الجماعة ... وحفل القنصلية بجدة + الصور

[abomazeen]

(1)

الأدمن + بورتبيل + وليد وسط الحضور المشرف لحفل القنصلية بجدة ...

[abomazeen]

تكملةً لما بداه الأخ العزيز / صــلاح ســري في توثيقه لوقائع الاحتفال الجماهيري الكبير الذي شهدته أورقــة القنصلية العامـة بجــدة ...

ونيابة عن منتدي ودمدني - تشرف نفـر كريم بالحضور نيابة عنكم وتمثل ذلك في شخص لكل من السادة :

(1) السيد / أبوبكر ( الأدمــن )

(2) السيد / مدناوي وشرفنا معه إبن خاله الوجيــه ( أمير )

(3) السيد / معتز سنهوري ومعه ( نسيبه ) الوجيــه مجاهد وبحضرتهم ابنه ( ساطع ) ما شاء الله عليه

(4) السيد / مدثر بورتبيل

(5) السيد / أمير عبداللطيف- الكمندان

(6) السيد / صلاح سري

(7) السيد / أبومازن - شخصـي الضعيــف


* هذا وقد التف الحضور في تناغم يعكس الحس الوطني والمشاركة الجماعية في سعادة وحبور

وسوف نوافيك ببقيــة ( الصــور الخاصــة ) تباعــاً .... وفي انتظــار المشاركات والتفاعــل منكم ...

[معتز الريح]

والله يا ناصر اخوي .. تنفع معد أخبار ..
تعرف لولا الزحمة لابتهجنا بهجة الذين ابتهجوا ..
لكن نسيت تقول انو الآدمن حضر وعائلته ..

[abomazeen]

وده الحبيب الصغير ( ساطــع ) وفعلاً كان ساطع مع خاله المهذب
ووالده ( أبو فنيلة سوداء - راقية ) معتز سنهوري ...





خسارة معتز مشى البيت بدري ولا ندري السبب ( يا ربي يكون .... ) ممكن ؟؟!!

[بورتبيل]

هو بالله معتز مش بدري .. مالو يا رب؟؟

اسال رضا حسن الاصلو ما جاء ....؟؟

طبعاً كانت حفلة جميلة وكان السودان بدراً في تلكم الامسية من تفاعل الحضور مع الطرب الوطني الجميل ومن حسن تنظيم اللجنة المشرفة على الحفل بقيادة المقدم امير عبد اللطيف وجهود السادة القائمين بالقنصلية العامة بجدة - وايضا المجهود المقدر جداً للاستاذ / صلاح سري واسرته .

[ام محمد]

اخواني الاعزاء لايفوتكم بان كان هنالك حضور مكثف من ام محمد حيث كنت امثل المكتب الثقافي لرابطة المرأة السودانية بجدة ، وقد كانت مشاركة المرأة من اعدادي واخراجي وكان صوت نسيبة طاغيا . حيث ابتهج الحضور وصفق الجمهور لتلك الفقرة التي ادتها بناتنا وكم كان هنالك حضورا مميزا لاخوات نسيبة . . . . اتمني ان نكون شرفناكم بالحضور واسعدناكم بنقل التوثيق كاملا ومفصلا ولكم مني كل الود ولكم ما تريدون .

[abomazeen]

وللفرح والتعبير عنه أللون وأشكال عديدة
تتمازج وروح الاحتفـال في تناغم عجيب !




الجماعة ( ناسنا ) ... في لحظات إنسجام ...


لحظــات لا تعــوض من السعادة والمشاركة

[معتز الريح]

وده الحبيب الصغير ( ساطــع ) وفعلاً كان ساطع مع خاله المهذب
ووالده ( أبو فنيلة سوداء - راقية ) معتز سنهوري ...
http://file5.9q9q.net/img/25418486/----------.JPG (http://file5.9q9q.net/preview/25418486/----------.JPG.html)

خسارة معتز مشى البيت بدري ولا ندري السبب ( يا ربي يكون .... ) ممكن ؟؟!!




كبرنا وبقينا ما بنقدر على السهر ..
اللمة جميله وحلوة بيكم ..

[معتز الريح]

هو بالله معتز مش بدري .. مالو يا رب؟؟
اسال رضا حسن الاصلو ما جاء ....؟؟


مدثر .. بتظلمني لما تسأل مني رضا ..
أصلو عايز فيني فرصة وما لاقيها ..

مشيت بدري تعبت من الوقفة ..
ونسيبي ده بنوم بدري ..

[abomazeen]

اخواني الاعزاء لايفوتكم بان كان هنالك حضور مكثف من ام محمد حيث كنت امثل المكتب الثقافي لرابطة المرأة السودانية بجدة ، وقد كانت مشاركة المرأة من اعدادي واخراجي وكان صوت نسيبة طاغيا . حيث ابتهج الحضور وصفق الجمهور لتلك الفقرة التي ادتها بناتنا وكم كان هنالك حضورا مميزا لاخوات نسيبة . . . . اتمني ان نكون شرفناكم بالحضور واسعدناكم بنقل التوثيق كاملا ومفصلا ولكم مني كل الود ولكم ما تريدون .





وكدليل لكلام أختنا أم محمد ودور أخوات نسيبة في الحفل البهيج

بناتنا البراعم الصغيرات .. زهرات ناضرات في دجى سمانا

كان دورهن بارزاً وواضح في هذه الفعالية ....

[moh_alnour]

وده الحبيب الصغير ( ساطــع ) وفعلاً كان ساطع مع خاله المهذب
ووالده ( أبو فنيلة سوداء - راقية ) معتز سنهوري ...
خسارة معتز مشى البيت بدري ولا ندري السبب ( يا ربي يكون .... ) ممكن ؟؟!!



بس ياها النقط نقط دي ، المشية بالتعليمات والرجعة بالتعليمات يا أبو مازن
تخريمة : أي يا ود الريح حسادة عزابة ساي

[moh_alnour]

مدثر .. بتظلمني لما تسأل مني رضا ..

أصلو عايز فيني فرصة وما لاقيها ..


مشيت بدري تعبت من الوقفة ..

ونسيبي ده بنوم بدري ..


حنكك ما دسيس يا ود الريح
لكن مشيناها قايتو
تخريمة : رضا بكون ما عندو 200 ريال قيمة إذن الخروج من البيت

[معتز الريح]

أمير عبداللطيف
وأبوبكر الآدمن
ومدثر بورتبيل

حتوا قرض .. أو كما ترى ..

[مدناوية]

[quote=بورتبيل;287491]هو بالله معتز مش بدري .. مالو يا رب؟؟

اسال رضا حسن الاصلو ما جاء ....؟؟





رضا حسن بت دبلوك بتكون خاتاهو في الفندق الماخمج واليدو ما نحاس
الغريبة مافي فرنسيات في القنصلية!!!!

بري ما عارفة







لكن معتز ود الريح بكون زي ما قال ود النور
المشية بي تعليمات والرجعة بي تعليمات



أنا زاتي الجابني هنا شنو؟؟؟؟

هوي دا ما كلامي
في زول حرشني وقال لي أقول كدا

[عثمان جلالة]

والله قمة في الروعة ... والتحية لسوداننا الحبيب وكل سوداني .... ومنورين يا أعضاء منتديات ود مدني .. ويا أبو مازن ... خت لينا صورتك الخايف عليها براااااها

[abomazeen]

رأيكم شنو في الجماعة ديل .... ؟

الشباب ومشاركة ( طرب ) (http://file5.9q9q.net/Download/28812467/-------------------------.zip.html)



روعـــــة ... مش كــــــــده !

في صور كتيييرة يا ...!

[MUSAB24]

حبايبنا ناس جده
عقدتونا وطيرتوا لينا حفلتنا حقت ماليزيا في راسنا
واحد منكم يتبرع ويرفع لينا البوست بتاعنا

[النور محمد يوسف]

غايتو يا أبو مازن بكاميرتك دي ما أظن ناس الرياض يخلوك تدخل ...... دي يا أخ ما بتخلي صغيرة ولا كبيرة الا وهي مصوراها ...... وبايدي ناس محترفين كمان ....... لكن بالجد ابداع وروعة ....... ونقلتونا الى تلك الآجواء بهذه الصور.... وجزاكم الله خير

[abomazeen]

حبيبنا الرائع مصعب

أنت بس شاور وأنحنا تحت الأمر يا أمير !!!

لكن ناس ماليزيا ديل ما بنقدر عليهم ( تكنولوجيا ) متقدمة ساااااي ؟؟

[abomazeen]

استاذنا المبدع المتألق دوماً النور محمد يوسف

عارف الحفلة دي كانت ناقصــة كلمة رائعة منكم نحتفل بها هنا
ووجوه نيرة تشرق علينا من رياض الخير في قامات أهلها


* لكن ... بيني وبينك ( لســة في صور كتييييرة ) وكتيييرة جداً

شوية ... شوية ( حا تشوف عمايــل ) حلوة شديد ؟؟!

بس أنت أصبر لي ؟؟ عقبال ما نبارك ...!

[abomazeen]

وهنا ... العم عوض قرشوم - رئيس الجالية بمنطقة مكة المكرمة -

أمده الله في عمره ... كان حاضــراً أيــضاً ....

[حبيبة ودمدني]

وووووووووووووووووووووووووووووووب علي اموت مغسه ولاشنو ياناس ناس الرياض مافي حفلات هنا لي زي دي دا كلام شنو دا













ناس الرياض سريع تشوفو لي حفله زي دي وتدوني خبر قبليها بيوم دا شنو دا زي الميتين احنا في الرياض لازم تشوفو حل








ااااااااااااااااااااااااااه

[بورتبيل]

تسلم يا ابو مازن
بس شكلك ورطتنا عديل
يعني ولا خاتي ولا حاجة عنك
ولا عن ال... ( كبانقا)
الحفلة الجاي بمقلبك ..مشكور جداً

[abomazeen]

وووووووووووووووووووووووووووووووب علي اموت مغسه ولاشنو ياناس ناس الرياض مافي حفلات هنا لي زي دي دا كلام شنو دا

ناس الرياض سريع تشوفو لي حفله زي دي وتدوني خبر قبليها بيوم دا شنو دا زي الميتين احنا في الرياض لازم تشوفو حل

ااااااااااااااااااااااااااه





سلامتك 1000 سلامة من ( المغسة ) يا حبيبة ودمدني

والمرة الجاية أنت أول المعزومات معنا في جدة

شكلها كده حتكون قريبة ولا شنو يا .... !

[abomazeen]

تسلم يا ابو مازن
بس شكلك ورطتنا عديل
يعني ولا خاتي ولا حاجة عنك
ولا عن ال... ( كبانقا)
الحفلة الجاي بمقلبك ..مشكور جداً






ما تهبــش يا حبـيــبــنا ....



يعني ولا خاتي ولا حاجة عنك
ولا عن ال... ( كبانقا)




النقطة دي أنا ما فهمتها يا ( بورتو ) ؟؟
تقصــد شــنــــو ؟؟؟ وضح !

[معتز الريح]

[/COLOR]
رضا حسن بت دبلوك بتكون خاتاهو في الفندق الماخمج واليدو ما نحاس
الغريبة مافي فرنسيات في القنصلية!!!!

بري ما عارفة
لكن معتز ود الريح بكون زي ما قال ود النور
المشية بي تعليمات والرجعة بي تعليمات
أنا زاتي الجابني هنا شنو؟؟؟؟
هوي دا ما كلامي
في زول حرشني وقال لي أقول كدا



جارتنا وبت حارتنا ..
كلامك عن رضا صح 100%

لكن المحرشك علينا منو؟

[معتز الريح]

بس ياها النقط نقط دي ، المشية بالتعليمات والرجعة بالتعليمات يا أبو مازن
تخريمة : أي يا ود الريح حسادة عزابة ساي


خليها حسادة العزابة ..
أنت نسيت ولا شنو يوم جيت أسوقك ؟
الظاهر نسيت ..

[معتز الريح]

ناس يقعدوهم ويرقصوا معاهم ..
وناس يخلوهم واقفين ..

الكلام ليك يا حبيب ..

[صلاح الدين]

أخونا أبو مازن
ماقصرت وبالتوفيق بس الفيديو بتاعك تعبنا شديد قبل مايشتغل .
مشاركة أم محمد في الصورة أدناه


http://www.moq3.com/img/17012008/vkq79298.jpg

الفرقة الموسيقية ومشاركة المرأه (اوبريت جماعي) إنه صوتي أنا (رائعة الكابلي)

[بورتبيل]

تعرف عمنا صلاح الفقرة دي الذات كانت من اجمل الفقرات
وكان الاداء فيها رائع جداً
عموماً تشكر ام محمد على المجهودات المتميزة
ونتمنى انو نشوف مشاركات في مناسابات قادمة
باذن الله

[مرتضى يوسف العركي]

شكرا لهذا الحضور
شكرا لكل الوجوه النيرة
شكرا على الاحساس المفعم بحب الوطن
شكرا على اجواء الاحتفال صورة ومشاعرا وتفاعلا
كم سعداء برجالات ونساء بلادي معاول بناء باسباب الانتماء والولاء والوفاء
اكيد بحول الله سينتصر هذا الوطن الابي .
مع الود

[مدناوية]

جارتنا وبت حارتنا ..
كلامك عن رضا صح 100%

لكن المحرشك علينا منو؟





جارنا وولد حارتنا ود الريح

الكلام دا جاني من مصدر موثق به 100%

كدا راجع نفسك



تحت تحت،،،

قالو أول ما وصلته الحفلة كدا جاك تلفون
وبعد التلفون دا إتلخبطته وبقيت تتصبب عرق
وقلته ليهم مافي مكان نقعد فيهو وشتت طوالي


ياربي التلفون دا جاك من منو؟؟؟؟؟

[معتز الريح]

ياربي التلفون دا جاك من منو؟؟؟؟؟



من الكفيل ..

[abomazeen]

خليها حسادة العزابة ..
أنت نسيت ولا شنو يوم جيت أسوقك ؟
الظاهر نسيت ..





أيوووه .. ده الكلام !

أديهـو في ( التــنـك ) !!

[abomazeen]

وكان للقصيدة والكلمة المعبرة مكان هنا أيضاً

[moh_alnour]

أيوووه .. ده الكلام !
أديهـو في ( التــنـك ) !!


خليك محضر خير يا حبيبنا أبو مازن
تخريمة : الجماعة الضافرينهم كتار ما تتحسس يا ود الريح

[معتز الريح]

خليك محضر خير يا حبيبنا أبو مازن
تخريمة : الجماعة الضافرينهم كتار ما تتحسس يا ود الريح


ود النور يا حبيب ..
عقبال ما يضفروك انت كمان ..
قول آمين ..

[مصريه]

يارب الشمل ملوم ديما في الخير
وربنا يدوم بينكم المعروف

[أمير عبداللطيف]

ناس يقعدوهم ويرقصوا معاهم ..
وناس يخلوهم واقفين ..

الكلام ليك يا حبيب ..



يارااااااااااااااااااجل انت متاكد من الكلام دا ؟؟

[أمير عبداللطيف]

[COLOR=DarkOrange

قالو أول ما وصلته الحفلة كدا جاك تلفون
وبعد التلفون دا إتلخبطته وبقيت تتصبب عرق
وقلته ليهم مافي مكان نقعد فيهو وشتت طوالي


[/COLOR]


أنا شخصيا ياود الريح ما عرفت انك جيت الا من البوست دا

[المسافر]

ما شاء الله
ربنا يحفظكم ويخليكم
لذيذين ، وطاعمين
ودمتم مجتمعين

بس مدثر ده أنا شايفو وين يا ربي شايفو وين يا ربي شايفو وين يا ربي ؟؟
بس لقيتها . . .

[بورتبيل]

بس مدثر ده أنا شايفو وين يا ربي شايفو وين يا ربي شايفو وين يا ربي ؟؟
بس لقيتها . . .



:D:D:D
ممكن وجائز تكون شفتني ... الشهرة متاعب يا المسافر اخوي
ممكن تكون شفتني في مجلة ولا في قناة فضائية
اسمع انت بتعرف لعيبة هلال كمبو حليمة ؟؟؟؟

[المسافر]

:D:D:D
ممكن وجائز تكون شفتني ... الشهرة متاعب يا المسافر اخوي
ممكن تكون شفتني في مجلة ولا في قناة فضائية
اسمع انت بتعرف لعيبة هلال كمبو حليمة ؟؟؟؟



والله فعلاً الشهرة متاعب وإحتمال كبير أكون شفت في MBC3
بس ياتو برنامج ما عارف والله . .

وهلال كمبو حليمة شفتو لما لعب مع فريق ( القدوقدو بتاع مايرنو ) .
بس إنت علاقتك شنو ما تكون كنت الحكم .

[abomazeen]

بس مدثر ده أنا شايفو وين يا ربي شايفو وين يا ربي شايفو وين يا ربي ؟؟







حبيبنا المسافر .... شوف الصورة المرفقة وقارن


* الوجيه بورتبيل هو أبو قميص سماوي - الأول في الصف الثاني ...