلة حبوبات بأسرة آل بحيري
وايضا اسرة وقيع الله (حديقة وقيع الله)
هذه العلاقة ربطت مؤخرا بنسب بين هذه الاسرة فعمتي مباشرة تزوجها الشقيق الاصغلر لسليمان وقيع الله (ابناءه الأن يملكون كلية علوم الطيران بمدينة بحري) وايضا عمتي الأخري متزوجة من اسرة بحي ود عشير (جوار خالد عشرية) (واللورد) الرجل الذي يحب اللون الأخضر
وللاسرة امتدادات داخل مدينة ود مدني بأحياءها المختلفة

واصدقكم القول كل هذه الفروع لا اعرف عنها شيئا


هذا بعض تعريف تقبلوه علي عواهنة
لان اسرتي الصغيرة ومنذ بواكير العام 1981م هاجرت الي مدينة حلفاية الملوك
ومن حينها انقطعت حتى من الزيارات يمكن لارتباطي بالدراسة ومن ثم العمل
وهكذا دواليك


اللهم بلغت فاشهد
وان عدتم عدنا


ولكم شكري
ابوالنور
20-01-2008, 12:51 AM
شنو يا ود ود النو عملتها لينا كلها جنو جنوب وتوهتنا كدا

عموما الف مرحب بيك
ومنتظرين قلمك وما يسطره

همسة : ابو النور قوون هينة يااخوي كعب يكون × الدار :D



كعب العدم يا اختي ده شكلو الصحااااافة اديييييييييل
114
20-01-2008, 04:56 AM
ألف مرحب ومرحب

نزلت سهلاً وحللت أهلاً

كان ما شالك المنتدى بتشيلك عيونا