abu_ola احكي لينا...!!

[بورتبيل]

الاخ الجميل الاستاذ / عبد الله عبد الرحمن abu_ola
اولاً تحياتي .. وسلامي واشواقي
وثانياً لما لمسته فيك من روح شفافة وصادقة ورح اولاد البلد - لذا قررت ان يكون هذا البوست بعيداً عن الرسميات بعيداً عن التلميع والمكياج والمظاهر الكاذبة .. ولي طلب بسيط جداً وهو ان تحكي لنا فيه عن حلتكم وحال اهلنا الطيبين هنا ويعنى تورينا شوية عن نفسك مع التصوير الجميل الذي تنفرد به يا حبيبنا.
ويلا قولو بسم الله الرحمن الرحيم

[نزار حسن محمد]

هوووى يابورتبيل ابوعلاه ده مولود وعايش فى المنشيه ..امشى شوف لك شغله ساكت

[صلاح ودالطاهر]

الاخ الجميل الاستاذ / عبد الله عبد الرحمن abu_ola
اولاً تحياتي .. وسلامي واشواقي
وثانياً لما لمسته فيك من روح شفافة وصادقة ورح اولاد البلد - لذا قررت ان يكون هذا البوست بعيداً عن الرسميات بعيداً عن التلميع والمكياج والمظاهر الكاذبة .. ولي طلب بسيط جداً وهو ان تحكي لنا فيه عن حلتكم وحال اهلنا الطيبين هنا ويعنى تورينا شوية عن نفسك مع التصوير الجميل الذي تنفرد به يا حبيبنا.
ويلا قولو بسم الله الرحمن الرحيم

برتبيل ياخي انت دائما جميل بجيب ليك حاجات كده من بيت الكلاوي الله يديك العافيه عليك الله بعد ابوعُلا ختلينا ودالمطامير عشان يحكي لينا عن هذه الحله الجميله الشرفه بركات وبعده جمال ودالماحي وياريت تحكي لينا انت عن الكنار وهلم جره

[عثمان جلالة]

والله فكرة جميله يا بورتبيل ... نعتبرها كده جلسه فوق حواشات ولا سهلة حلة ناس أبو علا ... وانا بدخل جوه النفاج سريع أجيب ليك تيرمس حق شاي وجبنه بى عدتها وعتادها .. والنسمع نضمي الجنا أبو علا .... انتظروني بجيكم أسي

[abu_ola]

حبابي الحلوين اهلا جوني

انا ما قائل حلوين زي ديل بريدوني

الحبان

بورتبيل

ود الطاهر

ود حسن

عثمان جلالة

و باقي ناس الفريق كلكم

سلام اردام اردام زي القطن في مارنجان

عاد ما دام خسوتوني بالنبي و بورتبيل خت لينا بسم الله في وشنا عاد تاني يا الحلوين نضفوا اضنينكم ساهي و في رواية اخري بلوا صرتكم و تعالوا النحكي ليكم ساهي الحلة و عوم البحر .... و شدر النيم ... و شرك الطير .... و مشاوير العصاري .... المدرسة و السوق ... مشروع السيد و الجناين بالعصر .... بيان الشيخ الطيب .... زكريات الخريف و عربات السلك ، السيجة و البلي و باقي ألعاب أولمبيات نصت نهار ،، رحلات الصيد السمر و لعب الليل الدافوري قدام الحلة و لمة البنات العصرية في البحر مشاوير الغزل ذكريات الطاحونة و عييييييييييييييييييك يا بورتو اخوي بالطريقة دي بتخلينا نرجع لاحلي ايام العمر و البوست دا إلا تجيبو ليهو مترجم و اخوانا الحناكيش و المدلعين و انصاف البتاعين قطع شك بطشو شبة من اولها

كدي عاد خليني النلبس العراقي و السروال الطويل و الصديري و اشنق طاقيتي و اجيكم

[ابوشوتال]

اولا سلام عليكم

انا جيت راسي دايش ما عارف الحاصل شنو

لكن ما دام فيها حلة وشرك وبلي معاكم

وادونا المفيد - واقعدوا عافية

[بورتبيل]

هوووى يابورتبيل ابوعلاه ده مولود وعايش فى المنشيه ..امشى شوف لك شغله ساكت
ابو الرجال ولله براك تخرب تب .. ولله انا بريدك في الله ساااااي ودائما بلقاك زول حارة تب
التلفون الجاي عليا يا حبيبنا .. ( مرقت Cheeeeeet)
ابو علا منو القال ليك بتاع منشية - منشية دي يكون فاكرها عصير ولا اكله
مع الاعتذار للحبيب ابو علا الجميل


برتبيل ياخي انت دائما جميل بجيب ليك حاجات كده من بيت الكلاوي الله يديك العافيه عليك الله بعد ابوعُلا ختلينا ودالمطامير عشان يحكي لينا عن هذه الحله الجميله الشرفه بركات وبعده جمال ودالماحي وياريت تحكي لينا انت عن الكنار وهلم جره
كلهم برصهم ليك بالدور يا الحبيب وحبيبك كشة الدولي ( المكاشفي) برضو بتاع تشرك طير وسمك وبتاع سرحة ساااي.

والله فكرة جميله يا بورتبيل ... نعتبرها كده جلسه فوق حواشات ولا سهلة حلة ناس أبو علا ... وانا بدخل جوه النفاج سريع أجيب ليك تيرمس حق شاي وجبنه بى عدتها وعتادها .. والنسمع نضمي الجنا أبو علا .... انتظروني بجيكم أسي
الرهيف الانيق عثمانو جاييك وجاي معاي كلو الجميل كدي بس شوف الزول الجميل دا بذكرك شنو في حكاويه القديمة .. وبرجع ليك


اولا سلام عليكم

انا جيت راسي دايش ما عارف الحاصل شنو

لكن ما دام فيها حلة وشرك وبلي معاكم

وادونا المفيد - واقعدوا عافية
ابو شوتال - منو القال ليك راسك دايش
راسك عديل بس انتا بتسمع كلام زولك شبارقة
العامل فيها حنكوش ما بعرف الكلام دا

جوالنا فاتح يا ابو شوتال
لك الود

[بورتبيل]

حبابي الحلوين اهلا جوني

انا ما قائل حلوين زي ديل بريدوني

الحبان

بورتبيل

ود الطاهر

ود حسن

عثمان جلالة

و باقي ناس الفريق كلكم

سلام اردام اردام زي القطن في مارنجان

عاد ما دام خسوتوني بالنبي و بورتبيل خت لينا بسم الله في وشنا عاد تاني يا الحلوين نضفوا اضنينكم ساهي و في رواية اخري بلوا صرتكم و تعالوا النحكي ليكم ساهي الحلة و عوم البحر .... و شدر النيم ... و شرك الطير .... و مشاوير العصاري .... المدرسة و السوق ... مشروع السيد و الجناين بالعصر .... بيان الشيخ الطيب .... زكريات الخريف و عربات السلك ، السيجة و البلي و باقي ألعاب أولمبيات نصت نهار ،، رحلات الصيد السمر و لعب الليل الدافوري قدام الحلة و لمة البنات العصرية في البحر مشاوير الغزل ذكريات الطاحونة و عييييييييييييييييييك يا بورتو اخوي بالطريقة دي بتخلينا نرجع لاحلي ايام العمر و البوست دا إلا تجيبو ليهو مترجم و اخوانا الحناكيش و المدلعين و انصاف البتاعين قطع شك بطشو شبة من اولها

كدي عاد خليني النلبس العراقي و السروال الطويل و الصديري و اشنق طاقيتي و اجيكم

الطاشي شبكة حانعمل ليهم قاموس بتاع فرتقة معاني وكدا
القاموس حايكون من اعداد نزار ود حسن
والعايز يشارك في القاموس الباب مفتوح
بس انتا كمان ما تصعبها شديد كدا يعني خليها قريبة كدا

ود المطامير كلامنا دا ما عاجبو ................!!!!

[ابراهيم]

ابو علا شاعر وفنان
والمفردة حقتو دافية واصيلة
واي حرف يكتبه بنستفيد منه بطريقة مباشرة وغير مباشرة
وهذا الرجل يكتب شعر البادية ويحفظ منه الكثير
كما هناك ملامح صوفية في كتاباته
واشياء اخري كثيرة وجميلة نحسها في شخصية هذا الرجل الجميل


بورتبيل والله يا سلام عليك ياخ

[بورتبيل]

ابو علا شاعر وفنان
والمفردة حقتو دافية واصيلة
واي حرف يكتبه بنستفيد منه بطريقة مباشرة وغير مباشرة
وهذا الرجل يكتب شعر البادية ويحفظ منه الكثير
كما هناك ملامح صوفية في كتاباته
واشياء اخري كثيرة وجميلة نحسها في شخصية هذا الرجل الجميل


بورتبيل والله يا سلام عليك ياخ
تعرف يا ابراهيم انا اخترتا ابو عُلا ليه ..!!
لانو كتاباتو جميلة بالجد والراجل بستعمل المفردة البسيطة ذات المعنى الاوضح والاشمل بعيدين في وصف القرية ونقل تفاصيل الحياة هناك مااظن في واحد يقدر يصور ليكم الحلة بحالها كلو احسن من ابو عُلا.
انتو انتظروهو بس وشوفوا الكلام دا..!!

[abu_ola]

هوووى يابورتبيل ابوعلاه ده مولود وعايش فى المنشيه ..امشى شوف لك شغله ساكت



نزار مالك يا اخوي بتدعيني بالمرض الكعب :confused::confused:

المنشية دي خليناها لي ناس هناي و ناس ياااي

صحي انا من مواليد المستشفي بس الكلام في التربية

بورتبيل دا يا اخوي بعرف ناسو تب

خلي يكورك يقول من لي يجي لي

هسي على الحليفة تشوف رجالاً يسدو عين الشمس

قال همبيرغر قال :D:D

[abu_ola]

ابو علا شاعر وفنان
والمفردة حقتو دافية واصيلة
واي حرف يكتبه بنستفيد منه بطريقة مباشرة وغير مباشرة
وهذا الرجل يكتب شعر البادية ويحفظ منه الكثير
كما هناك ملامح صوفية في كتاباته
واشياء اخري كثيرة وجميلة نحسها في شخصية هذا الرجل الجميل


بورتبيل والله يا سلام عليك ياخ


تعرف يا ابراهيم انا اخترتا ابو عُلا ليه ..!!
لانو كتاباتو جميلة بالجد والراجل بستعمل المفردة البسيطة ذات المعنى الاوضح والاشمل بعيدين في وصف القرية ونقل تفاصيل الحياة هناك مااظن في واحد يقدر يصور ليكم الحلة بحالها كلو احسن من ابو عُلا.
انتو انتظروهو بس وشوفوا الكلام دا..!!



إبراهيم و مدثر

عاد يا أولاد امي يجاملوكم في السمح و الزين
و نردهم ليكم في طهور الوليدات :D:D

بركة الله

العافية غتاكم

الضحكة فطوركم و غداكم

و الجنة ماواكم

بركة من جعل محمد نبي
يديم عليكم المحبة و الإلفة
و يجمعنا كدي زينة صلاة الني
ان شاء الله في أنابوليس الجاي

[ابوالنور]

كدي عاد خليني النلبس العراقي و السروال الطويل و الصديري و اشنق طاقيتي و اجيكم


اها يا اخوي هاك دي http://www.wadmadani.com/vb/image.php?u=3233&dateline=1199015162

كان كدي ح نبقي اتنيني والتلات اذا شال لينا وش الكرتون ده ورجع لينا تاني
ود المطامير ابقي ح نكون تلاتة
ولا كيف يا ابو علا بالتنقليذي

[معروف الجزولي]

الاخ الجميل الاستاذ / عبد الله عبد الرحمن abu_ola
اولاً تحياتي .. وسلامي واشواقي
وثانياً لما لمسته فيك من روح شفافة وصادقة ورح اولاد البلد - لذا قررت ان يكون هذا البوست بعيداً عن الرسميات بعيداً عن التلميع والمكياج والمظاهر الكاذبة .. ولي طلب بسيط جداً وهو ان تحكي لنا فيه عن حلتكم وحال اهلنا الطيبين هنا ويعنى تورينا شوية عن نفسك مع التصوير الجميل الذي تنفرد به يا حبيبنا.
ويلا قولو بسم الله الرحمن الرحيم
pfdحبيبنا برتبيل وحبيبنا ابو ولاء منتظرين تصوراتكم الصادقه الشفافه-- عشان الواحد اعيش معاكم الجو من البعد صدقني برتبيل في هذه اللحظه عاد بي الحنين الي البلد والزكريات والماضي وشكرا علي لمسك وتر الزكريات[/SIZE][/COLOR][/QUOTE]

[ابوالنور]

يا ابوعلا بالتنقليذي
بيتك
كل الجمال فيهو
مافيهو ذره وحوش
كلمة سلام ليهو
باب دخول توووش
ترعاك كم فيهو
سحر العيون ورموش
ويا ابوعلا لطفك بى
أنا أصلى زول مهبوش
صادق لطيف مخلص
يألف أليف مو شوش
ضحاك وناس جد
هادئ وظريف وبشوش
يا ابوعلا قول سلام
بتدخل هسع توووش
يا ابوعلا قول سلام
بتدخل هسع تووووش

[abu_ola]

اها يا اخوي هاك دي http://www.wadmadani.com/vb/image.php?u=3233&dateline=1199015162

كان كدي ح نبقي اتنيني والتلات اذا شال لينا وش الكرتون ده ورجع لينا تاني
ود المطامير ابقي ح نكون تلاتة
ولا كيف يا ابو علا بالتنقليذي


أبو النور ضوء القبيلة

طاقيتك العاملة زي ابريق الفكي حق الفضة دي و في رواية اخري زي برج الفاتح حق الغزافي انا قدر ما فتشت السوق دا طبيلة طبيلة ما ليقت زيها عاجباني بالحيل وداير لي فيها شدة كان مافي مضايقة عليك

تعرف صاحبك دا من ما باعوا الجزيرة حمامو طار و ابا ما يرك في البُرج غايتو الله يهدى سرو و يرجعوا لينا زي أول

[abu_ola]

صباحكم خير يا أهل الخير

الليلة جاييكم من الصباح و نفسي مفتوحة و الإبتسامة شبرين قلنا نبني ساس الحكاوي و بعدين على بركة الله نفصل على كيف كيفنا و من هسي اي زول عندو سعال او استفسار يرفع يديو ساااكت ...

مدخل اول

أول التبادي انا من قرية المُنجرة بضم الميم و كانت تنطق قديما بفتح الميم أي المنجرة و هي مكان لصناعة المراكب و السفن الصغيرة و يقال ان بالمنطقة كانت غابات من شجر الصنط و هي منطقة مرتفعة نوعا ما تقع مباشرة على ضفة النيل الأبيض الشرقية يفصل بينها و بين النيل عدة أمتار لا تتجاوز الخمسين مترا اول من سكن المنطقة جدنا ود عطية و كانت تعرف منجرة ودعطية و بي قدرة قادر استوطن الناس حوله و تم إضافة الف و لام في بداية الاسم مواكباً مع التطور السكاني بالمنطقة و كذلك تم ضم الحرف الثالث و اصبحت تعرف بالمُنجرة بس الحمد لله ما ضموها لي قرية تاني و عملوا مننا نازحين .

المنجرة تبعد عن الخرطوم 120 كيلو متر جنوبا و ترتبط بطريق الخرطوم كوستي تابعة لولاية النيل الأبيض بعد التقسم الإداري الجديد يحدها من الغرب النيل الابيض و من الشمال ترعة فاضل المحازية لقرية ود شلعي و من الجنوب النباري .. النباري و هي جمع شادف و هي عبارة عن قطة زراعية مجاورة للنيل تتم سقايتها باستخدام الساقية او الشادوف قديما حتى تحسن الحال و تم ادخال الطلمبات و البوابير الألمانية و من الشرق مشروع السيد و دا مشروع اهلي عملو السيد عبد الرحمن المهدي جد السيد الصادق المهدي و بعض البلدات المطرية الأهلها حلفو ما يدخلوها في أرض المشروع

تم تاسيس القرية بعد سنة حفروا البحر بكم شهر و يعود تاريخها الى منتصف القرن الثامن عشر حسب رواية حبوبة بتول و بها مناطق اثرية مثل تقار حجازو نيمات الحمري ديل قالو حسب رواية المهتمين بالآثار في القرية انو الأمام محمد أحمد المهدي درس القرآن في ضل النيمة عشان كدي لي يوم الليلة النيمة مخضرة و ضلها باااااااارد

يعمل غالبية اهلها بالتجارة و الزراعة في المشروع او الشواديف يوجد بها ميناء مصغر لصيد الاسماك تجتمع فيه مراكب الصيد و ناس الحلة بسموه (مينا السمك بدون همزة ) و يتم نقل الاسماك منه الى الخرطوم مباشرة عن طريق اللواري حيث يستخدم التلج في تبريد و حفظ الأسماك و ذلك قبل دخول البرادات السودان و هذا ما يوفر التلج للأهالي في رمضان قبل اكتشاف الثلاجات و خطوط الكهرباء .

تعرضت القرية لنكبة كبرى في الفترة من 1933 - 1937 فقد غمرت المياه جزء كبير من مباني القرية بعد انشاء خزان جبل الأولياء بس الحمد لله ما رحلونا زي اخونا ناس حلفا و الفايدة الوحيدة الجنيناه من الخزان انو غرق بعض بيوت الحلة و نحن لمن نمشي ( حلة ورا ) و المقصود البيوت القديمة التي تاثرت بالفيضان بنلقي الخرز و الودع و شوية ملالييم من زمن الملك فاروق و مرات مرات الواحد منا بلقي ليهو فردة حلق و لا فدوة ( بكسر الفاء ) و المحظوظ فينا بلقي ليهو برمة مليانة ودع و لا بد و حتماَ ان تصب اللبن في البرمة قبل ما تطلعها من الواطة حسب الاسطورة المتداولة في تلك الفترة عشان الودع ينقلب دهب و عملاً بهذه الاسطورة عندنا اتنين من شباب الحلة درسوا أثار و لي يوم الليلة قاعدين يحفروا في البيوت القديمة وراء الحلة و كل ما يلقوا ليهم بُرمة ودع يكشحوا ليك فيها رطلين تلاتة لبن عليك أمان الله كان اللبن يجيهم مبزبز من تحت علماً بأن عملية التنقيب عن الذهب و الأهتمام به ورثة من بعض اجدادنا الذين توارثو مهنة صياغة الذهب لذلك معظم شباب الحلة شغالين صياغ في عمارة الدهب بالسوق العربي الخرطوم و سعد قشرة و سوق ام درمان عشان كدي عوضية عز الدين غنت فينا و قالت سنة يا ولد ناس تبيدي اهل الدهب و في راوية اخري المادح حاج الماحي قال في مدحتو البوصف فيهو جملو الداير يمشي بيهو الحج ( رهاف اناضو ختماً دق ود تبيد ) و المعني أن لهذا الجمل اذنيين دقيقتين كالختم التي يصنعها ود تبيد و المقصود ود تبيدي و لكن للضرورة الشعرية الياء الاخيرة راحت شمار في مرقة و للأمانة تبيدي دا من قرية ود شلعي و ناس ود شعلي و المنجرة أولاد عم و جدنا واحد منذ أن خلق الله الأرض و من عليها و القريتين عبارة عن قرية واحدة كبيرة و ما يفصل بين القريتين سوي ترعة فاضل السالفة الذكر


المدخل الفوق دا يا حلوين كان للضرورة الروائية ما تفتكروا أبو عُلا داير يطلع بيكم الجو بس عشان كان قلت ليكم الليلة ناس الحلة عندهم اجتماع في النيمات تعرفوها طوالي نيمات الحُمري ولا اذا واحد منكم قالو ليه الزعل اللي يمرقك في الظلط تعرفوا المقصود طريق الخرطوم كوستي و للمعلومية المثل دا تم اضافته حديثاً لقاموس الحلة في الثمانيات من القرن الماضي في عهد الرئيس جعفر نميري بالتحديد و بالمناسبة نميري لمن زار منطقة النيل الأبيض قبل أحداث الجزيرة أبا و مقتل الإمام الهادي كان لناس المنُجرة موقف من تلك الزيارة سوف ارويه في مكان آخر و إذا سمحت مقولة الصيد ورد معناها سرح شعرك و الحق البنات في البحر سريييييييع فاهمني و لا نعيدوا تاني

بكرة بجيكم بالمهلة و بشق بيكم فرقان الحلة الأربعة جت عليهم و تكوسوا معاي الحلة بيت بيت و تعرفوا كل صغيرة و كبيرة فيها من ميدان الكورة قدام الحلة و الصهريج لي الجامع و بعد داك بنمشي دكان حاج بشير و نجلس شوية تحت النيمات و العصرية كان الله هون بنمشي المزارع و بي المرة بنزل البحر و الداير ليهو حاجة من المشروع ما يستحي يقول ساااكت

[صلاح ودالطاهر]

وداعا ً روضتي الغنا وداعا ً معبدي القدس
***
طويت الماضي في قلبي وعشت علي صدي الذكري
وهذا الدمع قد ينبئ بظلم المهجة الحيري
لماذا الهجر يا حبي
لماذا دهرنا ضنّ وشبع روحي باليأس
***
نسيت الماضي يا ليلي وماضي الحب والطهر
ليالي نقطعوي الليل بحلو النجوي والشعر
ليالي حبنا الاولي
نسيتي الليل اذ كنا نفدي النفس بالنفس
***
أظل اردد الشكوي لما لاقيت من وجدي
حبيب الروح لا أقوي علي حمل الهوي وحدي
ولما لم أجد سلوي
كسرت ابريقي والدنا
سكبت علي الثري كأسي
***
وداعا روضتي الغناء وداعا معبدي القدسي

[صلاح ودالطاهر]

الشاغلين فؤادي وتايهين فايقين
يفت البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع
*********
جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على

[صلاح ودالطاهر]

يا نسيم الروض زورنى في الماسيه
وجــيب لي الطيب من جناين آســيا
وأنعــــش روحي من الـــم البين
*******
نسيم الروض نفــحاتك بــاديه
غمرت أرجاء الحضر والباديه
أظنك مريت في ساعة هاديه
وعانقت غصين الزهره الناديه
********
جاتنى النسمات بطيبك ساريه
وجدت عيني دموعن جاريه
قالت ياعشوق محبوبتك داريه
بحـــالك وليك دائمــا طاريه
******
شكرا يا نســيم أخبارك وافيه
لكن رياك لشــفاى ما كافيه
ما اظنى أطيب وأشوف العافيه
غير ما أنظر الجميلة وجافيه
*********
زوري في الطيف ياغانيه
انا روحي للمـــوت دانيه
لو أشوف ناعساتك رانيه
الامــــى تضيع في ثـــانيه
******
ياخــــلاصة الدرة الغــاليه
غير فصدة خدودك حــاليه
ليك حق لو لعاشقك ســـاليه
مادام فاتنه من حب خــاليه
********
نيران هجرك لاعضاى كاسيه
مازينى جفاك ولى ما ماسيه
كيف شوفتك ما تصبح قاسيه
والنجوم قصرت لعلاك ما مواسيه

[بورتبيل]

صباحكم خير يا أهل الخير

الليلة جاييكم من الصباح و نفسي مفتوحة و الإبتسامة شبرين قلنا نبني ساس الحكاوي و بعدين على بركة الله نفصل على كيف كيفنا و من هسي اي زول عندو سعال او استفسار يرفع يديو ساااكت ...

مدخل اول

أول التبادي انا من قرية المُنجرة بضم الميم و كانت تنطق قديما بفتح الميم أي المنجرة و هي مكان لصناعة المراكب و السفن الصغيرة و يقال ان بالمنطقة كانت غابات من شجر الصنط و هي منطقة مرتفعة نوعا ما تقع مباشرة على ضفة النيل الأبيض الشرقية يفصل بينها و بين النيل عدة أمتار لا تتجاوز الخمسين مترا اول من سكن المنطقة جدنا ود عطية و كانت تعرف منجرة ودعطية و بي قدرة قادر استوطن الناس حوله و تم إضافة الف و لام في بداية الاسم مواكباً مع التطور السكاني بالمنطقة و كذلك تم ضم الحرف الثالث و اصبحت تعرف بالمُنجرة بس الحمد لله ما ضموها لي قرية تاني و عملوا مننا نازحين .

المنجرة تبعد عن الخرطوم 120 كيلو متر جنوبا و ترتبط بطريق الخرطوم كوستي تابعة لولاية النيل الأبيض بعد التقسم الإداري الجديد يحدها من الغرب النيل الابيض و من الشمال ترعة فاضل المحازية لقرية ود شلعي و من الجنوب النباري .. النباري و هي جمع شادف و هي عبارة عن قطة زراعية مجاورة للنيل تتم سقايتها باستخدام الساقية او الشادوف قديما حتى تحسن الحال و تم ادخال الطلمبات و البوابير الألمانية و من الشرق مشروع السيد و دا مشروع اهلي عملو السيد عبد الرحمن المهدي جد السيد الصادق المهدي و بعض البلدات المطرية الأهلها حلفو ما يدخلوها في أرض المشروع

تم تاسيس القرية بعد سنة حفروا البحر بكم شهر و يعود تاريخها الى منتصف القرن الثامن عشر حسب رواية حبوبة بتول و بها مناطق اثرية مثل تقار حجازو نيمات الحمري ديل قالو حسب رواية المهتمين بالآثار في القرية انو الأمام محمد أحمد المهدي درس القرآن في ضل النيمة عشان كدي لي يوم الليلة النيمة مخضرة و ضلها باااااااارد

يعمل غالبية اهلها بالتجارة و الزراعة في المشروع او الشواديف يوجد بها ميناء مصغر لصيد الاسماك تجتمع فيه مراكب الصيد و ناس الحلة بسموه (مينا السمك بدون همزة ) و يتم نقل الاسماك منه الى الخرطوم مباشرة عن طريق اللواري حيث يستخدم التلج في تبريد و حفظ الأسماك و ذلك قبل دخول البرادات السودان و هذا ما يوفر التلج للأهالي في رمضان قبل اكتشاف الثلاجات و خطوط الكهرباء .

تعرضت القرية لنكبة كبرى في الفترة من 1933 - 1937 فقد غمرت المياه جزء كبير من مباني القرية بعد انشاء خزان جبل الأولياء بس الحمد لله ما رحلونا زي اخونا ناس حلفا و الفايدة الوحيدة الجنيناه من الخزان انو غرق بعض بيوت الحلة و نحن لمن نمشي ( حلة ورا ) و المقصود البيوت القديمة التي تاثرت بالفيضان بنلقي الخرز و الودع و شوية ملالييم من زمن الملك فاروق و مرات مرات الواحد منا بلقي ليهو فردة حلق و لا فدوة ( بكسر الفاء ) و المحظوظ فينا بلقي ليهو برمة مليانة ودع و لا بد و حتماَ ان تصب اللبن في البرمة قبل ما تطلعها من الواطة حسب الاسطورة المتداولة في تلك الفترة عشان الودع ينقلب دهب و عملاً بهذه الاسطورة عندنا اتنين من شباب الحلة درسوا أثار و لي يوم الليلة قاعدين يحفروا في البيوت القديمة وراء الحلة و كل ما يلقوا ليهم بُرمة ودع يكشحوا ليك فيها رطلين تلاتة لبن عليك أمان الله كان اللبن يجيهم مبزبز من تحت علماً بأن عملية التنقيب عن الذهب و الأهتمام به ورثة من بعض اجدادنا الذين توارثو مهنة صياغة الذهب لذلك معظم شباب الحلة شغالين صياغ في عمارة الدهب بالسوق العربي الخرطوم و سعد قشرة و سوق ام درمان عشان كدي عوضية عز الدين غنت فينا و قالت سنة يا ولد ناس تبيدي اهل الدهب و في راوية اخري المادح حاج الماحي قال في مدحتو البوصف فيهو جملو الداير يمشي بيهو الحج ( رهاف اناضو ختماً دق ود تبيد ) و المعني أن لهذا الجمل اذنيين دقيقتين كالختم التي يصنعها ود تبيد و المقصود ود تبيدي و لكن للضرورة الشعرية الياء الاخيرة راحت شمار في مرقة و للأمانة تبيدي دا من قرية ود شلعي و ناس ود شعلي و المنجرة أولاد عم و جدنا واحد منذ أن خلق الله الأرض و من عليها و القريتين عبارة عن قرية واحدة كبيرة و ما يفصل بين القريتين سوي ترعة فاضل السالفة الذكر


المدخل الفوق دا يا حلوين كان للضرورة الروائية ما تفتكروا أبو عُلا داير يطلع بيكم الجو بس عشان كان قلت ليكم الليلة ناس الحلة عندهم اجتماع في النيمات تعرفوها طوالي نيمات الحُمري ولا اذا واحد منكم قالو ليه الزعل اللي يمرقك في الظلط تعرفوا المقصود طريق الخرطوم كوستي و للمعلومية المثل دا تم اضافته حديثاً لقاموس الحلة في الثمانيات من القرن الماضي في عهد الرئيس جعفر نميري بالتحديد و بالمناسبة نميري لمن زار منطقة النيل الأبيض قبل أحداث الجزيرة أبا و مقتل الإمام الهادي كان لناس المنُجرة موقف من تلك الزيارة سوف ارويه في مكان آخر و إذا سمحت مقولة الصيد ورد معناها سرح شعرك و الحق البنات في البحر سريييييييع فاهمني و لا نعيدوا تاني

بكرة بجيكم بالمهلة و بشق بيكم فرقان الحلة الأربعة جت عليهم و تكوسوا معاي الحلة بيت بيت و تعرفوا كل صغيرة و كبيرة فيها من ميدان الكورة قدام الحلة و الصهريج لي الجامع و بعد داك بنمشي دكان حاج بشير و نجلس شوية تحت النيمات و العصرية كان الله هون بنمشي المزارع و بي المرة بنزل البحر و الداير ليهو حاجة من المشروع ما يستحي يقول ساااكت
نحنا منتظرين عودتك .. وان شاء ما يكون في زعل ولا تمشى الزلط
قلتا ليا 120 كيلو من الخرطوم يعنى مع نعيمة كدا ولا قداما
بجيبا ليك بالقوقل دقائق بس

[بورتبيل]

صباحكم خير يا أهل الخير

الليلة جاييكم من الصباح و نفسي مفتوحة و الإبتسامة شبرين قلنا نبني ساس الحكاوي و بعدين على بركة الله نفصل على كيف كيفنا و من هسي اي زول عندو سعال او استفسار يرفع يديو ساااكت ...

مدخل اول

أول التبادي انا من قرية المُنجرة بضم الميم و كانت تنطق قديما بفتح الميم أي المنجرة و هي مكان لصناعة المراكب و السفن الصغيرة و يقال ان بالمنطقة كانت غابات من شجر الصنط و هي منطقة مرتفعة نوعا ما تقع مباشرة على ضفة النيل الأبيض الشرقية يفصل بينها و بين النيل عدة أمتار لا تتجاوز الخمسين مترا اول من سكن المنطقة جدنا ود عطية و كانت تعرف منجرة ودعطية و بي قدرة قادر استوطن الناس حوله و تم إضافة الف و لام في بداية الاسم مواكباً مع التطور السكاني بالمنطقة و كذلك تم ضم الحرف الثالث و اصبحت تعرف بالمُنجرة بس الحمد لله ما ضموها لي قرية تاني و عملوا مننا نازحين .

المنجرة تبعد عن الخرطوم 120 كيلو متر جنوبا و ترتبط بطريق الخرطوم كوستي تابعة لولاية النيل الأبيض بعد التقسم الإداري الجديد يحدها من الغرب النيل الابيض و من الشمال ترعة فاضل المحازية لقرية ود شلعي و من الجنوب النباري .. النباري و هي جمع شادف و هي عبارة عن قطة زراعية مجاورة للنيل تتم سقايتها باستخدام الساقية او الشادوف قديما حتى تحسن الحال و تم ادخال الطلمبات و البوابير الألمانية و من الشرق مشروع السيد و دا مشروع اهلي عملو السيد عبد الرحمن المهدي جد السيد الصادق المهدي و بعض البلدات المطرية الأهلها حلفو ما يدخلوها في أرض المشروع

تم تاسيس القرية بعد سنة حفروا البحر بكم شهر و يعود تاريخها الى منتصف القرن الثامن عشر حسب رواية حبوبة بتول و بها مناطق اثرية مثل تقار حجازو نيمات الحمري ديل قالو حسب رواية المهتمين بالآثار في القرية انو الأمام محمد أحمد المهدي درس القرآن في ضل النيمة عشان كدي لي يوم الليلة النيمة مخضرة و ضلها باااااااارد

يعمل غالبية اهلها بالتجارة و الزراعة في المشروع او الشواديف يوجد بها ميناء مصغر لصيد الاسماك تجتمع فيه مراكب الصيد و ناس الحلة بسموه (مينا السمك بدون همزة ) و يتم نقل الاسماك منه الى الخرطوم مباشرة عن طريق اللواري حيث يستخدم التلج في تبريد و حفظ الأسماك و ذلك قبل دخول البرادات السودان و هذا ما يوفر التلج للأهالي في رمضان قبل اكتشاف الثلاجات و خطوط الكهرباء .

تعرضت القرية لنكبة كبرى في الفترة من 1933 - 1937 فقد غمرت المياه جزء كبير من مباني القرية بعد انشاء خزان جبل الأولياء بس الحمد لله ما رحلونا زي اخونا ناس حلفا و الفايدة الوحيدة الجنيناه من الخزان انو غرق بعض بيوت الحلة و نحن لمن نمشي ( حلة ورا ) و المقصود البيوت القديمة التي تاثرت بالفيضان بنلقي الخرز و الودع و شوية ملالييم من زمن الملك فاروق و مرات مرات الواحد منا بلقي ليهو فردة حلق و لا فدوة ( بكسر الفاء ) و المحظوظ فينا بلقي ليهو برمة مليانة ودع و لا بد و حتماَ ان تصب اللبن في البرمة قبل ما تطلعها من الواطة حسب الاسطورة المتداولة في تلك الفترة عشان الودع ينقلب دهب و عملاً بهذه الاسطورة عندنا اتنين من شباب الحلة درسوا أثار و لي يوم الليلة قاعدين يحفروا في البيوت القديمة وراء الحلة و كل ما يلقوا ليهم بُرمة ودع يكشحوا ليك فيها رطلين تلاتة لبن عليك أمان الله كان اللبن يجيهم مبزبز من تحت علماً بأن عملية التنقيب عن الذهب و الأهتمام به ورثة من بعض اجدادنا الذين توارثو مهنة صياغة الذهب لذلك معظم شباب الحلة شغالين صياغ في عمارة الدهب بالسوق العربي الخرطوم و سعد قشرة و سوق ام درمان عشان كدي عوضية عز الدين غنت فينا و قالت سنة يا ولد ناس تبيدي اهل الدهب و في راوية اخري المادح حاج الماحي قال في مدحتو البوصف فيهو جملو الداير يمشي بيهو الحج ( رهاف اناضو ختماً دق ود تبيد ) و المعني أن لهذا الجمل اذنيين دقيقتين كالختم التي يصنعها ود تبيد و المقصود ود تبيدي و لكن للضرورة الشعرية الياء الاخيرة راحت شمار في مرقة و للأمانة تبيدي دا من قرية ود شلعي و ناس ود شعلي و المنجرة أولاد عم و جدنا واحد منذ أن خلق الله الأرض و من عليها و القريتين عبارة عن قرية واحدة كبيرة و ما يفصل بين القريتين سوي ترعة فاضل السالفة الذكر


المدخل الفوق دا يا حلوين كان للضرورة الروائية ما تفتكروا أبو عُلا داير يطلع بيكم الجو بس عشان كان قلت ليكم الليلة ناس الحلة عندهم اجتماع في النيمات تعرفوها طوالي نيمات الحُمري ولا اذا واحد منكم قالو ليه الزعل اللي يمرقك في الظلط تعرفوا المقصود طريق الخرطوم كوستي و للمعلومية المثل دا تم اضافته حديثاً لقاموس الحلة في الثمانيات من القرن الماضي في عهد الرئيس جعفر نميري بالتحديد و بالمناسبة نميري لمن زار منطقة النيل الأبيض قبل أحداث الجزيرة أبا و مقتل الإمام الهادي كان لناس المنُجرة موقف من تلك الزيارة سوف ارويه في مكان آخر و إذا سمحت مقولة الصيد ورد معناها سرح شعرك و الحق البنات في البحر سريييييييع فاهمني و لا نعيدوا تاني

بكرة بجيكم بالمهلة و بشق بيكم فرقان الحلة الأربعة جت عليهم و تكوسوا معاي الحلة بيت بيت و تعرفوا كل صغيرة و كبيرة فيها من ميدان الكورة قدام الحلة و الصهريج لي الجامع و بعد داك بنمشي دكان حاج بشير و نجلس شوية تحت النيمات و العصرية كان الله هون بنمشي المزارع و بي المرة بنزل البحر و الداير ليهو حاجة من المشروع ما يستحي يقول ساااكت
بعدين ما تنسى تحكى لينا عن نفسك شوية
يعنى انت وعلاقتك بناس البلد كلهم
واذكر لينا الاجناس الموجودة في البلد وفروعها
يعنى بصراحة كدا احكى كل العندك

[abu_ola]

QUOTE=بورتبيل;294368]نحنا منتظرين عودتك .. وان شاء ما يكون في زعل ولا تمشى الزلط
قلتا ليا 120 كيلو من الخرطوم يعنى مع نعيمة كدا ولا قداما
بجيبا ليك بالقوقل دقائق بس[/QUOTE]


الغالي مدثر

ما دام المسعلة دخلت فيها تكنلوجيا و قوقل إيرث نحن غرب نعيمة بالضبط و من نعيمة اتجه غرب لحدي ما تشوف صهريج الحلة و يشويش انزل عليهم بس أمانة تجيهم بالنهار باقي الجماعة ديل بنوموا من بدري خالص




بعدين ما تنسى تحكى لينا عن نفسك شوية
يعنى انت وعلاقتك بناس البلد كلهم
واذكر لينا الاجناس الموجودة في البلد وفروعها
يعنى بصراحة كدا احكى كل العندك


في المُنجرة بالذات با مدثر اخوي يتداخل الأنسان و الزمان و المكان مكوين وحدة طبوجغرازمانية لا مثيل لها ، علاقة الانسان بالارض كعلاقة الأم برضيعها أو اشد من ذلك قليلاً كيف لا و هي أول ارض تطأها أقدامنا فعلي ترابها حبونا و من رمال شاطئها بنينا أولي الأحلام و مجتمعها افضل مؤسسة تعليمية ارضعتنا القيم و المبادي و منها انطلقنا نحو القمم فالقرية تبادلنا العشقُ بالعشق و هي خالدة فينا مهما ابتعدنا منها

[صلاح ودالطاهر]

اها دي هديه للحبان
http://www.youtube.com/watch?v=3MX-VPpGMkU

http://www.youtube.com/watch?v=uXJ2APYznZg&feature=related

[abu_ola]

الطيب بان يا ليلة راجل أم ضٌبان يا ليلة
علينا يحوم يا ليلة حلم شموم يا ليلة


يحكي ان حبوبة شموم رأت ذات يوم في المنام الشيخ الطيب و قد طلب منها ان تعمل له بيان و البيان هو عبارة عن قبر رمزي يقام لأحد أولياء الله الصالحين و قد حدد لها مكان البيان بالضبط فما كان من الحبوبة شموم إلا أن قامت الصباح و اتجهت الى منطقة شمال الحلة و تحت شجرات الصنط الكُبار في منتصف الغابة كان المكان المحدد كما رأته في المنام فقامت بإزالة بعض غصون الاشجار الجافة و تسوية المكان و عملت قبر رمزي للشيخ الطيب و من ثم سورته بالطوب الأحمر و ما هي إلا ساعات حتى ارتفعت رايتان بيضاء على عودي قناء على طرفي القبر من الناحية الجنوبية و الشمالية و المتعارف عليه ان تكون الرايات مصنوعة من قماش ابيض جديد غير مستخدم من قبل في شي من متاع الدنيا و في الأمر اشارة الى بياض النية و صفاء الشريرة و طُهر النفوس عن ما يدنسها من كارد الدنيا رويدا رويدا انتشر خبر البيان في القرية و المناطق المجاورة مما حدي بالحبوبة شموم توسعة المكان و تسيوة الارض و فرشها برمال بيضاء من رمال الشاطي الذي لا يبعد سوا امتار معدودة و بمرور الزمن تم وضع شنطة كبيرة مصنوعة من الحديد بالقرب من البيان المذكور حتى يتم إيداع الزيارة و ما تجود به أنفس الزائرين لهذا المقام .

فالبرغم من ان الشنطة لا قفل لها و مفتوحة على مدى الدهر لم يستطع احداً أن يقترب من الشطنة بهدف سرقة ما فيها او مجرد الإطلاع عليها او عد النقود حتى علماً بأن الحاجة شموم تتعهد المكان بالنظافة كل فترة و تهيئه للزائرين و نسبة للموقع المميز للبيان و قربه من النيل و وجوده تحت اشجار الصنط الكبيرة و موقعه الجغرافي شمال الحلة في الطريق المؤدية الى المدارس و السوق فقد زاد عدد زائريه و زادت المبالغ المالية التي يتصدق بها كل من تجود نسفه لفعل الخير فما كانت من الحاجة شموم الا ان تجمع النقود من الشنطة و تنفقها على صيانة البيان و تجديد راياته و ما فاض من نقود تقوم بشراء السكر و الشاهي و الدقيق و تقوم بعمل اللقيمات و شاهي اللبن و توزيعها يوم الجمعة على المساكين و زائرين المقام و اذا كانت الغلة اكثر من ذلك تشتري خروفاً او تصنع طعاما و توزعه على المساكين فالبرغم من توفر القروش في البيان و عدم معرفة عددها و عدم توفر مراجع قانوني للبيان فان الحاجة شموم لا تحتاج الى ديوان المراجع العام في شي و لم تتهم بالفساد المالي او الأداري يوما ما فكل ما ياتي من مال ينفق على البيان و زائريه و المساكين فقد كانت رحمها الله شريفة طاهرة نقية لا تعرف الإختلاسات المالية و لم تحتاج الى لجان مراجعة او سطلة قضائية .

و بفضل الله و حنكة الحاجة شموم اشتهر المقام و زاع صيته و اصبح قبلة الرحلات و المناسبات و الاعراس فقلما تجد سيرة اتية الى المنطقة الا و زار عريسها مقام الشيخ الطيب و شرب و توضأ من ماء البحر اتباعاً للعادة المتبعة في ذلك الزمان و قد كانت تاتي اليه الوفود من مناطق مختلفة خصوصا في الأعياد و الإجازات

اكثر ما يميز منطقة البيان التي صارت تعرف فيما بعد بالشيخ الطيب وجود اشجر الصنط العالية المخضرة دوما و رمال الشاطى البيضاء و كذلك اشجار السدر المخضرة دوما اذ يقول العارفين من القوم بأن نبق الشيخ الطيب ما له مثيل في الطعم و ان النبقة الواحدة تقارب حبة الطماطم من حيث الحجم مما جعلها منطقة جزب سياحي و قبلة للرحلات و المناسبات

حاول بعض شباب القرية المفتحين سرقة فكرة الشيخ الطيب لما وجدوها تدر مدخلا ماليا جيدا و قد قام احد الشباب بتبني فكرة انشاء فرع جديد لمقام الشيخ الطيب فابتكر مقام الفكي جميل و قام بانشاءه في الجهة الجنوبية للقرية بعض ان ازع خبر ان الفكي جميل قد كلفه بعمل مقام له في الجهة الجنوبية للقرية و قام الشباب بتحديد المكان و تنظيفه و بناء المقام المطلوب و ما هي ساعات و الا رايات بيضاء تعانق السماء رويدا رويدا ياتون بشنطة لها قفل و بها فتحة من اعلى مثل صندوق الانتخابات لجمع الفلوس فالبرغم من الدعاية و ما بذلوه من جهد لم تلقى الفكرة رواجاً في اوساط الاهالي و ذلك يرجع لعدة اسباب منها ان الغابة الموجودة في جنوب القرية غابة مسكيت و هي اشجار غير ظليلة وثمارها لا فائده منها بالنسبة للإنسان و ثانيا ان الطريق من جنوب القرية تؤدي الى المناطق الزراعية و هي طريق سالكة للمزارعين و الرعاة و لا اعتقد بان المزارعين يحملون القروش و هم في طريقهم الى الزراعة ثالثا ان النية زاملة سيدها كما يقال فالهدف الرئيسي من هذا المقام هو جمع المال لذا لم يتوفر لهم منه الكثير و ربما لان الفكي جميل كان من اهل المنطقة ( زامر الحى لا تطرب مزامره ) لذا لم يجد الرواج و الشهرة مثل الشيخ الطيب راجل أم ضوء بان و ربما يكون في الأمر عقدة كل ما هو مستورد او غريب عليه ام تنحج فكرة مقام الفكي جميل و لم تستمر طويلا مقارنة بمقام الشيخ الطيب الذي كان موجوداً ردحاً من الزمان فهو الان مجرد اثار اشجار وذكريات في مخيلة الحبوبات و حكايات و قصص متوارثه لدى كبار نساء القرية .

[عثمان جلالة]

كدي هاك أمسك كباية الجبنه دي ... والله قصة جميله ... أها منتظرين ... واصل واصل

[abu_ola]

كدي هاك أمسك كباية الجبنه دي ... والله قصة جميله ... أها منتظرين ... واصل واصل


الحبيب جلالة

زيارة المقام تُدفع كاش عداً نقداً في حينها بالعملة المتعارف عليها لا تقبل الشيكات السياحية و لا قروش النصارى

الجبنة مقبولة يا المبروك علا بندور الشرتيييييييت

[ابوشوتال]

ابو شوتال - منو القال ليك راسك دايش
راسك عديل بس انتا بتسمع كلام زولك شبارقة
العامل فيها حنكوش ما بعرف الكلام دا

جوالنا فاتح يا ابو شوتال
لك الود[/color][/quote]

الحج ما جاء ولا شنو

[بورتبيل]

من اجل الحقيقة ... وللحق
عندما انشأت هذا البوست كنت انوي فقط ان استفذ ابو علاُ في الكتابة عن منطقة النيل الابيض ولكي نتعرف على ابو علاُ عن قرب وكنت انوي ان يكون الحديث مسترسلاً منه هو دون اسئلة ولا اجوبة لما لمسته في كتابات ابو علاُ الجميلة والشيقة ... لم استشر احد والله العظيم لم استشر احد ولا ابو علاُ نفسه - وقد يكون تفاجأ من هذا البوست - واقسم بالله العظيم ان هذه الفكرة لم اناقش فيها احد بالمرة ولا حتى ابو علاُ نفس لا برسالة خاصة ولا بتلفون ولا بغيره ... هكذا جاءت الفكرة وهكذا نفذت ... والله على ما اقول شهيد..
عند التداخلات مع بعض المشاركات اعترف تماماً انني اساءت الظن - وهذا اعتراف خطي اتمنى ان اسماح على سوء الفهم - وقد ترتب سوء الفهم لان هناك تلمحيات في اماكن اخرى حسبتها انها تعنيني انا ... ولك العتبى يا ود الطاهر.
وللحقيقة والحق ايضاً لم اطلب تثبيت الموضوع ولا خلافه واقسم بالله ثلاثاً على ذلك .... انما جاء تثبيت الموضوع من قبل الاستاذ صلاح الطاهر وقد افرحني التثبيت وفي نفس الوقت احرجني غاية الاحراج - وعرفت كم انا قد كنت مخطي ... وكم كان سوء ظني كبير وخطا... وقد تراجعت كثيراً وندمت كثيراً على هذا الظن السيئ .... ورجعت للوراء وتذكرت كلامات ود الطاهر لي ذات مرة وحسه لي على حب الجميع والبعد عن سوء الظن وعدم اثارة المناوشات .. وتذكرت وتذكرت وتذكرت وعلمت ان ود الطاهر قلب كبير يحب الخير للجميع .. رجل صاحب ابتسامة دائمة عذبة .. رجل يعمل لاجل الجميع ولاجل ان يكون هناك نظام وتنظيم وعمل متقن .. رجل لا يحمل في دواخله الا الخير للكل .. كم قصرنا في حقك استاذي صلاح الطاهر .. ولك العتبى حتى ترضى .. واتمنى ان تقبل اعتذار تلميذ من تلاميذك قد بدرت منه بادرة غير لائقة في حق قامتكم...
ولك كل المنى ... يا ابو فاطمة

[بورتبيل]

من اجل الحقيقة ... وللحق
عندما انشأت هذا البوست كنت انوي فقط ان استفذ ابو علاُ في الكتابة عن منطقة النيل الابيض ولكي نتعرف على ابو علاُ عن قرب وكنت انوي ان يكون الحديث مسترسلاً منه هو دون اسئلة ولا اجوبة لما لمسته في كتابات ابو علاُ الجميلة والشيقة ... لم استشر احد والله العظيم لم استشر احد ولا ابو علاُ نفسه - وقد يكون تفاجأ من هذا البوست - واقسم بالله العظيم ان هذه الفكرة لم اناقش فيها احد بالمرة ولا حتى ابو علاُ نفس لا برسالة خاصة ولا بتلفون ولا بغيره ... هكذا جاءت الفكرة وهكذا نفذت ... والله على ما اقول شهيد..
عند التداخلات مع بعض المشاركات اعترف تماماً انني اساءت الظن - وهذا اعتراف خطي اتمنى ان اسماح على سوء الفهم - وقد ترتب سوء الفهم لان هناك تلمحيات في اماكن اخرى حسبتها انها تعنيني انا ... ولك العتبى يا ود الطاهر.
وللحقيقة والحق ايضاً لم اطلب تثبيت الموضوع ولا خلافه واقسم بالله ثلاثاً على ذلك .... انما جاء تثبيت الموضوع من قبل الاستاذ صلاح الطاهر وقد افرحني التثبيت وفي نفس الوقت احرجني غاية الاحراج - وعرفت كم انا قد كنت مخطي ... وكم كان سوء ظني كبير وخطا... وقد تراجعت كثيراً وندمت كثيراً على هذا الظن السيئ .... ورجعت للوراء وتذكرت كلامات ود الطاهر لي ذات مرة وحسه لي على حب الجميع والبعد عن سوء الظن وعدم اثارة المناوشات .. وتذكرت وتذكرت وتذكرت وعلمت ان ود الطاهر قلب كبير يحب الخير للجميع .. رجل صاحب ابتسامة دائمة عذبة .. رجل يعمل لاجل الجميع ولاجل ان يكون هناك نظام وتنظيم وعمل متقن .. رجل لا يحمل في دواخله الا الخير للكل .. كم قصرنا في حقك استاذي صلاح الطاهر .. ولك العتبى حتى ترضى .. واتمنى ان تقبل اعتذار تلميذ من تلاميذك قد بدرت منه بادرة غير لائقة في حق قامتكم...
ولك كل المنى ... يا ابو فاطمة

[ودتابر]

العزيز .. أبو علا ..

وبقية الرهط الرائع من المتداخلين في هذا البوست..

ما أروعه السودان ... ... ما أروع كل شبر فيه ... ... إنه الحياة .. معاناة .. ... عزة ... شموخ ... عقيدة ... وإنسان يعرف قدر نفسه ... ... ..

تحية لك أخي ابو علا وأنت تتحدث عن تلك البقعة الطيبة من أرض بلادي الحبيبة .. ولو كل واحد منا حكى وأخلص في الكلم لجمعنا أطلسا من المعلومات التى يجب أن ننثرها ونبثها وننشرها عبر كل أثير لتحكي عن وطن عظيم وطن شامخ حدادي مدادي .. يعتز به أبنائه في كل مكان ...

وفي ختام مداخلتي هذه ستجدني .. .. متكأ على ضل حيطه (( عاوزة زبالة )) منتظرك تواصل وتجيني بأريحيتك تسلم وتونس .. .. وتفيد كما يفيد النيل في مسام التربة من غير ألم ولا من .. لك التحية ...

[عثمان جلالة]

الحبيب جلالة

زيارة المقام تُدفع كاش عداً نقداً في حينها بالعملة المتعارف عليها لا تقبل الشيكات السياحية و لا قروش النصارى

الجبنة مقبولة يا المبروك علا بندور الشرتيييييييت

الحبيب أبو علا ... كان على الزياره ... انا ختيت البياض تب ... وكان مغالط ... أمش عد القروش:p وان شاء الله يلحقنا ويفزعنا:D

[Jamal Elmahi]

الاحبّه بورتبيل الجميل وأصيل وأبو علا صاحب المعالي والعلا..
ياسلام ياشباب فتحتوا لينا طاقه يجينا منها همبريب ودعاش النيل ..وأضفتوا لينا رئه تالته نشم ونكرف بيها عبق الاصاله والتراث ...وكم كراع نسارع بيهن الخطا لزيارة البيان ...
والما بكسي لينا بيان الشيخ الطيب بي رايتين بوبلين ابوغزالتين ويخت الزياره تحت الطوبه ما حبابو ..والبجينا كارب صليبو أن شاء الله كراع البنطلون تتملي حسكنيت عشان يآمن ..والضريسه تقد ليهو الجزمه وتعتّر ليهو فقوسه ترميهو علي قدومو ....
ويوم الجمعه قهوتنا في البيان ومن لي يجي لي ...والروس الروس حباب التروس ...

[نزار حسن محمد]

حباب الاحباب
ابوعلا ...ابوكلاما حلـــــــــو ذى الباسطه ..
هوووووى يا بوتبيل منوا القال لك ناس ابو
علا ما بعرفه الجاتوه ...
شفته يوم زيارة الضريح بالله القيمات معجون
بالعسل ..لكن الله يلعن الخواجات ...جابو لنا
البسطات والجاتوهات و..وشنوا ..داك ما بعرفه
واخرتها ..سفروا ابوعلا الى مطار(( شيرميتفا2))
وقال لك كده ابوعلا نزل من الطائره وقعد اقالد فى
الخواجيات ..هن عاد جنس خوجيات ..
حلفتك بالنبى يا بوعلا ..لاتنسى هذه الحقبه
تعال يابوى نحن قاعدين تحت ظل الشجره
فى انتظارك ...

[المكاشفى]

الحلوين الطاعمين الزينين اخوان فاطمه
بورتبيل الفنان والله تستاهل ان نطلق
عليك دنمو المنتدى الملتهب والمتحرق
القا وجمالا .......
والله هذا البوست قد رجعنا للزمن الجميل
ويانسيبى ابوعلا كيف الحال والشوق بحر
وياراجل وينك ماظاهر اشتقنا لى كلامك
الزى العسل ابقى اقعد عافيه
وراجعلكم...

[بورتبيل]

الاحبّه بورتبيل الجميل وأصيل وأبو علا صاحب المعالي والعلا..
ياسلام ياشباب فتحتوا لينا طاقه يجينا منها همبريب ودعاش النيل ..وأضفتوا لينا رئه تالته نشم ونكرف بيها عبق الاصاله والتراث ...وكم كراع نسارع بيهن الخطا لزيارة البيان ...
والما بكسي لينا بيان الشيخ الطيب بي رايتين بوبلين ابوغزالتين ويخت الزياره تحت الطوبه ما حبابو ..والبجينا كارب صليبو أن شاء الله كراع البنطلون تتملي حسكنيت عشان يآمن ..والضريسه تقد ليهو الجزمه وتعتّر ليهو فقوسه ترميهو علي قدومو ....
ويوم الجمعه قهوتنا في البيان ومن لي يجي لي ...والروس الروس حباب التروس ...
الزول السمح اب كلاماً سمح .. ود الماحي حبيبنا .. سيد الفزعة ..
الطاقة مفتوحة والباب كمان مفتوح .. لتسكن في مسراب الروح
كلماتك ونسيماتك وريحة دعاشك الشايل من النم جمال البوح
ادخل وادينا من عندك تفاصيل حياة اهلنا .. وكلام سمح بالحيل.

جمال الماحي .. في انتظار طلتكم عبر هذه البوابات المشرعة لتحكي لنا عبرها عن رحلة في رحاب بلدتكم العامرة بطيبة الناس المسكونة ريد.
منتظرنك

[بورتبيل]

حباب الاحباب
ابوعلا ...ابوكلاما حلـــــــــو ذى الباسطه ..
هوووووى يا بوتبيل منوا القال لك ناس ابو
علا ما بعرفه الجاتوه ...
شفته يوم زيارة الضريح بالله القيمات معجون
بالعسل ..لكن الله يلعن الخواجات ...جابو لنا
البسطات والجاتوهات و..وشنوا ..داك ما بعرفه
واخرتها ..سفروا ابوعلا الى مطار(( شيرميتفا2))
وقال لك كده ابوعلا نزل من الطائره وقعد اقالد فى
الخواجيات ..هن عاد جنس خوجيات ..
حلفتك بالنبى يا بوعلا ..لاتنسى هذه الحقبه
تعال يابوى نحن قاعدين تحت ظل الشجره
فى انتظارك ...
ابو الرجال سمح الخصال .. ابسفروق الشايل السمحة
فوق خدود قمرية ولا في سنابل قمحة
يا الزين لما القاك بعرف مشيك في سرعة اللمحة

ابو النيز .. معنا لنستنطق ابو علاُ ليحكى لنا عن ما يحمل هذا المسكون ابداعاً في نظم الكلمات والسرد الشيق .. ( الا هو طشى وين ما عارف.)



الحلوين الطاعمين الزينين اخوان فاطمه
بورتبيل الفنان والله تستاهل ان نطلق
عليك دنمو المنتدى الملتهب والمتحرق
القا وجمالا .......
والله هذا البوست قد رجعنا للزمن الجميل
ويانسيبى ابوعلا كيف الحال والشوق بحر
وياراجل وينك ماظاهر اشتقنا لى كلامك
الزى العسل ابقى اقعد عافيه
وراجعلكم...
برجاك في قفا الايام .. وبستنى معاك اعاين ليك
لما تمر ولما تشيل معانا شيلة هجعة من مدارك الليل.

كشة حبيبنا .. الرجوع الى الزمن الجميل .. والاجمل منه تواجدكم معنا .. في رجاك والغيمة تشيل وترجع ليك. لك الود

[المكاشفى]

علا ابوعلا ده مشى وين
عووووووووووووك

[abu_ola]

علا ابوعلا ده مشى وين
عووووووووووووك



الحبايب الحلوين

حلاتكم و انتم مجتمعين

في الجود و الكرم بارزين

و لي ابليس اللعين لاعنين

وينكم و الله مشتافين

اولاً اعتزر عن غيابي المفاجي و انقطاعي عن التواصل معكم عارفكم تب ما بتلوموني لاني كنت عيان و راقد في الإستبالية اربعة أيام و يومين في البيت فترة نقاهة و كده بس الحمد لله بفضل الكريم الواحد لبس من العافية عراقي و صديري و باقيها سوهو لي طاقية

غايتو الزمن دا البمرض ما يمشي لي دكتور مصري كلو كلو يكتب ليك نص الصيدلية و النص التاني يقول ليك تعال ليهو بعد إسبوع إلا الولية الفنجرية حلاوة نبق الله يجعل فوقها البركة شالت ليك دواء الجنــا الممسوخ دا كبتو في الحمام و شابكاني ليم هاك يا جردقة و عرديب و شييييييح و حلبة و هلم جر من صيدلية الأعشاب

اصبروا علي النكمل كورة النشــا دي و بجي ارد عليكم بالمهلة ....و سنعيد سيرتها الأولي

أمانة فيكم النفسو في نشـــا بالعرديب و السمن يرفع أيـــدو

[abu_ola]

ابو شوتال - منو القال ليك راسك دايش
راسك عديل بس انتا بتسمع كلام زولك شبارقة
العامل فيها حنكوش ما بعرف الكلام دا

جوالنا فاتح يا ابو شوتال
لك الود[/color]

الحج ما جاء ولا شنو[/QUOTE]

الأنيق أبو شوتال

تحياتي و احتراماتي

الحج بجي يابا بس المحيرني البترول دا البطلعو شنــو :D:D

تعرف يا الخزين انا من يوم شفتك دخلت المنتدي و انت شايل شوتالك دا و الجماعة الحناكيش قالوا ليك اشرح لينا معني كلمة شوتال عرفتك زولي تب ( و كان لقيتم بالفرقة بتجغم المرقة ) بس الظاهر و الله اعلم ما لقيت ليك فرصة في التعديل الوزاري الجديد ما علينا المنتدى كلو طوع بنانك و نفاج عمنا والطاهر دا اعتبروا حقك تب اكتب ساااكت يابا و خلينا نتعلم و البوسة دا وسييييييييع بشيلنا كلنا تعال ساهي يا جنا عشاي و في رجاك تلقانا نحن يانا نحن

[abu_ola]

من اجل الحقيقة ... وللحق
عندما انشأت هذا البوست كنت انوي فقط ان استفذ ابو علاُ في الكتابة عن منطقة النيل الابيض ولكي نتعرف على ابو علاُ عن قرب وكنت انوي ان يكون الحديث مسترسلاً منه هو دون اسئلة ولا اجوبة لما لمسته في كتابات ابو علاُ الجميلة والشيقة ... لم استشر احد والله العظيم لم استشر احد ولا ابو علاُ نفسه - وقد يكون تفاجأ من هذا البوست - واقسم بالله العظيم ان هذه الفكرة لم اناقش فيها احد بالمرة ولا حتى ابو علاُ نفس لا برسالة خاصة ولا بتلفون ولا بغيره ... هكذا جاءت الفكرة وهكذا نفذت ... والله على ما اقول شهيد..
عند التداخلات مع بعض المشاركات اعترف تماماً انني اساءت الظن - وهذا اعتراف خطي اتمنى ان اسماح على سوء الفهم - وقد ترتب سوء الفهم لان هناك تلمحيات في اماكن اخرى حسبتها انها تعنيني انا ... ولك العتبى يا ود الطاهر.
وللحقيقة والحق ايضاً لم اطلب تثبيت الموضوع ولا خلافه واقسم بالله ثلاثاً على ذلك .... انما جاء تثبيت الموضوع من قبل الاستاذ صلاح الطاهر وقد افرحني التثبيت وفي نفس الوقت احرجني غاية الاحراج - وعرفت كم انا قد كنت مخطي ... وكم كان سوء ظني كبير وخطا... وقد تراجعت كثيراً وندمت كثيراً على هذا الظن السيئ .... ورجعت للوراء وتذكرت كلامات ود الطاهر لي ذات مرة وحسه لي على حب الجميع والبعد عن سوء الظن وعدم اثارة المناوشات .. وتذكرت وتذكرت وتذكرت وعلمت ان ود الطاهر قلب كبير يحب الخير للجميع .. رجل صاحب ابتسامة دائمة عذبة .. رجل يعمل لاجل الجميع ولاجل ان يكون هناك نظام وتنظيم وعمل متقن .. رجل لا يحمل في دواخله الا الخير للكل .. كم قصرنا في حقك استاذي صلاح الطاهر .. ولك العتبى حتى ترضى .. واتمنى ان تقبل اعتذار تلميذ من تلاميذك قد بدرت منه بادرة غير لائقة في حق قامتكم...
ولك كل المنى ... يا ابو فاطمة


إلــــي

مدثر ( بورتبيل )

صلاح ود الطاهر

رجالُ تعلمت منهم أن افضل الأيام هي القادمة

تحياتي و انتم تتألفون كل يوم و تتعانقون كل لحظة كرُشُرُشً العيون لتمنعون الغزي أن يتساقط على نهر المحبة الصافي

احتراماتي و انتم تزيليون ما علق في النفوس من كدر و ترمون كل منقصات الحياة واء ظهوركم و تسعون إلى الأمام بخطى ثابتة

علمونا كيف نتصالح مع أنفسنا و كيف نسمو فوق خلافاتنا و ان بدأت صغيرة

اثلجتم صدري و انا اري هذه الاريحية في تعاملاتكم

فمنكم المعاني و منا النشيد

[abu_ola]

العزيز .. أبو علا ..

وبقية الرهط الرائع من المتداخلين في هذا البوست..

ما أروعه السودان ... ... ما أروع كل شبر فيه ... ... إنه الحياة .. معاناة .. ... عزة ... شموخ ... عقيدة ... وإنسان يعرف قدر نفسه ... ... ..

تحية لك أخي ابو علا وأنت تتحدث عن تلك البقعة الطيبة من أرض بلادي الحبيبة .. ولو كل واحد منا حكى وأخلص في الكلم لجمعنا أطلسا من المعلومات التى يجب أن ننثرها ونبثها وننشرها عبر كل أثير لتحكي عن وطن عظيم وطن شامخ حدادي مدادي .. يعتز به أبنائه في كل مكان ...

وفي ختام مداخلتي هذه ستجدني .. .. متكأ على ضل حيطه (( عاوزة زبالة )) منتظرك تواصل وتجيني بأريحيتك تسلم وتونس .. .. وتفيد كما يفيد النيل في مسام التربة من غير ألم ولا من .. لك التحية ...



وطني لو شغلت بالخلد عنه * * * نازعتني إليه في الخلد نفسـي

استاذي ود تابر

تحية خاصة و احترام ما له عددُ

من المعلوم سلفاً ان الوطن تمازج بين الأنسان و الأرض و حراك ثقافي بين ساكنيه فيا لها من أرض سكنها قوم كرام كل شبر منه يحكي قصة الألفة و السمو و الرفعة ... الأرض تعشق انسانه فتأبي ان يطاها سواه ، و هو لا يريد سواها فيكفيه ان يعيش على ترابها و يبعث من اعماقها ... انها قصة عشق ابدي بطول الحياة

فنحكي عن وطننا و لنفاخر به فهو احق و اجدر بذلك ،،، منه العطاء و له الوفاء


لعمرك ما ضاقت بلاد بأهلها **** لكن أخلاق الرجال تضيقُ

[abu_ola]

كان داير الصيد أمشي ناس عبيد

كان داير الوزين امشي ناس صالح الدين

و كان دُرت الكلمة الطيبة و النفس الرضية

داااك فريق الكاهلية

و كا داير المحنة و المرأة الزينة

من ناس الجبينة و تعال علينا

هذا المقولة متواترة الرواية أبا عن جدا عن حبوبتنا ست أبوها رحمة الله عليها و هي عندنا من صحاح القول أطلقتها مدوية تعلن التناغم و التمازج بين أهل القرية فهم في توادهم و تراحمهم كالبنيان المرصوص يشد بعضه بعضا فهي بمثابة ميثاق التلاحم و فكرة إعلان الحياة في القرية يحكي انه عندما أراد احد أبنائها أن يتزوج و طلب منها أن تختار له عروسة تُسر الخاطر و تشرح النفس و تشاركه في بناء أسرة قوامها التوحيد و عمادها الأخلاق إمرأة اذا نظر إليها سرته و إذا غاب عنها حفظته في نفسه و دينه و ماله ،، علماً بأنه في ذاك الزمان البهي كانت الأسرة تلعب دوراً محوريا في اختيار شركاء الحياة و كانت الحياة الزوجية تبتدئ من الأسرة و تنتمي إليها إذ للأسرة الممتدة و العم و الخال و الحبوبة دورا أساسي في التوجيه و الإرشاد الإجتماعي قيل أنه في ذاك الزمان الندي لم تعرف القرية بيوت الأبواب المغلقة و حوائط الأسمنت العازلة للصوت و الصورة كانت نفاجات البيوت مداخل لقلوب ساكنيها .


و في المقولة إشارة إلى التمازج بين سكان المنطقة فلا غضاضة ان تتزوج من خارج الأسرة طالما كانت الفتاة معروفة النسب و الحسب و من الوسط الإجتماعي المعروف للجميع لعلمهم التام و يقينهم الذي لا تشوبه شائبة أن للتوافق الإجتماعي بين الزوجين دوراً رئيسياً في استمرار الحياة الزوجية و تعميق أواصر المحبة و تحقيقاً للمودة و الرحمة المذكورة في كتبا الله العزيز و في المقولة إشارة جميلة لأحياء القرية الأربعة فهي كما وردت في المقولة الصحيحة الرواية


كان داير الصيد أمشي ناس عبيد

سمي حي العبيداب نسبة إلى جدهم عبيد و هم فرع من قبيلة الجعافرة رجال كأشجار البلوط طولاً و لونا و قلوبهم أصفى من الحليب و تمتاز نسائهم بالجمال و الطول الفارع و القوام المتناسق فهن اقرب الى الصيد من الإنسان فتبارك الله الذي صور كل شئ فأحسن صوره



كان داير الوزين امشي ناس صالح الدين

سمي حي الصالحاب نسبة لجدهم صالح الدين ( صلاح الدين ) ويرجعون في نسبهم الى قبيلة الجعليين فنسائهم تبارك الخالق يمتازون بالبنية الجسدية و الملمس الناعم و يشتهرن بالعناية الفائقة بزينتهم لهن باع طويل في عالم المكياج و ( الميك أب ) و الدلكة و اللخوخة و يا بخت العروس التي تشرف على عطوراتها أمرأة منهن،، فهن اشبة ما يكون بالوزين ذاك الطائر الجميل المنظر المتناسق القوام الخفيف الحركة مع أكتناز في اللحم .



و كان دُرت الكلمة الطيبة و النفس الرضية
داااك فريق الكاهلية

و حي الكواهلة اشارة الى جدهم كاهل و يقال انهم من عرب الجزيرة العربية وفدوا الى السودان و انتشروا في أرجائه و هم قوم معروفين بطيب النفس و نقاء السريرة و البشاشة و الكرم و إمراة منهم بعشر رجال مما تعدون و فيهن من الجمال ما الله عالم به



و كا داير المحنة و المرأة الزينة
من ناس الجبينة و تعال علينا

اما الحي الرابع الذي ذكر ضمناً في قولها من ناس الجبينة و تعال علينا و تفتخر بانتمائها إليه فهو حي الدناقلة يقع في الناحية الجنوبية يحده من الشمال شارع النيل و بيت حبوبة الجبينة رحمة الله عليها و اسمها الحقيقي ( قسمة ) و تلقب بالجبينة لأنها كانت قصيرة القامة فتم تشبييها بالجبنة ( الدلة التي توضع فيها القهوة ) و تم تصغير الاسم تناسباً مع قصر قامتها و هذا اللقب محفوظ الحقوق الطبع و التوزيع بين صديقاتها المقربات و يا ويليك و يا سواد ليلك كان سمعتك قلت ليها حبوبة الجبينة فألاشقياء فقط هم من يتلفظون بهذا اللقب و عقابهم معلوم للجميع فإحترام الكبير وجبة غذائية أساسية تقسم مجانا لكل مولود في القرية كل صباح قبل أن ترضع الأم وليدها لبن ثديها


إضافة الى تلك الأحياء فهناك حي العرب القابع في اقصي شمال القرية و هم مجموعة من قبائل شمال كردفان الرعوية وفدوا الى المنطقة طلباً للماء و الكلاء و لما طاب لهم المقام استقروا على شاطي النيل حيث وجدوا الترحاب من اهل القرية فقاسموهم القلب قبل الأرض ففتحوا قلوبهم قبل ان يقتحو بيوتهم لنا و قد مكثو ردحاً من الزمن لا يتصاهرون مع أهل القرية فلا يزوجنهم و لا يتزوجون منهم كأن قريش حاضرة معهم تسمع و تري و توصيهم بألا يتزوجوا من أهل الشعاب و هم قوم فيهم عزة و شموخ و إباء يعتبرون أنفسم عرباً خُلصاً و في مكنون ذاتهم أنهم اصحاب السودان الأصليين و غيرهم قبائل و جماعات وافدة من الجزيرة العربية و الحجاز و نواحي أفريقا و بقايا غزاة و مهاجرين ، و أهل القرية يعتبرونهم عرب رُعاة لا يرتقون الى درجة المصاهرة بهم و ليس في الأمر أي نعرة قبيلة بل هي عزة النفس و أصالة العرق فالعرق دساس كما ورد في الأثر ، شيئا فشيئاً و بمرور الوقت تداخلوا معهم و شاركونا المدرسة و المستشفي و المشروع و كل نواحي الحياة فالناس شركاء في الماء و الكلاء و مقومات الإنتاج فنمت صداقات فردية سرعان ما تطورت الى علاقات أسرية متينة و روابط من لحم و دم فالكل منصهر في بوتقة الإنتماء الى القرية و حُب الارض قاسم مشترك بين الجميع و هو مقياس صدق على اواصر المحبة و العلاقات الإجتماعية بين الناس و رحمة ربانية ان خلقنا شعوباً و قائل لنتعارف و نتوحد جميعا و يكفينا فخراً نحن اهل السودان جميعاً نحول قرآننا و كلام ربنا واقعاً معاشاً ملموس فحياتنا بالرغم من بساطتها عبارة عن ترجمة عملية تطبيقة لتعليمات ربنا عز و جل


جعلي و دنقلاوي و كاهلي شن فايداني
غير بت خلاف خلت أخوي عاداني
يكفي النيل أبونا و الجنس سوداني

[abu_ola]

الاحبّه بورتبيل الجميل وأصيل وأبو علا صاحب المعالي والعلا..
ياسلام ياشباب فتحتوا لينا طاقه يجينا منها همبريب ودعاش النيل ..وأضفتوا لينا رئه تالته نشم ونكرف بيها عبق الاصاله والتراث ...وكم كراع نسارع بيهن الخطا لزيارة البيان ...
والما بكسي لينا بيان الشيخ الطيب بي رايتين بوبلين ابوغزالتين ويخت الزياره تحت الطوبه ما حبابو ..والبجينا كارب صليبو أن شاء الله كراع البنطلون تتملي حسكنيت عشان يآمن ..والضريسه تقد ليهو الجزمه وتعتّر ليهو فقوسه ترميهو علي قدومو ....
ويوم الجمعه قهوتنا في البيان ومن لي يجي لي ...والروس الروس حباب التروس ...



إذا وقفت أمام شخصاً صامتا *** فالصمت في حضرة جمال جمــال

شيخنا ود الماحي

اشكرك على هذا الحضور البهـــي فأنت شلال من المبأدي و القيم دائم الجريان بيننا و ما نحن إلأ رزاز تطاير هنا و هنــاك على جانبيك ...

[abu_ola]

حباب الاحباب
ابوعلا ...ابوكلاما حلـــــــــو ذى الباسطه ..
هوووووى يا بوتبيل منوا القال لك ناس ابو
علا ما بعرفه الجاتوه ...
شفته يوم زيارة الضريح بالله القيمات معجون
بالعسل ..لكن الله يلعن الخواجات ...جابو لنا
البسطات والجاتوهات و..وشنوا ..داك ما بعرفه
واخرتها ..سفروا ابوعلا الى مطار(( شيرميتفا2))
وقال لك كده ابوعلا نزل من الطائره وقعد اقالد فى
الخواجيات ..هن عاد جنس خوجيات ..
حلفتك بالنبى يا بوعلا ..لاتنسى هذه الحقبه
تعال يابوى نحن قاعدين تحت ظل الشجره
فى انتظارك ...



الحبيب أبو فايزة العسل

حبيبنا يا أبو سفروق

يا سيد الفهم و الذوق

أنسان بسيط و خلوق

في كرمو ما ممحــوق


دقيق اللقيمات يا الخزين فضلة خيرك من قمح السواقي و شارب موية النيل و العسل من شدرات الصنط الكبار و بعدين مديدة البلح زاتها انتاج محلي ،،، الخواجات ديل نحن ما دايرين منهم حاجة تب ندخلها البيان

الله يذكر بالخير يا نزار اخوي ذكرتني روسيا و ايام الجامعة غايتو دي مخلاية ذكريات كان الواحد فتحها عييييييييييييييييييييك مواقف و طرائف و ذكريات ما ليها حــد غايتو يا الخزين كان فتحنا المخلاية دي فيها جنس محن الله يستر بس

[عثمان جلالة]

و كان دُرت الكلمة الطيبة و النفس الرضية
داااك فريق الكاهلية

و حي الكواهلة اشارة الى جدهم كاهل و يقال انهم من عرب الجزيرة العربية وفدوا الى السودان و انتشروا في أرجائه و هم قوم معروفين بطيب النفس و نقاء السريرة و البشاشة و الكرم و إمراة منهم بعشر رجال مما تعدون و فيهن من الجمال ما الله عالم به

والله يا الخزين حله سمحه سماحة فيها تمازج عجيب ... وانصهار ... وجمال في التشكيلة ممكن نهزم بيهو (الفريق المصري) حامل اللقب :p وصدقت آآآآ الخزين ... يكفي النيل أبونا والجنس سوداني ... وديل أهلي

[نزار حسن محمد]

ابو علا ..
سلامتك ..وبورتبيل ود الطاهر كرامتك
علا ودجلاله ضعيفون...
سحروك يايابا...
علا قلت لك ..بدور لى كورت نشا بالعرديب
ذكرتنى ..ال (( الكيفاص )) بتاع ناس نتاشا..
هوووى المراه ما تجى تشوف الكلام ده و
ودعتك الله يالخزين ..ومنتظرك تحت شجرة السنط