حبيبتى الغالية

[Haitham]

حبيبتى الغاليه ارسل لك بكل التحاية من على البعد من ارض الغربه والضياع ارسل لك قبلاتى وحبى ارسل لك ودى وشوقى وحبى، واعيش الذكره فى حبك وفقدك وبعدك ابكيك كل مساء بدمع العين بشوق وحزن جوانحي حبيبتى ودمدنى كل مايشرق فجر جديد اعيش مع طيفك ساعات وكل ماياتى مساء ابكى احلا امسياتى بك ، اين انت واين انا انت بعيده عنى اعيش فراقك واحس باهلك يضحكون بفرح وسرور لهم الحق فهم يعيشون بين جوانبك وشوارعك واحياءك الجميله النضيره
1 - القسم الاول
2- حى المدنين
3- مايوِ
4- دردق
5- ود ازرق
6- بانت
7-جزيرة الفيل
8- مارنجان حلة حسن حيث اهلى
9- القبه
مدرسة مدنى الثانوية مدرسة السنى ، سوق الدرجه تسكعنا وتنقلنا بين شوارعك واسواقك شوق شديد شوق شديد يامدنى ابكيك بعنف شديد لك حبى ودمدنى

هيثم امين عبدالعال
المملكة العربية السعودية
ينبع : الهيئه الملكية

[moh_alnour]

هي ود مدني الأمان شامخة على مر الزمان
ليت حظي يسمح ويسعدني طوفة فد يوم في ربوع مدني

الأندلس
المدينة الجامعية ( النشيشيبة )
حنتوب الجميلة + التكيلات والمربعات + الأنقاذ
الدباغة + الأزهري + القلعة
ود كنان
العشير + أم سويقو
القبة
المدنيين
القسم الأول
القسم التاني ( ود أزرق )
الثورة
حي البان
الكريبة
سنكات جبرونا + التلفزيون
بانت
البحوث الزراعية
البيان
شندي فوق
المزاد
الحلة الجديدة
114 + السكة حديد
الدرجة
مارنجان السودان
بركات
عووضة
المنيرة + حي الجامعة
حي الواحة + الحي السوداني
الزمالك
حي الموظفين
حي المطار
مايو ( 40 + نص + طرف )
أركويت
حبيب الله
السنيط
دردق
حي ناصر
المكي + حي المغتربين ( حي جديد بالقرب من غابة أم بارونة )
جزيرة الفيل

[Madanawi]

أقول لست المدائن
كلك على بعضك .. حلوة
أنيقة في داخلنا برغم الخراب
جميلة في حنايانا .. برغم العذاب
قريبة مننا .. برغم البعاد ،،

[عماد أبوسالمة]

أحبتي ناس ود مدني: تغمرني السعادة بإنضمامي لمنتديات ود مدني ،، وأذوب فرحاً عندما أرى حبكم لمدني وفرقانها العريقة ينساب بين سطوركم..
تحضرني دعابة لطيفة من أحد شباب مدني " المقرمين" عندما قال لي يوم ونحن في ساعة صفا بعد أن ضربنا فولة كاربة كدة والركشة تتهادى بنا جوار حديقة وقيع الله في إحدى الأمسيات و التي لا يعكر صفوها سوى بعض طنين باعوضة تشاركنا الركوب، قال لي : نحن ناس مدني ديل زي السمك لو يمرقوهو من الموية يموت، ونحن لما نمرق مسافرين من مدني للخرطوم بنقرا في مراية البص لوحة وداعاً مدني نلقى مدني معكوسة في المرايا "يندم" إنتهت مقولة صديقي..
أيٌاً كان مصدر مقولة صديقي وإقتباسها وعهدة راويها فمدني تسحرك وانت فيها ولكنها تأسرك وأنت خارجها..
بس.. فلنحذر على محبوبتنا،،، ومن أفرط في العشق إنفرط فيه..
أنا..:rolleyes: والغربة والبرتقالة مدني

[moh_alnour]

طيبة يا مدني وبسيطة
روعة المدن البسيطة
قبلة الفن ومنتداهُ
وفي الرياض العارفين
يا مدينة معلمة
محتوى ومرسى وملاذ
ما بغني وأطولا قامتك
في الحقائق وفي المجاز
طال ما النيل إنت وعدو
يبقى فيك وصفي الرزاز

[عبدالرحيم سعيد]

اسائلك اخي الهيثم الي متي يلازمنا البكاء عند الصباح وعند مغارة المساء اماوجدت في اضابير العطارين ان يصلح ماأفسده .الحاضر ألم تجد عقارا يداوي عضال الغربة الكربة .والخوف الذي يلازم الجميع وحكاية ابو الصقير قديما .لك الود كله مني.

[ذكريات]

اهداء الى الاخوين هيثم ومحمد النور بصفة خاصه
فقد شجعتماني على الكتابة والحديث عن مدني يبدو كسيل مدرار..
ومشاركتي هزه رافد يتدفق محبة وعشقا لهزه الواحة الفواحة التي
تفوح مسكا واريجا
غــــــدا ترجع تعــــود
تشرق الشمس تملا الوجود
غدا ترجع تعود
زولا حنين وودود
غدا ترجع تعود
ويفوح عبير الورود
ان شاء الله يوم تعود يتحقق المقصود
وتلقى مدنى شمعه تضوى بلا حدود

[خالد أحمد الصول]

أخي هيثم أمين عبد العال
بطل الجرسة و الواحد بس مما يعرس يبقي قلبو رهيييف ... شنو ما كلها فاضل ليها شهرين و تجي السودان ... ولا عاوز تعمل زي صاحبك علي الصول الجرسة كاتلاهو ومن اسع بحسب لي شهر أربعة ... بس ما عارفين شهر أربعة دة باتلعربي ولا الافرنجي .... إطمئن كل الامور هنا علي أتم عافية بس ساعدونا بالصبر ...

[nehroo]

ست العينين عطر الصندل
لو شفتها يوم عمرك يطول