اسو شنو [الأرشيف] - منتديات ودمدني

العاقب مصباح

25-05-2009, 01:44 AM

كان عندى خمسه الف مشاركة

والله اللقيتم هسع ولا راس المال

العاقب مصباح

25-05-2009, 01:57 AM

لو كان فى واحد جرانى كان حرقت

لكن كويس اتقبضت بى 14 كرت بس

يعنى عندى فرصة العب تانى يمين الفاتح وكدا

مدنيّة

25-05-2009, 02:04 AM

هي يا العاقب مابركة انت في رقبتك قاعد :D:D

طبعا بالجد ضحكتني كيف ب"هسي ولا راس المال"

وبعدين ياخ البركة في "مجتهد" دي :p

بجدية :

العاقب عندي ثقة فيك انك ح ترجع نشط اكتر من الاول
مع قناعتي التامة انه الاهم الكيف وليس الكم (مع انه كمك ملان كيف)

العاقب مصباح

25-05-2009, 02:07 AM

هي يا العاقب مابركة انت في رقبتك قاعد :d:d

طبعا بالجد ضحكتني كيف ب"هسي ولا راس المال"

وبعدين ياخ البركة في "مجتهد" دي :p

بجدية :

العاقب عندي ثقة فيك انك ح ترجع نشط اكتر من الاول
مع قناعتي التامة انه الاهم الكيف وليس الكم (مع انه كمك ملان كيف)

مدنية يعلم الله مشتاقين

كدى النسعلك سؤال

مواضيعنا القديمة المهمة هل ممكن نعملها فى بوست واحد كلها ولا ننزلها من جديد

خالص احترامى وربنا يعوضنا

مدنيّة

25-05-2009, 02:21 AM

نزلها من جديد بوست بوست ياود مصباح
خليك حريف

"المعني عشان ترجع ليك الخمسة الف بسرعة" ;);)

عبدالرحمن مدثر

25-05-2009, 02:23 AM

قلت لى شنو يامجتهد

نسوى شنو

ياااااخ نحن من الصباح فى صف التسجيل:p:p

النور محمد يوسف

25-05-2009, 02:28 AM

العاقب ..بركة اللقيناك ....

والله كنت خايف تكون شالتك الشيمة ....

المال ملحوق آآآخوي ...بركة في الرقبة دي ....

وغايتو لو قالوا اغطسوا وفتشوا براكم شوفوا امكن تلقو حاجة لسع حية انا ما بفتش غير موضوعك بتاع دخان النسوان ...
لانو دا يالعاقب حتى لو لقيناهو ميت بتكون ريحتو طاقة حلاوة

ووين بتاع الحاج بابكر
ووبن حب في المنتدى العام
وحق النفاج
وتاميم قنوات الجزيرة ...
غايتو يا العاقب الصيوان حقك براك ....الله يعينك ترجعهن لينا براك بطريقتك ...
زول محمَّل قوي ...والبحر غريق
الله يستر

نشتاقك بشدة أخي العاقب

النور محمد يوسف

25-05-2009, 03:35 AM

تعرف يااالعاقب بعد طشة المنتدى دي غطست ليك تحت احاول اساعد في عملية الانقاذ
ونرجع ليك جزء من الـ 5 الف الراحت منك دي

وفي اثناء البحث

لقيت ليك حاجات عايمة كتيرة ما تديك الدرب

كمونية جلالة ولقيمات دعوب ولقيت ليك 24 كرسي مولعات عديل كدا وعليها رجال وحريم

وشفت ليك صيوانات عزاء كتيرة وحفلات اعراس وشفت ليك ودالصول حايم في السوق يقاتل في الجنادب...ولقيت ليك كمان كميات كتيرة من القصائد والاهات والانات ...وشايف ليك نجيب هناك يشاكل في الوالي القديم ... الله يجيب لينا نجيب

وشفت ليك الناس حايمة في منتدى قرية ودالمصباح وبيني وبينك كدا حفرة الدخان شفت ليك عليها كووووورجة ....استحيت ما مشيت ...عاوزك تمش تجيبها لينا برااااك .....اليوم قبل باكر ...وشايف ليك هناك ودالمدثر سايق السيارة وماشين المايجوما ومعاهو بنيات غاليات علينا كتير ....عبدالرحمن قلع ....الله يجيب لينا ابوعمرو ومريم الاخرى واعتماد والبقية الطيبة من ذلك العقد الفريد .... وشايف ليك هناك سواااح سايق عروسو معاهو لشهر العسل .... وشايف كمان عثمان جلالة جاهز لاستقبال منة ...وهناك شايف ليك رضا يرقص مع بنات الزاندي ..والناس داخلة ومارقة هناك ترحب بودووو.... وشايف هناك مدنية جات من القاهرة ومعاها جمال مبسوطين ....وشايف ليك كمان ام درمان جايطة من حركة العدل والمساواة ......وكمان شايف المطار فيهو ناس كتيرة قالوا الطائرة السودانية وقعت وفيها ضحايا ...وشفت ليك ايمن عبدالله معاهو كم موضوع .....غايتو يااالعاقب لازم الناس تتحزم وتجيب كل الحاتل تحت ...وكان ما قدرنا ....نسال الله يقدرنا نجيب اصحابها كتابها وما ذلك على الله بعزيز .... وكمان لقيت ليك اوكامبو تحت حاتل ...اديتو ليك شلوت وجيت طالع

عوض الكريم الخواض

25-05-2009, 03:56 AM

الشاب المجتهد دا ...
يا ربى أنا شايفو وييييييييين ... :D:D:p:p

faqatar007

25-05-2009, 07:50 AM

الـــــف حمـــــدلله على السلامة والحمدلله الجات على كده

وتقديرنا والعرفـــان للرئيس المقدام على الجهود الجبارة

http://up.dwltna.com/images/4yhnwzjk76afgzeut20o_thumb.gif (http://up.dwltna.com/viewer.php?file=4yhnwzjk76afgzeut20o.gif)
http://www.arb-up.com/files/arb-up-2008-6/2Fg78169.gif (http://www.arb-up.com/)

العاقب مصباح

25-05-2009, 09:31 AM

نزلها من جديد بوست بوست ياود مصباح
خليك حريف

"المعني عشان ترجع ليك الخمسة الف بسرعة" ;);)

سبق سيفى العزل يا مدنية

مراعاة لأسباب ما فضلت ان انزل القديم فى بوست واحد

خشية عدم استطاعتى على الرد بنفس الروح الاولى

امسحيها لى فى بوستى:d:d:d

احترامى بشدة

ابو لوزة

25-05-2009, 10:09 PM

والله ياالعاقب اخوي
ربنا يعوضك بس شد حيلك
واديني معاك شوية

حافظ شعبان

26-05-2009, 01:34 AM

سلام عقبه
الف حمدا على السلامه
انت محظوظ مواضيعك موجوده بالمنتديات امش فتشه وجيبا لينا
مشاققه ( ماتنسى تكتب عليها منقول )

العاقب مصباح

26-05-2009, 06:15 AM

قلت لى شنو يامجتهد
نسوى شنو
ياااااخ نحن من الصباح فى صف التسجيل:p:p

هههههههههههههه
ود مدثر والله كتاباتك حارقانى شديد
ما كنت عارف انها
وشلهتك ياهى الشلهتت منتدانا
عيدية الدواخل
وايييييييييييييييييك يا new انت
بى تكاتفنا بيرجع كل القديم
والفات مااااااااااااااااااااااااات
ويمكن لى خير يا ود مدثر اخوى

العاقب مصباح

26-05-2009, 06:16 AM

العاقب ..بركة اللقيناك ....
والله كنت خايف تكون شالتك الشيمة ....
المال ملحوق آآآخوي ...بركة في الرقبة دي ....
وغايتو لو قالوا اغطسوا وفتشوا براكم شوفوا امكن تلقو حاجة لسع حية انا ما بفتش غير موضوعك بتاع دخان النسوان ...
لانو دا يالعاقب حتى لو لقيناهو ميت بتكون ريحتو طاقة حلاوة
ووين بتاع الحاج بابكر
ووبن حب في المنتدى العام
وحق النفاج
وتاميم قنوات الجزيرة ...
غايتو يا العاقب الصيوان حقك براك ....الله يعينك ترجعهن لينا براك بطريقتك ...
زول محمَّل قوي ...والبحر غريق
الله يستر
نشتاقك بشدة أخي العاقب

استاذى النور محمد يوسف
طالما انتم متواجدون فلا شئ قد ضاع
بل اكتسبنا عودتك
وهى الاهم
وارجو ان تتحفنا بكتاباتك السابقة مرة اخرى
فهى وحدها الكنز الذى نبحث عنه
لك محبتى دوما واحترامى

اللفة:- طبعا يا استاذ النور شاءت الظروف انو بوست الدخان احتفظت بيهو كاملا بكل الردود الفيهو والواحد كل لحظة يمشى يشم ويضحك ويجى راجع

لك الشوق الخاص معبأ فى الدواخل

العاقب مصباح

26-05-2009, 06:17 AM

تعرف يااالعاقب بعد طشة المنتدى دي غطست ليك تحت احاول اساعد في عملية الانقاذ
ونرجع ليك جزء من الـ 5 الف الراحت منك دي
وفي اثناء البحث
لقيت ليك حاجات عايمة كتيرة ما تديك الدرب
كمونية جلالة ولقيمات دعوب ولقيت ليك 24 كرسي مولعات عديل كدا وعليها رجال وحريم
وشفت ليك صيوانات عزاء كتيرة وحفلات اعراس وشفت ليك ودالصول حايم في السوق يقاتل في الجنادب...ولقيت ليك كمان كميات كتيرة من القصائد والاهات والانات ...وشايف ليك نجيب هناك يشاكل في الوالي القديم ... الله يجيب لينا نجيب

وشفت ليك الناس حايمة في منتدى قرية ودالمصباح وبيني وبينك كدا حفرة الدخان شفت ليك عليها كووووورجة ....استحيت ما مشيت ...عاوزك تمش تجيبها لينا برااااك .....اليوم قبل باكر ...وشايف ليك هناك ودالمدثر سايق السيارة وماشين المايجوما ومعاهو بنيات غاليات علينا كتير ....عبدالرحمن قلع ....الله يجيب لينا ابوعمرو ومريم الاخرى واعتماد والبقية الطيبة من ذلك العقد الفريد .... وشايف ليك هناك سواااح سايق عروسو معاهو لشهر العسل .... وشايف كمان عثمان جلالة جاهز لاستقبال منة ...وهناك شايف ليك رضا يرقص مع بنات الزاندي ..والناس داخلة ومارقة هناك ترحب بودووو.... وشايف هناك مدنية جات من القاهرة ومعاها جمال مبسوطين ....وشايف ليك كمان ام درمان جايطة من حركة العدل والمساواة ......وكمان شايف المطار فيهو ناس كتيرة قالوا الطائرة السودانية وقعت وفيها ضحايا ...وشفت ليك ايمن عبدالله معاهو كم موضوع .....غايتو يااالعاقب لازم الناس تتحزم وتجيب كل الحاتل تحت ...وكان ما قدرنا ....نسال الله يقدرنا نجيب اصحابها كتابها وما ذلك على الله بعزيز .... وكمان لقيت ليك اوكامبو تحت حاتل ...اديتو ليك شلوت وجيت طالع

الغالى النور محمد يوسف عبد الله
اخدت لى تخريمة لى ناس ام تريبات وشفت بيوتها وشفت بيتكم الطرف وبعدتوا تب من ناس جلالة الله يستر ما يمشى البلد ويجى يقول ليك ما لقيت طريقة امشى ليهو....
وفتشت لى مشاركاتك لقيت ونسه وقضية الصيد الثمين موجود وبه نكهة القرية ونكهة الصبر ولو قرأناها مجددا لخففت علينا فقدنا لأن ما فقده ود الشيخ يفوق مصيبتنا بكثير...
نحمدك يا الله على العافية والروح الباقية والبكب ما قدر يعمل ليها شئ...
اها دايرين لينا كم يوم نحوم نشوف الرايحة مننا وقالوا سيد الرايحة بيفتش خشم ((قوقل)) ومن دربنا داك بقينا من اصحاب الابحاث...يعنى لو جو واستضافونا فى اى تلفزيون بيكتبوا قدام اسمنا كلمة (الباحث)) ما دام ما لمينا فى دكتوراة ولا استاذية ....طلعنا ناس ساى ....
وزى ما قالت مريم الاخرى فى ونسه وقضية لماذا نتعب ونخطط حياتنا طالما ان الحال ماشى .....
اها بعد نفتش اسمح لى اجيب كمية من مفقوداتنا ومن دربى دا ماشى اعمل بوست للمفقودات .....

محبتى واحترامى

العاقب مصباح

26-05-2009, 06:19 AM

الشاب المجتهد دا ...
يا ربى أنا شايفو وييييييييين ... :d:d:p:p

الجديد شديد يا عوض اخوى

والاجتهاد يؤدى الى النجاح

اخير انا مسكت لى طرف خيت

الكلام الناس البتسجل ومنتظرة ترحيب فى كل اعتداء بكب

العاقب مصباح

26-05-2009, 06:21 AM

[QUOTE=faqatar007;300050]

الـــــف حمـــــدلله على السلامة والحمدلله الجات على كده

وتقديرنا والعرفـــان للرئيس المقدام على الجهود الجبارة

[CENTER]
والله يا استاذ محجوب الاتلقى اكبر واعظم من الاتفقد.....

حضوركم ووالجلوس بجانبكم هو ما وجدناه

لك التحايا والاحترام

العاقب مصباح

26-05-2009, 06:22 AM

والله ياالعاقب اخوي
ربنا يعوضك بس شد حيلك
واديني معاك شوية

يا هيثم الخواض

حتى اسمك شالوهو منك...

والله بكب حقار وبس

وكلنا فى الشحده سوى يا هيثم اخوى لكن فايتنك بالبكب قصدى بالصبر :d:d

العاقب مصباح

26-05-2009, 06:52 AM

سلام عقبه
الف حمدا على السلامه
انت محظوظ مواضيعك موجوده بالمنتديات امش فتشه وجيبا لينا
مشاققه ( ماتنسى تكتب عليها منقول )

مرحب حبابك استاذنا حافظ شعبان

اها خوفى من كلمة منقول دى

عشان كدا ختيتها فى صندوق واحد عشان ما نتلوم

لك الاحترام على العودة الجميلة

عادل على

27-05-2009, 05:01 AM

العاقب أخوى الجاتك فى مشاركاتك سامحتك البركة البقت فى المشاركات ما كانت فى حاجات ثانية و الظاهر ناس الشرطة ديل سحبو منك الدبابير و رجعوك عسكرى من أول و جديد .
بالتوفيق يا عاقب و لن يجف يراعك واصل أبداعك و ربنا يعوضك مشاركات ومشاركات و ترقيات

عبدالمنعم الصديق(خدرا)

27-05-2009, 10:01 AM

العاقب اخوى
كيفنك
اريتك تبقى طيب
والجاتك فى الخمسه الف بتتعوض بخمسه اخرى
حمدلله على عودة منتدانا
والاجمل عودة النور محمد يوسف الذى افتفده كلما غاب
وانتو بتفتشو دحين هايسى ماوقع فى عينكم
اوعى تقولو لى زى ماقال نايب البرلمان البوث لشيخ ابو سن لما سأل البوث من مركوبو
(بالله شوف شيخ عرب دا فى مركوب بقع فى العين؟؟)
لك حبى ايها الغالى
وستظل تلك الحفره هى أجمل ما حفرت لنا فى المنتدى