قطعة في مدني ثمنها 3 مليار جنيه [الأرشيف]

admin

21-01-2008, 02:31 AM

بيعت قطعة في ودمدني بمبلغ 3 مليار جنيه (العملة القديمة) .. القطعة في مكان مميز في الحي السوداني سابقا .. لو ماعندك قروش ادخل اتفرج وشوف

البرنس

21-01-2008, 03:02 AM

كلام والله
يعني القطعة تقريبا بي 6000000 ستة مليون ريال سعودي
يعني بي 1600000 مليون وستمائة الف دولار

القطعة تستاهل اكثر واعتقد انها ارض نميري ( جعفر نميري) صح ولا انا غلطان

مدنيّة

21-01-2008, 03:19 AM

انت جادي يا ادمن ؟؟

غريبة جدا لانه رقم زي دا في الخرتوم ما قاعد يحصل

moh_alnour

21-01-2008, 03:22 AM

وأنا بتفق مع البرنس في أنها الأرض التي تقع جنوب منزل المرحوم المهندس : محمد عبد الكريم عساكر
وشمال مسجد الفرنساوي ورئاسة الشرطة
بس من المؤكد أنها بيعت لشركة أو نحوه كأستثمار وهي أرض مساحتها كبيرة وفي موقع مميز .

هيثم عبدالعال

21-01-2008, 07:23 PM

بيعت قطعة في ودمدني بمبلغ 3 مليار جنيه
عادي السعر معقول جداً بالنسبة لي ( مش كده يا مدنيه )، بالله يا أبوبكر ممكن تلمني في المشتري نشوفو عاوز يبيع .

عبدالرحيم سعيد

21-01-2008, 07:45 PM

من الصور اعتقد انها قطعة نميري التي اعطت له هدية

Isam Hussien H

21-01-2008, 09:59 PM

الناس ديل شككونا في أن السودان واحد من أكبر الدول في عمليات غسل الأموال ..
يا ريت المقصد يكون 300مليون مبلوعه شوية ..

admin

21-01-2008, 10:08 PM

في جدة ممكن تلقى فيلا جديدة وفي موقع جيد سوبرديلوكس في حدود 700 الف ريال .. فمبالك بستة مليون ريال .. انا بعرف ناس اشترو بيوت في فيرجينا - امريكا في حدود 150 الف دولار فمبالك بمليون ونص دولار

شوفو القطعة من القوقل

هشام السماني إبراهيم

21-01-2008, 10:13 PM

يا ادمن عملتى لينا نفسيات دا كلام شنو معقولة

وليه المبلغ دا مهما كان موقعها

دا كلام خرافي

المسافر

22-01-2008, 09:36 AM

لكن كلام يا عوض دكام
أوريك المميز فيها شنو . . . عشان قريبة من البطري :D
مبلغ 3 مليارات يعني 5.5 مليون درهم . . . مش أحسن
أشتري في جزيرة الريم في أبوظبي ولا مدينة النخلة في دبي
أو أشتري قطعة أرض في منطقة المشرف بأبوظبي . . .
المبلغ فعلاً مبالغ فيهو وغير منطقي . . . لكن ده حال
السودان ( سوق غير مفهوم وغير معلوم وبلا قانون )

ولك الود

ريانية

23-01-2008, 09:09 AM

ما معقولة دا مبلغ كبير جدا الحكاية شنو؟؟

ahmed algam

23-01-2008, 11:39 AM

مامعقول الحكاية شنو غسيل اموال ولا شنو

حافظ قناوي

23-01-2008, 12:52 PM

غايتو أنا بكلم عمنا الراجحي بالسعودية إمكن يشتريها لكن أشك في ذلك .

معتز الريح

23-01-2008, 11:14 PM

الحبيب أبوبكر ..
السؤال الأهم .. الاشتراها منو ؟

GREY MAN

24-01-2008, 12:24 PM

الحبيب أبوبكر ..
السؤال الأهم .. الاشتراها منو ؟

ود الريح
اعلي سعر دفعته مستشفي مكه الخيري لطب العيون

منى سيد علوب

25-01-2008, 05:38 AM

والله يا استاذ آدمين انا ارى آي شبر في ودمدني يسوى كده واكتر

ناصر عمر دبيب

25-01-2008, 10:08 AM

كلام بس والله الخرطوم تشوف العجائب

أبوبكرحامد

26-01-2008, 01:15 AM

والله يا استاذ آدمين انا ارى آي شبر في ودمدني يسوى كده واكتر

لك التحية يامنى يامسكونة بعشق مدنى.
و... قالوا قطعة سكر ..... قلنا أحلى وأنضر

مع مودتى وتحياتى لسلطان

ود الماذون

بورتبيل

26-01-2008, 01:35 AM

اااااااااخ تعرف انا كنتا خاتي عيني عليها
كنت عايز اقايطها بي ......!!! خليها سر
بس تقول شنو من الناس العندها قروش دي

nehroo

26-01-2008, 06:11 AM

والله مدني دي ماااااااااااااااااا
عثل عديل كده
طيب مانبيع ( وزارة ....... ووزارة.......... ووزارة............ ومبني حيكومة................
عشان نستفيد منهم
ولا ششششــــــــــــــــــــينو

fero511

29-01-2008, 12:02 AM

يا اخوانا مالكم حاسدننا في القطعة الباعها بابا

(فخرالدين جعفر نميري)

محمد السر احمد

04-02-2008, 09:17 AM

والله لا تعليق

114

05-02-2008, 06:27 AM

هو ابريل جاء واللا شنو يا ادمن؟

بت حنتوب

05-02-2008, 06:43 AM

والله يا ادمن كنا ناويين الاجازة الجاية نشتري لينا قطعة ارض لكن قنعتنا من الفكرة

الامين

08-02-2008, 04:04 AM

انا عندي واطة قدام السوق الشعبي ..
يعني موقف ممتاز ...

هل من مشتري ...
بس مابي 3 مليار ..
عايزين فيها 100 مليون
هل من مشتري

الامين

08-02-2008, 04:05 AM

ياادمن ..

تحياتنا وحبنا ..

الدنيا مامستاهلة ..... صحي ...

ودأبوالعول

08-02-2008, 04:42 AM

طبعا الثمن مرتبط بمساحة القطعة التى لانعلمها ولكن مهما كانت فسعرها مرتفع جدا 00

أبونبيل

08-02-2008, 07:55 PM

القطعة بتاعت جعفر نميرى دى أنا دفعت فيها لأبنة فخر الدبن fero511 أثنين مليار جنية سودانى

ورفض يبيعها لى رغم تدخل السماسرة عبد القادر أبو ضراع والطاهر يوسف والصادق

حمدتو****قمت اشتريت سينما كلوزيوم بمدنى (الخواجة ) بمبلغ ألأثنين مليار

مش أحسن من قطعة ألأدمن بتاعة قوقل ؟

تعرفو السماسرة أخدو منى كم؟

المكاشفى

16-02-2008, 02:27 PM

هو ابريل جاء واللا شنو يا ادمن؟

والله كتلتنى بالضحك
الله يديك العافيه عمنا عمر
اجمل تعليق وبس

المكاشفى

16-02-2008, 02:58 PM

الجربان يأكل بى عينو؟؟؟؟

سروية

26-05-2009, 11:20 PM

نعيش اكتر نشوف اكتر

بنت النيل

29-06-2009, 04:00 AM

ليه دي قطعة ارض ولا قطعة سماء
والله كلام عجيب

بت أم درمان

29-06-2009, 04:33 AM

ليه دي قطعة ارض ولا قطعة سماء
والله كلام عجيب

ههههههههههههههههههههههه اقول ليك شنو انا حسي عايني والله انتي زولة ظريفة شديد

الجندي المجهول

30-06-2009, 02:39 AM

انت جادي يا ادمن ؟؟

غريبة جدا لانه رقم زي دا في الخرتوم ما قاعد يحصل

والله كلامك صاح لانه البيت الجاهز وعمارة ليها ضل في الرياض او المنشية لا تحصل هذا الرقم وكمان قطعة واطة فاضية وفي مدني بيتساوي 3 مليار (هذا ضرب من الجنون) ولو عاوزين نبقى عاقلين نرجع لي علم الاقتصاد الذي يقول ان السلعة (اي شي معروض للبيع سواء عقار او اي ممتلكات) ويتم شراءها بمبالغ طائلة وفيها نوع من المبالغة تسمى (غسيل اموال) ولا رايكم شنو

ALFATEH MSSRA

12-07-2009, 08:59 AM

الكلام ده 100\100 ولو عا يزين تشوفوا العجب امشو ا اسئلو من الاسعار فى شارع افريقيا والله التلاته بتاعتكم دى ما تجيب كشك هناك ووووووووووووووووووووووووووووو لكم التحية

محمد السر

13-07-2009, 06:29 AM

القطعه دي اشتروها حسي ولا بعدين

أبوحراز

28-07-2009, 09:38 PM

اااااااااخ تعرف انا كنتا خاتي عيني عليها
كنت عايز اقايطها بي ......!!! خليها سر
بس تقول شنو من الناس العندها قروش دي

{ أكيد بكسي 81 } !!!!

كان تجرب ياخ ممكن الجماعة يدقسوا وتكون من نصيبك

تعرفوا الثلاثة مليار بيكون فيها مليار ونص سماسرة
والباقي { أخرى } دي ماتسألوني منها

والله الواحد لو مسك الحكومة دي في انقلاب اول شي يفكر فيه يحجز ليهو قطعة كبيرة
من نوع 3 مليار ومافوق !!!
ياخي عالم عجيبة جداً
العقارات في السودان اغلى من طوكيو ولندن ونيويورك

ام عسجد

16-08-2009, 01:27 AM

لكن القطعة ديا عبارة عن 3 قطع وبعدين الموقع ممتاز

ود الربوة

20-08-2009, 11:29 AM

طيب نحن السنة الجاية طالعين نسكن فى القمر الراجل الاشترى القطعة بى 3 مليار ده مااااااااا شرب المقلب ههههههههههههه .

محمد السر

04-09-2009, 08:41 AM

السلام عليكم
استاذ ابوبكر اسعد الله اوقاتك

السؤال : حتى اذا دفع ربع هذا المبلغ هل يكون المبلغ الحقيقي للقطعه؟
مع اني اعلم انه توجد فيلل في القاهره في المعادي بمساحة 3500متر مربع
وتكون الفيلا من ثلاثه طوابق واسعه وحوض سباحه وسعرها 1,200,000
جنيه مصري أي ما يعادل الــ550,000,000 سوداني أي انه سدس مبلغ قطعة مدني دي.

سبحان الله

ود الجعلي

04-09-2009, 09:03 AM

اللهم نسألك الجنة............ وقطعة في الجنة ............قطعة شنو بيت عديل كده

امين يارب العالمين وانشاالله اجمعين

قولوا امين

ابو السارة

16-09-2009, 05:50 PM

أغلى قطعة فى اكبر و افقر بلد بس عايزين نعرف قروشا مشت وين لكن معقولة إذا كان الجواز الجديد ب 700 درهم او ريال امسكو الخشب الجايات أكتر

ابو السارة

16-09-2009, 06:04 PM

ياخواناالزول الشترى امكن اكتشف فيها بير بترول بعدين اطلع واخت التلاتة مليار دى وأكتر فى جيبو فيك يامدنى أسباب أزاى

amino

17-09-2009, 01:37 AM

3 مليار وبس يااخوانا دقوسوهم دى رخيصة خالص

همسة:-ممكن تلفون المشترى عايزوا ضرورى