مشاهدة النسخة كاملة : إضراب ستات المريسة والعرقي ( قصة حقيقة )
المسافر
28-01-2008, 10:48 PM
ذات صباح جميل والشمس ترسل أشعتها الذهبية بين الحقول والمراعي( من قصة فلم هندي ) ، خلاص أحسن ندخل توش في الموضوع ، طلعت الصباح من البيت لقيت زحمة بتاعت حروم في قسم الشرطة وحدات يبكن ووحدات يزغدن ووحدات ماشات ووحدات جايات ، وكالعادة الناس بدت تتداول الشمارات والإشاعات ( ديل قبضوهن في . . . وفي . . . إلخ ) ، ولحسن حظ الفضول حقي لقيت أحد عساكر القسم وهو ود الجيران لقيتو ماشي البيت (أظن كان فاكينهم لفسحة الفطور ) وسألته عن الحاصل ، ودار بينا الحديث دي :-
قلت ليهو : إنت القسم ده طول السنة ما شغال ، وهسي لما يشتغل يعمل الإزعاج ده .
قال لي : ديل ستات المريسة والعرقي ، ونحن أمبارح عملنا لينا كشة قوية لميناهم ليك .
قلت ليهو : كويس ما ياهو ده القسم شغال كويس ومتصرفين
قال لي : اليوم عملنا ليهم الإجراءات وهسي فكيناهم ؟
قلت ليهو : كويس قبضتهم لشنو وقت جايين تفكوهم الليلة ؟
قال لي : عملنا ليهم ضمانات وتحفظنا على العدة !
قلت ليهو : كويس ! لكن الجوطة تاني في شنو ؟
قال لي : الحريم ديل تاني بجو يشتري العدة من القسم ، والعدة المرة ده إتلخبطت بين الحريم عشان كده عاملات جوطة وإزعاج !
قلت ليهو : كويس إنتو ليه تعبانين كده ، بدل تعملوا كشة وتجيبوا الحريم وعدة الشغل وتاني تبيعوها ليهم ، أحسن من الأول تمشوا على طول وتشيلوا منهم قروش العدة دي .
قال لي : الجماعة بتاعننا زعلوا من الحريم شديد وقرروا ما يديهم عدة الشغل اليوم ، يعني ستات المريسة والعرقي اليوم بكونوا مضربين من الشغل.
آها اليوم داك قابلت أحد الأخوان ( من اللذين يتلولحون ليلاً ) وقالت ليهو الحصل ده . . قال لي ( الله ياخدك ده خبر تجيبوا لينا واليوم الخميس )!
يعني ممكن نستفيد من القصة دي شنو يا عروة ؟
ود المطامير
28-01-2008, 11:17 PM
يعني ممكن نستفيد من القصة دي شنو يا عروة ؟
هههههههههههههههههههههههههههه
ههههههههههههههههههههههههه
هههههههههههههههههههه
هع هع هع هع هع
كتلتنى بالضحك
نستفيد لما تمشى تشترى طوالى تشترى كوتة حقت الإسبوع
وتعمل إحتياطى مركزى فى التلاجه من الكشات دى .
شنو ليك عليك الله ؟
مدناوية
28-01-2008, 11:18 PM
موضوع سيئ ،،،
السياسة ما حقتنا ،،،
المسافر (موقوف لمدة إسبوع مع التعذيب بلسعات الكهرباء على لسانو)
ابوموده
29-01-2008, 09:28 AM
هههههههههههههههههههههههههههه
ههههههههههههههههههههههههه
هههههههههههههههههههه
هع هع هع هع هع
كتلتنى بالضحك
نستفيد لما تمشى تشترى طوالى تشترى كوتة حقت الإسبوع
وتعمل إحتياطى مركزى فى التلاجه من الكشات دى .
شنو ليك عليك الله ؟
انت قديم كده مالك الناس اتطورتالعملية بقت توصيل طلبات وبعض منهم مدد انابيب لحدى البيت يعنى بالتلفون فى خلال خمسة دقايق تعبى التنك والتلاجة
امير الليل
30-01-2008, 01:04 PM
كان كده الشعب كلو بيسكر يا جماعه
ود المطامير
30-01-2008, 01:20 PM
انت قديم كده مالك الناس اتطورتالعملية بقت توصيل طلبات وبعض منهم مدد انابيب لحدى البيت يعنى بالتلفون فى خلال خمسة دقايق تعبى التنك والتلاجة
عليك الله ؟
بس أنا معزور
لى 12 سنه من البلد
أكان كدا .. بضرب لأخوى يوصل ( دايركت )
ود المطامير
30-01-2008, 01:28 PM
كان كده الشعب كلو بيسكر يا جماعه
ياتو شعب دا ؟
النكته المعروفه هنى يا الحبيب
مواطن من أهل البلد قال لسودانى
ماشاء الله عليكم نمشى المساجد نلقى الصفوف الأولى كلهم سودانيين
نمشى البارات نلاقاهم كلهم سودانيين
حيرتونا والله
خليجى قال لعمر وعمر بيصلى أخت ليك كم قطعه ثلج ؟ عمر أشار له بأصابعه تلاته
أمير الليل .. إنت أمير الليل وليل معظم جماعتى يادوبو نهاااار
اسامه حسن مصطفى
30-01-2008, 03:27 PM
ياجماعه مالكم ..؟؟؟ كدى اهدو شويه الليله الأربعاء الخميس لسه ماجاء
هسع خلونا فى المهم اخونا المسافر سأل سؤال مهم جدا ( نستفيد من القصه دى شنو ؟؟؟؟
على العموم بعد تفحيص دقيق لقيت انو الواحد مفروض ما يهمل العده بتاعتو ويقعد يجرى بى وراها ولأ شــــنو ؟
وسترك وعفوك يارب
hadi salih
30-01-2008, 08:42 PM
ودالمطامير الله اديك العافية حلوة جدا نكتة عمر دى
ود المطامير
31-01-2008, 02:16 AM
ودالمطامير الله اديك العافية حلوة جدا نكتة عمر دى
تسلم ياحبيبى
ولو عاوز تانى قووووول عوووووووووووك
هع هع هع هع
صابرحسين
01-02-2008, 10:34 PM
أنت عارف يالمسافر أنا مره شاهدت عسكري في أحد الأقسام برفع في البراميل من داخل القسم وست الطربمه واقفه في الشارع وكل ما يرفع برميل تصرخ بغضب وتقول لا دا ما هو لا دا ما هو وبعد كم محاولة فاشلة أظهرت غضب وحركات توحي بأنها خلاص لا تريد منه شي وإذا بصاحبنا يدردق جميع البراميل إلى جانب السور طبعاً سلك شائك وتأشر ست الطرمبه على البرميل المعني ، شايف كيف الوفاء والتعب من صاحبنا ؟!
وبعدين لو حبينا نسفيد من هذه القصة من ناحية عدم الإزعاج والجمهرة في الأقسام يجب إلزام أصحاب الطرمبات بوضع علامة جودة توضح صاحبت البرميل منعاً للإحتكاكات والمشاحنات التي لا يحمد عقباها !
ولكن عندي سؤال هل مصادرة العدة بتاعت الشغل حرام ولا إسترجاعها يعبر عن إعتذار من الشرطة وتعويض لستات الفرح المعبأ ؟
أنت عارف يا المسافر أحياناً ست الطرمبه بتكون عارفه يوم الكشة قبل أسبوع وبترتب حالها !
ربنا يحمينا ويحمي شبابنا من كل مكروه 0
moh_alnour
02-02-2008, 05:17 PM
عشان كدا النفاج الليلة كلو
لط إلا خط
تخريمة : ود المطامير قايتو أنت كان رجع الزمن الفلاني بتفتح ليك بار في الشرفة
ود المطامير
02-02-2008, 08:34 PM
عشان كدا النفاج الليلة كلو
لط إلا خط
تخريمة : ود المطامير قايتو أنت كان رجع الزمن الفلاني بتفتح ليك بار في الشرفة
هوووووووى أسكت يا حبيب قلبى
ما يجى زول ويسرق الفكره دى :D
انوريكا
20-08-2009, 08:23 AM
موضوع سيئ ،،،
السياسة ما حقتنا ،،،
المسافر (موقوف لمدة إسبوع مع التعذيب بلسعات الكهرباء على لسانو)
ههههههههههههههههههههه
ههههههههههههههههههههه
ههههههههههههههههههههه
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir