ايام لها ايقاع

[صلاح ودالطاهر]

ياخوانا كل منا يحب ان ترجع عجلة الزمن للوراء السؤال لماذا هل كان الماضي اجمل من الحاضر والمستقبل ولا الحصل شنو بالظبط كدي كل واحد يورينا وجهة نظر في الكلام ده وبرجع ليكم بروقه

[عثمان جلالة]

نحن غايتو كان علينا يا عمي ود الطاهر ... صغار ما شفنا فيها الدنيا دي حاجه :p وأكتر حاجه.... نشوفها لأول مره وصول المنتخب القومي لنهائيات غانا ... لكن كدي النسمع حديثكم السمح ... لكن أكيد ... الفات كان جميل وهدي قعده .... :rolleyes:

[صلاح ودالطاهر]

نحن غايتو كان علينا يا عمي ود الطاهر ... صغار ما شفنا فيها الدنيا دي حاجه :p وأكتر حاجه.... نشوفها لأول مره وصول المنتخب القومي لنهائيات غانا ... لكن كدي النسمع حديثكم السمح ... لكن أكيد ... الفات كان جميل وهدي قعده .... :rolleyes:
الوريف جلالة كنا نصاح ذي واطاتنا الا الحصل البيحصل كل صباح .....ما حدثتك بت تامزين جابت لها بت ست اولاد حتان البت التومات طيبات ونصاح الاهباش بلحيل يا آلزين

[معتز الريح]

والله يا صلاح جيت في جرح ..
الناس بتتمنى الماضي عشان الماضي جميل بي ناسو
عشان النفوس كانت بسيطة ..
عشان الحبوبات عايشات ..
عشان الأخوان والاخوات كانوا في بيت واحد ..
عشان ...............
وعشان .............

ياخي بملى ليك البوست ده وما بقيف ..
كفاية عليك كده ..

[صلاح ودالطاهر]

كدي يا حبايب نعيش شويه مع شاعرنا الفز الرائع هاشم صديق في قصيدته
شَجَن الزمن

كل ورده...وكل قمحه

كل ساعه وكل لمحه

كل تايه وكل سمحه

كل شى..راجع لخالقُه

والزمن لو فات بخطوه

ما بْتعود ترجع دقايقه.

ونحنا قاسينا وشقينا

وآخر الرحلة الحزينه

غِبنا فى الحسره وبكينا

وقلنا دنيا ..وحى علينا

نِحنا فيك ضِعنا انتهينا

راح زَمَنَّا

وغاب أملنا

ولو بتقدر- وما حتقدر-

أبكى يا شارع المدينه.

يا زمننَا الختّ رَحلهُ

فى صحارى المستحيل

بالغموض لفّح ألَمنا

وضارى من عينَّا السبيل

وين مُثُلنا

ووين قيمنا

ووين صِحاف ناسنا القبيل

ومالو حالك يا زمننَا

ديمه تِتجبَّر تشيل

يا سنين عمر المثالى

الماها زى كل السنين

فيكِ

نجم الإلفة غرّب

وضاع معاك سِر اليقين

حتى أحلام الصداقة

الكانت العِز للجبين

مات ضياها

وراح شذاها

ورنّح اغصانها الحنين

لى مُثُلنا

ولى قِيَمنا

ولى صفا الماضى الأمين

ويا هو حالك يا زمَننا

ديمة تِتجَبّر تشيل

الوهم فيك انه نحيا

واليقين هو المستحيل

وكل ساطع...وكل ضايع

كل شى..

راع لخالقُه

والزمن لو فات بخطوه

ما بتعود ترجع دقايقُه

[ابوالنور]

انا قايتو عن نفسي بتمني انو الزمن ده يرجع شهرين بس عارف لية يا استاذ