مليجي أكل الـ ....

[شبارقة]

في موسم البطيخ (وهذا يختلف تماماً عن موسم الهجرة إلى الشمال) ذهب مليجي للسوق، وقصد عمو عبدالجليل بائع البطيخ واللي بحب القروش زي ما بحب عينيوهو عسى أن يطفئ ما به من شهوة لهذه الفاكهة الحلوة ..
مليجي طلب من عمو عبدالجليل بطيخة لله لأنو ـ وربنا عالم ـ ما عندو قرش في جيبو ..
عبدالجليل عزل بطيخة قديمة تعبانة واداها ليهو مع صرّة وش!
أخونا شال بطيختو ومشى بيتو ..
بعد شوية تسمع الكواريك والحلّه كلّها انكسرت في بيت ناس مليجي!!
في شنو؟؟!
قالوا مليجي حصل ليهو تسمم أكل نص بطيخة (بتيخة) كعبة ..
الناس اتلمت وجزء مشى معاهو المستشفى وجزء انتظر في البيت والحالة صعبة والراجل يتلوى من المغص والالم!!
بعد حوالى الساعتين الناس رجعو من المستشفى معاهم مليجي ، الحمدلله عملو ليهو غسيل للمعدة ورجع كويس وعال العال ، الناس اتفرّقت وكل واحد مشى بيتو ..

بعدها بي شوية تااااني الكواريك تضرب والجوطة والنسوان يكوركو والناس منكسره على بيت مليجي!!
في شنو يا ناس؟؟؟



قالوا مليجي أكل النص التاني حق البطيخة!!

[محمد أحمد الشيخ]

لكين يا شبارقه زولك مليجي ده
دني دناوه مبالغه

[مدناوية]

شبارقة إنت أمبارح كنت حلمان بشنو يابا؟؟؟

[nehroo]

يامدناوية أظنه إتعشى تقيييييل
قول بسم الله....
ده أصلوا بطيخ ولا فسيخ

[بورتبيل]

مليجي .. حكاية جديدة يا شبارقة
مليجي دا تفتكر بحب البتيخ ليه
يكون مستنسخ من حبة تسالي ...؟؟!!

برضو قول ليا ناس جدة مقفلين موبايلاتهم ..
وعاطر الود للحاج ابو شوتال

[صلاح ودالطاهر]

ناس يااكلوا بطيخ وناس يعملوا ططنيش

[salwa]

انا ما فاهمة والله


ود المطامير ممكن تفهمني مالك الليلة صحي كده براك

هههههههههههههه

[سمسم]

ابت نفسه الاان تاكل كل هذه البطيحه التى تعب من جلها وحلف ما يخلى فيها التكتحه

[hadi salih]

شبارقة يا اخوى الله اديك العافية

[ود المطامير]

انا ما فاهمة والله


ود المطامير ممكن تفهمني مالك الليلة صحي كده براك

هههههههههههههه
هع هع هع هع هع
شكيت محنك كتلتينى بالضحك

علشان قبل يومين أكلت بطيخ ومن سمعت كلام أخوى شبارقه
حسيت ببطنى جقلبت :D

[ود المطامير]

شبارقه موسم البطيخ الضارب ضحكنا من ألأعماق
عليك الله تم جميلك وورينا موسم الهجره للشمال

[عزيز عيسى]

قالوا مليجي أكل النص التاني حق البطيخة!!

هههههههه
يا سلام عليك يا شبارقة والله ضحكت لمان دموعي جرن..
اللوم على عمو عبدالجليل.. ناول مليجي بطيخة مضروبة
وقال أحسن يخسر قريبو ولا يخسر بطيخو.
يا خي زيدنا من نوع الكتابات الجميلة دي.

[ابراهيم]

قالوا مليجي أكل النص التاني حق البطيخة!!

هو مليجي اشترى البطيخة بي كم؟:d
صعبها شديد

[شبارقة]

لكين يا شبارقه زولك مليجي ده
دني دناوه مبالغه

يا خوي دا زول الله ما زولي أنا!!

[عوض عثمان]

شبارقة الله يديك العافية
روعه واصل ونحن في الانتظار

[شبارقة]

شبارقة إنت أمبارح كنت حلمان بشنو يابا؟؟؟


الغريبة يا مدناوية لي فترة طويلة ما قاعد أحلم بالليل!!
بس بحلم بالسعادة وأنا صاحي !!

[شبارقة]

يامدناوية أظنه إتعشى تقيييييل
قول بسم الله....
ده أصلوا بطيخ ولا فسيخ

كلو عند العرب ليمون!

[شبارقة]

وعاطر الود للحاج ابو شوتال

وصلت التحايا لأبوشوتال ..
أدينا أجرة البريد!!

[شبارقة]

ناس يااكلوا بطيخ وناس يعملوا ططنيش

يا خوي والله ما عملنا (ططنيش) ..
حمد الله على السلامة والمملكة منورة ، وبركة ربنا الرد غربتك!

[شبارقة]

انا ما فاهمة والله



هو الفاهم حاجة منو الزمن دا يا أم أحمد؟؟!!

[شبارقة]

ابت نفسه الاان تاكل كل هذه البطيحه التى تعب من جلها وحلف ما يخلى فيها التكتحه

ولسان حاله يقول:
والله لآكلنّها نكاية في عمي، وما درى أنه يورد نفسه موارد الهلاك!

[شبارقة]

شبارقة يا اخوى الله اديك العافية

ويديك الف عافية!

[شبارقة]

شبارقه موسم البطيخ الضارب ضحكنا من ألأعماق
عليك الله تم جميلك وورينا موسم الهجره للشمال

يا خوي مالك داير الحيكومة تفصلني من المنتدى فصل نهائي لا عودة فيه!

[شبارقة]

وقال أحسن يخسر قريبو ولا يخسر بطيخو.


والحكاية طلعت بالخسارة مع مليجي، بس أهو فش المغصة في البطيخ!

[شبارقة]

هو مليجي اشترى البطيخة بي كم؟:d
صعبها شديد

ما هي دي المعضلة زاااااااااااااتا

[شبارقة]

شبارقة الله يديك العافية
روعه واصل ونحن في الانتظار


شكرا عمي عوض
يديك العافية

[عثمان جلالة]

حلووووو ه يا شبارقه ... يديك العافية ...

[ابوشوتال]

ازيكم قايتو مليجي الله اديهوا العافية لكن كشفت حالوا ؟ هو ما قال ليك داير لي بيزة عملت ليهو شنو .

[ابوشوتال]

ازيكم قايتو مليجي الله اديهوا العافية لكن كشفت حالوا ؟ هو ما قال ليك داير لي بيزة عملت ليهو شنو .

[شبارقة]

حلووووو ه يا شبارقه ... يديك العافية ...

تسلم يا عمي عثمان .......................

[شبارقة]

ازيكم قايتو مليجي الله اديهوا العافية لكن كشفت حالوا ؟ هو ما قال ليك داير لي بيزة عملت ليهو شنو .

ههههههههههههههههههههههههه
(بيتزا) ولاّ فيزا ؟؟؟؟