بابكر
19-01-2008, 07:43 AM
صديقي الولي
--------------------------------------------------------------------------------
هنا سأكتب بتلقائية كوني معه صديقي الولي
لمسة عشق ووفاء لشخص نادر عشته حين رضا سماوي
هو صديقي الذي يسميني المبروك .. وأسميه الولي دون الحاجة منا
لمعرفة الأسماء الحقيقية من كلينا .. كلما ألتقيه أحس بأنني قد وصلت ..
كان يدخن في قلق ويقول لي .. لازمك تشكر السيجارة الفي يدي دي !!
أقول له: كيف يا الولي .. مالك داير تجنني ؟
كدي إت أشكرا ..!!
يرد لي بإبتسامة رضا .. وهو يتواضع إلى عالمي المرئي الذي هو حتماً غير عالمه
والله لو ما السيجارة دي ، لو طمبرت ما تشوفني !!
وأشكر له السيجارة .. واشكره على الحضور البازخ ..
!
بيننا مودة لا يدركها إلا من عاش مع أهل الوجد .. وطاف بعوالمهم .. يفرحني لقاؤه وأحس بالوعد السماوي على مرمى حجر حينما أسمعه يدعو لي .. أحسه قريباً مني جداً .. فهو مثقف في أمور الدين برؤى مدهشة ، وكذلك أمور الدنيا لا سيما النساء .. والقصص الغريبة التي هي خليط من أفعال أهل الباطن والفجور ،في ذلك اليوم كان قربي يردد "الله حي .. كلو زي دا ، أحححي كلو زي دا ، حي حي كلو زي دا"
فإبتدرته ، دا شنو البتسوي فيهو آ الولي أخوي ... دا هسة ذكر ولا غنا ؟؟ ...
قال لي دي قصة طويلة آ المبروك وسرح ببصره بعيداً ... ديل ناس من القوم (ويعني الدراويش) ، جو لي سيد دكان وقالولو أدّنا طحنية في رغيفة .. وبنديك دعوة كاربة الله يفتحها عليك وكان ماسكين أسمهم(أحححي كلو زي دا ،، الله حي كلو زي دا).... هلا هلا سرهم باتع ..!!
فإستحثثته أن يواصل .. فقال لي :
أها سيد الدكان قالهم .. ما عندي أمشوا وما تصاقروني زي العمل الردي
فقال واحد منهم للتاني .. زولك دا ما نصيح ولا شنو ... قال له التاني .. أوديهو ليك ؟
صاحبو قالو: أيّا وديه يمكن يرجع راسو عديل ... فضربه فوق كتفو ... صاحبنا لقى روحو في خلا ... والدنيا ليل والضلمة كحل ... من بعيد شافلو نور في ميضنة بعد مشوار طويل وصل لقاهو مسجد والناس داخلين الصلاة .. دخل معاهم وصلى بعد ما جا مارق لاقاهو واحد من ناس البكان وقالو آ اللخو أظنك غريب ؟ قالو
أيّا غريب .. داير يحكي ليهو قصتو قالو أرح البيت دا كلو بوكتو .. ساقو
بيتو وعشاهو وما قدر يحكي ليهو الحاصل .. من صباح الرحمن
جابلو الشاي والفطور ، وقالو البيت بيتك ، بس وكت الصلاة نتلاقى في
الجامع ... أنا ماشي أشتغل. زولنا قعد تلاتة يوم بالطريقة دي ، بعدها سيد البيت قالو خلاص بعد دا لازمك تسوي ليك بيت جنبي هنا وخلني أشوف لك شغل .. زولنا قال ليهو بيت بشنو يا اللخو والله أنا معلم الله .. سيد البيت ضحك وقال ليهو تعال معاي ... ومشو للعمال قالوليهم تبنوا البيت بكم ؟ قالوا بخمسة ألف صلاة على النبي ..! أها قالو أبرك وأجرد لك خمسة تالاف صلاة عشان يبدوا الشغل .. أدوهو السبحة جردن والعمال بنوا البيت .. بعد كم يوم كدي جاهو تاني قالوا العرس واجبك والعمدة عندو بت قال بعرسها ليك بعشرة تالاف صلاة على النبي .. جردن وعرس البنية ... وقدر ما يقول داير يحكي القصة الجابتو هنا الناس يطانشوهو ...
قول الله حي ..
قلت وراءه وأنا مندهش من الغرابة.
أها آ المبروك ، اللهم صلي علي النبي، صاحبنا قعد مع البنية يمشي السوق ، الرغيف بكم ؟ تلاتين صلاة على النبي كيلو اللحمة بكم ؟ البقري بسبعين صلاة على النبي والضاني بمية ، يشيل مصاريفو ويجي البيت ياكل مع مرتو في أمانتي الله .. أها يوم قال داير يعزم الزول الإستضافو في يومو الأول والعمدة نسيبو وناس الجامع .. قال للمرة دايرة شنو ، قال ليهو جيب وجيب جيب ... كل الحاجات قالتن ليهو ومن ضمنهن جيب سمك باقي أبوي بحب السمك.
أها زولنا إتحزم ودخل السوق ... يصلي بالكتير على النبي ويشيل في الحاجات البصل الزيت الدقيق أظنو يومو دا صلى قريبالتمانين ألف صلاة على النبي .. وأدى الشيالة زي أربعمية صلاة على النبي حتن وصلولو الحاجات البيت ... !!!
كدي أدني سيجارة .. ، منحته وواصل ...
المرة جيهت العشا للضيوف وكان السمك كتير أكلو وأكل العمدة لامن حمد
سيدو .. وشكروهو ومرقو ..بالليل دخل سيد الدكان صاحبنا
على المرة وقال لها .. السمك الجبتو سويتيهو كلو؟ قالتلو بلحيل .. قالها لكن
دا ما كان كتير خلاس ، كان تخلي لينا شوية ناكلو باكر ..! أها
المرة من محلها داك فكت الجعارة وكوركت لمت ناس الحلة فيهو وقالت لأبوها الزول ما دايراهو تب ... ليش يا بتي ...؟ قالت ليهو الزول قال وقال .. وقال داير أكل لي بكرة يعني ما ناوي بكرة يصلي علي النبي ... فقال له العمدة الله يخيبك .. مستخسر الصلاة علي النبي في السمك ؟ وضربهبيده فوق كتفو ...
فجأة لقى صاحبنا روحو في دكانو وأهل الله الدراويش واقفين وبسووا: أحححي كلو زي
دا ، الله حي كلو زي دا ....
آ المبروك ديل سرهم باتع ....!!
أطفأ سيجارته ، بعد أن أشعل دهشتي ، وأنا أصلي علي النبي
عليه أفضل الصلوات والتسليم.
منجوول!
--------------------------------------------------------------------------------
هنا سأكتب بتلقائية كوني معه صديقي الولي
لمسة عشق ووفاء لشخص نادر عشته حين رضا سماوي
هو صديقي الذي يسميني المبروك .. وأسميه الولي دون الحاجة منا
لمعرفة الأسماء الحقيقية من كلينا .. كلما ألتقيه أحس بأنني قد وصلت ..
كان يدخن في قلق ويقول لي .. لازمك تشكر السيجارة الفي يدي دي !!
أقول له: كيف يا الولي .. مالك داير تجنني ؟
كدي إت أشكرا ..!!
يرد لي بإبتسامة رضا .. وهو يتواضع إلى عالمي المرئي الذي هو حتماً غير عالمه
والله لو ما السيجارة دي ، لو طمبرت ما تشوفني !!
وأشكر له السيجارة .. واشكره على الحضور البازخ ..
!
بيننا مودة لا يدركها إلا من عاش مع أهل الوجد .. وطاف بعوالمهم .. يفرحني لقاؤه وأحس بالوعد السماوي على مرمى حجر حينما أسمعه يدعو لي .. أحسه قريباً مني جداً .. فهو مثقف في أمور الدين برؤى مدهشة ، وكذلك أمور الدنيا لا سيما النساء .. والقصص الغريبة التي هي خليط من أفعال أهل الباطن والفجور ،في ذلك اليوم كان قربي يردد "الله حي .. كلو زي دا ، أحححي كلو زي دا ، حي حي كلو زي دا"
فإبتدرته ، دا شنو البتسوي فيهو آ الولي أخوي ... دا هسة ذكر ولا غنا ؟؟ ...
قال لي دي قصة طويلة آ المبروك وسرح ببصره بعيداً ... ديل ناس من القوم (ويعني الدراويش) ، جو لي سيد دكان وقالولو أدّنا طحنية في رغيفة .. وبنديك دعوة كاربة الله يفتحها عليك وكان ماسكين أسمهم(أحححي كلو زي دا ،، الله حي كلو زي دا).... هلا هلا سرهم باتع ..!!
فإستحثثته أن يواصل .. فقال لي :
أها سيد الدكان قالهم .. ما عندي أمشوا وما تصاقروني زي العمل الردي
فقال واحد منهم للتاني .. زولك دا ما نصيح ولا شنو ... قال له التاني .. أوديهو ليك ؟
صاحبو قالو: أيّا وديه يمكن يرجع راسو عديل ... فضربه فوق كتفو ... صاحبنا لقى روحو في خلا ... والدنيا ليل والضلمة كحل ... من بعيد شافلو نور في ميضنة بعد مشوار طويل وصل لقاهو مسجد والناس داخلين الصلاة .. دخل معاهم وصلى بعد ما جا مارق لاقاهو واحد من ناس البكان وقالو آ اللخو أظنك غريب ؟ قالو
أيّا غريب .. داير يحكي ليهو قصتو قالو أرح البيت دا كلو بوكتو .. ساقو
بيتو وعشاهو وما قدر يحكي ليهو الحاصل .. من صباح الرحمن
جابلو الشاي والفطور ، وقالو البيت بيتك ، بس وكت الصلاة نتلاقى في
الجامع ... أنا ماشي أشتغل. زولنا قعد تلاتة يوم بالطريقة دي ، بعدها سيد البيت قالو خلاص بعد دا لازمك تسوي ليك بيت جنبي هنا وخلني أشوف لك شغل .. زولنا قال ليهو بيت بشنو يا اللخو والله أنا معلم الله .. سيد البيت ضحك وقال ليهو تعال معاي ... ومشو للعمال قالوليهم تبنوا البيت بكم ؟ قالوا بخمسة ألف صلاة على النبي ..! أها قالو أبرك وأجرد لك خمسة تالاف صلاة عشان يبدوا الشغل .. أدوهو السبحة جردن والعمال بنوا البيت .. بعد كم يوم كدي جاهو تاني قالوا العرس واجبك والعمدة عندو بت قال بعرسها ليك بعشرة تالاف صلاة على النبي .. جردن وعرس البنية ... وقدر ما يقول داير يحكي القصة الجابتو هنا الناس يطانشوهو ...
قول الله حي ..
قلت وراءه وأنا مندهش من الغرابة.
أها آ المبروك ، اللهم صلي علي النبي، صاحبنا قعد مع البنية يمشي السوق ، الرغيف بكم ؟ تلاتين صلاة على النبي كيلو اللحمة بكم ؟ البقري بسبعين صلاة على النبي والضاني بمية ، يشيل مصاريفو ويجي البيت ياكل مع مرتو في أمانتي الله .. أها يوم قال داير يعزم الزول الإستضافو في يومو الأول والعمدة نسيبو وناس الجامع .. قال للمرة دايرة شنو ، قال ليهو جيب وجيب جيب ... كل الحاجات قالتن ليهو ومن ضمنهن جيب سمك باقي أبوي بحب السمك.
أها زولنا إتحزم ودخل السوق ... يصلي بالكتير على النبي ويشيل في الحاجات البصل الزيت الدقيق أظنو يومو دا صلى قريبالتمانين ألف صلاة على النبي .. وأدى الشيالة زي أربعمية صلاة على النبي حتن وصلولو الحاجات البيت ... !!!
كدي أدني سيجارة .. ، منحته وواصل ...
المرة جيهت العشا للضيوف وكان السمك كتير أكلو وأكل العمدة لامن حمد
سيدو .. وشكروهو ومرقو ..بالليل دخل سيد الدكان صاحبنا
على المرة وقال لها .. السمك الجبتو سويتيهو كلو؟ قالتلو بلحيل .. قالها لكن
دا ما كان كتير خلاس ، كان تخلي لينا شوية ناكلو باكر ..! أها
المرة من محلها داك فكت الجعارة وكوركت لمت ناس الحلة فيهو وقالت لأبوها الزول ما دايراهو تب ... ليش يا بتي ...؟ قالت ليهو الزول قال وقال .. وقال داير أكل لي بكرة يعني ما ناوي بكرة يصلي علي النبي ... فقال له العمدة الله يخيبك .. مستخسر الصلاة علي النبي في السمك ؟ وضربهبيده فوق كتفو ...
فجأة لقى صاحبنا روحو في دكانو وأهل الله الدراويش واقفين وبسووا: أحححي كلو زي
دا ، الله حي كلو زي دا ....
آ المبروك ديل سرهم باتع ....!!
أطفأ سيجارته ، بعد أن أشعل دهشتي ، وأنا أصلي علي النبي
عليه أفضل الصلوات والتسليم.
منجوول!