مشاهدة النسخة كاملة : من حقك ... تحلم !!!!
عثمان جلالة
27-01-2008, 12:16 AM
لحظة أقيف أسمعني .. مش من حقك تحلم
وعشان أديت لى نفسك هذا الحق
أنا من حقي .. كمان .. أحلم
حا أحلم ... بكل لغات الدنيا
وأكتب أجمل غنية ... ومنية
ما تستعجل .... خلي الحلم الينجض .. في نار الغربة الحامية
يمكن يطلع يهبش كل البؤر النايمة
ويمكن يكون الخط .. للنقطة السامية
ويمكن ... بأسوأ فرض ... تطلع حلة بامية ....
وهاكم واحد ....
كنا زمان شفع في الروضة
همنا بس ... إنو نشيدنا يكون مسموع
ولامن يضرب واحد فينا التاني
كل الهم ... ما تملا عيونا دموع
ونرجع آخر اليوم ... واحد في مجموع
ونتغادى بالموجود
نلعب ... ونفتر ... ونرجع للنوم في الآخر ... منتظرين
متين شمس اليوم التاني تعود
مش من حقنا نحلم ....
أدوني شويه .. أزيد النار للحلم الجاي
وخاطركم يا حلوين ... النشرب لي كباية شاي
النور محمد يوسف
27-01-2008, 12:30 AM
إحلم جلالة ..... يا جماعة نرجوكم لا تصحوه.....
أحلامك جميلة جلالة .....ووديتنا بعيد زمن اللمة والفات الفات ......
واحلم وسوقنا معاك الى زمن ناضر ..... الى البراءة وأناشيد الصغار
..... ليتنا كنا هناك ...... ليتنا لم نكن هنا ......بمقياس الزمان ..... ويا زمن لماذا يا زمن !!!!
عبدالله الشمراني
27-01-2008, 12:44 AM
الحلم حق مشروع .. للجميع ..
وما اجمل ان نحلم دائما .. ولكن الأجمل ان تتحقق الاحلام ..
وما اصعب الاحلام اذا لامست الطموح الذي هو جزء من الحلم ..
تقبل تحياتي ..
ودمت كما تحب واتمنى ان تتحقق احلامك دائماَ
عثمان جلالة
27-01-2008, 01:12 AM
وهاكم واحد ...
شفتوا دحين ... كل الجنيات ... الطلعوا صباح
سمعتوا دحين كل شوارع المدن .. صياح في صياح
ما الليلة الفرح الغامر ... ونشيد ورقيص وأفراح
فريقنا القومي .. شال الكاس .. ورفع الراس
نحن حلفنا ... نقود الناس
ويمين الله الكبير ... ما بننداس
ولكل منافس ... بقينا الفاس
مش من حقنا نحلم ...............
ما دام الواقع .... آنه ... وفرحه ... محتاجة شديد ... محتاجة شديد ... تنتمه
متين يا الله ... متين تنتمه
وعشان الصورة تكون مكتملة ... فكوني .. النطفي اللمبة
عثمان جلالة
27-01-2008, 01:24 AM
إحلم جلالة ..... يا جماعة نرجوكم لا تصحوه.....
أحلامك جميلة جلالة .....ووديتنا بعيد زمن اللمة والفات الفات ......
واحلم وسوقنا معاك الى زمن ناضر ..... الى البراءة وأناشيد الصغار
..... ليتنا كنا هناك ...... ليتنا لم نكن هنا ......بمقياس الزمان ..... ويا زمن لماذا يا زمن !!!!
(خارج النص) تعرف يا النور .. (أبو محمد) أنا دايما بتفائل بيك ..... لدواعي كثيرة تاريخية ... ولمحبة خاصة .. وكم تمنيت من منطلق التفائل ده ... أنو فريقنا القومي يفرحنا بس بى هدف ... يكسر رتابة أيامنا .... لكن العيب ما في تفائلي ... العيب في الفريق القومي .... قول واحد
اتنين .. يا أبو الدكتوره ... ما دام الواقع معاكسنا ... صدقني ح يكون المتنفس الوحيد ... أحلامي وعلى الهواء مباشرة يمكن تبقى حقيقة .... وأتمنى بورتبيل يثبت أحلامنا دي ... حتى نلمس واقع جديد
بالجد .... كنت محتاج وبشده .... لانتصار الفريق ... مع إنو ده المنتدى الثقافي .... لكن كلو مربوط بكلو .... ولا أنا غلطان ... معليش .. كترت ليك الكلام
عثمان جلالة
27-01-2008, 01:29 AM
الحلم حق مشروع .. للجميع ..
وما اجمل ان نحلم دائما .. ولكن الأجمل ان تتحقق الاحلام ..
وما اصعب الاحلام اذا لامست الطموح الذي هو جزء من الحلم ..
تقبل تحياتي ..
ودمت كما تحب واتمنى ان تتحقق احلامك دائماَ
تحية ملؤها الاحترام والتقدير ... يا أيها السعودي بدماء سودانية ... وانت تدخل قلوبنا قبل بوستاتنا ... لتتصدر المكان ألقا ... وروعة .... وأتمنى ومن كل قلبي تحقيق كل أحلامك وأحلام كل عربي ومسلم ..... ومرورك الكريم ... يضفي لحلمي هذا ... طعم البرتقال ... ولون البنفسج ... لك الود
النور محمد يوسف
27-01-2008, 02:08 AM
أخي بورتبيل ......أيها الشمعة المتقدة فينا تحفيزا ..تنويرا وتقويما..... آن الاوان أن تفسح لأحلامنا من براحكم مكانا ...... نحلم وتحلم ويحلم جلالة .......
مكانا كغرفة صغيرة نختلى اليها..... نبثها أناتنا وآهاتنا ونسجل فيها أحلامنا ..... فلا تحرمنا أخي بورتبيل من "غرفة لأحلامنا " .....فهي الباقي لنا من متنفس التعبير نحوك ياوطن ....
غرفتنا يا بورتبيل لن نجد مكانا أنسب اليها من حنيتكم المتدفقة ورعايتكم الحنونة ..... غرفة ينام فيها عثمان فيحلم ويصحو فيها جلالة ليكتب .... وليتها كانت مفتوحة من الأمس ....لكنَّا زرفنا فيها الدمع هطالا ... أسفاً....أسفاً على رفعنا سقف تطلعاتنا من المرجو من ماركة المازدا ..... وبرضو بنحبك ياسودان
لماذا ...... لماذا ...... ألم تحن بعد لحظة الهنيهة نحمِّلها بعضا من فرحتنا المكبوتة ؟؟؟؟؟
كنا ندخرها ..... سنظل ندخرها ..... تقدّم جاجارين واستلم رايتك .........لماذا تنازلت عنها بهذه السهولة ...والى من؟؟؟...ألم تعد قادرا على قراءة الميدان ..خذ رايتك واحتفظ بها ..... وحتما ستأتي العقلية التي ستهدينا القدم الذهبية
عثمان جلالة
27-01-2008, 04:26 AM
مرحبا بك مرة أخرى الحبيب النور في غرفة أحلامنا ... وفي كل صباح جديد ... حلم جديد ... وزي ما حبيبنا ود الصول بحكي لينا الواقع بى مره .. وحلوه ... في ود مدني هذا الصباح ... بنحكي نحن أحلامنا في غرفتنا الصغيرة دي ... حلو ة كانت أو مره ..... ومش أحلامي أو أحلامك بس ... أحلام الكل ... كلنا من حقنا نحلم ... ومن حقنا نحكي الحلم ... ونفسره .. ونتناقش فيهو ... مش من حقنا ... نحلم
بورتبيل
27-01-2008, 08:03 AM
اذن انها لكم ولنا سارعى فيها كل احلامنا واراءنا وان وجدتني غير كف لذلك فلك الحق استاذي النور محمد يوسف بان تطالبني بان اترجل وكل اذناً صاغية لك.
الحلم.. من الذي سوف يسرق منّا هذا الذي بقى فينا .. من الذي سوف يبيح ذبح تلاحمنا وتكاتفنا ونحن في طريق عودتنا من المدرسة او من الحقل ساعة إفول الشمس معلنة نهاية يوم سعيد ... نحنا راجعين في المغيرب ,, المغيرب المغيرب .... والترانيم والضحكات الناعمة واهازيج المساء .. والاشتياق ليوم غد والاشتياق للاحلام والامال الصغيرة .. عثمان جلالة دائماً ارى فيك صورة من اصدقاء تركوا فيني اثراً عميقاً .. وانا هنا احسبك منهم .. رغم التناغم والتلاحم عبر الحروف فقط...
سوف التقيكم حتماً وسالتقى بام تريبات جنة الاداب والروعة المتمثلة في شخصوكم .. والى ذلك الوقت لتبقى الخطى في محرابكم ما بقى النبض ..
شكراً كثيراً وسوف تجدني حيث تشاء استاذي النور محمد يوسف.
عثمان جلالة
27-01-2008, 09:02 PM
اذن انها لكم ولنا سارعى فيها كل احلامنا واراءنا وان وجدتني غير كف لذلك فلك الحق استاذي النور محمد يوسف بان تطالبني بان اترجل وكل اذناً صاغية لك.
الحلم.. من الذي سوف يسرق منّا هذا الذي بقى فينا .. من الذي سوف يبيح ذبح تلاحمنا وتكاتفنا ونحن في طريق عودتنا من المدرسة او من الحقل ساعة إفول الشمس معلنة نهاية يوم سعيد ... نحنا راجعين في المغيرب ,, المغيرب المغيرب .... والترانيم والضحكات الناعمة واهازيج المساء .. والاشتياق ليوم غد والاشتياق للاحلام والامال الصغيرة .. عثمان جلالة دائماً ارى فيك صورة من اصدقاء تركوا فيني اثراً عميقاً .. وانا هنا احسبك منهم .. رغم التناغم والتلاحم عبر الحروف فقط...
سوف التقيكم حتماً وسالتقى بام تريبات جنة الاداب والروعة المتمثلة في شخصوكم .. والى ذلك الوقت لتبقى الخطى في محرابكم ما بقى النبض ..
شكراً كثيراً وسوف تجدني حيث تشاء استاذي النور محمد يوسف.
الحبيب بورتبيل ... زي ما الغنية بتقول ... كوني الكلمة في صمت الليل ... وكوني النجمة ... وأمشي معانا لدرب طويل ... وكوني النجمة .. نار الألفة البينا سنين ... صحت فينا أحلام يوم باكر ... وانت معانا .. معانا في عمق الخاطر ... من حقك تحلم ... وهذه يا سيدي .. مساحة للحلم في زمن مصادرة الأحلام .. لك الود والألق والتفرد
عثمان جلالة
27-01-2008, 09:23 PM
وهاكم واحد .....
ونحن بنحلم ... بيك يوماتي
وطن شامخ .. وطن عاتي ..... وطن خير ... ديمقراطي
كنا نردد في الطابور ... نحن جند الله ..... جند الوطن
مافي مجال لى غبن مافي طريق لى محن
وطن ... طن ..طن ... طن
طن ... شوق وحنين وشجن
وطن .. رطن ... رطن
رطن بى لهجات مختلفة وجوه وسحن
لكن الهم الواحد .. القلب الواحد .. طوق وسكن
مش من حقنا نحلم ....
ودتابر
28-01-2008, 12:43 AM
وهاكم واحد .....
ونحن بنحلم ... بيك يوماتي
وطن شامخ .. وطن عاتي ..... وطن خير ... ديمقراطي
كنا نردد في الطابور ... نحن جند الله ..... جند الوطن
مافي مجال لى غبن مافي طريق لى محن
وطن ... طن ..طن ... طن
طن ... شوق وحنين وشجن
وطن .. رطن ... رطن
رطن بى لهجات مختلفة وجوه وسحن
لكن الهم الواحد .. القلب الواحد .. طوق وسكن
مش من حقنا نحلم ....
العزيز / عثمان ..
والكوكبة الراااائعة .. كتاب المداخلات ..
وطن .. وطن .. وطن
لا أقول كل الشعب رطن ..
بل أقول كل سوداني أتولد
**** *****
أحبتي .. غفوة .. وصحوت
في منتداكم .. أسمع صيحاتكم
يا ود تابر .. جنينا اتولد
قوم الحلم غطى البلد
**** *****
صحيح !!!
كل البنحلم بيه جد
جد .. جد
**** *****
صحيت مع الحلم الغمر البلد
سألتني الصغيرة (( لجين ))
شنو الملا البلد ... ؟؟
رديت عليها .. يا بنيه خلاص
الحلم كبر ملا البلد
** *** *** **
حلمنا ما كان بس سد
ولا كان قطران بيتدفق
**** ******
حلمنا يا بتي
متل النيل اتمد .. اتمد .. أتمدد
وفاض غمر البلد .. غمر البلد
لكم حبي جميعاً
عثمان جلالة
28-01-2008, 09:29 PM
[QUOTE=ودتابر;288668]العزيز / عثمان ..
والكوكبة الراااائعة .. كتاب المداخلات ..
وطن .. وطن .. وطن
لا أقول كل الشعب رطن ..
بل أقول كل سوداني أتولد
**** *****
أحبتي .. غفوة .. وصحوت
في منتداكم .. أسمع صيحاتكم
يا ود تابر .. جنينا اتولد
قوم الحلم غطى البلد
**** *****
صحيح !!!
كل البنحلم بيه جد
جد .. جد
**** *****
صحيت مع الحلم الغمر البلد
سألتني الصغيرة (( لجين ))
شنو الملا البلد ... ؟؟
رديت عليها .. يا بنيه خلاص
الحلم كبر ملا البلد
** *** *** **
حلمنا ما كان بس سد
ولا كان قطران بيتدفق
**** ******
حلمنا يا بتي
متل النيل اتمد .. اتمد .. أتمدد
وفاض غمر البلد .. غمر البلد
الرائع ود تابر .... مرحبا بك عضوا متميزا في غرفة أحلامنا ... التي نرجو أن تصبح حقيقة
وح تصبح حقيقة
ما دام .... فينا نفس وروح وقلب .. يعشق هذا التراب
بكره الحال يطيب ... ومحمد احمد بستجم
رغم الواقع
وزي ما قال ...الشاعر
أبوي ميت وكان خدرجي ... ومره صاحب قهوة في ركن الوزارة
بيتنا واقع طين ... مشرم .. ولما حال الطين يحنن .. نشقى شان يلقى الزبالة
عليك أمورتك الغالية ... كل يوم أحلم لينا وخلينا نحلم معاك ....
همسة
ود تابر في قصيدة مناجاة بين طفل وأبوه .. للقدال أظن لو عارفها أكتبها لينا ننعش الذاكرة
بتقول ... يابا النجوم هول منو؟؟؟ ... ويرد الوالد .. هول الله نوم ..
معليش ناسيها .... يلا نحلم
بورتبيل
28-01-2008, 10:17 PM
ويتواصل الحلم الجميل ... عثمان بسأل عن القصيدة الفيها الولد بسأل ابوه عن النجوم هول منو؟؟؟
ومواصلة للحلم اتمنى ان نجد من يمدنا بهذه القصيدة .. وازيد الحلم شوية لو قلت كم تمنيت ان يطل علينا
الشاعر محمد طه القدال بنفسه ويسرد لنا احلامه
هشام سلس
28-01-2008, 10:41 PM
من حقي احلم معاك بي
عوالم وبي وطن من غير دراردر
لا مظاليم لا مظالم
الرائع عثمان جلالة
القصيدة اسمها الضو وجهجهة التساب للشاعر محمد الحسن سالم حميد
وهاك القصيدة....
الضو وجهجهة التساب
ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا .
يبراهُو بالسلُّوكة من ورا
والعِيوش والخير يعم يرقد رقاد
والناس تخُمْ خمّ السرور ، وماهُو البرا ..
ناساً كُتار فاكرين كدِي .
يومين تلاتِة ، الحالة ترجع حالَتَا
ويبنوا البيوت هُو وشفَّعوا وأم الوِلاد ..
ينجمَّعوا ، ويسترجعوا الماضي وشتاتات السواد في صالَتَا ..
شِيتاً ضحك .. شيتاً بِكِي
ويبقى الخراب دا رهاب رِهابْ
عِبرة وحكاوى بتنحكي ..
بلدك مِتلْ كمِّين بلادْ ..
بدت الدقون فيها الخَتَا
نجَّس تراها المُتْرَفين .. كِترتْ مواعين الفسادْ
وكان كلمة الإسلام غُتَا ...
جاتْ الَلَتْ الله وشالتا .
كان ظنُّو يوم .. يومين .. تلاتِة ..
مشى السِبُوع والتاني جا
والمُوية كلما ليك تزيد ... ويقلْ رجا .
قوز الرمادْ الكان قِريْب .. فات بعيد بقى ماب تخُوجْ
قوز الرمادْ ... يا الضوْ فِضِلْ جزيرِة ضاربْ فيها مُوجْ
وحصار حصارْ كيف النَجَا
عاينْ البلد دي دمار دمار .. فيها إيش فِضِلْ ؟!
لعبة قصب فِ إيدين طفلْ !!!؟
الحِيطة وكتينا الـ ـتـ ـقـ ـــع
تقع ألفِ وجعة على الضُلعْ ..
دخانه يمرق في السما .. آهاتو تنزف في الأرِضْ
بحر الصَبُرْ والاحتمال بيناتو ينقطَّع تُرعْ
لا يلقى يربُط لا يحِلْ .
لا حولة يا الكتب .. الكراريس .. المكَرِّنِة في الشتِلْ !؟
التَخْتَة .. أقلام الرصاص .. كنَب المدارسْ .. كُور يلُوجْ
باب الفَصِلْ كاسح بو موجْ
لا قوَّة يا ورق الجرائد .. يا المصاحف ؟؟
والصحيحات .. المَجَخْسنة في الذِبلْ ؟؟!!؟؟
ورافعين دواليبن بعيد .. طابلين خَوازِيقُن طَبِلْ
لا حولة .... حال ... ماب تِنْقَبِلْ ؟؟
يا مسلمين ؟؟.......؟؟
وين لي تَسابْ عشرة وتَسابْ كم وأربعينْ ؟
دا يمِين خرابْ كمِّين سنة .
يا الضوْ .. مِنُو الفي الكون يصدِّق كان هِنا
ليلة ذِكرْ .. حلقةْ مديح .. دارةْ غُنا ..
هيصة ورقيصْ .. القرمصيصْ .. سيرة عريسْ .. وحلاةْ عروسُو محَنْنَة ؟؟
يا الضوْ .. مِنُو الفي الكونْ يصدِّق ؟ كان هِنا
شُفَّعْ بيلعبوا جَمْ بَعَضْ .. دِيكْ لِفّتُنْ .. في الدِشِّي _ غَبْشِي _ مَشكَّنَة
واللاَّ الشَتِلْ خايِفْ لها .. فارِدْ ضَفايرُو وحاضِنَا .
فِيقْ ... لا تضيقْ
باتْ الفَرِيقْ بَهَجِي ومَتَمْسَحة بالمِي .. وين يا الضوْ نَقاقِير الهَنا
ووِيننْ مشاوِير الفرحْ .. غَزَلْ البناتْ .. الهُودَنَة ..
حَشْ البراسِيمْ العصُرْ .. الليلْ .. وَنَسْتُو .. الشيْطَنَة ؟؟؟
وعِندْ الفَجُرْ كمْ مِيضَنَة ؟!؟
وهَذَرْ التلاميذ _ الصباح _
بِي جَمْ رواكِيبْ الحَلَبْ ؟؟
يا الضوْ بِيُوت الناسْ حياتا مَبشْتَنة ؟؟
الحِلّة كلَّها في البحَرْ !
كَسَر البحرْ .. ؟؟ ..
ولاَّ انتَحَرْ قلبْ المياهْ ..؟ ..
واِنكبَّ قَبَلَكْ وحْدَكْ ؟؟؟.
ضاضاك فِ بلدكْ شرَّدَكْ
نَفَدتْ قوافلْ الأغنياء .. وجملك على الحصْحاصْ بَرَكْ ..
مرتاح حمامُن في البروجْ .. وإنت أب حماماً طاشْ يلُوجْ
لا سوَّى عشْ .. لا ركَّ .. رَكْ .
يا الدنيا .. كيف مِتْقلْبِنة ؟!
تصحَى العصافير الودِيعة ، مع الصباحْ مِتْخلْقِنَة !
وشرْ الكلابْ مِتْمسْكِنة ؟
وين نْرَّتا وهِوْهِيوَا وينْ الليلِة غابْ ؟
كلبْ الجَنائنْ زيُّو زيْ كُل الكلابْ
كلبْ الغلابَة المُسْتَغلِّينْ العَبِيدْ .. الليلِة سِيدْ .. سيِّدْ مُهابْ ..
كلبْ أبْ زَهانَة تَهِينُو هانة ، مِن المهانة تقولُّو تَكْ .
حُكْم اِنقلاباتْ التَسَابْ !؟!
دوَّارَة .. دنيا فَرنْدَقسْ
نِنْجارَى فيها سبقْ سبَقْ .. نخسرْ بعض في هِينْ ترابْ
نتلاوَى عند فتحْ اللَبَقْ .. فاكرين برانا أهل العقابْ
تارِي البحرْ .. عَوَّافِي .. عندُو معانا حَقْ ؟..؟
يا الدنيا .. زيْ سكْرَة وتَفِكْ مِنْ راسُو فَكْ .!.
بعضْ المسافاتْ اِتْلَغَتْ
الفارغِة طَنْبَجَا والملانِة اِتفرَّغَتْ ..
الدَنْدَهُوباتْ زيْ بعضَ ..شكل العِديدِى ورَصّها
نَفس العَنَاقْريب نَفْسَهَا
عَفَشَك دَة ، حَقْ غِيَرك تَشِك .. يَدَخل فى بَالك أَلفْ شَكْ
مَا الحَالة اصلاً مِن بَعض
حكم إنْقِلابات الَتَسَاب
الدِنْيا كُلَهَا حِلّتك
تَنْضُم مَعَ اَلَفِى آخْر الَبَلَد .. مِن غِيْر تَفُوتَا مِحِلّتك
تَحْكِيْلُو قِصَة تَقِصّها
إِنْ نَفَسُو فِيْهَا تَحِسّها
إِنْ مَاها فِيْهَا تَحِسّها
حَتَى الأحَاسيِس نَفَسَهَا
مَا الَحَالَة كُلَهَا مِنْ بَعَضَ
إِلا الَمَسَاخِيْت الَدِقُون ... خَتَوُهَا بين أَهَلَك قَرَضَ
بالَدِيِن وبالَطِين بالَنَسَب ... بالَمَيكْرَفُونَات بالَخُطَبَ
بالَبَنْطَلُونَات بالَرُتَبْ
فرِّق تَسُد
تَاخُدْ قَنَادِيلَك تَفُوت .. وإنْكَتَلُو فِى حِزْمَة قَصَب
ويَوْم التّصُد تَلَقَى الَبِيُوت فِى أزْيَارَهَا بَانِى الَعَنْكَبُوت
والَحِزْمِة شَاَهَد فِى التُّرَب
حَرَسَك يِظَمْبِر مِنَهَا
وفَرَسَك يكُد .. لا اسَيَادَهَا تَسَأل عَنَها .. ولا زُوْل يَرُد
أرْخِيلِى اضَانِكَ يا بَلَدَ
مَرّة اسَمَعِينِى مِن الَبَعِيد وإنْطَارَشِينِى وللابد
فِى حَبْلى مَاتَت شَتَلتِى .. مَاْت بيْتى مَاْتَت حِلّتِى
لَكِنِى يُوم مَاَت إِتْولَدْ جُوَاَى الفَ إنْساَن جَدِيْد
وانَا ذَاِتِى مِن ذَاتِى إِتْوَلدْ
وَرَتْنِى مَلَتَى مِلّتى
والمُوْية بَدَلت الوجُوه
يا بَادِى مِن بيتَكَ تَتُوه
تَضهَب ضِهِب
لَوْ بَاَبُو مَافى أو العَتَبَ
تَحَسِبْلو مِن قَوْز الرَمَاد
أو بِيْت أمِيْر المُؤمنِين الِلِسة حِيطُو تَسِوى رَبْ رَبْ در.. دَرَبْ
والَدنْدَهُوب إنْدَكّ دَكْ
هَرَسْ القَزازْ .. المُوية جازْ .. والجازْ وَدَكْ
بِينُو الدقِيقْ إتْلكَّ لكْ
ضِلَفْ الدَواليب الكُبارْ .. عائماتْ خَشَبْ
المُكْحَلِة .. الكُشتينة .. مِيزانْ الدهبْ !!
ضُوقْ الغضَبْ .
ضُوقْ المَذلَّة الدُسْتَبا الناس العُزازْ
سِيدك دخرنالُو المطرْ .. أمَّا إنت يكفيك الرزازْ
خدرّتَ تاني يجي الجَرادْ ..
أقوى الحقيقة من المجازْ ..
وهِنا المحكْ .؟.
يا أرزقي .. يا نسلِ حمّالةْ الحطبْ
يا مستفيدْ مِن بذَّةْ أطفالْ السوادْ الما نزلْ فوقُن ملكْ
بالسُكرْ .. العيشْ .. السمادْ ؟؟؟؟!
المُويَة أوْلى من العبادْ ؟
في ياتْ كتاب دين ياتْ حديثْ .. يا فاجِر الله بيسألكْ ؟
يا حَسرةْ الإتغشَّى فيك ... كَبَّر وراكْ ... جاهد جهادْ ...لامن هلكْ
يا حَسْرةْ الصدَّق صلاتكْ .. وموعظاتكْ في الفسادْ .. بان الشَرَكْ .
أيْواتَ ليك ..
أيْوَة ... أيْوَة .. يا بحرْ التسابْ ما أعدلكْ .
شُكراً جزيلاً يا بحرْ .. رغم الكَساد
بحَّتْ لنا العَفَنْ المَكرِّنْ في الزمنْ من عهدِ عاد
والضوْ وليداً ما قرا
خرَّجتو منك باقتصاد ... قانون ... فلكْ
جَفَّ المِداد ..
ما أعدلكْ .
جَفَّ المداد ما أعدلكْ
ما أعدلك ... ما أعدلكْ
بالسكَّر .. العيشْ ... السماد
المُوية أوْلَى من العباد ؟
يا شارعْ الثورة القصاد أهلي المسالمينْ البعادْ
يا بندقيتو ...هِنا المحكْ
وقَبَّل على القِبلة ونَدَهْ
قُبَّالْ يمد إيديه إنتَبَهْ !
حِسْ المطرْ .. بين الشدرْ .. والضوْ مع الفيها إنشَدَهْ
بَرَّة ..... المطرْ
في الدَنْدَهُوبْ برضُو المطرْ
خَتَّ البِرِشْ فوق راسُو ... لكِن المطر
أوْوْوْوْ .. والهوَا
وراسْ تمرة فوق عَقَشْ المسكينِة
الجَرِيدْ رمَى دَنْدَهُوبا .. العدِّة فاتتْ بالبحرْ
بِرِشْ الصلاة اللافْحُو الهوا .. وإبريقْ يثرثرْ بين كَررْ
يا الله سِتَّها في السفر
والضو ينط من دنْدَهُوبُو ... يجيبُو صاد صوت المطرْ
في إيدو كوز .. سبْحِة و كَكَرْ .
حَلَّةْ مُلاحْ .. كرَّاسْ غُنا .. إعلانْ قضية .. عِلمْ طلبْ
.. بروازْ قديمْ .. حاضن عَروسْ وعريسْ وسيم بين كمْ نفرْ
السِبْحة والكُوز .. مُو اللَتَا
تشبهْ أمير المؤمنين .. باكر يقولُوا سرقْتَها
فنـَ ــنـَـ ــنْْْْْْ ... يفِنَّها في البحرْ !؟
أقوَى البحرْ .. واللاَّ المطرْ ؟ أوّّوّّ والرياحْ
بتَصحِّي في الجو الجراحْ ... بِتَحِتْ من الجوفْ الفِكَرْ
إشْْْْ في الوعر ..
عِشْ قُمْرِي بي فرخِينُو كان من حظ وَرَرْ
يا رازِقْ الحيوانْ أخُو ...؟!؟
يا رازقْ الحيوانْ أخُو .. الينْجَا مِن كِيد البحرْ .. ما ينجَى مِن إيد المطرْ
والينْجَا من إيد المطرْ .. ما ينْجَى من كِيدْ الرياح ..
والينْجَا من كيدْ الرياح .. ما ينجَى من كيد الفِقَرْ ؟؟!!؟؟
يِي .. دا القدرْ .
ما أعتى حربك يا بشرْ .. إنت الغريبْ
والموج يشيل غادي ويجيبْ
ينكَرْبَشْ النيمة الدَبيب ... والضوْ مُو جايب لك خبرْ
طقْْ ..
دندهُوبْ ناس ستِ نُور .. عودُو إنكسرْ .. وفاااات بالبحرْ
تِحت السماوات ما في أرِضْ
في الموية .. في الريح .. في المطرْ
في الدَابِي .. في التمْر الخطرْ
وإنسان يصُبْ _ قبل السمِا _ عرَّاقِي والوشي والشَعرْ
غيَّرْ وقفتو .. الدندهوب زالَفْ هَبَرْ
يا غيمة ..هوي .. دا وكِتْ مطرْ ؟؟
واِرتجَّ جوف الجوْ رعدْ
يا الضوْْْ كفرْْ ...
يا الضوْْْ كفرْْ ...
من بعدما نفد الصبُر .. والإحتمال في الجوف دَشَرْ
صنََّّ المطرْ .
والجوْ صِفا .. بنْقَرْ حجرْ بتْ الرسول .. لكِن بعدما الضوْ كفرْ
ضربتْ شعاعات الشمش في دوشة فوق قوز الرماد ..
.. كلبةْ مدينِة نِعِيجَتَا .. ديكا العجوزْ .. وكدِيس عماد ..
.. طيرةْ بقرْ .. ودِحِيش غريبْ .
شوف الظروفْ ؟!
دحَشكْ .. حمارتَكْ .. والضيوف !
قلعنْ يَحَفْتِنْ في الرماد ؟؟
وبالسكَّرْ ؟؟ العيشْ ؟؟ السماد ؟؟
الموية أوْلَى من العباد ؟؟؟؟
وبالفِيتَرِيتِة العِيشْ حُكُمْ ... الموية أوْلَى من البُكُمْ ؟
ومَلَصْ العِرِيرِقي ولباسُو .. ومصَّرِنْ .. ما غيَّرِن
خمْخَمْ عقابْ الكسرِة .. واللابْرِي القديمْ ..
من دندهوبو المنْتَكِلْ النيمة .. شال باقي الأكلْ
خمََّّ الرياح .. خمََّّ المطرْ .. خمََّّ الجراحْ ..
خمََّّ الدَبِيبْ في القُفّة .. مو جايب خبرْ
قصَّالُو فرعين منقة .. بالمِنْجَل هبرْ
حشْحشْ صَبايْطاً هِن صُفُر .. لكِن قُلاد
البدري لسه على الحصاد
في أرواحْ على قوز الرماد
يا الضوْ بقالِنْ أعزَّ زاد ,,, ونجاضو زاد .
وإنكابَسَنْ فوق وجبةْ الزمن الغريبْ ، كلبةْ مدينِة ... كديس عماد ..
يا الضوْْ دبيــــــــــــــــب
وطيرةْ البقرْ .. في الجوْ تغيبْ ..
دلَّتْ من الكازُومْ
د بـ ـيـ ـب
والضوْ يَصنْقِع والوررْ
يا رازِقْ الحيوان أخو
نختا ... وتصيــــــــب .
نتحدَّى كيدك .. يا بحرْ
نتحدَّى إيدك .. يا مطرْ
يا آفة .. يا ريح .. يا فِقَرْ
نتحدَّى بالصبرْ الجميلْ ... بأعمالنا ... بي طيرةْ البقرْ
وطيرةْ البقرْ ، في الجوْ تغيبْ
دلَّتْ من الكازومْ دبيـــــــــــــــب .
وإنكاتلنْ في آخر التمُرْ
كلبةْ مدينِة ...نعيجّتا .. ديكا العجوز .. وكديس عماد .. حمارتو .. والدحشْ الغريب
ودِحِيشو فوق الرمادْ .
عَكْمْنا فينا من الغلِي ، وعِيشةْ الجلاجلْ والشتاتْ ؟..
وبالسكَّرْ .. العيش .. السمادْ
الموية أوْلَى من العباد ؟؟؟
وبالفِتَرِيتِي .. العيشْ .. حُكُمْ
الموية .. أوْلَى من البُكُم ؟؟؟؟؟
ولمَّـَّــَّــس دِحِيشُو ..
الضوْ بكى .
بكى ما بكى ؛؛؛
بكاّهو حِسْ الطائراتْ
بكَّاهُو قُدْرَتُو تنتهي ؛؛؛
بكَّاهُو يرجى المعجزات !!؟
بكَّاهُو قُولةْ الموية أخفَّ .. وأقلَّ من كمْ وأربعين
بكَّاهُو كضَّبْ حاســـَتُو .. وصدَّقْ أمير المؤمنينْ
بكَّاهُو ما رَمَى للكُرِيق ، زاغْ في أوائلْ النازحـينْ
مع إنُّو أدْنَى الناس شِتُول ، وأخفَّ سُكْنَة ، وأقلَّ طينْ
وإنضرَّ أكترْ منَّهُمْ .. لكِنُو .. ما ندمان .. يَمِينْ
بِيتُـــو اليَرُوحْ ..
عَفَشُو اليَرُوحْ ..
غنَمُو التَرُوحْ ..
ما طالَ عايِشْ .. وفِيهُو رُوحْ .. وأمُّونَة نفَدتْ بالعَوِينْ .
في اللُجَّة يفْضَل كالسَفِينْ .. أكْرمْ لُو من جرحْ النزوحْ .
ولمَّـَّـس دِحِيشُو .. الضوْ بكَى
بكَى ما بكَى
بكَّاهُو يرْجعْ لِي ورا
بكَّاهُو رادِي الدنْدَهُوبْ الغادِي
وأم دُرمان تغنِّي .. حبيبتي آه .. وودادي وين .. وحَبيبي وُوبْ !
والباقي كلُّو مقابلاتْ ..
ضِدْ القوانينْ البدِيلَة = مع القوانين البديلة
اليَسْوَى ما يسْوَى الرَزِيلة
جهنمْ .. الجنَّة .. الفَضِيلة
ولا خَتَرْ في بالُنْ الحالْ الكَدَرْ
لا علَّمُنْ سِيلْ الجبالْ الشَاتْ مواريث القَبيلة مع الحجرْ
لا حِكمةْ البحرْ الكَسَرْ
ما ليهُو مُسْلِمْ لا الكَفَرْ
هَبَدْ الجوامع من طَرَفْ .. غَمَرْ الكنيسة مع الغَمرْ
ما علَّمُن
ما علَّمُنْ
والألَّمكْ . ما ألَّمُنْ
ما ألَّمُنْ .. ما ألَّمن
ضِدْ القَوانين الهَزيلة مع القوانين العديلة ، الماب تَمرْمِطْ للبِلاد .. اللابْ تَصنِّفْ للبشرْ .
والضوْ زَفَرْ
استغفر .. إنشهدْ .. تَلا
في سِرُّو سُورة الزلزلة ... دُونْ بِسْمِلة .
قاوم عَنَا .. نفَّضْ عِرِيرِقِي .. ودقرْ طاقيْتُو لي ورا .. وإنحنى
شدََّّ الحَبِلْ .. بالطُوفْ دَنَا
جَمْ تمْرَة مِن دُون التَمُرْ .. ماب تنْطَلِعْ .. طالت كُدُرْ .. يقَّن عفاها وسبَّله
سابْ الحِديَّات تَسكِنا
بمْبُونَة مِن كمْ وأربعين .. وحِّيدا ما خَلفتْ جَنَا
مِن جابا جدُّو من المَحَسْ .. من هي الصغيرِة محانِنَا
يسقيها بالجُوزْ ما فَترْ .. قَدْر اليَرَجِيها المطرْ .. والليلِة حظَّها طُوفَنا .
شرَّقْ .. بحرْ
غرَّبْ .. بحر
شـمَّل .. بحرْ
جنَّبْ .. بحر
دنـ ـقـ ـرْ .. بـ حـ ـرْ
صنْقَعْ .. بـ ـكـ ـى .
بكَى ما بكَى
بكُّاهُو حِسْ الطائراتْ
بكَّاهُو قُدْرَتُو تنتهِي
يكَّاهُو يرْجَى المعجزاتْ
وبآخِرْ نَفَسْ .. والحِيلْ كِمِلْ
بِي طُوفُو صدَّ الدنْدَهُوب .. بين الضَبابِينْ والنملْ
نامْ نُومةْ الدِيكْ في الحَبِلْ ....
صحَّاهُو آذان العَصُرْ .. يا الضوْ مَفوِّت كمْ وَكِتْ ؟
نـ ـقْـ ـنَـ ـقْ بَراهُو تِحِتْ تِحِتْ
رقْـ ـرقْ دموعُو بِقَتْ تَحِتْ
صلاَّيْ من القرآن غُنا
صلْ يا حمام قِدَّامي .. أنا .. غرقان لِي فِ أنجاسْ لِي هِنا
ما شال جداولنا البحر
شال مُسْتَراحاتنا وهَبَرْ
طفَّحْ زَفارات كم سنة
مِرحاتنا والكُوشْ القُدامْ ماصِن وَكِتْ ماصَ الهَنا
بـ إيه إغتسِلْ ؟
وإتوضأ بـ إيه ؟
غير الصَبُرْ ... يا ... ربَّنا ؟
بكّاهُو .. خَلَّ البال نَبلْ
قُولة .. عقابَكْ في الجبل ، من زيْ دِي بشْرَبْ يا جَنا ؟
هُونَق دِحِيشُو .. الضوْ بكى
بكى ما بكى
بكَّاهُو رادِي الدندهُوب الغادِي
وأم درمان تَنُونِي .. حبيبتي آه .. وودادي وين .. وحبيبي وُوب
والباقي كلُّو مقابلات ..
والنشرة .. مافي .. ولا خبرْ عن بلدُو .. عن شِدَّة عَناهو .. عن البحر
عن سر نَفي
ودِي الوكْتِ لندن ماب تبين ..
حالاً دَحِين .. زيْ حالُو .. فِي .
يا الضوْ
قَبُلْ غِيبةْ الشمشْ
قَبْل القَعُو .. قبْل البعوض .. قبْل الدَعَتْ
والمُويَة كُل ما لِيك تَزِيد .... والزَاد نَفَدَ
قَبْل الحِصـــار .. يا زُول أخير تَخَتَا البَلَدْ .
يا زُول قُعادكْ شِنْ يفِيدْ ؟?
شِنْ حارسُو شِنْ خائف عَلِيه ؟?
أكترْ من الطين الوقع في الطين شهيد ??؟
صُور التَمُرْ .. يا الضوْ .. أمِشْ
عِينْ الشَمِشْ .. يا الضوْ .. أمش
البُرْتُكان والمنْقَة والنِيمْ .. تِنْطَقِشْ .. يا الضوْ أمِشْ
الدنْدهُوبْ .. يا الضوْ .. أمِشْ
حَدَرن لُو من قوز الرماد .. رَمَن الرِمشْ .. قالن لُو أمش
قبْل الحصار .. يا الضوْ أمِشْ
نَبْيَ الله نُوح .. قال لكْ تَمِشْ
من ضو ترُوح .. يا الضوْ أمِشْ
يا زُول قٌعادكْ شِن بفِيد
شن حارسُو شِن خايف عليهْ ??
دكَّانك الغايةْ العَرِشْ !
دولابك !
العَفَشْ الجديد !
الحافلة !
بيبان الحديد !
تاوَلِيتكْ ! البايرَكسِ !
إيه خايف عليهْ !!
أكتر من الطين الوقع في الطين شهيد ؟?؟
داك الفَرِشْ ..
والعدِّة في السحَّارَة .. خُتْ فُوقَا البِرشْ
ومن ضو أمِشْ .
عارفين قليبك طبعُو حار
وبيَهِمَّك الروح مو القِرِشْ .. لاكين أمشْ
في الفيها ما عندك خِيار .. غـــــير ما تَمِشْ
إنسان معمَّرْ بالحياة
ما ترْمِي نفْسكْ يا حِمِشْ للتهْلُكَة .. خلِّينا أمِشْ
شِنْ حارسُو ؟
شن خايف عليهْ ؟
أكتر من الطين الوقع في الطين شهيد !؟
وملَّـَّـَّـس دِحِيشُو ..
الضوْ بكى .
بكى ما بكى
بكَّاهُو حسْ الطائرات
بكَّاهُو قُدْرَتُو تنْتَهِي
بكَّاهُو يرجَى المعجزات
بكَّاهُو يقْنَع بالرحيل
بكَّاهُو ما كان الشُدَرْ .. ما الطير .. وما كان النخيل
بكَّاهُو كِيفِنْ سَدْ شِبِرْ من مُويا يصْبِحْ مستحيل
بكَّاهُو يَلْوَطْ في البحرْ .. والغِيرُو يشربُو سلسبيل
بكَّا البِينضُمْ في الغَلطْ .. يا قالُو مُلحِد يا عميل
بكَّاهُو .. آه ..
ما هُو .. الإله
يا دَكَّةْ السُلْطَة
ودُخانا .. وشمْلَتا
وفي شرْعَك الإنسان يموت
إن زادت الموية ويموت من قِلَّتا
لو سامحك في حقُّو .. سِيدي .. العُمدة ..
هُــوي
تبْ ماب تسامحك بِتْ أبوي في شتْلَتا .
يا مَسَمِّي مِحْنَتنا :-
إمتحــــان !
مرَّات قَدَرْ !
حِيناً غضبْ !
!! ؟؟ !!
ناكِرْ جِبِيهاتنا .. وصلاةً صلَّتا .
يوم يمْحَق الصاح الخطا
وين ؟ تمشي من غضب الغلابة اللا بَكتْ لكْ نازِلاتَا .. ولا شَكتْ لكْ عِلَّتَا
لمْلِمْ خُرافاتكْ علِيكْ .
ما حرَّقتنا ضَرِبةْ إيديك .. بسْ روحنا حَقَركْ سلَّتَا
وبِنَجِيبَه ضرْبتْنَا .. وتَصِيب .. في حَزَّتَا
وفي حَزَّتَك .. يا بيتنا كَبْ
ويا بيت أمير المؤمنين إنت اِتْنَـكبْ .
والضوْ شَطَبْ جِيهةْ اليمين ..
حجَّاً ........ إلى ان آمنين
وبي خط خَلاَوِيهُو المَكعْوَجْ والحَرِفْ واضِح تَخِين
بي دمْ .. و .. طِين
الضوْ كتب فوق باب أمير المؤمنين
(ما ضرَّ بيتَ أبي لهبْ لوظلَّ بينَ المسلمينْ
لوْ جاء فينا لِما ذهب يا مؤمنينَ بغير دِينْ)
ومَضَى اِسمُو بين قوسين "غضب"
والمويَة أوْوْوْوْ .. أو كاللظَى
رَمت الدهاليز والأوض .. بسْ فضَّل الباب .. العِظَة ؟.؟
.. الضو .. .. ضِـ ـحِـ ـكْ ..
ساعةْ واداعُو .. بِقَت طَرَبْ
غنَّـَّـى وضَرَبْ .. بي طُوقُو عند ساعةْ العِشِي
بانتْ نِوِيرَاتْ العربْ .. حَزْنَانِة غَبْشِة مَدَعَّشِي
حِسْ الصُبَارْ في المُويَة .. والقّعُو .. والمِعُوزْ
طَرَّاهُو للديك العَجُوزْ .
يا الضوْ يجُوزْ ينْجَى .. ويَجُوز
"" الصَبَرَة كَمِيرْ كُوْ كَوْ تِنْعشَّى عَشَاهَا مِنْ ضَوْ
الصَبَرَة حَرَامِيَّة وأشوْ فِ حبال خاذوقة إتْلوْلوْ
لا ترمي دموعك شوْشوْ
قــاوِمْ والمـُرَّة بِتِحْلوْ
ترف إستخباراتُن أوْ صَاجْ الْدَبَّابَة الْ كـَرَرَوْ
ضَنَبْ الطيَّارَة الْفِي الجوْ
الْ ترْمِي قنابل بوْ بوْ
كم يبني بلادك يا الضو أوْ يحمِي وِلادك يا .. لو
الينضُمْ طوَّالِي يسوْ ""
والضوْ بكَى .. فُورَنْ وَشِي
من شُوقُو .. واللاَّ من العذاب الفوقُو ..
ولاَّ من التَعَبْ غالبُو المشِي
وكلْ فرْدِة جَارَّهَا من بَلَدْ .
- : - يا الضوْْْ .. سلامتك .. جِئت مِتِينْ
سِبْتُوهَا وحَّدّا للبعُوضْ .. للطير .. ودبَّايْ البحرْ
نُونِي الضَبابِين .. الكلابْ .. الجِنْدبْ .. الفار .. السَعَرْ
.. للجِنْ .. يَلَبِّشَه .. للدَعَتْ .
يا الضوْ .. بلدنا .. وودَّعَت
راحتْ شتُول ، دُوب فدَّعت
فِطْسَت بيوت ، ما ضاقت الزِينْ والعَدِيل ما اتمتَّعت
ضاعت سعايات إنْسَعت
يا الضو تَليِّسُو بالقُفَاف ، آخر المطاف ، شمْلَةْ كِنِيشْ اِتوسَّعت
حِلْتنَا غِرْقَت ، ومن طَرَفْ
حلتنا غرقت ، وفي شِبِر !!؟
غَرَّقْنَا يا الضو صِح سَرَف ؟؟
العلمتنا العُوم .. تقُوم تَغرَق هِي .. ما تقْدَرْ تعُوم ؟!؟ يا للأسَف .
عزَّ المَصاب ..
البَرَكَة يا الضوْ في الرُقاب
إلاّ الرقاب إنُجهْجَتْ
ما جاتا راحةً من كُتُرْ ما انْجيْهَتْ ، ما دام معلَّقَة في التراب .
صَنَّت ..
شِويْتِين .. نَهْنَهَتْ
خايْفَاك يَهَقِلَكْ السرابْ .. يا الضوْ يَهَقِّلْنا السراب
واِنأوَّهَتْ .
والضوْ صنم ، ما جاب جواب
لا ذاتَه هِي اِسْتَنَّت جواب .
أمُّونَة وِينَا ؟؟ مع العَوِين في المدرسة
أمِّك مَنصَّحَة حالة زين ؟؟ في المدرسة
خالْتِي الزِلال ؟؟ في المدرسة
جِدِّك حسين ؟؟ في المدرسة
السُكْنَة كيف ؟؟ في المدرسة
العِيشِة كيف ؟؟
- تسْعَل سُعال .. يا الضوْ تقول تامْ لَكْ سَنِي
تسعل تقول .. ماك .. من هِني
شِنْ السؤالات ينفعُوا
ما حال غلابة علي غلابة إنْفَرْزَعُوا
فتَحُولُن الغُبُشْ .. القلوب .. قبْل البيوت
قَسَمُوا القِليْلِي معا بَعَضْ .. كم طمَّنُونا وشدَّعُوا
لكِن دَوام الحال محال ..
وعلى العموم .. ما مرَّ يوم .. ما جاب هموم
هَمَلِي ونِقاراً تسْمَعُوا .....
واحدين يقُولُوا لك خلاس .. واحدين مُصِرِّين يرْجَعُوا
وإن جئت بلدنا مُطَمِّنَة
بَسْ .. كيف .. يا أخَيِّي نأمِّنَه - قبل البحر - من ها الفِقَرْ
فِقَراً ضُعُفْنَا مَسَمِّنَا
ال في العروق دا مُو دمِّهُن ..
دمَّك .. يا أخيِّي ..
ودمِّي أنا .
الَنَار تَقِيْد فِى الَكَان سَبَب
يَا الَضّو بِيُوتَنَا يَوقِعُو
اللّه يَجَازِى الَكَان سَبَب .. يَا الَضّو بِيُوْتَنَا يَوَقِعُو
نَهَجِر بَلَدَنَا نَزِح هِنا
كان سُلْطَة ينْسلّط عَلِيها .. أكَّان لِجانَّا يلجِّنا .
وبِي تُوب وَكِت نَزَحَتْ حِرِقْ
قشَّتْ وَشِيها من الأسَى .. ومسَحتْ وَشِي الضو العِرِقْ ..
عَصَرَتْ علِي طَرَف الطَرِيق .. عَقَدَتْ سِفِنْجَتَه بي دِلِقْ
وكُلْ فَرْدِة كانت من بلد ، ويِنْشَافَنْ الإتْنِينْ خَضُرْ ..
اللِيل سُتُرْ ... الليل سُتُرْ .
سَرَحَتْ مع الخاطِر بَعِيد .. عَكْسَ العِرِقْ
شِيمْةَ التَهاوِيم شالَتَا
نِحْنَ وقَدَرْنا قَدُرْ قَدُرْ ..
نَصْبُرْ صَبُرْ
نصبر على البُوخْ الغَريبْ ..
نِسْتحْمَلْ أصوات القَعُو
لامِن نلاقي الهَمْبَرِيبْ ..
والليل غَناوِي نَوَلِّعُو
يا يُمَّة تَفْرَحِي من طَرَفْ .. عاد .. والمسافرين يرجعو
دَه كأنُّو لا دمع إنزَرَف .. لا خيوط قلوب إنقطَّعُوا
لا شتلة لا محْصُول تلَف ..لا ناس بيوتن وقَّعُوا
بحراُ بَلا الخازُوق زَحَف .. نبْنِيلُو قِيف ما يطلَعو
صُدْفَتْنا تبقى آخر الصُدَف .. نمْسِك زَمنَّا نَطوِّعوا
يخَتُونا يمشوا يَوَدِعُوا .. فِقَراً علينا إتْرَبْعُوا
ديل لاب يخافوا من الحساب .. لاب يختشوا ولاب يشبعوا
حقَّاً نحرسو ولاب يجِي .. حقك تلاوِي وتقْلَعو
أمْسِك شُباطين الصراع .. الماب تحصِّلُوا فلِّعُو
ثبِّت لي بالك لا يلين .. أنْقَحْ ترابك وازرعو
عُقْبان أبو الإنسان حنين .. ما شقَّ حَنَكاَ ضيَّعُو
سَرَحت مع الخاطر بعيد ..
عَكْسَ العِرق شِيمةَ التهاويم شالَتَا
دَقَشَتْ طَرَف قوز الرماد إنتَرْ تَعتْ ..
كادَن عيونا يَوِقِّعُوا
رجَفَتْ ..
صِحَت بي حالَتا
صدَّابَا تيَّار البحرْ .. كان أقوى من بالَه النّزَف
وكان فرحةْ الناس === الأسَفْ
الهمبريب === البوخ
غِــنِيوَاتَه === القعو
صنَّت بِنيْةً جَنْفِي هيل بِت السَرَفْ
جمْ كُوم وِلاداً يقْطَعُوا
فوق البحر .. فوق اللجان التاني جاتْ
فوق الفِرَج والبشْتَنَة
الحالة ما دارت بَحِت .. الحالة ظاهْرَة وبيِّنَة
السُلْطَة عن غرق البلاد مسئولة هِي ..
وفوق عِينَا حقَّنا تدْفَعُوا..
- وبلدك حِمايته مُمْكِنَة
_ أصْلُو اِحْنا لازمنا امتداد .. قُبَّال بيوتنا يوقِّعُوا
-كُنَّا بنقوله وتلْكِنَا ..
_ حيكومة دايْرَة تَلَجِنَا .. تدِّينا مشروع نزرعو .. تدِّينا جِيهةً نسْكِنَه
- لوْ وقْفُوا الحرب الحرام الْ الله ذاتُو هُو لاعِنَا
- كان البلاد إنطامَنَت .. كان ألْفِ خزَّان اِنبَنَى
_ يكْفِينا ذِلَّة ومسْكَنَة ,, كانت زمان السرقة دسْ .. الليلِة عِينك مُعْلَنة
_ وفِرجاً قِبيلْ بِنَشوفه عِيب .. عينك عِيان ومَقَنَنَة
- باسْمَ الرَصيف والمارصيف .. كم بيت وصالون اِنبَنَى
_ كانت شعاراتُن وعود صارت مُجرْد عَلْقَنَة
- وبين الدقون والدلْقَنَة .. كل التقول موساك تقوم تلقاهو ربَّ الفرْعَنَة ..
_ والجايِي أعتى من اللِي فات
- الجايِي أعتى من اللي فات
والضو تَنَى ..
عضَّ اصْبَعُو
عضَّابو حِسْ الطائرات
عضَّابُو قُدْرَتُو تنتهي .. عضابو يرجى المعجزات
عضابو صبْرُو وطول رَجَــــــا
.. وَيْْ .. أبونا جـا
.. ويْ .. يال القِمِيرا .. أبونا جَـا
وجرُوا كالفراشات شُفْعُو
جروا منُّو غادي وفلَّعُوا
أدُّوا البحر .. أدُّوا الحجار ..
ساعةَ الحَضانْقُول يجْدَعُوا .. برَّاقْ عيونُن يشْلَعُوا
تالا القميرا يصنْقِعُوا ...
يا الطالع الشجرة جيب ليْ معاك خِيمة
تســتُرْ من المطرة إن كبَّــت الغــــيمة
جيب لك معاك قمحات
قمحاتنا في الشيمة
وغنم الحَلِب رايحــــات
ضـلَّمْنــَا ضِـلِّيمة
- خيمة الشحودية دَفُو مــاب تَدَفِيكا
ولبن اليهـــودية بلــدك ينسّـــــِيكا
قمحاً من امريكا خاذوق رِكب فيكا
غير خير بواديكا مـافـــــي اليكفِّيكا
يا طــالع الشجـــــــرة من خيمتك التوبة
جيب لك فروع خضرا أو جافَّــــــة يادوبة
في الحرَّة في المطـــــــرة في عِزْ بَرِدْ طــــوبة
نمْرُق مـن الوَكَـــــــرة وتبْقالنا .. راكوبة
يا طالع الشـــجرة قبِّل على الحِلَّة
قول ليها يوم بكرة كُـرْبتْنا تِنْحلَّه
ننزِل نضـــــوِّيكي ضِرْعاتنا مادِلَّة
قادرين نســـوِّيكي عُقْبان عَلِي الله
يا طالع الشجرة
طوْلنا يا والله
أنزل هيا ويلاَّ
إندلَّى نِنْدلَّى
نِنْدلَّى حلتنا
حلتنا مادِلَّة
نندلَّى ما دام الأسف ، والجهجات ماب ينفعُو
ثبِّت يَقِينك ،، يا ولد .. الناس مصيرُن يرجعُو
ما شال عزيمتنا الهوا
والبنْدِقْ المربوط سوَى .. مافي أيِّ ريح بتفرْزِعُو
إنت وأنا ..
نار السعق كان ولَّعت بيناتنا ما تِسْتهْوَنا
الجوْ شرارة تَوَلِعُو
الزول بَحِنْ ..
حِنّ يا ولد ..
حِناً يقَدِمَك أتْبعُو
وتِشْ عينو دجَّال الضلال
قبَّال يَمِدَ لك أصْبَعو
حِنّ .. يا .. ولدْ
والضو يقالد من طَرَفْ .. ناس البلد قبَّال يقالْدُو يَدمِّعو
دمع السواد الانزرف .. لوْ الدموع بِيَرَجِعُو
في عَمَّة .. في بِتْ .. في ولَدْ
شمََّّ البلدْ .
ناضَمْ قبيلتو ووانَسا
هبْهَبْ دموعُن ويبَّسا
نقْنَاق حِبَيْبِين القَسا
طرَّاهُو حِس الطائرات
والضو نِسى
قوز الرماد ، والفوقو ، فوق قوز الأسى
الْفي المدرسة .
- شُفْنَا .. أيِِّّ شِي .. وما شُفْنَا شِي
مِعْزَاتنا كَدَّن للحصى .. شُفَّعنا بيَّتُوا للقَوَى
وجع البطون ..
درن العيون ..
الهلْوَسَة
موية الغنم والدود ، وموية الناس سَوَا
المستراحات === الخَلاَ
الله يجازي الكان سبب . . ما نلْقَى عافِي ولا دَوَا
ما نلْقى غير النسْنَسَة .. وكاوِيقْ كلام شالو الهَوَا
حال .. ماها حال
وقْعَتْنا تبقى على الجبال .
غلُّوا البضاعة .. العِنْدُو سِلعِة عِرفْ لها
غلُّوا القمح
غلُّوا اللحم
غلُّوا الخَدار
حتَّى .. الملح !
دسُّوا اللبن
دسُّوا العَدس والصلصة
دسُّوا الإسبرين ..
دسُّوا المعايش كلَّها
_ حاكومة وين .. واللجنة وين .. في عديلة راكْبَة محلَّها
اللجنة حلَّيتا .. المصيبة الجامْدّة شِنْ بِيَحِلَّها ؟؟
حال .. ماها حال
وقْعَتْنا تبقى على العدو .. الفيها تبقى على الجبال
قَدَرْ الله .. يا بِت الحلال
لع .. يا العَشِي .. قَدَرْ الرجال .. اللابْ تخاف الله وتتوب لابْ تِخْتَشِي
وأنا لجْنَة غرَّقت البلد .. أرجع وأجيك بي يات وشِي ؟؟!!؟؟
_وغلاَّ البضاعة .. الْفِي إيدُو مفتاح البضاعة ..
الأرزقي المايِصْ عَرَقْنا ومِتْحشِي ..
وما ضرَّ غير أبَّان دقون فيها الضلالة معشْعِشِي
وفِقَراً تَغُشْ في الله .. تخُشْ بيتو وتسرْقُوا ورا العِشي
كُرْ .. من ضمير ناس .. هان قَدُرْ .. تجْلِب بِلاده وتِتْرَشِي
كُرْ .. من عَوَارْضِك يا بلدنا .. الناس تَشُوف ومَدَعْمِشِي
تسمع سماع .. ومَطَنِّشِي !!
وحاكْمَانا في اشنو .. وشان شِنُو ؟
حاكُومة ما خابْرالنا شِي ؟!؟
حِسْ أمَّها المَهَرِيِة همْ ، يجي من بعيد
يا أمُّونَة بتِّي شِن الشَكِي
ما حاشُو في الطين الرُخُسْ .. ينحاش فِ أرْضِ مَكَرِكِي
حَرْمان عليكي تقولي لا
مجبورة يا خادْمَ الفَكِي .. مجْبُورة إنتِي على الصلاة
لا تأذِي جرحو تحَكْحِكِي
وجاييك مَلَكْلَك من تِحتْ .. يا أمّونة تاني تَلَكْلِكِي
شيلي الحَرف داك رشْرِشِي
قوم يا عشاي .. قوم للعَشي
قوم .. واِنتَكِي
وقام واِنتَكَى
ويلقى الحسن في صفْحَتو وقِدَّامْ وَشِي
- إن جيت بلدنا إنكسِّرت
_ أيِِّّ .. آ .. الحسن
- كَسَرَا البحر ؟
_ أيِِّّ .. آ .. الحسن
- يابا البحر دا .. بحرْ بلدنا ؟
_ أيِِّّ .. آ .. الحسن
- الزول يكسِّر بلدو ؟؟
والضو .. سكَتْ .. طقْطَق أصابِع ولدو
.... فِسْْ .. إنجِلِسْ
... فِسْْ .. إنجِلِسْ
- يابا المدارس اندمَّرت ؟؟ صاح والجوامع اِنكسَّرت ؟؟
_ أيِِّّ .. آ .. الحسن
- يابا .. الجوامع .. هيل مِنُو ؟
_ هِيل الله .. نُــوم ..
- حتَّى المدارس حقَّتُو ؟؟
_ لا لا الْلتْ الحاكومة .. نوم ..
- هُو الزول يكسِّر حقُّو كيف ؟؟ !!؟؟
والضو يَطَلْوِحْ بُو اِندهاشْ .. ما يلقى قيف
.. لا بان لُو .. بَرْ .
وأمُّونَة صُوتا من البعيد ..
نوم .. يا .. قَشَرْ
- صِحْ يابا في الجامع ، جا تمساح واِنبَطَحْ ؟؟
_ أيِِّّ .. آ .. الحسن
- يابا التماسيح .. مسلمين ؟
_ لا مجرمين
- لابسين دقون .. لافِّين طِرحْ ؟؟
_ ..........
- ما تَضْرَبُوهُن بالسلاحْ ، وتَكَتِلُوهُن .. تاحْ .. تَرَحْ ؟
والضوْ .. سرحْ
وأمُّونة صوته من البعيد .. حَلِقَه إنجَرَحْ
: نوم يا قَشَرْ .. : نوم قبْل أجيك
- يابا البحر دا ولَدْ مِنو ؟
_ ولد المطر
- ويابا المطر ؟
_ بت السحاب
- ويابا السحاب ؟
_ خير للبشر
- ويابا البشر ؟
_ هُول ربَّنا
وأمُّونة تجري من البعيد ..يقطع كلامو وتنْحَسُو
تَجْبِدْ أضانُو وتقْرُصُو
لا تقْلِدُو .. جيب القَشَر دا علي رفاقتو نرَقِدُو
أمُّونة هَزَّتَا تمْغِسُو
- أنا دايْر أنوم في صدر أبوي .. شان البحر
وقام إنحشر .. في صدر أبوهُو وحدَّثُو :-
في مرَّة جُونا .. رجال كبار .. كبآر
غَمَتُولِي في إيدِي .. قروش كتار .. كتآر
أمُّونة شالتا فنَّتا..
الراجِل أبْ دِقناً كبير .. سبَّاله دنْقَر لقَّطَا
وأنا قُم بكيت
أمُّونة فكَّت صُرَّتَا .. وأدتني صندوق بسكَوِيت
_ بعدين ؟
- سكَتّ .. وأمُّونة قامت .. شَوّ .. بَكَت
وتلْفَح نعالَه .. وتَفْلَعُو ..
نوم .. يا .. قَشَرْ
نوم .. قَبْلَ أجيك
- أنا داير أنوم في صدر أبوي .. شان البحر
وقام إنحشَرْ .. في صدرَ أبو
ونام الحسنْ .. في آخر المسا
وصنَّت عيون النوم يجيها بعد تعَبْ ..
سرْسارو داخل المدرسة .
والضو غَمَد
صِحَى .. بِي صياح الأمهات .. وأطفالَه مِنطلْقِين بِكِي
كل فردِة تبكِي على بلد
بكَّاهَا حِسْ الطائرات .
والضو .. ضحك ..
لمَّا البنات قالَن لُو طُقَّهَا بِي حَجَرْ !
يا الضو تَطُقَّهَا بي حجرْ .. في الجو ..
تَرمِّي لنا الخِيام ..
يا قطْرَِةَ التَرَاكُومَا ..
يا سكَّرْ .. دقيق .. ومعلبات .
ومنام .. منام
جات البلد .. تَعَتِبْ .. جراحَه مَسَبَبات
لون القمح ..
طعم التُمُرْ ..
ريحةَ الطَلِحْ ..
ضُل البرندات القُدام
البُرتُكان .. والمنقة .. والليمون
يجوهو .. منام .. منام
طُورِيْتُو .. فِطْنَ الكونْشِبِر .. مرْكُوزة تالا السام
تجيهو .. منام .. منام
المُشْرَع .. البنْطُون معَدِّي .. ودوْشَةَ العمال .. تجيهو .. منام .. منام
الروضة والأطفال .. بنات الإبتدائي .. العام .. تجيهو .. منام .. منام
الشارع الوسطاني .. والزاوية .. الَسَلام والناسْ ..
يجوهو .. منام .. منام
الصَفْقَة .. والطنْبُور .. ووِزَّاً عام .. يجيهو .. منام .. منام
الناس تقاومْ في البحرْ .. مرْيُوقَة .. مِتْماسكِين تمام ..
في القيف يجوهو منام .. منام
الأرْزَقِي أرباب البنوك .. شُلَّةْ حَرامِيْةَ الضلام
المُلُّسْ .. السادة الكرام .. لافِّين عليهُن زيْ غَفَر .. قاشْرِين
يجوهو طُمام .. طُمام
السُوق .. غَلاها .. الشُفَّع الأيتام ..
يجوهو .. دِيوش .. دِيوش ..
وبلا قروش .
اللجنة .. تجَّار الرصيف .. المسْخَرة .. الهدَّام ..
يجوهو .. كروش .. كروش
والضو يدُوش !
أصبح صباحِك .. يا البلد
واللاَّ العَفاريت أصبحت
يصْبِحْ صباحِك يا البلد
تَبْرِي وجرحْ بالك برد ..
والضو يعافِر في الجبل
مرُّوا بُو سابع يوم وِلاد
يا الضو حمارْتكْ .. طفَّحَت
أمِس الكلاب بَعَجَنَّهَا
كلبةْ مدينِة .. وديكا .. عِيك .
دحشك .. معاهُو دحيش غريب
خلِّينا فوق قوز الرماد
أدِّينا عيش وصبيط تَمُرْ .. يبقالو زاد
إسبوع يعيش كان الله اراد
أنا بُكْرَة صادْ .. كان الله راد
والضو خنس .. قنَّب حكَى
حكَى للوِلاد قصَّة تساب كم واربعين
حكَى بي مَغَسْ ..
كيف جِدُّو فات الدنيا .. فاكر الإنجليز ضربُوا البحر بالطائرات
شان يشْرَق المشروع يموت والأمَّة تنْشَتت .. شتات
قال وإنتكَى ..
" الإنجليز أذنابَه في .. وكم وأربعين مويات وجات"
صنَّة و بكى
بكى ما بكى
بكَّاهُو حِسْ الطائرات
بكَّاهُو قُدْرَتُو تنتهي
بكَّاهُو يرْجَى المعجزات .
ريانية
28-01-2008, 11:09 PM
هلا عثمان..
ما احلى الاحلام وما أحلاها إذا تحققت,
أعجبني البيت الذي يقول: خلي الحلم الينجض .. في نار الغربة الحامية, وكأن نار الغربة هي الفرن..
تحياتي لك..
معتز الريح
28-01-2008, 11:24 PM
احلم يا حبيب ..
الحلم بقروش؟
حلمه وبتصحى ..
على وزن
سكره وبتفك ..
ودتابر
28-01-2008, 11:42 PM
العزيز // عثماااااان
غرفة أحلامكم .. مليانه بالمبدعين .. تغمر من يدخلها بصدق الاحساس الواعي .. وتحمله على موج القادم الهادر ... .. فيعيش واقعاً ملموساً .. ويناجي حلماً مأمولا .. فبكم تتكون الكلمة .. وبكم تزدان اللوحة ... لك التحية ..
أما بخصوص سؤالكم (( يابا النجوم هول منو ؟؟ ))
أعتقد أنها لمحمد الحسن حميد .. .. .. وإذا كنت مخطيء أرجو ممن يعرف أكثر مني التصحيح .. ولكم ودي .. وبعض أبياتها تقول :
يابا الجوامع هِيل منو ؟ هِيل الله نُوم
حتى المدارس حقتو ؟
لالا... المدارس حقت الحيكومة ... نُوم
هو الزول يكسر حقو كيف ؟؟
والضو يَطلوِحبُو إندهاش ...
ما يلقى قيف لا بانلُو بَر
وأمونة صوتها من البعيد ...
نُوم يا قشر
صُح يابا في الجامع في تمساح إنبطح؟
أيي آلحسن
يابا التماسيح مسلمين ؟؟ لا ..مجرمين ...
لابسين دِقُون شايلين سِبح
ما تضربوهم بالسلاح وتكتلوهم تاح ترح؟
والضو سرح ... والضو سرح
***** قبل أن أكمل كتابة مداخلتي هذه كان الأخ هشام سلس قد قام بالواجب .. له التحية .. ولكل الحالمين .. فثقوا أن فجر فاطمة السمحة قري ...
تخريمة ((( في زاوية الخواطر الأدبية والقصة القصير .. سوف أقوم بتنزيل قصة " فاطمة السمحة والفجر الوليد " )) .. وما تقولوا أنا صحيت خلاااص وطلع الفجر .. لس الحلم طويل .
عثمان جلالة
29-01-2008, 12:16 AM
الرائع كما وطني هشام ... آه ثم آه وما أجمل حلمك .. وما أجمل .. حلم شاعرنا حميد .. حلم الضو ... وحلم الحسن
جمال .... أبكاني ... دمعا ودما ... وأملا
شوف معاي الجمال ده ...
يا الطالع الشجرة جيب ليْ معاك خِيمة
تســتُرْ من المطرة إن كبَّــت الغــــيمة
جيب لك معاك قمحات
قمحاتنا في الشيمة
وغنم الحَلِب رايحــــات
ضـلَّمْنــَا ضِـلِّيمة
- خيمة الشحودية دَفُو مــاب تَدَفِيكا
ولبن اليهـــودية بلــدك ينسّـــــِيكا
قمحاً من امريكا خاذوق رِكب فيكا
غير خير بواديكا مـافـــــي اليكفِّيكا
يا طــالع الشجـــــــرة من خيمتك التوبة
جيب لك فروع خضرا أو جافَّــــــة يادوبة
في الحرَّة في المطـــــــرة في عِزْ بَرِدْ طــــوبة
نمْرُق مـن الوَكَـــــــرة وتبْقالنا .. راكوبة
يا طالع الشـــجرة قبِّل على الحِلَّة
قول ليها يوم بكرة كُـرْبتْنا تِنْحلَّه
ننزِل نضـــــوِّيكي ضِرْعاتنا مادِلَّة
قادرين نســـوِّيكي عُقْبان عَلِي الله
يا طالع الشجرة
طوْلنا يا والله
أنزل هيا ويلاَّ
إندلَّى نِنْدلَّى
نِنْدلَّى حلتنا
حلتنا مادِلَّة
نندلَّى ما دام الأسف ، والجهجات ماب ينفعُو
ثبِّت يَقِينك ،، يا ولد .. الناس مصيرُن يرجعُو
وشوف الروعة دي ....
ويلقى الحسن في صفْحَتو وقِدَّامْ وَشِي
- إن جيت بلدنا إنكسِّرت
_ أيِِّّ .. آ .. الحسن
- كَسَرَا البحر ؟
_ أيِِّّ .. آ .. الحسن
- يابا البحر دا .. بحرْ بلدنا ؟
_ أيِِّّ .. آ .. الحسن
- الزول يكسِّر بلدو ؟؟
والضو .. سكَتْ .. طقْطَق أصابِع ولدو
.... فِسْْ .. إنجِلِسْ
... فِسْْ .. إنجِلِسْ
- يابا المدارس اندمَّرت ؟؟ صاح والجوامع اِنكسَّرت ؟؟
_ أيِِّّ .. آ .. الحسن
- يابا .. الجوامع .. هيل مِنُو ؟
_ هِيل الله .. نُــوم ..
- حتَّى المدارس حقَّتُو ؟؟
_ لا لا الْلتْ الحاكومة .. نوم ..
- هُو الزول يكسِّر حقُّو كيف ؟؟ !!؟؟
والضو يَطَلْوِحْ بُو اِندهاشْ .. ما يلقى قيف
.. لا بان لُو .. بَرْ .
وأمُّونَة صُوتا من البعيد ..
نوم .. يا .. قَشَرْ
- صِحْ يابا في الجامع ، جا تمساح واِنبَطَحْ ؟؟
_ أيِِّّ .. آ .. الحسن
- يابا التماسيح .. مسلمين ؟
_ لا مجرمين
- لابسين دقون .. لافِّين طِرحْ ؟؟
_ ..........
- ما تَضْرَبُوهُن بالسلاحْ ، وتَكَتِلُوهُن .. تاحْ .. تَرَحْ ؟
والضوْ .. سرحْ
وأمُّونة صوته من البعيد .. حَلِقَه إنجَرَحْ
: نوم يا قَشَرْ .. : نوم قبْل أجيك
- يابا البحر دا ولَدْ مِنو ؟
_ ولد المطر
- ويابا المطر ؟
_ بت السحاب
- ويابا السحاب ؟
_ خير للبشر
- ويابا البشر ؟
_ هُول ربَّنا
- ونان ربـ
وأمُّونة تجري من البعيد ..يقطع كلامو وتنْحَسُو
تَجْبِدْ أضانُو وتقْرُصُو
لا تقْلِدُو .. جيب القَشَر دا علي رفاقتو نرَقِدُو
أمُّونة هَزَّتَا تمْغِسُو
- أنا دايْر أنوم في صدر أبوي .. شان البحر
وقام إنحشر .. في صدر أبوهُو وحدَّثُو :-
في مرَّة جُونا .. رجال كبار .. كبآر
غَمَتُولِي في إيدِي .. قروش كتار .. كتآر
أمُّونة شالتا فنَّتا..
الراجِل أبْ دِقناً كبير .. سبَّاله دنْقَر لقَّطَا
وأنا قُم بكيت
أمُّونة فكَّت صُرَّتَا .. وأدتني صندوق بسكَوِيت
_ بعدين ؟
- سكَتّ .. وأمُّونة قامت .. شَوّ .. بَكَت
وتلْفَح نعالَه .. وتَفْلَعُو ..
نوم .. يا .. قَشَرْ
نوم .. قَبْلَ أجيك
- أنا داير أنوم في صدر أبوي .. شان البحر
وقام إنحشَرْ .. في صدرَ أبو
ونام الحسنْ .. في آخر المسا
وصنَّت عيون النوم يجيها بعد تعَبْ ..
سرْسارو داخل المدرسة .
والضو غَمَد
صِحَى .. بِي صياح الأمهات .. وأطفالَه مِنطلْقِين بِكِي
كل فردِة تبكِي على بلد
بكَّاهَا حِسْ الطائرات .
والضو .. ضحك ..
لمَّا البنات قالَن لُو طُقَّهَا بِي حَجَرْ !
يا الضو تَطُقَّهَا بي حجرْ .. في الجو ..
تَرمِّي لنا الخِيام ..
يا قطْرَِةَ التَرَاكُومَا ..
يا سكَّرْ .. دقيق .. ومعلبات .
ومنام .. منام
جات البلد .. تَعَتِبْ .. جراحَه مَسَبَبات
لون القمح ..
طعم التُمُرْ ..
والله أمتعتنا غاية الامتاع بحلمك ... متعك الله بالصحة والعافية ... ومنتظرين أحلامك
عثمان جلالة
29-01-2008, 12:25 AM
هلا عثمان..
ما احلى الاحلام وما أحلاها إذا تحققت,
أعجبني البيت الذي يقول: خلي الحلم الينجض .. في نار الغربة الحامية, وكأن نار الغربة هي الفرن..
تحياتي لك..
الرائعة ريانية ... وين أحلامك؟؟؟ محتاجين أحلامك وبشده وشكرا على المداخلة ... بس ضروري نشوف أحلام حواء السودانية ... ومن حقك تحلمي
عثمان جلالة
29-01-2008, 12:31 AM
احلم يا حبيب ..
الحلم بقروش؟
حلمه وبتصحى ..
على وزن
سكره وبتفك ..
الحبيب معتز .. هههههه قلت لى سكره وبتفك .. لكن انت مالك عامل شخيت وواقف بعيد ... ما بتحلم يعني:p ولا ما بتنوم عشان تحلم .... (الشرح يفسده) ... أسي عليك الله وأمان الله كان ولدك الشايلو دا سألك زي أسئلة الحسن دي للضو .... بتعمل شنو؟؟؟ :D
عثمان جلالة
29-01-2008, 12:36 AM
تخريمة ((( في زاوية الخواطر الأدبية والقصة القصير .. سوف أقوم بتنزيل قصة " فاطمة السمحة والفجر الوليد " )) .. وما تقولوا أنا صحيت خلاااص وطلع الفجر .. لس الحلم طويل .
الرائع ود تابر ... شكرا حتى تستغيث ... وبنشوف إمتداد حلمك في زاوية الخواطر الادبية ... ومنتظرين معاك الفجر الوليد
ريانية
29-01-2008, 12:47 AM
يا ود جلا ل يا ريت لو حلمي تحقق إلي بحلم إني أسويه يا ريت بس حلم صعب المنال.. وإللي ذكرته في الحوار.. إذا شفته..
هشام سلس
29-01-2008, 12:54 AM
[/size][/color]
ازيدك من الحلم
عروس الطين
بيني وبين النهر ضحايا
وكم من قتلة ونصّابين
وقدر الغيم اللمّا سمايا
شالوا الريح وبي حُمرة عين
حبل البئر ودلوها منتّف ...
وحارساتنها دابيين
ريقي دقيق .. والخطوِ مكتّف
ما بين كهنة وربّاطين
وانا ناذرلِكْ ، كان أسقيكِ
وترجعي طيبة عروس الطين
ويرجع عصب العشم الفيكِ ...
وزي ما كان من قبل سنين
يا ترقوة الحلم الزّامِكْ
ما أقواك على السكّين
لما غِشَاكِ الصيف الحارق ...
حتحتيهو الصفق الأصفرْ
والنوّار اليا دوب مارِق ...
علمتيهو تمُام ينضرضرْ !!!
فرعك عِز الزّمن الزانق ...
عاهد ليفك وابى مِنْ يكبْر
شان ما يبقى حُراب ومشانق ..
واللاّ مطارق في ايد العسكرْ !!!!
وشان الساق الناجرو الخالق ..
ساترو لحاهو ... يفضِّل أخضرْ
روّضتيها جذورك ترحل تالا الموية التحت الأرضْ
وفوق الزمن الريحي الأمحل ..
كيف تنماسك وتسند بعضْ
ما كان عَرضِك الا الطُّول ..
لا كان طولِك غير العرضْ
وين بالساهلة يفرِّط زولِك
واللاّ يفوت المال والعِرْضْ ؟؟؟؟
قال طيراً نفد بي حِنّو
لى جملة عَقابو يغنوا :
يا أكباد الرفاق لا تئنو !!
طرِّقوا لى المناقير سِنّو !!
شن طعم العرق والدم
واحنا عوجنا ما عدلنو ؟؟
هِبّن يا طيور من جم ....
رخمتين فوق صقر كتلنو
حُلماً زانو ليك كابوس ...
وراجنبو الليالي يصِنّو
والوعد المشتت روس
وكاويق شِنْ بترْجِن منو ؟؟
وما بتنغشّن ... حاشا وحاشا
وما بتنكسرن .. أي والله !!
وما بتندلّن لي حباية
ودود معقود في شبك الباشا
وكم هبّرتِنْ شركو وطِرتَنْ
لي قندولكِن في الحواشة
وقلتِن شارق
فجراً حارق
وكل الوخم الزيف يتلاشى
وتنفض طيبة غبارا العالق
وتقبض نسمة خير ودعاشة
وبيني وبين النهر ضحايا
وكمين قتلة ونصابين
وقدر الغيم اللمّا سمايا
شالو الريح وبي حمرة عين
وشوف معاي الروعة دي
بين الموجة والخزان حلم إنسان
هَرَدْتَ لهاتي بالغنوات ...
وقُتْ يبُردْ حَشَاك يا امِّي
ومن التّعب البلا صَالِحْ ..
تفيقي ..
تروقي ...
تنجمِّي
تسوِّي مكانسِكْ المطرة ..
تضوِّي البيت وتنحَمِّي
تمرقي صبوحة للجيران ...
قدح فوق ايد وفي ايد أَلمْي
يلاقوك شُفّع الكُتّاب
نُضاف وظُراف بلا النّسْمي
ويغنولِك ...
يغنّولِك غناوي السّابْ
وفي بيّوضة مافي سرابْ
جُبال كَجَبي وفيافي الكاب ...
تميد بالخُضرة منقسمي
ولا غابار .. ولا هو سحاب ..
وتنهجمي .. من الدّهشة
وتحاحيهُن ...
غناكُن نيي ...
غناكنُ نيي ..
غُنا الوهْمي
ويهتفوا زي كلاب الحي ..
على الأغراب
حوافي الصّي وبيوضة
البراسيم فيها مفروضة
خدارا يراري شوف عيني
على الأبوابْ
قماريها
وحواريها
وطواريها
بقت روضة .. بقت تشرب من الحامدابْ
تشربي عافيي من إيديّ ...
تدوِّي اليوية بي حِشْمي
تسوّي السّي .. وتبتسمي
تشوفي رهاب بُعُد نجمي
واشوفو قريب قُرُب نَضْمِي
اشوف العالم التِّحْتَاني ..
هيلا هوب وقف ناهِضْ
ودكّ عمايد الفوقاني ...
جوه الُّجب رَمى العارضْ
وفي السّابو الدّمَار أفراق
عريق الحب نَبَضْ قابِضْ
مِتِل قَبْض الحروف في اسمي
غناوينا القبيل رَقْرَاقْ
علينا تَصُب بَرِدْ قَارِضْ
أَلُكْ طيناتا من دمّي ..
وارْمُلا من عصب عشّاق ..
أنُطْ تُلُّبْ واجيك عارِضْ
واجُرْ نمَيِّ
أدودي لهاتي بالغنوات ...
عُقُب يبرد حَشاَك يا امِّي
تسوِّي السّيْ وتبتسمي
تسمِّي الشّعب وتعتّصْمِي
بحبل القُدرة تتفرّقْ
ظُلُمةً فيها تتحرّقْ ..
صُرُمةً قالوا ليك قِسْمي
أدودي لهاتي بالغنوات
عُقُبْ يبُردْ حَشَاك يا امِّي
تقلبي الكلمة بي الكلمي
ضُراعِكْ يرْمِي ما يَدْمِي
تقيفي بعيد عن الشُّمات
تكوني اقرب لي من إسمي
واضُمِّكْ بارتياح يا امِّي
أحبِّكْ صَاحْ
وصَاحْ حلمي
ولاكي سعية للضَبّاحْ
ولا شمش الصّباح حِزْمِي
ولا كَتْف السِّلاح سوّاحْ
ولا نزف الجراح ألمي
هيا انحزْمي ..
هيا انخلْقي ..
هيا انعتْقي ..
متين مو دايرة ري تسْقِي
ولا في إيد النّزيف نبقَى ...
ولا في إيد الخريف تبقِي
ولا الفيضان يبدِّع بِكْ ....
ولا في القيفة تنهدْمِي
ولا انْ جَاتْ حارّه تنهزْمِي
ولا يغشى الغُلُب قلبِكْ
ولا تشقِي
ولا انتِ تخافي لا تَدْمِي
ضُراعِكْ يرْمِي ما يَدْمِي
فيا حزن البلد عوك كَرْ
ويا سعد الولد
ضَرْ ضَرْ ...
مع النّسْمِي
و ألِوْ .. قيمة العَمَل عِمِّي ..
وافتحي ظلمَتِكْ للضّي
سِنِّي على النضال إيدي
سوِّكي بالهُتَاف فَمِّي
شوارعِكْ لَيْ ..
دَويها عَلَيْ ..
اذا ما اخر العلاج الكَيْ ...
مراويدِكْ حُمُر صَمِّي
مراويدِكْ حُمُر يا امِّي
بليلتي ... ولا ضبايح طَيْ ؟؟؟
قليلتي ... ولا كُتُر سِمِّي ؟؟؟
وطني ... ولا مِلي بطني !!!!
سُكَاتي .. ولا الكلام النيّ !!!
ومازال الحلم مستمر.... بي روعتك
عثمان جلالة
29-01-2008, 04:38 AM
ويتواصل الحلم الجميل ... عثمان بسأل عن القصيدة الفيها الولد بسأل ابوه عن النجوم هول منو؟؟؟
ومواصلة للحلم اتمنى ان نجد من يمدنا بهذه القصيدة .. وازيد الحلم شوية لو قلت كم تمنيت ان يطل علينا
الشاعر محمد طه القدال بنفسه ويسرد لنا احلامه
الغالي بورتبيل .. معليش دريت تصاعديا ... وأهو أخوان فاطنه وأبوات فاطنه ما قصروا ... وأنا معاك في الحلم يطلوا علينا في غرفتنا دي يحلموا معنا .. كل مبدعين بلادي .. ومازال الحلم طفلا يحبو:p
عثمان جلالة
29-01-2008, 04:45 AM
يا ود جلا ل يا ريت لو حلمي تحقق إلي بحلم إني أسويه يا ريت بس حلم صعب المنال.. وإللي ذكرته في الحوار.. إذا شفته..
ربنا يحقق أحلامك يا ريانية .. بس أنا قصدته أحلامك في شكل خواطر أو شعر ... موجه للوطن العزيز .. خاصة وانت في غربة
عثمان جلالة
29-01-2008, 05:25 AM
أحبِّكْ صَاحْ
وصَاحْ حلمي
ولاكي سعية للضَبّاحْ
ولا شمش الصّباح حِزْمِي
ولا كَتْف السِّلاح سوّاحْ
ولا نزف الجراح ألمي
هيا انحزْمي ..
هيا انخلْقي ..
هيا انعتْقي ..
متين مو دايرة ري تسْقِي
ولا في إيد النّزيف نبقَى ...
ولا في إيد الخريف تبقِي
ولا الفيضان يبدِّع بِكْ ....
ولا في القيفة تنهدْمِي
ولا انْ جَاتْ حارّه تنهزْمِي
ولا يغشى الغُلُب قلبِكْ
ولا تشقِي
ولا انتِ تخافي لا تَدْمِي
ضُراعِكْ يرْمِي ما يَدْمِي
فيا حزن البلد عوك كَرْ
ويا سعد الولد
ضَرْ ضَرْ ...
مع النّسْمِي
و ألِوْ .. قيمة العَمَل عِمِّي ..
وافتحي ظلمَتِكْ للضّي
سِنِّي على النضال إيدي
سوِّكي بالهُتَاف فَمِّي
شوارعِكْ لَيْ ..
دَويها عَلَيْ ..
اذا ما اخر العلاج الكَيْ ...
مراويدِكْ حُمُر صَمِّي
مراويدِكْ حُمُر يا امِّي
بليلتي ... ولا ضبايح طَيْ ؟؟؟
قليلتي ... ولا كُتُر سِمِّي ؟؟؟
وطني ... ولا مِلي بطني !!!!
سُكَاتي .. ولا الكلام النيّ !!!
الله الله يا هشام .... قمة في الروعة وكتر خيرك ... لونت أحلامنا ... وأديتها طعم ورائحة ... ومنتظرين المزيد
اخلاص محمد
29-01-2008, 01:05 PM
السلام ... عليكم.... ياود جلالة احلمي كتيرة .. بس ..ادعي .. ربي يحقق لي ... احلامي .. ماعندك لي ... فكي ... كارب
s nger
29-01-2008, 03:19 PM
والله ياهشام حلمك طويل جدا وربنا يجعل احلمنا سعيدة
ودتابر
29-01-2008, 08:23 PM
تخريمة ((( في زاوية الخواطر الأدبية والقصة القصير .. سوف أقوم بتنزيل قصة " فاطمة السمحة والفجر الوليد " )) .. وما تقولوا أنا صحيت خلاااص وطلع الفجر .. لس الحلم طويل .
الرائع ود تابر ... شكرا حتى تستغيث ... وبنشوف إمتداد حلمك في زاوية الخواطر الادبية ... ومنتظرين معاك الفجر الوليد
العزيز .. عثمان
سنتواصل ما دام الصبح آتي .. وسنطرز الحلم حتى يولد الفجر الجديد .. وستجد " فاطمة السمحة والفجر الوليد " في زاوية الخواطر والقصة القصيرة ..
وهنا أواصل معك الحلم ..
رغم الجراحات ..
والأحزان القديمة
جاءتني في ليلة عشق شتوية ..
سكنت غرف قلبي الكئيبة
فانساب الدم في عروقي ..
وازدهرت أوصالي العليلة ..
وبدأت رحلة عشق .. طويلة .. طويلة ..
فنشرت في الجروف خضرة .. وخميلة
وبنيت في الفيافي .. عواصم للعشاق .. والأحلام الجميلة
وكتبت في دفاتر الذكريات بطاقة فرحنا بأحرف مضيئة ..
"" أهلي وإخوتي ..
وجميع جيرتي وعشيرتي
أدعوكم لتعرفوا
حبيبتي ..
لتشهدوا .. معي
مولد فرحي
وقصة حبي
ا ل أ ب د ي ة
وعقد قراني بسارقت قلبي
من جعلت الأحلام
عواطف
وأقدار حتمية
سميحة ..
حليوة ..
قمحية ..
زنجية ..
كاكاوية ..
لا شرقية ولا غربية ..
لا شمالية ولا جنوبية ..
ولا حتى حسناء عاصمية ..
إنها فقط سودانية ..
إنها فقط سودانية ..
اسمها على الشفاه أحجية قديمة
وترنيمة أطفال عفوية
ف ا ط م ة ..
ا ل س م ح ة ""
عثمان جلالة
30-01-2008, 03:21 AM
السلام ... عليكم.... ياود جلالة احلمي كتيرة .. بس ..ادعي .. ربي يحقق لي ... احلامي .. ماعندك لي ... فكي ... كارب
العزيزة إخلاص .. ربنا يحقق ليك كل أحلامك وتصبح حقيقة .. وبالنسبة للفكي الكارب .... تتبخري بالبوست ده ... مره في الصباح .. ومره في المسا ... وكان ما نفع بنشوف ليك فكي ود المطامير ..:p
عثمان جلالة
30-01-2008, 03:30 AM
والله ياهشام حلمك طويل جدا وربنا يجعل احلمنا سعيدة
الحبيب سنجر طولت الغيبة .. وحلم هشام طويل على قدر حب التراب والوطن .. والناس القلوبه صافيه ... بحجم الوطن ... ورينا حلمك يا مجدي
عثمان جلالة
30-01-2008, 03:35 AM
رغم الجراحات ..
والأحزان القديمة
الرائع ود تابر ... ما أجمل أحلامك ... ورغم الجراحات والأحزان ..... سنحلم .. وسنحلم .. والتحية والتجلة عبرك لفاطمة السمحة ... وللإبداع في بلادي
عثمان جلالة
30-01-2008, 03:44 AM
وهاكم ... واحد
يا ظالما في الغيب أو حتى بيناتنا
لو في الحلم والنوم أحذر ملاقاتنا
لو لسة ما ولدوك .. أحذر وليداتنا
صاعين ... نكيل الصاع .. وللسلم راياتنا
يا طالع الشجره ... جبي لي معاك شمسه
تدفي ليالينا ... الأصبحت وحشه
تصالح ... المطره
وتراوغ ... الغربه
تطلع ... قميريه ... ترسل تحياتنا
لى حلة منسيه
وحبوبه ... حنيه
وناسا ... سلامتن ... تمحي الأنانية
وطنا ... نهاراتو ... زي لوحه ... أبديه
عثمان جلالة
01-02-2008, 10:56 PM
وما زال الحلم مستمرا
وهاكم واحد ....
وا خوفي من سرقة ملامحك ياوطن
وا شوقا يهفهف جوه الجوه لى حد الوهن
وا ألما يدك كل العيون ... ويفيض حزن
وأنا من عرفتك يا وطن ... ما كنت شايلك غير فرح
ولا كسرت ظنون في لحظة ... ألوان القزح
ومشيت معاك ... في كل الدروب
غنيت .. وحزنته ... حسيته أيام الغروب
دحين .. عاجبك .. سهادي ووحشتي وفرحان طروب؟؟ ولا ما عارف؟؟
وما خلت جروحك .. حبه .. لى إحساس هروب؟؟
وكيفن .. تموت واقف على حيلك؟؟
وكيف بتعجز كل أنواع النضم .. لامن تغلبك .. انت يا دخري الكلام قولة سطر
آه .. ما مل جوانا .. الصبر
وأصبح نزيف .. وأصبح خطر
خلينا من خوفك .. وهدهدة جوع الصغار ... خلينا من بكره فوق هم العيال
وشيل .. قفتك وأمرق براك ... يمكن تكمل حلتك .. أن شاء الله موية نيل معتقه بالطمي
وبكفيك ... حمد الله حتى على الكفاف
بس وين وقدرتك ؟؟؟ حاورني .. جاوبني السؤال؟؟؟
آه ... ملينا من وجعك ... ومن صوت السكات ..
الرياض 2/5/1999م
عثمان جلالة
02-02-2008, 10:52 PM
مدخل أول :
كل ما تباعد بينا عوارض ... كل ما هواك يا طيبة مكني ...
آه يا ليل الغربة .. آه لو تدري ما أعني
وماذا يعني .. خوفي .. شوقي
أدري .. أنك لا تدري
أدري .. أني مقتول يمشي في الأسواق
أدري أني عار .. الأثواب
وأظل أغطي .. في خجل عوراتي
فأعجز .. حتى لا أعرف وجهي في المرآة
وأردد .. أظل أردد في بحة صوت ... اغنيتي المهترئة
ويرد الصوت الساخر .. أني .. لا أعرف صوتي
يهزأ مني قلمي ... يخنقني
وأظل أحاول في عزم ... ظني
ماذا لو ؟؟؟ يفرح وطني
ماذا لو ؟؟؟ يتصافح أهل الطيبة في وطني
ماذا لو ؟؟ نرجع نحن هناك إلى وطني
ونترك هذي الغربة ... والمدن الشمطاء
ونجلس في فرح ... في النيل
لنرسم ... خرطه .. وننسج خطه
ويسكت هذا الريح الممعن ... وتعود تعود رياح الامطار
ابوالنور
03-02-2008, 01:26 AM
ود العم
ولية لا ؟
إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد..
لا تحزن على الأمس فهو لن يعود
ولا تأسف على اليوم .. فهو راحل
واحلم بشمس مضيئه في غد جميل
عثمان جلالة
03-02-2008, 10:19 PM
ود العم
ولية لا ؟
إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد..
لا تحزن على الأمس فهو لن يعود
ولا تأسف على اليوم .. فهو راحل
واحلم بشمس مضيئه في غد جميل
,] ود العم الغالي ... لك الود والتحية ... شكرا على هذا الامل ... فبه نحيا ... ونسعى ... ولكن أنظر لأحلامنا بالأمس ...
كم كنت أغني يا وطني
وأمني النفس .. جديد الأمل
كنا نجلس في نيلك ... نتنسم في شوق .. بعض عبيرك
ونرسم خطة .. وننسج خرطة .. تلم الشمل .. في الوطن الظل
لا .. وطن مجروح ... لا إنسان مذبوح
الكل يغني في وطني .. يعمل يبني .. ويسوح
وتصر رياح الفرقة .. على الإمعان
ويكبر هذا الجرح ... يفوح
ريح الشك ... الفرقة والطوفان
نلملم في صمت خرطتنا ... وبالدمع الساخن نمسح خطتنا
نتفرق .. كل يحمل هما ... نتقوقع ... داخل ضحكتنا المكبوته
والحزن يقطع أوصال الأوطان ... نعبيء في خجل حقائبنا ونذوب
ونسرج في صمت جوازات السفر المغبون
وتقتلنا في بلد منسي ... ليالي الغربة
ونضيع .. في مدن لا تعرفنا ... لا تفهمنا .. لا تدري من نحن
وأنا لا نضيف إلى أصفار العالم صفرا آخر
ودتابر
03-02-2008, 10:53 PM
العزيز سوباوي
وصلتني (( عافية المطر )) رائعة الدكتور المبدع معز بخيث هدية من الأستاذ الهميم الرائع حسن سادة .. عبر بوست سودانية الكيان خليجية اللسان ... وأنا بدوري أهديها لكم نعيش الحلم معها ..
فإليك إذن رائعة شاعرنا الفذ الدكتور معز بخيت
عافية المطر هدية الصباح الوردية
لهواك عافية المطر
لست أكتمك الخبر
هذى جذور البحر تعبرنى اليك
ولا مفر
سقط المساء على دروب العشق
وانتصب القدر
و نظرت نحوك هائما
بالسحر فاحترق النظر
ظلّت غصون الشعر مسدلة عليك
وها أنا
فى الجوف احلم بالمطر
وأدور فى فلك المنى
وحدى وانتظر السفر
ياشاديا ملك الزمان نضاره
ونما بقامته السنا
سقط التماسك من سمائى
واستوىَ عود الهوى عندى
وعافية الهنا
كلِفٌ أنا بك والسحاب مضمخ
بالعشق ينزق كالشهيد
رزازه طلل يعانق سوسنا
قدرى بحبك خاشعا
وأنا بحبك موقنا
ماكنت احسب حين غادرت الديار
تذكُّرى
فى هدب ذاكرة بقلبك
سوف يصبح عالقا
وحسبت أنى فى محطة عاشقيك مسافرا
سينام دوما فى الرصيف
وفى حواف الاروقة
وأكون فى دنياك غيما عابرا
وأكون فى رمل الطريق كذرة
عطشى لمائك حين صرت مفارقا
محرابك النذر القديم رميتنى
فوق الملاذ مروضا
وسقيتنى كأس النقاء معتقا
تبقى ملامحك الحضور فأقتنى
كنز الحياة جداولا وحدائقا
وتعود اذ ما جئت بالقلم الذى
رسم الشعار على الفؤاد
وحاط بى عشق تسامى و ارتقى
وأعود أسأل عن هواك لعلنى
كذّبتُ حدسى اذ لقيتك عاشقا
واخذت اطرق الف باب للخيال
وامتطى صهو التمنى
راحلا خلف العصور
وشاهراًَ حبى اليك بيارقا
لو كنت اعرف اننى
يوما سألقاك امتدادا للحياة
لما غفوت دقائقا
ولما بكيت على الجراح
وما اصطليت حرائقا
ومحوت احزان الوجود لغيتها
وحرقت لعنات الهزيمة
وانتظرتك سامقا
لو كنت ادرك ان لقياك العوالم
والحضارة
ان رؤياك الربيع
وان منبتك التُّقى
لحجبت وجه النار عنك باضلعى
وحملت عنك الوجد وعدا صادقا
وفَرشتُ دربى فى انتظارك لؤلؤا
وجعلت بيتى مغربا مشارقا
لكنها إبر الحياة ووخزها
سنن لنا متوثقة
نحيا كأطيار الخليج مواسما
والقلب تصهره الشجون ببوتقة
ونعود كالامطار حينا
ثم نخرج للدنا
سحبا ستبقى فى السماء معلقة
لو كنت اعلم بالذى يأتى غدا
لبنيت للطوفان ليلا زورقا
وضحىً حملتك باتجاهى ها هنا
من دون خلق الله
كى لاتغرقا
واراك تصلب فوق جدران الوداع تعلّقى
وتدور حولى الرياح مصفقا
دوما وتتركنى وحيدا عاريا
امضى اليك مشتتا وممزقا
او هكذا يبنى لنا القدر المسافة برزخا
متفجرا وصواعقا
ونظل كالليل الذى لم يلتق
بالصبح منذ تألقا
كذبا علمت فحبنا
سيظل عطرا عابقا
وسنستريح على الربى
زهوا ونمضى للبعيد
الشوق يحملنا معا
آمالنا متدفقة
إن كنت أحلم بالُمنى متحجبا
عن كل اوراق الطبيعة
او حنينا اعمقا
فلننتشى فرحا
فاحداق العيون منابعا
تهدي إلينا رونقا
من خيرنا
فى الارض نجنى غرسه
ونعود كالاطفال ننسج عشنا
متزينا ومنمقا
وسنلتقى أبداً على مر العصور
ونلتقى دوما بشط الملتقى
حتى يعود الخير فى اعماقنا
ونعود للدنيا
ربيعا مُشرقا
عثمان جلالة
04-02-2008, 09:48 PM
العزيز سوباوي
وصلتني (( عافية المطر )) رائعة الدكتور المبدع معز بخيث هدية من الأستاذ الهميم الرائع حسن سادة .. عبر بوست سودانية الكيان خليجية اللسان ... وأنا بدوري أهديها لكم نعيش الحلم معها ..
فإليك إذن رائعة شاعرنا الفذ الدكتور معز بخيت
عافية المطر هدية الصباح الوردية
لهواك عافية المطر
لست أكتمك الخبر
هذى جذور البحر تعبرنى اليك
ولا مفر
سقط المساء على دروب العشق
وانتصب القدر
و نظرت نحوك هائما
بالسحر فاحترق النظر
ظلّت غصون الشعر مسدلة عليك
وها أنا
فى الجوف احلم بالمطر
وأدور فى فلك المنى
وحدى وانتظر السفر
ياشاديا ملك الزمان نضاره
ونما بقامته السنا
سقط التماسك من سمائى
واستوىَ عود الهوى عندى
وعافية الهنا
كلِفٌ أنا بك والسحاب مضمخ
بالعشق ينزق كالشهيد
رزازه طلل يعانق سوسنا
قدرى بحبك خاشعا
وأنا بحبك موقنا
ماكنت احسب حين غادرت الديار
تذكُّرى
فى هدب ذاكرة بقلبك
سوف يصبح عالقا
وحسبت أنى فى محطة عاشقيك مسافرا
سينام دوما فى الرصيف
وفى حواف الاروقة
وأكون فى دنياك غيما عابرا
وأكون فى رمل الطريق كذرة
عطشى لمائك حين صرت مفارقا
محرابك النذر القديم رميتنى
فوق الملاذ مروضا
وسقيتنى كأس النقاء معتقا
تبقى ملامحك الحضور فأقتنى
كنز الحياة جداولا وحدائقا
وتعود اذ ما جئت بالقلم الذى
رسم الشعار على الفؤاد
وحاط بى عشق تسامى و ارتقى
وأعود أسأل عن هواك لعلنى
كذّبتُ حدسى اذ لقيتك عاشقا
واخذت اطرق الف باب للخيال
وامتطى صهو التمنى
راحلا خلف العصور
وشاهراًَ حبى اليك بيارقا
لو كنت اعرف اننى
يوما سألقاك امتدادا للحياة
لما غفوت دقائقا
ولما بكيت على الجراح
وما اصطليت حرائقا
ومحوت احزان الوجود لغيتها
وحرقت لعنات الهزيمة
وانتظرتك سامقا
لو كنت ادرك ان لقياك العوالم
والحضارة
ان رؤياك الربيع
وان منبتك التُّقى
لحجبت وجه النار عنك باضلعى
وحملت عنك الوجد وعدا صادقا
وفَرشتُ دربى فى انتظارك لؤلؤا
وجعلت بيتى مغربا مشارقا
لكنها إبر الحياة ووخزها
سنن لنا متوثقة
نحيا كأطيار الخليج مواسما
والقلب تصهره الشجون ببوتقة
ونعود كالامطار حينا
ثم نخرج للدنا
سحبا ستبقى فى السماء معلقة
لو كنت اعلم بالذى يأتى غدا
لبنيت للطوفان ليلا زورقا
وضحىً حملتك باتجاهى ها هنا
من دون خلق الله
كى لاتغرقا
واراك تصلب فوق جدران الوداع تعلّقى
وتدور حولى الرياح مصفقا
دوما وتتركنى وحيدا عاريا
امضى اليك مشتتا وممزقا
او هكذا يبنى لنا القدر المسافة برزخا
متفجرا وصواعقا
ونظل كالليل الذى لم يلتق
بالصبح منذ تألقا
كذبا علمت فحبنا
سيظل عطرا عابقا
وسنستريح على الربى
زهوا ونمضى للبعيد
الشوق يحملنا معا
آمالنا متدفقة
إن كنت أحلم بالُمنى متحجبا
عن كل اوراق الطبيعة
او حنينا اعمقا
فلننتشى فرحا
فاحداق العيون منابعا
تهدي إلينا رونقا
من خيرنا
فى الارض نجنى غرسه
ونعود كالاطفال ننسج عشنا
متزينا ومنمقا
وسنلتقى أبداً على مر العصور
ونلتقى دوما بشط الملتقى
حتى يعود الخير فى اعماقنا
ونعود للدنيا
ربيعا مُشرقا
ح نبنيهو البنحلم بيهو يوماتي ... وطن شامخ وطن عاتي .. وطن خير ديمقراطي
وطن بالفيهو نتساوى ... نحلم نقرا نتداوى ... وطن عالي ونجومو تلالي في العالي
شكرا أيها الأديب ود تابر .. على رائعة المعز .. والتحية لكل مبدعي بلادي
عثمان جلالة
06-02-2008, 05:41 AM
سأكتب طالما أن الجرح ينزف ... واهديكم محاولة لقصيدة لم تكتمل بعد ....
العصافير التي كم غردت جذلى وأهدت العشاق ألحاناً طروبة
والأنهار والأشجار .. عناق الأم .. تحيات الأقارب في احتفال بالخطوبة
وطعم المحاصيل .. فاكهة الشتاء.. نضارة المانجو .. واحساس الرطوبة
كلها .. يا سادتي كلها هتفت بأن الأرض توشك ان تفارقها الخصوبة !!!
والبقية تأتي
عثمان جلالة
09-02-2008, 10:20 PM
وهاكم واحد .... حلم جميل شافو ... حبيب الملايين ... الشاعر الصادق الرضي
وسماهو ... غناء العزلة ... ضد العزلة
كما يتسرب الضوء شفيفا صوب سطح البحر وهو محملا
بروائح القمر النبي .. وخلاصة السحر
غناء النشوة الكبرى وهفهفة العناصر في تراكيب الضياء
تتساقط الأرواح في الأمواج .. وهي ترتل الفضة
شيئا من خواص الماء .. خيطا من دخان الرغو في همس المزامير
ووشوشة الغناء على شفاه الحور .. إذ يسبحن بين السطح والقاع
فضاء الرهبة الصدفية الـ... لا لون حيث الصمت فاتحة الوجود الداخلي
لدولة البحر .. وقانون المياه
خذ من شعاع الشمس نافذة .. وحدق في فضاءات الغياب إلى رحيل أبدي
لا مكان الآن لك ...
والله يسكن بالاماكن كلها
وجها يضوء بالأزقة
شارعا يمتد في كسرة الخبز
الطعام المستحيل
إلى ثياب الفقراء
ماذا يلوح بالنوافذ
هل تري منديل عاشقة
بلون البحر
دمع صبابة في نهد عاشقة بطعم النار يقطر
والعصافير اكتمال للندي في شرفة الحلم
تسد الأفق
تبحث عن طفولتها بذاكرة الفضاء الرحب
والفجر المعلب في رفوف الصمت
واللغة الخفية للغناء
علي مسام العشب والشجر المخبأ في تماثيل الشجر
الحزن لا يتخير الدمع ثيابا كي يسمي بالقواميس بكاء
هو شيء يتعري في فتات الروح
يعبر من نوافير الدم الكبرى ويهرب من حدود المادة السوداء
شيء ليس يفني في محيط اللون أو يبدو هلاما في مساحات العدم
الحزن فينا كائن يمشي علي ساقين
دائرة تطوف في فراغ الكون
تمحو من شعاع الشمس ذاكرة السكون المطمئنة
كيف ترفض الجدائل فضة في الضوء
ترفض الفقاقيع التي ما بين امرأة الرزاز
إشارة للريح في المطر الصبي إضاءة في الماء
خيطا من حبيبات الندي سحرا صلاة هيكلا قوس قزح
ذلك سر الكون أن تبصر في كل حسن آية لله
والسحر الإلهي المهيب
ذلك سر العدل أن تتفجر الأشياء
تفصح عن قداستها تري في الشيء ما كان احتمالا ثم تتفتح الكنوز
الأرض كانت تدخر القمح لأطفال لها
فقراء لا يتوسدون سوي التراب
للذين يوزعون الظلم باسم الله في الطرقات
إن الله في نار الدموع وفي صفوف الخبز والعربات والأسواق
والغرف الدمار البحر يا صوت النساء الأمهات
القحط يا صمت الرجال الأمهات الله حي لا يموت
كيف استوي ما كان بالأمس هواء نتنا ريحا بغيضا
بما كان هواء طيبا
ريحا يؤسس معطيات الشارع الكبرى عبيرا ضد تلك الرائحة ما أشبه الليلة بالبارحة
كل ما كنا نغنيه علي شارع النيل تغيب
وانطوي في الموج منسيا حطاما في المرافئ أو طعاما للطحالب في انزلاق الصوت للقاع وفي صمت المسافات القصية
نحن في ساعة الحزن وميقات الفجيعة والفراغ العاطفي الوطني الآن لن نبكي ولكن من يساوم بالغد الآتي
ماذا سوف نخسر نحن رتبنا بلادا لا تقابل غير وجه الذات للمرآة امرأة هي اللغة الرماد تخون عاشقها ولا تخشي مصابيح النهار لا تثق بالقلب إن العشق يؤذي
بينما يجدي التحرك في السكون في مساحات الأنا وعي التكون
وابتكار الفرد مجموعا يوازي سلطة الإطلاق تحديد الموضوع بالإشارة نحوها بالاسم تفتيت الهلام واختراق السر فتح نوافذ الأشياء تكريس التفاصيل الدقيقة قوه تنسف الأحلام والذكري
أو أشباه الحبيبات الدمى والأصدقاء لا تثق بالقلب كي يتصاعد الضوء
علي كل المساحات وحدق جيدا اختر مكانك واحترق حيث انتهيت أنت منسوب الدم الآن وأنت الاشتعال النار مجمرة الغضب أنت إذا ضياء اللحظة الآتي أنا أنت نحن الناس والشارع والعواميد التي تمتد بالإسفلت صوتي صوتك المشروخ في صدا المقاعد وانهيار البرلمان ألم اقل أن الفضيحة قد تراءت تحت أكمام الجلاليب تعرت في تلافيف العمامه وامتداد اللحية الزيف لماذا لم تقل أن العمارات استطالت أفرغت أطفالك الجوعى علي وسخ الرصيف
أنت تعرف أنهم يقفون ضدك ضدنا ضدي اعرف إنني سأظل ضد السلطة اللا وعي نحن الآن في عمق القضية مركز النار وبالهامش تبقي سلطة اللغة الخفية كي تعلق بالفراغ
نعم سننسي كل ما يأتون من فعل وقول سوف نصلبهم عرايا بالمسامير علي بوابة التاريخ ثم نعبئ الأيام النسيان والصمت الخرافي المهيب لست من نور لتغفر أنت من طين لتبني
فابني لي بيتا لنا لك للصغار القادمين إن يك للعدل في الأرض وجود فليكن دمنا هو المقياس إن تكن السماء مقابلا للأرض فلتكن الدماء مقابلا للأرض قال الله كونوا ثم كنا هل تحققنا تماما من وجود الذات في أرواحنا ضد التكون وانطلاق الكائنات نحن نخرج عن حصار العزلة الكبرى لنكتب عن غناء العزلة الكبرى ولكنا نصاب بضربة حزن أوان خروجنا في داخل الصمت وفي جوف السؤال
ودتابر
09-02-2008, 10:26 PM
سأكتب طالما أن الجرح ينزف ... واهديكم محاولة لقصيدة لم تكتمل بعد ....
العصافير التي كم غردت جذلى وأهدت العشاق ألحاناً طروبة
والأنهار والأشجار .. عناق الأم .. تحيات الأقارب في احتفال بالخطوبة
وطعم المحاصيل .. فاكهة الشتاء.. نضارة المانجو .. واحساس الرطوبة
كلها .. يا سادتي كلها هتفت بأن الأرض توشك ان تفارقها الخصوبة !!!
والبقية تأتي
العزيز .. عثمان
أكمل وأخرج ما في جراب الروعة .. من قبل أن تحرق سموم الصيف فاكهة الشتاء .. ومن قبل أن تلتهب النفس فتتبعثر الأشياء .. ومن قبل أن نغرق في الغربة فتتغير في دفاترنا الأسماء ...
عزيزي .. عثمان
نحن في ظل التبلدية ننتظر .. تدفق الماء المصون .. .. لنرتو من هجير الغربة .. وحر الصيف وعقم المزون .. أرسل احرفك عجلي تبعث في النفس أمل باسم .. واجعل كل ثغر يفهم الكلمات ضاحك ..
أرسل وأكمل يا جميل .. وستجدنا في قارعة المنتدي ولهى لا نمل الانتظار
ولك ودي
عثمان جلالة
11-02-2008, 10:03 PM
العزيز .. عثمان
أكمل وأخرج ما في جراب الروعة .. من قبل أن تحرق سموم الصيف فاكهة الشتاء .. ومن قبل أن تلتهب النفس فتتبعثر الأشياء .. ومن قبل أن نغرق في الغربة فتتغير في دفاترنا الأسماء ...
عزيزي .. عثمان
نحن في ظل التبلدية ننتظر .. تدفق الماء المصون .. .. لنرتو من هجير الغربة .. وحر الصيف وعقم المزون .. أرسل احرفك عجلي تبعث في النفس أمل باسم .. واجعل كل ثغر يفهم الكلمات ضاحك ..
أرسل وأكمل يا جميل .. وستجدنا في قارعة المنتدي ولهى لا نمل الانتظار
ولك ودي
شكرا لك أيها الأديب ود تابر .. وانت تعطي احلامنا ... بعدا ثلاثيا ... وروحا ... وألقا .. وتاكد يا عزيزي .. ما دام هنالك جرح ينزف غربة وشوق ... سيكون هنالك حلم .. حلم بالعودة .. وبعد العودة حلم بالاستقرار .. وبعد الاستقرار .. حلم بالبناء ... وبعد البناء حلم .. بالتقدم والإزدهار ... ويستمر الحلم .. ويبقى ينبض حياة وتدفق ...
ودتابر
11-02-2008, 10:42 PM
العزيز الرااااائع ... ... عثمان
مع الصباحات الجميلة جمال طلتك ... والمنمقة ... الموموسقة .. كموسيقى أحرفك البهية .. ... سيظل الحلم ممتدا ... وإليك هذه الهدية رائعة الطيب عبدالمحمود (( صدفة )) .. .. .. لأن الصدفة هي التي جمعتني بالرائعين في منتديات ست المدائن ...
صدفة
الطيب عبدالمحمود
لم يمتْ عشقي
ولكن قد أتوا يبكون للقلبِ
عِشاءْ
لم يمتْ شعري
ولكن !!
إن عينيكِ لشعري
روح َشعري
هالة في العمر تختصرُ السماءْ
إن عينيكِ لدفئ
حين تصطك النوافذُ
في الشتاءْ
يادوار الكونِ
والفرحَ المبددَ كل حزنْ
أنت ميلادي الذي
بين حناياك حياة وانتهاءْ
انجبتني للهوى الحالم صدفة
وأحتوتني
ثم أهدتني رحيقاً من حروف الشوقِ
ضمتني الى ضوء الشموسِ
الباقياتِ على المدى حباً وإلفه
هذه أنتِ
الحكاياتُ القديمة
والمسافاتُ التي
في عمق عينيكِ حروفاً وإشتياقْ
وحنيناً واندفاق
وطيوفاً من أماني
لم تزل بالشوقِ تمنحُني العناقْ
كلكم تهوونها
كلكم تهدونها وجداً ولهفة
وأنا أهوى رفاقاً
التقوا في العمرِ صدفةْ
ودمتم جميعاً متيمون بهوى فاطمة السمحة
عثمان جلالة
12-02-2008, 10:32 PM
نعم .. اديبنا ود تابر ... وسنموت متيمون بحب فاطنه السمحه ...
كنا شفع ... نتعلم نكتب ونقرا
وباليل .. حبوبه بكل حنان وموده
كانت تحكيلنا عن فاطمه السمحه
شاله الغول ... شاله وفزه
وفاطنه السمحه ... أم شعرا طوال ... ح ترجع تاني للحله ... وتملا الناس والشجر وضرع الأبقار ... حليب ... وحنين ... ومسره
لك الحب والود ... ود تابر ... ولكل شعراء بلادي
بورتبيل
12-02-2008, 11:40 PM
فاطمة في عيون اطفال صباح العيد
وفاطمة شيلة نمة في الوطن السعيد
وفاطمة شتلة قمحة وسط حقول مليانة ريد
وفاطمة في الحلم الجميل مسداراً جديد
احمد عمر
13-02-2008, 07:30 AM
جلالة ..
والمتساقطون كاجمل ما يكون الهطول ..
شكراً لكل ما انسكب من جزيئات الغمام ..
فاضاف الي اللغة عذوبة جديدة ..
استئذنكم .. ان ابثكم اخر احلامي ..
من قصيدة " نون "
( زيي زي كل اللقاها
واشتهاها
كنتا بحلم بي معاها
بيت وشفع وكم هدية
بيتنا يبقى سما القصايد
والحيط لي حد مداها
وشفع الطل الصباح
وأي نقطة من نداها
والهدية
إنو نون زاتا الهدية
وكل يوم زايد علاها
نكهة من بت سندسية
يوم بترسمني ببساطة
ويوم بتكتبني في قضية
ومرة تكتب عن منانا
ومرة تبكي من الأذية
وتبتسم من بين دموعا
بكرة أحلى ... وبكرة أغلى
وبكرة ... لي نون ... هسا ديا ..
..
واسمحوا لي ايضاً ..
ان اتابع معكم الحلم الجميل الذي بدا منكم ...
بحلم بي باب بيتنا ..
بتلولي فوقو الريح ..
عايز ينوم مرتاح ..
لا واسطة لا تصريح ..
بحلم بضل بيتنا
واسع فسيح ومريح ..
والحاجة مبسوطة ..
والحّلة مشدودة ..
والجبنة في التشريح ..
بحلم اكون آمن
لا ماشي واتلفت ..
لا خايف اتكلم ..
واسال عن الهلت ..
بحلم اعيش وطني
من غير ما اتشلهت ..
بحلم
بورتبيل
14-02-2008, 10:38 AM
الحلم الرائع انك لما تسافر تحلم الاشواق معاك .. والحلم الاروع انك تحسب حساب الاشتياق في التسفار والترحال والنزوح ... واروع الاحلام اطلاقاً هي الاحلام التي تاتي اليك في شكل افراح وابتهاج .. وسط الاهل ومع الحبيبة وفي رفقة الاصدقاء .. لما تحلم يبقى كل المبتغيات متاحة وان كل الاشتهاء ليس له حدود.. لم تحلم بتكون كل الدنيا وردية وكل المطر مجرتق خدود الارض .. ومعطر كل التراب .. والبخور والطبول .. والحقول .. وتاتي اليك كل الخيول .. والمساء .. والصباح .. واصوات الطيور .. لما تحلم.. بانك تطوف حول نفسك .. لتشاهد الاشياء في دواخلك .. لتنتقى منها كل الجمال .. والحضور .. وتلون النجوم بالوان اكثر بريقاً .. وتربط على طرف يدك حريرة .. وتضع فوق راسك ضريرة .. وتسمع الزغاريد .. واهازيج الحسان .. لما تحلم بالحبيبة .. لما تجيك كل الامنيات .. ولما تتسارع عليك تباريك الامهات .. ويتقافز الصحاب من حولك .. وانت اكثر نبضاً وفرحاً .. وترنو للحبيبة الابونسية العاجية ..ولم تحلم تكون كل الظروف .. والانشغالات .. غائبة تماماً .. فقط لما تحلم .. وتسافر مع الاحلام الى دنيوات اكثر الفة واكثر فرحاً .. واشتهاء..
امنياتي بمواصلة الاحلام.
عثمان جلالة
15-02-2008, 11:33 PM
فاطمة في عيون اطفال صباح العيد
وفاطمة شيلة نمة في الوطن السعيد
وفاطمة شتلة قمحة وسط حقول مليانة ريد
وفاطمة في الحلم الجميل مسداراً جديد
فطومه السمحة بتحلم .. دايما تحلم .. بى دنيا جيده
وبيوت الفقرا والاطفال تتعشى تنوم طربانه سعيده
ومنتظرين وتب ما ... ملينا ... يوم انتهنى سعيد ... بسعيده
عثمان جلالة
15-02-2008, 11:36 PM
جلالة ..
والمتساقطون كاجمل ما يكون الهطول ..
شكراً لكل ما انسكب من جزيئات الغمام ..
فاضاف الي اللغة عذوبة جديدة ..
استئذنكم .. ان ابثكم اخر احلامي ..
من قصيدة " نون "
( زيي زي كل اللقاها
واشتهاها
كنتا بحلم بي معاها
بيت وشفع وكم هدية
بيتنا يبقى سما القصايد
والحيط لي حد مداها
وشفع الطل الصباح
وأي نقطة من نداها
والهدية
إنو نون زاتا الهدية
وكل يوم زايد علاها
نكهة من بت سندسية
يوم بترسمني ببساطة
ويوم بتكتبني في قضية
ومرة تكتب عن منانا
ومرة تبكي من الأذية
وتبتسم من بين دموعا
بكرة أحلى ... وبكرة أغلى
وبكرة ... لي نون ... هسا ديا ..
..
واسمحوا لي ايضاً ..
ان اتابع معكم الحلم الجميل الذي بدا منكم ...
بحلم بي باب بيتنا ..
بتلولي فوقو الريح ..
عايز ينوم مرتاح ..
لا واسطة لا تصريح ..
بحلم بضل بيتنا
واسع فسيح ومريح ..
والحاجة مبسوطة ..
والحّلة مشدودة ..
والجبنة في التشريح ..
بحلم اكون آمن
لا ماشي واتلفت ..
لا خايف اتكلم ..
واسال عن الهلت ..
بحلم اعيش وطني
من غير ما اتشلهت ..
بحلم
من حقك تحلم .. الحبيب أحمد .. وحلمك جميل .. ومعبر ... نتمنى تواصل حلمك ... وخلينا معاك ... نحلم ... معاك .. اتبرجت غيمه .. ورجع فاضي الكلام ... مليان
عثمان جلالة
15-02-2008, 11:43 PM
الحلم الرائع انك لما تسافر تحلم الاشواق معاك .. والحلم الاروع انك تحسب حساب الاشتياق في التسفار والترحال والنزوح ... واروع الاحلام اطلاقاً هي الاحلام التي تاتي اليك في شكل افراح وابتهاج .. وسط الاهل ومع الحبيبة وفي رفقة الاصدقاء .. لما تحلم يبقى كل المبتغيات متاحة وان كل الاشتهاء ليس له حدود.. لم تحلم بتكون كل الدنيا وردية وكل المطر مجرتق خدود الارض .. ومعطر كل التراب .. والبخور والطبول .. والحقول .. وتاتي اليك كل الخيول .. والمساء .. والصباح .. واصوات الطيور .. لما تحلم.. بانك تطوف حول نفسك .. لتشاهد الاشياء في دواخلك .. لتنتقى منها كل الجمال .. والحضور .. وتلون النجوم بالوان اكثر بريقاً .. وتربط على طرف يدك حريرة .. وتضع فوق راسك ضريرة .. وتسمع الزغاريد .. واهازيج الحسان .. لما تحلم بالحبيبة .. لما تجيك كل الامنيات .. ولما تتسارع عليك تباريك الامهات .. ويتقافز الصحاب من حولك .. وانت اكثر نبضاً وفرحاً .. وترنو للحبيبة الابونسية العاجية ..ولم تحلم تكون كل الظروف .. والانشغالات .. غائبة تماماً .. فقط لما تحلم .. وتسافر مع الاحلام الى دنيوات اكثر الفة واكثر فرحاً .. واشتهاء..
امنياتي بمواصلة الاحلام.
سلامات يا زول يا رائع ... سلامات عوافي .. يا خلاصة الخير الفي الناس ... وترياق الزمن المتعافي .. أمبارح عصفورتك ركت في البال .. وأدت عصفور الريد ... شبال
وأحلامك يا بورتبيل ... لوحة سريالية ... معبره ... أحلامك أحلام ود البلد ... وديل أهلي .. وسيتواصل الحلم ... وسوف أصنع لي فتاة من دمائي ... وسوف أصنع لي ... حلما من دمائي ... ليبكي عند موتي ... دون زيف ...
ودتابر
16-02-2008, 08:13 PM
الرائعين .. المتساقطين إبداعاً
المولهين العاشقين .. لفاطنة السمحة ولبنوت فاطنة السمحة
لكم .. أحبتي .. عثمان .. بورتبيل .. أحمد عمر .. أبو النور .. وكل من سطر حرفاً يحلم فيه بالعشق النبيل .. والحب الجارف ... هواً منساباً .. وبحر من المشاعر الدفاقة .. تجاه كل من يحب ...
إليكم جميعاً .. .. رائعة الشاعر الفيلسوف .. نزار
اتحبيني بعد الذي كانا
اني احبك رغم ماكانا
ماضيك لا انوي اثارته
حسبي بانك هاهنا الآنا
تتبسمين وتمسكين يدي
فيعود شكي فيك ايمانا
عن امس لا تتكلمي ابدا
وتالقي شعرا واجفانا
اخطاؤك الصغرى امر بها
واحول الاشواك ريحانا
لولا المحبة في جوانحه
ما اصبح الانسان انسانا
عام مضى وبقيت غالية
لا هنت انت ولا الهوى هانا
اني احبك كيف يمكنني؟؟
ان اشعل التاريخ نيرانا
وبه معابدنا ....جرائدنا
اقداح قهوتنا ...زوايانا
طفلين كنا في تصرفنا
وغرورنا وضلال دعوانا
كلماتنا الرعناء مضحكة
ماكان اغباها ,,, واغبانا
فلكم نهبت وانت غاضبة
ولكم قسوت عليك احيانا
ولربما انقطعت رسائلنا
ولربما انقطعت هدايانا
مهما غلونا في عداوتنا
فالحب اكبر من خطايانا
عيناك نيسانان..كيف انا
اغتال في عينيك نيسانا
قدر علينا ان نكون معا
ياحلوتي رغم الذي كانا
ان الحديقة لاخيار لها
ان اطلعت ورقا وريحانا
هذا الهوى ضوء بداخلنا
ورفيقنا ..ورفيق نجوانا
طفل نداريه ونعبده
مهما بكى معنا وابكانا
احزاننا منه ونساله
لو زادنا دمعا واحزانا
هاتي يديك فانت زنبقتي
وحبيبتي رغم الذي كانا
عثمان جلالة
17-02-2008, 03:52 AM
شكرا لك استاذنا ود تابر .. وشكرا لنزار الشاعر .. الأديب .. عاشق المرأة ... (فاطنه السمحة) كما تحب .. الوطن .. والمحبوبة .. نزار الذي قال ... الحب ليس رواية شرقية بختامها يتزوج الأبطال ... لكنه الابحار دون سفينة وشعورنا أن الوصول محال ...
هو أن تظل على الأصابع رعشة ... وعلى الشفاه المطبقات سؤال ..
وكم نحلم ونتمنى .. أن تجد كل أسئلتنا إجابة مرضية .. وترسو سفننا في وطن .. حدادي مدادي ... ما بنبيه فرادي .. ولا بالضجه في الرادي .. ولا الخطب الحماسية
النور محمد يوسف
17-02-2008, 04:05 AM
يا حبيبي حِنْ لحالي
ماهو دمي الجاري دمك
والحنان الليكا مني
ياهو من حِنَّكْ وحِلْمَك
إنتَ بس طفيها ناري
وقل لي ايه اسبابو صدك
كلمة منك واحدة تكفي
تسعد الشاقيهو بُعدك
وأنا حلمان أقول في هذا الكلام ....أتريدني أن أتمه.....خليني أحلم تاني
عثمان جلالة
17-02-2008, 04:17 AM
يا حبيبي حِنْ لحالي
ماهو دمي الجاري دمك
والحنان الليكا مني
ياهو من حِنَّكْ وحِلْمَك
إنتَ بس طفيها ناري
وقل لي ايه اسبابو صدك
كلمة منك واحدة تكفي
تسعد الشاقيهو بُعدك
وأنا حلمان أقول في هذا الكلام ....أتريدني أن أتمه.....خليني أحلم تاني
حلمك جميل ... بعدين انت وينك ... مختفي .. بالله تورينا الحاصل ... وتكمل لينا الحلم الجميل ده ... ما تنسى ... منتظرنك
ودتابر
17-02-2008, 09:50 PM
شكرا لك استاذنا ود تابر .. وشكرا لنزار الشاعر .. الأديب .. عاشق المرأة ... (فاطنه السمحة) كما تحب .. الوطن .. والمحبوبة .. نزار الذي قال ... الحب ليس رواية شرقية بختامها يتزوج الأبطال ... لكنه الابحار دون سفينة وشعورنا أن الوصول محال ...
هو أن تظل على الأصابع رعشة ... وعلى الشفاه المطبقات سؤال ..
وكم نحلم ونتمنى .. أن تجد كل أسئلتنا إجابة مرضية .. وترسو سفننا في وطن .. حدادي مدادي ... ما بنبيه فرادي .. ولا بالضجه في الرادي .. ولا الخطب الحماسية
المبدع .. عثمان ...
دع الأحلام تترى يا عزيزي .. وأكتب لنا .. نحن تحت ظلال النيم في شوارع مدننا المغبرة .. ووسط حشود الغبش ننتظرك .
أني لا أؤمن في حب
لا يحمل نزق الثوار
لا يكسر كل الأسوار
لا يضرب مثل الإعصار
أهـ لو حبك يبلعني
يقلعني .. مثل الإعصار
أني خيرتك فاختاري
مابين الموت على صدري
أو فوق دفاتر أشعاري
لا توجد منطقة وسطى
ما بين الجنة والنار
محمد خبره
17-02-2008, 09:52 PM
الرائع ابو عفان....
(( نعمه تحلم بي عوالم
ذي رؤي الاطفال حوالم
نعمه تحلم بي وجود
مامشت بينو القيود
لا درادر.... لا عساكر.... لا مظاليم.... لا مظالم))
جينا نحلم بي وطن.... حتى لو كان من شجن
حتى لو كان ... من حنين
وطن يسع احلامنا... ولا يمنعنا النوم.....
شكراً على مساحة الاحلام.... التى تمددنا داخلها معك.... والاخرين.....
هامش- عليكم الله ماتصحوني.......؟؟
ولك كل ودي....
عثمان جلالة
17-02-2008, 10:24 PM
المبدع .. عثمان ...
دع الأحلام تترى يا عزيزي .. وأكتب لنا .. نحن تحت ظلال النيم في شوارع مدننا المغبرة .. ووسط حشود الغبش ننتظرك .
أني لا أؤمن في حب
لا يحمل نزق الثوار
لا يكسر كل الأسوار
لا يضرب مثل الإعصار
أهـ لو حبك يبلعني
يقلعني .. مثل الإعصار
أني خيرتك فاختاري
مابين الموت على صدري
أو فوق دفاتر أشعاري
لا توجد منطقة وسطى
ما بين الجنة والنار
أيها المتوهج ود تابر .. لك مساحات من الود ... وللشعر ... والأدب ... والحب .. وخصوصا حب الوطن
الشعر أكتب ... كيف تكتب ؟؟؟ عما تكتب تسألين ؟؟؟
الشعر أكتب يا سراج النفس ممزوجا بحس الآخرين
من عمق أعماق يؤرق ليلها الهاني ... لهاث الجائعين
من غضبة الشعب المكبل بالقيود .. إذا تحدى الغاصبين
هشام سلس
18-02-2008, 12:25 AM
الرائع جلالة استميحك عزراً أن ابث
من جوف المعاناة المنحوتة في عمر السنين ولهيب الغربة المغروس سكيناً في أضلع الترقب أناجيك عبر هذه الغمامات الضبابية التي تطغي على صفاء الذاكرة فيهرب مني العنوان... ويهزمني الانتظار وأحلم أني احملك بين جوانحي أملاً يتناسل في الدروب... اجلب من بشاشتك حقيقة تداوي تصدع الأحلام ...ارسم من ملامحك مدينة وأبحث عن واقع لم يغشاه التخبط وتسكن اعماقي لحظات أحس فيها أن غيابي لن يطول... أحسست بأننا سنعود لأيام اللقاء من جديد وإن افترقنا سيكون وعد التلاقي فينحدر بداخلي الانسان ويهد جدار الغربة الذي بات سداً يمنع اللقيا من معانقة الاشواق الغابعة دهراً ترجو الخروج من قوقعة الاحداق لتحكي قصة الود المفتولة عمقاً والمزروعة بعداً ملأ كل الافاق..
همسة صغيرونة... سأظل أدمن السفر اليك عبر زوارق الكتابة وأحس بالدفء عندما تحتويني سواحلك المضيافة وعوالمك الخضراء ... وحينها ستسقط جميع المسميات ويبقي الشوق وحده عنوناً للنواصل
مدينتي ودمدني...
لك كل حبي
وبين وبينك
رحيق الوردة
وطعم الحلوة والمرة
ومساء النور
وعمق الألفة
صدق العشرة
بين الارض والانسان
بيني وبينك
الفكرة.. وجمال الذكري
وعدم النسيان وحسن الظن..
سوباوي
18-02-2008, 02:41 AM
الجميل .. عثمان جلالة
نسمو بهذا النشوار هنا .. وتسمو بنا أحلامنا فوق كل الممكنات .. وسيظل الزهر يتبسمل
من فكرة إنشطاره .. وسنظل ننصب شراكنا للأمنيات في أحلامنا فلا تعز علينا بتصيدها ..
وتظل الأحلام فينا ترفرف بأجمل طبع للأنثى كونها الصيد الوحيد الذي يمكن شراك صائده
منه .. فنطلق فرحتنا بحجم الأرض .. ويكون سؤال العاشق نبض .. نلوح لفجر الغد ليأتي ب
بعض ملامح ما نأمل فيه من تالاهو .. ونكون مابين السبابة والإبهام رحيناهو دقيق زمناً
نترجاهو يفيق ليمنحنا العبير وبعض أحلام تداعب شجيرة الروح .. وتروح بحة صوتنا مع
المرحوح من زمن خليناهو ورانا .. وختينالو القدرو .. ما برضو زي ما الأحلام بتكون
للمستقبل من تالا الماضي بنتمنى تجيلنا حكاوي ونكحل عيننا بشوفة ناس بنتمناهم ونتمنى
نكونهم في لحظة خاطر نكون جواهم .. وحراق روح الحلم الجمال .. الجمال على الإطلاق
حين ننثره كبهار لذة على كل تفاصيل دنيانا بتمامها ..
بحلم بيك مدن وأرياف ..
وتمتد الإلفة حقول جواك نضار
بحلم بيك فرح وزفاف ..
بحلم بيك صباح ووقار
بتنسك فيك طوف
شغاف القلب عليك
وبحر عينيك فيه بترثى مراكب
ونشوة تجاذب في خطواتي إليك
وده يا جلالة يا صاحبي درب ملتاعة خطوتو وبيفرهد في جوانا زمن فعايلو كتر .. آآ حلم من
وجع الكتابة جهر حروفك وسر يطوفك وشوف كيف مدينا أيد تسالم على المطر والقدم
حافية ..
سأحلم يا صديقي بعالم سعيد رغم أنف "أمل دنقل"
"يجوز أن أعاود"
عثمان جلالة
18-02-2008, 10:12 PM
الرائع جلالة استميحك عزراً أن ابث
من جوف المعاناة المنحوتة في عمر السنين ولهيب الغربة المغروس سكيناً في أضلع الترقب أناجيك عبر هذه الغمامات الضبابية التي تطغي على صفاء الذاكرة فيهرب مني العنوان... ويهزمني الانتظار وأحلم أني احملك بين جوانحي أملاً يتناسل في الدروب... اجلب من بشاشتك حقيقة تداوي تصدع الأحلام ...ارسم من ملامحك مدينة وأبحث عن واقع لم يغشاه التخبط وتسكن اعماقي لحظات أحس فيها أن غيابي لن يطول... أحسست بأننا سنعود لأيام اللقاء من جديد وإن افترقنا سيكون وعد التلاقي فينحدر بداخلي الانسان ويهد جدار الغربة الذي بات سداً يمنع اللقيا من معانقة الاشواق الغابعة دهراً ترجو الخروج من قوقعة الاحداق لتحكي قصة الود المفتولة عمقاً والمزروعة بعداً ملأ كل الافاق..
همسة صغيرونة... سأظل أدمن السفر اليك عبر زوارق الكتابة وأحس بالدفء عندما تحتويني سواحلك المضيافة وعوالمك الخضراء ... وحينها ستسقط جميع المسميات ويبقي الشوق وحده عنوناً للنواصل
مدينتي ودمدني...
لك كل حبي
وبين وبينك
رحيق الوردة
وطعم الحلوة والمرة
ومساء النور
وعمق الألفة
صدق العشرة
بين الارض والانسان
بيني وبينك
الفكرة.. وجمال الذكري
وعدم النسيان وحسن الظن..
يا سلااااااااااااام يا هشام ... كلام فوق الوصف .. وفوق التعليق ... وحلم ... بأحساس فوق العادة ... ولا تعليق ... لكن الله يديك العافية
عثمان جلالة
18-02-2008, 10:17 PM
الجميل .. عثمان جلالة
نسمو بهذا النشوار هنا .. وتسمو بنا أحلامنا فوق كل الممكنات .. وسيظل الزهر يتبسمل
من فكرة إنشطاره .. وسنظل ننصب شراكنا للأمنيات في أحلامنا فلا تعز علينا بتصيدها ..
وتظل الأحلام فينا ترفرف بأجمل طبع للأنثى كونها الصيد الوحيد الذي يمكن شراك صائده
منه .. فنطلق فرحتنا بحجم الأرض .. ويكون سؤال العاشق نبض .. نلوح لفجر الغد ليأتي ب
بعض ملامح ما نأمل فيه من تالاهو .. ونكون مابين السبابة والإبهام رحيناهو دقيق زمناً
نترجاهو يفيق ليمنحنا العبير وبعض أحلام تداعب شجيرة الروح .. وتروح بحة صوتنا مع
المرحوح من زمن خليناهو ورانا .. وختينالو القدرو .. ما برضو زي ما الأحلام بتكون
للمستقبل من تالا الماضي بنتمنى تجيلنا حكاوي ونكحل عيننا بشوفة ناس بنتمناهم ونتمنى
نكونهم في لحظة خاطر نكون جواهم .. وحراق روح الحلم الجمال .. الجمال على الإطلاق
حين ننثره كبهار لذة على كل تفاصيل دنيانا بتمامها ..
بحلم بيك مدن وأرياف ..
وتمتد الإلفة حقول جواك نضار
بحلم بيك فرح وزفاف ..
بحلم بيك صباح ووقار
بتنسك فيك طوف
شغاف القلب عليك
وبحر عينيك فيه بترثى مراكب
ونشوة تجاذب في خطواتي إليك
وده يا جلالة يا صاحبي درب ملتاعة خطوتو وبيفرهد في جوانا زمن فعايلو كتر .. آآ حلم من
وجع الكتابة جهر حروفك وسر يطوفك وشوف كيف مدينا أيد تسالم على المطر والقدم
حافية ..
سأحلم يا صديقي بعالم سعيد رغم أنف "أمل دنقل"
"يجوز أن أعاود"
أها حبيب القلب سوباوي... أسي أنا أقول ليك شنو ؟؟؟ .. بشرنا زمان أمل دنقل ... وقال لا تحلموا ... بعالم سعيد .. فخلف كل قيصر يموت ... قيصر جديد ... لكن نحن نقول .... يا كبرياء الجرح لو متنا لحاربت المقابر ... ويا سوباوي يا كبرياء الكلمة .. والاحساس ... والوصف ... كلامك فوق الوصف ... عاطر تحياتي ... وكل فاكهة الشتاء بطعم جديد ... كما لوحتك الانيقة ... دم بخير
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir