المساعد الشخصي الرقمي

مشاهدة النسخة كاملة : ماتخمر لى ............



عبدالرحمن مدثر
25-05-2009, 02:47 AM
نفسى اخمر فكرة انو نحن عجينة


واحدة ....


متماسكة


بتتمممطططط


ومابنقدر نقطعها لاجزاء


وتقول ... طشششششششششش







ماتخمر لى

عثمان جلالة
25-05-2009, 03:35 AM
:D:D:D:D:D:p;););):cool::eek::rolleyes:

هههههههه سيد الرايحه ... بشوف خمرة العجين

بخمر ... ليك:D:D:D

العاقب مصباح
25-05-2009, 05:03 AM
((الخمرة)) الاباها المهدى

تعرف يا ود مدثر

عملنا بوست دخان النسوان

والوحم

يا ريت لو كملت الناقصة

صلاح ودالطاهر
25-05-2009, 05:21 AM
بخمر ليك وبخمر ليك

عبدالرحمن مدثر
25-05-2009, 08:03 AM
:D:D:D:D:D:p;););):cool::eek::rolleyes:

هههههههه سيد الرايحه ... بشوف خمرة العجين

بخمر ... ليك:D:D:D

بخمر ليييييييييييييك

واعووووووووسك ذاااااااتو


ياعمنا انت واااااحد من المكوناااات الرئيسية للعجينة


ماااتخمر لى :p:p

عبدالرحمن مدثر
25-05-2009, 08:05 AM
((الخمرة)) الاباها المهدى

تعرف يا ود مدثر

عملنا بوست دخان النسوان

والوحم

يا ريت لو كملت الناقصة





ديمة خيالك وااااااااااسع

لو تابعتك ....... بغرق


انا تخصصى عجينة وزلابية ولقيماااااات


وخميرة معقولة


ماتجيب البلح .... وتجى


خليك ................ ايزى

عبدالرحمن مدثر
25-05-2009, 08:07 AM
بخمر ليك وبخمر ليك

عمدتنا

احلى حاجة فى المنتدى الجديد

(صورتك الرمزية )


يعنى لو انت خمرت لى


امشى ويييييييييييييييين


نحن معسكرين بجااااااى


ماتخمر لى

خالد 000 ابقرجة
25-05-2009, 08:40 AM
ود مدثر 000

خايف مكونات خميرتك دي تجيب ليها جبنة وزيتون 000

ممكن أهدي ؟؟؟؟

خمرتا بيك 000 عصب السكون 000

عبدالرحمن مدثر
25-05-2009, 08:46 AM
ود مدثر 000

خايف مكونات خميرتك دي تجيب ليها جبنة وزيتون 000

ممكن أهدي ؟؟؟؟

خمرتا بيك 000 عصب السكون 000



ابوآية بركة اللقينااااك

وشفناك طيب (وجديييييييييييد )


انت عارف انو فى ناس بتتحب ساااااااى

المحبة دى مامقسومة ليهم

وفى ناس ماعندهم (التكتحك )

خميرة (عكننة )


والساااااااااااااااااادة لونو خمرى

قلبى حباااه


خليك قريب

ورااااااااقب معاى عجينتنا دى


ماتخمر شديييييييييييييد

عوض الكريم الخواض
25-05-2009, 11:09 AM
ما بين الخمرة والخمرة بون شاسع ...
ولكن تجمعهما متلازمة ...
أنهما الأثنتنان مسكرات ... :eek::eek:
لكن الأولى حرام والتانية نص نص حرام وحلال ...
كدى خلينا فى خميرة البيرة حقتك دى ...
الكلمة الأولى حلال والكلمة التانية حرام ...
يا ود مدثر داير تجننا ...
عوس عواستك ساااااااااااااااي ...
وخمّرا فى رآسك ...
وأوعك تكملا وتسمع كلام ود العاقب ...
ما ناقصين مشاكل .

العاقب مصباح
25-05-2009, 11:16 AM
جبت لى زيت للرمى

اها الرمية الاولى لى انا

بريد اللقيمات ريدة شديدة خلاص

عجينك دا ما فار لسه

كب ليهو اندروس عليك الله

وبالعدم قابل بيهو الشمس ديك

خلينا خمرتنا الجهجهتنا

بقينا فى عجينك

عالم جبانات بشكل:d:d

العاقب مصباح
25-05-2009, 11:18 AM
ما بين الخمرة والخمرة بون شاسع ...
ولكن تجمعهما متلازمة ...
أنهما الأثنتنان مسكرات ... :eek::eek:
لكن الأولى حرام والتانية نص نص حرام وحلال ...
كدى خلينا فى خميرة البيرة حقتك دى ...
الكلمة الأولى حلال والكلمة التانية حرام ...
يا ود مدثر داير تجننا ...
عوس عواستك ساااااااااااااااي ...
وخمّرا فى رآسك ...
وأوعك تكملا وتسمع كلام ود العاقب ...
ما ناقصين مشاكل .




يا شيخ والله امس انا وعصمت فى الماسنجر شبعنا قطيعة فى وحمك

قلنا لازم يرجع

والمحاولات جارية لتحنيس البكب

ارجى الراجيك

صلاح ودالطاهر
25-05-2009, 09:58 PM
عمدتنا

احلى حاجة فى المنتدى الجديد

(صورتك الرمزية )


يعنى لو انت خمرت لى


امشى ويييييييييييييييين


نحن معسكرين بجااااااى


ماتخمر لى

ود مدثر اخوي الصوره دي جاءت بعد الفيضان كانت موجوده في الزمن دك لكن ناسبة الزمن ده

عبدالرحمن مدثر
25-05-2009, 11:53 PM
ما بين الخمرة والخمرة بون شاسع ...
ولكن تجمعهما متلازمة ...
أنهما الأثنتنان مسكرات ... :eek::eek:
لكن الأولى حرام والتانية نص نص حرام وحلال ...
كدى خلينا فى خميرة البيرة حقتك دى ...
الكلمة الأولى حلال والكلمة التانية حرام ...
يا ود مدثر داير تجننا ...
عوس عواستك ساااااااااااااااي ...
وخمّرا فى رآسك ...
وأوعك تكملا وتسمع كلام ود العاقب ...
ما ناقصين مشاكل .


لكن ياسيد البوست الملغم

المشااااااكل الزى دى ماحلوة :p:p

بعدين النااااس شوية

والشكلة بتكون صغيرة .. وبتتفرتق

سمعت من العصفورة انك جااااااى تاااااااانى

لمحطتنا السمحة دييييييييييييييييك

والود قرنبيييييييييييييط بسلم عليك :p:p:p

خالد 000 ابقرجة
27-05-2009, 12:48 AM
الخرباش 000

ده كلام ده 000 معديها لي دخلة ومرقة ( وشمارات في مرقة ) 000 و أجي ( دي ما أجي يا بنات أمي ) أجي هنا القا العجينة فايرة ومتدفقة ؟؟؟ 000


لكن عارف يا ود مدثر 000 عجنتك تمام 000 وزي ما دايرا 0000 قدر ما جريتا عشان اقطع لي منها حتة 000 تتمطا معاي 0000 عشان كدي أرقد قفا 000


بمشي واجيكم تاني 000

خالد 000 ابقرجة
27-05-2009, 01:47 AM
أها مشيت فتشتا في عدة حاجة أسيا لقيت ليك القوز الكبييير ده وكمان بغتاهو عشان الانفلونزات الحايمة ما تصل عجينتنا

http://upload.wikimedia.org/wikipedia/commons/7/77/Romertopf.jpg

راجع تاني لانو والله نفسي في لقيمات 000

و عجنتك 000 قلتا بر آآآآآآآآآآآآآدمن بديت 000 ( أخمر ) 000

درويش
27-05-2009, 01:54 AM
اها آناس
انتو وين
في الخمرة ولا الخميرة
انا ماعرفت اجيب شنو
ارسوا لينا علي بر
تخريمة
شايف الناس ميلوا علي العجين
واللقيمات
لكن في ناس كدا زيي وجايي ماعارفم مايلين علي وين
ولا شنو

العاقب مصباح
27-05-2009, 02:40 AM
اها آناس
انتو وين
في الخمرة ولا الخميرة
انا ماعرفت اجيب شنو
ارسوا لينا علي بر
تخريمة
شايف الناس ميلوا علي العجين
واللقيمات
لكن في ناس كدا زيي وجايي ماعارفم مايلين علي وين
ولا شنو




خليك معاى انا يا درويش اخوى

اللقيمات دى خلاص شبعنا منها

النشوف الجزء التانى من المعادلة

ما متقريف ولا شنو

ahmed algam
27-05-2009, 04:11 AM
ود مدثر

ياراقي

مشتاقين شديد لي ابداعاتك


وحمد لله علي السلامة


ان شاء الله الكوكاويزا مامقصر معاك

عبدالرحمن مدثر
27-05-2009, 04:53 AM
جبت لى زيت للرمى

اها الرمية الاولى لى انا

بريد اللقيمات ريدة شديدة خلاص

عجينك دا ما فار لسه

كب ليهو اندروس عليك الله

وبالعدم قابل بيهو الشمس ديك

خلينا خمرتنا الجهجهتنا

بقينا فى عجينك

عالم جبانات بشكل:d:d





اندروس ايداهور

رمية اولى

دايرك تحدد ابعاد ريدتك الماعندها حدود دى

وبعدين نعجنا سوا فى نص الدائرة الجاية منك

ومارة بهناك .. بااااى نق تربيع

ذكرتنى كلمات جميلة ماعارف كتبها منو

لكن عند علاقة بالزلابية واللقيمات


قابع فى خبايا الروح

عالق كالزيت بحواف الماء

تفتش وحد ك

عن وحدك المفدوووووووووح

او لم تجدنى ايها الارق التوهم

انا هاهنا عند التقاء الدائرة

لما يوازى قطرها ضلع الجموح

مثل ان تمشى ......................... تقع

او تقف ........................... فيخذلك انحناء




داير اكوجن عجينتى

واجيييييييييييييك

عبدالرحمن مدثر
28-05-2009, 03:13 AM
ود مدثر اخوي الصوره دي جاءت بعد الفيضان كانت موجوده في الزمن دك لكن ناسبة الزمن ده


زمنا دا صعب ياعمدة

كلامو عجيب

وشكلوا غريب

بس

نحن ناااسب نعيش حياتنا الغالية

بالنية السليمة

ويلا نخمر احساسنا

ونمطططططططططططط

عبدالرحمن مدثر
28-05-2009, 03:18 AM
الخرباش 000

ده كلام ده 000 معديها لي دخلة ومرقة ( وشمارات في مرقة ) 000 و أجي ( دي ما أجي يا بنات أمي ) أجي هنا القا العجينة فايرة ومتدفقة ؟؟؟ 000


لكن عارف يا ود مدثر 000 عجنتك تمام 000 وزي ما دايرا 0000 قدر ما جريتا عشان اقطع لي منها حتة 000 تتمطا معاي 0000 عشان كدي أرقد قفا 000


بمشي واجيكم تاني 000


عشاااااااان هى عجينة بمواصفااات ىخاااصة

بتتتمططططططط معااااك بس

لكنك مابتقطعا

يعنى ممكن تقطعا لو كانت فى حته تانية غير النفااج بتاعنا دا

ياعمنا والله انت بتذكرنى يحاجات حلوة

اتذكرت اللقيماااااات (المخرمة )

ياحليل نشاطنا الثقافية فى الحلة

ايام (الاجندة الوطنية )

والاجندة الوطنية فى قاموسنا هى ثلاثية الابعاااد

(لمة .... ولقيمات ... وشاى بلبن )

ومع اللمة يحلو الحديث .. والشمارااات ... والاندياااحة

يازول كان جيت قريب

ماتنسى

عااااازمك


اجندة

عبدالرحمن مدثر
28-05-2009, 04:34 AM
أها مشيت فتشتا في عدة حاجة أسيا لقيت ليك القوز الكبييير ده وكمان بغتاهو عشان الانفلونزات الحايمة ما تصل عجينتنا

http://upload.wikimedia.org/wikipedia/commons/7/77/romertopf.jpg

راجع تاني لانو والله نفسي في لقيمات 000

و عجنتك 000 قلتا بر آآآآآآآآآآآآآدمن بديت 000 ( أخمر ) 000


اعجن

محطات الودااااااااااع

خمرت


قدااااااااااامك


ورااااااااااااااااك

محمد الواثق
28-05-2009, 05:21 AM
ما تحمر لي ولا احمر ليك زي البيتزا التخمر من
جوة وتحمر
من برة
الحمري
ود بلة

عبدالرحمن مدثر
29-05-2009, 09:19 AM
اها آناس
انتو وين
في الخمرة ولا الخميرة
انا ماعرفت اجيب شنو
ارسوا لينا علي بر
تخريمة
شايف الناس ميلوا علي العجين
واللقيمات
لكن في ناس كدا زيي وجايي ماعارفم مايلين علي وين
ولا شنو


نحن ناس لقيماااااااااااااااات يادرويش

وبنميل معااااااك وين ماتميل


ومشوار الميل يبدا بعجنة

واهو زى ماشايف

نحن يادوووووووب فى المقادير

عبدالرحمن مدثر
29-05-2009, 09:22 AM
خليك معاى انا يا درويش اخوى

اللقيمات دى خلاص شبعنا منها

النشوف الجزء التانى من المعادلة

ما متقريف ولا شنو


انت يايابا شاااايت وين

لسه ملامحك ضباب زى الحفرة اياها

ماتعدل خط سيرك

وتفتها من جديد


سيرة واندفقت

عبدالرحمن مدثر
29-05-2009, 09:24 AM
ود مدثر

ياراقي

مشتاقين شديد لي ابداعاتك


وحمد لله علي السلامة


ان شاء الله الكوكاويزا مامقصر معاك


والله ياعلقم ياصاحبى الكوكيز دا

عامل لى صدااع فى الافكار الموجهة

زى رسائلك دييييييييييك

بتتذكرها

بتقول لى مبروووووووووك

وترجع تاااااانى للحكم :p:p


تعال لينا بعجينتك ياعلقم

عبدالرحمن مدثر
30-05-2009, 06:28 AM
ما تحمر لي ولا احمر ليك زي البيتزا التخمر من
جوة وتحمر
من برة
الحمري
ود بلة


الحمرى دا ماجلا الكورة

لان المدرب ماخمرت معاهو بعد ماخمر للسادة

والسادة بقى مكرمش وملون .. وقصر حبتين

ودالواثق مشتاقييييييييين ليك

ولعدم موضوعيتك ... وفضفضفتك ديك الفضت حساسنا

زى الزير المقدود قد سغير ونحت ماعارفين

وكل يوم نحن نزيد وهو ينقص

نحن نزيد ........... وهو ينقص

لمن خمرنا ليهو .............. هجس :p:p:p

ادينى موية .. الخميرة دى عكنننت بى

العاقب مصباح
30-05-2009, 07:35 AM
انت يايابا شاااايت وين
لسه ملامحك ضباب زى الحفرة اياها
ماتعدل خط سيرك
وتفتها من جديد
سيرة واندفقت




اندفاق حنينى
يا ود مدثر اهم شئ لمن تجى تدفق ليك كمية حب
ما يكون فى جب
لازملو سند
قفل جميع اخرامك
عشان ما يشيلوا الهواء
فى نوع بيشربوا الهواء
اول مرة القى لى هواء عطشان
زى عطشتنا دى
ما روينا منها لسه
واعنون ظروفها رسائل عديدة
رسائل للمحبوبة
ومريودة
ومعتوقة ومعتقة ومنعتقة
نوافير انتشاء حشمة وحمار العين

والجسد مصلاية الروح
الروح المفوتة كم وكت
الوكت الموهط فى النزوح
طالع اعلى الفوق تحت
تحتك ينقز فى سطوح
رهن الاصابع ومنفلت
فالت اذا كنت الجنوح
وحدك منادى ومتلفت

عاطف خيرى

خالد 000 ابقرجة
30-05-2009, 10:52 PM
امبارح جاني تلفون من البيت 000
عليك الله يا ابو آية جيب لينا معاك خميرة 000

قلتا ليهم الخميرة معدومة في السوق 000 باقي في عجينة كبييييييييييييييرة معجونة 000 كل يوم دايرا انتاج السوق كلو 000

كلما تخمر 000 يجيها عجين فطير تاني 000
كلما تخمر 000 يخش ليك واحد بي عجينة جديدة 000
وكمان في ناس جايبين معاهم عجين مفندك 000
لانو عجينة عاطف خيري دي 000 ما تجي من استراليا الا ناشفة 00
وسيد العجينا 000 حايم بي غادي 000 قال نفسو في ( كعك ) 000
ما تخلي الخميرة 000 اجيب ليك باكمبودر 000 تعملي لينا (cookies) للخرباش 000
ان شا الله ارسلا ليهو (شمارة ) قصدي رسالة 000



سجمي 0000 الراجل جنا 0000 و تيت 000 تيت 000 تيت 000 المكالمة قطعت 000

خالد 000 ابقرجة
30-05-2009, 11:05 PM
عجينة بي هناك 000
عجينة عجيبة خلاص 00
عجينة ما بي الدقيق 000
ولا بالموية 000

عجينة دقيقا تراب اصلي من تراب بلدي 000
وموية 000 عرق رجال 000 وعرق الرجال أغلي من ( عرق البلح في اسكندنافيا ) 00

أما خميرتا 000
خميرتا زاااااتا عجينة 000
و الله خميرة عجيبة خلاس 000
جاية من الرياض 000 وبرضو فيها عرق رجال 00
يعني خميرة مخدوووووومة 0000

وقبال ما اطلع 000

بقول ليك ود الخواض خمر الملطم 000
الحقوهو بي هناك 000 عشان العجينة ديك 000بي عرقكم كلكم 000

سايق عليك الرسول 000 في عجينة أحلا من دي 000


ممكن أهدي ؟؟؟


وكتين يكب 000 عرق الجباه الشم 000
خميرا 000 ف مدرسا 000
يا مدني آآآآآآآآآآآآآآآآآآآآآآآآآآآآآآآآآآآآآآآآآآآآه

عبدالرحمن مدثر
01-06-2009, 03:40 AM
اندفاق حنينى
يا ود مدثر اهم شئ لمن تجى تدفق ليك كمية حب
ما يكون فى جب
لازملو سند
قفل جميع اخرامك
عشان ما يشيلوا الهواء
فى نوع بيشربوا الهواء
اول مرة القى لى هواء عطشان
زى عطشتنا دى
ما روينا منها لسه
واعنون ظروفها رسائل عديدة
رسائل للمحبوبة
ومريودة
ومعتوقة ومعتقة ومنعتقة
نوافير انتشاء حشمة وحمار العين

والجسد مصلاية الروح
الروح المفوتة كم وكت
الوكت الموهط فى النزوح
طالع اعلى الفوق تحت
تحتك ينقز فى سطوح
رهن الاصابع ومنفلت
فالت اذا كنت الجنوح
وحدك منادى ومتلفت

عاطف خيرى


بتتذكر الغنماية العندها هواية

تدفق العجين من الخمارة بقرونها

وعاجبانى شديد حنية حنان النيل وطنبورها

قبل ماتعتزل لمن تقول ليك

لاتقفل الابواب

لاتقفل الابواب

خلى الهوى يدخل

وزى الهواء ينسااااااااب


ياسلام على الاحساس لمن يندفق فى حتتو

عبدالرحمن مدثر
01-06-2009, 03:47 AM
امبارح جاني تلفون من البيت 000
عليك الله يا ابو آية جيب لينا معاك خميرة 000

قلتا ليهم الخميرة معدومة في السوق 000 باقي في عجينة كبييييييييييييييرة معجونة 000 كل يوم دايرا انتاج السوق كلو 000

كلما تخمر 000 يجيها عجين فطير تاني 000
كلما تخمر 000 يخش ليك واحد بي عجينة جديدة 000
وكمان في ناس جايبين معاهم عجين مفندك 000
لانو عجينة عاطف خيري دي 000 ما تجي من استراليا الا ناشفة 00
وسيد العجينا 000 حايم بي غادي 000 قال نفسو في ( كعك ) 000
ما تخلي الخميرة 000 اجيب ليك باكمبودر 000 تعملي لينا (cookies) للخرباش 000
ان شا الله ارسلا ليهو (شمارة ) قصدي رسالة 000



سجمي 0000 الراجل جنا 0000 و تيت 000 تيت 000 تيت 000 المكالمة قطعت 000

وتيت تيت

ذكرتنى خربشاتك زمن الطفولة

مع العربية (القعونجة )

قلت لى العربية بترجع خلف كيييييييييييف :p:p

نظرة بس يااااااعمنا

واحلى حاجة انك فكرتك مخمرة مع خميرتنا

والتبر الخمروه

والنار انطفت لو

وخمرت الايام

كالخيال احلام

وخميرتك الخايف عليها

وليه تغطى العجنة قطعة

وريدنا دااك ياسيدى كلو

يبقى خمران بالضرورة

ودايرين خميرة

حتى لو كان بالجرورة

عبدالرحمن مدثر
09-06-2009, 04:10 AM
داير اخمر لى فكرة كدا

واخمها بعجنتها

لكن باقى لى كابتن كابو مسجل غياااااااب

قلت لو خمرت اكتر من كدا

بتبقى حاجة تانية

اذا

فلنبحث

عن

متنفس

خالد 000 ابقرجة
10-06-2009, 02:33 AM
داير اخمر لى فكرة كدا

واخمها بعجنتها

لكن باقى لى كابتن كابو مسجل غياااااااب

قلت لو خمرت اكتر من كدا

بتبقى حاجة تانية

اذا

فلنبحث

عن

متنفس

لكن فكرتك ما شديدة 000
خمرت جد جد 000
وزي ما قال العاقب 000
بقت حاجة تانية 000
بتسكر وما بتسكر 000
بتروق 000 وإمكن بتعكر 000

فعلاً 000 خمرتا 000
لكن ما فاتتني 000
لحقتك وانتا يدوووووب بتكبها 000
ودايماً 0000 أول كاس 000 خليهو ساي 000

يا خوانا هويييي 000
قصدي كاس الفكرة 000
الخمرت بي غادي 000

وبرضو زي ما بقول رضا ود حسن 0000

ووووووووووووووووووووووووووووووووووب أنا من 0000







سلوم

خالد 000 ابقرجة
12-06-2009, 11:05 PM
الخرباش 000
خمرتها 000
وما رجعتا ليها 000
ألحقا بي هناك 000
خت لينا فيها حاجات حلوة 000
عشان لو خمرت اكتر من كدة000
حا نتعب انحنا 000

ممكن أهدي ؟؟؟

حكايات الأسي 00
الفي عيوننا 00
تتبدل حديقة وناي 000

*****************************

خالد 000 ابقرجة
12-06-2009, 11:14 PM
أها 000

خمرت لي عجينة حلوة 000

كنتا مستنيها مما رجعنا من السيل 000

عجينة صاحبك صبحي 000

بدأ بي 000 نون الكهنة 000
وأكيد حا توصلوا لي نون النسوة 000
بس كيس صعود في ليلة الدخلة دي اشيلا من راسو 000
وجاب الوردتين الشالم السيل 000
وختاهم في الرملة 000

بس أنا عاوز أقول ليك 000

رجعة صبحي 000 للإنبهال 000
دي الإشارة الكنتا مستنيها 000
عشان نقول 000 رجعنا من جديد 000

واظنك بتتفق معاي 000
انو صبحي 000 التيرمومتر 000 الأول 000




صبحي 000
ممكن تقيس لي حرارتي :p

العاقب مصباح
13-06-2009, 12:23 AM
ود مدثر الحق صاحبك

بقى من عشاق المطر

ويا حلات المطر الفى السودان

بدون شرح

بدون خمج

وطرف بنطلونك فيهو حبة طين

ابو الاصفر المطرى

تحتاج خريفا قادم

ونحن نحتاج لقادم مثل الخريف

به تخضر كل الامكنة

ومساحات الرجاء الفُل

والجو جو فوووووووووووول

ما عارف يا ابقرجة اخوى

لكن والله توقيعك مبالغة عديل كدا

خلانى اشم فى ريحة الدعاش

والشمومة دى حتضيعنا قريب

يا مطر بلل تضاريس الحبيبة

وشيل معاك حبه امل

من عينها جوه

ومن قليب مكنوز رجاء

وما تنسى تبلل زاتك

بى ضحكاتها

وصوتها اليسرى

ويمرى عليك فتحتات الروح لمن تنسد من غيرها

وخمرت خمرت ما تدوها الناس الطير

خمرت خمرت ما تدوها بغاث الطير

خمرنى ياخى العيون

هن اساس الريد والفتون

الله يخمرن الخمرنى وخمرن

عوووووووووووك انا طالع بجيكم بعدين للرمى

عبدالرحمن مدثر
13-06-2009, 02:13 AM
لكن فكرتك ما شديدة 000
خمرت جد جد 000
وزي ما قال العاقب 000
بقت حاجة تانية 000
بتسكر وما بتسكر 000
بتروق 000 وإمكن بتعكر 000

فعلاً 000 خمرتا 000
لكن ما فاتتني 000
لحقتك وانتا يدوووووب بتكبها 000
ودايماً 0000 أول كاس 000 خليهو ساي 000

يا خوانا هويييي 000
قصدي كاس الفكرة 000
الخمرت بي غادي 000

وبرضو زي ما بقول رضا ود حسن 0000

ووووووووووووووووووووووووووووووووووب أنا من 0000







سلوم



وبى سكر تملكنى

واعجب كيف بى سكر


لكن يامطر مابالغت فى حقنا

احساسك والمطرة بخلو الاحساس مشتت بين الخميرة

والعجنة الحلوة

وانت بتوقيعك الجميل

ومطرتك الماعتدها نهاية

نقنااااااااقة

مشيت واتعديت رضا بهنااااااااك

وسلمى عارفك حلوة وغلباوية

طالما احتملنا الاشياء بمطرك الذى يغسل

الطرقااااات ... والدواخل ... والخطايا

وووووووووووب علينا من المطرة

لمن تنقط

ومن دعاشها

وكتين ينطط

مااتفرتقنا ياصديقى

زى الضفائر الحلوة المشتاقة لموية المطر

فرتقتنا ياعمنا

ووووووووووووب

وتااااااانى

وووووووووووووووب

سيد البلد
13-06-2009, 02:58 AM
انتوا ياخوي قصتكم شنو مع المطره دي ؟

زارعين ولا شنو ؟







وبى سكر تملكنى


واعجب كيف بى سكر








ووووووووووووب


وتااااااانى



وووووووووووووووب




قلت لي بك شنو ؟
اسسسسسسسسسسسي نصصصصصصصصصصصة نهار ؟
اها دي من عيوب الغاء قانون النظام العام بقا

عبدالرحمن مدثر
13-08-2009, 12:52 PM
انتوا ياخوي قصتكم شنو مع المطره دي ؟

زارعين ولا شنو ؟




قلت لي بك شنو ؟
اسسسسسسسسسسسي نصصصصصصصصصصصة نهار ؟
اها دي من عيوب الغاء قانون النظام العام بقا


مشتاقين ياعمك

زارعين ريدة جميلة

بتخلينا مابنميز

بنشوت ضفارى

لحدى مانفوت السوارى

ذكرتنى صديقى king

من مجانين الفنون الجميلة ومن كوستى الجميلة

كان يمسك بكباية الموية قبل مايغنى لينا

(ياشبيه البدر حسنا وجمالا ومثالا)

ويقول انا ياجماعة باحساسى الجواى الموية

دى بقلبا ............ وبسافر بعيد وبسكر كمااااااان

ونسكر كلنا معه

نحن مع صوته

وهو مع احساس الكباااااية

العاقب مصباح
15-08-2009, 02:31 AM
ود مدثر

الخرباش

قلت قبل الحكاية ما تخمر اجى اشوف عجينتك كيف

فاكر لم قلت لى شخص ما عجينتك متفردة

او إذا لخبطوها بى دقيق درجة اولى حتطلع خلطة عجيبة

المهم

نفسى فى حاجة خميرة

لمن تضوقها لمن تشعر بيها فى اذنيك

وتاخد ليك غميضة كدا

كدى يا ود مدثر ورينى اكتر الاشياء تخميرا وخمرة شنو

نفسى اسمع عثمان حسين

كم اغنية كدا

عشان اجيك بى فكره

اعلان الحياة

وانتهاءات العوارض والكوارث والمحن

ولا زالت ترن فى ذاكرتى كلمات عاطف خيرى :-


آه ... من نحلِك ساعة يرحل
ولمن يكتب فينا الحنظل
ويختم عمرو بفعل الشهد
قال الجدول :
طلوع النخلة مرور الريح واحد
لكن الريح بيعانق حقل
ونحن بنطلع نخلة وننزل
ونكتب في ذاكرة الصفق الأخضر

سجنا الريح في الورق الأبيض
وجهناها ضد التمر الناعِس
يسقط زي قبعة الحارس
زي الكان بيناتنا وفات
قالت غيمة :
بين قوسين (غيمة لئيمة)
أولاد الشارع فهرس لى كل المدن
التهرس جوفك بالأسمنت
قالت ريح :
شوف ناس قنديل
لو ما نوّر
يحرق كوخ وباقي الحلة تَنَوِر
او جبة جوخ او ينزل بوخ
يقول للنسمة الزايفة أقيفي
لو تتفرد ريح .. تتشرد ريح
ريح الخوف لو تتفرد ريح
تبدأ تفرتق ضفاير المدن الكاذبة
تعيد تسريحتِك
يوم سمايتِك شكل قامتِك
كيف تموتي وتحي تاني

عبدالرحمن مدثر
16-08-2009, 10:20 PM
يتعبنى جدا عاطف خيرى ياصبحى

احساسو عالى يكتنفه كل الغموض

وعلى دربه صار الصادق الرضى

ذات يوم ما حاولت ان انعش ذاكرة الاشياء بداخلى

ذهبت الى الدار السودانية للكتب

واشتريت اصدارة جديدة للصادق الرضى

وانا اتصفحها احسست باثنين احساس غريب (الادروبات بحسبوا كدا ):p:p

احسست بجهلى تجاه حروف مرصوصة وماقادر اصل لساسها

واحسست بانى الصادق الرضى دا بستنكحنى ساااااى

فمامعنى انك تغرق فى دوامة عدم فهم لنص معين

ومادور الشاعر اذا اذا لم يوصل الفكره للمتلقى






خلينا من الصادق الرضى

رايك شنواستدعى ليك الكتيابى

على كيفى ارقع جبتى

او لاارقعها

انظمها من اللالوب

البسها على المقلوب

على كيفى

(الموضوع ماعندو علاقة بفوضى الحواااس لامن قريب ولامن بعيد ):p

جيب كيفك وتعاااال

فى حاجة كدا

وقعدة على حافة القمر

بنكتها

وبجيك


كاابو ماشى معانا يلا ياااااااخ

خليها الريحة بنلقى هناك زخاات زخاااااااااات


:p:p

عبدالرحمن مدثر
16-08-2009, 10:23 PM
وجدتها ... وجدتها

الكلمات دى لاقتنى فى حصة فيزياء وطفو وحاجات كدا

بس ذاكرتى بقت خربة ...


تعالو نشوف القمر عند عبدالقاادر الكتياااابى




رقصــة الهيــاج













جلسة على حافة القمر







ثم دار بنا وتساقطنا .







دنك امتلا ..

هممت ما استطعت رفع حاجبي

تجاوزوه ..

إنني وهبت للسكون رغوته ..

عريته للسعة النسيم ..

فصفق النديم ..







واستحسن الملا ..

تبلورت فقاعة .. تدورت

تكورت ..

شككتها بنظرة ذوت ..

وراود النعاس بؤرة الشعور برهة ..

فاستعصمت ..

تثاءبت خواطري ..

مسحتها بزركشات طية المنديل

نفضت رياشها .. وغردت

أطاعك النسيم والسكون ــ

واشرأب لاشتفافك القدح ..







تجاوزوه ..

إنما أريد أن يذوب فيه

قرص بدرنا التمام..

والنجم والغناء والهباء ..

أريده معتقا .. مركزا .. عصير كهرباء

لعله يعيد لي دقيقة

فقدتها في رقصة الهياج وقتما خيالي التطم ..

وأذكر اختلست نظرة لمحت من رأى مفتتا

صرخت ما صعقت .. ما التفت

وانطلقت كان جيش الريح ولولت خيوله ـ

ومدفعية الرجوم تقذف الحمم ..

وأرعدت إذاعة الســماء : ـ (سارق في مخزن العدم ..) !!

صب لي ..

وأذكر الزمان كان مطلع الشتاء

دنك امتلا

ومنذ ذلك المساء ..

فقدت مقعدي في حانة الحلاج ..

حين عدت قال ما جننت كيف يا منافق ؟

العفو يا مولاي تشابهت علي أوجه الدقائق

وما احتملت رقصة الهياج ..

أبو حمزة
16-08-2009, 10:35 PM
خالد أبو قرجة ** وعبد الرحمن مدثر..

والله كنت فاكر الشخصة واحدة... يعني شبه .. حسب رأيي مبااااااالغة عدييييييلك كدة..!!

ممكن تكونو أهل وما عارفين.....

كدي فتشو ده من وين ؟؟ وده من وين؟؟؟

وفي النهاية ما مشكلة:

بيقولوا يخلق من الشبه (مايو طرف).. لا (جنوب)... هي (نص ).. لا لا( 40)..!!

وأنا ما بخاف تخمِّر .. ولا ما تخمِّر... المهم العواسة ( بنضوقها)..

حسام التنين
16-08-2009, 10:57 PM
اجنتر ليك وتجنتر لي

اقصد

اخمر ليك وتخمر لي

عبدالرحمن مدثر
16-08-2009, 11:52 PM
خالد أبو قرجة ** وعبد الرحمن مدثر..

والله كنت فاكر الشخصة واحدة... يعني شبه .. حسب رأيي مبااااااالغة عدييييييلك كدة..!!

ممكن تكونو أهل وما عارفين.....

كدي فتشو ده من وين ؟؟ وده من وين؟؟؟

وفي النهاية ما مشكلة:

بيقولوا يخلق من الشبه (مايو طرف).. لا (جنوب)... هي (نص ).. لا لا( 40)..!!

وأنا ما بخاف تخمِّر .. ولا ما تخمِّر... المهم العواسة ( بنضوقها)..


ا
ابوحمزة

حبابك

مامشيت بعيد

فعلا واااحد واكتر بس بنفس خميرة الشوق المدفوقة فى المساحات

ومابتسكرنا بتاتا ... بس بتسكر كل همومنا فى اوضة

ونطلع نحن اولاد حلوين طيبين


انا من هنا

وهو من هنا

وهنا ارضعتنا سنينا وقواافى

ثم اهدتنا المرافى

هكذا قد خبرونا

ثم قالوا لنا

اشترى داردومة سواااا

واتشاركوا الهم والاسية

وفتشوا للكلمة الندية

سعيد انا بتواصلك

وايدك معانا

نخمر سوااا الفكرة الجاية منك

وماااشة ليك

أبو حمزة
17-08-2009, 03:31 AM
عبد الرحمن مدثر....

الكلام ده داير ليهو حاجة ت ك ي ف ك .. بس : شنو؟؟

أنا ما بسجر ولا بسف .. ولا بتاع شاي .. و لا جبنة..

خلاص بعمل تلفون لحمزة وبيني وبينك ( لأمو) وبرجع ليك...

بس ساعتين زمن وبتكون الخميرة اشتغلت..

رضا حسن محمد
17-08-2009, 04:06 AM
يا ود مدثر
والله جنس اندياح واحد
معقولة بث
انت والعاقب ود ابقرجة
حلوويين حلا
والله الواحد البوست دة يشيلو ويقوم جارى بيهو

العاقب مصباح
17-08-2009, 05:18 AM
وما احتملت رقصة الهياج ..






واشتريت اصدارة جديدة للصادق الرضى
وانا اتصفحها احسست باثنين احساس غريب (الادروبات بحسبوا كدا )
احسست بجهلى تجاه حروف مرصوصة وماقادر اصل لساسها
واحسست بانى الصادق الرضى دا بستنكحنى ساااااى
فمامعنى انك تغرق فى دوامة عدم فهم لنص معين
ومادور الشاعر اذا اذا لم يوصل الفكره للمتلقى





ود مدثر
ديل شعراء جد
نوعنا نحن دا بيحرفها (( من الحرفة)) بكسر الحاء بمعنى طرقة الكسرة وبيلايقها
كان مجبور بتاكلها
وكان شبعان بتتأفف منها وبتديها ضهرك ساى
وبيقولوا ليك ما زى ابوك لكن بيربيك
اجمل حاجه بتستفزك وما تفهمها
تقعد تقرا فيها من كل الجهات
مرات تشرق
ومرات تغرب
ويطوف بيك الحنين فى كل حته
وتقرب تصل لى آخرك انت
وبرضو بس تضحك براك وتتكشم زى نار القصب
ما عارف نار القصب بتتكشم كيف وليه والسبب شنو
حريقة فيها
وبرضو بتضحك
ضحك على شنو ما عارف
اها اجيك
لى تخميرتك
ولى الحاجات الغير مفهومة
وعايزة ليها شفرات خاصة
اجملا زول عنده شفرات المجنون داك الاسمه محمد عبد الحى
ياخى شوف العودة إلى سنار وتعال عاين لى لو فهمت شئ
بس حتطربك
وتقراها مليون مرة
وكل ما تقراها تنبسط
التقول كاتبها عشانك
شوف معاك مقطع :-
اهدونى مسبحة من أسنان الموتى
مصلاة من جلد الناموس
إبريقاً جمجمة

دا بيقولوا زول نصيح عليك الله
والغريبة قالوا كتبها وعمره 18 سنة
لقيت لى فيهو حتة برضو
النجيبها ليك هنا
نحن يا اخوى اخترنا ما نفهم
بس بنستوعب حتة حلوه
واستوعبها كما شئت
وما تقول لى على كيفى أرقع جبتى أو لا ...ما على كيفك ولا شئ


الشمس تسبح فى نقاء حضورها ، وعلى غصونِ القلب عائلةُ الطيّورِ،

ولمعةُُ سحرية’’ فى الريحِ ، والأشياء تبحر فى قداستها الحميمةْ.



وتموج فى دعةٍ ، فلا شىءُُ نشازُُ كلُّ شىءٍ مقطعُ ، وإشارةُُ

تمتد من وترٍ إلى وترٍ ، على قيثارة الأرض العظيمةْ.

شوف الحب دا كيف

لمن تحب ليك مدينة

وتبادلك نفس الحب

ما حب من طرف واحد

من طرفين

تملأ المدينة شعراً

وتملاك محبة

يلا خلينى اجيب ليك القصيدة كلها هنا

وبجيك تانى اخربش واخمر لمن نشوف آخرتها شنو :-


البحــــر

بالأمس مرَّ أوّل الطّيور فوقنا ، ودار دورتين قبل أن

يغيبَ ، كانت كلُّ مرآة على المياه فردوساً

من الفسفورِ – يا حدائق الفسفور والمرايا

أيّتها الشمس التى توهّجتْ واهترَأت

فى جسد الغياب ، ذوبى مرّة أخيرةً ،

وانطفئى ، أمسِ رأينا أوّل الهدايا

ضفائر الأشنةِ والليفِ على الأجاجِ

من بقايا

الشجر الميت والحياة فى ابتدائها الصامتِ

بين علق البحارْ

فى العالمِ الأجوفِ

حيثَ حشراتُ البحرِ فى مَرَحِها الأعْمَى

تدب فى كهوفِ الليفِ والطحلبِ

لا تعى

انزلاقَ

الليلِ

والنهارْ

وحمل الهواءْ

رائحةَ الأرضِ ،

ولوناً غير لون هذه الهاوية الخضراءْ

وحشرجات اللغة المالحة الأصداءْ.

وفى الظَّلامْ

فى فجوةِ الصَّمت التى تغور فى

مركز فجوةِ الكلامْ ،

كانت مصابيح القرى

على التِّلال السودِ والأشجارْ

تطفو وتدنو مرَّةَّ

ومرَّةَّ تنأى تغوصُ

فى الضَّباب والبُخَارْ

تسقطُ مثل الثّمر النّاضجِ

فى الصَّمتِ الكثيفِ

بين حدِّ الحلم الموحشِ

وابتداء الانتظارْ.

وارتفعتْ من عتمةِ الأرضِ

مرايا النّارْ

وهاهىَ الآن جذوع الشّجر الحىِّ

ولحمُ الأرضِ

والأزهارْ.

الليلة يستقبلنى أهلى :

خيل’’ تحجل فى دائرة النّارِ ،

وترقص فى الأجراس وفى الدِّيباجْ

امرأة تفتح باب النَّهر وتدعو

من عتمات الجبل الصامت والأحراجْ

حرّاس اللغة – المملكة الزرقاءْ

ذلك يخطر فى جلد الفهدِ ،

وهذا يسطع فى قمصان الماءْ.

الليلة يستقبلنى أهلى :

أرواح جدودى تخرج من

فضَّة أحلام النّهر ، ومن

ليل الأسماءْ

تتقمص أجساد الأطفالْ.

تنفخ فى رئةِ المدّاحِ

وتضرب بالساعد

عبر ذراع الطبّالْ.

الليلة يستقبلنى أهلى :

أهدونى مسبحةَّ من أسنان الموتي

إبريقاً جمجمةً ،

مُصلاَّة من جلد الجاموسْ

رمزاً يلمع بين النخلة والأبنوسْ

لغةً تطلعُ مثلَ الرّمحْ

من جسد الأرضِ

وعبَر سماء الجُرحْ.

الليلة يستقبلنى أهلى.

وكانت الغابة والصحراءْ

امرأةً عاريةً تنامْ

على سرير البرقِ فى انتظارِ

ثورها الإلهى الذى يزرو فى الظلامْ.

وكان أفق الوجه والقناع شكلاً واحداً.

يزهر فى سلطنة البراءه
وحمأ البداءهْ.

على حدودِ النورِ والظلمةِ بين الصحوِ والمنامْ.

أبو حمزة
17-08-2009, 05:23 AM
آهة... عملت التلفون... وشامي لي ريحة كدة.. ممكن تكون سكر بحلال...والواحد ما يظن (إن بعض الظن إثم).. خميرة قوية.. بس كدة بتفقد قمتها الغذائية.. ولا شنو؟؟؟ عبد الرحمن مدثر ما بتفتش للكلام..
اشتقنا نسمع صوتك على مكتوباً على الشاشة يا ود أبي قرجة..!! رأيك شنو؟؟


بررررة الخط .. وخارج النص... إنتو وين د. تغريد!!

خالد 000 ابقرجة
17-08-2009, 06:50 PM
عبد الرحمن مدثر....

الكلام ده داير ليهو حاجة ت ك ي ف ك .. بس : شنو؟؟

أنا ما بسجر ولا بسف .. ولا بتاع شاي .. و لا جبنة..

خلاص بعمل تلفون لحمزة وبيني وبينك ( لأمو) وبرجع ليك...

بس ساعتين زمن وبتكون الخميرة اشتغلت..


حاجتك البتكيف المارقة من صنوف الكيف دي خمرت لي الذاكرة
وذاكرتي لمن تخمر بكون محتاج لي قرقريبة رهيييييييفة
عشان أعوس لي فكرة رهيفة
والرهيفة التنقد


أها يا أبو حمزة
رجعتني لي زمن الكرش كانت لسع
ما خمرت فكرة تتمرد علي الشكة ( ما ليها علاقة بأي شوكة أو شياكة شيكو الشيك )
جينا الغربة زيك كدي
لا شاي
لا جبنة
لا سفة
لا سيجارة


عمنا محمد عمر كانت مزعلاهو الحكاية دي شديد وساكت علي


ويوم في زيارة لصديق غربة في المستشفي
خلعة خبر الحادث ما خلت الواحد اتذكر طاقية
عمك محمد عمر مسكني من يدي ومرق بي برة العنبر
قلتا أكيد في خميرة مهمة دفقت حماسو


كدي النقطع ليك من عجينة الذاكرة الخمرت حتة من تعليقو



تعال هنا يا اللخو
علي الحرام راسك ده يوم القيامة اشتكيك لي رب العالمين
لا شاي
لا جبنة
لا سيجارة
لا سفة
تظبط بيها مزاجو


ولا طاقية ساااااكت تهجرو بيها



وكانت الضحكة خميرة حلوة للمروق من حالة حزن علي صديق اختار بعدها بي زمن مواصلة الحياة بيناتنا


عارف أكتر حاجة مخمرة عندي هسي شنو


حكاية هجرة الراس دي


عاوز لي حاجة تقيييييييييييييييييلة غير الطاقية
أهجر بيها الراس العجيب ده
مجنني يا أبو حمزة ياخ

خالد 000 ابقرجة
17-08-2009, 07:02 PM
آهة... عملت التلفون... وشامي لي ريحة كدة.. ممكن تكون سكر بحلال...والواحد ما يظن (إن بعض الظن إثم).. خميرة قوية.. بس كدة بتفقد قمتها الغذائية.. ولا شنو؟؟؟ عبد الرحمن مدثر ما بتفتش للكلام..
اشتقنا نسمع صوتك على مكتوباً على الشاشة يا ود أبي قرجة..!! رأيك شنو؟؟
بررررة الخط .. وخارج النص... إنتو وين د. تغريد!!


أوعا من الريحة المربوطة بالخميرة
لأنها بتخليك تشكك في أفكار بتخمر بي سرعة
إكون مصدرا خميرا بايتة
منشفة الريق
وبتفتش لي كوز موية ساااااااقطة
هسي جنس الفكرة البتجي لي واحد
تخليهو يصور ليك بوست زي عضمة شليل
يشيلو ويقوم جاري بيهو
ما بتخليك في ساعة الصباح دي تديهو كوز موية ساااااااااقط ؟؟؟


يا ود مدثر
والله جنس اندياح واحد
معقولة بث
انت والعاقب ود ابقرجة
حلوويين حلا
والله الواحد البوست دة يشيلو ويقوم جارى بيهو


رضا ود حسن

صديقي في المطر

حمد الله علي السلامة

يا حبيب الكل

نقاع المطر

جرار الوووووووووووب

علي بنات القسم الأول

شاحد ربي

يخمر ليك شينات العاقب

ونزفكم في يوم واااااحد

معاهو

مع صاحبك سيد الوشوش

يا زول يا بشوش



الخمار قصدي (الخرباش)

رديت قبالك

بدون استئذان

مش قال ليك واحد ؟؟؟

بس الخميرة حرقتني

قصدي المديدة

جاييك تاني

انتا وصاحبك صبحي

خالد 000 ابقرجة
17-08-2009, 07:19 PM
عقبة
خربشة
وحديث خيري
وعدم تصالح الخرباش مع غموض الصادق الرضي
رجعني برضو لخميرتي الادمان
مساحة الذاكرة البتعجن ليك عمر جديد جاييك من
الخلف زي هجمات صبحي في زمن الهلال الجميل

المكان مقهي عبود
الزمان نهاية التسعينات
المناسبة وداع شخصي الضعيف لمطارات المنافي
هم غايتو قالو ودعوني صاحب الوداعة
من جملة الحضور
خيري
الرضي
بابكر الوسيلة
خالد عمر
فتحي
اختي خنساء
بهجة جلال
تهاني
والأبنوسية قاهرة لغة ليست لأجدادها ( ستيلا )
يا الله علي فتحي
دايما كان بصور لي احساس السفر لحظة تواصل

قلتا لي خيري اليوم داك عندك بيت ما قادر أبلعو

( كان احتمال تغيير قوانين شهقتك )

بذكرني حصة الفيزياء ( زي وجدتها بتاعة الخرباش )

زانا بكجن الفيزياء

قال أنو ده حقد مني لأنو فاز بجميلة الحصاحيصا

جميل خيري عن قرب

جاءتني منه قصاصة مع فتحي في سطرين

( أتمني أن تطول غربتك والا يدوم بي الوطن هكذا )

كلما أقرأ مشاركة لحبيبنا يسري الياس
اتذكر هذا السطر المقالة

خمرت لي فكرة
أجيب ليكم يسري ده هنا

زول عجيب

في سطرين بس
يخمر ليك مقالة كبيرة

كلما تمر عليها تلقاها فارت واتدفقت منها حروف جديدة

خالد 000 ابقرجة
17-08-2009, 07:54 PM
تعبتوني من الصباح
كان في داعي للخمير الحمر بتاعكم ده ؟؟؟

جيتكم بي زول جميل

لمن ماتت ام عيالو

عزيتو بي بالإهداء الكتبو في ديوان وضاحة



الي (( امتثال )) التي علمتني أن اقتسام النبقة شئ ممكن وأهدتني ثلة من المشاغبين

ومن ثرثرتو لإمرأة بالغة العذوبة جاييكم بـ ( أزهري أحمد علي )



حان الآن موعد آذان الغيث
وصلاة المويه علي الواطه
الحلبت ضرع الغيمة الدرا
الغيمة الانتشرت في السماء تبروقة
ودشرت همها من ((سبلوقة)) القبلة
وفتحت بنيان الأفق الواسع
للطير الراجع عصفورة قلبي المطلوقة
وفرا
للشمس السلت روحا
ومرقت من قفطان الليل ذي قره
ودعوات القلب الفاتح
لطفلة اتبرت من أوزار الطين
اتوضت من درن الأحزان المره
وفتحت للطير طار القبلة



يا طير يا طيب يا صالح
تحلم بي عالم متصالح
ونحلم بالحاصب والنبلة
لي وين بنودي وشينا الكالح
من أسئلة الأرض
ومن نقنقة الغيم الحبلي
نحن القصينا جناح الريح
وعبينا العالم في طبله


يا طير يا الطيب يا صالح
أرحل ما شاء الترحال
في طلب الموية وقوت العام
وفذ ما فذ الوز
في السماء أو عام
وامرق من سلة حلمي الخاص
لرحاب الحلم العام
يا كائن يا عام
قفاك أعوج ما طاب
في البسيطه مقام



يا طير يا طيب يا صالح
منو الفتح الافق لحمام
فلت من ناب المخلب
عطش جارح
يقايض الصحراء ببقه
في بطن الابل
وريق صبار يضاير اللجه
لآخر فجه
في ذاكرة المياه العذبه
وينتخب المطر سلطان


وكان ما كان
حديث الموية في قعدة
بداية الخلق
ابتدر الغنا الصلصال
وكشفت في الهجيج النار
اشتد الأنين والطلق
دخلت في الوجع سرسار
وقالت قولتا العوجا
الولادة اتعسرت
وانقطع العشم في صرخة
انقطع حبل الحلم
وندهنا :-
يا حلال تحلها
الواسعة أضيق من رحم
ياااااا الله


يا حلال تحلها دي خميرة
بتعمل تناغم لأي عجينة ( تناغم دي كيف يا عقبة )
وحلال العقد
يحل الما طارية ليها حل

وتاااااااني يا خرباش

خمرتا بيك عصب السكون

وتااااااني بالغتو معاي
في الصباحية
بي خميرة بايتة

وداير لي كوز موية ساااااااااااااااااااااااااااااقطة

أشرب واجيكم بالليل

ويا عقبة
الله اديك واحدة زي امتثال
تتقاسم معاك النبقة ( لو مشيت السودان )
او تتقاسم معاك التفاحة (لو قعدتا في ضرا قناة الجزيرا) :p:p:p

عبدالرحمن مدثر
17-08-2009, 09:17 PM
ياسلااااااااااااام على تخمير الافكار والاشوااق

فى يدى فنجان قهوة

قالوا بتم الكيف

وانا بشربوا اداء واجب

اعتمادا على المقولة

ونجى نتكيف اكثر

مع ابو حمزة وهو يبحث عن انديااح

عبر تواصل اخر وجميل

ولمطره رضا الجاتنا بكل محبة

ولموسيقى عقبة الجميلة





وسلااام ومحبة لابو قرجة وهو يعود الينا بكل القوة


جاييين راجعين

أبو حمزة
17-08-2009, 09:18 PM
وبتفتش لي كوز موية ساااااااقطة
هسي جنس الفكرة البتجي لي واحد
تخليهو يصور ليك بوست زي عضمة شليل
يشيلو ويقوم جاري بيهو
ما بتخليك في ساعة الصباح دي تديهو كوز موية ساااااااااقط ؟؟؟

ود أبقرجة: شايفك كايس للموية الباردة..!!

يا أخوي رمضان جاء.. من (أسي).. شوف ليك خور تكب فيهو التخميرات دِه..

والله صيامك يروح (شمار في مرقة.. ساااااي)

وحي البان قريبة من المسافرين.. وكمان من المقابر...

يعني بنمرك بنمرك..

جهِّز لينا الرمضانيات..بس أبعد من الخمائر..

كلام في السر: ما تقول لمدثر رمضان جايينا ..

أنا عارف عندو تخميرة مغرية وما بنقدر على حلاوة لسانه وإغراءاته..

خليه بعد رمضان يمش..

نقول ليهو : جانا سريع وكان مستعجل وبسلم عليك..ولا شنو؟؟

تخريمة أخرى: وين هيثم أدروب؟؟

عبدالرحمن مدثر
17-08-2009, 09:28 PM
آهة... عملت التلفون... وشامي لي ريحة كدة.. ممكن تكون سكر بحلال...والواحد ما يظن (إن بعض الظن إثم).. خميرة قوية.. بس كدة بتفقد قمتها الغذائية.. ولا شنو؟؟؟ عبد الرحمن مدثر ما بتفتش للكلام..
اشتقنا نسمع صوتك على مكتوباً على الشاشة يا ود أبي قرجة..!! رأيك شنو؟؟


بررررة الخط .. وخارج النص... إنتو وين د. تغريد!!


ابوحمزة صباحك معمول بعجينة دهشة

قبل مااواصل انت (معمول ) دى بتدى معنى للخبائز والنواعم

وتمشى بشارع اتجاه واحد توصلنا العيد

جميل انت ياصديقى

وانا اعطيك من اشواق ضياء الدين العباسى دفقة

مررت قربها بالامس

ووقفت للتحية عشانك

زمان كنت بجى عاابر ساى

هسه ارتبطت لى بحميمية هنا اخدنا شفرتا من حنينك

ومن حناانك

ونحن مستف شوقنا

فى نص السكة

يا اما يجيكم

يا اما تجونا بشوقكم

ونعمل رحلة جميلة

كل الاشواق تتشااابى لشوقكم





جوه الخط

د. تغريد شكلها مشت تفتش لشليل

لكنها كانت مربوطة فى كرسى ساخن

شكلها بتعمل فى تسخينة للعودة

لدورى الاضواء الكااشفة

والاشواق النااسفة

تسلم ياااذوق

رضا حسن محمد
18-08-2009, 03:34 AM
أوعا من الريحة المربوطة بالخميرة

[color=red]
علي بنات القسم الأول

شاحد ربي

يخمر ليك شينات العاقب

ونزفكم في يوم واااااحد

معاهو

مع صاحبك سيد الوشوش

يا زول يا بشوش



الخمار قصدي (الخرباش)

رديت قبالك

بدون استئذان

مش قال ليك واحد ؟؟؟

بس الخميرة حرقتني

قصدي المديدة

جاييك تاني

انتا وصاحبك صبحي


يا ابو الخلد
تعرف نفسى فى شنو
رقدة فى حوش
وهمبريب بارد
وحلبة
وقناة النيل الازرق
والبت الشديدة ديك وووووووووووووب على منها
هى اسما منو ؟
وبعدين تقدم محمود عبد العزيز
محمود عبد العزيز ابو عون
ولمن الجكس يجى ماشى فى النشاط فى جامعة الخرتوم
وبت القانون ديك
وووووووووووووووووووووووووووووووووووووووووووووب على منها
لمن تقدم ركن النقاش
انا الركن كلو مبحلق فوق عيونا ما فاهم حاجة
عيونا يبلعو عشرة زيك و100 وى العاقب والف زيى ومليون زى ود مدثر
والمطر البصب بالليل فى السودان
نقطة
نقطة
تانى نقط كتيرة
ليه يا ربى المطر بصب بالليل
تقوم الصباح تلقى الجو عجيب
وناس كوستى
وفلانة
واليلوم
والبلابل
اخ انا من هادية طلسم

رضا حسن محمد
18-08-2009, 03:42 AM
[QUOTE=عبدالرحمن مدثر;368338][right][u]ياسلااااااااااااام على تخمير الافكار والاشوااق

فى يدى فنجان قهوة

قالوا بتم الكيف

وانا بشربوا اداء واجب

اعتمادا على المقولة

ونجى نتكيف اكثر

مع ابو حمزة وهو يبحث عن انديااح

عبر تواصل اخر وجميل

ولمطره رضا الجاتنا بكل محبة

ولموسيقى عقبة الجميلة
[SIZE="4"][COLOR="Blue"][COLOR="Blue"][SIZE="4"]الليلة جنس اندياح واحد
مبالغة تخميير الاشواق
يعنى معتقة زى فلانة الطويلة ديك
ياخ الجكس الطويل مبالغة
ونادر
زى النخل
ياخ المطرة دايرة ليها سجاير بمواصفات خاصة
رغم انى ما بدخن
بث المطر بخلينى مسطول من دون خمرة
رشششششششششششششششششش
زى غنية بشابيلك واغنيلك
بقدر حروف مناديلك
ولا موسيقية وردى
زمان كنا بنشيل الود
دى لى فتو بث
والبنات الجنوبيات البشتغلو فى حى المنيرة
الحاجة قالت لى تعال شيل مع البت دى الفضية
قلت ليها انا بشيل البت وانتو شيلو الفضية
وغنية رجعنالك
رجعنالك يا ود مدثر
بالغ سبدرات فيها





]

خالد 000 ابقرجة
18-08-2009, 04:09 AM
يا ابو الخلد




تعرف نفسى فى شنو

والبلابل

اخ انا من هادية طلسم








وغنية رجعنالك




رجعنالك يا ود مدثر

بالغ سبدرات فيها







http://sudanyat.org/agani2/rag3nlk.wma

عبدالرحمن مدثر
18-08-2009, 06:16 AM
جميلة هذه الخميرة التى تاخذ قدلة

على غير العادة

فالمالوف لدى الجميع انها تااخذ (مطططططة )

اما مانحسه من خلال حروف شفيفة

ترحل بك للبعيد

وتعطيك مفتاح كل الاشياء

اخير يمكننا ان نعرف شكل السعادة الحقيقية

بوجود الكمندان رضا

وجماااال رجعناالك

وسحر كمنجة ابوحمزة الساحر العبارة

والذى يعطينا انطباع اولى عااالى الدهشة لاننا

نحس باننا نعرفه منذ سنين

تقاسمنا من خلالها الفرحة والهموم

وسعادتى لاتكتمل الابثنائى المرح

كابو وصبحى .... صبحى وكابو

طرة وكتابة الابداع فى بلادى

وبلادى حدودها ملامحكم

وطينها احساسكم الخصب



نجيكم بمهلة

ونخمر افكارنا

رضا حسن محمد
18-08-2009, 06:23 AM
جميلة هذه الخميرة التى تاخذ قدلة

على غير العادة

فالمالوف لدى الجميع انها تااخذ (مطططططة )

اما مانحسه من خلال حروف شفيفة

ترحل بك للبعيد

وتعطيك مفتاح كل الاشياء

اخير يمكننا ان نعرف شكل السعادة الحقيقية

بوجود الكمندان رضا

وجماااال رجعناالك

وسحر كمنجة ابوحمزة الساحر العبارة

والذى يعطينا انطباع اولى عااالى الدهشة لاننا

نحس باننا نعرفه منذ سنين

تقاسمنا من خلالها الفرحة والهموم

وسعادتى لاتكتمل الابثنائى المرح

كابو وصبحى .... صبحى وكابو

طرة وكتابة الابداع فى بلادى

وبلادى حدودها ملامحكم

وطينها احساسكم الخصب



نجيكم بمهلة

ونخمر افكارنا

يا بروف
تتخمر الاشواق دغدغة
تدخل الخميرة جوة الجوف
مشكلة
تمشى الى مواطن الاسرار
ونقول لها قفى
وبعد داك نديها رقة وطرحة ورقصة
وطن حدادى مدادى
وحمامة جناها لا خايف ولا مفقود
ومعاك بحلم يا بروف

العاقب مصباح
18-08-2009, 06:46 AM
عندى عجينة جهزتها فى النيمة

وخمرت تب

النجيبها هنا

يمكن نرميها لى قى ماااااااااااااات

واعذرنى يا رائع

كلكم رائعين

إستحواذ .. عجبتنى يا جلالة وعايز استحوذ عليها... واطلع بيها شهادة حياذة لى زول استحوذ الفكرة وقتلنى ضهر بدون ما يتلفت لى فركة كانت وقرمصيص...
وبين الفركة والفكرة بتنوم متناقضة زى ما شفنا قبلو حدث مهم....
واحاسيسنا البقت رقراق ... وبين شمسى النساها اشراق ..بموت واقف معاى عصاية دون ما تاكلها الارضة ...
سبحان من خلق ارضة...
وعشان ما تدل على موتنا ونحن وقاف
بدون خوف من تراجيديا الصراع الذاتى والجوانى والبرانى والوحدانى والوجدانى والانسانى والتوهان فى فكرة عقيمة ما بتنجب وحاتنا جنى....
عليك المنتهى وصبرك مقالدك وبى بكا
يرجاك موشح بى ضياك
ما تختفى خلى الشعاع هو الينطفئ
وبيك يبدأ مشوار من تعب
ومن حكاوى معتقة
وننساها كيف وهى زاتها فينا منمقة
ننساها كيف قول لى بس
وبى فرقتها صبحت حياتنا مؤرقة...
وبتضيع مسافة طويلة قبال ما نشوف فى مرايا زاتنا وننخلع من دمعة ما بلت وجيه
بلت رويحنا وغتتا
وياااااااااااااااااااا زول عليك كمين رجا
وما تخاف مصيرك ما بيفوتك
وصوت غناك بيتسمع
بى مطرقة
وبى طفلة تبكيك كل يوم
بتقول شنو
اسكت خلاص
ما عاد يفيدنك غناك
ولا صوت دموعك وصرختها ...
ابقى بس واقف مسافة
واهبشك بى نقطة من دمعى السخين



ما فوكًة شئ
لو كان عليك القول وقف
بيك ليلى يصبح منتشى
ما فوكٌة شئ
يا امنيات اتمايلت
منى المنى وليك كل شئ
يا كلمة هوووى اروينى منك ومن غناك
ما تخجلى وما تختشى
يا خاطرى لى فيك دهشتين
قبال تجينى مرى بى من بين عينيك اترمشى
وماااااااااا فوكٌة شئ

العاقب مصباح
18-08-2009, 06:55 AM
[quote=رضا حسن محمد;368782]الليلة جنس اندياح واحد
مبالغة تخميير الاشواق
يعنى معتقة زى فلانة الطويلة ديك
ياخ الجكس الطويل مبالغة
ونادر
زى النخل
ياخ المطرة دايرة ليها سجاير بمواصفات خاصة
رغم انى ما بدخن
بث المطر بخلينى مسطول من دون خمرة
رشششششششششششششششششش
زى غنية بشابيلك واغنيلك
بقدر حروف مناديلك
ولا موسيقية وردى
زمان كنا بنشيل الود
دى لى فتو بث
والبنات الجنوبيات البشتغلو فى حى المنيرة
الحاجة قالت لى تعال شيل مع البت دى الفضية
قلت ليها انا بشيل البت وانتو شيلو الفضية
وغنية رجعنالك
رجعنالك يا ود مدثر
بالغ سبدرات فيها
]



هههههههههههههههههههااااااااااااااااى
بالغت يا رضا
ياخى من زمان مالك غائب
ابقى معانا هنا ياخ
خمر فكرتنا
وبنساعدك فى شيل الفضية
مع انى ما بريد الفضيات والدواليب والحافلات
بس بشيل عشان خاطرك وبس
وانت ميل وانا ليك اميل عشان نميل سوا يا جميل...
وتجيك فضيتك معتوقة ومعتقة ومنعتقة نوافير انتشاء حشمة وحمار العين ..
ساكت يغنوا مع القمر....
النيل ولا فى بالو ليل ...
وارقد عافية

أبو حمزة
18-08-2009, 09:17 PM
رضا حسن أحمد:

رحيق متدفق .. يجذب كل جميل محب للكلمة الصادقة..

والمداخلات التي تسكرنا دون تخميرة..ذي أكل الحواتة طازج وحار حار..

وممكن تكون سكرتنا أنت يا ود السجانة..

وكمان خربشتنا..

بعدين رجعنالك..

قسماً بالله أنا فناني البلابل..ومحمد الأمين.. وقبل هذا وذاك عثمان حسين..

ما تقول لي: كلامك كتر وليه كدة؟؟ ولا كلمة ...!

السكران في ذمة الواعي..

لكن تخيلوا..! أفتح الموقع.. وفجأة يغني والصوت كان عاااالي..

يعني خليتوني ذي السمسمة.. بقيت بس درويش..

يعني تاني الواحد يعمل حسابو..

وده كلو هين بفتح استمتع مع الكرسي الساخن لحبيبنا ود السفاح..


العضو الفعَّال والشخصية المدهشة.. مع التحية.. والأشواق

جاتني ليك ندى القلعة.. ؟؟

والمشكلة كلهم نسوان..وأنا ما عارف بحب الصوت النسائي لحد الثمالة..

يعني بصراحة بعجبني غناء البنات.. وبين قوسين( الدلوكة)..

ما قلت ليك يا أبا قرجة :

ما تخمِّر لي..

أنت ممزوج مع سكري بس بحلال..

الليلة أنا مبسوط...

كلام خاااااص : (إنتو خم الرماد متين؟؟)؟؟

أبو حمزة
05-09-2009, 10:46 PM
يا شباب: الليلة ما قرَّبت (أسسيك) .. بس آس في كرت طرت ليك بيهو..!!

يعني ما كنت بقدر أشرب.. ولو شربت ما بروى..!!

يا ود مدثر : لقيت ليك ( سوبيا) بايتة في الثلاجة.. وبعدين شربت ليك منها مظبوووط...

وفي الحقيقة كانت (بتقردن) في الحلق.. يعني المهم .. حسيت ليك بإرتياح شديد .. ورغبة في المزيد.. وبعدين فرحان .. فرحان..

فرحان .. فرحان.. وعاوز أطير..! (ده حالة قلت أسأل منها ود أب قرجة)..

ما الحكاية ما بالعمر أو الشكل.. الحكاية برضو عاوزة مشاورة..

( بعدين بيني وبينك شوف لينا د. تغريد لو عندها أي تحليل) ناس الاختصاص ديل مهمين..

وأحسن ليكم ما تخمروا لي: يا agibmisbah...

بعدين ( اللوك) حلو والفنايل لائقة معاك.. يا ذهبي يا جميل..

شفتك وابتهجت وين يا غالي أنت.. عينا عليك بااااردة..بس لو سحرتك عين ثانية أنا ما مسؤول..!!

يا رضا: بالله عليك واصل السرد الجميل وخليك قريب مننا يا فضي..

اشتقنا لكتاباتك وحلو طلاتك..

بصراحة يا أخوانا البلابل ديل بسكرووني عديل كدة.. الله يفتح عليكم يا حلوين يا ذوق واختياركم كان موفق..

بس لو ممكن واحدة لعثمان حسين.. وما في زول يخمِّر لي..

عبد الرحمن مدثر أصلك إبداع وما محتاج يا سيد السماحة وصديق الروح.. مشتاقين جداً جداً..

ويا خالد أب قرجة: ما تحرمنا طلاتك الحلوة .. يا حيوي وفارس الكتابة وحبوب.. متمني ألتقيك..

ويا د. تغريد .. فضلاً لا تنسي تورينا.. رأيك شنو.. في حاجة بتقردن في الحلق وبتخليك فرحان فرحان وعاوز تطير.. مستنين إجاباتك وتطمنينا يا عزيزة..

خالد 000 ابقرجة
06-09-2009, 06:18 AM
حبيبنا أبو حمزة 000
عارف من امبارح 000
والخميرة حايمة في راسي 000
جيت لقيتك خمرتها قبالي 000
بس يا صاحبي 000
الآس في كرت ما دايما بمرق من السيك 000
خاصة لو اتسمت طويلة 000
عاااادي ممكن اكون فاقد بوهية 000
بس عجبتني انك ما عملتا تقيل وبخلتا بي الآس 000
كان سقوك موية الغسيل 000
برضو في محلات الخفة فيها سمحة 000
أها فكرة السيك والتقلة والخفة دي 000
عاوزين نعجنا بالسوبيا القردنت حلقك 000
ونخمرا للود عقبة العامل تقيل 000
ماسك ليهو آس في كرت ومتطمن 000
وبحب في البنات الطوال 000
قول ليهو يا ساحبي التقلة هنا مااااسمحة 000
وبتسيك 000
وآسك بالرااااااحة بنجلد 000
ساعتا حلقك بتقدرنو الحسرة 000
ياخي ما تعمل تقيل ياخ 000
الخفة دي مالا 000
عيبا لي 000
عليك الله يا ابو حمزة خمر معاي 000

خمر معاي صحن حنة كبييييييييييييييييير 000

وجيب معاك بدل خميرة حبة ضريرة 000

ووبعد تغريد توريك قردنة الحلق من شنو 000
جيبا وتعالو النيمة 000
وخليها تفكا ليها زغرودة من هنا 000 لحدي ما تصلوا 000

أييووووووووويييييي أيو أيو أيو أيوووووووووووووووووووي 000

امكن نقدر علي الجنا ده 000
ونحننوا في باقي رمضان ده 000
امكن يعيد في عدلوا 000

أبشر بالخير يأ ابو حمزة 000
وطرق حنجرتك 000
عشان امكن ما نلقي لينا فنان 000
وعثمان حسين ليك علي 000
في صفحة الخميرة الجديدة 000
عشان ما تضارب مع البلابل 000
ويفرتقوا لينا الحفلة 000

أها

حلقك لسع بقردنك ؟؟؟
ولا فكت :p:p:p:p

أبو حمزة
06-09-2009, 11:43 AM
خالد أب قرجة: يا رائع ... ما بقول جفيتني.. لكن أنا ضائع.....تتنتش..!! ( موسيقى وكدة)..

أبا آية: ما عندك مشكلة بس عاوزين واحد يكون (حلقومو ) كبير.. ينادي لينا د. تغريد.. وبيني وبينك يا تغريد لو كنت شايفاني.. بتعرفي تزغردي..!!؟؟ عشان ما ننحرج مع ناس النيمة.. ولو ما بتعرفي نتصرف.. نسجلها ولا المهم لا بد نتصرف..

يا ود حي البان: بسأل من ناس محمد أحمد المبارك.. أخوه عمر.. من المسلمية.. ما جنبكم..؟ جيرانهم ناس محمد مصطفى (كيقة).. في دبي ولا الأمارات ما عارف..أدينا الأكيدة.. ولنا عودة.. مع المديدة.. هي لا الحنة..!!

ايمن عبد الله
06-09-2009, 01:45 PM
ذكرتني .. مسرحية .. المهرج .. للمخرج محمد نعيم سعد

أبو حمزة
13-09-2009, 12:03 AM
اليوم السعيد طلَّ بأفراحو.. ويا سلاااااام عليكن يا بلابل ..!! وكم هذا جميل .. تخيل يا أبا قرجة كنت كل مرة أفتح البوست ده .. بس علشان أستمع للبلابل .. وكم هو عمل جميل .. بس لو سمحت عاوز لي واحدة لعثمان حسين..

اليوم ده حلو .. وصوتك في التلفون أحلى من اللقيمات الفي عسل معطون..

عبدالرحمن مدثر
13-09-2009, 12:30 AM
ابوحمزة ياكل الخير

مااجمل هذاالاحساس عندما ياخذ منك المططة

عشة صغيرة كفاية علينا

نفعد نتونس ونفتش عن بعض جووووه الجوووه

ولانك جبت سيرة البلابل

مربوطة بابو قرجة

من خلالك نرسل التحايا للمصبااح

ولابواسيل وهو يشكل معنا هذا الحضور التاائه

بعد ان فقد الدليل والمعلم

وكمنجتنا الحنينة رضا

وعودنا من جديد

من اجل الفكرة الحلوة

التى تجمع ولاتفرق


بعد ان توقفنا لفترة طالت مع غموض الصادق الرضى

وعاطف خيرى وجدلية العلاقة بين الكاتب والمتلقى

ونوعية الفكرة المقدمة ودرجة تخميرها او تحميرها

على نااار هادئة .. ام يكتنفها بعض الغموووض الطبخة












تعالو نتونس مع عبدالقادر الكتيابى عندما يخرج

من جلباااب الكلمة العتيقة .. ويتمرد .. ويطال حرفه

مقص الرقيب

لكنه اسس لمنهجية جديدة

راايكم

شنو

نبقى مع منهجية


(على كيفى )


تعالو نتونس مع النص والمناااسبة


على كيفي

حكى أن تشكيلياً مر بلافتة سماك كتب عليها

( محلات السر لبيع السمك المشوي والمقلي والمحمر )

فأقنع السماك أن يستغني عن عبارة( محلات بيع )

لعدم جدواها ففعل ثم مر عليه بعدها وأقنعه بأن السمك عادة

يشوى أو يقلى أو يحمر ولا داع لها في اللافتة فحذفها

ثم مر عليه بعدها وفهمه أن كلمة السمك تحصيل حاصل

بسبب الرائحة المنتشرة في الشارع

فلم تبق على اللافتة إلا كلمة ( السر) .

وهو ما حدث لهذه القصيدة من المقصات وحينما نشر المقطع المسموح به

فاحت رائحة السمك وكثر السؤال عن الفائح الغائب.

ليس لدينا إلا أن نرقم النكات حتى نضحك لمجرد ذكر الرقم.

***

على كـيفي ...

أرقع جبتي أولا أرقعها..

أطرزها من الالوب .. ألبسها على المقلوب.

أخلعها .. على كـيفي .

أنا لم أنتخب أحدا...

وما بايعت بعد محمد رجلا .

ولا صفقت للزيـــف ..

لماذا أعلنوا صوري؟

لماذا صادروا سيفي..؟

أنا ما قلت شيئا بعد حتى الآن ..

حتى الآن أسلك أضعف الايمان..

ما أعلنت ما أسررت ما جاوزت في الأوبــات ..

سرعة زورة الطيـــف

أهرول بين تحقيقين أصمت عن خراب الدار ..

عن غيظ مراجله تفك مراجل الجــوف

سئمت هشاشة الترميز

ما بعد الزبى يا سيل من شيء ..

لمن يا طبل والخرطوم غائبة و أمدرمان والنيلان يختلفان ..

والأطفال في الخيران والحرب الدمار الجوع

كيف الحال ؟ لا تسأل عن الكيف ..

حبيبي أنت يا وطن النجوم الزهر .. سلهم كيف ؟

سل عني ..

لماذا لم يخلوني على كيفي ..؟

أنا والله ضد نخاسة الأحرار باسم الذين ..

ضد الضد والضدين ...

ضد جهاز خوف الأمن .. ضد الأمن بالخوف ..

...

أنا في هذه الدنيا على كيفي ..

إلى أن تكمل الأشراط دورتها .

بمهدي حقيقي لينقذنا من الدجال والتمثال .

والإشراك والحيـف

سأبقى ما حييت أنا على كــــــيفي

إلى أن تطهر الدنيا وينزل سيدي عـــيسى

لأن طريقتي في الحب يا وطني

على كـيفي ...

أبو حمزة
13-09-2009, 01:05 AM
عبد الرحمن مدثر: بصراااحة : خائف يكون عند (ظار).. أو معاك (جني).. تخيل حاولت أرجع للزمن مرة.. واتذكر حكايتي معاك..

صوت عتاب :
يوم أمس اتصل عليكم .. وأجد الجوالات مغلقة..!! تحرموني من إفطاركم..!!
أنا والله بريدكم.. بس معليش لأنكم واثقين من عشقنا لكم بتلعبوا بقلوبنا( طبعاً العتاب على الشبكة)!!

وكمان بتصل عليك قبل ما أقول أي كلمة تقول لي أبو حمزة؟؟.. يعني شفتني في المراية؟؟

يعني أنت معطون بخميرة و خمرة..( أنا ما شكلتها).. لأنها ظاهرة..وخلينا نتكلم بعد الإفطار.. حتى نعطي مساحة لأي استفسار..

عبدالرحمن مدثر
13-09-2009, 02:54 AM
ابوحمزة

احدثك عن الافطار وعن شكل الاحساس

وعن طعم الرؤيا .. لونها .. شكلها

ياسلااام

طبعا العتب على النظر وعلى الشبكة

وفى بالنا والله ياغالى

ولقد وصلت تحيتك قبل ان تتصل


باعتبار ماكان من حديثك الشجى

والاحاسيس بالنياات واحساسك آآآآبرى سااااااقط

فى سخانة تصهر وجرسة تفوق الاحتماااال

بخمر ليك فكرة القعدة الحلوة

وبديك مساحة تكون معانا

بس خلينا نفطر

عشااان مانطلع بره الشبكة

والشبكة مشكلتها كبيرة خلاااااص:p

تحياتى

وخااتم المنى يوم نلقاك هنا

أبو حمزة
13-09-2009, 03:05 AM
اتفقنا .. خلي الناس يقولوا .. .. ذي مايقولوا .. يقولوا .. ريدنا مابنسيب طريقو وما بنخلي عزول يطولو..


إتفقنا..!!

عبدالرحمن مدثر
15-09-2009, 08:45 AM
اتفقنا نبدا من جديد

نخمر فكرة جديدة

العاقب مصباح
16-09-2009, 11:34 PM
اتفقنا نبدا من جديد
نخمر فكرة جديدة



البداية دائما صعبة

بتخليك لافى مساااااااااااااااافة تهبشك غنوة واناولك كاس

داير اخمر لى فكرة

بس فكرة شنو ما عارف

المهم

نكب فيها شويه بكتريا

والبكتريا مفيدة

لانها اصل التخمير

والخميرة حرقتنى

على وزن المديدة حرقتنى

ما دام حرقتك اكلها ساى ياخ

حار فراقها كما يقول المثل


اها يا ناس

داير اتذكر الفاضلابى

يا ريت يا ود مدثر لو حافظ ليك منو شئ

انسان مبدع جدا

بتذكر مرة حاضر ليهو القاء شعرى

فى اتحاد جامعة الخرطوم

طلع المنبر

اعتلى المنبر احلى من طلع صح

اها اعتلى المنبر

وجانا كلب

سنونو صفر

حلب الناقة

والسراقة

وما خلى فيها ولااااااااااااا دى

دى دى حاول اتخيلها معاى

لمن واحد يشيل اصبعه

ويقربه لى فمه

ويمسك السبابة والابهام زى العايز يزغرد

ويقربها لى سنه

ويقول ليك ولا دى

اها فهمتوا

ولو ما فهمتو الشرح النظرى ما مفيد

عايزين شرح عملى بس

اها قبل ما يقول كلامه دا قال :- انفى مصاب بالزكام

ولكن رغما عن انفى سألقى الشعر

كانت الليالى معطرة بحميد والقدال

وفيها سامى عبد الرحمن والدرجيات

بتذكر مرة بحضر فى سامى عبد الرحمن

وانا داكى لى كم محاضرة

بس عشان احضر لى شعر

قلة الغلة بتعلم الاستماع للشعر

اها فى اثناء ما قاعد

والجمهور كمية قاعد

اها سامى القى قصيدة

اخوك شالته الهاشمية

صفقت بى حماس منقطع النظير

بعد شويه اتلفت القى الجمهور كله بيعاين لى

استغربت قلت يا ربى فى شنو

لقيت انو براى البصفق

الشتارة ماااااااااااااااااااااااا سمحة

صح ولا ما صح

بس ياخ اعذرونى

الحاجه كان عجبتنى بعبر باى صورة

ما بنتظر الناس الباقية هى التكون الدليل

ام عسجد
17-09-2009, 01:28 AM
انت تتخمر وتتعاس ع طول

عبدالرحمن مدثر
17-09-2009, 02:06 AM
عيدية للدواخل والاحساس الجميل

قريبة من مطططة صبحى للفاضلابى

وهو يبدع من خلال رائعة عقد الجلاد

كل مانقول كملنا الليل

بلحن شجى وخاااالد

لشريف شرحبيل


كل عام وانتم بالف خير

ونخلى قطعة زلابية كبيرة ممسحة

بسكر ناااااااااااااااااااااعم

وفيها خميرة الفاضلابى



لما الحواس بحلمبهن

غبن من الجيه العصير

قلبن بقن يجن الضهير

خلن مدارسن الصباح

ونزلن على السوق من شهير



ما شفتهن

ياخى الزمانك

فى حويشاتن يحركن

اردب العيش فى القمير

لا نمه لايحدرن جوير

بطحانيات ليهن نسابه من الغرب

جاراتن البى جنبهن متشلخات

واحدات خدر من الشرق

قصاريات نعلاتن الجلد الخفيف

حبوبتن من الشلك

كايس لهن

بحلم بهن

وأنا من نوير الحب بحب


مشاى اذا فتح الدرب

غناى اذا وقف الحرب

خالد 000 ابقرجة
17-09-2009, 07:59 AM
اليوم السعيد طلَّ بأفراحو.. ويا سلاااااام عليكن يا بلابل ..!! وكم هذا جميل .. تخيل يا أبا قرجة كنت كل مرة أفتح البوست ده .. بس علشان أستمع للبلابل .. وكم هو عمل جميل .. بس لو سمحت عاوز لي واحدة لعثمان حسين..

اليوم ده حلو .. وصوتك في التلفون أحلى من اللقيمات الفي عسل معطون..





حبيبنا أبو حمزة 000



وعثمان حسين ليك علي 000
في صفحة الخميرة الجديدة 000
عشان ما تضارب مع البلابل 000
ويفرتقوا لينا الحفلة 000




حبيبنا أبو حمزة 000
بغني في سري
يا يوم بكرة ما تسرع000
وتجيب لينا فطور جدة 000
عشان نبل الشوق 000
بي شوفتك 000
وشوفة كل الحلوين 000
الشهونا الشوفة 000


جابتني الصفحة الجديدة دي 000
عشان وعد بيننا مع أبي عفان 000
واخترتا ليك علي زوقي الفراش الحائر 000
ما عشان حيرتنا البقت عنوان 000
لكن لأنو أبو عفان أبدع في المقدمة 000


بس جيت لقيت الخرباش (سيد الدوم ) وعقبة 000
مخمرين عجينة جديدة 000
متدفق الفاضلابي برة البخسة حقتا 000
طبعا حا أعمل فيها ما شايف منهم حاجة 000
لأنو يدووووووب ابتلت العروق 000
وما فيني حيل اتحمل الجري وراء حروف بجيبوها من قاموس حقهم براااااهم


وحق الفاضلابي الحير عقبة في وصف الناقة والسراقة 000
يا عقبة ياخ كان تقول (ما خلا فيها التكتح ) 000 وكنا براااانا
ختينا ضفر الابهام الممسوك بي بنان السبابة في خشمنا 000
ونتفنا من سنونا القدام حتة :p:p:p


أبو حمزة 000
أخليك مع حبيبك ابو عفان 000 والفراش الحائر


http://www.sudanradio.info/arabic/modules/debaser/upload/songs/osman/alfrashal7air.mp3

عبدالرحمن مدثر
18-09-2009, 05:36 AM
ياكابتن كابو

بعد ماتفطروا تماااااام

اقطعوا لينة قطعة سااامبوكسة

من هذا اللقاء الجميل

ومازلنا فى انتظار فراولة ابوحمزة





فى الانتظار على نااااااااااار ماهاااادئة

wad alballal
18-09-2009, 07:41 AM
ابقرجة الفطور كان كيف .....

العاقب مصباح
19-09-2009, 01:18 AM
داير اخمر

لكن شنو ما عارف

بيت الخمارة محبوس وسيدو يكوس

بتكوس فى شنو يا حبيب قلبى انت

تعال بى هنا

ودى ايام التخمير الدولى

فى بعض قرى الجزيرة

التى تعتمد على الروث المخمر

اتخيل لى كلمة الروث افضل حالا من الكلمة التانية

بقيت مثقف صح

دا كله من السر قدور

قصدت بالتخمير تجهيز طلية خفيفة

البعض يفضلها فى الخارج

والبعض فى الداخل

والبعض ارضيات

لا يهمهم كم متر السيراميك


وتلك الفتيات الرشيقات اللواتى يتمايلن عن عرض المنتج فى التلفزيون

اذا تلك تخميرة

لا تحتاج لكثير عناء

او وصفات

تقوم به فى الغالب النسوة

والرجال فى مكان اخر

خال من الرائحة

امراة تتحزم وتتلزم

وتقوم بالواجب الانسانى واكتر كمان

ورائحة التخمير تجيب الضهبان

الا انه عند الانتهاء

تشعر تلك الفتاة بالرضا عن نفسها

وعن ذاك الروث

فحينما لم يستطعن تحويله الى طاقة كهربائية او حرارية فضلن استخدامه فى هدر طاقتهن للحصول على منظر مرضى للزوار

خميرة اخرى تظهر صبيحة الغد او بعد الغد

هى الخميرة الاصلية

للقيمات يقمن ما بنا من عطش

لا اعرف ما هو السر فى اختيار اللقميات فى صبيحة عيد الفطر بالذات

افى ذلك سر

لا ادرى

ولكنى افضلها

وافضل تناولها وهى حافية القدمين

وعارية الا من السكر

تدخلها فى فمك ثم تتبعها جغمة من اثر الشاى وحينها تبصر ما لم يبصر القوم

فتصير مثل السامرى للحظة

اعشق اللقيمات

واحبها

احبك يا لقيمات

ولن انسى ان اقول هذه المرة

كل عام وانتى بخير

كل عام وانتى فى الزيت معطونة

وفى بالسكر ترتدين حلة زاهية

فهلا تمنينا لها الخير

انها تلك اللقيمات

وفى رواية اخرى زلابية

عمر المامون
19-09-2009, 08:35 AM
هوي يناس التخمير

كل عام وانتم بخير

ما تخمرو لي خبيز

أبو حمزة
26-09-2009, 01:59 AM
قبل أن أشكر اخي أبا قرجة على الفراش والبهجة والاندهاش..

وقبل أن أبلغ أخي عبد الرحمن مدثر مدى شوقي الفائض له..

قبل هذا وذاك أود أن أثبت حاجة.. وعلى مسؤوليتي الشخصية..( العاقب إنسان ما طبيعي..( بيستعمل منشطات).. تخيلوا لأنو ما ممكن يكون سكران طول اليوم..) .. أنا بالمناسبة تابعت كل كتاباته.. وكنت بتلصلص على محلات أخرى له.. الراجل مبدع بحق الكلمة.. وكمان يخيل لي لو ما كتب ممكن يرتكب جريمة...!!

وارجع بعد ما قلت الكلام الكان حارقني جداً .. والساكت عن الحق أخرص..

أقول ليكم الخميرة كانت في جدة.. ومهما قلت لكم عن أبي قرجة لن أوفي.. ذوق هندسة.. فهم .. مودة حقيقية.. تواصل.. أنا مندهش.. مدني آآآي حلوة وناسها تمامين.. بس للدرجة ده..!! كلام خرافي..!!

يعني في جدة أفطرنا إفطار : بدر الدين العجيب (مكة) + أبو مازن(ناصر) الراااائع بمعنى الكلمة..والمفاجأة محمد النور..الذوق والتفاؤل معتز الريح سنهوري..وطبعا الخوَّاض كان ضيف الشرف الراقي..وأما محمد الأمين( الجندي المجهول) لا.. لا.. هذا شيء آخر مختلف.. ناس رائعة وكريمة وعفيفة وسمحة..وطبعاً هذا للمثال لا للحصر..فأنا سعيد وكنت ذي عقبة سكران.. بالمواصلة والدهشة..

العاقب مصباح
26-09-2009, 10:03 PM
يا جماعة امسكوا ابو حمزة دا منى

بيجيب لى كفوة ساى

وانا كمان بقوم اطلع اشعاعات وبقول انو دا ابو حمزة المصرى بتاع تنظيم الفروالة

سورى تنظيم القاعدة

وطالما القعدة فيها ناس ابقرجة

والجندى

ومعتز الريح

وابو مازن

يبقى اكيد لازم تكون اجمل وارقى وانضر

ربنا يجمعنا بيكم

فى بلد الله الحرام

ونسكر بى طيبتكم

وبى دعواتكم

وبى حنيتكم

واصالتكم

وروعتكم

وخلينى افتش لى خميرة

عشان العجينة تطلع مسبكة

ونرميها لقيمات عيد

وفرحة شفع

وهم شايلين اللقيمات فى جيبهم

والزيت مدفق ومالى العراقى

وبرضو فرح

فى فرح

فى فرح

تحية صباحية لمن يمتلئ بالجمال

لمن يسع الجميع محبة

ابو حمزة

وقالوا الصلعة ترقش ساى

وناس ابو صلعة ديل قالوا روسيهم مليانات علم

لكن انا شايفو تنظير ساى

زى صاحبى الخرباش دا

جنو تنظر ياخ

مرة تلقاهو طلبة بنيان

ومرة يخربش فى حيطان

مرات شاعر مرات فنان

مرات يا زول زى الانسان

ياخدك بى قلمو محل موجود

سجانة ومرة مناقل وبى تحنان

تبراهو وانت مغمد تب

تفقعها ضحكة وتقعد حيران

ولمن يقول ليك احضر حفلة

وهو يقول النبق النبق ياخدك سرحان

يا شيخ اصبر

انا لى سنين عايش حرمان

فى غربة

وغرقة

حرقة زمان

والخيمرة حرقتنى

قصدى المديدة حرقتنى

ليه المديدة ما بيعلموا ليها خميرة

نجرب الفكرة دى

زى تجريب الفروالة العملتها فينى

وخلتنى ما بين واقف واقاعد

ما بين ماشى وواقف

ما بين فرحان وحزين

ما بين ضحكة ودمعة

وما بين شئ ولا شئ

دى فراولة شنو دى

ياخى فراولتك شكلها مخمرة يا ابو حمزة

تانى ما بشربها الا فى بيتك

وفتكم بى فروالة

قصدى بى عافية

أبو حمزة
27-09-2009, 11:27 PM
تخيلوا كل مرة أفتح البوست ده.. استمع للفراش الحائر وأطلع...

بس المرة ده بقول ليكم حاسس بنفسي عاوز أموت... ما عارف.. بطني طامة وعندي خمة نفس.. أكون .... لا.. لا.. بس الحاصل شنو؟؟ مرات الشوق لو فات حده بيبقى عذاب..

وكمان الناس ما بتريح.. بس ما تغفل يدوك عين.. طبعاً جيت ليك من العمرة.. تعباااان .. شكلي عندي انفلونزا خنازير..

عبدالرحمن مدثر
04-10-2009, 12:09 AM
للفراااش الحائر سحر خاص

طالما كان مع قافلة حضور ابوعفان

رمز التسامح والمحبة

ولشوق ابو حمزة الاثر الكبير

فى التشكيل .. والمططة

ولما الريد يفوووت حدو

يبقى مصيرنا فى يدو

هذه اليد الخفية هل هى للشوق نفسه

ام الى من نطوى طول السكة

ويغازله الاحسااااس

الشوق والعذاااب

الم والم وامل

خضرة وسماء وغيوم

ورعد وبرق

لوحة جميلة تستوعب كل المتناقضات

بابعاااد جميلة


ونظل نبحث سويا

عن جمال الذاات والصفاااات

بمعية ابوعفاان

وبصحبتكم الجميلة


مااروعكم

كلكم كدا

النااااس البتخمر فى فكرة

وبتسكر باحسااس بعض



خربشة

ابوحمزة ممكن فراااولة مسكرة من بستانك يوقع عليها قرجة

ويسقيها صبحىويعزف لحنها كمنجتنا رضا

أبو حمزة
04-10-2009, 01:24 AM
بكل الجمال .. والتفاؤل .. والفراش الحائر..

بس بقول ل: عقبة مشتاقين شوق خااااص.. أطول من عِمة كمال ترباس..

ويا أبا قرجة.. ذوقك هاااااي .. ولو ممكن تعال هنا.. لا تعال.. هي .. بيجاي..!! مكان القلب ساكن .. ومعاك كوبايتين ساي..( أصلو عندنا باقي فراولة.. ) أنت ما أظنك تذوَّقتها.. عقبة بكون أدمنها..!!

ويا خرباش: إنت ما بقدر عليك .. الفي بالك سويهو.. ما أنت سيد الناس..بس بيني وبينك ( عاوزين كاس).. لا.. كاس للهلال.. عقبة فكرو دائماً دكَّامِيّ..ّّ!!

والله يا جماعة مشتاق للنصف الثاني..!! حلال .. ومحتاج لأغنية أخرى .. لو ممكن تجيبو لي مسامحك يا حبيبي.. لو مافي أي حاجة إن شاء الله شليل وينو..!!

وحصِّلوا الخميرة .. دفَّقت.. وشايف لي ود أبرق في العجين,..تاني البياكل كسرتكم منو!!؟؟

بت مارنجان
10-10-2009, 12:06 PM
عايزة لي خميرة تخليني ادفق وادفق وادفق
لمن انكشح وما الاقي لي شي يلمني ....
اقوم لمن انكشح احاول اعمل عملية انكماش داخلي
عشان الملم دواخلي المبعثرة
مادواخل منبوذة بتاعت عصمت
والله عصمت ليهو وحشة شديدة ....
اها لمن الواحد يبدا يلملم البعثرة دي
تقوم تجيك خميرة من حيث لاتدري
تخليك تتكسر ذاتيآ مع مكنوناتك
وياســـــــــــــــــــــلام مع المكنونات
لمان تلاقي تكسير .....
بيحصل توحد وانصهار في جميع حاجاتك الادفقت قبيل ديك
وتكون عايش حالة بتاعت تمحور مع نفسك ....
والوقت داك الخميرة بتكون وصلت قمتها وقررربت تتفجر
بعد داك نقوم نجري جري نسوطها عشان تتجانس مع بعض ...
التجانس دة جميل عشان بخلي الروح صاااااااااااافية ورايقة
مابكون في نزاع داخلي حاصل ...
بكون الهدوء عما المكان وبتحصل حالة من السكينة والالفة مع انت " يعني زاتك "



ياخوانا خارجوني من الخميرة دي غلبني اطلع

وووووووووووووووب :p:p:p

أبو حمزة
10-10-2009, 10:05 PM
إبداااااع منقطع النظير.. وخميرة تخليك تسرح جنب النيل.. السعادة النحن فيها ما محتاجة دليل.. بس يكفي تسمع أبا عفان وتنساب مع هذا اللحن الرائع الممتع الحلو الجميل..

بالمناسبة: عادي الحب من طرف واحد..

بس أنا شائف البت ده شاعرة جد.. جد.. ومن هنا لقدام تاني ما ببوح ... باسمو ..أنا ما بصرِّح.. إمكن قولي يروح.. ولا .. لا.. قولي ما بجرِّح.. بس .. عادي مع ناس عقبة وود السجانة.. وكمان أبي قرجة أكيد بيفوح...!!

العاقب مصباح
18-10-2009, 07:22 AM
تعبتوني من الصباح
كان في داعي للخمير الحمر بتاعكم ده ؟؟؟

جيتكم بي زول جميل

لمن ماتت ام عيالو

عزيتو بي بالإهداء الكتبو في ديوان وضاحة


ومن ثرثرتو لإمرأة بالغة العذوبة جاييكم بـ ( أزهري أحمد علي )



حان الآن موعد آذان الغيث
وصلاة المويه علي الواطه
الحلبت ضرع الغيمة الدرا
الغيمة الانتشرت في السماء تبروقة
ودشرت همها من ((سبلوقة)) القبلة
وفتحت بنيان الأفق الواسع
للطير الراجع عصفورة قلبي المطلوقة
وفرا
للشمس السلت روحا
ومرقت من قفطان الليل ذي قره
ودعوات القلب الفاتح
لطفلة اتبرت من أوزار الطين
اتوضت من درن الأحزان المره
وفتحت للطير طار القبلة



يا طير يا طيب يا صالح
تحلم بي عالم متصالح
ونحلم بالحاصب والنبلة
لي وين بنودي وشينا الكالح
من أسئلة الأرض
ومن نقنقة الغيم الحبلي
نحن القصينا جناح الريح
وعبينا العالم في طبله


يا طير يا الطيب يا صالح
أرحل ما شاء الترحال
في طلب الموية وقوت العام
وفذ ما فذ الوز
في السماء أو عام
وامرق من سلة حلمي الخاص
لرحاب الحلم العام
يا كائن يا عام
قفاك أعوج ما طاب
في البسيطه مقام



يا طير يا طيب يا صالح
منو الفتح الافق لحمام
فلت من ناب المخلب
عطش جارح
يقايض الصحراء ببقه
في بطن الابل
وريق صبار يضاير اللجه
لآخر فجه
في ذاكرة المياه العذبه
وينتخب المطر سلطان


وكان ما كان
حديث الموية في قعدة
بداية الخلق
ابتدر الغنا الصلصال
وكشفت في الهجيج النار
اشتد الأنين والطلق
دخلت في الوجع سرسار
وقالت قولتا العوجا
الولادة اتعسرت
وانقطع العشم في صرخة
انقطع حبل الحلم
وندهنا :-
يا حلال تحلها
الواسعة أضيق من رحم
ياااااا الله


يا حلال تحلها دي خميرة
بتعمل تناغم لأي عجينة ( تناغم دي كيف يا عقبة )
وحلال العقد
يحل الما طارية ليها حل

وتاااااااني يا خرباش

خمرتا بيك عصب السكون

وتااااااني بالغتو معاي
في الصباحية
بي خميرة بايتة

وداير لي كوز موية ساااااااااااااااااااااااااااااقطة

أشرب واجيكم بالليل

ويا عقبة
الله اديك واحدة زي امتثال
تتقاسم معاك النبقة ( لو مشيت السودان )
او تتقاسم معاك التفاحة (لو قعدتا في ضرا قناة الجزيرا) :p:p:p






يا مجنون المنتدى

عبدالرحمن مدثر
19-10-2009, 11:48 PM
عايزة لي خميرة تخليني ادفق وادفق وادفق
لمن انكشح وما الاقي لي شي يلمني ....
اقوم لمن انكشح احاول اعمل عملية انكماش داخلي
عشان الملم دواخلي المبعثرة
مادواخل منبوذة بتاعت عصمت
والله عصمت ليهو وحشة شديدة ....
اها لمن الواحد يبدا يلملم البعثرة دي
تقوم تجيك خميرة من حيث لاتدري
تخليك تتكسر ذاتيآ مع مكنوناتك
وياســـــــــــــــــــــلام مع المكنونات
لمان تلاقي تكسير .....
بيحصل توحد وانصهار في جميع حاجاتك الادفقت قبيل ديك
وتكون عايش حالة بتاعت تمحور مع نفسك ....
والوقت داك الخميرة بتكون وصلت قمتها وقررربت تتفجر
بعد داك نقوم نجري جري نسوطها عشان تتجانس مع بعض ...
التجانس دة جميل عشان بخلي الروح صاااااااااااافية ورايقة
مابكون في نزاع داخلي حاصل ...
بكون الهدوء عما المكان وبتحصل حالة من السكينة والالفة مع انت " يعني زاتك "



ياخوانا خارجوني من الخميرة دي غلبني اطلع

وووووووووووووووب :p:p:p



نرحب بمنقتنا

وهى ترحل معنا وتمطط الفكرة حبتين من احساسها

وتبحث عن المخارج وين


حتة تجيك خميرة من حيث لاتدرى

وتخليك تتكسر ذاتيا دى عاجبانى

خاصة لما يديها ابوحمزة حتة فراولة

من فراش ابو عفان الحائر

وشوفوا الفراش الحائر عندو اجمل مقطوعة موسيقية

احسها انا

تفتكروا عشان هو حااائر

جميلة خميرة ابوعفان

خاصة لما نعرج على رمزية التسامح الجميلة

مسامحك ياحبيبى

نحن اهو منتظرين كابتن كابو اللعاب

لحدى مانمشى الصفحة التانية

ونستمتع مع بعض

system
20-10-2009, 04:48 AM
قالو متالم شويه ياخى بعد الشر عليك

system
20-10-2009, 05:01 AM
يكون دى من الخمير الكتير
بس خميرتك دى اوعى يكون فيها برومات البوتاسيوم ...... وعملتا من الحبة قبه...
قوووول الحقيقه

ومشتاقييييييييييييييين

العاقب مصباح
25-10-2009, 11:22 PM
تداعيات القرار المر...
بعض من جراح
وبعض من الدم الصدئ
وامنيات عادت رماد
وحفيف الاشجار اخرصته ثعابين وهى تلتف حوله
رويدا رويدا بدأ جسمك النحيل يتداعى
يسقط على كالجبل
احيانا نرى ان سر الرهبة الاخرى عديمة جدوى
ونائحات الوطن يبكين ترابك
ببعض ما تدثرت به العراة من ثياب
كانت تستر نصفهن ولكن العيون ترى ما لم يُخف لحظتها
على ذات الطريق نكصت وعدك
سرت محفوف بها
وصرت مكفوفا لها
إتقاء ان لا ترى الا هى
بصمتك المزعج
وسيف يخرج من بين ثناياك عمدا
تستريح على نصله
على قائمة الفجر الموعود
فى اخر الليل حين ترى ابتسامة فى الظلام
ووعدا بالبقاء الى جانب جثتك
ترى كفنا امامك
وتلك الانثى تضحك وهى تغسلك بعطرها
أتُريد ان تأخذك فى جولة
لتُفرجك على مقتلك
وكيف تستقيم انت وظلك اسود
كيف تُعيد التنفس فى رئة هدها ثقبها
كيف للطفل ان يتعلم مشيك
وللعجائز ان تتلو مرثيتها
غابات الفوضى تُغرقك
وصفعات أبطال الزيف
يتلون عندك حزنك
تتخوف من نهر الفوضى
يبتل النص الآخر منك
تتبتل فى محراب الأُنثى تلك
تدرك أن الحزن صديقك
تلتقيان

نص قديم من سحارة الكلمات

أبو حمزة
26-10-2009, 01:17 AM
تداعيات القرار المر...
بعض من جراح
وبعض من الدم الصدئ
وامنيات عادت رماد
وحفيف الاشجار اخرصته ثعابين وهى تلتف حوله
رويدا رويدا بدأ جسمك النحيل يتداعى
يسقط على كالجبل
احيانا نرى ان سر الرهبة الاخرى عديمة جدوى
ونائحات الوطن يبكين ترابك
ببعض ما تدثرت به العراة من ثياب
كانت تستر نصفهن ولكن العيون ترى ما لم يُخف لحظتها
على ذات الطريق نكصت وعدك
سرت محفوف بها
وصرت مكفوفا لها
إتقاء ان لا ترى الا هى
بصمتك المزعج
وسيف يخرج من بين ثناياك عمدا
تستريح على نصله
على قائمة الفجر الموعود
فى اخر الليل حين ترى ابتسامة فى الظلام
ووعدا بالبقاء الى جانب جثتك
ترى كفنا امامك
وتلك الانثى تضحك وهى تغسلك بعطرها
أتُريد ان تأخذك فى جولة
لتُفرجك على مقتلك
وكيف تستقيم انت وظلك اسود
كيف تُعيد التنفس فى رئة هدها ثقبها
كيف للطفل ان يتعلم مشيك
وللعجائز ان تتلو مرثيتها
غابات الفوضى تُغرقك
وصفعات أبطال الزيف
يتلون عندك حزنك
تتخوف من نهر الفوضى
يبتل النص الآخر منك
تتبتل فى محراب الأُنثى تلك
تدرك أن الحزن صديقك
تلتقيان

نص قديم من سحارة الكلمات



مسحورٌ أنت يا عاقب.. فيك الندى الصافي .. وريق الفل والياسمين..!!
إبداعك دَه من السحَّارة كان؟؟.. بالله عليك أنا تاني ما تغرف لي إلَّا من السحَّارة دِه..!!

العاقب مصباح
26-10-2009, 07:28 AM
مسحورٌ أنت يا عاقب.. فيك الندى الصافي .. وريق الفل والياسمين..!!
إبداعك دَه من السحَّارة كان؟؟.. بالله عليك أنا تاني ما تغرف لي إلَّا من السحَّارة دِه..!!



السحارة ملااااااااااااانة يا ابو حمزة

بس قلنا نسبكها

كان طلعناها بتكون نص كم

وما دايرين ليكم شئ ناقص

عشان عارفك بتتم الباقى خيال

والخيال يطوف بى فى بلداً فيهو هناية ديك

دى كانت حوامة فى ليل حالك الشوق

وما عرفت اعمل شئ

ثرثرة بلون مشوش
دائما ما يحملنا القلم والكيبورد الى محطة ممنوع الوقوف فيها الا باذن من السلطات المختصة
لماذا للقلم حدود
ولماذا للفكر منتهى
ولماذا للخيال جموح دوما
احلم بالكتابة بدون توقف
احلم بخيال يجمح بى الى مجال ممنوع
اعلم ان هنالك ضريبة لابد من دفعها فى تلك المحطة
ولابد من ثمن اغلى من المادة يجب إظهاره رشوة لمن يحرس هنالك
ربما تكون الضريبة والثمن كسر القلم
وحينما نكتب بقلم مكسور تكون المشاعر منكسرة ايضا
وهو انكسار لا تظهر له صورة عكس ما كنا ندرسه عن المراة حين تخترق اجساما شفافة فتظهر الصورة خيالية غير حقيقية وبعد الصورة عن المرآة اكبر من بعد الجسم عن المرآة...
فى تلك الفترة لم احاول ان المس تلك الصورة المتكونة رغم عدم اقتناعى بما يقوله الاستاذ لى... الان انا نادم لانى لم اتاكد حينها من حديث الاستاذ فظهرت الحقيقة منكسرة وخيالية والصورة فقط هى الحقيقية...





يوما ما لا يبدو انه يسير كما اشتهى ....جائط حد التشوه... اللهم لا اعتراض على حكمك
فتحت الكمبوتر الخاص بى واعلم ان الانترنت غير متوفر رغم اننى قمت بما هو على تجاه الشركة التى تقدم الخدمة
فتحت مشغل الفيديو بحثا عن شئ ما ولم اقصد شيئا معينا...
وجدت شيوخ يتحدثون عن الدين فاستمعت اليهم وقد اخذت بعض الضحكات تتسرب الى وجهى محاولة ازالة العبث الموجود
عرجت بعدها الى محمد النصرى وهو يغنى الزول الوسيم فى طبعه دائما هادئ شعرت بهدوء وانا ارى فى واجهة عيونى الامامية كمية من الذين من شيمتهم الهدوء والوسامة ...احب الهدوء كثيرا لانه يخلق الحياة... كما احب الضجة لانها تشعرنا بالحياة...
انخت بنظرى الى جهة يوجد التلفزيون ووجدت انثى تغنى .... لا اريد ان احدثكم عن صوتها فقد يصيبكم دوار فى معظم اجزاء جسدكم وخصوصا حيث يوجد عقلكم... رأيت صورتها ... كانت ترتدى ما يشبه الثوب السودانى فى ملامحه لولا انه شفاف حد اللا شئ ... ويمكن ان ترى من خلاله ما تود وما لا تود ايضا غصبا عنك... ويمكنك ان ترى ما ترتديه داخل او تحت الثوب دون ان تكلف نفسك عناء التحديق... فهى ترتدى ربما فانيلة يمكنها ان ترتديها للبيت بوجود زوجها فقط ان كان يثق فى عدم حضور شخص اليهم ... ورأيت من حولها يطربون ولم اعد اميز ايطربون للصوت ام لشئ اخر .... شخصيا اثق فى طربهم لعدم الصوت الخارج من البلعوم ....
عالجت الموضوع سريعا بمحمد وردى وطيره المهاجر وكان تعب منك جناح فى السرعة زيد فى بلادنا ترتاح ضل النخيل اريح سكن... اننى احن الى سكن فى ضل الحبيبة ونفسها الطالع متسربا بين شهيقها وزفيرها ادخل اليها من ابواب متفرقة فيها...
حالة تدعو للرثاء اعانى من عدم الترتيب ومن كثرة البعثرة فى القلم ...قلمى اراه الان فى حالة تشبه احدى معسكرات اللجوء...
اللجوء هو احد الاشياء التى اثارت شهيتى للانكفاء والغم ... وذلك لانى شاهدت قبل سويعات برنامجا فى قناة الجزيرة يتحدث عن المهمشون فى بلادى الصورة حارقة جدا ويمكن للوطن ان يكون سرابا فى اى لحظة لولا ان المسئولين يطمئنونى بين لحظة واخرى حين اراهم ببدلاتهم الانيقة وعرباتهم الفارهة وهم يبتسمون اشعر حينها ان الوطن فى احسن حال ولو من باب اثرياءنا وسادتنا الاعزاء ....
وحيد فى غربته ...حيران يكفكف دمعته حزنان يغالب لوعته ويتمنى ....طال بيهو الحنين طاف بيهو الشجن ...واقف يردد من زمن ...........

الى اى مدى واقفين نحن فى نقطة صفرنا ننتظر شارة البدء لمشوار يسعدنا... افتقد السعادة فى هذا اليوم ... لم اذق طعمها... شئ ما يخنقنى يخفى ما تبقى من امل فى غد افضل... اشعر ان كلمة غد افضل هى وصفة دائما ما نقولها حينما نرتدى ثوب اطباء نفسانيون وفى الحقيقة لا اثر لها فى الواقع ولكنى اقولها لمن تصل حالته الى درجة اشعر بها الان....
للغربة طعم مر.... لن تستطيع تذوق بهجة... ولا تلمس فرحة... ولا نسيان هم وغم ... ولا الدوران حول حلقة غير فارغة.... اشتاق الى وطنى ورائحتة المميزة... وعطره الاخاذ... وقامته النبيلة...وحنينه الدفاق.... احبك يا وطنى حد اشتهاء ارتشافك مع قهوتى كل يوم بدون سكر الا من ضحكة انثى اشتهيها مثلك يا وطنى .......
وانقل اليها وفاى ليها وحبى الاكيد .... سمعتها للمرة الرابعة .... دائما ما اكرر الاشياء ... وتكرارها لا يصيبنى بالملل .... شكرا وردى والوطن والحبية وهى غائبة عنى...

عرجت الى قاسم ابوزيد وهى يطلب من الحبيبة التدفق وما تكون رقراق... وابقى يا ضل يا شموس غطى المساحات بالوضوح واستنهضى الشوق الجلوس

توقفت عن الكتابة استماعا الى قاسم ابوزيد... وهى مسقية دمعة وسنبلة...وابقى شان تحيا الفصول...رائع هذا الابوزيد ....

وقفت بعد حلبت لبينة الشاى تكورك يا الحسن .... وتلاوى فى الحمل العنيد ....
محمد النصرى.... يعيدنى دوما الى جو القرية ... وناس الحلة.. وطيبة الناس الهمها مافى .... لكم احن الى عيشة بسيطة جدا .... حينما ارى قرية خضراء فى السودان لم يدخلها تلفزيون ولا كهرباء ولا سيارات لكم اتمنى ان اعيش فيها... اتمنى ان اكون مصطفى سعيد اخر اعيش مجهول الهوية.... استمتع بونسة بت الطاهر امسح ذكريات متعبة من زمن القراية ام دق مرورا بمشوار العمل المضنى الى هذه اللحظة احتاج ممحاة من سنين ... احتاج تعويضا لكل السنوات التى عشتها وهى معقدة... ننظر فيها الى عالم مخادع كله احباط.... ليت لى قرية.... بعيدة عن كل شئ مزعج....تنام مبكرا وتصحو باكرا...
اين انت يا مصطفى سعيد... الا تحتاج لمن تورثه طريقتك فى العيش بلا ماض .... مع تنازلى عن حياتك السابقة وجين موريس وصويحباتها... عد يا صديقى يا مصطفى احن الى وداعتك .... وقدرتك على العيش كما تريد .... من منكم استطاع ان يعيش كما يريد ثريا كان ام فقيرا....
اعلم ان محبوبتى اذا عرفت طريقتى للعيش وتفكيرى سيجن جنونها... ولكنها الحقيقة اقولها بملء قلمى وفمى ...
تربندى .... اغنية بجاوية يغنيها سيدى دوشكا استمع اليها ولا ادرى عما تتحدث اعن الحب ام عن الحرب ... ولكن لانهم يرقصون وهم مبتسمون فهم بلا شك يتكلمون عن القبيلة...
تستحق الاستماع ....
وجو المياء بداخل الصورة يستفذنى جدا .... احب العيش فيها... وبجانبها....
رأيت الخضرة فى الاعلى فى القرية وها هى الماء فى انتظار وجه حسن يشعرنى ببعض التحسن...


عرجت الى دار البطاحين...ومجموعة من اليافعين يؤدون رقصة تخصهم.... ومعهم احد الشعراء يدخل عليهم بين فينة واخرى يزيد فى حماسهم وهم فى نشوة رقصهم .... اشعر بأنهم يجيدون ما يقومون به ...ونحن لا نجيد شيئا .... اصبحنا مزيفون ...كما منتجات الصين.... الله ...لكم اكره الصين هذه ... وهى تمنع المسلمون من اداء الصلوات فى المساجد .... لكم امقتها .... ونحن نحترمها الى الان .... كأننا كونفوشيسيون...
طفل لم يتجاوز التاسعة من عمره يقول الدوبيت.... وهو يتحدث عن سهر الليل وعن الحبيبة ...والابل..... الحمد لله لم نتعلم السهر الا بعد عشرينات عمرنا... والا لكنا من فاقدى اى نوع من انواع فصائل الدم.....


ما ضهبت اقول لقيتك وانتى فى كل الخواتم والمياتم والنجيمات والعواتم والمغنين المطاليق وما حزنت اقول بكيتك نحن فى حزن المخاليق الفرح جاييك وعد غنوة اولاد التحاريك السعد ولا البعد وانتى فى ليل الخوابئ تهادى بينات الطوابى

محمد طه القدال ...بمصاحبة عقد الجلاد .... لكم احب هذه الثنائية المدهشة... وهى تاخدنا بفلسفة القدال ...وتاتى بها الى نقطة استمتاعنا بهم... بين الفرح والحزن...تنبت شجيرات كثيرة الظل .... والفرح جاييك وعد...تعجبنى دوما كلمات القدال...يكتبها باحساس دون تكلف ودون جرس موسيقى..... لا استطيع امساك نفسى وكلنا تلاتة ود النوق وديك وعتيد...قلنا نكمل الفرض العلينا ...وشيخ تلب ...والميضنة....
ولما كان الرايحة راحت ما ضحكنا ...الا بالصح ما بكينا....
والشوق بحر يا ولدى بحرا تيه....
لو صحى غنينا بالدمعة الحميمة...لو دموع الفرحة ما لاقت غنانا بكره نرجع تانى للكلمة الرحيمة شان هنانا وشان منانا وشان عيون اطفالنا ما تضوق الهزيمة...
وبكره احلى

أبو حمزة
26-10-2009, 09:04 AM
السحارة ملااااااااااااانة يا ابو حمزة

بس قلنا نسبكها

كان طلعناها بتكون نص كم

وما دايرين ليكم شئ ناقص

عشان عارفك بتتم الباقى خيال

والخيال يطوف بى فى بلداً فيهو هناية ديك

دى كانت حوامة فى ليل حالك الشوق

وما عرفت اعمل شئ

ثرثرة بلون مشوش
دائما ما يحملنا القلم والكيبورد الى محطة ممنوع الوقوف فيها الا باذن من السلطات المختصة
لماذا للقلم حدود
ولماذا للفكر منتهى
ولماذا للخيال جموح دوما
احلم بالكتابة بدون توقف
احلم بخيال يجمح بى الى مجال ممنوع
اعلم ان هنالك ضريبة لابد من دفعها فى تلك المحطة
ولابد من ثمن اغلى من المادة يجب إظهاره رشوة لمن يحرس هنالك
ربما تكون الضريبة والثمن كسر القلم
وحينما نكتب بقلم مكسور تكون المشاعر منكسرة ايضا
وهو انكسار لا تظهر له صورة عكس ما كنا ندرسه عن المراة حين تخترق اجساما شفافة فتظهر الصورة خيالية غير حقيقية وبعد الصورة عن المرآة اكبر من بعد الجسم عن المرآة...
فى تلك الفترة لم احاول ان المس تلك الصورة المتكونة رغم عدم اقتناعى بما يقوله الاستاذ لى... الان انا نادم لانى لم اتاكد حينها من حديث الاستاذ فظهرت الحقيقة منكسرة وخيالية والصورة فقط هى الحقيقية...





يوما ما لا يبدو انه يسير كما اشتهى ....جائط حد التشوه... اللهم لا اعتراض على حكمك
فتحت الكمبوتر الخاص بى واعلم ان الانترنت غير متوفر رغم اننى قمت بما هو على تجاه الشركة التى تقدم الخدمة
فتحت مشغل الفيديو بحثا عن شئ ما ولم اقصد شيئا معينا...
وجدت شيوخ يتحدثون عن الدين فاستمعت اليهم وقد اخذت بعض الضحكات تتسرب الى وجهى محاولة ازالة العبث الموجود
عرجت بعدها الى محمد النصرى وهو يغنى الزول الوسيم فى طبعه دائما هادئ شعرت بهدوء وانا ارى فى واجهة عيونى الامامية كمية من الذين من شيمتهم الهدوء والوسامة ...احب الهدوء كثيرا لانه يخلق الحياة... كما احب الضجة لانها تشعرنا بالحياة...
انخت بنظرى الى جهة يوجد التلفزيون ووجدت انثى تغنى .... لا اريد ان احدثكم عن صوتها فقد يصيبكم دوار فى معظم اجزاء جسدكم وخصوصا حيث يوجد عقلكم... رأيت صورتها ... كانت ترتدى ما يشبه الثوب السودانى فى ملامحه لولا انه شفاف حد اللا شئ ... ويمكن ان ترى من خلاله ما تود وما لا تود ايضا غصبا عنك... ويمكنك ان ترى ما ترتديه داخل او تحت الثوب دون ان تكلف نفسك عناء التحديق... فهى ترتدى ربما فانيلة يمكنها ان ترتديها للبيت بوجود زوجها فقط ان كان يثق فى عدم حضور شخص اليهم ... ورأيت من حولها يطربون ولم اعد اميز ايطربون للصوت ام لشئ اخر .... شخصيا اثق فى طربهم لعدم الصوت الخارج من البلعوم ....
عالجت الموضوع سريعا بمحمد وردى وطيره المهاجر وكان تعب منك جناح فى السرعة زيد فى بلادنا ترتاح ضل النخيل اريح سكن... اننى احن الى سكن فى ضل الحبيبة ونفسها الطالع متسربا بين شهيقها وزفيرها ادخل اليها من ابواب متفرقة فيها...
حالة تدعو للرثاء اعانى من عدم الترتيب ومن كثرة البعثرة فى القلم ...قلمى اراه الان فى حالة تشبه احدى معسكرات اللجوء...
اللجوء هو احد الاشياء التى اثارت شهيتى للانكفاء والغم ... وذلك لانى شاهدت قبل سويعات برنامجا فى قناة الجزيرة يتحدث عن المهمشون فى بلادى الصورة حارقة جدا ويمكن للوطن ان يكون سرابا فى اى لحظة لولا ان المسئولين يطمئنونى بين لحظة واخرى حين اراهم ببدلاتهم الانيقة وعرباتهم الفارهة وهم يبتسمون اشعر حينها ان الوطن فى احسن حال ولو من باب اثرياءنا وسادتنا الاعزاء ....
وحيد فى غربته ...حيران يكفكف دمعته حزنان يغالب لوعته ويتمنى ....طال بيهو الحنين طاف بيهو الشجن ...واقف يردد من زمن ...........

الى اى مدى واقفين نحن فى نقطة صفرنا ننتظر شارة البدء لمشوار يسعدنا... افتقد السعادة فى هذا اليوم ... لم اذق طعمها... شئ ما يخنقنى يخفى ما تبقى من امل فى غد افضل... اشعر ان كلمة غد افضل هى وصفة دائما ما نقولها حينما نرتدى ثوب اطباء نفسانيون وفى الحقيقة لا اثر لها فى الواقع ولكنى اقولها لمن تصل حالته الى درجة اشعر بها الان....
للغربة طعم مر.... لن تستطيع تذوق بهجة... ولا تلمس فرحة... ولا نسيان هم وغم ... ولا الدوران حول حلقة غير فارغة.... اشتاق الى وطنى ورائحتة المميزة... وعطره الاخاذ... وقامته النبيلة...وحنينه الدفاق.... احبك يا وطنى حد اشتهاء ارتشافك مع قهوتى كل يوم بدون سكر الا من ضحكة انثى اشتهيها مثلك يا وطنى .......
وانقل اليها وفاى ليها وحبى الاكيد .... سمعتها للمرة الرابعة .... دائما ما اكرر الاشياء ... وتكرارها لا يصيبنى بالملل .... شكرا وردى والوطن والحبية وهى غائبة عنى...

عرجت الى قاسم ابوزيد وهى يطلب من الحبيبة التدفق وما تكون رقراق... وابقى يا ضل يا شموس غطى المساحات بالوضوح واستنهضى الشوق الجلوس

توقفت عن الكتابة استماعا الى قاسم ابوزيد... وهى مسقية دمعة وسنبلة...وابقى شان تحيا الفصول...رائع هذا الابوزيد ....

وقفت بعد حلبت لبينة الشاى تكورك يا الحسن .... وتلاوى فى الحمل العنيد ....
محمد النصرى.... يعيدنى دوما الى جو القرية ... وناس الحلة.. وطيبة الناس الهمها مافى .... لكم احن الى عيشة بسيطة جدا .... حينما ارى قرية خضراء فى السودان لم يدخلها تلفزيون ولا كهرباء ولا سيارات لكم اتمنى ان اعيش فيها... اتمنى ان اكون مصطفى سعيد اخر اعيش مجهول الهوية.... استمتع بونسة بت الطاهر امسح ذكريات متعبة من زمن القراية ام دق مرورا بمشوار العمل المضنى الى هذه اللحظة احتاج ممحاة من سنين ... احتاج تعويضا لكل السنوات التى عشتها وهى معقدة... ننظر فيها الى عالم مخادع كله احباط.... ليت لى قرية.... بعيدة عن كل شئ مزعج....تنام مبكرا وتصحو باكرا...
اين انت يا مصطفى سعيد... الا تحتاج لمن تورثه طريقتك فى العيش بلا ماض .... مع تنازلى عن حياتك السابقة وجين موريس وصويحباتها... عد يا صديقى يا مصطفى احن الى وداعتك .... وقدرتك على العيش كما تريد .... من منكم استطاع ان يعيش كما يريد ثريا كان ام فقيرا....
اعلم ان محبوبتى اذا عرفت طريقتى للعيش وتفكيرى سيجن جنونها... ولكنها الحقيقة اقولها بملء قلمى وفمى ...
تربندى .... اغنية بجاوية يغنيها سيدى دوشكا استمع اليها ولا ادرى عما تتحدث اعن الحب ام عن الحرب ... ولكن لانهم يرقصون وهم مبتسمون فهم بلا شك يتكلمون عن القبيلة...
تستحق الاستماع ....
وجو المياء بداخل الصورة يستفذنى جدا .... احب العيش فيها... وبجانبها....
رأيت الخضرة فى الاعلى فى القرية وها هى الماء فى انتظار وجه حسن يشعرنى ببعض التحسن...


عرجت الى دار البطاحين...ومجموعة من اليافعين يؤدون رقصة تخصهم.... ومعهم احد الشعراء يدخل عليهم بين فينة واخرى يزيد فى حماسهم وهم فى نشوة رقصهم .... اشعر بأنهم يجيدون ما يقومون به ...ونحن لا نجيد شيئا .... اصبحنا مزيفون ...كما منتجات الصين.... الله ...لكم اكره الصين هذه ... وهى تمنع المسلمون من اداء الصلوات فى المساجد .... لكم امقتها .... ونحن نحترمها الى الان .... كأننا كونفوشيسيون...
طفل لم يتجاوز التاسعة من عمره يقول الدوبيت.... وهو يتحدث عن سهر الليل وعن الحبيبة ...والابل..... الحمد لله لم نتعلم السهر الا بعد عشرينات عمرنا... والا لكنا من فاقدى اى نوع من انواع فصائل الدم.....


ما ضهبت اقول لقيتك وانتى فى كل الخواتم والمياتم والنجيمات والعواتم والمغنين المطاليق وما حزنت اقول بكيتك نحن فى حزن المخاليق الفرح جاييك وعد غنوة اولاد التحاريك السعد ولا البعد وانتى فى ليل الخوابئ تهادى بينات الطوابى

محمد طه القدال ...بمصاحبة عقد الجلاد .... لكم احب هذه الثنائية المدهشة... وهى تاخدنا بفلسفة القدال ...وتاتى بها الى نقطة استمتاعنا بهم... بين الفرح والحزن...تنبت شجيرات كثيرة الظل .... والفرح جاييك وعد...تعجبنى دوما كلمات القدال...يكتبها باحساس دون تكلف ودون جرس موسيقى..... لا استطيع امساك نفسى وكلنا تلاتة ود النوق وديك وعتيد...قلنا نكمل الفرض العلينا ...وشيخ تلب ...والميضنة....
ولما كان الرايحة راحت ما ضحكنا ...الا بالصح ما بكينا....
والشوق بحر يا ولدى بحرا تيه....
لو صحى غنينا بالدمعة الحميمة...لو دموع الفرحة ما لاقت غنانا بكره نرجع تانى للكلمة الرحيمة شان هنانا وشان منانا وشان عيون اطفالنا ما تضوق الهزيمة...
وبكره احلى



والله العظيم ما عاوز أعلِّق على المكتوب حتى لا تزيل مشاركتي هذه الواجهة الرااائعة..

فقط أقول .. هي الغربة أخي عقبة.. تسلبنا كل جميل..!! ولكنك بخير طالما أنك تحن للبلد والبساطة وطيبة أهلنا وربعنا..( كيف حالي أنا هناك في الغربة البعيدة واليوم يمر ذي السنة).. بس بقول ليك: والله بالجد شد حيلك وشوف ليك عروسة تنسيك الهم والعذاب..!! تشاركك كل الحياة.. وتقاسمك السعد والهنا..!! قلبي معك يدعو لك بكل خير..
سلمتَ أخي .. وسلم قلمك .. ولا فُضَّ فوك..!!

العاقب مصباح
26-10-2009, 11:56 PM
والله العظيم ما عاوز أعلِّق على المكتوب حتى لا تزيل مشاركتي هذه الواجهة الرااائعة..
فقط أقول .. هي الغربة أخي عقبة.. تسلبنا كل جميل..!! ولكنك بخير طالما أنك تحن للبلد والبساطة وطيبة أهلنا وربعنا..( كيف حالي أنا هناك في الغربة البعيدة واليوم يمر ذي السنة).. بس بقول ليك: والله بالجد شد حيلك وشوف ليك عروسة تنسيك الهم والعذاب..!! تشاركك كل الحياة.. وتقاسمك السعد والهنا..!! قلبي معك يدعو لك بكل خير..
سلمتَ أخي .. وسلم قلمك .. ولا فُضَّ فوك..!!



حبيب قلبى ابو حمزة
اسعد دائماً بمرورك على مشاركاتى
فأجد فيها دوماً ما يسرنى ويفتح شهيتى للكتابة
دمت بكل المحبة والألق
وانا كان لقيت هناية بكتب وما بقيف
اها قلنا نخمر تانى عشان الخرباش لمن يجى يلقاها فايرة ودايرة رمى بس\




منفيستو الكيبورد

كتابة متعثرة فى بادئ الامر

رويدا رويدا يأتى التثاؤب

نصحتها بالنوم والتقاضى عن لقاء اليوم

لكنها مصرة

حتى وهى فى قمة ارهاقها

بدأت تميل الى الكيبورد بكل ما تحتوى من جمال ورقة

لامس خدها اربعة احرف

سعد جدا بها

حرف الباء هو اول من التقطها

واول من جذبها

من ناحية اخرى ارى حرف النون متسرعا لأستقبالها

الشين ذهب ليتأنق

اعد موسيقى تصويرية راقية خلفها

بدون ان يزعجها

حرف الراء واقفا بجوارها يحرسها

حالة تأهب تعيشها بقية الحروف

حرف الحاء يمر الان بجوارها

محاولا ان يهبها ((حلم))

نقى ويشبهها

لو يوجد انقى منها حلما لوهبها لكنه معتذرا قال لها لا يوجد شئ انقى منك حتى فى عالم الاحلام....

جلس بجانبها

وبجانبه حرف اللام

وحرف الميم

كونا لحظة سعيدة بها

كونا حلمها

حرف الشين اراه يمسك بتلابيب حرف الخاء

يريدان ان يهيأ لها جوا رائعا

ان تغرق فى نومها حد الشخير

كل الشخير فى العالم مزعج

ما عدا صوت شخيرها

لكم احبه

واتمناه

فى كل لحظة..

تتمدد يدها من غير ارادتها

تضغط على احرف ما

اظنها تكتب رسالة الان

لحبيبها النائم بجوار كيبورده ايضا

تتغاضى عن الرسالة

يدها تتمدد مره اخرى

تكتب وهى نائمة

((حبيبى))

((بحبك))

لم تقلها طيلة عمرهما معا

ها هى الان تقولها وهى نائمة

كانت اجمل احساسا

وارق همسا

حين تأتى تلك الكلمة

لم يسعه الانتظار

وقع من اعلى حرف فى الكبيورد

من حرف الجيم

والباء

واللام

الى حيث توجد هى

فى حرف

الشين

والواو

والقاف

لهما

التحما الان

صارا توأما سياميا

يا له من كيبورد سعيد

شاركهما اسعد لحظاتهما

بدأ يتثاءب هو الاخر

كتب نيابة عنا

نصبح على كيبورد

!!!!!!!!!!!!!!

اهتزاز فى احرف ما

تدعونا للذهاب الى مكان نومنا

نودع الكيبورد وننام

على امل رؤياه صباحا

شكرا سيد كيبورد

أبو حمزة
04-11-2009, 04:55 AM
حبيب قلبى ابو حمزة
اسعد دائماً بمرورك على مشاركاتى
فأجد فيها دوماً ما يسرنى ويفتح شهيتى للكتابة
دمت بكل المحبة والألق
وانا كان لقيت هناية بكتب وما بقيف
اها قلنا نخمر تانى عشان الخرباش لمن يجى يلقاها فايرة ودايرة رمى بس\




منفيستو الكيبورد

كتابة متعثرة فى بادئ الامر

رويدا رويدا يأتى التثاؤب

نصحتها بالنوم والتقاضى عن لقاء اليوم

لكنها مصرة

حتى وهى فى قمة ارهاقها

بدأت تميل الى الكيبورد بكل ما تحتوى من جمال ورقة

لامس خدها اربعة احرف

سعد جدا بها

حرف الباء هو اول من التقطها

واول من جذبها

من ناحية اخرى ارى حرف النون متسرعا لأستقبالها

الشين ذهب ليتأنق

اعد موسيقى تصويرية راقية خلفها

بدون ان يزعجها

حرف الراء واقفا بجوارها يحرسها

حالة تأهب تعيشها بقية الحروف

حرف الحاء يمر الان بجوارها

محاولا ان يهبها ((حلم))

نقى ويشبهها

لو يوجد انقى منها حلما لوهبها لكنه معتذرا قال لها لا يوجد شئ انقى منك حتى فى عالم الاحلام....

جلس بجانبها

وبجانبه حرف اللام

وحرف الميم

كونا لحظة سعيدة بها

كونا حلمها

حرف الشين اراه يمسك بتلابيب حرف الخاء

يريدان ان يهيأ لها جوا رائعا

ان تغرق فى نومها حد الشخير

كل الشخير فى العالم مزعج

ما عدا صوت شخيرها

لكم احبه

واتمناه

فى كل لحظة..

تتمدد يدها من غير ارادتها

تضغط على احرف ما

اظنها تكتب رسالة الان

لحبيبها النائم بجوار كيبورده ايضا

تتغاضى عن الرسالة

يدها تتمدد مره اخرى

تكتب وهى نائمة

((حبيبى))

((بحبك))

لم تقلها طيلة عمرهما معا

ها هى الان تقولها وهى نائمة

كانت اجمل احساسا

وارق همسا

حين تأتى تلك الكلمة

لم يسعه الانتظار

وقع من اعلى حرف فى الكبيورد

من حرف الجيم

والباء

واللام

الى حيث توجد هى

فى حرف

الشين

والواو

والقاف

لهما

التحما الان

صارا توأما سياميا

يا له من كيبورد سعيد

شاركهما اسعد لحظاتهما

بدأ يتثاءب هو الاخر

كتب نيابة عنا

نصبح على كيبورد

!!!!!!!!!!!!!!

اهتزاز فى احرف ما

تدعونا للذهاب الى مكان نومنا

نودع الكيبورد وننام

على امل رؤياه صباحا

شكرا سيد كيبورد



أخي العاقب: أتفاءل لك بمستقبل جيِّد..!! وكتاباتك حلوة يا سيِّد..!!كلَّما اقتبست مقطع هذا يدل على أنني معجب به..!!
يا أنت..!! يا أيّها السابح في بحور اللانهئيات الملوَّنة..!!
كيف تأتيك الكلمات طائعةً .. منمَّقةً .. مدوزنة..؟؟
أسحرت حتى احساسنا !!.. فعشقنا في كتاباتك نتأمل ..
وتبادلت في إدراك كنهها كل الحواس..!
لا ندري أهي (خميرة) أم نحذف الياء..!!
في كل يوم يزداد نتاج هذا الشجن ..!
شوَّقتنا .. أدمنا فيك حب المزااج..!!
فضلاً.. لو سمحت .. نرجوك .. لا تقف .. !!
فالعشق ..والبوح ..و ..و.. وكل جميل بك..!!
.. وحتى البدر .. يا بدراكتمل..!
أما إن كنت ناوي ترحل.. !!
أو عننا تغيب...!!
أو إن كنت ناوي السفر..!!
أبسط شيء..
احجز لنا ..
معك ..
تذكرة..
لدار الأمل..!!

أبو حمزة
21-11-2009, 06:54 AM
لقيت لي خميرة.. يا ريتني كان ما فتحتها.. طلعت قدييييييييييييمة..!! ومعتَّقة..!!


تتخلوا... احسست بدوار وثقل في الرأس.. وهمي كلو بس داير أنوم...
نمت .. ويا ريتني كان ما نمت..!!
حلمت ليك بقرة.. ساكاني.. بقيت جاري .. والبقرة جارية معاي.. جاري.. والبقرة جارية معاي.. جاري وأنا جارو.. بتعذب بينارو.. يا بت أنا ود الحلة وعاشقك و حياة الله..!! هي ده شنو ده.. ده من أثر الخميرة..
المهم أنا بخاف من البقرة..
عاوز أعرف أنتو بتخافوا من شنو..؟؟!!

الخميرة . . خمَّرت.. ونمت يا أخواني ساعتين.... يعني الخميرة لو ما عاوزنها أجدعوها.. معقولة بس..؟؟!!

عبدالرحمن مدثر
22-11-2009, 10:12 PM
ابوحمزة

انت بتكون تقلت فى الاكل حبتين .. لانه وحسب افاداتك

ومصادرى الموثوقة ضيعت الود اشرف واخذت نصيبه من السلطة والثروة

والكنافة

فى مساحة هذه طالما كانت خميرتك حضور

دعنا اذا نؤسس لخطاب شربوووت (معتدل )

دائما اى حاجة بتخش فيها الخميره ........... بتخمرها

واى حاجة بخش فيها السكر ......... بسكرها

سؤال سااااى

هل تم القبض عليك متلبسا بجرم السكر الاحساسى فى الطريق العام

اجمل حاجة انك كنت بتجلد فى ذاتك ... وتانى تسكر

يعنى كلوا فى بيتنا

انا شخصيا مررررات كدا بتلاشى فى زقاق احساس وبمشى بعيد

وبسكر بحق وحقيقة ... مابعرف المعلومة دى الا لمن اسمع ليك صوت

البورى بتاع العربية الخلفى وهو يرتفع

طبعا لو ماالقزااااااااز الهنا والهناااااك كان سمعت حاجات غريبة حاسى بطعمها بس

فانتبه لنفسى وانا جعلت من خيالى النديم

ونسيت الشااااااااااارع

وخيطوا

ورقعتوا

وكان خاتمة المطاف رحلة البحث عن رقعة (تيوبلس ) اصلية تضمد بعض

جراح اللساااااااااتك .. والمسامير التى غدرت بها وذكرتنى بالشواكيش














خربشة

الصحة كيف ان شاء الله عال العال .. ماشاء الله

شايفك بهناك مع ناس الواثق عملت ليك (جضيمات )

عينى باردة والله

عبدالرحمن مدثر
23-11-2009, 10:31 PM
خميرة اليوم ترتبط ارتباط وثيق بالشربوت

والشربوت عندما يرتبط بالخميرة بتكون فى جوطة احساسية تجاه

شرعية هذا الخليط

للمعلومة سااااى نحن (ممنوع ) علينا صنع الشربوت منذ طفولتنا الباكرة

وحتى آلان .. الحاجة بتكتلك لو عملت شربوت فى البيت

مازلت اتذكر ايام الشلاقة لما نعمل شربوت بالدس

وندسو فى راس البيت

ويجى العيد وننساهو

وبعد مانضرب الشية نتذكر القارورة الفوق

ومرات بنضحك مع صوت انفجارها

لذلك تجدنى استمتع برحلة البحث عن الشررربوت عند الجيران

شيلوا العيدية ياجماعة

ماتفوتوا الكراااااااامة

وبجنبة كدا تسال هناية ولا هناى مظبطين شررربوت ولا كك

ويلحقوك بالجك

وتجك

وتغنى العيون الفيهن نعااااااااس

وتعدى باقى يومك نووووووووووووم

اجيب لى جردل شربووووووووووت

واجيكم

بورتبيل
23-11-2009, 10:54 PM
خليط يا منقة

وحنين يا قشطة

عبدالرحمن مدثر
25-11-2009, 12:13 AM
خليط يا منقة

وحنين يا قشطة


ياعصيرا من خليط الدهشة الاولى

واحترااااااق الامنيات

ابونا بورتا

عيدك سعيد

ودائما سعيد

ودائما حضور

نشتاقك ونحتاجك ..

وبنغنى ليك

حنين ياليل .. وياااااااااحنين

أبو حمزة
15-12-2009, 11:18 PM
بدون ما زول يحس بي مشيت تحت المطر وفي أقصى ركن في البيت...
أخذت فراولتي المخمِّرة وجلست أشرب.. وأشرب.. وأشرب..!!
كانت لحظة حلوة.. دارت بي الدنيا.. تمنيت أن أجد أم حمزة تلقط معي حبات المطر..!!
سرحت مع عصفور يبلِّل جناحيه.. ينفضهما.. يفرح بالمطر.. يشدو ..ولكنني لا أدري ماذا يقول..!!
لقد تركت الدخان بل وحتى ( التمباك).. وإن كان الجو يصلح لكل شيء.. !!
هنا رفعت كفيَّ إلى الله عزَّ وجلَّ تضرعاً .. اللَّهمَّ اجمعني بأم حمزة في القريب العاجل.. !!
وحقِّق منى كل من في المنتدى من إمرأة وراجل..!!
فالدعاء مع نزول الغيث مستجاب.. !!

أبو حمزة
20-12-2009, 09:42 PM
مرات بحس بحزن جوَّاي.. وأكون بدون سبب زهجان.. أحاول أنفرد بنفسي أقعد بر ااي..!!ومرات أنسدح.. واجلس معاي..!!
سألت عن سبب همي وسر أذاي .. قالوا لي دَه ( الأرو)..!! يعني شنو (أرو)..؟؟
قالوا: لو في حاجة جاياك .. قبلها بتحس بضيق وزهج وألم.. و.. .. و.. وعدَّدوا لي حاجات..
يا ربي دِه حقيقة ولا خرافات..!!؟؟
أنا ذاتي محتار..!
ومرراات يجيك طائر ( كدو) أو ( كداك الدواك).. وهو طائر متوسط الحجم له رقبة سوداء ويأكل الفواكه.. كان صوته قريب من عبارة: ( في الطريق بيجو).. فهذا الطائر ( مع اختلاف المسميات) كان على طول بيعلمنا بحضور الضيوف..!!

وكذلك حينما ترقد ( الحمامة) وتفرد جناحيها.. على طول بيجونا ضيوف..!!!
ولمَّن تترادف ( أحذيتك) فأنت سوف تسافر لمكان ما..!!
والأغرب من ذلك .. أن أخي الأكبر وجد ببغاء يستحم في طرف البحر.. فجرى نحوه و قبض عليه.. ( بعد أن بلَّل الببغاء جناحيه).. وأتى به إلى البيت..!!
تخيلوا.. بعد أسبوعين.. من البطيخ.. والدخن.. والهدايا.. وهكذا.. أجمعنا كلَّنا على أن نطلق صراح الببغاء..( وحرام ياااخ) .. وقد كان في بيتنا شجر من الليمون+ الجوافة+ المانجو+ النبق+ الموز+ الورود ( ما يقارب 80 قلة من الزهور)..( هي اسمها قلة؟ ولا أصيصة؟ ولا زهرية؟).. المهم أنتم عرفتوها.. فأخي هذا كان يحب الزهور والعصافير والطيور.. حتى أنه كان يربي الطيور الجميلة ديك.. (كناري)...
المهم في الأمر إنو فتحنا للببغاء لكي يغادرنا للحرية..!! فما كان منه إلَّا أن طار وسط أشجارنا.. ولم يذهب بعيداً.. فمن الجوَّافة إلى النبقة.. ثم إلى الليمونة.. فالمانجو.. وهكذا.. حتى جاء المساء ..نزل وتمشى بجوار القفص.. ففتحنا له بابه.. فدخل..!!
ظللنا نترك له باب القفص مفتوحاً يطير .. ثمَّ يعود.. وهكذا.. الحال.. فترة من الزمن.. إلى أن جاء يوم .. وكان فيه الجوُّ حارَّاً .. فقمنا بإخارجه معنا في الحوش .. وقد أخرج رأسه من خلال فتحات (النملي).. فتحات الشبك.. فجاء قط.. وهجم عليه.. بل حكم بالإعدام عليه.. فجرَّه من رأسه فقطعه.. وترك باقي جسمه بداخل القفص.. فكان حزن لا بعده حزن..
أخذ رأسه من قبل أن ينطق بكلمة.. فقد كان الببغاء ولووف.. وقد كان مصدر راحة لنا وللجيران.. وقد حزنا.. وصار الأمر ذكرى حلوة..
وما أحلى ساعات اللقاء في الشاطئ قرب الملتقى أنا والحبيب عند الغروب..!!

أبو حمزة
10-01-2010, 06:17 AM
اليوم بدون ميعاد.. هاجت مني الذكريات.. قادتني إلى (القووور).. وهي منطقة يعرفها ناس مدني.. فهي منطقة وسط البحر بها صخور ورمال.. فأنت ترى من خلال الماء الإبرة إن وقعت منك..!! ماء صافية ونقية.. فكنت أذهب لأمي في (التُكل).. مكان العواسة.. وأأخذ منها طرقة كسرى.. وأنا في طريقي أصطاد معي كمية كبيرة من الجراد.. ثم أحمل معي أحشاء دجاج.. وبعض (الصارقيل).. دود الأرض.. ليساعدني في الاصطياد.. فكنت أضع على السنارة بعض الطعم ثم أرسلة لسمكة بعينها.. فإن أتت غيرها أحوِّل عنها السنارة.. فكنت أرى السمك وأنتقي.. وقد كانت أيام أكثر من رائعة.. أحضر من الصباح ثم أخرج قريب المغرب محمَّل بالسمك وأحياناً بعض الطيور.. فقد كنت أيضاً صياد ماهر في فن النبلة..كما أنني كنت سبَّاح لا بأس به..
والبحر هذا بكل جمالة وسحره وبكل ما فيه من الخير.. فهو لا أمان له.. فهو يأخذ عوَامه.. وكم قد فقدت صديق وزميل فيك يا بحر..!!
رحم الله أخي صبري عبد الجبار من مايو 40.. ورحم الله أخي شاكر من حي ناصر..!!

أبو حمزة
13-03-2010, 10:55 PM
سؤال كنت دوماً أجب عليه بقناعة بل وعن تجربة.. فأنا قد مررت بتجربة جد قوية..
وقد أخصلت في كلِّ شيء حتى النية..!!
كنت أمنِّي النفس بالحلال والعفاف وأن تكون أبية..
أحببت ست الحنان من الإبتدائية ثم المتوسط فالثانوية.. حتى دخلنا الجامعة سويا..!
وقبل التخرُّج.. !! لا أدري ماذا حدث.. بدون سابق مقدمات.. وبعد أن حضرتُ من أم درمان ..
( ولا أدري كيف عرفتْ بقدومي) أتتْ لتقولَ لي: نحن لسنا لبعض..!! أبعد اثنتي عشرة سنة؟ تقولين لي لسنا لبعضنا.. أو نحن لا نصلح لبعض..!!؟
لست أدري كيف تحمَّلتُ الموقف..( والحمد لله أنني كنت قاعد).. لقد برد جسمي وشرد فكري وأحسست بأنني أقع من جبل بعيد القمة..
مرَّت في فمي مرارة الأسى والحسرة.. أظلمت الدنيا رغم نورها واشراقها..!!
أحسست بنفسي جائع من ثلاثة أيام وعطشان..!! كأنني حُملتُ من الحديد والقيود أطنان وأطنان..!!
كل همي كان أن أعرف السبب .. بس مجرد السبب.. فقط السبب.. ماذا جرى.. لم أترك لها شي.. سألتها عن كل شيء.. عن كل ما يمكن أن يكون.. لم أجد مبرِّر للأمر.. قلت لها: هل تقدَّم لك شخص؟ هل رأيتيني مع أخرى؟ هل تعدَّى عليك أحدهم؟ هل رأيتي أمي أو أبي أو أختي أو أخي في موقف لا يليق؟ هل.. وهل.. وهل.. حتى الأسئلة التي لا أستطيع أن أكتبها قلتها لها..!! وكان الرد منها:
(أنت ما بتفهم..!!) الرد كان أنني غبي.. أنا لا أفهم.. قلت لها: كيف ذلك؟؟ قالت لي: أنني كلَّما حاولت أبعد عنك كنت تأتيني..!! فإنك لا تتركني كلَّما كرَّهتك فيني..!!
حقيقة فأنا كنت إذا واعدتها.. ولم تحضر .. أقول في نفسي: من الممكن أن تكون قد أنشغلت بشيء مهم وضروري.. أو أنها لم تستطيع لشيء مهم..
سنواصل لأنني تعبت.. لا تذهبوا بعيد..!

الزونية
13-03-2010, 11:17 PM
سؤال كنت دوماً أجب عليه بقناعة بل وعن تجربة.. فأنا قد مررت بتجربة جد قوية..



وقد أخصلت في كلِّ شيء حتى النية..!!
كنت أمنِّي النفس بالحلال والعفاف وأن تكون أبية..
أحببت ست الحنان من الإبتدائية ثم المتوسط فالثانوية.. حتى دخلنا الجامعة سويا..!
وقبل التخرُّج.. !! لا أدري ماذا حدث.. بدون سابق مقدمات.. وبعد أن حضرتُ من أم درمان ..( ولا أدري كيف عرفتْ بقدومي) أتتْ لتقولَ لي: نحن لسنا لبعض..!! أبعد اثني عشرة سنة؟ تقولين لي لسنا لبعضنا.. أو نحن لا نصلح لبعض..!!؟
لست أدري كيف تحمَّلتُ الموقف..( والحمد لله أنني كنت جالس).. لقد برد جسمي وشرد فكري وأحسست بأنني أقع من جبل بعيد القمة..
مرَّت في فمي مرارة الأسى والحسرة.. أظلمت الدنيا رغم نورها واشراقها..!!
أحسست بنفسي جائع من ثلاثة أيام وعطشان..!! كأنني حُملتُ من الحديد والقيود أطنان وأطنان..!!
كل همي كان أن أعرف السبب .. بس مجرد السبب.. فقط السبب.. ماذا جرى.. لم أترك لها شي.. سألتها عن كل شيء.. عن كل ما يمكن أن يكون.. لم أجد مبرِّر للأمر.. قلت لها: هل تقدَّم لك شخص؟ هل رأيتيني مع أخرى؟ هل تعدَّى عليك أحدهم؟ هل رأيتي أمي أو أبي أو أختي أو أخي في موقف لا يليق؟ هل.. وهل.. وهل.. حتى الأسئلة التي لا أستطيع أن أكتبها قلتها لها..!! وكان الرد منها: (أنت ما بتفهم..!!) الرد كان أنني غبي.. أنا لا أفهم.. قلت لها: كيف ذلك؟؟ قالت لي: أنني كلَّما حاولت أبعد عنك كنت تأتيني..!! كلَّما كرَّهتك فيني أنت لا تتركني..!!
حقيقة فأنا كنت إذا واعدتها.. ولم تحضر .. أقول في نفسي: من الممكن أن تكون قد أنشغلت بشيء مهم وضروري.. أو أنها لم تستطيع لشيء مهم..


سنواصل لأنني تعبت.. لا تذهبوا بعيد..!
....



اولاً ياأبي حمزة..
نحن نحتج( نحن منو ؟؟؟ كلام في السر)
ياخواااااض..
أبو حمزة .......
كثيرة في مجتمعا هذا الشروخ
مثل هذه التفاصيل القاتلة والمؤلمة
حقيقة...
لاننا نعيش في مجتمع لايعطي الأشياء
حق قدرها..وخاصة ماله علاقة بالمشاعر
وهذا لعمري قمة المـأساة..
فقتل المشاعرموجع وخاصة عندما تكون
قد أخلصت لشخص و تكتشف أنه لايستحق......


واصل أباحمزة...
وفي إنتظار السؤال الذي كنت تجيب عنه دوماً
عن قناعة وعن تجربة...
إكون شنو ياربي؟؟

أبو حمزة
14-03-2010, 01:26 AM
تعبت والله تعبت..!!
اسمحوا لي قبل التواصل.. أن أشكر أختي: الزونية.. البت الصافية النية.. الرائعة من جوَّة.. ومن برَّة مأخذة من كل جميل وسمح مزية..
ونواصل.. وقد كانت بالنسبة لي صدمة جد قوية.. لقد احترت لدرجة إدماني على الذهاب للبحر.. وقد كنا في تلك الفترة سكان جُدد بحي ناصر .. بعد أن رحلنا عن حي العشير..( وللعشير هذا أجمل الذكريات حيث كان الميلاد والطفولة وبدايات الصبا..إذ أننا فارقناه-مكاناً-وأنا في الصف السادس الإبتدائي..حيث قابلت ست الحنان..!
نعم كنت أقطع البحر لأصل للجزيرة..وأنام هناك..وأسرح في الماء وأتابع الطيور..لقد طالت لحيتي..وأدمنت شرودي..كنت أحلِّق بدون هوية..أسرح بدون عنوان..أهيم فيي الخيال الشامل للأزمنة والمحيط بالمكان..كنت أفكِّر ببعض نصف عقل فقد ردَّت لي بعضه..!!
هل هذه هي الحقيقة؟ هل هذا هو الواقع؟
أنا في حيرة حقيقية من أمري..!! اثنتا عشرة سنة ولم أفهم طريقتها في التعامل..؟! هل كنت أحلم..؟! ماذا حدث؟؟!
وللحقيقة لم يراودني شعور بالإنتحار.. ولم أرغب في أن أفكِّر في غيرها.. وحتى قلبي لسواها ما لحظة مال..لم أكره بنات حواء..لم تكتحل عيني بسواها.. بحثت عن السبب في داخلي لم أجد.. سوف أحكي لكم عن أشياء خاصة جداً في الفقرة الجاية.. بس توعدوني يكون سر بيناتنا..!!؟ ........... قلتوا شنو؟............... ما سامع..! هوووي ..! وعد..!خلاص..!!
اتفقنا..!! والسؤال قائم لا زال..!! بس بطلع وبجي لا تبعدوا..!! معليش.. على التقطيع.. فمن زمان كان الحكي والسرد بيرحني.. لا أدري لم الآن صار يؤلمني..!! أنا تعبااان وحزين على الاستهتار وعدم الصراحة.. الشيء الوحيد الذي آلمني هو عدم الوضوح يا ست الحنان..!!

الزونية
14-03-2010, 07:03 AM
واصل أباحمزة....
قلت لي من الصف السادس؟!!!!!!!

أبو حمزة
14-03-2010, 07:17 AM
تخيلوا.. حب اثنتي عشرة سنة ليس به لمسة..أو حتى أيّ شيء يشبه.. نعم حب عذري.. على الرغم من أننا كنا نذاكر في بيتنا ( بحكم أن بنت أخت صديق أخي كانت تقرأ عندنا.. كعادة أغلب بيوتات مدني.. فأهل القرى البعيدين يرسلون أولادهم أو بناتهم للدراسة مع عم أو خال أو حتى صديق للأسرة.. وكل ذلك مع نقاء السريرة والنوايا) فهل هذه العادة لا زالت يا أهلنا؟؟
كانت تذاكر معنا في البيت وكلَّنا في مرحلة واحدة.. وكان النور مرات يقطع فآخذ بيدها لأريها الطريق حتى لا تقع على الطاولة أو (الفضية).. أو يصيبها أذى.. فأنا أدرى ببيتنا.. كنا نجلس سوياً نشرح نلهو نقرأ.. ولا تمتد منَّا يد بسوء.. كنا ندَّخر كل الأشجان والأشواق للآتي من أيام.. لم نخدش يوماً للحياء وجه..!!
وذلك ما قلته لها عندما قالت لي: أرجوك أن تسلمني أيّ شيء عندك خاص بي..!!
قلت لها: هل بيني وبينك سوى الصور والخطابات والهدايا؟؟
فالحمد لله ليس بيننا ما تخجلين منه.. ولا ما تندمين عليه.. ولا ما يجعلك تطأطئين رأسك..!!
وأكثر ما آلمني ليس كونها أصرَّت على أخذ كل ما عندي خاصتها.. بل كلمتها لي بعد أن أعطيتها حاجياتها:لقد قالت لي: شكراً..!
ولا أدري على ماذا.!! أو كيف كانت الصيغة..!!
أصعب السهام ما يأتيك مِنْ مَنْ لا تظنه يسهمك,,!!..كل ما بنيته انهدَّ في دقائق..!!
ولا أخفي عليكم سراً.. لم أقابل في حياتي من يشبهها.. للآن!!
نعم هناك أجمل منها دون شك!! هناك أطيب منها لا محالة!! هناك أظرف منها بالتأكيد!! هناك أرقى منها وحواء والدة!! هناك أحنَّ منها سبحان الله!! هناك .. هناك.. هناك..
ولكن لا يوجد من به من كل تلك الصفات شيء.. بل تملك أكثر مما نتصوَّر!!
لم أكرهها.. ولم أنساها..ولم أخذلها.. ولم أسلاها.. ولم أنعتها بسوء أو فحش.. فهي عفيفة.. شريفة.. نظيفة.. فاهمة.. جميلة.. طيبة.. كريمة.. محتشمة.. صبورة.. مهذبة.. من أسرة عريقة.. متعلمة.. وما يحيرني أنها للآن ما تزوجت.. ما أظنها ارتبطت..!!
هل الرجال لا يرون.. أم أنها ترفض الخطَّاب.. أم ماذا؟؟
المهم في الأمر أنني قلت لها: كما عودتك-أنني لا أكذب.. وخاصة عليك- مرة أخرى لن أرجع لك.!
قالت لي: ومن هو الذي يود أن يرجع..!!
قلت لها: طيِّب استحلفك بحبنا الماضي أن تعملينني بالسبب في كل ذلك..!
قالت:

أكيد سوف أعود لكلامها.. بس شوية وبجي.. آهٍ من ألمٍ سكن الضلوع.. فهي بحق ست الحنان..!

الزونية
14-03-2010, 07:51 AM
فالحمد لله ليس بيننا ما تخجلين منه.. ولا ما تندمين عليه.. ولا ما يجعلك تطأطئين رأسك..!!وأكثر ما آلمني ليس كونها أصرَّت على أخذ كل ما عندي خاصتها.. بل كلمتها لي بعد أن أعطيتها حاجياتها:لقد قالت لي: شكراً..!
ولا أدري على ماذا.!! أو كيف كانت الصيغة..!!
أصعب السهام ما يأتيك مِنْ مَنْ لا تظنه يسهمك,,!!..كل ما بنيته انهدَّ في دقائق..!!
ولا أخفي عليكم سراً.. لم أقابل في حياتي من يشبهها.. للآن!!
نعم هناك أجمل منها دون شك!! هناك أطيب منها لا محالة!! هناك أظرف منها بالتأكيد!! هناك أرقى منها وحواء والدة!! هناك أحنَّ منها سبحان الله!! هناك .. هناك.. هناك..

ولكن لا يوجد من به من كل تلك الصفات شيء.. بل تملك أكثر مما نتصوَّر!!
لم أكرهها.. ولم أنساها..ولم أخذلها.. ولم أسلاها.. ولم أنعتها بسوء أو فحش.. فهي عفيفة.. شريفة.. نظيفة.. فاهمة.. جميلة.. طيبة.. كريمة.. محتشمة.. صبورة.. مهذبة.. من أسرة عريقة.. متعلمة.. وما يحيرني أنها للآن ما تزوجت.. ما أظنها ارتبطت..!! هل الرجال لا يرون.. أم أنها ترفض الخطَّاب.. أم ماذا؟؟المهم في الأمر أنني قلت لها: كما عودتك-أنني لا أكذب.. وخاصة عليك- مرة أخرى لن أرجع لك.!
قالت لي: ومن هو الذي يود أن يرجع..!!
قلت لها: طيِّب استحلفك بحبنا الماضي أن تعملينني بالسبب في كل ذلك..!
قالت:

أكيد سوف أعود لكلامها.. بس شوية وبجي.. آهٍ من ألمٍ سكن الضلوع.. فهي بحق ست الحنان..![/font]..


القصة لاأخفي عليك أخي أباحمزة..
موجعة حد النزيف..
ولكن هذه الجزئية آلمتني حقيقة..
أباحمزة أنت إنسان بحق..
ويالخسارتها ست الحنان تلك..
عذراً
فهي بكل المقاييس لاتستحق
ماكننته لها

أبو حمزة
15-03-2010, 07:22 AM
قالت: هذا شيء خاص بي..!!
***
ألم نكن قبل ليلة نشترك في كل شي..!! حتى الخاص؟
فجأة صارت لكل منَّا خصوصياته..! ألا ترأفين بدمعي الحار..! أليس لي عندك خاطر!!
وفي الحقيقة أنا حاولت أن أتجلَّد.. أن أصير رجل قوي.. ولكن حصل ما لم أتوقَّعه..
***

ابوالنور
15-03-2010, 10:46 PM
اتلموا ناس ابو حمزة و ود مدثر
ونسات دقاقه ونقنقه
والجو عجيييييب ..
تنظير شديد
من باب النقاش اختلفوا ....
كونو الحب حلال

ود مصباح بقول الحب حلال
والريده مفتاح القلوب
والحب عشان يثمر يدوب
لازم تكون قعدات هنا
مرقات هناك
ونسات حنينه ودندنه ..
وحاجات كده!!!
رايكم شنو يا ناس ؟
واحد بقول الحب حرام
وبدايتو أقرب للوهم
وفي نصو يبنقطع الطريق
ونهايتو شاكوش محترم

ود سعدابى
18-03-2010, 02:39 PM
ياااااااااه مخمرين لى بعض وناسيننا اننا بنحب التخمير شديد


والشديد ما هو الشى الصعب شديد من مشده وشدة على التخمير


داير اخمر لاكن كدى خلونى افهم تخميركم بى ياتو طريقه


و امشى واجيكم مخمر لى فكرة


واخمر معاكم


ولكم كل ما يعتيرنى من خمرة ريد


فدان من الود + تقاة محبة زياده


لكل من خمر واختمر

رضا حسن محمد
21-03-2010, 09:52 PM
بخمر ليك يا ود مدثر
وبعوسك ذاتو

رضا حسن محمد
21-03-2010, 09:53 PM
بعوسك بى قرقريبة

أبو حمزة
05-04-2010, 06:53 AM
ما أحرَّك من دمعة..! نحاول أن نمانعها.. ولكنها تصرُّ على النزول..!
ياااااااااااه لقد بكيت..! ولأول مرة أحس بطعم المرارة في فمي.. دارت بي الدنيا صرت وحيد.. حزين.. مشلول..
لقد أصابني الشلل الكامل.. صرت لا أدري ماذا أقول أو أفعل.. الدنيا اسودَّت في ناظري..أهكذا الحب.. كلا لم يكن حب بل كان اندماج.. ظننت بأننا سوف لن نفترق مهما يحصل.. لم أحسب لهذا اليوم أيّ حسابات.. لم يكن في مخيلتي أو أجندتي أو تقديراتي أو بالي..!
ما حسبت بأن الفراق شيء عااادي - أي يمكن أن يحصل ويحدث- وإن يكن فلم أتوقَّع بأن تفارقني ست الحنان..! أو أفارقها.. نحن خلقنا لبعضنا.. استغفر الله العظيم..معها أنسى الدنيا والحلاوة والجمال والألم والكون.. فقد كانت كل شيء.. كانت الساحرة التي تجلب الفرح والسماحة والراحة لكل قلب..!!
بكيت.. ولم تقف أدمعي حتى أنني تعجبت من عيني اليسرى بالذات.. كان دمعها حاااار..! ومن الأمور التي احترت فيها ما الفرق بين دمع العين اليمنى ودمع العين اليسرى..؟ هل يختلف المنبع أم لكل منهما حظ في المتعة والاحساس..!!؟
بكيت.. وخارت قواي.. بكيت وغلبني أن أكتم الصوت.. بكيت .. وبكيت.. وبكيت..!ولم أستطيع أن أوقف أدمعي.. وهي لم تعيرني أيّ اهتمام..! لماذا كل هذا يا ست الحنان؟ من أين أتيتي بكل هذه القسوة؟؟ ماذا حدث لك في ذلك اليوم؟؟ لا أعرف ماذا أصابها إلى اليوم..!!
بكيت..! وهذا ما لم أكن أتوقَّعه.. بكيت..!

أبو حمزة
10-04-2010, 02:18 AM
عشت فترة وأنا غير مصدِّق لما حدث..!! كأنني كنت في حلم - في الحقيقة تمنيت أن لو كان حلماً- بعد فترة أحسست وكأنني نمر قد عاش وسط البشر.. أرضع حليب البقر.. نام على السرير..رعى من الخراف سار تحت المطر يسمع حكاوى العشاق يتناجون وقت السمر.. الخ
وفجأة طُرد ليعيش حياته الطبيعية في وسط الغابة..! هو لا يريد أن يُفارق أصحابه..من اعتنوا به ..! حياته الجميلة..! ولكنَّهم أصرُّوا على إعطائه حريته..! لا يدرون بأنه يجد السعادة في قربهم و الأمان... الخ
أنا كنت ذاك النمر.. ذاك الذي اُجبر على العيش في الغابة و على العيش وسط المخاوف والدنيا المليئة بالألوان الكذَّابة..
أشياء كانت تقابلني في حياتي ولم أكن القي لها بال.. لم أكن اُلاحظ للتحرشات والدعوات الصريحة.. لم أكن اتنبَّه للبس الغريب والكلام العجيب والمناظر التي لا أجد لها وصف يليق.!.!!!
لقد كانت ستري من كل قبح .. كانت تمنعني من كل غريب.. كانت درع واقي منيع .. كانت.. وكانت.. وكانت..ست الحنان!!
كنت أتعجَّب من خيانة الحبيب لحبيبه.. ومن غدر الخطيب لخطيبه.. ومن أشياء أسمعها كأنها في عالم نحن لم نُولد به..!!
أضحك على هؤلاء.. وأسخر من أؤلئك.. وفي الحقيقة هم من كانوا يضحكون علينا..!! كانوا يستغربون: كيف أننا نعيش حب عذري؟؟
ويظنون بأن في أحدنا علَّة؟..!! لا يعلمون بأننا تعلَّلنا بالقسمة والنصيب.. بأننا كنا نرى في سعادة كل منا راحة للآخر.. ونعيم منقطع النظير.. لا يدرون بأننا آلينا على أنفسنا أن نستمتع بالحياة كما خلقها لنا الله صافية بدون سوء نية أو شيء نخاف أن يعلمه الناس..!
كنا أسعد إثنين.. كنا نحلم كل يوم بدنوء ميعاد حفلنا.. الكل يعرف أننا نحب بعضنا.. كنا نظن بأن الناس لا تعرف حبنا.. كنا نظن أننا مختفين عن الأعين ولكننا كنا نحب في النور.. كنا سوياً ذهاباً للمدرسة.. مجيئاً منها.. في حفل الجيران في رحلة الفريق في مناسبات الأسرتين في المذاكرة ... حتى في الأحلام..!!
السر العجيب أنني لم أمر بفترة المراهقة.. لقد كنت أعيش حياتي بصدق وعقلانية..لا أنظر لغيرها.. وأصلاً لم تملأ عيني سواها..
كنت أراها في كل الوجوه.. أرى لو نظرت لغيرها خيانة.. إن فكرت في سواها غدر.. إن وإن وإن..
لقد منحتني كل الثقة في النفس وكل الروح الصافية و الدافعية لكي أنجح والفخر بحب أراه مثال واُنموذج..
أتمنى لك كل الخير في حياتك ست الحنان..!! فأنت لست ساهلة.. ولكن سؤال فقط لا زلت أود له إجابة..!!
لماذا فعلت ذلك؟ ما السبب؟ ماذا حدث؟ .................. لا إجابة.. حتى الصدى لا يجيب..!! أين أنت الآن؟؟

أبو حمزة
18-04-2010, 10:44 PM
ست الحنان صارت مدرِّسة رياض أطفال.. لقد مرَّت الأيام بل السنون بسرعة غريبة.. لقد تبدَّلت الظروف..أنا عملت بالمدارس المتوسطة ثم الابتدائية فالثانوية.. وهي عملت بمعهد للحاسوب.. ثمَّ دارت الأيام.. وكنا نلتقي عند كل إجازة أو مناسبة ولكن ليس كالأول.. فهي كانت تسعى لتراني.. تبحث عني.. تسأل مني.. وأنا كنت مستغرب للموقف.. أنظر لعينيها علِّي أجد إجابة!! ولكن كل مرَّة يخيب أملي.. أُجرجر أزيال الخيبة.. لا رد .. ولا راحة ضمير.. ولا توضيح.. أو تبرير..!!
كانت اللحظات تسرق منها النضار في أعين الآخرين.. وكانت الساعات تمر بكل ما هو زاهي وجميل.. ولكن الحيرة لم تبارح فكري وعقلي لقد تهت في دوَّامة التفكير والتخيُّل.. القلب صار ينزف من الداخل.. لقد كنت أتذوَّق طعم الدم في فمي.. ولا أستطيع أن أتقيَّأ..
بدأت تموت فيَّ وتزبل بعض الأحاسيس والمشاعر.. وضاع مني التركيز شيئاً فشيئاً..
وبعد فترة وجدت نفسي أنأى ببعدي عن مدني.. قدَّمت للعمل بالخرطوم وتمَّ قبولي بالمرحلة الثانوية.. وقد خُييرت بين مدارس جبل أولياء.. فاخترت (الصحراوية).. جبل أولياء الثانوية بنين.. رحلت بكلي للجبل.. حاولت أن أحمل معي كل شيء..!! وقد فقدت في الحقيقة أهمَّ الأشياء.. ضاعت الصراحة والشفافية والحنية والمبادئ التي كنت أظنني قد اتفقت على تبادلها وممارستها مع من جعلتها حبيبتي.. فكلمة حبيب ليست بالشيء الساهل.. الحب كلمة لا تحمل سوى الجمال والسحر النافع..!ولكن من يستحقها..!؟
الدنيا جميلة بالحب.. ولا يمكننا أن نعيش بدون الحب.. وللحب ألوان وأشكال وأفعال..الخ

esmat
18-04-2010, 11:02 PM
كم من السنوات عملت في سلك التدريس
اخي ابو حمزة وعرج بنا إلى بعض مشاكسات الطلاب/ت
وفروق التدريس والعمل المكتب
وللحب اشكال هل هناك نوع (تعلم النسيان)
كممارستك البعد في منطقة بعيدة صحراوية
واصل ياحبيب
واصل السرد الجميل

ابوالنور
04-05-2010, 03:15 AM
وين الناس دي

بورتبيل
04-05-2010, 11:17 PM
ذي ما قال ابو النور

وين الناس دي

عبدالرحمن مدثر
05-05-2010, 02:19 AM
بين حنين سعدابى

واندياحات ابوحمزة

وتواصل عصمت

وسؤال ابوالنور

وحضور بورتا

اجد نفسى وسط من نحب ونعشق

وسط حروف رويانة بشوق وحنين

اتذكر معاها صديقى المجنون (كينق ) عندما

تجبره زنقة الامتحانات على تخيل الماء البارد خمر مسكر

ويسكر ويسكرنا معه باحساسه

الاحساس دا ياحلوين بعمل العجب

سلامى ليكم

وكورة الفة

وبخسة دهشة ليوم موعود

ويوم اجمل بكون الجاى

اكيد بنحلم

لكننى لازلت اصر على التوقف فى محطة الماضى الجميل

بدلا عن خسارة الاشياء الحلوة فى انتظار مستقبل مظلم

بتخبطاتنا .. باشياء لاقبل لنا ولكم بها

معكم باحساسنا ياسادة

يااعزاء

بورتبيل
05-05-2010, 02:39 AM
الخرباش ود مدثر

تحياتي لك ولكينق .. وازمان متفاوته للخربشات
امنياتي لك بامتع اللحظات

وصادق مودتي

أبو حمزة
06-07-2010, 06:02 AM
سرحت تناظر حمامتين ترفلان في حب وسكينة..وسلام بفرح وتحريك للجناح عجيب!!
هل قبلات الأم لصغيرها!! أم إطعام..أم ليس هناك صغير!!
هي سرحت.. وفجأة سالت منها دموع.. أهاجت هذه الذكريات هوى قديم..
أبكت الحمامات العيون..وهي ليست الحمامات الأُول..
فكل إنسان يرى اللوحة بما يحلو له.. وهذا هو جمال التأمل..
فاللوحة قد تكون قصيدة فكل ناقد يراها من زاوية..
وقد تكون رسم.. فكل متأمِّل ينظر ويفسِّر بما يحلو له ويتخيَّل..!!
ولكننا كثيراً ما نتفق في أمر ما..!!عندئذٍ لا تنفع الفلسفة..!!
فنحن نتَّفق في حبك يا مدني..ونتفق في ضرورة التواصل لو عبر الكيبورت!!
ونتفق في أن الحمام رمز السلام..!!ومهما يفعل مقبول إن كان مع صغير أو كان غرام..
أليس كذلك..!..!!!!
اشتقنا لكم.. لا تحرمونا جمال طلتكم..!! شاركونا الرأي.. فنحن بكم ..!!

أحمد عمر ( MOODY )
07-07-2010, 02:21 AM
سرحت تناظر حمامتين ترفلان في حب وسكينة..وسلام بفرح وتحريك للجناح عجيب!!
هل قبلات الأم لصغيرها!! أم إطعام..أم ليس هناك صغير!!
هي سرحت.. وفجأة سالت منها دموع.. أهاجت هذه الذكريات هوى قديم..
أبكت الحمامات العيون..وهي ليست الحمامات الأُول..
فكل إنسان يرى اللوحة بما يحلو له.. وهذا هو جمال التأمل..
فاللوحة قد تكون قصيدة فكل ناقد يراها من زاوية..
وقد تكون رسم.. فكل متأمِّل ينظر ويفسِّر بما يحلو له ويتخيَّل..!!
ولكننا كثيراً ما نتفق في أمر ما..!!عند إذٍ لا تنفع الفلسفة..!!
فنحن نتَّفق في حبك يا مدني..ونتفق في ضرورة التواصل لو عبر الكيبورت!!
ونتفق في أن الحمام رمز السلام..!!ومهما يفعل مقبول إن كان مع صغير أو كان غرام..
أليس كذلك..!..!!!!
اشتقنا لكم.. لا تحرمونا جمال طلتكم..!! شاركونا الرأي.. فنحن بكم ..!!




اشتقنا لكم.. لا تحرمونا جمال طلتكم..!! شاركونا الرأي.. فنحن بكم ..!!!!



أبو حمزة ... أحيييك و أنت تختزل كل الأحاسيس و الأمنيات
بأن تورق جنبات المكان مرّة أخرى ... و أن نرى الكلمات بالإبداع ترقص جزلى


الرائع أبو مزن : ماااااااااااااااا تشوف لينا حاجة مُخمّرة كده من طرف العجين

أحمد عمر ( MOODY )
07-07-2010, 02:45 AM
أبو حمزة : لما إقتبست المشاركة بتاعتك ما كنت مريت على كامل البوست
و لمّا شفت مشاركاتك ... فتحت ليك جرح عُمرو أربعتاااااااااااااااااشر سنة
و لا عزاء للأوفياء

أبو حمزة
07-07-2010, 05:45 AM
أبو حمزة : لما إقتبست المشاركة بتاعتك ما كنت مريت على كامل البوست
و لمّا شفت مشاركاتك ... فتحت ليك جرح عُمرو أربعتاااااااااااااااااشر سنة
و لا عزاء للأوفياء


أخي: أحمد عمر (moody).. يا أخ البوح الجميل.. نحن أخوة في الوفاء وحفظ الجميل..!!
سعدت جداً بترحابك بعودتي.. وفرحك بالإياب.. شكراً على ما أفردتها من مساحة لي ..
وتأكد بأنني أبادلك نفس المشاعر.. فالأرواح جنود مجنَّدة ما تعارف منها ائتلف وما تنافر منها اختلف!!
فنحن في ائتلاف أخي.. وسعادتي بك لا تحدّها حدود..
وفضلاً لا أمراً.. شاركنا معك في تجربتك علنا نخفِّف على النفوس بعض الشيء ونجد لها العزاء..
وأنا مثلك أفتقد لأخوتي العاقب الرائع.. والراقي خرباش..!! ويا ريت لو يجينا كمان أبو آية (أبو قرجة)..!
ونحن في انتظار الخميرة يا أهل الديرة.. فما معقول البيت محروس وسدنته تكوووس..

أحمد عمر ( MOODY )
08-07-2010, 04:24 AM
وفضلاً لا أمراً.. شاركنا معك في تجربتك علنا نخفِّف على النفوس بعض الشيء ونجد لها العزاء..
وأنا مثلك أفتقد لأخوتي العاقب الرائع.. والراقي خرباش..!! ويا ريت لو يجينا كمان أبو آية (أبو قرجة)..!
ونحن في انتظار الخميرة يا أهل الديرة.. فما معقول البيت محروس وسدنته تكوووس..



أبوحمزة بجيك راجع ... علّ ما قد كان عالجته تصاريف الزمن
لكن بس ... الله يجيب العواقب سليمة

أبو حمزة
11-07-2010, 10:42 PM
في الانتظار النار النار ** في الانتظار النار النار** وأنا محتااااااار!!
لو ما الزمان عليَّ جار** لو ما الزمان عليَّ جار**
إيه اللي أخرو عني؟؟
مقطع من أغاني زمااااان..
وقت أن كان القلب شباب..
ولا يرى سوى ست الحسان..
هي أيام للهوى خلدت...
في داخل النفوس..
وسكنت الوجدان..
أين أنت يا ست الحنان ..!!
سؤالي عنك فقط للاطمئنان..
لكونك علمتني العفة وصون العزة واللسان!!
بيننا كان الاحترام..
لذا عاش قوياً شامخاً فينا الغرام..
عرفنا أسرار العشق..
ولكنا عجزنا في أن نداوي الهيام!!

ابوالنور
14-07-2010, 12:31 AM
تسجيل حضور في جو محتاجكم

أبو حمزة
18-07-2010, 06:10 AM
خمسة نجوم******!! يا لسعادة هذا البوست بالتلألؤ..!!
تخريمة ما ممكن نخليها أهلة!! ( ما تقوم كمان تسمعنا الأخت:مدنية!!!)
شكراً على المتابعة يا مشرف.. وكمان عارفين متابعاتك للمداخلات وإنك صاااااحي!!
بصراحة: شينة يا خرباش.. ويا عقبة.. ويا أبا قرجة.. ووين يا mooody.. معقولة بس!!
علمنا خمسة نجوم.. يعني لو كان فندق أكان الآن فنجرية ساااااااي!!
والله يا أخوانا حاسس بنفسي أود البكاء..!!
مشتاق لكلمة حلووة من الأعماق.. عاوز قلب يضمني .. والله لو بس إنسان قال لي أنت مالك حاسس نفسي سوف أبكي..!!
الغربة عذاب.. والناس صارت لا تراعي أي احترام أو حفظ جميل.. يعني بين قوسين صارت ( تتنكر).. عشان شنو ده كلووو؟؟
شائف نفسي بقيت ألخبط.. الوقت وقت فرحة بالنجوم الخمسة ولا شنو!!
مين بيفرح معااااي؟؟ أنادي عليكم يا أحباب عسى يسمعني فيكم واحد.. إن شاء الله ست الحنان!!!
تخيلوا ست الحنان أخذت مني كل الصور.. يعني ما بتخلي لي حتى حاجة للتصبُّر!! يا حليلك يا بعيو .. ولا ما بعيو هو البيقول:
فيها إيه إنسان يحبك لمَّ يحفظ ليك صورة..!!

صلاح ودالطاهر
18-07-2010, 06:21 AM
خمسة نجوم******!! يا لسعادة هذا البوست بالتلألؤ..!!
تخريمة ما ممكن نخليها أهلة!! ( ما تقوم كمان تسمعنا الأخت:مدنية!!!)
شكراً على المتابعة يا مشرف.. وكمان عارفين متابعاتك للمداخلات وإنك صاااااحي!!
بصراحة: شينة يا خرباش.. ويا عقبة.. ويا أبا قرجة.. ووين يا mooody.. معقولة بس!!
علمنا خمسة نجوم.. يعني لو كان فندق أكان الآن فنجرية ساااااااي!!
والله يا أخوانا حاسس بنفسي أود البكاء..!!
مشتاق لكلمة حلووة من الأعماق.. عاوز قلب يضمني .. والله لو بس إنسان قال لي أنت مالك حاسس نفسي سوف أبكي..!!
الغربة عذاب.. والناس صارت لا تراعي أي احترام أو حفظ جميل.. يعني بين قوسين صارت ( تتنكر).. عشان شنو ده كلووو؟؟
شائف نفسي بقيت ألخبط.. الوقت وقت فرحة بالنجوم الخمسة ولا شنو!!
مين بيفرح معااااي؟؟ أنادي عليكم يا أحباب عسى يسمعني فيكم واحد.. إن شاء الله ست الحنان!!!
تخيلوا ست الحنان أخذت مني كل الصور.. يعني ما بتخلي لي حتى حاجة للتصبُّر!! يا حليلك يا بعيو .. ولا ما بعيو هو البيقول:
فيها إيه إنسان يحبك لمَّ يحفظ ليك صورة..!!


ابو حمزه مالك يا ودمي جاك ابو كباس ما دحين معك الكبسه والكابرس اها فضل شنو حضرنا واتصلنا ولم يرد علينا احد

أبو حمزة
20-10-2010, 02:39 AM
ابو حمزه مالك يا ودمي جاك ابو كباس ما دحين معك الكبسه والكابرس اها فضل شنو حضرنا واتصلنا ولم يرد علينا احد

أستاذنا هنا..!! يا لفرحتنا بتشريف الهنا..
تخيَّل أخي: العمدة.. صارت جراحنا تتنزف مع كل مناسبة جميلة.. أو أكلة حلوة..!!
إنِّي لأعجب من كلمة "الإخلاص".. كلمة تعني التفاني والوفاء والتضحية والعفة ونكران الذات ...
فمن سُميت "إخلاص" فقد نالت من المعاني ساميها..!
فأساس كل عمل الإخلاص.. وفاز من أخلص النيَّة..!!
لا يظن البعض أن ست الحنان هي " إخلاص" فهذا لا أنكر جزء منها..
ولكنها يكفيها ست الحنان..!!
لماذا تذكِّرونني إيَّاها..!!
تذكِّرونني إيَّاها؟؟
وهل أنا نسيتها ..!! حتى تذكِّرونيها..!!
أحاول مرَّة بس أنسااااااااااااك..!! عشان يا غالية أتذكَّر!!
أجي وألقاك ديمة معااااي .. وألقى هواك ملك دنياي وفي أعماقي أتحكَّر..!!

أبو حمزة
22-10-2010, 09:53 PM
أبوحمزة بجيك راجع ... علّ ما قد كان عالجته تصاريف الزمن
لكن بس ... الله يجيب العواقب سليمة

للآن منتنظرين مجيك..!!
وأصلو أنا مكتوب عليَّ الانتظار.. ليه يا زمن..!!
ما الوحيد العارف إنِّي صادق في ريدي ومحافظ على العهود..!
وكنت حاضر كم موقف للضعف كان القدح المعلَّى ولكنني انتفضت..!!
كم قد صحوت من نومي وأنا في حافة الرصيف وكتمت في سرِّي كل نزف!!
احتفظت بقوتي ليوم الزفاف..!
كل أحاسيسي تعترف لك بأنك قد ملأتي حياتي بالأمل.. وقويتي روحي بالإيمان وهذَّبتي ذاتي بالعفاف!
ماذا حدث منِّي..؟ فقط قولي لي: دافعي عن نفسك.. صعب أن تبعديني دون سبب..
ليس من العدل تجريدي من كل شيّ دون شيء..!
لا زلت أنتظر!!لم أفقد الأمل!!مع كل طائر .. وكل زائر.. أتوقَّع رسالة أو تفسير..
فحبنا الذي دفنته صار ورود وزهور يهدي العشاق!!

أبو حمزة
07-11-2010, 08:18 AM
لا زلت أذكر تفاصيلك..!!
لا أود أن أعقد بينك والأخرين تفاضل!!
أنت نفحة خاااصة وعطر سحري يفوح هيبة ونضار!!فيك عزَّة ضؤها نار!! حرَّقت سهري ولكنها لم تذب قوايّّ..

أبو حمزة
08-11-2010, 07:59 AM
بس معقولة بس أخمِّر لوحدي.. مثل: ود أبرق..!!؟
أقول ليكم حاجة..! بكتمو في جواااي إن شاء الله يجيني شلل نصفي!!
يعني لا مشاركة ولا تواصل ولا أيِّ حاجة..!! يعني على الأقل وين الخرباش!!
عارفك عيان.. ربنا يكتب لك الشفاء وتجيب لينا معك تخميرة وتعميرة!!
وبالمناسبة كل عام وأنتم بخير..! كأوَّل زول يهنئ بالعيد..!!

ابوالنور
08-11-2010, 08:23 AM
وين يا ناس شوفو لي بقيت الناس دي وين عشان ابو حمزة عاوز يبكي رحمكم الله ان شاء الله نجيكم في المولد وبعد السماية العقد طوالي عشان العروس قالت الروضة ما قريبة من البيت و ابوحمزة قال متضايق وقلنا مامكن تسافر ممكن اشترك في المسابقة وبعدين انتو الشهر ده دا مالوا كمل سرعة كدا والخروف جاع والتلج زاتو كمل أنا ما ح أقدر اواصل معاكم لأنو البوست دا حق مشخبطين و أنا حاسي إني قالباني الكتابة

mahagoub
08-11-2010, 10:34 PM
شدتنى الالفة والتواصل والحنيين
تابعت ما كتبتم حرف حرف
وزادنى شوقا شد العمدة للدخول
نورتو
ابوحمزه وبرتبيل وابو النور
عبدالرحمن مدثر واحمد عمر

أبو حمزة
09-11-2010, 08:58 AM
شدتنى الالفة والتواصل والحنيين
تابعت ما كتبتم حرف حرف
وزادنى شوقا شد العمدة للدخول
نورتو
ابوحمزه وبرتبيل وابو النور
عبدالرحمن مدثر واحمد عمر

هذا نورك أخي: mahagouob.. بزيارتك بوستينا نوَّر .. والله نوَّر كلوووا زينة!!
تسلم أخي.. وشكراً على المتابعة.. هي ذكريات قد نشترك فيها وقد نعيشها في الدواخل..!!
نتمنى أن نرى مشاركاتك وإثراء البوست..!!

أبو حمزة
09-11-2010, 09:01 AM
وين يا ناس شوفو لي بقيت الناس دي وين عشان ابو حمزة عاوز يبكي رحمكم الله ان شاء الله نجيكم في المولد وبعد السماية العقد طوالي عشان العروس قالت الروضة ما قريبة من البيت و ابوحمزة قال متضايق وقلنا مامكن تسافر ممكن اشترك في المسابقة وبعدين انتو الشهر ده دا مالوا كمل سرعة كدا والخروف جاع والتلج زاتو كمل أنا ما ح أقدر اواصل معاكم لأنو البوست دا حق مشخبطين و أنا حاسي إني قالباني الكتابة

أنت يا الواحشانا شوفتك..!! متى دهري بلقياك يجود..!!
مشتاقين أخي: أبا النور.. و الكل قال عنك راقي وكريم..!! شوَّقونا إليك!!

mahagoub
09-11-2010, 08:38 PM
هذا نورك أخي: mahagouob.. بزيارتك بوستينا نوَّر .. والله نوَّر كلوووا زينة!!
تسلم أخي.. وشكراً على المتابعة.. هي ذكريات قد نشترك فيها وقد نعيشها في الدواخل..!!
نتمنى أن نرى مشاركاتك وإثراء البوست..!!

ذكريات مدنى وود ازرق
وكورة الشراب وحطابة ود ازرق والعياشه
وقبيض الطير ود ابرق وقدوم احمر وعشوشه
وود الفتلى وقفه
وسينما الخواجه والوطنيه وحليب حاج حمزه
وعلى ابو جلب وسوسو ووتا المسحراتيه
بس فرقتنا الغربه
ونسأل الله ان تعود مدنى كما كانت
ارض الثورات والرياده والقياده فى كل شئ

عبدالرحمن مدثر
10-11-2010, 11:51 PM
خمرت لى فكرة

قلت اعجنها قبال العيد

ابوحمزة يافراولتنا وكل الدهشة

طولنا منك ياجميل الدواخل

العتب على الملل .. وقلة الاحساس

لكن اكيد مستمتعين بيك ياسيد الناس

اها نرجع لخميرتنا

عندنا استاذة هندية اسمها ذاكرة .. ذاكرة كم قيقا بس ماعارفها

اها كنا بنتناقش عن الامراض والادوية التى يجب ان نستعملها

والكلام بالانجليزى واخوك بحب العجن

اها اتعصرت فى زقاق

تحدثت عن الم المعدة (الاستومكك) .. وعن الترادشنل مديكال بتاعنا برانا

قالت لى يتستعمل شنو طالما مابتمشى الدكتور ولا الصيدلية

اها كنت منساب زى الترتيب آى هاف ونقة كتيرة لحدى

ماقفلتها بخلاصة الفائدة

وقلت ليها (خلبة )

لقيت ليك عصرتنى فى الخلبة جنس عصرة

وانا اضحك

وهى تضحك .. وتولع كهارب

والقروب يضحك

وتحت .. تحت يقولو ودمدثر جاطها

صحى انا جطتها

واتذكرتك ياابوحمزة

واتذكرت الخميرة

عارفك بتاع اخطاء نحوية ... لكن ممكن تستعين بصديق

شوف الزونية ياخ

خليها تشوف لينا الخلبة دى بالانجليزى بيكون شكلها كيف

لانو ناس ابتك ديل عاملين معااااى شمطة
















يو نو (شمطة ) ....

ابوالنور
11-11-2010, 12:10 AM
خمرت لى فكرة

قلت اعجنها قبال العيد

ابوحمزة يافراولتنا وكل الدهشة

طولنا منك ياجميل الدواخل

العتب على الملل .. وقلة الاحساس

لكن اكيد مستمتعين بيك ياسيد الناس

اها نرجع لخميرتنا

عندنا استاذة هندية اسمها ذاكرة .. ذاكرة كم قيقا بس ماعارفها

اها كنا بنتناقش عن الامراض والادوية التى يجب ان نستعملها

والكلام بالانجليزى واخوك بحب العجن

اها اتعصرت فى زقاق

تحدثت عن الم المعدة (الاستومكك) .. وعن الترادشنل مديكال بتاعنا برانا

قالت لى يتستعمل شنو طالما مابتمشى الدكتور ولا الصيدلية

اها كنت منساب زى الترتيب آى هاف ونقة كتيرة لحدى

ماقفلتها بخلاصة الفائدة

وقلت ليها (خلبة )

لقيت ليك عصرتنى فى الخلبة جنس عصرة

وانا اضحك

وهى تضحك .. وتولع كهارب

والقروب يضحك

وتحت .. تحت يقولو ودمدثر جاطها

صحى انا جطتها

واتذكرتك ياابوحمزة

واتذكرت الخميرة

عارفك بتاع اخطاء نحوية ... لكن ممكن تستعين بصديق

شوف الزونية ياخ

خليها تشوف لينا الخلبة دى بالانجليزى بيكون شكلها كيف

لانو ناس ابتك ديل عاملين معااااى شمطة
















يو نو (شمطة ) ....

http://www.sudaneseworld.com/forum/images/smilies/clapsmiley.gifyes

mahagoub
13-11-2010, 03:56 AM
دى خلطه
لو قالوا ليك اقعد اخلطا تانى ما بتقدر
حلوه ايام الدراسه
احم ... احم
فى المتوسطه واخوك فى طور المراهقه
كنت بدرس بت الجياران واخوانا معانا لكن اخوك ما كان فلته
بدت نظرات من تحت لتحت
اخوك ما صدق
مشى البيت وهاك يا كتابه ظبطت ليك خطاب
فرغت فيه كل المخزون
وتانى يوم بعد الحصه وفى غفلة من الجميع
وضعته فى كتاب الرياضيات
وتانى يوم عرفت انو اخوها لقى الجواب
ومن ديك وعيك

عبدالرحمن مدثر
14-11-2010, 01:27 AM
ههههههههههههههههههههههه

حبيبنا محجوب

من ديك وعييييييك

وتبقى ايام جميلة .. وذكريات اجمل

وشلاقة احلى بعنفوان الشباب

ونضارة الايام

بجيك بكم موقف كدا بعد التخميرة بس




ابو النور وينك ياباش

اهو نحن لسه بنفتش للحاجات الحلوة

وyes

mahagoub
15-11-2010, 07:00 AM
يا عبدو
نفسى اعرف تخميرتك
ما هى مكوناتها
كل موضوع وليه تخميره
ان شاء الله تكون لقيت حاجه حلوه لابو النور
اديه ( دربس )

عبدالرحمن مدثر
21-11-2010, 11:02 PM
بطلت خمر الليل بقيت

انوم بدرى

ياعمنا محجوب بين خمرة الاحساس وبين اللون الخمرى

وبين خميرة احساسنا المرفوعة للقوة كم كدا ماعارف بمقدار

التفاعل المتواصل والسريع

عشان كدا التخميرة بتجى من جوووووووووه

ابوالنور
22-11-2010, 01:59 AM
أنت يا الواحشانا شوفتك..!! متى دهري بلقياك يجود..!!
مشتاقين أخي: أبا النور.. و الكل قال عنك راقي وكريم..!! شوَّقونا إليك!!

تفآحة نيوتن سقطّت في سبيل الْإكتشآف
و هكذآ نحن البشر .... نسَقط
لنكتشف سُبّلَ النّجآح
....
ربنا يخليك لينا اخي ابو حمزة

mahagoub
22-11-2010, 09:12 PM
تفآحة نيوتن سقطّت في سبيل الْإكتشآف
و هكذآ نحن البشر .... نسَقط
لنكتشف سُبّلَ النّجآح
....
ربنا يخليك لينا اخي ابو حمزة

ناس بتقع لتصليح المشيه
وناس بتقع لينكشف قناع الوجه


عازف الجتار تعب مشى يرتاح ولا شنو

أبو حمزة
15-05-2011, 10:39 AM
يااااااااااااااه.. معقولة..قلت جوالي ما فيه مكان لرسالة جديدة..
فقمت بمسح كل الرسائل القديمة ..(وطبعاً فيني عادة الأحتفاظ بالقديم).. فأقول: ما أمسح دي.. وأمسح ديك.. و..
وفجأة جيت لي رسالة لست الحنان.. آآآآآآآآآه من الحنان.. ما قدرت أمسح أيّ حاجة..
معقووووووولة بس.. يعني ما عارف أقول شنو.. للآن لم تتزوج ولم تعيش دنيا.. مكتوب عليها كدة ..
وهل هذا نوع من التضحية أم قمستها.. أم أنا من كان يراها جميلة أم ماذا..
استغفر الله العظيم..!!
سمحت لي الفرصة أن أنزل السودان للزواج.. وفي الحقيقة نزلت السودان يوم الأربعاء كنت بالخرطوم ليلاً ..
نمت بالفتيحاب والخميس جيت مدني.. عملت حفلتي في نفس اليوم..! ويوم الجمعة كان الزواج والذي منوو!!
الغريبة أنها حضرت الحفلة يوم الجمعة.. فجأة أراها أمامي تقول لي: مبارك يا م ح م د..
لم أعرف ماذا أفعل أو أقول..!!
والكل كان يعرف ما كان يربطنا.. هي لحظة كانت غريبة وصعبة و... !!
وخلاص كفاية هنا..

أحمد عمر ( MOODY )
15-05-2011, 08:39 PM
يااااااااااااااه.. معقولة..قلت جوالي ما فيه مكان لرسالة جديدة..
فقمت بمسح كل الرسائل القديمة ..(وطبعاً فيني عادة الأحتفاظ بالقديم).. فأقول: ما أمسح دي.. وأمسح ديك.. و..
وفجأة جيت لي رسالة لست الحنان.. آآآآآآآآآه من الحنان.. ما قدرت أمسح أيّ حاجة..
معقووووووولة بس.. يعني ما عارف أقول شنو.. للآن لم تتزوج ولم تعيش دنيا.. مكتوب عليها كدة ..
وهل هذا نوع من التضحية أم قمستها.. أم أنا من كان يراها جميلة أم ماذا..
استغفر الله العظيم..!!
سمحت لي الفرصة أن أنزل السودان للزواج.. وفي الحقيقة نزلت السودان يوم الأربعاء كنت بالخرطوم ليلاً ..
نمت بالفتيحاب والخميس جيت مدني.. عملت حفلتي في نفس اليوم..! ويوم الجمعة كان الزواج والذي منوو!!
الغريبة أنها حضرت الحفلة يوم الجمعة.. فجأة أراها أمامي تقول لي: مبارك يا م ح م د..
لم أعرف ماذا أفعل أو أقول..!!
والكل كان يعرف ما كان يربطنا.. هي لحظة كانت غريبة وصعبة و... !!
وخلاص كفاية هنا..




أوّل حاجة .. ألف ألف مبروك
تاني شي .. حمداً لله على السلامة و البركة في الشوفة
تالت هام .. شوقنا فات حد الشوف


أهمّ حاجة .. مالك عاوز تجرِّسنا معاك من الصباح

و سلامات يا زول .. يا رايع
و لك من الود .. ما تشتهي و لا ينتهي

أبو حمزة
15-05-2011, 09:29 PM
أوّل حاجة .. ألف ألف مبروك
تاني شي .. حمداً لله على السلامة و البركة في الشوفة
تالت هام .. شوقنا فات حد الشوف

أهمّ حاجة .. مالك عاوز تجرِّسنا معاك من الصباح

و سلامات يا زول .. يا رايع
و لك من الود .. ما تشتهي و لا ينتهي

الكتابة أعلاه بيد الأخ: أحمد عمر (mooody)...
********

سعيد أنا بتواصلك أخي أحمد عمر..
وألف شكر على تهانيك الجميلة.. وشوقنا أكثر من الخيال ..
أنا بدونكم لا أسوى شيء فأنتم نعم الإخوان والأصدقاء..
وقد حضرت من مدني وكلي شوق للبلد.. يعني تجلس مع أولادك فقط ثلاثة أشهر..!!
والله الغربة حاجة صعبة يا أخي..!!
مشتااااااااااااااقين حقيقة ومجاز..
وتتخيل: رأيت ليك ست الحنان يوم الزفاف.. وأنا في الكوشة تنظر إليَّ.. وهي تحاول أن تكون عادية..
وقالت لي: مالك أنت ..!! هو يعني البعرِّس بنسى الناس؟؟
صدِّقني ما فهمت شيء..!! كنت بحاول أمشيها بس.. وكل جزء في جسمي وكل قطرة في دمي تقول:
اقترب .. تمهَّل تعلَّم الذوق واللطافة والتضحية والوفاء.. كل ذلك وأنا في وادي آخر.. لا أود أن أجرح مشاعرها..
آآآآآآآآآه من زمن الألم والوجع والفراق.. هي للآن فات عمرها الثلاثين.. ولا زالت قوية.. عفيفة ولم تتغير ضحكتها..
ضحكت لي وقالت: ربنا يهنيك .. و من قلبي بتمنى ليك السعادة.. وخلينا على الأقل أصحاب..
حتى حينما حضرت للملكة كتبت لي.. وأرسلت؛ حينما لم أرد على اتصالاتها..!!
كأنني في حلم كبير.. كأنني في سينما.. كأنني أقع من جبل شاهق عالي ... كأنني على الأسلاك أسير..
وهل يوجد ما يمنع الأسير من ألَّا يحلم..!!

مايسة
15-05-2011, 10:44 PM
أبو حمزة

كيفنك والف مبروك -
لا أظن بأنك قادر على وصف ما إعتراك في تلك اللحظة - ولكن ربما شريط سريع من الذكريات مرَ أمام عينيك وبسرعة أيضا عدت الى الواقع -

ربنا يهنيك - وأكيد ليس كل ما يتمناه المرء يدركه - تحياتي وحمدلله على السلامة

تخريمة : الخرباش بوستيك دا ياخ ما بناديك

أبو حمزة
15-05-2011, 11:05 PM
أبو حمزة

كيفنك والف مبروك -
لا أظن بأنك قادر على وصف ما إعتراك في تلك اللحظة - ولكن ربما شريط سريع من الذكريات مرَ أمام عينيك وبسرعة أيضا عدت الى الواقع -

ربنا يهنيك - وأكيد ليس كل ما يتمناه المرء يدركه - تحياتي وحمدلله على السلامة

تخريمة : الخرباش بوستيك دا ياخ ما بناديك



يا مراحب بأختنا العزيزة: مايسة..
أنا بألف خير ـــــ ولله الحمد ــــ وسعيد أكثر بهذه الحفاوة أختي..
وربنا يسعد أيامك.. ومشكورة على التهاني ..
بس تتخيلي.. في تلك اللحظة كأنني واقع من بئر عميق.. مثلما تفضَّلتِ..
صارت الأحداث جلُّها أمامي.. كأنها حدثت ليلة البارحة.. كل المواقف.. ياااااااااااااااااااه!!
لا أخفيك سراً .. لم تنزل عينها من عليَّ كلما نظرت إليها..
أحسست في نظراتها ألم وعدد من الأسئلة..
فهي كانت أعزَّ الناس.. ولا زالت في مكان الاحترام والتقدير لها القدح المعلَّى..
ليتك ترينها.. صارت ... لا أدري كيف صارت ففي كل يوم تتغيَّر الملامح..
ولكنها الدنيا.. لا تنال فيها كل ما تريد..
لقد جعلتني أسرح من جديد أختاااه..!! ماذا أفعل.. فقد كان عذري بمعنى الكلمة ..
رغم مغريات الحياة.. والأجواء المهيأة والظروف المحيطة.. كنا أقوياء.. لم يصدِّق أصدقاؤنا أننا بهذا النقاء..!
ظنوا بأن فينا هَبَلٌ وغباء.. وعلى قولهم: الدنيا فرص..!! كان الواحد فيهم يأتي بمحبوبته لترقص له عشرة بلدي..
وهي لا تمانع أن تأخذ معه صورة .. خيال عشَّاق .. وفترة يشتدُّ فيها الإندفاع.. ولكن إن ضعفتُ أنا كانت هي القوية..
وإن ضعفتْ هي كنت لها حامي الحمى!! وبذلك حافظنا على ودِّنا نقيا... يااااااااااااااه كانت أجمل ذكريات..!
آسف .. أظنني سرحت زيادة عن اللزوم.. ولكنني أتحدَّث إلى إخوتي وأعزِّ الأصدقاء.. فاعذروني..!!
شكراً لكِ: أختي: مايسة.. بعض التنفيس مهم.. لا حرم الله عاشقين من الهوى.. ومن اللقاء..

مايسة
15-05-2011, 11:24 PM
يا مراحب بأختنا العزيزة: مايسة..
أنا بألف خير ـــــ ولله الحمد ــــ وسعيد أكثر بهذه الحفاوة أختي..
وربنا يسعد أيامك.. ومشكورة على التهاني ..
بس تتخيلي.. في تلك اللحظة كأنني واقع من بئر عميق.. مثلما تفضَّلتِ..
صارت الأحداث جلُّها أمامي.. كأنها حدثت ليلة البارحة.. كل المواقف.. ياااااااااااااااااااه!!
لا أخفيك سراً .. لم تنزل عينها من عليَّ كلما نظرت إليها..
أحسست في نظراتها ألم وعدد من الأسئلة..
فهي كانت أعزَّ الناس.. ولا زالت في مكان الاحترام والتقدير لها القدح المعلَّى..
ليتك ترينها.. صارت ... لا أدري كيف صارت ففي كل يوم تتغيَّر الملامح..
ولكنها الدنيا.. لا تنال فيها كل ما تريد..
لقد جعلتني أسرح من جديد أختاااه..!! ماذا أفعل.. فقد كان عذري بمعنى الكلمة ..
رغم مغريات الحياة.. والأجواء المهيأة والظروف المحيطة.. كنا أقوياء.. لم يصدِّق أصدقاؤنا أننا بهذا النقاء..!
ظنوا بأن فينا هَبَلٌ وغباء.. وعلى قولهم: الدنيا فرص..!! كان الواحد فيهم يأتي بمحبوبته لترقص له عشرة بلدي..
وهي لا تمانع أن تأخذ معه صورة .. خيال عشَّاق .. وفترة يشتدُّ فيها الإندفاع.. ولكن إن ضعفتُ أنا كانت هي القوية..
وإن ضعفتْ هي كنت لها حامي الحمى!! وبذلك حافظنا على ودِّنا نقيا... يااااااااااااااه كانت أجمل ذكريات..!
آسف .. أظنني سرحت زيادة عن اللزوم.. ولكنني أتحدَّث إلى إخوتي وأعزِّ الأصدقاء.. فاعذروني..!!
شكراً لكِ: أختي: مايسة.. بعض التنفيس مهم.. لا حرم الله عاشقين من الهوى.. ومن اللقاء..


تسلم أخي أبا حمزة

سبحان الله - كلامك فيهو من الايمانيات تسمو بالشخص وبالفكر لدرجة الكمال
ولم تسرح فنحن هنا لنعبر ولنخط ما يعترينا - تحياتي لك مرة اخرى وربنا يسعدك في حياتك الراهنة والمستقبلية - اما ما مضى فهو سيظل كما هو اكيد - جميل -

عبدالرحمن مدثر
15-06-2011, 09:46 PM
وبى سكر تملكنى

عبدالرحمن مدثر
15-06-2011, 09:54 PM
ابوحمزه

اسير حسنك ياغالى .. كالعهد بك دوما دوما احساسك نبيل وشعورك صادق

العاطفه جواك بتنضح

مودى الامير .. كانت لنا ايام هنا تسكرنا جغمه مويه .. وترحل بنا فى بساط سحرى كلمه ومعنى

وحرف جميل

حبيبنا محجوب سيد الضحكه الدايمه

البت الدفعه ميساء


كدى خلونا نستمتع ببساطه حروف فى حق الحيكومه ... وحيكومه ياظالمه شالت قسيم ريدى


حكومتي.. كلام شعبك اسمعي



كلامي كان تابي

بكرة تدوري ما تلقي

أى حكومتي.. كلام شعبك اسمعي

وجيشك ده من أبيى أمرقي

وجرائدك المهوهوة دا لبيتك بخربي

ورياك مشار ده لخاطرو طيبي

وتاني ضيف كان جاك جنب النافورة ما توقفي

للمكتب الكبير دخلي

وفى الكرسي الكبير قعدي

وكباية ام قعر قدامو ختي

إنت مالك الواجب ما بتعرفي

ومجلس الأمن كان جا تاني اوعى ما تقابلي

طيارة أم ضنب كان ظهر

الكلام دا بتابي

ومشكلة دارفور ده اسرعي حلي

عشان اوكامبو ما تصاقري

وعبد الواحد ده امشي شوفي

خليل ده حاولي ترضي

وبأى طريقة جيبي

وكان داير نائب رئيس سوي

وتحالف المعارضة ما تهرشي

والصادق المهدي ما تجهجهي

ومالك عقار ما تزعلي

باكر تكوسي ما تلقي

وياسر عرمان بلا سبب الكلاب فوقو ما تشعشعي

وجيش شعبي ده هسع أنسي

والمشورة الشعبية سوي

والإنتخابات الجاية ما تزوري

وكلامي ده أكان تسوي

شوفي كان تنقدري

أحسن يا حكومتي

ركوب راس ده خلي

وكلام بجيب توما هوك ما تقولي

والسكر ساعة ساعة ما تزيدي

وأجراس حرية من المطبعة ما تصادري

وايدك المسمة دا قصري

والبطلع الشارع ما تضربي

والمسكين حقو ما تشيلي

وبى قروش شوية تشتري

دعوة المظلوم ما بتقدري من السماء تحوشي

والله كان غضب عنك لى راسك تكسري

ومن الدنيا تنمحي

وقروش لميتى دا ما بتلقي طريقة تاكلي

أى حكومتي.. كلام شعبك اسمعي

وكلامي أكان تابي

بكرة تدوري ولا تلقي



















تلحيقه ... اللون متضامن مع احساس ابوحمزه وفراولتو

خالد علونى
15-06-2011, 10:29 PM
عاد خرباش وخميرة الإحساس تعطي النفس نشوة طال انتظارها







عوداً حميداَ مستطاب

ابو عبد الرحمن
16-06-2011, 01:58 AM
يا مراحب بأختنا العزيزة: مايسة..
أنا بألف خير ـــــ ولله الحمد ــــ وسعيد أكثر بهذه الحفاوة أختي..
وربنا يسعد أيامك.. ومشكورة على التهاني ..
بس تتخيلي.. في تلك اللحظة كأنني واقع من بئر عميق.. مثلما تفضَّلتِ..
صارت الأحداث جلُّها أمامي.. كأنها حدثت ليلة البارحة.. كل المواقف.. ياااااااااااااااااااه!!
لا أخفيك سراً .. لم تنزل عينها من عليَّ كلما نظرت إليها..
أحسست في نظراتها ألم وعدد من الأسئلة..
فهي كانت أعزَّ الناس.. ولا زالت في مكان الاحترام والتقدير لها القدح المعلَّى..
ليتك ترينها.. صارت ... لا أدري كيف صارت ففي كل يوم تتغيَّر الملامح..
ولكنها الدنيا.. لا تنال فيها كل ما تريد..
لقد جعلتني أسرح من جديد أختاااه..!! ماذا أفعل.. فقد كان عذري بمعنى الكلمة ..
رغم مغريات الحياة.. والأجواء المهيأة والظروف المحيطة.. كنا أقوياء.. لم يصدِّق أصدقاؤنا أننا بهذا النقاء..!
ظنوا بأن فينا هَبَلٌ وغباء.. وعلى قولهم: الدنيا فرص..!! كان الواحد فيهم يأتي بمحبوبته لترقص له عشرة بلدي..
وهي لا تمانع أن تأخذ معه صورة .. خيال عشَّاق .. وفترة يشتدُّ فيها الإندفاع.. ولكن إن ضعفتُ أنا كانت هي القوية..
وإن ضعفتْ هي كنت لها حامي الحمى!! وبذلك حافظنا على ودِّنا نقيا... يااااااااااااااه كانت أجمل ذكريات..!
آسف .. أظنني سرحت زيادة عن اللزوم.. ولكنني أتحدَّث إلى إخوتي وأعزِّ الأصدقاء.. فاعذروني..!!
شكراً لكِ: أختي: مايسة.. بعض التنفيس مهم.. لا حرم الله عاشقين من الهوى.. ومن اللقاء..
إن العشّاق قلوبهم ليست كاغيرهم فهم أنقاء الناس قلوبا . وأطهرهم وأعفهم . قلوبهم رحيمة
ودموعهم قريبة . وافئدتهم رقيقة شفافة . فقد شفع لهم النبي صلي الله عليه وسلم . وقد جاء في
الخبر من عشق وعف وكتم عشقه ومات فهو شهيد . وقد قال بعض الحكماء لو كان لي من الامر
شي ما عذبت عاشق . نظر الله الى أطهر قلوب العباد ، فوجدها قلوب العشّاق فقذف فيها المحبة
والهيام والطهر والنقاء .. إن العشاق اسعد الناس . وهم كذلك اشقي الناس . ؟؟ إبتلاهم الله بالعشق
فمن صبر دخل الجنة بكتم عشقه وعفته .(يلوموني في حب سلمى كأنما يرون الهوى شيئاً تيممته
عمداً ألا إنما الحب الذي صدع الحشا قضاء من الرحمن يبلو به العبدا .. فيا من إبتلاك الله بالعشق
إن عفتت وصبرت لك الجنة .. اللهم أرحم العشاق فهم عبادك وأجمع قلوبهم في طاعتك ومرضاتك
أخي أبو حمزة عجبت كثيرا فهذا الغرام الجميل العفيف .. وبهذين القلبين النظيفين العفيفين .. ودمت

خالد علونى
16-06-2011, 02:23 AM
ولا خير في الدنيا إذا أنت لم تزر ********** حبيباً ولم يَطْرَبْ إلَيْكَ حَبيبُ
لَئِن كَثُرَت رُقابُ لَيلى فَطالَما ********** لَهَوتُ بِلَيلى ما لَهُنَّ رَقيبُ
وَإِن حالَ يَأسٌ دونَ لَيلى فَرُبَّما ********** أَتى اليَأسُ دونَ الشَيءِ وَهوَ حَبيبُ
وَمَنَّيتَني حَتّى إِذا ما رَأَيتِني ********** عَلى شَرَفٍ لِلناظِرينَ يَريبُ
صَدَدتِ وَأَشمَتِّ العُداةَ بِهَجرِنا ********** أَثابَكِ فيما تَصنَعينَ مُثيبُ
أُبَعِّدُ عَنكِ النَفسَ وَالنَفسُ صَبَّةٌ ********** بِذِكرِكِ وَالمَمشى إِلَيكِ قَريبُ
مَخافَةَ أَن تَسعى الوُشاةُ بِظِنَّةٍ ********** وَأَكرَمُكُم أَن يَستَريبَ مُريبُ
فَقَد جَعَلَت نَفسي وَأَنتِ اِختَرَمتِها ********** وَكُنتِ أَعَزَّ الناسِ عَنكِ تَطيبُ
فَلَو شِئتِ لَم أَغضَب عَلَيكِ وَلَم يَزَل ********** لَكِ الدَهرَ مِنّي ما حَيِيتُ نَصيبُ

العاقب مصباح
16-06-2011, 06:27 AM
شايف لي خميرة فارت ولما تفور اللقيمات ترمي نفسها في الزيت من تلقاء نفسها وهي مستمتعة وتقول تشششششششش في نص صاج يقول وا غربتي خرباش كدي أديني لقيمات وشاي أحمر يغني عليهو عثمان الشفيع الذكريات .
ما بين أبو حمزة وخرباش وجه شبه كبير جدا رغم أنو أبو حمزة بكاي وبموت في الحنان وزول حنين ودميعاتو قراب قالوا لي لما المدام جاية السودان أبو حمزة مودع في المطار ويبكي ساكت وأنا أضحك وشارطني الضحك التقول يتيم .
خرباش ياخ البكاء البيعمل فيهو أبا حمزة دا بيخلينا نتجرس ونفكر في العرس الما داير يجي دا

أحمد عمر ( MOODY )
16-06-2011, 08:01 AM
شايف لي خميرة فارت ولما تفور اللقيمات ترمي نفسها في الزيت من تلقاء نفسها وهي مستمتعة وتقول تشششششششش في نص صاج يقول وا غربتي خرباش كدي أديني لقيمات وشاي أحمر يغني عليهو عثمان الشفيع الذكريات .
ما بين أبو حمزة وخرباش وجه شبه كبير جدا رغم أنو أبو حمزة بكاي وبموت في الحنان وزول حنين ودميعاتو قراب قالوا لي لما المدام جاية السودان أبو حمزة مودع في المطار ويبكي ساكت وأنا أضحك وشارطني الضحك التقول يتيم .
خرباش ياخ البكاء البيعمل فيهو أبا حمزة دا بيخلينا نتجرس ونفكر في العرس الما داير يجي دا



ما قلت ليك يا أبو مزن
خميرتك جاااااااااهزة و العوّاسين كتار
و ما بين عجين مُخمِّر .. خميرة .. خَمرة و خُمرة
خميس إستثنائي .. و حضور أنيق


العاقب
عُقُب .. نضمك
مصابيح الكلام هَمَدَتْ

عبدالرحمن مدثر
18-06-2011, 02:44 AM
الود علونى الكتااااااب جدا .. والمقل جدا زمن انياحك حان تعال ياخى اندااااح

مودى الامير

ابوحمزه الغائب الحاضر جوووه احساسنا الجميل

ابوعبدالرحمن وهو يعطى الخميره احساس اخر اجمل واجمل بقداسه اى احساس يجمع ولا يفرق

الا بخير

الود الباير عقبه جيتك طااااااااعمه ياصديقى

وخصوصا لو تم الناقصه عمك ابوقرجه سيد القعونجه الزمان والحنكوش الذى لايجعل للحنكشه مكان فى داخله

(انتبه السياره ترجع للخلف )


سعيد انا بوجودكم ... وسعيد بعجينه الاحساس البتجمعنا الديمه بتتمطططط بس وتتشكل وفق مانهوى ونحب

وبنحب من بلدنا مابرررره البلد

عبدالرحمن مدثر
18-06-2011, 02:58 AM
كدى النتكسر ليكم شويه

زمان زمن الرومانسيه المفرطه ديك .. ورحله البحث عن حب واحساس جميل

رغم الفصاحه الظاهره فى كل جدران الجامعه عبر برطعات النوارس الا انو احساس العزله الداخلى احساس جميل

احسه وحدى .. ويؤانسنى وحدى .. واحصده بلاشك وحدى ..

كانت جميله جدا ... شفيفه جدا .. رهيفه جدا .. جمعنا موضوع ما جاءت لتشارك به فى صحيفه شعاع النوارس

ومن ديك وعييييييك ... انا زول كيشه ساى .. لاافهم لغه الاحساس لما يتوجه ليك

كان لدى صديقى جمال .. وريف الاحساس الطفولى لذلك كنا نسميه بسيط

ياتينى دوما ليذكرنى ان فلانه دييييييك .. بتهتم بيك من نظراتها من حاجات كتيره هو شايفها

وانا لا .. وبصر على انو مافى شىء ..

ذات يوم ما .. جاتنى هى ومعها خطاب من ورقتين فلسكاب .. ورجتنى ان اقرا هذا بعد ان اصل البيت

اتخيلتو موضوع جديد للصحيفه .. وكان الامر عادى

وعند العوده .. فتحت الوريقات .. واندمجت مع الحروف ... حدثتنى عن حياتها .. وعن انها مخطوبه .. لشخص اسمه عبدالرحمن

يعنى نفس الاسم .. ياابوعبدالرحمن .. لكن على حسب تعبيرها هناك فرق شاسع بين عبدالرحمن الذى مستقبلها وبين تفاصيل جواها

تحلم بها .. هو ابعد مايكون منها .. جفاف يغطى كل شىء .. ودواخله صحراء .. لاشعر .. لاحرف ندى .. ولا اطلاله تعامل راق

مجتمتعها على حسب مارسمته .. يعامل المراه كانها طوبه .. لااحساس لديها .. تماما مثل المقولات المندثره ديييك

المره شاورها .. وخالفها

والمره كان بقت فاس مابتشق الراسها

وكان قرت قانون ماعندنا ليها غير الكانون

اها لحدى هنا الموضوع عادى .. الماعادى انو التقاء الاسم .. جعل شكل المقارنه متاح لحدى ما وصلت مرحله انعدام وزن احساسى

جعلها تحس بالذنب من احساسها الغلط .. وكان تساؤلها .. هل هو غلط احساسها دا ...؟؟

عندما تحس بانها ماتبحث عنه من تفاصيل تحتاج تجدها عند اخر ولاتجدها عند شريك مستقبلها .....الخ




بمشى وبجيكم اقول ليكم كان ردى فعلى شنو انا

أحمد عمر ( MOODY )
18-06-2011, 04:01 AM
بمشى وبجيكم اقول ليكم كان ردى فعلى شنو انا



شوفت .. عشان بمشي و بجيكم دي
آآآآآآخر مسلسل حضرتو .. كان ليالي الحلمية ج (3)

mahagoub
19-06-2011, 04:42 AM
وبى سكر تملكنى

دى السكره البتمناها الواحد ما تفك

mahagoub
19-06-2011, 04:43 AM
شوفت .. عشان بمشي و بجيكم دي
آآآآآآخر مسلسل حضرتو .. كان ليالي الحلمية ج (3)

انت مستعجل للحلقة الاخيره مالك

mahagoub
19-06-2011, 04:47 AM
كدى النتكسر ليكم شويه

زمان زمن الرومانسيه المفرطه ديك .. ورحله البحث عن حب واحساس جميل

رغم الفصاحه الظاهره فى كل جدران الجامعه عبر برطعات النوارس الا انو احساس العزله الداخلى احساس جميل

احسه وحدى .. ويؤانسنى وحدى .. واحصده بلاشك وحدى ..

كانت جميله جدا ... شفيفه جدا .. رهيفه جدا .. جمعنا موضوع ما جاءت لتشارك به فى صحيفه شعاع النوارس

ومن ديك وعييييييك ... انا زول كيشه ساى .. لاافهم لغه الاحساس لما يتوجه ليك

كان لدى صديقى جمال .. وريف الاحساس الطفولى لذلك كنا نسميه بسيط

ياتينى دوما ليذكرنى ان فلانه دييييييك .. بتهتم بيك من نظراتها من حاجات كتيره هو شايفها

وانا لا .. وبصر على انو مافى شىء ..

ذات يوم ما .. جاتنى هى ومعها خطاب من ورقتين فلسكاب .. ورجتنى ان اقرا هذا بعد ان اصل البيت

اتخيلتو موضوع جديد للصحيفه .. وكان الامر عادى

وعند العوده .. فتحت الوريقات .. واندمجت مع الحروف ... حدثتنى عن حياتها .. وعن انها مخطوبه .. لشخص اسمه عبدالرحمن

يعنى نفس الاسم .. ياابوعبدالرحمن .. لكن على حسب تعبيرها هناك فرق شاسع بين عبدالرحمن الذى مستقبلها وبين تفاصيل جواها

تحلم بها .. هو ابعد مايكون منها .. جفاف يغطى كل شىء .. ودواخله صحراء .. لاشعر .. لاحرف ندى .. ولا اطلاله تعامل راق

مجتمتعها على حسب مارسمته .. يعامل المراه كانها طوبه .. لااحساس لديها .. تماما مثل المقولات المندثره ديييك

المره شاورها .. وخالفها

والمره كان بقت فاس مابتشق الراسها

وكان قرت قانون ماعندنا ليها غير الكانون

اها لحدى هنا الموضوع عادى .. الماعادى انو التقاء الاسم .. جعل شكل المقارنه متاح لحدى ما وصلت مرحله انعدام وزن احساسى

جعلها تحس بالذنب من احساسها الغلط .. وكان تساؤلها .. هل هو غلط احساسها دا ...؟؟

عندما تحس بانها ماتبحث عنه من تفاصيل تحتاج تجدها عند اخر ولاتجدها عند شريك مستقبلها .....الخ




بمشى وبجيكم اقول ليكم كان ردى فعلى شنو انا

انحنا ردت الفعل حسينا بيها
وقلبنا بقى شغال دل دل دل
داير يطير من مكانه

عبدالرحمن مدثر
23-01-2012, 03:52 AM
اها انا جيت

هاها

لما تجى متاخر .. احسن من ماتجى يامودى وعم محجوب

وباقى الحبان

النتم ليكم الحلقه

باقى ليكم انا آخر مره اتبعت فيها مسلسل متين مابتذكر

مابريد قطيع الاحساس دا (يعلم الله )

لكن البوست دا فيهو حاجات كدا عجيبه

وتداعيات جميله

زى حته انو لما تجى تبكى من موقف بعينه بتمشى لمكان قصىء او غرفه مغلقه

اها بنفس الاحساس لما تجى تنعش احساسك

بتفتش لاحساس معجون من طينه غريبه وعجينه

اكيد دا احساسكم

ولمتكم دى




بمشى وبجى
هاها

عبدالرحمن مدثر
23-01-2012, 03:56 AM
بالمناااسبه دى

فى مسلسل اسمو (حريم السلطااان ) مبالغه لكن .. جعلنى اتنازل من حجه عدم قطيع الاحساس المزعومه

واتبعه بكل شغف وحنين لايام خلت .. وتاريخ كان ملء السمع والبصر

ياتى فى الساعه الثامنه مساء على قناه دبى

ويحكى عن تفاصيل الدوله العثمانيه واشهر سلاطينها السلطان سليمان وامجاده العظيمه






خربشه

لكن سلاطين زماان ديل كانوا مرتاحين خلااااس .. جوارى .. واغانى .. واحساسهم بالحاجات مدفق فى كل حته

عبدالرحمن مدثر
23-01-2012, 03:59 AM
ولو الزمن ماظااابط فى قناه مغربيه بتجيب حلقتين حلقتين

من الساعه 12 مساء بتوقيت السودان اسمها ميدى

الراااابط دا بوصلكم

http://www.facebook.com/Harem56

عبدالرحمن مدثر
23-01-2012, 04:19 AM
اها الحكومه بتاعتى بعفويه كدا .. قالت لى .. والله لكن ناس زمان ديل كانوا عااايشين حياه غريبه وجميله

واردفتها بامنيه ... هسه لو كنا زى نااس زمان ديل .. ورجع بينا الزمان ليهم

قعدت اضحك وفى نفسى بعد (الخبث ) الداخلى .. قلت ليها اخير لينا هنا ياخ زمنا دا كويس احسن من زمان

قالت لى .. لكن انت ماشايف هم عايشين كيييف

قلت ليها لو رجعنا لزمان .. بتندمى .. وبتسفى التراااب

قالت لى كيييييييييييييييف

قلت لانو انا بكون سلطااان وبعديها كولها برررطعه بكون مزحوووم بالمغنى والجواارى


****

بعد دااااك جابو لى قناه (سمسم ) فى نص المسلسل .. واستدعوا شله العصاااابه البكاااييين شديد من اجل

مزيدا من الجوووطه .. عشان يشوف حد للبكاء الاجترارى دا

عنكوليب
23-01-2012, 04:49 AM
مزيدا من الجوووطه .. عشان يشوف حد للبكاء الاجترارى دا

ها ها ها ها ها

عملت ليك ما فاهمة ،، وقعدت تدردق فيك ،،،

وانت يا الفالح قايلها عويرة ،،،،

يلا شوف عالم سمسم ده ،،،

بنت الرفاعي
24-01-2012, 09:40 AM
بعد دااااك جابو لى قناه (سمسم ) فى نص المسلسل .. واستدعوا شله العصاااابه البكاااييين شديد من اجل

مزيدا من الجوووطه .. عشان يشوف حد للبكاء الاجترارى دا




:D :D

حــلـَّــــــوة،
رد فعل جميل:rolleyes:.
........
...
.


بالمناسبة وين باقي المواصلات للمحطة الأخيرة لو سمحت
(نحن ما (مُنتظرين) المحطة الأخيرة لكن الطريق (المُمتع وشيِّق أكيد) إلى المحطة الأخيرة هو ما نحن (في إنتظاره))؟!

:):):)

mahagoub
24-01-2012, 10:25 AM
والله يا شاب لقيتك متابع
ما خليت قناة الا وحفظته جدولا

مايسة
24-01-2012, 10:32 AM
بالمناااسبه دى

فى مسلسل اسمو (حريم السلطااان ) مبالغه لكن .. جعلنى اتنازل من حجه عدم قطيع الاحساس المزعومه

واتبعه بكل شغف وحنين لايام خلت .. وتاريخ كان ملء السمع والبصر

ياتى فى الساعه الثامنه مساء على قناه دبى

ويحكى عن تفاصيل الدوله العثمانيه واشهر سلاطينها السلطان سليمان وامجاده العظيمه






خربشه

لكن سلاطين زماان ديل كانوا مرتاحين خلااااس .. جوارى .. واغانى .. واحساسهم بالحاجات مدفق فى كل حته




الخرباااااااااااااش

شايفاك الأيام دي أحاسيسك متلخبطة
وشكلو نفسك كدا في فته فول بالزيت ولا باسطة من المحل داااااك ياخ

كدي وصل لينا الوصلة القطعتها بالأول وبعدين نتفاهم

أبو حمزة
06-07-2012, 10:17 PM
كدى النتكسر ليكم شويه

زمان زمن الرومانسيه المفرطه ديك .. ورحله البحث عن حب واحساس جميل

رغم الفصاحه الظاهره فى كل جدران الجامعه عبر برطعات النوارس الا انو احساس العزله الداخلى احساس جميل

احسه وحدى .. ويؤانسنى وحدى .. واحصده بلاشك وحدى ..

كانت جميله جدا ... شفيفه جدا .. رهيفه جدا .. جمعنا موضوع ما جاءت لتشارك به فى صحيفه شعاع النوارس

ومن ديك وعييييييك ... انا زول كيشه ساى .. لاافهم لغه الاحساس لما يتوجه ليك

كان لدى صديقى جمال .. وريف الاحساس الطفولى لذلك كنا نسميه بسيط

ياتينى دوما ليذكرنى ان فلانه دييييييك .. بتهتم بيك من نظراتها من حاجات كتيره هو شايفها

وانا لا .. وبصر على انو مافى شىء ..

ذات يوم ما .. جاتنى هى ومعها خطاب من ورقتين فلسكاب .. ورجتنى ان اقرا هذا بعد ان اصل البيت

اتخيلتو موضوع جديد للصحيفه .. وكان الامر عادى

وعند العوده .. فتحت الوريقات .. واندمجت مع الحروف ... حدثتنى عن حياتها .. وعن انها مخطوبه .. لشخص اسمه عبدالرحمن

يعنى نفس الاسم .. ياابوعبدالرحمن .. لكن على حسب تعبيرها هناك فرق شاسع بين عبدالرحمن الذى مستقبلها وبين تفاصيل جواها

تحلم بها .. هو ابعد مايكون منها .. جفاف يغطى كل شىء .. ودواخله صحراء .. لاشعر .. لاحرف ندى .. ولا اطلاله تعامل راق

مجتمتعها على حسب مارسمته .. يعامل المراه كانها طوبه .. لااحساس لديها .. تماما مثل المقولات المندثره ديييك

المره شاورها .. وخالفها

والمره كان بقت فاس مابتشق الراسها

وكان قرت قانون ماعندنا ليها غير الكانون

اها لحدى هنا الموضوع عادى .. الماعادى انو التقاء الاسم .. جعل شكل المقارنه متاح لحدى ما وصلت مرحله انعدام وزن احساسى

جعلها تحس بالذنب من احساسها الغلط .. وكان تساؤلها .. هل هو غلط احساسها دا ...؟؟

عندما تحس بانها ماتبحث عنه من تفاصيل تحتاج تجدها عند اخر ولاتجدها عند شريك مستقبلها .....الخ




بمشى وبجيكم اقول ليكم كان ردى فعلى شنو انا


يا خربشة.. شائفك جيت لكن.. طشيت من الموضوع..
يا أخوي واصل لينا هنا.. خليت قلوبنا ناس تعمل تل تل تل..
معقولة بس...!؟
***
* تخريمة بالجنبة: يا ناس أنا ماليني شوووق وإحساس بالخوف وحاجة للبكاء.. أكون مالي..!

أبو حمزة
12-08-2014, 08:13 AM
هل من خربشة هنا ...!
تعيد لنا شيء من هناك..!

عبدالرحمن مدثر
12-08-2014, 08:33 AM
سنجتهد .. من اجل احساسك الغالي

mahagoub
13-08-2014, 08:13 AM
وين يا فرده
احساسك جميل
بس حكومتك اقوى
يديكم العافيه