جهاز تعذيب السودانيين الطفشانين بالخارج

[المسافر]

جهاز شؤون السودانيين العاملين بالخارج

أول حاجة أتمنى ما يجي واحد يقول لي إنك قسيت عليهم ولا ظلمتهم لأني بتكلم من واقع تجربة . . إن الفائدة الوحيدة التي تحسب لهذا الجهاز هو أنو عمل فروع للجبايات ومنها في مدني . . يعني بدل ما تكون دفع وسلخ وبشتنة وشلهتة للخرطوم زي زمان بقينا ندفع وننسلخ في مدني وقريب من أهلك وهي الفائدة الوحيدة .

إن هذا الجهاز ترك جميع أهدافه التي أنشأت في أجلها وأهمها ( رعاية العاملين بالخارج والإهتمام بشؤونهم داخل وخارج السودان . . . ) وأصبح هدفه إستغلال ظروف المغترب وأصبح مع شركة المهاجر مكان للإستثمارات والتفكير في كيفية الربح ، أما خدمة المغترب هي آخر شيء يرد على خاطرهم .

وأنا هنا أتكلم من واقع تجربة حيث لجأت إليهم في قضية وهم أكثر الناس الذين اقتنعوا بها ولكن للأسف كل الذي فعلوه هو قال لي أحدهم ( أذهب إلى جريدة الوطن وقول ليهم أنا جاي من فلان . . ) هذا الشيء الوحيد الذي قدروا عليه .

أصبحت جميع الجهات ( وخصوصاً الحكومية ) تنظر إلى المغترب بأن الجهة التي سوف تستغل لحل عجزها وكذلك تعبث باللوائح والقوانين لتقيده وتسلب إرادته وذلك بمساعدة هذا الجهاز وبدعم كامل لها ، إذا كان هذا الجهاز على دراية أصلاً بهذه اللوائح والقوانين .
ويأتي هذا السؤال : لماذا جهاز شؤون السودانيين العاملين بالخارج إذن ؟

[الزبير محمد عبدالفضيل]

أوافقك الراي وفعلا الجهاز بقي بعد ما تم ألغاء الضرائب نسي أنو هنالك سودانيين بالخارج


والخدمات غير مرضيه في جميع المنافذ الجويه والبحريه يعني اذا وصلت السودان

وانت في بلدك تعاني من الكثير وخاصه في أجراءات السفر المهم كل مؤتمرات الجهاز

الغائب عنها المغترب متي الجهاز يهتم بالانسان السوداني خارج السودان وليس المواطن القاعد جوووووووووووووووووووووووو البلد


مشكور يالمسافر علي الطرح وهااااااااات من المزيد

[معروف الجزولي]

بالجد يا المسافر لمست عين الحقيقه بس نسيت حاجه سفاراتنا بالخارج نست الدور الحقيقي للدبلماسيه والاغراض التي من اجلها انشات السفارات واصبحت سفاراتنا مكاتب جبايه؛؛ وبالاخص سفاراتنا في دول الخليج-- يعني السلخ يا اخوي جوه وبره معليش الواحد لو كان زي استاذنا النور محمد يوسف وبرتبيل ونزار وكده ممكن اتحمل الصلخ لكن نحن لسي جلدنا رهيف ولا رايك شنو يا استاذي النور-------

[ريانية]

مرحبا اخوي المسافر الساع
الله يعينا احنا اللي جاين.. انت طوالي معاكسنك ناس السودان والله دي حكاية لكن ..
تشكراتي ليك.

[سواااح]

مرحبا اخوي المسافر الساع
الله يعينا احنا اللي جاين.. انت طوالي معاكسنك ناس السودان والله دي حكاية لكن ..
تشكراتي ليك.

:D :D :D :D :D

[nehroo]

أخي المسافر
الجهاز تم تأسيسه لهدف واحد هو جمع إيرادات ( ضرائب ) العاملين بالخارج
هذا الهدف منه أصلاً وشركة المهاجر هي شركة تتبع للجهاز وقامت من أموالكم
أما خدمة السسودانيين بالمهاجر تقوم بها السفارات ( القنصليات) وكل دول العالم تخدم مواطنيها في الخارج عن طريق القنصليات..
إذا كانت هناك سفارات بالخارج فالجهاز قام لهدف ثاني؟؟؟؟؟؟؟

[ود المطامير]

يا جماعه والله أنا محتار جد
أسمع ناس يقولوا السودان بقى رهيب
وأطلب إجازه طوالى
أجى هنى أسمع كلام أخوى المشاتر دا طوالى ألغى الإجازه
نتير يعنى ؟

[سمسم]

لم نرى شى ملموس من هذا الجهاذ وما اظن حنشوف فيه جديد غير المعناه, مشكور اخوى على الموضوع

[المسافر]

أوافقك الراي وفعلا الجهاز بقي بعد ما تم ألغاء الضرائب نسي أنو هنالك سودانيين بالخارج


والخدمات غير مرضيه في جميع المنافذ الجويه والبحريه يعني اذا وصلت السودان

وانت في بلدك تعاني من الكثير وخاصه في أجراءات السفر المهم كل مؤتمرات الجهاز

الغائب عنها المغترب متي الجهاز يهتم بالانسان السوداني خارج السودان وليس المواطن القاعد جوووووووووووووووووووووووو البلد

مشكور يالمسافر علي الطرح وهااااااااات من المزيد



لك التحية أخي الزبير

تحول بقدر قادر جهاز المغتربين من جهاز خدمي إلى
جهاز إستثماري وخدمة المغترب دي حاجة أصبحت
من الماضي . . .
والظاهر نحنا زاتو بقينا ( من الأمس ) عندهم .

ودمت أبداً

[المسافر]

بالجد يا المسافر لمست عين الحقيقه بس نسيت حاجه سفاراتنا بالخارج نست الدور الحقيقي للدبلماسيه والاغراض التي من اجلها انشات السفارات واصبحت سفاراتنا مكاتب جبايه؛؛ وبالاخص سفاراتنا في دول الخليج-- يعني السلخ يا اخوي جوه وبره معليش الواحد لو كان زي استاذنا النور محمد يوسف وبرتبيل ونزار وكده ممكن اتحمل الصلخ لكن نحن لسي جلدنا رهيف ولا رايك شنو يا استاذي النور-------


تحياتي أخي معروف

يا أخوي أي زول بنسلخ وبدون أي خدمة معناه
جلدو رهيف شديد . . .
وبصراحة نحن ما عايزين منهم أي خدمة تاني
بس الحكومة لما تصدر قوانين ولوائح تكبل
بها قيود المغتربين وتزيد أعباءهم يقفوا
معانا ولو بكلمة لا ، مش ما يكون عارفين
أصلاً

ودمت أبداً

[المسافر]

مرحبا اخوي المسافر الساع
الله يعينا احنا اللي جاين.. انت طوالي معاكسنك ناس السودان والله دي حكاية لكن ..
تشكراتي ليك.




والله يا أختي ريانية
أنا أول مرة يحصل لي في إجازة من إجازاتي
كده . . . ولكن الحمد لله عرفت بأنو كلمة
( إنقاذ ) ده معناها ( الوهم الكبير ) .

ولكِ كل الود

[المسافر]

:D :D :D :D :D


أخوي ضياء
يعني شمتان فييني :D:D:D:D
يا ريتو حالك يوم أشوفك مشلهت زي
شلهتي دياك . . وأنا عارفك ما بتتحمل
وحتغيير جوازك طوالي.

ودمت

[المسافر]

أخي المسافر
الجهاز تم تأسيسه لهدف واحد هو جمع إيرادات ( ضرائب ) العاملين بالخارج
هذا الهدف منه أصلاً وشركة المهاجر هي شركة تتبع للجهاز وقامت من أموالكم
أما خدمة السسودانيين بالمهاجر تقوم بها السفارات ( القنصليات) وكل دول العالم تخدم مواطنيها في الخارج عن طريق القنصليات..
إذا كانت هناك سفارات بالخارج فالجهاز قام لهدف ثاني؟؟؟؟؟؟؟



تحياتي عزيزي nehroo

إنت أتيت بخلاصة الموضوع وأثبت الدور الحقيقي
لهذا الجهاز . . لكن بقى بأنه بحجة أنه يخدم المغتربين
يستنزف ويستغل بل أكثر من ذلك يقف عقبة أمام مصالحهم.

ولك الود

[المسافر]

يا جماعه والله أنا محتار جد
أسمع ناس يقولوا السودان بقى رهيب
وأطلب إجازه طوالى
أجى هنى أسمع كلام أخوى المشاتر دا طوالى ألغى الإجازه
نتير يعنى ؟



حبيب قساي
يا سيدي ما يغرقك التلفزيون
وكلام الناس . . . ده وهم كبير
أسمو السودان . . .
كل ما يقال إنو الناس أصبحوا
أشد فقراً وجماعتك أكثر غنا
لكن كلام التنمية والحاجات
دي لا أساس له من الصحة
إلا في مخيلاتهم فقط .

[المسافر]

لم نرى شى ملموس من هذا الجهاذ وما اظن حنشوف فيه جديد غير المعناه, مشكور اخوى على الموضوع




لك الود عزيز سمسم

الجهاز أصبح هدفه جمع المال فقط . .
يعني ما تنظر حاجة غير أن يأخذوه
منك ، وكمان يأخذوه بمساخة وقلة أدب .

ودمت أبداً

[العاقب مصباح]

جهاز تعذيب السودانيين المشلهتين بالخارج انا اول مرة ارجع السودان بعد اربعة شهور من الاغتراب طلعولى جنس ورق ومطالبات اخوك لمن قرب يخلى الاغتراب لكن ربنا حلاها اها الواحد لو راجع يلم حصاد الغربة كلو ويدفعو للجهازويعيش على الزكرى واحساس انو رجع مقرش لكن اولاد الحرام ما خلوش لاولاد الحلال حاجة

[المسافر]

هووووووووووووووووووي يا المغتربين
ناس الحكومة رجعوا الضرائب من جديد


وأنا بهديهم نشيد العلم ده :
من جديد جيت تانى تكسر صمتى .. بالنظرة الخجولة
يا أمل عمرى القبيل .. ويا سنين عامرات .. فصولا
ما قدرت أنساك من زمان بس ضاعت أحلام الطفولة
********
الحنين الجيتنى بيهو جانى فى لحظات ندم
ما زمان ضيع صبانا وكل لحظات العشم
من جديد جيت تانى ليه .. تبنى فينى الإنهدم
وما قدرت أنساك من زمان بس ضاعت أحلام الطفولة
********
ما بفيد لو ألملم من عيونك .. ذكريات
أو أصحى الماضى فيهن وأنسى حزن الأمسيات
برضو زمن البهجة عدّى وعمرى فات فيهو الفوات

[moh_alnour]

هووووووووووووووووووي يا المغتربين ناس الحكومة رجعوا الضرائب من جديد

ماااااااااا بشرتنا و الله

[الجندي المجهول]

جهاز شؤون السودانيين العاملين بالخارج

أول حاجة أتمنى ما يجي واحد يقول لي إنك قسيت عليهم ولا ظلمتهم لأني بتكلم من واقع تجربة . . إن الفائدة الوحيدة التي تحسب لهذا الجهاز هو أنو عمل فروع للجبايات ومنها في مدني . . يعني بدل ما تكون دفع وسلخ وبشتنة وشلهتة للخرطوم زي زمان بقينا ندفع وننسلخ في مدني وقريب من أهلك وهي الفائدة الوحيدة .

إن هذا الجهاز ترك جميع أهدافه التي أنشأت في أجلها وأهمها ( رعاية العاملين بالخارج والإهتمام بشؤونهم داخل وخارج السودان . . . ) وأصبح هدفه إستغلال ظروف المغترب وأصبح مع شركة المهاجر مكان للإستثمارات والتفكير في كيفية الربح ، أما خدمة المغترب هي آخر شيء يرد على خاطرهم .

وأنا هنا أتكلم من واقع تجربة حيث لجأت إليهم في قضية وهم أكثر الناس الذين اقتنعوا بها ولكن للأسف كل الذي فعلوه هو قال لي أحدهم ( أذهب إلى جريدة الوطن وقول ليهم أنا جاي من فلان . . ) هذا الشيء الوحيد الذي قدروا عليه .

أصبحت جميع الجهات ( وخصوصاً الحكومية ) تنظر إلى المغترب بأن الجهة التي سوف تستغل لحل عجزها وكذلك تعبث باللوائح والقوانين لتقيده وتسلب إرادته وذلك بمساعدة هذا الجهاز وبدعم كامل لها ، إذا كان هذا الجهاز على دراية أصلاً بهذه اللوائح والقوانين .
ويأتي هذا السؤال : لماذا جهاز شؤون السودانيين العاملين بالخارج إذن ؟

حبيبنا الغالي كل الذي اعرفه وباختصار شديد كل الحكومات في العالم تعمل على راحة شعوبها ومواطنيها ونحن في السودان المواطنين يعملون على ان ترتاح الحكومة ( وتملا كرشها) عمال على بطال .. زمان شن قلنا


تخريمة : الفي الصورة دا ولدك (الله يحفظه ليك) برضو مسافر ؟

[المسافر]

حبيبنا الغالي كل الذي اعرفه وباختصار شديد كل الحكومات في العالم تعمل على راحة شعوبها ومواطنيها ونحن في السودان المواطنين يعملون على ان ترتاح الحكومة ( وتملا كرشها) عمال على بطال .. زمان شن قلنا


تخريمة : الفي الصورة دا ولدك (الله يحفظه ليك) برضو مسافر ؟



آآآآآآآآآآآآآآآآآآآآآآآآآآآي
ما سمعت بعبارة ( شعب من دهب
لحكومة من . . . . ) الباقي تمو خيال !!!

تخريمة :
والله بتمنى أغمض عيني وأفتحها ألقى
نفسي متزوج وأب لستة أبناء ، ولكن ....
لا ده ولد أختي ومسمى على إسمي

[mutasim]

هذا الجهاز من احدى خوازيق النميرى وهو فكرة بدرالدين سليمان اقصد فكرة الضرايب ده لما كان بدر الدين وزير للماليه وطبعا هو الذى دمر الاقتصاد السودانى هو اللى خفض الجنيه 30% اول تخفيض وهو اللى سمح للاجانب باخذ اموالهم والهروب من السودان وهو اللى قبل روشتة البنك الدولى وهو اللى فرض علينا الضرايب رغم ان القوانيين السودانيه لاتفرض ضرايب على اى شخص يمارس عمل خارج البلاد القوانيين واضحه لكن نحن بطبيعتنا ما بنتحرك ابدا بعد الانتفاضه كنا منتظرين الغاها ولكن الصادق المهدى غير اسمها الى مساهمه تجبى بواسطة ناس الضرائب العجيبين كانهم مابشر ولاسودانيين والبشير قال لغاءها ها ها ها والله مستمرة شى خدمات وشى رسوم من غير وصل والذكاة مرة يقولوا اتلغت ومرات يظهر ليك موظف ويطالبك بيها , المفروض رفع دعوى على حكومة السودان والمطالبة باسترداد جميع المبالغ التى دفعت بغير وحه حق ,كما مفروض على الشعب السودانى ان يتزكر بدر الين سليمان الكارسة المستبد بانه سبب كل البلا الذى نعيشه الان ولكن الراجل منسى مرة...

[omer.ahmed]

التحية للاخ المسافر .....
واتمنى من كل قلبي تغير هذا الجهاز او إلغائه
انا مالاقاني مغترب واحد مابشتكي من الجهاز المعمول لخدمتهم

جدعة:
حقو الناس يقولوا الحمدلله انو الحكومة خصصت ليهم جهاز واحد فقط للسلخ والتعزيب يعني المواطن في الداخل معموليهو 15000 جهاز للسلخ ,على سبيل المثال لا الحصر :
ناس الحركة (المرور). النفايات, الزكاة, الضرايب, تعظيم شعيرة الزكاة, دمغة الجريح, رسوم المدارس + حق الجير و الطباشير , رسوم الجامعات, مصاريف العلاج وتحمل اخطاء الاطباء, .................................................. ......الخ

[حاتم مرزوق]

اولا : روح يا مسافر انا عافي منك:):)

لا احد يهتم بأحد وموظفي شئون جهاز المغتربين بالخارج مغتربون مثلي ومثلك حضروا من اجل ان يكونوا مستقبلهم وليس لهم وقت يضيعونه وراء قضايا المغتربين (النقاقين)

وسفارتنا العملاقة ايضا تبعث بمغتربين وليس موظفين لهم رسالة يخدمون من خلالها جاليتهم بالغربة.

انه معترك صعب واذكر قصة ابو يمن ( جوة الحر والدبان وبرة الذبح من الأذان الي الأذان)

لملموا كل الجراح ... كفكفوا دمع النواح
لا بد الليل يرحل ... لا تنعوا شمس الصباح

خيم الظلم وارتاح .. فوق ترابك يا بلادي
من ألمنا الدمع ساح... والعالم ساكن مرتاح

على أشلائنا الصبر ناح .. بعنا لله الأرواح
أشرق من دمنا الصباح ... وخيم فوق الروابي

يا مرتاح

[مهيد ود السفاح]

المغتربين هم احد الابقار الحلوبه للدوله ولميزانيتها , ولا يعقل ان تلغي مليم واحد , فما يلغي من هذا البند يضاف وبصورة مضاعفه في البند الذي يليه .

صاحبنا اشتى مولد بـ 210 دولار وتم ترحيله للسودان بـ 30 دولار فكانت الجمارك 357 دولار


ياكنا نبيعك
يا نسرق
اخترنا النار الضلها بحرق

[omer.ahmed]

دخل السيد المدير العام للهيئة القومية للجبايات إلى مكتبه وهو ممسك بحزمة من صحف ذلك الصباح وهو يرغى ويزبد ويصيح :
- معقوله؟ خمسة وأربعين يوم وجباية جديده واحده مافى؟ زمانك فى الأسبوع بنطلع للناس جباي تين هسه شهررر ونص ولا جباية … (ثم يمسك بسماعة التلفون بعصبية مخاطباً سكرتارية مكتبه) :

- يا سفيان أتصل ليا فى الدكتور (عبدالمنتقم) دلوقتى .. أيواا عبدالمنتقم مستشار الهيئة لأبتكار الجبايات
لم يمض وقت طويل حتى إتصل (سفيان) على السيد المدير العام يخبره بوصول دكتور (عبدالنتقم) والذى ما أن خطا إلى دا خل المكتب حتى بادره المدير العام صائحاً :
- معقوله بس البيحصل ده؟ معقول ؟
- (فى إستغراب) : فى شنو سعادتك؟
- (فى تهكم) : كمان بتسأل فى شنو؟ خمسة وأربعين يوم وأنا أتابع فى الجرائد دى أقول ألاقى المواطنين بيشتكو من جباية جديده ما ألاقى ليا ولا مواطن بيشتكى؟ معقوله خمسة وأربعين يوم مربعين إيدينكم وقاعدين ساااكت ..؟
- لكن سعادتك أصلو فى الحقيقه يعنى …
- (مقاطعاً) : لا أصلو لا فصلو لا فى الحقيقه … إنتو الظاهر نائمين فى العسل … إنتو ما عارفين الربط بتاعنا (جبايتين) فى الاسبوع؟ إنتو عاوزين المواطنين ديل (ينعنشو؟ ) !
- أنحنا سعادتك أصلو الظاهر قمنا بإبتكار كل الجبايات الممكنة !
- قمتو بأيه؟ هم ديل يا دوبك 7678 جبايه !
- سعادتك والله أنحنا أبتكرنا للناس ديل جنس جبايات ما أنزل الله بها من سلطان .. شئ دمغة غريق .. وشئ رسوم إقامة صيوان عزاء .. وشئ رسوم عدم إقامة حفل … وشئ رسوم لافتة محل … وشئ رسوم قدوم .. وشئ رسوم مغادرة .. وشئ رسوم نفايات .. وشئ رسوم هنايات و شئ ..
- (مقاطعاً) : يا عزيزى إنت الدكتوراة بتاعتك دى عاملا فى الأكاديمية العليا لعلوم الجبايات فى (ماليزيا) ح تقيف ليا عاجز وتقول ليا خلاص ما قادر !
- والله سعادتك قدر ما نحتنا مخنا خلاص ما قدرنا .. أى جباية نفكر نعملا نلاقى إننا عملناها !!
- (فى حده) : أنا أصلو ما ممكن أقتنع إنو زول عالم ذيك كده معينو يكون نضب وبنات أفكارو طفشو والعلم الإبتكارى الفى راسو كلو (طش) وما قادر يبتكر لينا ولا جباية !
- أنا بفتكر سعادتك نحنا نعمل إجتماع موسع لكل المسئولين فى كل أقسام الهيئة ونطلب منهم إنو يفكرو معانا إحتمال نلاقى عندهم أفكار جديدة !
فى الإجتماع :
المدير العام : بسم الله الرحمن الرحيم .. )وقل اعملوا فسيرى الله عملكم ورسوله والمؤمنون( صدق الله العظيم .. الحقيقة يا جماعه انا دعيتكم للإجتماع ده ومعاى أخونا الدكتور (عبدالمنتقم) عشان نناقش موضوع الجبايات الجديده الواقفة دى ! أخونا (منتقم) بيقول خلاص ما قادرين فى مستشارية الإبتكار يبتكروا لينا ولا جباية واااحده عشان كده قلنا نستعين بيكم وكده !
- (المنتقم) : أنا يا جماعه بصفتى مستشار الهيئة دى لشئون الإبتكار أعلن وأعترف ليكم بأننا خلاص أستنفذنا كل الإبتكارات الفى راسنا وعاوز منكم تساعدونا وتفكروا معانا فى كم جباية جديده كده نحصل بيها (العيد) ! وعاوز أقول ليكم إنو أنا إتفقت مع السيد المدير العام بأنو أصحاب الإقتراحات المبتكرة الفائزة نديهم 10% من الإيراد بتاع الجباية كحافز !!
- (بصوت واحد) : الله أكبر الله أكبر !
- يلا كل واحد منكم يمشى ينحت راسو ويفكر ليهو فى جباية نديها للمواطن … هو المواطن ده طوالى نشيل منو … نشيل منو …. مره واحده ما نديهو حاجه؟؟ ونجتمع بكرة فى نفس المواعيد دى عشان نشوف الإقتراحات بتاعتكم !

بكرة فى نفس المواعيد :
- عضو (1) : والله أنا الجباية الفكرت فيها إنو نلزم جميع المواطنين بطلاء أبواب محلاتهم بأى لون نحددو ليهم هسه ما عدا اللون (الأخضر) الموجود هسه ده .. يعنى مثلا اللون (الأصفر) …
- (عبدالمنتقم متسائلاً ) : طيب والجباية وين هنا؟؟؟
- عضو (1) : الحقيقة يا سعاده المستشار الجباية دى جباية غير مباشرة
- ً يعنى شنو غير مباشرة؟؟
- يعنى ما بنشيلا من المواطن قروش كاش
- (مقاطعاً) : برضو ما فاهمين وضح لينا
- أنا بقصد يا سعادتك نقول ليهم إنو يضربو محلاتهم بوهية صفراء بعدما نكون قفلنا باب إستيراد البوهية الصفراء وإشترينا الفى السوق كلو والباقى طبعاً معروف!!
- لكن براءة الإبتكار دى مش مسجلة بإسم الزول الزمان جاب البوهية (الخضراء)؟؟؟
-( المدير العام) : كلام عبدالمنتقم ده صاح .. ما تدخلونا فى حتت ضيقة (براءة فكرة البوهية) دى حقت الزول العارفنو داك هو هسع بره الصورة لكين مين عارف بكرة يرجع يكون مسؤول ويعمل لينا سين وجيم ويقول داير حقو ؟؟؟؟
- (عبدالمنتقم) : نشوف إقتراح تانى ! أيوه العضو هناك !
- عضو (2) : والله أنا إقتراحى بيقول نعمل رسوم على جرس الباب يعنى أى زول عامل ليهو جرس فى باب بيتو وإلا الشقة بتاعتو يدفع عليهو رسوم - مواصلاً- أنا بفتكر يا جماعة دى جباية مبتكرة فعلا وإلا شنو؟؟
- صوت 1 : طيب لو الجرس ما شغال ؟؟
- (عضو (2) فى بساطة : مش المفتاح بتاعو فى؟ ؟؟ يبقى عليهو رسوم
- صوت 2 : أها نعمل ليهم الرسوم كم ؟؟
- عضو (2) : والله هو طالما المواطن ده عندو جرس يبقى قادر وطالما قادر حقو الرسوم تكون معتبرة –مواصلا- يعنى هسع البرك والمستنقعات والشوارع الزى الما زفت دى نصلحها ليهم بشنو؟؟؟
- صوت 3 : أنا بقترح عشرة ألف ؟
-(عضو (2) : فى السنة؟؟
- صوت 3 : سنت شنو … فى الشهر .. وعشان الواحد فيهم ما يعمل تفتيحه علينا نقوم نعملا ليهم كمان مع فاتورة الموية !
- عضو (2) : وكمان نعمل لينا نيابة متخصصة للجباية دى نسميها (نيابة رسوم جرس الباب) تكون مهمتها النظر فى حالات الناس الما بدفعو وعليهم متأخرات !
- المدير العام : رأئك شنو يا دكتور عبدالمنتقم فى الجباية دى !
- عبدالمنتقم : والله أنا بفتكر إنو دى< /span> جباية غير مبتكرة وتعبانه
- (عضو (2) : ليه يا سعاده المستشار ؟ كدى عيبا ليا !
- عبدالمنتقم : ببساطه ممكن المواطنين عشان ما يدفعو الجباية دى أى زول يطلع جرس الباب بتاعو ويخلص !!
- المدير العام : طيب إنت معقول بس يا سعاده المستشار ما تكون فكرت ليكا فى جباية مبتكرة ؟
- عبدالمنتقم : والله أنا فكرت فى رسوم بتاعت (تدفئة ونور) !
- صوت : يعنى ح تدخلو ليهم (غاز) للبيوت وتدفئة وكده ؟
- عبدالمنتقم : غاز أيه يا استاذ ؟ هو أنحنا قاعدين نرش ليهم الباعوض عشان كمان ندخل ليهم غاز ؟
- صوت : مال تدفئة ونور دى شنو؟؟
- عبدالمنتقم : أيواا أشرح ليكم … هسه لو الشمس دى مافى كان ح يكون فى ضؤ؟
- (ال جميع) : طبعن لا !
- عبدالمنتقم : مش الناس دى كان مشت إشترت ليها كهرباء بى قروش عشان تنور؟
- (الجميع) : أكيد كان مشوا إشترو
- عبدالم نتقم : طيب مش (الشمس) دى قاااعده وبتطلع ليهم كل يوم ؟
- (الجميع) : أيوااا
- عبدالمنتقم : طيب القروش الكان الناس ح يمشوا يشتروا بيها كهرباء وين؟
- ما عند الناس فى جيوبهم ! ما دفعوها !
- عبدالمنتقم : خلاص يدفعوها لينا نحنا (رسوم ضؤ) خليكم كمان من إنهم قاعدين (يتدفوا) مجانن وملح ساااكت فى الشتاء !
- المدير العام : الله يجازى محنك يا دكتور والله إنت فعلاً دكتوراة فى إبتكار الجبايات !
- صوت : لكن يا دكتور ما وريتنا هسه الجباية دى نشيلا منهم كيف ؟ يعنى فى العربا ت الترخيص رسومو بالموديل والنفايات بى نوع المنزل والكهرباء (بالفيس) والموية بدرجه نوع الحى أها (الشمش) دى نشيلا منهم كيف؟
- عبدالمنتقم : دى عاوزه ليها كلام يا جماعة؟ ما بالمتر المربع !
- صوت : كيفن يا دكتور ؟ أشرح لينا
- عبدالمنتقثم : يا جماعة دى ما دايرة ليها شرح ! نشوف السطح المستفاد منو فى ضؤ واشعه الشمس ونحاسب المواطن عليهو ! يعنى لو بيتك مثلاً 300 متر مربع والمتر المربع بى جنيه تكون رسوم ك 300 جنيه !
- صوت : ح نشيلا من البيوت بس يعنى ؟
- عبدالمنتقم : بيوت شنو يا استاذ؟ هو الشمس (بتاعتنا) دى بتشع على البيوت بس ؟ نحنا بنقول أى سطح تشع عليهو الشمس سيدو يدفع عليهو رسوم وأقتكر الكلام ده مفهوووووم !
- لا يعنى يا دكتور هسه مثلن العربات نشيل منها !
- دى عاوزه ليها كلام نشوف مساحت سقف العربية وطوالى نضرب فى سعر المتر المربع
- ولكن مع العربات الكتييييرة دى نتحصلا كيفن ؟
- يا أستاذ ده سؤال تسألو ؟ هى كيمياء ؟ ما بس نختها مع الترخيص ذيها ذى دمغت الجريح ودمغت الشهيد وصندوق دعم الطلاب وصندوق الدعم الصحى وهلم جراً
حاج عبدالفضيل :
أمام منزل الحاج (عبدالفضيل) وقف شاب (يعلق) على كتفه شنطه جلدية سوداء ويمسك بدفتر وقلم .. يفتح (حاج عبد الفضيل) الباب
- اهلن مرحب يا بنى
- أهلن يا حاج ..
- إنت بتاع شنو؟ نحنا أمبارح القريبه دى دفعنا النفايات والعوائد والمويه و …
- لكن يا حاج ما اظنك دفعت رسوم (تدفئة وضؤ) عشان دى رسوم جديده
- (فى إستغراب) : رسوم شنوووو؟
- مالك يا حاج مستغرب كده ؟ دى رسوم (تدفئة وضؤ) ! ما سمعت بيها ؟
- طبعن يا إبنى ما سمعت بيها هو نحنا نسمع بى شنو وإلا شنو ما خلاص ما قادرين نلاحق الرسوم والجبايات دى !
- (يخرج من جيبه القلم ويمسك بالدفتر) : قلت ليا يا حاج بيتكم ده مساحتو كم؟
- مالك ومالو كمان؟ عاوز بى مساحتو شنو؟ عاوز تطلع ليهو كروكى !
- كيف يا حاج عاوز بى مساحتو شنو؟ ما عشان نضرب ليك الرسوم بتاعتك بتاعت (تدفئة وضؤ) دى !
- (فى إندهاش) : والله محن ! أها وبتضربوها كيف دى ؟
- ما حسب مساحة السطح المتلقى لأشعة ضؤ الشمس يا حاج وكده وفى الحاله دى السطح هو طبعن بيتك !
- يا إبنى إنت عاوز تجننى؟ أشعة أيه؟ وسطح مين؟ ومساحت شنو؟
- يا حاج أهدأ شويه عشان افهمك الموضوع لو ما عارفو
- طبعن ما عارفو ؟ هو نحنا بقينا نعرف حاجه ما كل دقيقة ناطى لينا زول شايل ليهو دفتر إيصالات وعاوز قروش … هى الحكومة دى قايلانا (وارثين) ؟!
- شوف يا حاج الرسوم دى إسمها رسوم (تدفئة وضؤ) يعنى المواطن عشان يتدفا بالشمش دى وكمان يشوف بالضؤ بتاعا لازم يدفع رسوم ! يعنى إنت يا حاج عاوز تدفأ وتشوف ملح ساااكت !
- ملح فى عينك يا ود يا قليل الادب ! هى الشمش دى بتاعت زووول ؟
- يا حاج ما تهيج فينى ساااكت أنا زول عبدالمأمور ساااكت ونحنا شركتنا دى إسمها (تتحصلون) يعنى بتاعت تحصيل يعنى ما عندنا أى دخل فى مسألة فرض الرسوم دى !
- ومال الشركة العاملة (الفلم) دى إسمها شنو ؟
- إسمها يا حاج (لمستقر لها) !
- (فى دهشة) : قلت ليا إسمها شنو؟
- لمستقررررن لها !
- لا حولتن ولا قوتن إلا بالللاهى … بالله هى حصلت كمان ! أها و (مستقرها) وين؟ أقصد مبانيها وين؟
- هى ثالث عمارة على إيدك اليمين فى شارع حنزب إبن عكرمة المقاطع لشارع عياض إبن الأرط مقابل بقالة أم القرى –المقاصدة مخبز- تستهبلون

فى الشركة :
-عاوز أقابل الزول المسئول فى الشركة دى
- شفت الممر داك.. أمشي عديل تأني لف شمال تأني لف يمين أول مكتب يقابلك دا مكتب المديرالعام ،
وبالفعل بعد أن قام (حاج عبدالفضيل) بمتابعة (الوصف) وجد نفسه وجها لوجه امام مكتب (المدير العام لشركة لمستقر لها) !!

دلف (حاج عبدالفضيل) الى مكتب المدير العام .. المكتب فسيح .. التكييف مركزى .. تتدلى من حيطانة ستائر ايطالية بينما غطيت أرضيته بالسجاد الإيرانى .. به طقم جلوس (أمريكى) فاخر وقاعة إجتماعات أنيقة من الخشب (المصقول اللامع) .. أمامها مكتب نصف دائرى يجلس عليه السيد المدير بوجه لامع تبدو عليه أثار ال نعمة و(الراحات) و(التكييف طويل المدى)
- السلام عليكم
- وعليكم السلام ورحمة الله تعالى وبركاته إتفضل- مشيراً الى أحد كراسى الجلوس الوثيرة ، جلس (حاج عبدالفضيل) ثم قال مخاطبا السيد المدير :
- السلام عليكم
- وعليكم السلاااام
- (مبتسماً ) إتفضل
- الحقيقة بس يعنى جانى فى البيت ولد كده وقال ليا الشمش وما الشمش والضؤ وما الضؤ وتدفع رسوم وشنو ما بعرف داااك والمساحه فى الإرتفاع فى السطح وما عارف شنو فقلت اجى أستفسر منكم وكده !
- أول حاجه يا حاج مرحب بيك .. وإن شاء الله الجية بتاعتك دى تكون فى ميزان حسناتك .. !!
- يابنى ميزان حسناتى ميزان (لساتكى) أنا عاوز أعرف رسوم (التدفئة والضؤ) دى شنو؟ إنتو ما بتشبعو من أكل أموال الناس !
- يا حاج ما تزعل ساااكت .. كدى جاوبنى براااحه يا حاج وبدون إنفعال … الشمس دى بتاعت منو ؟
- بتاعت ربنا !
- طيب ما نحنا بتوع ربنا … تبقى الشمش دى بتاعت منو مش بتاعتنا ! وقع ليك يا حاج وألا أعيدو ليك ! بعدين يا حاج حقو رسوم (التدفئة والضؤ) دى ما تستكترا علينا لأنو الشركة بتاعت (لمستقر لها) دى هى شركة بر وإحسان وشركه خيرية لرعاية المسنين ولكفالة الايتام!
- (وهو يتجه نحو الباب) : أيتام …. أيتام أكتر مننا ؟
تحصيل :
إنتشر فى الشوارع أشخاص يرتدون زيأً أصفر فاقع اللون رسم على صدره شعار شركة (لمستقر لها) وهو شمس حمراء ذات خيوط شعاعية ، مهمتهم تحصيل رسوم (تدفئة وضؤ) ، أصبح المواطنون يتخوفون من السير فى الشوارع تحت أشعه الشمس مخافة أن تطالهم الرسوم فتراهم يسيرون تحت (الضلله) تكدس الناس وإزدحموا تحت ظلال (العمارات) والمحال التجارية والممرات خوفا من المتحصلين
- (وهو يخرج الدفتر ويمسك بالقلم) : بالله يا خينا لو سمحت
- فى شنو؟
- فى شنو كيف ؟ الشمس الضاربه فى (صنقورك) دى ما شايفا؟
- وما تضرب إنت سيدا؟
- أنا ما سيدا لكن ستها إسمها (لمستقرن لها) ! وبالله ما تلاوينا ساااكت أدفع خلينا نشوف غيرك !
- أدفع ليكم كم كده يعنى؟
- (ينظر إلى رأسه متمعناً): كدى أقعد فى الواطه دى ورينا راسك ده خلينا نضرب ليك رسومك !
- (يستخرج متر من جيبه ويبدأ القياس): طيب المحيط فى نصف القطر على باى نق تربيع .. طيب إذن المساحه تساوى مية وخمسين سنتى متر مربع والسنتى بى عشرة قروش نكون عاوزين منك كده جنيه ونص !!
فى الطيارات :
وقف (هاشم) العائد إلى مقر عمله بالرياض أمام موظف الخطوط بالمطار وقام بتسليمه تذكرة السفر بعد أن قام بوضع (العفش) على الميزان ، نظر الموظف إلى التذكرة ثم طلب من (هاشم) الذهاب إلى (كاونتر) رسوم المغادرة لدفعها
- خمسة وأربعين جنيه !
- ليه رسوم المغادرة مش 30 جنيه بس ؟
- هى فعلن 30 جنيه
- طيب الخمسطاشر دى شنو؟
- دى رسوم (تدفئة وضؤ) ! وأحمد ربنا إنك مسافر بى بوينج 737 وما مسافر بى أيربص كنت دفعتا 75 جنيه !
- لو سمحت بس فهمنى يعنى الفرق شنو !
- أيواا .. ذى ما أظنك تكون يا استاذ عارف إنو رسوم (تدفئة وضؤ) دى بتتاخد على أساس السطح المستقبل لأشعه الشمس المستفيد منها المواطن !
- طيب أها وبعدين
- أها أنحنا كنا قاعدين نشيل 5 جنيه من كل راكب لكن الظاهر المسئولين العملو الرسوم دى ناس بيخا فو الله لأنو فى طيارات صغيرة وطيارات متوسطه وطيارات كبيره وقالو المسأله كده ما فيها عداله
- وبعدين !
- وبعدين قاموا قاسو أسطح الطيارات بى مختلف أحجام ها بالمليمتر عشان ما يظلمو ليهم زول وجابو لينا الجدول ده فيهو كا نوع طيارة والرسوم المفروض يدفعا الراكب !
- وبعدين !
- (ينظر للجدول) : وبعدين إنت بوينج 737 رسومك يا أستاذ 45 جنيه ولو عاوز حاجه أقل أمشى شوف ليك (فوكرز) سافر بيها
عبدالفضيل تااانى :
بعد حوالى شهر وبينما كان حاج عبدالفضيل يستلقى على العنقريب فى مساء ذلك اليوم مطفئاً لمبة (الحوش) مستمتعا بضؤ القمر الفضى وهو يضع الراديو الترانزيستور على صدرة يستمع إلى أحدى المحطات العالمية إذا بخبطات على الباب :
- قوم يا حاج شوف الجاييينا نص الليل ده منو؟
يتجه حاج عبدالفضيل نحو الباب ، يفتحه يفاجأ بشاب تدلى من كتفه شنطة سوداء ويمسك بقلم :
- ده بيت الحاج عبدالفضيل عمر
- أيوه فى شنو ؟
- معاك شركة قدرناه منازل!

[حاتم مرزوق]

غاية الروعة اخي عمر احمد

هذا السيناريو يكاد يطابق الواقع.

[omer.ahmed]

اخي حاتم لقد رأينا العجب في بلادنا

اذكر قبل سنتين او تلاته كنت ماشي اتوضأ للصلاه في الجامع الكبير في السوق العربي وأفاجأ بأنو في رسوم لدخول الوضاية - يعني الماعندو قروش يتيمم - لاكن الحمدلله الجماعة خجلو بعد زمن ووقفو رسوم الوضوء - اعتقد انو الرسوم دي ماسمعبيها الفاتح جبرا

[المسافر]

جهاز تعذيب السودانيين المشلهتين بالخارج انا اول مرة ارجع السودان بعد اربعة شهور من الاغتراب طلعولى جنس ورق ومطالبات اخوك لمن قرب يخلى الاغتراب لكن ربنا حلاها اها الواحد لو راجع يلم حصاد الغربة كلو ويدفعو للجهازويعيش على الزكرى واحساس انو رجع مقرش لكن اولاد الحرام ما خلوش لاولاد الحلال حاجة




دي أربعة شهور بس
شوف لوكانت أربع سنين
كان قبضوا عليك بتهمة
( التهرب الضريبي )

[المسافر]

هذا الجهاز من احدى خوازيق النميرى وهو فكرة بدرالدين سليمان اقصد فكرة الضرايب ده لما كان بدر الدين وزير للماليه وطبعا هو الذى دمر الاقتصاد السودانى هو اللى خفض الجنيه 30% اول تخفيض وهو اللى سمح للاجانب باخذ اموالهم والهروب من السودان وهو اللى قبل روشتة البنك الدولى وهو اللى فرض علينا الضرايب رغم ان القوانيين السودانيه لاتفرض ضرايب على اى شخص يمارس عمل خارج البلاد القوانيين واضحه لكن نحن بطبيعتنا ما بنتحرك ابدا بعد الانتفاضه كنا منتظرين الغاها ولكن الصادق المهدى غير اسمها الى مساهمه تجبى بواسطة ناس الضرائب العجيبين كانهم مابشر ولاسودانيين والبشير قال لغاءها ها ها ها والله مستمرة شى خدمات وشى رسوم من غير وصل والذكاة مرة يقولوا اتلغت ومرات يظهر ليك موظف ويطالبك بيها , المفروض رفع دعوى على حكومة السودان والمطالبة باسترداد جميع المبالغ التى دفعت بغير وحه حق ,كما مفروض على الشعب السودانى ان يتزكر بدر الين سليمان الكارسة المستبد بانه سبب كل البلا الذى نعيشه الان ولكن الراجل منسى مرة...




تحياتي أخي mutasim

أجمل حاجة في ما كتبت هو رفع دعوى
في حكومة السودان للمطالبة بإسترداد
جميع المبالغ بغير وجه حق . . . وطبعاً
ده إذا كانت الحكومة أصلاً متعرفة بأن
لها شعب !!!!
كده يوم شفت الحكومة دي عملت
ليها حاجة عشان الشعب ده !

[المسافر]

دخل السيد المدير العام للهيئة القومية للجبايات إلى مكتبه وهو ممسك بحزمة من صحف ذلك الصباح وهو يرغى ويزبد ويصيح :
- معقوله؟ خمسة وأربعين يوم وجباية جديده واحده مافى؟ زمانك فى الأسبوع بنطلع للناس جباي تين هسه شهررر ونص ولا جباية … (ثم يمسك بسماعة التلفون بعصبية مخاطباً سكرتارية مكتبه) :

- يا سفيان أتصل ليا فى الدكتور (عبدالمنتقم) دلوقتى .. أيواا عبدالمنتقم مستشار الهيئة لأبتكار الجبايات
لم يمض وقت طويل حتى إتصل (سفيان) على السيد المدير العام يخبره بوصول دكتور (عبدالنتقم) والذى ما أن خطا إلى دا خل المكتب حتى بادره المدير العام صائحاً :
- معقوله بس البيحصل ده؟ معقول ؟
- (فى إستغراب) : فى شنو سعادتك؟
- (فى تهكم) : كمان بتسأل فى شنو؟ خمسة وأربعين يوم وأنا أتابع فى الجرائد دى أقول ألاقى المواطنين بيشتكو من جباية جديده ما ألاقى ليا ولا مواطن بيشتكى؟ معقوله خمسة وأربعين يوم مربعين إيدينكم وقاعدين ساااكت ..؟
- لكن سعادتك أصلو فى الحقيقه يعنى …
- (مقاطعاً) : لا أصلو لا فصلو لا فى الحقيقه … إنتو الظاهر نائمين فى العسل … إنتو ما عارفين الربط بتاعنا (جبايتين) فى الاسبوع؟ إنتو عاوزين المواطنين ديل (ينعنشو؟ ) !
- أنحنا سعادتك أصلو الظاهر قمنا بإبتكار كل الجبايات الممكنة !
- قمتو بأيه؟ هم ديل يا دوبك 7678 جبايه !
- سعادتك والله أنحنا أبتكرنا للناس ديل جنس جبايات ما أنزل الله بها من سلطان .. شئ دمغة غريق .. وشئ رسوم إقامة صيوان عزاء .. وشئ رسوم عدم إقامة حفل … وشئ رسوم لافتة محل … وشئ رسوم قدوم .. وشئ رسوم مغادرة .. وشئ رسوم نفايات .. وشئ رسوم هنايات و شئ ..
- (مقاطعاً) : يا عزيزى إنت الدكتوراة بتاعتك دى عاملا فى الأكاديمية العليا لعلوم الجبايات فى (ماليزيا) ح تقيف ليا عاجز وتقول ليا خلاص ما قادر !
- والله سعادتك قدر ما نحتنا مخنا خلاص ما قدرنا .. أى جباية نفكر نعملا نلاقى إننا عملناها !!
- (فى حده) : أنا أصلو ما ممكن أقتنع إنو زول عالم ذيك كده معينو يكون نضب وبنات أفكارو طفشو والعلم الإبتكارى الفى راسو كلو (طش) وما قادر يبتكر لينا ولا جباية !
- أنا بفتكر سعادتك نحنا نعمل إجتماع موسع لكل المسئولين فى كل أقسام الهيئة ونطلب منهم إنو يفكرو معانا إحتمال نلاقى عندهم أفكار جديدة !
فى الإجتماع :
المدير العام : بسم الله الرحمن الرحيم .. )وقل اعملوا فسيرى الله عملكم ورسوله والمؤمنون( صدق الله العظيم .. الحقيقة يا جماعه انا دعيتكم للإجتماع ده ومعاى أخونا الدكتور (عبدالمنتقم) عشان نناقش موضوع الجبايات الجديده الواقفة دى ! أخونا (منتقم) بيقول خلاص ما قادرين فى مستشارية الإبتكار يبتكروا لينا ولا جباية واااحده عشان كده قلنا نستعين بيكم وكده !
- (المنتقم) : أنا يا جماعه بصفتى مستشار الهيئة دى لشئون الإبتكار أعلن وأعترف ليكم بأننا خلاص أستنفذنا كل الإبتكارات الفى راسنا وعاوز منكم تساعدونا وتفكروا معانا فى كم جباية جديده كده نحصل بيها (العيد) ! وعاوز أقول ليكم إنو أنا إتفقت مع السيد المدير العام بأنو أصحاب الإقتراحات المبتكرة الفائزة نديهم 10% من الإيراد بتاع الجباية كحافز !!
- (بصوت واحد) : الله أكبر الله أكبر !
- يلا كل واحد منكم يمشى ينحت راسو ويفكر ليهو فى جباية نديها للمواطن … هو المواطن ده طوالى نشيل منو … نشيل منو …. مره واحده ما نديهو حاجه؟؟ ونجتمع بكرة فى نفس المواعيد دى عشان نشوف الإقتراحات بتاعتكم !

بكرة فى نفس المواعيد :
- عضو (1) : والله أنا الجباية الفكرت فيها إنو نلزم جميع المواطنين بطلاء أبواب محلاتهم بأى لون نحددو ليهم هسه ما عدا اللون (الأخضر) الموجود هسه ده .. يعنى مثلا اللون (الأصفر) …
- (عبدالمنتقم متسائلاً ) : طيب والجباية وين هنا؟؟؟
- عضو (1) : الحقيقة يا سعاده المستشار الجباية دى جباية غير مباشرة
- ً يعنى شنو غير مباشرة؟؟
- يعنى ما بنشيلا من المواطن قروش كاش
- (مقاطعاً) : برضو ما فاهمين وضح لينا
- أنا بقصد يا سعادتك نقول ليهم إنو يضربو محلاتهم بوهية صفراء بعدما نكون قفلنا باب إستيراد البوهية الصفراء وإشترينا الفى السوق كلو والباقى طبعاً معروف!!
- لكن براءة الإبتكار دى مش مسجلة بإسم الزول الزمان جاب البوهية (الخضراء)؟؟؟
-( المدير العام) : كلام عبدالمنتقم ده صاح .. ما تدخلونا فى حتت ضيقة (براءة فكرة البوهية) دى حقت الزول العارفنو داك هو هسع بره الصورة لكين مين عارف بكرة يرجع يكون مسؤول ويعمل لينا سين وجيم ويقول داير حقو ؟؟؟؟
- (عبدالمنتقم) : نشوف إقتراح تانى ! أيوه العضو هناك !
- عضو (2) : والله أنا إقتراحى بيقول نعمل رسوم على جرس الباب يعنى أى زول عامل ليهو جرس فى باب بيتو وإلا الشقة بتاعتو يدفع عليهو رسوم - مواصلاً- أنا بفتكر يا جماعة دى جباية مبتكرة فعلا وإلا شنو؟؟
- صوت 1 : طيب لو الجرس ما شغال ؟؟
- (عضو (2) فى بساطة : مش المفتاح بتاعو فى؟ ؟؟ يبقى عليهو رسوم
- صوت 2 : أها نعمل ليهم الرسوم كم ؟؟
- عضو (2) : والله هو طالما المواطن ده عندو جرس يبقى قادر وطالما قادر حقو الرسوم تكون معتبرة –مواصلا- يعنى هسع البرك والمستنقعات والشوارع الزى الما زفت دى نصلحها ليهم بشنو؟؟؟
- صوت 3 : أنا بقترح عشرة ألف ؟
-(عضو (2) : فى السنة؟؟
- صوت 3 : سنت شنو … فى الشهر .. وعشان الواحد فيهم ما يعمل تفتيحه علينا نقوم نعملا ليهم كمان مع فاتورة الموية !
- عضو (2) : وكمان نعمل لينا نيابة متخصصة للجباية دى نسميها (نيابة رسوم جرس الباب) تكون مهمتها النظر فى حالات الناس الما بدفعو وعليهم متأخرات !
- المدير العام : رأئك شنو يا دكتور عبدالمنتقم فى الجباية دى !
- عبدالمنتقم : والله أنا بفتكر إنو دى< /span> جباية غير مبتكرة وتعبانه
- (عضو (2) : ليه يا سعاده المستشار ؟ كدى عيبا ليا !
- عبدالمنتقم : ببساطه ممكن المواطنين عشان ما يدفعو الجباية دى أى زول يطلع جرس الباب بتاعو ويخلص !!
- المدير العام : طيب إنت معقول بس يا سعاده المستشار ما تكون فكرت ليكا فى جباية مبتكرة ؟
- عبدالمنتقم : والله أنا فكرت فى رسوم بتاعت (تدفئة ونور) !
- صوت : يعنى ح تدخلو ليهم (غاز) للبيوت وتدفئة وكده ؟
- عبدالمنتقم : غاز أيه يا استاذ ؟ هو أنحنا قاعدين نرش ليهم الباعوض عشان كمان ندخل ليهم غاز ؟
- صوت : مال تدفئة ونور دى شنو؟؟
- عبدالمنتقم : أيواا أشرح ليكم … هسه لو الشمس دى مافى كان ح يكون فى ضؤ؟
- (ال جميع) : طبعن لا !
- عبدالمنتقم : مش الناس دى كان مشت إشترت ليها كهرباء بى قروش عشان تنور؟
- (الجميع) : أكيد كان مشوا إشترو
- عبدالم نتقم : طيب مش (الشمس) دى قاااعده وبتطلع ليهم كل يوم ؟
- (الجميع) : أيوااا
- عبدالمنتقم : طيب القروش الكان الناس ح يمشوا يشتروا بيها كهرباء وين؟
- ما عند الناس فى جيوبهم ! ما دفعوها !
- عبدالمنتقم : خلاص يدفعوها لينا نحنا (رسوم ضؤ) خليكم كمان من إنهم قاعدين (يتدفوا) مجانن وملح ساااكت فى الشتاء !
- المدير العام : الله يجازى محنك يا دكتور والله إنت فعلاً دكتوراة فى إبتكار الجبايات !
- صوت : لكن يا دكتور ما وريتنا هسه الجباية دى نشيلا منهم كيف ؟ يعنى فى العربا ت الترخيص رسومو بالموديل والنفايات بى نوع المنزل والكهرباء (بالفيس) والموية بدرجه نوع الحى أها (الشمش) دى نشيلا منهم كيف؟
- عبدالمنتقم : دى عاوزه ليها كلام يا جماعة؟ ما بالمتر المربع !
- صوت : كيفن يا دكتور ؟ أشرح لينا
- عبدالمنتقثم : يا جماعة دى ما دايرة ليها شرح ! نشوف السطح المستفاد منو فى ضؤ واشعه الشمس ونحاسب المواطن عليهو ! يعنى لو بيتك مثلاً 300 متر مربع والمتر المربع بى جنيه تكون رسوم ك 300 جنيه !
- صوت : ح نشيلا من البيوت بس يعنى ؟
- عبدالمنتقم : بيوت شنو يا استاذ؟ هو الشمس (بتاعتنا) دى بتشع على البيوت بس ؟ نحنا بنقول أى سطح تشع عليهو الشمس سيدو يدفع عليهو رسوم وأقتكر الكلام ده مفهوووووم !
- لا يعنى يا دكتور هسه مثلن العربات نشيل منها !
- دى عاوزه ليها كلام نشوف مساحت سقف العربية وطوالى نضرب فى سعر المتر المربع
- ولكن مع العربات الكتييييرة دى نتحصلا كيفن ؟
- يا أستاذ ده سؤال تسألو ؟ هى كيمياء ؟ ما بس نختها مع الترخيص ذيها ذى دمغت الجريح ودمغت الشهيد وصندوق دعم الطلاب وصندوق الدعم الصحى وهلم جراً
حاج عبدالفضيل :
أمام منزل الحاج (عبدالفضيل) وقف شاب (يعلق) على كتفه شنطه جلدية سوداء ويمسك بدفتر وقلم .. يفتح (حاج عبد الفضيل) الباب
- اهلن مرحب يا بنى
- أهلن يا حاج ..
- إنت بتاع شنو؟ نحنا أمبارح القريبه دى دفعنا النفايات والعوائد والمويه و …
- لكن يا حاج ما اظنك دفعت رسوم (تدفئة وضؤ) عشان دى رسوم جديده
- (فى إستغراب) : رسوم شنوووو؟
- مالك يا حاج مستغرب كده ؟ دى رسوم (تدفئة وضؤ) ! ما سمعت بيها ؟
- طبعن يا إبنى ما سمعت بيها هو نحنا نسمع بى شنو وإلا شنو ما خلاص ما قادرين نلاحق الرسوم والجبايات دى !
- (يخرج من جيبه القلم ويمسك بالدفتر) : قلت ليا يا حاج بيتكم ده مساحتو كم؟
- مالك ومالو كمان؟ عاوز بى مساحتو شنو؟ عاوز تطلع ليهو كروكى !
- كيف يا حاج عاوز بى مساحتو شنو؟ ما عشان نضرب ليك الرسوم بتاعتك بتاعت (تدفئة وضؤ) دى !
- (فى إندهاش) : والله محن ! أها وبتضربوها كيف دى ؟
- ما حسب مساحة السطح المتلقى لأشعة ضؤ الشمس يا حاج وكده وفى الحاله دى السطح هو طبعن بيتك !
- يا إبنى إنت عاوز تجننى؟ أشعة أيه؟ وسطح مين؟ ومساحت شنو؟
- يا حاج أهدأ شويه عشان افهمك الموضوع لو ما عارفو
- طبعن ما عارفو ؟ هو نحنا بقينا نعرف حاجه ما كل دقيقة ناطى لينا زول شايل ليهو دفتر إيصالات وعاوز قروش … هى الحكومة دى قايلانا (وارثين) ؟!
- شوف يا حاج الرسوم دى إسمها رسوم (تدفئة وضؤ) يعنى المواطن عشان يتدفا بالشمش دى وكمان يشوف بالضؤ بتاعا لازم يدفع رسوم ! يعنى إنت يا حاج عاوز تدفأ وتشوف ملح ساااكت !
- ملح فى عينك يا ود يا قليل الادب ! هى الشمش دى بتاعت زووول ؟
- يا حاج ما تهيج فينى ساااكت أنا زول عبدالمأمور ساااكت ونحنا شركتنا دى إسمها (تتحصلون) يعنى بتاعت تحصيل يعنى ما عندنا أى دخل فى مسألة فرض الرسوم دى !
- ومال الشركة العاملة (الفلم) دى إسمها شنو ؟
- إسمها يا حاج (لمستقر لها) !
- (فى دهشة) : قلت ليا إسمها شنو؟
- لمستقررررن لها !
- لا حولتن ولا قوتن إلا بالللاهى … بالله هى حصلت كمان ! أها و (مستقرها) وين؟ أقصد مبانيها وين؟
- هى ثالث عمارة على إيدك اليمين فى شارع حنزب إبن عكرمة المقاطع لشارع عياض إبن الأرط مقابل بقالة أم القرى –المقاصدة مخبز- تستهبلون

فى الشركة :
-عاوز أقابل الزول المسئول فى الشركة دى
- شفت الممر داك.. أمشي عديل تأني لف شمال تأني لف يمين أول مكتب يقابلك دا مكتب المديرالعام ،
وبالفعل بعد أن قام (حاج عبدالفضيل) بمتابعة (الوصف) وجد نفسه وجها لوجه امام مكتب (المدير العام لشركة لمستقر لها) !!

دلف (حاج عبدالفضيل) الى مكتب المدير العام .. المكتب فسيح .. التكييف مركزى .. تتدلى من حيطانة ستائر ايطالية بينما غطيت أرضيته بالسجاد الإيرانى .. به طقم جلوس (أمريكى) فاخر وقاعة إجتماعات أنيقة من الخشب (المصقول اللامع) .. أمامها مكتب نصف دائرى يجلس عليه السيد المدير بوجه لامع تبدو عليه أثار ال نعمة و(الراحات) و(التكييف طويل المدى)
- السلام عليكم
- وعليكم السلام ورحمة الله تعالى وبركاته إتفضل- مشيراً الى أحد كراسى الجلوس الوثيرة ، جلس (حاج عبدالفضيل) ثم قال مخاطبا السيد المدير :
- السلام عليكم
- وعليكم السلاااام
- (مبتسماً ) إتفضل
- الحقيقة بس يعنى جانى فى البيت ولد كده وقال ليا الشمش وما الشمش والضؤ وما الضؤ وتدفع رسوم وشنو ما بعرف داااك والمساحه فى الإرتفاع فى السطح وما عارف شنو فقلت اجى أستفسر منكم وكده !
- أول حاجه يا حاج مرحب بيك .. وإن شاء الله الجية بتاعتك دى تكون فى ميزان حسناتك .. !!
- يابنى ميزان حسناتى ميزان (لساتكى) أنا عاوز أعرف رسوم (التدفئة والضؤ) دى شنو؟ إنتو ما بتشبعو من أكل أموال الناس !
- يا حاج ما تزعل ساااكت .. كدى جاوبنى براااحه يا حاج وبدون إنفعال … الشمس دى بتاعت منو ؟
- بتاعت ربنا !
- طيب ما نحنا بتوع ربنا … تبقى الشمش دى بتاعت منو مش بتاعتنا ! وقع ليك يا حاج وألا أعيدو ليك ! بعدين يا حاج حقو رسوم (التدفئة والضؤ) دى ما تستكترا علينا لأنو الشركة بتاعت (لمستقر لها) دى هى شركة بر وإحسان وشركه خيرية لرعاية المسنين ولكفالة الايتام!
- (وهو يتجه نحو الباب) : أيتام …. أيتام أكتر مننا ؟
تحصيل :
إنتشر فى الشوارع أشخاص يرتدون زيأً أصفر فاقع اللون رسم على صدره شعار شركة (لمستقر لها) وهو شمس حمراء ذات خيوط شعاعية ، مهمتهم تحصيل رسوم (تدفئة وضؤ) ، أصبح المواطنون يتخوفون من السير فى الشوارع تحت أشعه الشمس مخافة أن تطالهم الرسوم فتراهم يسيرون تحت (الضلله) تكدس الناس وإزدحموا تحت ظلال (العمارات) والمحال التجارية والممرات خوفا من المتحصلين
- (وهو يخرج الدفتر ويمسك بالقلم) : بالله يا خينا لو سمحت
- فى شنو؟
- فى شنو كيف ؟ الشمس الضاربه فى (صنقورك) دى ما شايفا؟
- وما تضرب إنت سيدا؟
- أنا ما سيدا لكن ستها إسمها (لمستقرن لها) ! وبالله ما تلاوينا ساااكت أدفع خلينا نشوف غيرك !
- أدفع ليكم كم كده يعنى؟
- (ينظر إلى رأسه متمعناً): كدى أقعد فى الواطه دى ورينا راسك ده خلينا نضرب ليك رسومك !
- (يستخرج متر من جيبه ويبدأ القياس): طيب المحيط فى نصف القطر على باى نق تربيع .. طيب إذن المساحه تساوى مية وخمسين سنتى متر مربع والسنتى بى عشرة قروش نكون عاوزين منك كده جنيه ونص !!
فى الطيارات :
وقف (هاشم) العائد إلى مقر عمله بالرياض أمام موظف الخطوط بالمطار وقام بتسليمه تذكرة السفر بعد أن قام بوضع (العفش) على الميزان ، نظر الموظف إلى التذكرة ثم طلب من (هاشم) الذهاب إلى (كاونتر) رسوم المغادرة لدفعها
- خمسة وأربعين جنيه !
- ليه رسوم المغادرة مش 30 جنيه بس ؟
- هى فعلن 30 جنيه
- طيب الخمسطاشر دى شنو؟
- دى رسوم (تدفئة وضؤ) ! وأحمد ربنا إنك مسافر بى بوينج 737 وما مسافر بى أيربص كنت دفعتا 75 جنيه !
- لو سمحت بس فهمنى يعنى الفرق شنو !
- أيواا .. ذى ما أظنك تكون يا استاذ عارف إنو رسوم (تدفئة وضؤ) دى بتتاخد على أساس السطح المستقبل لأشعه الشمس المستفيد منها المواطن !
- طيب أها وبعدين
- أها أنحنا كنا قاعدين نشيل 5 جنيه من كل راكب لكن الظاهر المسئولين العملو الرسوم دى ناس بيخا فو الله لأنو فى طيارات صغيرة وطيارات متوسطه وطيارات كبيره وقالو المسأله كده ما فيها عداله
- وبعدين !
- وبعدين قاموا قاسو أسطح الطيارات بى مختلف أحجام ها بالمليمتر عشان ما يظلمو ليهم زول وجابو لينا الجدول ده فيهو كا نوع طيارة والرسوم المفروض يدفعا الراكب !
- وبعدين !
- (ينظر للجدول) : وبعدين إنت بوينج 737 رسومك يا أستاذ 45 جنيه ولو عاوز حاجه أقل أمشى شوف ليك (فوكرز) سافر بيها
عبدالفضيل تااانى :
بعد حوالى شهر وبينما كان حاج عبدالفضيل يستلقى على العنقريب فى مساء ذلك اليوم مطفئاً لمبة (الحوش) مستمتعا بضؤ القمر الفضى وهو يضع الراديو الترانزيستور على صدرة يستمع إلى أحدى المحطات العالمية إذا بخبطات على الباب :
- قوم يا حاج شوف الجاييينا نص الليل ده منو؟
يتجه حاج عبدالفضيل نحو الباب ، يفتحه يفاجأ بشاب تدلى من كتفه شنطة سوداء ويمسك بقلم :
- ده بيت الحاج عبدالفضيل عمر
- أيوه فى شنو ؟
- معاك شركة قدرناه منازل!







تحياتي عزيزي omer.ahmed

برغم خصوبية خيالك الرائع إلا أنه
مثل هذه الأمور تحدث بشكل قريب
وربما تغييرات طفيفة فقط ( الأسماء) .

ودمت

[المسافر]

التحية للاخ المسافر .....
واتمنى من كل قلبي تغير هذا الجهاز او إلغائه
انا مالاقاني مغترب واحد مابشتكي من الجهاز المعمول لخدمتهم

جدعة:
حقو الناس يقولوا الحمدلله انو الحكومة خصصت ليهم جهاز واحد فقط للسلخ والتعزيب يعني المواطن في الداخل معموليهو 15000 جهاز للسلخ ,على سبيل المثال لا الحصر :
ناس الحركة (المرور). النفايات, الزكاة, الضرايب, تعظيم شعيرة الزكاة, دمغة الجريح, رسوم المدارس + حق الجير و الطباشير , رسوم الجامعات, مصاريف العلاج وتحمل اخطاء الاطباء, .................................................. ......الخ



تحياتي omer.ahmed
أصبحت موارد هذا الجهاز ضرورية
جداً بالنسبة للخزنة العام ، ولكن السؤال
والمهم ( أين تذهب عائدات النفط ) والتي
من المفروض أن تكون للخزينة العامة بدل
أموال الجبايات .

[المسافر]

اولا : روح يا مسافر انا عافي منك:):)

لا احد يهتم بأحد وموظفي شئون جهاز المغتربين بالخارج مغتربون مثلي ومثلك حضروا من اجل ان يكونوا مستقبلهم وليس لهم وقت يضيعونه وراء قضايا المغتربين (النقاقين)

وسفارتنا العملاقة ايضا تبعث بمغتربين وليس موظفين لهم رسالة يخدمون من خلالها جاليتهم بالغربة.

انه معترك صعب واذكر قصة ابو يمن ( جوة الحر والدبان وبرة الذبح من الأذان الي الأذان)

لملموا كل الجراح ... كفكفوا دمع النواح
لا بد الليل يرحل ... لا تنعوا شمس الصباح

خيم الظلم وارتاح .. فوق ترابك يا بلادي
من ألمنا الدمع ساح... والعالم ساكن مرتاح

على أشلائنا الصبر ناح .. بعنا لله الأرواح
أشرق من دمنا الصباح ... وخيم فوق الروابي

يا مرتاح




تحياتي اخي حاتم
الغريب في الأمر بأن موظفين الضرائب
حاقدين علينا بطريقة ما عادية زي النحن
بنلقى القروش في الشارع والواحد ما
عايز يتافهم معاك زي الهو مدينك ليها
يعني الواحد عندو نصف سلطة عايز
يذل بيها الآخرين .
ولكن هذه سياسة الدولة الفاشلة حتى
في أخذها لحق الغير تأخذه بأسلوب
إستفزازي .

[المسافر]

المغتربين هم احد الابقار الحلوبه للدوله ولميزانيتها , ولا يعقل ان تلغي مليم واحد , فما يلغي من هذا البند يضاف وبصورة مضاعفه في البند الذي يليه .

صاحبنا اشتى مولد بـ 210 دولار وتم ترحيله للسودان بـ 30 دولار فكانت الجمارك 357 دولار


ياكنا نبيعك
يا نسرق
اخترنا النار الضلها بحرق



تحياتي أخي مهيد
يأتي السؤال المهم ، هل تعود هذه الأموال
التي تأخذ من المغترب على شكل خدمات
الواجب طبعاً لا ، لكن تتدخل في أي شيء
تاني حتى ( مواقف السيارات) هذه لازم تدفع
ألف جنيه عشان تقيف فيها ، يعني بكل تأكيد
هذا إستغلال تام للمغترب .

[ود الجعلي]

مسافر سلامات

الرحمة من رب العالمين

بالله يا حكومتنا الرشيده خلونا في حالنا سيبونا في حالنا

التوقيع
"المغتربين المشردين المليانين بلاوي ومشاكل وهموم وغموم "