الورده المضيئه ضيفة الكرسي الساخن لهذا الاسبوع

[حلوه واموره]

السلام عليكم ورحمة الله

مرحبا اختي الورده المضيئه
سوف تجلسين على الكرسي الساخن في هذا الاسبوع
واتمنى ان يعدي هذا الاسبوع على خير
وكل عام وانتي بالف صحه وخير

بوجه اول سؤال ليك وهو
التعريف بالبطاقه الشخصيه

[aborawan]

شنو يا سوسو هربتي ولا شنو :D:D

[LighT^RosE]

السلام عليكم واسفه اتاخرت في الرد عليكم
بعدين يا محمد انا ما بطفش لاني وافقت على الكرسي
وحا ابدا الكرسي بسم الله الرحمن الرحيم واسال الله ان يوفقني في الاجابة على الاسئله واكون ضيفة خفيفة عليكم يلا نبدا البطاقة الشخصية

الاسم : سوسو ( معليش الحقيقي احب احتفظ بيه لنفسي ومن غير زعل وتاكدوا باني حااكون صادقة في الاجابة على الاسئله )
العمر : 1983م
العنوان : الخرطوم / بري ومقيمة بالمملكة العربية السعودية ( جدة )
الدراسة : كلية الطب السنة الثالثة ( رومانيا )

[aborawan]

الغالية والرائعة جداً سوسو في البداية احييك وانتى تجلسين على الكرسي وتاكدي تماماً انو مافي اى زعل وكونك ما تصرحي باسمك الحقيقي ده شئ راجع ليك وليك حرية القرار في الحاجة دي لو خفيتي خير ولو اعلنتي خير وبركة ولك تحياتي



طبعاً باعتبارك العضو رقم خمسة في الجلوس على الكرسي بقول ليك تذكري لينا خمسة اشياء اعجبتك فى المنتدى كمان تديني رايك بصراحة فى اعضاء المنتدى وفي المنتدى ككل
تحياتي مرة تانية

[امير عبدالباقي]

الاخت العزيزه سوسو
لك الف تحيه ؛اولا سوالي لك بسيط
بما انك اتربيتي في السعوديه وكان اعتمادك في الاكل وغسيل وكي الملابس علي الوالده يعني عمل البيت كيف تغلبتي علي هذه المشكله؟
كيف كان اختيارك للدراسه في رومانيا؟

[الجرح الغضوب]

أولاً : الفكرة رائعة ... وأنا قرأت البورد الكان مع الأخت (حلوة وامورة) وقررت المشاركة ... هنا ...

هاي سوسو

سؤالي هو :
هل درستي كل مراحلك الدراسية في المملكة ؟
لماذا اخترت الطب هل كانت رغبتك من البداية أن تقرأين الطب أم هي رغبة الأهل؟

وشكراً

[LighT^RosE]

طيب بالنسبة لسؤال محمد,, أول شي عجبني مي المنتدى الروح المرحه الموجده في كل عضو و تاني شي المواضيع كلها مفيدة و مسلية و ثالث شي إنو الناس تفقد بعضها إذا حد غاب الأغلبيه يسألو عنو و كدا يعني :) محمد هي لازم تكون خمسه؟؟ بصراحه المنتدى بصفه عامه رائع حقيقتآ
أما عن سؤا أمير أي نعم أنا بصراحه لمن جيت هنا الصعوبة الواجهتها بس في وضوع الطبيخ لكن هسا مشي الحال:)
طبعآ أن ختي الكبيره كانت إتربيت في السعوديةلكن الوالدة الله يخليها علمنتا كيف ندير أعمال المنزل وهنا فا والدتيي هي الشجعتني إني أدرس هنا

[LighT^RosE]

أما بالنسبة لسؤال الأخ الجرح الغضوب أيوا أنا درست كل مراحلي الدراسيه في المملكة و الله موضوع الطب دا ما كان رغبتي بس خالي و زوج خالتي حبذو لي الفكرة فا إستخرت و سبحان الله الله سهلا

[ابومرام]

الف هلا سوسو اسئلتي في المرات القادمة لكن عندي سؤال خفيف جداً

الخرطوم عاصمة الثقافة (2005) توقعاتك ما بين الوضع للعاصمة الجديد وهي عاصمة للثقافة وبين الاقامة في جدة كوطن ثاني وهل لكي الفكرة في الاستقرار في الوطن الاول بعد الافكار الجديدة واكيد حاتكون هنالك طفرة جديدة

[LighT^RosE]

اولا اخوي ابومرام مشكور على سؤالك وبالنسبة لانو الخرطوم عصامة للثقافة 2005 فهذا شئ جميل ويسعدني جدا ذلك وليس لي ادنى شك في انو الخرطوم حاتكون بلد جميلة كونها اختيرت عاصمة للثقافة اما بالنسبة للشق الثاني للسؤال فمن منا لا يحب ان يستقر في بلده كلنا تواقون للاستقرار بين حنايا بلدنا والمشى على ترابه

[أبوريلان]

الأخت الورده المضيئه

كل سنة وأنتى بألف خير

رمضان كريم عليك وإنشاءالله من عواده ، صائمه فى جده ولا فى رومانيا

أولا أحى فيك روح الصراحة وأتمنى أن يكون الكرسى بردا وسلاما عليك فى الشهر المبارك .

الأخت سوسو

ماهو الموقف المحرج الذى مر بك وأنتى بالمملكة العربية السعودية بجدة ، والموقف المحرج المر بك وأنتى فى رومانيا ؟ وشكرا

[schizo]

كيف الحال يا احلى وردة
بصراحة انا سعيدة بكونك صاحبة الكرسي الساخن للاسبوع دا
وسؤالي الاول ليك:
انتي في رومانيا هناك عندك معارف ولا قاعدة براك؟
تانيا:
اجمل مرحلة مريتي بيها في عمرك؟ وليه؟
تالتا:
انا كنت ناوية ادرس طب لكن سامعة كل اهلي القرو طب قبل كده بيقول لي انو صعب وما بيتقري....خاصة بالنسبة لمناهج السعودية البتحسي انها ولا شي بالنسبة لمناهج السودان القوية

فبصفتك بت وبيهمني رايك طبعا....هل صحيح انو الطب صعب.....وياريت تكون اجابتك دقيقة لانو حا ابني بيها رايي واكون بيها قراري

معليش لاني طولت عليك:)

وباقي الاسئلة بخليك لمن تاخدي نفس شوية:D

دمتي بخير يا غالية

[بابكر]

الاخت سوسو ماهو شعورك وانت اول مره الانوطمى وامامك الجثه :D

[LighT^RosE]

مرحب بيك يا ابوريلان و كل عام و إنت بخير والله للأسف أنا صايمة في رومانيا موقف محرج في السعودية مره كنا في الكورنيش فكنت بلعب في أختي الصغيرة فيقيت ألعب أنا زاتي في المرجيحه بعدين إتقطعت المرحيه و كا في شباب واري و قعدوا يضحكوا مع إنو أنا ما وقعت :(
والموقف الفي رومانيا مره كنت ماشه في الشارع و جاء كلب جمبي و انا بترعب من الكلاب ف سيد جاء زحاهو مني قمت نا قولت ماممكن ة ليموا كلابكم عليكم قام الراجل قال لي آسف يا أختي طبعآ أنا كنت فاكراهو روماني:confused:

[LighT^RosE]

العزيزة شيزو أنا كمان مبصوته إني معاكم :)
انا ماعندي حد من معارفي هنا بس في سودانين و إحنا كلنا أخوان.
أجمل مرحله للثانوية أكيد أي حد بقول مرحلة الجامعه ما في أجمل كلام صاح لكن طالما في غربة بكون فاقد حاجات كتيرة لكن الثانوية قمت المتعه لأنو صديقاتي في المرحله الثانوية ما بتعوضوا صراحة.
شوفي أكيد الطب صعب دي مافيهاكلام و بصراحه أنا ما بأيد أي بت تدرس طب لأنو مشوارو طويل جدآ و قرايتو ما بتخلص لكن إنتي لو عندك رغبة قوية إستخيري و بعد داك وكلي أمرك لله و موفقه يا ستي و لو قررتي تدرسي طب عليك الله تعالي رومانيا;)

[LighT^RosE]

أهلن بيك يا أخ بابكر صراحة أول مرة في حصة الشريح كنت خايفة شديد وما كنت عايزة أدخل لكن صحبتي شجعتني ولمن دخلنا كان المنظر مقرف أكتر من ماهومخيف و البضايق أكتر مادة الفةرمالين(للمادةالحافظة) .

[أبوريلان]

شكرا يا ورده على ردك المتورد

وسؤالى ليك بعد أن دخلتى المشرحة وخرجتى وكانت المواعيد مواعيد وجبة غذاء فهل تأكلين وجبتك فى كافتيريا المستشفى بكل شراهه ؟؟؟؟؟:D :D

مع شكرى ليك يا رائعه

[aborawan]

الغالية سوسو لك تحياتي وبما انك من اللاتي يرتدين الحجاب عايز اعرف شعورك داخل مجتمع الجامعة وانتى ترتدين الحجاب وماهي النصيحة التى توجيها لاخواتك الغير متحجبات بخصوص الحجاب ولك كل ودي وتقديري لشخصك

[زيكو منيب]

بسم الله الرحمن الرحيم

بحيي light rose

و بسالك ليه حبيتي تمشي تقري في رومانيا وو ما قريتي في السودان هل الطب هناك احسن و اسهل ولا بس حبيتي تمشي بلد من بلاد الغرب

و زي ما قلتي راي خالك و زوج خالك ليه ما دخلتي رغبتك انتي وبعد ما دخلتي الطب هل واجهتي صعوبات ؟

[LighT^RosE]

تسلم يا ابوريلان و بالنسبه لسؤالك لا طبعا هو يوما كان في حد ليهو نفس للاكل ...:(


ام لسؤالك يامحمد صراحه في البداية كانو عاملين ازعاج كتير و إتعرضت لمشاكل بسبب إني محجبه لكن و لله الحمد دا كلو ماكان فارق معاي و ما زادني إلا إصرار أكتر.... و صراحة بنصح كل بنت إنها تلحق نفسها و تتحجب و الله يا عزيزاتي راحة البال ما حسيت بيها إلا من بعد الحجاب و أحب أضيف نقطة أنا يا جماعة بديت الحجاب هنا في رومانيا مش الواحد يفتكر إنو الغربه حريه و يعمل العايزو لكن و الله مافي احسن من إنوالإنسان يخاف ربو وين ماكان معليش يا جماعة عملتها اليوم محاضره.........:D:D


أما بالنسبه سؤال الأخ زيكو أنا ذكرت في البدايه إنو الوالده هي الكانت عايزاني اجي لأنو أختي الكبيره كانت هنا و طبعآ انا كان نفسي ادرس في السودان بس اهلي فضلوا ني اكون مع أختي,, و طبعآ يا خ زيكو ما في زول بكون حابي يتغرب عن اهلو وبلدو بس قسم زي ما بقولوا :)
و أنا قلت إنو الفكره كانت من خالي و زوج خالتي لكن ما في حد جبرني أنا فكرت وقررت و أنا كانت رغبتي معامل طبية لكن علشان المعامل هنا في رومانيا باللغه الرومانية و أناطبعآ بدرس بالإنجليزي..

[أبوريلان]

الأخت الورده

مع بداية العشرة الأواخر فى رمضان ربنا يتقل منكى صالح الأعمال

أكيد يادكتوره الطب دراسة ما ساهلة ربنا يكمل ليك بكل تفوق وتتخرجى ونفرح بيك وينور منتدانا كونو وسطنا دكتوره مثلك .

سؤالى ليك معليش كترنا عليك - إستحملينا قربتى للأسبوع .

بعد تتخصصى وتفتحى ليك عيادة ، قولى يارب ، هل بتكونى جشعه زى الأطباء الفاتحين عيادات خاصة وبكون مبلغ الكشف كما هو متبع فى العيادات الخاصة ولا بكون ليك طريقة أخرى فى التعامل مع المرضى وزوى الحاجات الخاصة ، وهل بتقدمى مساعدات لشخص أتى لعيادتك وليس معه حق الكشف هل تقومين بعلاجه أم ترفضين كما يعمل عامة الأطباء ولماذا ؟

[الجرح الغضوب]

هل حدث أن نصحك أحد بقطع دراستك للطب ... بحجة أنه لم يعد الطبيب كالسابق .... يعني بالبلدي كدا ... في زول قال ليك خلى قراية الطب دي ... لأن الدكاترة بقوا أكثر من المرضى ؟

[LighT^RosE]

لك التحية ياأبوريلان و ربنا يتقبل مننا و منكم صالح الأعمال و بعدين أنا هنا علشان أجاوب على أسئلتكم:)
طبعآ إذا ربنا وفقني فتحت عيادة دي حخليها للزمن و ربنا يقدرنا و أقدر أعمل الفي مرادي:)

[LighT^RosE]

مرحب بي الأخ الجرح الغضوب و الرد على سؤالك صراحة لاقيت أشخاص وقالوا لي أغير من الطب لكن طالما أنا الإخترت ما حغير إختياري

[admin]

الوردة المضئية مرحبا بك في الكرسي الساخن وهاك السؤالين ديل:
1- هل انتي من انصار وجوب عمل المراة ؟ يعني بعد ما تتخرجي كدا وتبقي دكتورة اد الدنيا وتتزوجي بابن الحلال وتجبي الذرية الصالحة ان شاءالله حا تربيهم وتتفرغي ليهم ولزوجك طبعا ؟ولا حا تتفرغي لمرضاك؟ علما بان الجمع بين الاثنين يعني وجود طرف اخر يقوم برعاية الابناء غير الزوج.
2- سفر البنت واغترابها لوحدها مقلق شديد لاسرتك بالتاكيد ومخيف .. اسباب القلق والخوف عليك كثيرة .. كيف كان تعاملك مع هذه المخاوف؟ وبماذا تنصحي البنات الاخريات للتغلب على هذه الاسباب والمخاوف؟ وهل انتي خايفة الان؟

[LighT^RosE]

مرحب بيك يا admin
بالنسبة لعمل المراة هو ما مسألة مفروضه لكن أحبذ المرأة العاملة و كيد المرأة وطيفة الأساسية في بيت زوجها و أنا أي مرأة أهملت زوجها و أولادا و بيتا علشان مجال عمل بالنسبة أنا شخصيآ إذا وفقني أكيد حشتغل لأنو ما في حد بدرس طب علشان يقعد في البيت مع إحترامي لجميعالمجالات لكن طريقو طويل و حرام بعد المشوار داكلو تكون النهاية إني شلت شهادة و علقتها و أنا بدعو ربنا إني في المستقبل أقدر أفق بين وظيفتي الأساسيه اللي هي في بيتي و بين الوطيفة الثانية و أكيد أنا ما بأيد فكرة إنو حد غير يقوم بتربيت الطفال مهما كان ....
أما عن موضوع القلق و الخوف المسألة دي قلت نوعآ ما يعني ما زي أول سنه و أنا بحاول إني على طول أطمئن أهلي بإتصال بمسجات لكن أكيد قلب الأم ا بطمئن إلا أكون جمبها:)
و بنصح أي بنت سواء في غربة أو لا إنها في البدايه تخلي إيمانها بربها كبير يعني أنا مقتنعة الرايدو لي حيحصل سواء مع أو بدون أهلي حيحصل و إنهاا فرط في صلاتا و الله الحاجة الوحيدة البتخفف على الإنسان عذابلاالغربة التواصلنع ربه (ألا بذكر الله تطمئن القلوب)
طبعآ ةالحمدلله هسا افي أي خوف المسألة شوق للأهل..

[admin]

شكرا علي ردك الجميل وربنا يوفقك ويحفظك في غربتك وترجعي لاهلك سالمة غانمة

[LighT^RosE]

taslm ya admin o allahoma ameeeeeeeeeeeeen:) shno ya jama3a ts2lo wala najaweb 6awali:P:P

[aborawan]

لاعليك الله النبي كان تجاوبي












طيب بما انك عايزة تجاوبي عايز منك تختاري لينا 5 من الاعضاء و 3 من العضوات وتكتبي لينا قصاد كل عضو تعليق مناسب على شخصيته على حسب احساسك وحسب الانتي متوقعاه للعضو سواء بتعرفيه او ما بتعرفيه

كمان عايزك توصفي لي شعورك خلال الاسبوع القعدتي فيه ده وهل كنتي خايفه من انو تجيك اسئله محرجه وهل كنتي خايفه من اسئله اشخاص معينين



كمان عايز اعرف مدى الاستفادة الاستفدتيها من المنتدى خلال تواجدك في الايام القليلة الفاتو ديل وهل كونتي علاقات من المنتدى

[حنيني اليك]

السلام عليكم

الاخت العزيزه LighT^RosE

لو اتاحت ليك الفرصه انك ترجعي بالعمر للخلف

وتغيري فتره زمنيه في عمرك انتي ما كنتي راضيه عنها

تختاري اي مرحله وليه؟

تحياتي

[LighT^RosE]

أبوروان:النصف الآخر;)
admin:شخصية مرحه
أميرعبدالباقي:شخصيه ظريفة بس شوية رسمي
أبوريلان:عضو نشيط
زيكو منيب: مواضيعو حلوه
أما عن العضوات
cshizo: شخصية حبوبه
حلوه و اموره:إنسانه هادئه
ruby: إنسانه بريئة
والله أعلم:)
شعوري خلال الإسبوع دا إني فعلآ كنت مستمتعة والله حبت إنو المدة تطول أكتر و صراحه في البداية كنت مترددة و الحاجة الكنت خايفة منها إنو حد من الأعضاء يزعل إني ما صرحت بإسمي الحقيقي لكن بشكر الجميع على التفهم و ما كان في حد معين كنت خايفة من أسئلتو:)
طبعآ أكيد إستفدت بي معلومات عامة بي نصائح يعني صراحة المواضيع جد مفيدة وبشكر كل عضو أو عضوه على المواضيع و ربنا يديكم العافيه..
طبعآ كونت علاقات من المنتدى و الخير و البركة في الأخ العزيز أبوروان إنت طبعآ الكلمتني عن المنتدى و قولت لي سجيلي فيهو فليك كل الشكر يا غالي

[LighT^RosE]

لك التحية يا حنيني ليك بالمناسبة سؤالك حلو جدآ و ردي إني حختار يوم ما قررت أجي رومانيا الغربة مؤلمه و الواحد بس ي السنين دي إكتفى منها و لسهالباقي أكتر و ما خفي كان أعظم...............لكن الواحد في الأول و الأخير الحمدلله(و عسى أن تكرهو شيئأ و هو خيرلكم)

[waheeb]

الاخت العزيزه LighT^RosE

السلام عليكم,,,,
تحيه لك و انت في الغربه تتمسكين بتك القيم النبيله.
سؤالي ليك لو طلب منك العوده للسودان والدراسه في جامعه هنا هل توافقين؟
ورمضان كريم..........

[LighT^RosE]

مرحب بيك يا أخ waheeb
بكل سرور أنا أصلآ أمنيتي من البداية أنا أدرس في بلدي و وسط أهلي لكن ما حصل لي النصيب لكن إلا الآن في بصيص أمل إنو أكمل في السودان و ربنا يسهلا من عندو..

[بابكر]

الاخت الكريمه الورده اذا وجدت فارس احلامك وقال ليك بلاش الطب ما رأ يك وماردك ؟؟؟؟؟

[LighT^RosE]

والله يا أخ بابكر هو أصلآ لو فارس أحلامي ما بطلب مني طلب زي دا لأنو امفروض إنو عايز مصلحتي و يشجعني إني أكمل طريقي

[ابراهيم]

الأخت LighT^RosE بعد التحية والتقدير

في اتهام بقول انو بناتنا السودانيات مفتريات ومستهترات وأغلبية المغتربين اغتربوا بسبب الشواكيش غير المغتربين الفضلو في اغترابهم بعد اوراقهم وصلتهم في مكانهم ...


سؤالي ليك .....


هل الاتهام دا صحيح؟


يا ريت تكون الاجابة بحيادية

[LighT^RosE]

loooooooooolz enta jade fe so2lk da ya ebrahim???? awlan eza ana moftrya y3ni m3gola 7agool 3ala nfse keda b3den wlalahi ana min ma 6l3ta 3ala wesh aldonya leget nfse fe `3orba y3ni 7akon ana msalan etshokashta min b6n omi :P da kalam ma mn6egee eeeh elli dakhal ale`3terab fe alshawakeesh y3ni ana lw 7abet li wa7ed o ma 7asl naseeb 7aseeb leho albld la 6b3aaaaaan ..

[LighT^RosE]

انشاء الله اكون وفيت وكفيت واني كنت ضيفه خفيفه عليك وسعدت جدا باسئلتكم والاجابه عليها وتقبلو تحياتي

[ابراهيم]

شكراً على التعقيب يا LighT^RosE


ههههههههههههههه بس إنتي فهمتيني غلط ، انا ما قصدتك انتي بالذات يعني كلامي كان على عمومي يعني أنا بس كنت عايز وجهة نظرك في الاتهام الموجه للبنات الموجودين في السودان ، أما الافترا والاستهتار برضو مجرد اتهام لبناتنا وأنا شخصياً ما مأيدو ، وبعدين علاقة الشواكيش والاغتراب علاقة قوية جداً جداً ودا موضوع عايز ليه بوست لحالو، اها رايك شنو الاتهام دا صحيح ولا ما صحييييييييييييييييح؟؟؟؟؟ LighT^RosE

ليك تحياتي وتقديري

[abubaker karar]

ما هو شعورك بأنك تتزوجين من رجل لم يكن في مخيلتك أبدا وهو يدخل عليك لأول مرة وتفاجأت بانه قبيح المنظر

[ابوالنور]

سلام سوسو وانشاء الله كويسه جدا وما في اي عوجه واها لبستي النظارات ولا لسه