همس بصوت عالي

[مثني ودالعيكوره]

خدودها ورديه زاهيه يزينها إحمرار خجل وكبرياء إنكسار، ملامحها وضئه قسماتها

ساحره كساها الوقار كان يعشقها لدرجة انه يبخل بها علي نفسه, لكن يحب ان تكون بين ناظريه ليطمئن بوجودها،

كان يضع خده علي خدها ليمتع بملمسها القطيفي ورائحتها الذكيه ويحاول ان يخبئها حتي من اقرب أصدقائه و اقرانه

لا يحادثها الا همساً ويلاحظها بدواخله سراً ، وفجأه غفا الصغير ليجد تفاحته قد نهبها والتهمها الآخرون.

فهل المحروس مقروص ؟؟

مع عاكر مودتي.....

[تنقا24]

الله غالب والله يا ود العيكوره.

[عبدالله الشمراني]

ههههههههههههههههههههههه
احياناَ ... نجد من يسلبنا اشيائنا التي نحبها ولكننا نحبهم اكثر ..

[احمدمحمدصديق]

اها ياود العيكورة
الزول دا هسي كويس
يعني ماودو ليشيخ ولا حاجة
مسكين ابن ادم

[مثني ودالعيكوره]

اللله غالب والله يا ود العيكوره.

مشكور علي المرور يا تنقا24

وان شاء الله الغلبه تكون في صالحنا

[مثني ودالعيكوره]

ههههههههههههههههههههههه
احياناَ ... نجد من يسلبنا اشيائنا التي نحبها ولكننا نحبهم اكثر ..

اخي الشمراني.... عوافي عليك
ما عندنا غير الصبر.... ولسان حالنا بقول

ورجعنا تاني

لقينا الصبر المزروع اصلو عندنا

وشنو الفضل ما بقيت انا وباقي الحكايه المحزنه

يا ربنا العشنا من ظلم الهوي ما يعيشوا زولاً بعدنا

مشكور علي التحليق هنا

[مثني ودالعيكوره]

اها ياود العيكورة
الزول دا هسي كويس
يعني ماودو ليشيخ ولا حاجة
مسكين ابن ادم

سلامات ابوحميد

في حاجات (العزيمه) والشيوخ ما بداووها

وقالوا صاحبنا دا شافوهو بلقط في الفلل واكياس الحلاوه الفاضيه... والعهده علي الراوي

وصحيح ابن ادم مسكين وسكين