حاجات غريبه وعجيبه تخلي نصك عاقل

[GREY MAN]

في كل يوم تمر علينا اشياء لا نفهمها وتضيع في الزحام ولا نجد لها معني
اخبار وممارسات يوميه وظواهر لا نجد زمنا لنفكر فيها واذا فكرنا بها لا نجد لها اجابه واذا وجدنا الاجابه تكون باهته غير مقنعه...فلنتفاكر في هذه الظاهره سويا.

واقول قول اهلنا الحلوين ارحكاكم

[GREY MAN]

كدي قبل ما نخش لي جوه
نمسك ارحكاكم (كاكم دي معناها شنو)
ارحكاكه(كاكه دي شنو)
ما نوع هذا التصريف

[GREY MAN]

البطانيه من الصوف الانجليزي
البرد قارص
تخش جوه البطانيه تحس براحه ولا يظهر منك شئ
وانت تتنفس بصوره طبيعيه ويدخل الاكسجين بكميات مناسبه.
واذا اتي الصيف لا يدخل الاكسجين بكميه مناسبه تكفي التنفس الشئ الذي يسبب الاختناق.
فلماذا يستطيع الاكسجين الدخول شتاءا ولا يستطيع في بقية الفصول؟

[GREY MAN]

كل الاصوات لها صدي الا البطه...ولله حكمه لم نعلمها.

[GREY MAN]

ظاهرة الوحم

[ريانية]

في كل يوم تمر علينا اشياء لا نفهمها وتضيع في الزحام ولا نجد لها معني
اخبار وممارسات يوميه وظواهر لا نجد زمنا لنفكر فيها واذا فكرنا بها لا نجد لها اجابه واذا وجدنا الاجابه تكون باهته غير مقنعه...فلنتفاكر في هذه الظاهره سويا.

واقول قول اهلنا الحلوين ارحكاكم

هلا جري مان..
شكرا على ما طرحت.. بالنسبة للأشياء التي إذا فكرنا فيها ولا نجد اجابة مقنعة
فهذا يعتمد على الشخص الذي يقول لك الاجابة وايضا ربما تكون غير كاملة..

[النور محمد يوسف]

الاخ الجري مان ...... فعلا هناك حاجات لا نستطيع ان نجد تفسيرا لها في الوقت الحالي ..... قد يكون لها تفسير ولكن لم ندركه نحن حسب امكانياتنا الذهنية أو المادية أو الزمنية ..... مثلا الحاسة السادسة ..... تفسيرها وما هي ...... ثم الحلم والرؤية ..... هذا في عالم اللامحسوس .....أما في عالمنا المحسوس مثل تعلقنا بالمكان كالوطن" رغم جراحاته مع أنو بالامكان الحصول على البديل وفورا ...... لذلك اغير عليكم أبناء بلدي

هل تصدق أنني في يوم من الأيام بحثت ولمدة طويلة عسى أن أجد شجرة نيم ......آآ والله شجرة نيم .....قالوا بعد أن تغليها يمكن ماؤها أن تشفى "العنقز" "البرجم" باذن الله...... فقد كان واحد من أعزائنا قد أصابه "برجم" ...... لم نجد شجرة نيم ....... وبعد بحث مضني حصلنا عليها ...... لا تدري كيف كانت فرحتنا ..... لم استطع تفسير تلك الفرحة ....هل لانها تذكرني بلدي ام فرحة بوجود الدواء ...... فعلا الوطن غالي ..... ولكن لماذا؟؟؟؟؟

[معتز الريح]

(كاكه دي شنو)



الحبيب أبو البنية ..
ما تتعب نفسك ساي .. أنسى ..
وزي ما قال ليك أخونا النور .. الحاجات دي كتيرة ..
ولو قعدنا نبحث عن التفاسير بنتعب ..

كاكه معناها تلقاهو عند الصغار ..


لكن عجيبة العجيبات ومحيرة العقول ..
وتخليك كلك مجنون ..
حكاية الفلسطينين الركبوا الركشه ..
متذكرها ولا أذكرك ليها ..

[عبدالرحيم سعيد]

المحيرني اخي الجيري هنالك كلمات نقولها للحيوانات مثلا(هرت .كل.حي.حي.بس.تك.حاو.جرت.عرت.كت.كت.كر.كر)كل له معني عند صاحبة ماالمرجع لها

[GREY MAN]

هلا جري مان..
شكرا على ما طرحت.. بالنسبة للأشياء التي إذا فكرنا فيها ولا نجد اجابة مقنعة
فهذا يعتمد على الشخص الذي يقول لك الاجابة وايضا ربما تكون غير كاملة..

الاخت ريانيه
هناك بعض الاشياء لم نجد لها اجابه ولو تمعنت شويه حا تجدي اشياء كثيره نمارسها وليس لها معني واضح.وفي الانتظار.

[GREY MAN]

الاخ الجري مان ...... فعلا هناك حاجات لا نستطيع ان نجد تفسيرا لها في الوقت الحالي ..... قد يكون لها تفسير ولكن لم ندركه نحن حسب امكانياتنا الذهنية أو المادية أو الزمنية ..... مثلا الحاسة السادسة ..... تفسيرها وما هي ...... ثم الحلم والرؤية ..... هذا في عالم اللامحسوس .....أما في عالمنا المحسوس مثل تعلقنا بالمكان كالوطن" رغم جراحاته مع أنو بالامكان الحصول على البديل وفورا ...... لذلك اغير عليكم أبناء بلدي

هل تصدق أنني في يوم من الأيام بحثت ولمدة طويلة عسى أن أجد شجرة نيم ......آآ والله شجرة نيم .....قالوا بعد أن تغليها يمكن ماؤها أن تشفى "العنقز" "البرجم" باذن الله...... فقد كان واحد من أعزائنا قد أصابه "برجم" ...... لم نجد شجرة نيم ....... وبعد بحث مضني حصلنا عليها ...... لا تدري كيف كانت فرحتنا ..... لم استطع تفسير تلك الفرحة ....هل لانها تذكرني بلدي ام فرحة بوجود الدواء ...... فعلا الوطن غالي ..... ولكن لماذا؟؟؟؟؟

الاديب
لك كل الاحترام
نعم حب الوطن من الاشياء التي لا نعرف سببها..وتكوين الحاسه السادسه ..لكن لماذا لا يدرك معناها العقل فهل هي من المسلمات ام اننا نعجز عن فهم جزء من الحياه.
وذكرتني بي موضوع النيم بان احد القادمين للدراسه بالهند شاف ليهو طيره(عشوشه)في المطار فاصابته الدهشه ولما سالوه عن البلد قال ليهم بلد فيها النيم وعشوشه ما نافعه..وبالرغم من كل هذا حب البلد جوانا.
وفي انتظار المزيد منكم.

[GREY MAN]

الحبيب أبو البنية ..
ما تتعب نفسك ساي .. أنسى ..
وزي ما قال ليك أخونا النور .. الحاجات دي كتيرة ..
ولو قعدنا نبحث عن التفاسير بنتعب ..

كاكه معناها تلقاهو عند الصغار ..


لكن عجيبة العجيبات ومحيرة العقول ..
وتخليك كلك مجنون ..
حكاية الفلسطينين الركبوا الركشه ..
متذكرها ولا أذكرك ليها ..

صاحبي الزمان
كاكه دي ما الفي بالك.
والفلسطينيين ربنا يكون في عونهم...لكن اتذكرت الزول الركب معانا الطياره 18 ساعه
وقدر ما المضيفه تسالو داير شنو يقول ليها شكرا ولما لون وشو قلب من شراب المويه قلنا ليهو مالك يا ابو الشباب قال ما شايل معاهو قروش(يا حليل بص عباس)والما عارف بص عباس ما شاف المولد.


يا ود الريح ساي دي شنو؟

[GREY MAN]

المحيرني اخي الجيري هنالك كلمات نقولها للحيوانات مثلا(هرت .كل.حي.حي.بس.تك.حاو.جرت.عرت.كت.كت.كر.كر)كل له معني عند صاحبة ماالمرجع لها

تسلم يا عبد الرحيم
هرت لزيادة السرعه
بس فرامل يد
تك للغنم
حاو فرامل متدرجه
جرت لابعاد الكلب
كت كت لاطعام الطيور الداجنه
كر كر لابعادها عن الطعام
ولكن الجنني اكتر انني لم استطع كتابة الحركه التي نعملها بلصق وطي اللسان داخل الفم لننادي بها الجرو او الكلب لتهدئته او للتودد(والبكتبها له هديه)....اها لقينا كلمه تنطق ولا تكتب.

[GREY MAN]

حاجه غريبه
اجتماع مجلس الوزراء واصدار بيان بلسان السيد ريئس الجمهوريه بان السبت من كل اسبوع اجازه.رؤيه اقتصاديه او بند من بنود الاتفاقيه لا يهم .........مدير شركه خاصه راس مالها لا يزيد عن خمسين مليون بالقديم يقول للموظفين السبت يوم عمل عادي ولا يوجد Over Timeلان الاجازه للقطاع العام ....دي يفهموها كيف.

[مرتضى يوسف العركي]

الحبيب الرائع Grey man
تحياتي
اتفق معكم كثيرا في الطرح والطرق فعلا هناك خرمجة ( ما اعارف تصريفها كيف دي كمان ) وتجدني ايضا اخي الكريم اتفق مع ما ذهب اليه اديبنا النور محمد يوسف
...... فعلا هناك حاجات لا نستطيع ان نجد تفسيرا لها في الوقت الحالي ..... قد يكون لها تفسير ولكن لم ندركه نحن حسب امكانياتنا الذهنية أو المادية أو الزمنية ..... مثلا الحاسة السادسة ..... تفسيرها وما هي ...... ثم الحلم والرؤية ..... هذا في عالم اللامحسوس .....أما في عالمنا المحسوس مثل تعلقنا بالمكان كالوطن" رغم جراحاته مع أنو بالامكان الحصول على البديل وفورا ...... )
نعم المفارقة انها في الحالتين الواقع المحسوس وفي الميتافيزيق والغيبات فيما يبدو ان الامر يحتاج لبحث ووقت لاستدراك قليل من كثير
لكم الشكر على القيمة العالية للموضوع واتمنى الاثراء من الجميع

[عثمان جلالة]

يا صاحبي ... قري مان ... الرجل الرمادي ... موضوعك هادف وجذاب ... وشيق ... ومضحك .. فعلا في حاجات بنقولها وما عارفين معناها ... لكن حركة مناداة الكلب دي غلبتني أددديل كده ... صحي نكتبها بى ياتو حرف؟؟؟ ومنتظرين المزيد