رسالة ..... له - لها

[ahmed algam]

رساله لها


اشتقت ليك

اشتقت ابحر في عينايك معاك

اشتقت لي اللهفة والشوق والحنان

اشتقت ليك

[تغريد]

رسالة له

قربتا تزهجني تصدق

بس برضو مااااااااااااادة حبل الصبر

[ahmed algam]

رساله لها


شنو يعني كمية الشوق دي كلها


وبعد دا مطنشانا

لاحول ولا قوة الابالله

[مدناوية]

وينك لا حس ولا خبر ؟؟؟

طولنا من شوفتك ...

[الملكة اسماء ( ام محمد )]

رسالة :له
لو صدق ظني
ح اصور قتيل في البلد دي

[ahmed algam]

رساله لها


روقي المنقة


وخليك كده

[الملكة اسماء ( ام محمد )]

رسالة : لهما

امتلك في الحياة ..كنزين
انت و حمودي

الله لايحرمني منك
ولا من حمودي

[خالد علونى]

لها ولها فقط


http://www.zwani.com/graphics/i_miss_you/images/11.jpg

[ناصر عمر دبيب]

شايل جراح فى الغربه مشتاق لعينيك
اسرح واعيد الكان بعيد خطواتى تتلهف عليك
شفت القمر سرحان يطول ياليل يطول شوقى لنور وجنتيك
ضمنى لو كان فى الخيال خلينى لحظات بين ايديك
زهرة صباي جنة هواى امشى واتوه ارجع واجيك
بعدتنى عنك غربتى وفى خيالى ديمه اشوف عينيك
وهاتى بيييييك واحن الييييك
فى بسمتك احتار واقيف فى نظرتك خطوات مشيك
فرع القوام محياك يقيف للعاشقين
رحلة غيوم تحمل رسائل تحمل رسائلى
فى الوطن تسال عليك
لابد اعود فى يوم اكيد واتهنى بيك
وهاتى بيك واحن اليك

[الملكة اسماء ( ام محمد )]

عارفة اني في حياتك ... كلمة حلوة
بس حلاتها راح تزيد ... لما اتعود عليها

[الملكة اسماء ( ام محمد )]

باينها قصة ... محبوكة صح

[تغريد]

رسالة لها

ربنا يسعدك محل ما تقبلي يا غالية

جد معزتك كبيرة عندي

[الملكة اسماء ( ام محمد )]

احتاج
باقي اوراقي
واقلامي

وبعض ذكرياتي الجميلة

وحقيبة
بلون امنية اخيرة

ودمعة بلون احتياجي
ودعوات من احببت




قبل ان اعلن رحيلي

[الملكة اسماء ( ام محمد )]

ابداً
ما كنت اظنك ....حلما مستحيل
رغم ماقلنا وما قالوا .. وقيل

[مدناوية]

رسالة له:



لا تكن كالباعوضة التي تعض صاحب المنزل الذي تعيش فيه ،،،

[الملكة اسماء ( ام محمد )]

تفتكر هقدر اسيبك

تفتكر هنسى الليالي

قلبي مهما يكون ..حبيبك

و انت ادرى الناس بحالي





السؤال جاوب عليه

اظلمك يا حبيبي ليه

يا حبيبي لو حبيبي

انسى كل الي احنا فيه

خذ عيوني شوفني بيها

شوف بحبك قد ايه

[ناصر عمر دبيب]

كل ماسآلت عليك صدونى حراسك

ردو الجواب قاسى مع انى من ناسك

ردو الجواب قالو كم غيرك احتالو

غير صدهم لاشئ مننا نالو

ياقاسى ياقاسى هل يرضى ماقالو

كان انتا ماهاميك ولا حرك احساسك

ياغالى ياغالى يالديمه فى بالى

وجفاك حارمنى من لهجك الحانى

انافى هواك ياجميل تتحطم آمالى

انا برضى بستناك والصبر يحلالى

كل ماشذاك يسرى فى قلبك السحرى

ييقظ لهيب الشوق والهوى العذرى

اهواك ودارى هواك لوينقضى عمرى

اناعمرى بادئ على عطفك واحساسك

[ناصر عمر دبيب]

غـريبه نـعيش زي الأغراب وما نتهنى بالريده

وكـلما نـشتل الأفـراح تـجي الأقدار تمد إيده

تـشيل أمـل العمر كلو وتبكى عيوني يوم عيده

وصحى القالوهو في الريده بتعرف بس ظلم سيده

وأنـا الـشقيان أرضـيكِ عـشان أهلك بخليكِ

?????

[الملكة اسماء ( ام محمد )]

غدا نمضي كما جئنا وقد ننسى بريق الضوء والالوان ...
وقد نهفو الى زمن بلا عنوان ..وقد ننسى ..
وقد ننسى ..
فلا يبقى شيئا لنذكره مع النسيان فيكفي اننا يوما تمردنا على الاحزان
..ويكفي اننا يوما تلاقينا بلا استئذان

[الملكة اسماء ( ام محمد )]

صبرا ياعمري لن ترى دمعي يسيل

[alanssary]

لا تتوهم بعشقى لغيرك

فما عاد لقلبى رفيق غير قلبك

[تغريد]

رساله لها فقط

كل لحظة وأنتي لي حمودي كل الدنيا

ربنا يسعدك ويحفظ ليك حمودي وداااااايما نشوفك مبسوطة

happy mother day

[مدناوية]

رسالة لهم :

القعدة معاكم جد جميلة ...

وونستكم ممتعة للغاية ...


إن شاء الله دايماً ملمومين في ساعة خير ...

[الملكة اسماء ( ام محمد )]

رسالة ...لورقة

اشتاقك

فكم شهدتي من كلمات ( عبرت عن شيء ولو قليل بداخلي)

اشتاقك

[الملكة اسماء ( ام محمد )]

رساله لها فقط

كل لحظة وأنتي لي حمودي كل الدنيا

ربنا يسعدك ويحفظ ليك حمودي وداااااايما نشوفك مبسوطة

happy mother day




ويخليك ياغالية
ويسعدك في كل خطوة

كل عام وانتِ وكل من تحبين بالف خير

[مدناوية]

سلامتك يا أغلى من في الوجود ..


رسالة لست الحبايب ..

[الملكة اسماء ( ام محمد )]

ههههههههههههههههه
ههههههههههههه
ههههههههههه

استغفرك ياملك روحي


غايتو يوم بموت ليكم ضحك

والله انتوا احلى ناس

الله يديكم العافية

[خالد علونى]

بســـــــــــــــــــــــــم الله

[ahmed algam]

رساله لها

!!!!!!!!!!

[ناصر عمر دبيب]

سمحة الصدف حلوة الظروف
وأنا ياجميل دايماً بقول حلوة الظروف
*****
أصلي ماقادر أصف كل الحصل
أصلو الحصل مابتوصف لابي غني ولابي حرف
غايب سنة وفي لحظة بس نلقاك هنا
بالله شوف سمحة الصدف حلوة الظروف
*****
اللقيا عاد ماأجملا والله من يوم الرحيل
لاشوفتك السمحة إتلقت ولاضقنا من بعدك حلا
الشوق يزيد والنار تقيد ولا عيني خاتيها الأسى
ولاشوقي قال للدمعة لا
الليلة بي شوفة الجميل عيوني تبقى مكحلا
بالله شوف سمحة الصدف حلوة الظروف

[الملكة اسماء ( ام محمد )]

اني اغرق

حتما اغرق

والا فما معنى شعوري بالاختناق ؟
وماسبب احتباس انفاسي كلما تذكرت انك ..........هنااااااااااااك

وحدك تعاني ........ غربتك

[الملكة اسماء ( ام محمد )]

رسالة : له

احزن
حين ااخرج من دوامة انشغالي بحثا عنك

لتمدني شئ من ضياء التفائل .... والصبر


ولا اجدك

[خالد علونى]

رسالة : له

احزن
حين ااخرج من دوامة انشغالي بحثا عنك

لتمدني شئ من ضياء التفائل .... والصبر


ولا اجدك





الله يكون في عونك

[ناصر عمر دبيب]

مشغول وحياتِك

مشغول وحياتِك مشغول
بزرع بالشوق افراح وحقول
ببني ليك في القمر مسكن لابطولو حزن لاوشاية زول

بسرح معاك في جنه في إطار بستان بالريد مشتول
حلوه الأيام الجمعتنا نتمنى سنينها ديمه تطول
نفضل في ربيع دايماً اخضر لايزورو جفاف لاعمرو يزول
ونغني قصايد قصتنا ونحكي الريد الفي العين مشيول
وازرع بي فالك ياحلوه بي ريدِك بوادي حقول

مشغول وحياتِك مشغول

مشغول بحميك من عازلنا غيران بيك بالهم مكتول
بحميك من دنيا تعذبنا من قدراً غدار في الغد مجهول
عندي سلامتِك بالدنيا اكبر من وصفاً احكيهو بالقول
إحن الزرعنا مشاتل ريد وهواك في قليبي كمان مشتول

مشغول وحياتِك مشغول

وأداعي ليك ياعيون رنانه بتضحك لي
إمكن القاك وامكن في يوم حتغيبي علي
وإمكن اشرح انا حالي البي

مشغول وحياتِك مشغول
بزرع بالشوق افراح وحقول
ببني ليك في القمر مسكن لابطولو حزن لاوشاية زول

[esmat]

إذا فزع الفؤاد ذهب الرقاد

[الفخيييم]

إذا فزع الفؤاد ذهب الرقاد

رقاد واطة ولا شنو؟؟؟

[esmat]

رقاد واطة ولا شنو؟؟؟

إذا احس قلبك بما يقاسيه الحبيب
لا ضير بالتمرغ في التراب

[مدناوية]

غايتو الجزيرة دي ...


ختيت ليها القدرها ...

[تغريد]

غايتو الجزيرة دي ...


ختيت ليها القدرها ...



يااااااااااااااااااارب تكون الجزيرة القطرية

مدناوية


ليه كدا يختي

رووووووقي المنقة

[مدناوية]

يااااااااااااااااااارب تكون الجزيرة القطرية

مدناوية


ليه كدا يختي

رووووووقي المنقة






المشكلة ما قادرة أفتو يا تغريد ....

[الفخيييم]

إذا احس قلبك بما يقاسيه الحبيب
لا ضير بالتمرغ في التراب

اقول ليك سر لا ضير
دي عجبتني لمن تمرغت بالتراب!!!

تخريمة: لابد من وقفة صلبة مع معاناة
الحبيب واجتثاثها من جذورها لكن التمرغ
في التراب لا يسهم في حل الاشكال والقساوة!!!
اي انواع التراب؟ الصعيد الطاهر ولا رملة البحر؟؟؟

[مدناوية]

ياغالية ...

ربنا يحفظك لينا ...


من غيرك ولا نسوى حاجة ...

[ahmed algam]

اللهم امين يارب

[مدناوية]

عيونك زي سحابة صيف تجافي بلاد وتسقي بلاد ..


وزى كلمات بتتاوه تتوه لمن يجي الميعاد ...


وزي فرحا بيشيل مني الشقا ويزداد ..


وزي عيدا غشاني وفات عم البلد أعياد ...


وزي وطنا وقت أشتاقلو برحل لية من غير زاد ..


بدون عينييك بصبح زول بدون ذكري وبدون ميلاد ...

[esmat]

اقول ليك سر لا ضير
دي عجبتني لمن تمرغت بالتراب!!!

تخريمة: لابد من وقفة صلبة مع معاناة
الحبيب واجتثاثها من جذورها لكن التمرغ
في التراب لا يسهم في حل الاشكال والقساوة!!!
اي انواع التراب؟ الصعيد الطاهر ولا رملة البحر؟؟؟

بل انه يسهم في حل الاشكال ايها الفخيم
اخذ المعني البعيد ولا تأخذ القريب

فدموع عينها كقطرات الندي
افرغتها من اجلك ليتك تحتويها

[معتز الريح]

" وإذا حييتم بتحية فحيو بأحسن منها أو ردوها "
على الأقل ردوها .. يعني من الذوق بس ..

-----------------------------------------------
من كتاب الاتكيت وفن التعامل ..

[ahmed algam]

سلام عليكم

[مدناوية]

واجعنى فى البحر... السكات ..


وسكتنى فى الوجع .. البحر ...

[مدناوية]

طال الغياب ...

ولكن ...

علمني البحر .. أن أصبر ...

وأغوص في الأعماق .. أبحث ...

بيد أن اليوم ... ثار في وجهي...

فعرفت كيف يسدل الستار...

[الفخيييم]

واجعنى فى البحر... السكات ..


وسكتنى فى الوجع .. البحر ...

السكات ده نوع جديد من انواع السمك؟؟؟
والوجع نوع من انواع الطمئ؟؟؟

أقول ليك سر السكات ولا الكلام الني!!!

[بت أم درمان]

اني اغرق

حتما اغرق



البت دي من يوم قالت انها تغرق تاني ما ظهرت
يا زولة كدي قولي خير وتعالي

[esmat]

" وإذا حييتم بتحية فحيو بأحسن منها أو ردوها "
على الأقل ردوها .. يعني من الذوق بس ..

-----------------------------------------------
من كتاب الاتكيت وفن التعامل ..

وعليكم السلام ورحمة الله وبركاته

نيابة عن ...

[مدناوية]

وعليكم السلام ورحمة الله وبركاته

نيابة عن ...








إسمت بالإنقليزي ياخ ما تبالغ ...


إنت قايل سلامك زي سلام .......... ؟؟؟؟

[مدناوية]

رسالة له ...



ياخي أبعد عن طريقي ...


حل عن سمايا ...


كفاية ياخي ....

[تغريد]

أسماء الملكة

مازلنا نبحث عنكي

ويييييييييينك يا غالية

[تغريد]

مشتاقيييييييين بالجد

[esmat]

إسمت بالإنقليزي ياخ ما تبالغ ...


إنت قايل سلامك زي سلام .......... ؟؟؟؟

يامدناوية
والله طبعاً قلنا ما دام ........ ما ردت وكدا
وما عملت بالإتكيت قلنا برد الجو شوية
ان شاء الله بي حبة الموية دي عسى ولعل
عشان بعدين صاحبي دا لما (اتزنق ) بقول ما عندنا (أوتكيت) وكدا

[esmat]

مشتاقيييييييين بالجد

عقدتونااااااااااااا ياخ (وش خجلان)

[مدناوية]

يامدناوية
والله طبعاً قلنا ما دام ........ ما ردت وكدا
وما عملت بالإتكيت قلنا برد الجو شوية
ان شاء الله بي حبة الموية دي عسى ولعل
عشان بعدين صاحبي دا لما (اتزنق ) بقول ما عندنا (أوتكيت) وكدا










تفتكر يا إسمت بالإنقليزي ........... أدتو شاكوش ليه ؟؟؟

حتى السلام ما ردتو ....





زماااااااااان قلنا الخفة مي سمحة ...

[مدناوية]

رسالة له:


زي ما بتقول حبوبة ..

إنت يايمة لا تفوت لا تموت ...

[esmat]

تفتكر يا إسمت بالإنقليزي ........... أدتو شاكوش ليه ؟؟؟
حتى السلام ما ردتو ....
زماااااااااان قلنا الخفة مي سمحة ...

شكلها كدا السلام الزي سلام الشهيد (الزبير) دا ما جايب حقو
اهو في آخرها قلب (انفصال)

[مدناوية]

شكلها كدا السلام الزي سلام الشهيد (الزبير) دا ما جايب حقو
اهو في آخرها قلب (انفصال)




الغريبة ود الريح تاني ما جانا داخل ...


على الأقل كان يجي يشوفها ردت السلام ولا لسة ...


هو بيني وبينك ... أخير ما يجي .. لأنو ما حيلقى غيري وغيرك ..

[مدناوية]

رسالة ليك يا غالية ... يا ست الكل ... يا ست الحبايب ...



أمي يا دار السلام الله يسلمك

للشاعر/ التجاني الحاج موسى


ضُل الضَحى الرامي
وشمس شتوية دفاية
وريحة الُبن لما تفوح في قلاية
وفروة جدي.. صورة جدي..
لمن جيت أمد إيدي:
«جدي!! أديني تعريفة!!»
«بتقرا الحمدو يا المبروك؟!»صورة تنزاح وتتلمَّ
وآه يا يمه والله زمان!!

***

وقُصر القول.. شايل اللوم
ويوماً جابني للبندر:
وحاتك إنت يا الغالية
ولابسني الخجل من راسي لي كرعيا
شايلة وأحوم!!
وها دي الحالة في الخرتوم!!
أهو عايش شقي ومهموم..
وإنت الله يسلمك..
أمي الله يسلمك..

ويديكي لي طول العمر
في الدنيا - يوم - ما يألمك..
أمي يا «دار السلام»
يا حصني لو جار الزمان
ختيتي في قلبي اليقين
يا مطمناني بطمنك

خيرك عليّ بالجد كتير
يا مرضعاني الطيبة بالصبر الجميل

يا منتهى الريد ومتبدا
إن شاء الله..

أنا مهما أصفح عن مشاعري
برضو بيخوني الكلام

وقولة «بحبك» ما بتكفي
وكل كلمات الغرام

يا منتهى الريد ومبتدا
إن شاء الله - الله يسلمك

وأشوفك بي خيال حالم
تشاوري وترقص السبحة
ملامح العابد الصايم
تشع فوق جبهتك سمحة

وشيبك يحاكي ضي النور
مزدان يمة في الطرحة
وتبسم ليَّ
أمد إيدي..
يتلاشى الحلم وأصحى
ويتقطر عرق مالح

ويسكن فيني كل الهم
وأشم ريحة ندم جارح
وأرفس زي بخارج الروح
وزي عصفورة منجرحة
فارقت الفضا البارح
وآه يا يمة والله زمان!!

***

وَهَمْ كُل المدائن وَهّم..
وَهَمْ غرقانة في زخم الحضارة الغم..
حضارة بتحصد الإنسان
وتزرع في مكانو الغم..
وآه يا يمة والله زمان!!

بقراها.. وشان تعريفة ألقاها،
بجود في القراية كمان»
وآه يا يمة والله زمان!!

**
وسبحة «بت الفكي»
والطورية والواسوق.. وسعف حبوبة والكورية والحنقوق
وصوت سعدية.. بت جيرانا
تشحد ليها في طايوق
وصوت «عرفة» لما تخمج الدلوكة غناية
وحبة فريك لموهو لي رمضان
مصرور في مخلاية
صور محفورة جوايا
من يوم داك..
ولي الليلة..
ولي بكرة..
وبعد باكر..
شان الزمن غدار وما معروف
زمن مكار زمن كافر!!
وآه يا يمة والله زمان!!

***

مشتاق يمه لي ملاح النعيمية
وريحة صاجك المحروق
لما تسوي طعمية..
وغُباشة روب..
وعنزة حلوب..
بدور أرحل أجيكي هناك
ضاقت بيّا يمه هنا!!
بدور أتمسى بصوتك
وأصابحك يا حبيبتي أنا..
صباح الخير على عيونك
أتاري الدنيا من دونك
شينة ومُرة ما بتندار..
دي مُرة مرارة يا يمة،
دي مُرة وحارة زي النار
ولو بدوري أحكي ليك كيف أحوالي في البندر؟
من وين عايزة أبدا لك
من وين عايزة - بس - من وين؟!
مو شيتاً غريب وعجيب!!
دى شيتاً كلو شين في شين!!
هنا الزول عديل ونصيح،
وحاتك إنت يا الغالية..
بيعيش حياتو يوماتي بي وشين .
وزولتي الحتى حبيتها
لقيتا بلاي تحب زولين!!
وآه يا يمة والله زمان!!

**

وقشة عيني من النوم
معاي بشيل هموم باكر!!
قبل ما أشيل هموم اليوم
وأختها خطوتي الأولى أعدي الباب،
تبدا تدق طبول الهم..
خواطر تذهل الألباب!!
وأقابلك يا شوارع الجِّن..
وفي جوايا حاجة تئن..
وأشد وتر الحزن وأعزف
تموت غنواتي يا يمة
ويخنقني الغُنا وأنزف
وتنتر في العروق حمى
خيال بيتنا الحنين يرجف
خيال بيتنا القديم يرجف



***

[مدناوية]

رسالة له ...

إبعد ...

وإحفظ ماء وجهك ...

[مدناوية]

رسالة له:


ليست المشكلة أن تخطئى ..

حتى لو كان خطئك جسيما ..

وليست الميزة أن تعترف بالخطأ وتتقبل النصح ..

إنما العمل الجبار الذى ينتظرك حقا هو أن لااااا تعود للخطأ أبدا ..

[سروية]

وأفتش ليك حناني معاي
أماني تصارع المكتوب
عشانك لا مسافة تطول
ولا تصعب معاك دروب
وقلبي عليك

[مدناوية]

ليه بنهرب من مصيرنا ...

نقضي أيامنا في عذاب ...

[مدناوية]

لو أن الحرف يطاوعني ***** لصنعت به أحلى الكلمات

لو أن القافية تتبعُني ***** لكسوت الكون بها حُلات

لو كنت ضليعاً في الشعر ***** لرسمت به أجمل لوحات

لكني أنا لست كذلك ***** بل أعشق حُلو الكلمات

[مدناوية]

كنته عاوزة أكتب كلام ...


لكن لاوزت ... قلته هسي بت أم در ..

تجي تقول حالة شنو كدا ما عارفة مغمسة في مرارة ولا في شنو كدا ...


غايتو جنس غايتو ...

[مدناوية]

عاوز تعرف غلاوتك؟؟؟

والله ما محتاج ..

غالي وأغلى من الغلا ...

[ahmed algam]

مشاق000 ليك

[مدناوية]

كلمني يا حلو العيون .. اسرني صمتك يا حنون ..

كلمني حاول حس بي ..

كلمني وأرمي اللوم علي ...

كلمني والكان يكون ..

كلمني ياحلو العيون ...

[سروية]

تعبت من شوق الغمامة الياما عانت ارتحاااال

[سروية]

راجع بعد كمل الحنا ن؟؟

طاااال السفر والشوق فتر

ياريت روجعك كان زمااان

[مدناوية]

ما تنسى وعدك لي ...

[عبدالله محمد]

"]ياسرور شكلك مشوكشة[/color][/color]

[النويري]

وين يا أخوانا أنت الملكة إنشاء الله تكون طيبة الشيخ عبد الباقي

[بت مارنجان]

وين يا أخوانا أنت الملكة إنشاء الله تكون طيبة الشيخ عبد الباقي


يمكن تكون زعلانة من شئ ياربي البنية دي :confused:
لكن الزولة دي بتاخد حقها مابتخليه :o


ملكة لو في زول عمل اي شنكبة عنكبة ورينا انا واختك مايسة اصلو بقينا متعهدين
شكلات وتصادمات ومعانا النويري زاتو
بس مسكينا طرف الخيط والباقي علينا :o

[بت أم درمان]

انا واختك مايسة اصلو بقينا متعهدين
شكلات وتصادمات ومعانا النويري زاتو
بس مسكينا طرف الخيط والباقي علينا :o


ــهههههههههههههـ
اعتراف وتصريح خطير جنس خطر
ودا للتثبيت

صح يا ملكة وين انتي؟
والله ساءلين عنك
حتى اسألي مدنية انا قلت ليها شنو

[بت مارنجان]

ــهههههههههههههـ
اعتراف وتصريح خطير جنس خطر
ودا للتثبيت

صح يا ملكة وين انتي؟
والله ساءلين عنك
حتى اسألي مدنية انا قلت ليها شنو

سعدية ازيك يختي
معترفة ياهناية وماداساه :p

بالنسبة للبت اسومة "الطقطاقة :o"

والله لي يومين بتصل عليها جوالها مغلق بتجيني مرة كدة تقول لي الزولة دي
خــــــــــــــــــــــــــارج نطاق التغطية ...
اها ربنا ان شاء الله يدخلك يااسومة جوة الشبكة وداخل نطاق التغطية عشان نطمأن عليك

[مدناوية]

يا مسافر وناسي هواك ..

أرواحنا وقلوبنا معاك ...

[مدناوية]

أحسن تختاني الليلة ...

[خالد علونى]

كنت بستلطفا




















وما داير زول يعرفا










يا ................................... كرهتيني في اليوم العرفتك فيه

[مدنيّة]

غايتو ياعلوني
شكلك زعلان جنس زعل :cool:

[خالد علونى]

غايتو ياعلوني
شكلك زعلان جنس زعل :cool:













زعلان بس


والله لو كانت قدامي






























كانت قلت ليها انا بكرهك بكرهك بكرهك

[مدناوية]

ما حلوة منك الحركة دي ...

[بت أم درمان]

أحسن تختاني الليلة ...



الزولة دي شكااااااالة اخير خليها في حالها
ما تقوم ترتكب جريمة في الحتة دي
انا عارفاها متهورة

[بت أم درمان]

زعلان بس

والله لو كانت قدامي

كانت قلت ليها انا بكرهك بكرهك بكرهك



هههههههههههههههههههههههههه

كضاااااااااااااااااااااااااااااااااااااااااااااااب :o:p

[مايسة]

جمعة مباركة له ولها

[خالد علونى]

هههههههههههههههههههههههههه

كضاااااااااااااااااااااااااااااااااااااااااااااااب :o:p







والله ما كضاب






لكين المسامح كريم






وانا ما كريم





بت ام در


صباحك عافية



مايسة


جمعة مباركة عليك وعلي الجميع

[مدناوية]

الزولة دي شكااااااالة اخير خليها في حالها
ما تقوم ترتكب جريمة في الحتة دي
انا عارفاها متهورة





يسلم خشمك ...

ما قلتي حاجة غلت كلو كلو ...

[ahmed algam]

بعد الغياب


يذداد الشوق

عشان كده بقوليها يعلم ربي


مشتااااااااااااااق

[مدنيّة]

زعلان بس


والله لو كانت قدامي



كانت قلت ليها انا بكرهك بكرهك بكرهك




خلي قلبك معاي شوية


هسي تاني انا بنفعل مع زعل ليك ياعلوني ؟ ههههههههههههه

[مايسة]

رســـالة لـــه

والله حرام عليك

وربنا يسامحك بس على الاتهامات الاطلقتها دي كلها

يعلم الله ما هو قصدي -

لا يغلبني الرد ولكن ... - ولكن عشان خااطر عين تكرم مية عين -

ومصيرك بكرة تعرف - وتتضح ليك الصورة اكتر واكتر

وصحي الما بعرفك يجهلك :(

[بت أم درمان]

لـــه - لـــها - لـيكم كلكم

إبتسموا - فالرزق مقسوم - والقدر محسوم - وأحوال الدنيا لا تستحق الهوم

[ناصر عمر دبيب]

اشتقت ليك ؟؟

[الفخيييم]

من شدة الشوق العلي ما
قدرت أكتب فيك حرف ومن
لهفة اللوعة في عيني يا
روحي داير اعترف انو الحروف
تصعب علي لمن تزور حرف الولف...
انا كنت حاسس بيك في جواي
قبل ما اعرفك انا كنت داير احكي
ليك عن البحسو عن البدسو واوصفك
الا الكلام صعبان علي ما لاقي ليهو
حروف جديدة توصفك من شدة الشوق العلي..
انا لسه تايه في دروب حبك براي اشيد في مشاعرك عن لقاء..
واسبق خطاك شان اوصلك يمكن
تعوضي لي ايام الشقي و يا ريت
تكوني بحور حنان واجيب مشاعري
بكل شوق واغرقها واجيب مشاعري
بكل شوق وأغرقها..

[خالد علونى]

هسي تاني انا بنفعل مع زعل ليك ياعلوني ؟ ههههههههههههه






عليك الله يا مدنية في حاجة في الدينا دي أجمل من التناقض





ياخي والله الحتة دي ممتعة لي درجة شامبيون زاتو





لكين صدقيني دا إحساسي في وقت واااااااااااااااااااااااااااحد



أسوي شنو؟



مافي زول ماشي التجاني الماحي قريب يوديني معاه يا جماعة الخير


















وياااااااااااااااااااااااااااااااااا.............. .............












ما بقول

[بت مارنجان]

رســـالة لـــه

والله حرام عليك

وربنا يسامحك بس على الاتهامات الاطلقتها دي كلها

يعلم الله ما هو قصدي -

لا يغلبني الرد ولكن ... - ولكن عشان خااطر عين تكرم مية عين -

ومصيرك بكرة تعرف - وتتضح ليك الصورة اكتر واكتر

وصحي الما بعرفك يجهلك :(


اجي يابتي

انا شكلي خارج نطاق الشبكة الايام دي :confused:

[مايسة]

اجي يابتي

انا شكلي خارج نطاق الشبكة الايام دي :confused:


انتي فاضية لكن :mad::p

[بت مارنجان]

انتي فاضية لكن :mad::p

وووب ياهناية النبي فتيه ياخ :o

انتي ماعارفة الحاصل ياخ :(

[مايسة]

وووب ياهناية النبي فتيه ياخ :o

انتي ماعارفة الحاصل ياخ :(


افت ليه شنو :mad:

هو مااااا ظاااهر يا بت :cool:

[مايسة]

له



تفلق وتداوي :mad:

[بت الجزيرة]

رساله:لست الكل
بشتاق قوام لطلتك :(

[بت الجزيرة]

رساله ليها ليها ليها
زولك دا بتاع حركــــــــــــــــــــــــات يامفتحة ,عجبني ليك شديد

اها ماتجي ست البورد دا كمان تطردنا

[مايسة]

رساله ليها ليها ليها
زولك دا بتاع حركــــــــــــــــــــــــات يامفتحة ,عجبني ليك شديد

اها ماتجي ست البورد دا كمان تطردنا


يا ريت لو تجي والله :(

ما تشمتي ياخ :mad:

[الجندي المجهول]

بصراحة
عندي احساس انه يمكن لهؤلاء الثلاثة تكوين عصابة وحا تكون ناجحة جدا لتوفر المناخ والامكانيات :
1/ بت مارنجان
2/ مايسة
3/ بت الجزيرة

تنبيه : ممنوع زول يجي يسالني ليه ؟

تخريمة : اشرس عصابة اجتاجت اوروبا بعد الحرب العالمية الاولي كان رئيسها ( امراة)

لحن الختام : اقول انساك وعارف اني ما بقدر مهما قساك على يطول يزيد شوقي وهواك اكتر

بالزقاق : انا راجع الان العام والسياسي ( النفاج دا ما بقدر عليهو ) سلام

[بت الجزيرة]

بصراحة
عندي احساس انه يمكن لهؤلاء الثلاثة تكوين عصابة وحا تكون ناجحة جدا لتوفر المناخ والامكانيات :
1/ بت مارنجان
2/ مايسة
3/ بت الجزيرة


نسيت واحدة فقدنها الناس ديل وقالو بتشبهني

[الفخيييم]

نسيت واحدة فقدنها الناس ديل وقالو بتشبهني

عرفتي من وين انها واحدة؟؟؟
هم قالو بتشبهي شخصية
قد تكون واحدة وقد يكون واحد
ولا شنو؟؟؟!!!

[الجندي المجهول]

نسيت واحدة فقدنها الناس ديل وقالو بتشبهني
طيب وريني ليها دي منو قبل ما اشد الرحال ...

بي خرم الباب : يعني انتو 4 ما 3 ؟

[بت الجزيرة]

عرفتي من وين انها واحدة؟؟؟
هم قالو بتشبهي شخصية
قد تكون واحدة وقد يكون واحد
ولا شنو؟؟؟!!!

انت ماعندك شغلة غيري والا شنو ؟هي واحدة ومااظن وحدة بحلاتي بتشبه شخص راجل , وراااااااجع مشاركاتهم يافهيم ,ولوطلع كلامي صاح بسيب ليك المنتدى ياخوي ,ماعرفناك محقق والا عضو

[مدناوية]

في الحالة دي .. أبعد بعييييييد ..

[بت الجزيرة]

طيب وريني ليها دي منو قبل ما اشد الرحال ...

بي خرم الباب : يعني انتو 4 ما 3 ؟

نستنا الفخيم يجاوبك, اديهو صورتك الرمزية دي عليك الله

[الفخيييم]

بصراحة
عندي احساس انه يمكن لهؤلاء الثلاثة تكوين عصابة وحا تكون ناجحة جدا لتوفر المناخ والامكانيات :
1/ بت مارنجان
2/ مايسة
3/ بت الجزيرة

تنبيه : ممنوع زول يجي يسالني ليه ؟

تخريمة : اشرس عصابة اجتاجت اوروبا بعد الحرب العالمية الاولي كان رئيسها ( امراة)

لحن الختام : اقول انساك وعارف اني ما بقدر مهما قساك على يطول يزيد شوقي وهواك اكتر

بالزقاق : انا راجع الان العام والسياسي ( النفاج دا ما بقدر عليهو ) سلام

يا جندينا لقيتك منسق ماهر
بتنفع في قسم التنسيق..
خصوصاً كده الجماعات المخربة!!


تخريمة: العام والسياسي دي
الوهمة ذاتها ، حيرتنا يا جندينا!!!

[الفخيييم]

انت ماعندك شغلة غيري والا شنو ؟هي واحدة ومااظن وحدة بحلاتي بتشبه شخص راجل , وراااااااجع مشاركاتهم يافهيم ,ولوطلع كلامي صاح بسيب ليك المنتدى ياخوي ,ماعرفناك محقق والا عضو

شنو يا بتنا اللهجة السخنة دي؟؟؟
ما بتشبه حلاتك علي قولك الرقة وين؟؟؟
ما عندي شغلة غيرك كيف يعني؟؟؟


تخريمة: انا محقق وعضو وطيار وسواق ترلة
اي استفسارات اخري استلفي الصورة الرمزية
للجندي وح تتوصلي ليها!!!

[مايسة]

نسيت واحدة فقدنها الناس ديل وقالو بتشبهني


يا جماااعة في شنو

بت الجزيرة دقيقة النفهمك - وانت يا الفخيييم مالك يا اخوي براااااااحة شوية علينا

[بت الجزيرة]

يا جماااعة في شنو

بت الجزيرة دقيقة النفهمك - وانت يا الفخيييم مالك يا اخوي براااااااحة شوية علينا
اللهم لااعتراض , طيب تعالي انتي .جاوبي السؤال الفوق انتو مشبهني بعضو والا عضوة عشان اشوف القصة دي اخرها شنو

[الفخيييم]

في الحالة دي .. أبعد بعييييييد ..

ما تنسي الشخيط...

[مايسة]

الفخييم صرااحة انت بتلفح سااااي

انا كلامي ما فيهو حاجة ياخ - شبهتها بزولة والله فاقداها بالجد في الفترة دي بس - ما تسرح بخيالك ياخ وتجيب لينا الهوا ساااي - الله يرضي عليك


بت الجزيرة - والله انا آسفة اذا ضايقتك وقلته ليك ذكرتيني واحدة معانا هنا - ربنا يديكي العافية

بس صراحة نفسك حاار شديد انتي - ياخ:p:cool:

[الفخيييم]

اللهم لااعتراض , طيب تعالي انتي .جاوبي السؤال الفوق انتو مشبهني بعضو والا عضوة عشان اشوف القصة دي اخرها شنو

الما لقي شبهو المولي قبحو قالوا ولم نقل نحن!!!
ويخلق من الشبه اربعين والعهدة علي الراوي...


تخريمة: بت الجزيرة طولي بالك ونحن كلنا
أخوان ولك العتبي حتي ترضي لو تضايقتي
من تشبيه اختنا مايسة ليك بشخصية متفردة
في هذا الصرح ودي عادي بتحصل مافي داعي
للزعل ولاشنو؟؟؟؟

[بت الجزيرة]

الما لقي شبهو المولي قبحو قالوا ولم نقل نحن!!!
ويخلق من الشبه اربعين والعهدة علي الراوي...


تخريمة: بت الجزيرة طولي بالك ونحن كلنا
أخوان ولك العتبي حتي ترضي لو تضايقتي
من تشبيه اختنا مايسة ليك بشخصية متفردة
في هذا الصرح ودي عادي بتحصل مافي داعي
للزعل ولاشنو؟؟؟؟
انا عايزة حق الشبه العشانه شردنا من البوردات كلها

[الفخيييم]

انا عايزة حق الشبه العشانه شردنا من البوردات كلها

عيونا ليك يا بتنا بس
انتي ما تزعلي مننا...

وحق الشبه ده بيجيك
مع بدل السكن والاعاشة!!!

[مايسة]

نسيت واحدة فقدنها الناس ديل وقالو بتشبهني


انا عايزة حق الشبه العشانه شردنا من البوردات كلها


ياخ خت ليك وش من وشوش عصمت الكتيرة دي - عشان الواحد يعرف انك جادة ولا هابه :D:p

[بت الجزيرة]

ياخ خت ليك وش من وشوش عصمت الكتيرة دي - عشان الواحد يعرف انك جادة ولا هابه :D:p

وشي وجعني وخلاص ماقادرة اعبر

[بت الجزيرة]

عيونا ليك يا بتنا بس
انتي ما تزعلي مننا...

وحق الشبه ده بيجيك
مع بدل السكن والاعاشة!!!

منتظرا يااخوي البدل وحق الهدنة

[مايسة]

وشي وجعني وخلاص ماقادرة اعبر


معليش اكتبيها بين قوسين ان شاء الله:o

[بت أم درمان]

تخريمة: انا محقق وعضو وطيار وسواق ترلة
اي استفسارات اخري !!!

بالاضافة الى راعي ابقار واغنام قديما :rolleyes:
ولا المهنة دي تركتها
واتجهت للسياقة والتحقيق :p

[بت أم درمان]

يا مايسة ؟؟؟
اذا سامعاني
قولي 1

[سيد البلد]

رساله:لست الكل
بشتاق قوام لطلتك :(

دوام , دوام , دوام
الدوام لله

[سيد البلد]

عيونا ليك يا بتنا بس
انتي ما تزعلي مننا...



شبهت قلنا مافيها حاجه
لفحت , قلنا ياخي يمكن يكون من البرد القاعد فيهو
وبرررررررررضو قلنا ما فيها حاجه
لكن جابت ليها كتيل عوينات وغرودة ؟
ده اطلاقاً ما عندنا هنا , امشي شوفو في كعكاتي .

[مايسة]

يا مايسة ؟؟؟
اذا سامعاني
قولي 1


ينفع اقول 2 هسه :(

ما سامعة ياخ كنت - معليش - وتاني اعملي ليك رصيد ياخ وردي المسج :o:p

[مايسة]

دوام , دوام , دوام
الدوام لله



شبهت قلنا مافيها حاجه
لفحت , قلنا ياخي يمكن يكون من البرد القاعد فيهو
وبرررررررررضو قلنا ما فيها حاجه
لكن جابت ليها كتيل عوينات وغرودة ؟
ده اطلاقاً ما عندنا هنا , امشي شوفو في كعكاتي .


غايتو - ياخ طنش ما بتعرف الطناااش انت:cool::rolleyes:

[مدناوية]

إحساس مبالغة ..

ربنا يديمو ...

[esmat]

شايف في كسير تلج كمية في البوست دا

وشي شبه ولاقيتك كدا في الموقف

والجو ساخن ومشيتك زي كتابتك

شنو ياجماعة اعجاب ولا اعجاز

وش ما بعرف اهظر كلو كلو

[مدناوية]

رسالة ليك يالمنطط عينيك ...

الحركات دي ما بتنفع معاي ...


)وش حادر ليك لمن بهناك (

[سروية]

أدمنتك
وطن مليان محنة
رملة ونخيل وشواطي جنة
زفة عروس مزدانة حنة
دمعة غريب لبلاده حنه
كايس الأمان كايس المحنة

[سيد البلد]

شايف في كسير تلج كمية في البوست دا

وشي شبه ولاقيتك كدا في الموقف

والجو ساخن ومشيتك زي كتابتك

شنو ياجماعة اعجاب ولا اعجاز

وش ما بعرف اهظر كلو كلو

زمان كنت بعرف لي واحد كان فاتح ليهو مصنع تلج هني دي
لمان اجي اقرا مشاركتو بلبس سويتر من السقط
لكن يا خسارة عرس وباع مصنع التلج

[esmat]

شبهت قلنا مافيها حاجه
لفحت , قلنا ياخي يمكن يكون من البرد القاعد فيهو
وبرررررررررضو قلنا ما فيها حاجه
لكن جابت ليها كتيل عوينات وغرودة ؟
ده اطلاقاً ما عندنا هنا , امشي شوفو في كعكاتي .

ما ياهو دا الناس تشبه
وتفتح في مصنع تلجها وتكسروا
انت ما حضرت مزاد مصنع التلج ولا شنو
ما اشتراه صاحب الشبه

[مايسة]

شايف في كسير تلج كمية في البوست دا

وشي شبه ولاقيتك كدا في الموقف

والجو ساخن ومشيتك زي كتابتك

شنو ياجماعة اعجاب ولا اعجاز

وش ما بعرف اهظر كلو كلو


ومنو البهظر :mad:

[الفخيييم]

زمان كنت بعرف لي واحد كان فاتح ليهو مصنع تلج هني دي
لمان اجي اقرا مشاركتو بلبس سويتر من السقط
لكن يا خسارة عرس وباع مصنع التلج

وتشرد بسبب بيعه للمصنع
كمية من العمال والموظفين
وباتت اسرهم تعيش حياة ضنكة!!!
عليه ظهرت فئة من ذوي القلوب
الرحيمة وفتحوا مصنعاً للتلج وتكسيره
تضامناً مع أسر هؤلاء الموظفين والعمال!!!

[الفخيييم]

ومنو البهظر :mad:

لهجتك دي ما غريبة علي
بتشبهي لي شخصية
مهمة ربنا يطراها بالخير..


تخريمة: هسي انا قلت مايسه؟؟؟

[الفخيييم]

ما ياهو دا الناس تشبه
وتفتح في مصنع تلجها وتكسروا
انت ما حضرت مزاد مصنع التلج ولا شنو
ما اشتراه صاحب الشبه
انت قاصد انو الاشتراه
عندو شبح؟؟؟
ولا الشبه 40؟؟؟

[مايسة]

لهجتك دي ما غريبة علي
بتشبهي لي شخصية
مهمة ربنا يطراها بالخير..


تخريمة: هسي انا قلت مايسه؟؟؟


كويس برضو :cool:

بتتعلم من الايام مصيرك بكرة تتعلم :mad:

[esmat]

كويس برضو :cool:

بتتعلم من الايام مصيرك بكرة تتعلم :mad:

غايتو البشوف حدرتك دي
والصورة الرمزية دي
اقول اصلو دي ما انتي لما كنت (صغيرة)

شهادة ليك حقارة انتي

[الفخيييم]

بالاضافة الى راعي ابقار واغنام قديما :rolleyes:
ولا المهنة دي تركتها
واتجهت للسياقة والتحقيق :p

طبعاً لزوم المواكبة وكده!!!
تعددية المهن لا غبار عليها ولاشنو؟؟؟
وما زلت ارعي كل الابقار
والاغنام التي تحتاج لذلك!!!

[مايسة]

غايتو البشوف حدرتك دي
والصورة الرمزية دي
اقول اصلو دي ما انتي لما كنت (صغيرة)

شهادة ليك حقارة انتي


لمن كنت صغيرة بلعب في التراب ياخ

بس هسه بلعب بالاتاري

غايتو لا بترحمو ولا تخلو رحمة ربنا تنزل :cool::o

[بت مارنجان]

غايتو البشوف حدرتك دي
والصورة الرمزية دي
اقول اصلو دي ما انتي لما كنت (صغيرة)

شهادة ليك حقارة انتي


انا بقول النصيحة دايمآ

كلامك صح حقــــــــــــــــــــارة :(

[سيد البلد]

نعلن السيدات / السادة الكرام
زبائن مصانع ( تلجي وبكسرو ) عن قرب اعادة نشاط المصنع
بطاقة انتاجية خمسة مليون لوح ( مكسر جاااااااااااااااااااهز )
ما عليك الا تكشحوا قدام الزولة وتعمل نايم
ونتعتذر في الفترة السابقة لتوقف النشاط لعدم التفرق
عن رئيس النقابة ( النافي داعي نذكر اسمو ) لأنو معروف ومشهور وغنى عن التعريف

[esmat]

يامايسة نسيت
الضرب ينفعهم والعلم يرفعهم

اضربي بيد من حديد
ناس الفخيم ومن لف لفهم
سيدا وشوك الورد وبت مارنجان
والذي هرب من العمل الواثق

من خلفكم نشد من ازركم

وكان الله في عونكم إذا حدثت أي
مستجدات فإنا ليس لها

[سيد البلد]

بتشبهي لي شخصية..


يا زول انت جاك جنون الارتياب ولا شنو ؟
شابك لينا المنتدى كلو بتشبه لي وبشبه ليك ؟
اسي انت بتشبه لي زول كده صاحب واحد كده مشوا لي ناس كده
واتخيل لي كان اسمو خالد ...

[الفخيييم]

يامايسة نسيت
الضرب ينفعهم والعلم يرفعهم

اضربي بيد من حديد
ناس الفخيم ومن لف لفهم
سيدا وشوك الورد وبت مارنجان
والذي هرب من العمل الواثق

من خلفكم نشد من ازركم

وكان الله في عونكم إذا حدثت أي
مستجدات فإنا ليس لها

انت متأكد انو مصنع التلج
باعوهو ولا ما زالت هنالك
بعض الألواح التي لم تكسر بعد؟؟؟

[مايسة]

يا زول انت جاك جنون الارتياب ولا شنو ؟
شابك لينا المنتدى كلو بتشبه لي وبشبه ليك ؟
اسي انت بتشبه لي زول كده صاحب واحد كده مشوا لي ناس كده
واتخيل لي كان اسمو خالد ...


اي اي

حيرني معااك زاتو

[esmat]

نعلن السيدات / السادة الكرام
زبائن مصانع ( تلجي وبكسرو ) عن قرب اعادة نشاط المصنع
بطاقة انتاجية خمسة مليون لوح ( مكسر جاااااااااااااااااااهز )
ما عليك الا تكشحوا قدام الزولة وتعمل نايم
ونتعتذر في الفترة السابقة لتوقف النشاط لعدم التفرق
عن رئيس النقابة ( شخصي الضعيف) لأنو معروف ومشهور وغنى عن التعريف

نناشدك رئيس النقابة ان تزيد الانتاجية في هذه الفترة
لأني ارى ان الشخص المنافس لكم الفخيم
قد علا انتاجه في الايام الاخيرة

بعدين بس ما تكشحونا في بمويتكم عليك الله

[سيد البلد]

غايتو لا بترحمو ولا تخلو رحمة ربنا تنزل :cool::o

قال تعالى:
" ما يفتح الله للناس من رحمة فلا ممسك لها وما يمسك فلا مرسل له من بعده "

الآية توضح عدم جواز قولنا ( لا يرحم ولا يخلي ..... )

وما يجي واحد يقول لي كررتها لي طيب طالما انها ما جائزة ؟
ونرجو الحرص على الحضور في الزمان والمكان المناسبين

[محمد الواثق]

نناشدك رئيس النقابة ان تزيد الانتاجية في هذه الفترة
لأني ارى ان الشخص المنافس لكم الفخيم
قد علا انتاجه في الايام الاخيرة

بعدين بس ما تكشحونا في بمويتكم عليك الله

ههههههههههههههههههههههههههههههه

[الفخيييم]

يا زول انت جاك جنون الارتياب ولا شنو ؟
شابك لينا المنتدى كلو بتشبه لي وبشبه ليك ؟
اسي انت بتشبه لي زول كده صاحب واحد كده مشوا لي ناس كده
واتخيل لي كان اسمو خالد ...

والله انت شكلك قاعد في القطب الشمالي!!!
ياخ السقط والهواء الطلق أثروا عليك باين!!!
لكن بيني وبينك لو كان اسمو غير خالد
كان حدثت زلازل وبراكين وهلم جرا!!!

[esmat]

يا زول انت جاك جنون الارتياب ولا شنو ؟
شابك لينا المنتدى كلو بتشبه لي وبشبه ليك ؟
اسي انت بتشبه لي زول كده صاحب واحد كده مشوا لي ناس كده
واتخيل لي كان اسمو خالد ...

ياسيدا ومايسة التي صارت حقارة بشهادة بت مارنجان
اخونا الفخيم دا
عايز اكسر ليه لو تلج كبير شديد
وخايفو اتكسر في غير محله
لذلك اتي التشبيه ورفع حروف العلة في مشاركاته

[سيد البلد]

انت متأكد انو مصنع التلج
باعوهو ولا ما زالت هنالك
بعض الألواح التي لم تكسر بعد؟؟؟

اللبيب بالتلج يسقط ياخ
معقوله ياخي , خلي بالك رعى الأبل خلاك ما معلم
يااااااااااااااااااااااا حليل زمان وايام زمان

[سيد البلد]

اي اي

حيرني معااك زاتو

بقينا محتار مشترك ...
يا سلاااااااااااااام زمننننننن من النتايج الزي دي والله ...

[esmat]

قال تعالى:
" ما يفتح الله للناس من رحمة فلا ممسك لها وما يمسك فلا مرسل له من بعده "

الآية توضح عدم جواز قولنا ( لا يرحم ولا يخلي ..... )

وما يجي واحد يقول لي كررتها لي طيب طالما انها ما جائزة ؟
ونرجو الحرص على الحضور في الزمان والمكان المناسبين


شاكرين لكم حسن تعاونكم معنا ودمتم

[الفخيييم]

اي اي

حيرني معااك زاتو

الاغنية دي انا سمعتها وين؟؟؟
حيرني حاول حس بي ولا دي جديدة؟؟؟

[سيد البلد]

شاكرين لكم حسن تعاونكم معنا ودمتم
العفو ياخي
عليك الله ما بلقا لي عندكم باقي داردمه ؟
نفسي في التهاب لوز اليومين ديل

[مايسة]

انا بقول النصيحة دايمآ

كلامك صح حقــــــــــــــــــــارة :(

معليش :(



قال تعالى:
" ما يفتح الله للناس من رحمة فلا ممسك لها وما يمسك فلا مرسل له من بعده "

الآية توضح عدم جواز قولنا ( لا يرحم ولا يخلي ..... )

وما يجي واحد يقول لي كررتها لي طيب طالما انها ما جائزة ؟
ونرجو الحرص على الحضور في الزمان والمكان المناسبين


حاااضرين :mad:

ياسيدا ومايسة التي صارت حقارة بشهادة بت مارنجان
اخونا الفخيم دا
عايز اكسر ليه لو تلج كبير شديد
وخايفو اتكسر في غير محله
لذلك اتي التشبيه ورفع حروف العلة في مشاركاته



هو لسي ما كسر يعني :cool:

[الفخيييم]

ياسيدا ومايسة التي صارت حقارة بشهادة بت مارنجان
اخونا الفخيم دا
عايز اكسر ليه لو تلج كبير شديد
وخايفو اتكسر في غير محله
لذلك اتي التشبيه ورفع حروف العلة في مشاركاته

منكم نستفيد افيدونا
يا اصحاب مصانع التلج
كيف تكسرونها ومتي ؟؟؟


لكن احتياطي كده احلي شي
تكسر التلج وما تعرف محله!!!

[سيد البلد]

جنينه وغفيرها نايم ( مثل من جزر الكايمان )
رسالة خااااااااااااااااااااااااسة لست البوست والبوستات المجاورة
نرجو ممن يتعرف عليها ابلاغها بحميم التحايا
وناشط التحايا

[بت مارنجان]

ياسيدا ومايسة التي صارت حقارة بشهادة بت مارنجان
اخونا الفخيم دا
عايز اكسر ليه لو تلج كبير شديد
وخايفو اتكسر في غير محله
لذلك اتي التشبيه ورفع حروف العلة في مشاركاته

وبعض الحروف الواقعة والزائدة !!!
دي بلاغة صح :rolleyes:

وش ماقادر يحدد !!!

[الفخيييم]

معليش :(





حاااضرين :mad:




هو لسي ما كسر يعني :cool:

غيري النظارة حتي
تتضح الرؤيا!!!

[esmat]

عندي مشاركة كتبتها هناك (لها)
حولوهم لي هنا والله تشابه علينا (البقر)

[مايسة]

عندي مشاركة كتبتها هناك (لها)
حولوهم لي هنا والله تشابه علينا (البقر)


تشابه البقر علينا

ما قلنا ما سمعتونا :)

[الفخيييم]

عندي مشاركة كتبتها هناك (لها)
حولوهم لي هنا والله تشابه علينا (البقر)

هو مصنع جبنة ولا تلج؟؟؟
غايتو كترة كسير التلج
اصابتكم بعدم التركيز
والتدقيق والتمحيص!!
شوف فروع مصنعكم دي
عملتوها وين ووين؟؟؟


صورة مع التحية لــ :ـــ
سيد البلد المحترم

[الفخيييم]

جنينه وغفيرها نايم ( مثل من جزر الكايمان )
رسالة خااااااااااااااااااااااااسة لست البوست والبوستات المجاورة
نرجو ممن يتعرف عليها ابلاغها بحميم التحايا
وناشط التحايا

أعمل حسابك من جناين الدرنية
بيكونو بيكشفو من بعيد لبعيد!!!

حميم التحايا دي عندها علاقة
مع الآتي: حمام الوادي وحمام الوالي
والحمام الميت!!!

[بت الجزيرة]

رساله له ولها

الله يديم المحبة بينكم

[سيد البلد]

هو مصنع جبنة ولا تلج؟؟؟
غايتو كترة كسير التلج
اصابتكم بعدم التركيز
والتدقيق والتمحيص!!
شوف فروع مصنعكم دي
عملتوها وين ووين؟؟؟


صورة مع التحية لــ :ـــ
سيد البلد المحترم

محول للتاج طعمية لإضافة بعض الزيت
حتى تعمل مكائن المصنع بالصورة المطلوبة
والباقي ( نزلق ) به مشاركات الود العريس عصمت لهذا البوست

[سيد البلد]

حميم التحايا دي عندها علاقة
مع الآتي: حمام الوادي وحمام الوالي
والحمام الميت!!!

وحمام الزيت والحمام المغربي برضك

[بت مارنجان]

وحمام الزيت والحمام المغربي برضك

حمام الجك :o

[بت مارنجان]

انتو حمام الجك دة شنو :confused:

[بت أم درمان]

انتو حمام الجك دة شنو :confused:


انتي حضرتي رقيص عروس قريب ولا شنو :p

[مدناوية]

ياربي لي متين؟؟؟

[الزونية]

TO HER

Keep a side

[مدناوية]

النوووووم النووووم..

النووووووووووووم النووووم ...

النووووم تعال ..

سكت الجهال ...

سكت الجهال ..

يا النووم تعال !!

[مدناوية]

جوايا ليك إحساس بيكبر كل يوم ...

العين تنام .. والقلب عمرو ما جالو نوم ..

[سيد البلد]

ياربي لي متين؟؟؟



كيس نايلو والهوا شايلو
بطلة الخفة في وزن خفيف الخفيف لمن غلط

[تغريد]

رسالة لي أسماء ملكة كل القلوب

مشتاقييييييييييييييييييييييييين يا زولة

[محمد الواثق]

رسالة لها

ما حنقدر نواصل كدا

[مدناوية]

كيس نايلو والهوا شايلو
بطلة الخفة في وزن خفيف الخفيف لمن غلط








سيدها أوعى الضب ما يقع فيك ...

[مدناوية]

إنت الامل والمنيه ..

ضحكاتك أجمل غنيه ...

يا أحلا زول في الدنيا ..

وكل الحنان الفيها ...

[محمد الواثق]

انتوا زاتكم ااابداً ما بتهونوا اها منتظرين خبر

[الفخيييم]

الارتقاء بالنفس رسالة للجميع :

يعني الابتعاد عن الدخول في التفاهات..
الابتعاد عن كل ما هو مشبوه..
البقاء صامداً في هذه الدنيا الكبيرة ..
لا يهمك ما تسمع .. ولا ما تري ..
سيقولون عنك انك لا تفهم .. متخلف .. رجعي..
قل هذا انا وانا مقتنع بنفسي ..
خالقك العظيم يأمرك بأن ترتقي بنفسك عن كل ما يشوهها ...
من كبائر الذنوب والمعاصي وحتي المكروهات ...
ان تتخذ وعداً علي نفسك بأن تكون عند حسن ظن من يحبك..
ويود ان تكون دائماً الأفضل والأصلح والأنجح ...

[مدناوية]

عندك ضحكة .. يا ساتر ..

زمن مستني جياتك ..

تعال .. تعال ..

تعال في الحلوة لي شاطر ..

رنين الضحكة و الكلمات ...

بشاير جايلة في الخاطر ..

[ابو عبد الرحمن]

اشواقي كثيرة يا رغــــــــــــــــــــــــــــــــــــــــــــــــ ـــــــــــــــــــــــــــــــــــــد

[الفخيييم]

الوحش يقتل ثائراً
والارض تنبت ألف ثائر..
يا كبرياء الجرح لو متنا
لحاربت المقابر..!!!

[سيد البلد]

الوحش يقتل ثائراً
والارض تنبت ألف ثائر..
يا كبرياء الجرح لو متنا
لحاربت المقابر..!!!

فملاحمُ الدمِ في ترابِكِ
ما لها فينا أوخرْ
حتى يعودَ القمحُ للفلاحِ
يرقصُ في البيادرْ

[سيد البلد]

غداً يا قصوراً رستْ في القبور
غداً يا ملاهي
غداً يا شقاءْ
سيذكرُ هذا الترابُ سيذكر
أنّا منحناهُ لون الدماءْ
وتذكرُ هذي الصخورُ رعاةً
بنوها بأدعيةٍ من حداء
ونذكرُ أنّا . .

* * *

هنا سفرُ تكوينهم ينتهي
هنا، سفرُ تكويننا، في ابتداءْ!

[سيد البلد]

أبداً على هذا الطريقْ
راياتنا بَصَرُ عدونا، أبداً، نعيم للصديق
بضلوعِ موتانا نثيرُ الخصبَ في الأرضِ اليبابْ
بدمائنا نسقي جنيناً في التراب
ونردّ حقلاً شاخَ فيه الجذعُ، في شرخِ الشباب
ونصبّ في نبض المصانع
للمربّى، والحقائب، والثياب
نبضَ القلوبِ المؤمناتْ . .
أبداً على هذا الطريق
نذوي فدى أشواق سنبلةٍ على وعدِ العطاء
ونصيحُ من فرحٍ غريرٍ الدمع في عرسِ الفداء:
أبداً على هذا الطريق!
شرفُ السواقي إنها تفنى فدى النهرِ العميق!

[سيد البلد]

من رؤى الأحلام في موسم خِصْبِ
ومن الخيبة في مأســــــاة جـــــدْبِ
من دمى الأطفال، من ضحْكاتهــــم
مــــن دمـــــــوعٍ طهّرتهــــــا روحُ ربّ
من زنود نسقت فردوسَهـــــــــــــــا
دعوةٌ فضلى على أنقاض حــــــــرب
من جراحاتٍ يضوي حقدهــــــــــــــا
ما ابتنى شعبٌ على أنقاض شعب
من دمي، من ألمي، من ثورتـــــــي
من رؤاي الخضر من روعة حبــــــــي
من حياتي أنت، من أغوارهـــــــــــــا
يا أغانـــيّ! فـــــــرودي كـــــــل درب

[الزونية]

يا صديقي!
أرضُنا ليستْ بعاقِرْ
كلُ أرضٍ، ولها ميلادُها
كلُ فجرٍ، وله موعدُ ثائرْ!

[مدناوية]

تملي حبيبي بشتاق لك ..

[الفخيييم]

لو يدفنوني ويرجعوا الحفار!!!
ما بسيبها انا ودرتني ودار..

[خالد علونى]

هجرة عصافير الخريف
































ما بتنفع اليومين دي مع السخانة

[مدناوية]

راقب أفكارك ستصبح كلمات ..

راقب كلماتك ستصبح أفعالا ..

راقب أفعالك ستصبح عادات ..

راقب عاداتك ستصبح طباع ..

راقب طباعك ستحدد مصيرك ..

[سودانية وافتخر]

اخيتي ابقي كما عهتك شامخة كالجبال لا تهزك الرياح العاتية .. ابقي كما عرفتك القرءان سلاحك والاستغفار عنوانك.. اختاه اذا احب الله عبدا ابتلاه فاصبري على هذه الابتلاءات لكي تنالي على الاجر والثواب.. ابقي كما عهتك شجاعة لا تبالين .. باسلي واجتهدي فان لكل مجتهد نصييب.. وكان الله في عون الجميع

[مايسة]

دا الشغل لكن :rolleyes::rolleyes:

[محمد الواثق]

منتظرينك تعود
زعلان موش زعلان
منتظرنك تعود
شفقان ما شفقان
منتظرنك تعود
زهجان ما زهجان
منتظرنك تعود
مشغول وعامل تقيان
منتظرينك تعود
انت جيت ما جيت
منتظرينك عشان تعود

[ahmed algam]

مشتاق اسمع همسة منك

[سودانية وافتخر]

اخييرااااااا بكرا حنتقابل يا احباب قلبي

[مايسة]

اخييرااااااا بكرا حنتقابل يا احباب قلبي


بختك يا نونة

ربنا يسعدك اكتر واكتر :)

[مايسة]

لا حول ولا قوة الا بالله العلي العظيم

[الفخيييم]

رأيت الهلال ووجه القمر..
فكانا هلالين عند النظر!!
فلم أدري أيهما قاتلي..
هلال السماء أم هلال البشر؟؟
ولولا التورد في خده ..
وما راعني من سواد الشعر..
لكنت أظن الهلال الحبيب!!
وكنت أظن الحبيب القمر!!

التوقيع: عاشق الموج الأزرق..
ولا شيئ سوي اللون الأزرق ..

[مايسة]

لــــه


يعني لما جات فيك انت - غيرته رائك - :rolleyes::mad:

سبحان الله ولا اله الا الله

[بت أم درمان]

لا إله إلا أنت سبحانك إني كنت من الظالمين

[بت أم درمان]

لــــه


يعني لما جات فيك انت - غيرته رائك - :rolleyes::mad:

سبحان الله ولا اله الا الله


رأيك = رائك :rolleyes::o

[ود المطامير]

لها

لو رجع بى الزمن للوراء قبل 12 سنه

كنت تانى بطلب إيدك

[محمد حسين (المميز)]

رغــم جفــاك

برررضـو بسـأل عليــك

ومستني طلتـك:(

[سودانية وافتخر]

بختك يا نونة

ربنا يسعدك اكتر واكتر :)

تسلميي يا قلبيي

معاك يااارب

[سودانية وافتخر]

لو تعلـــــــم بكميــــــــــة الكــــــــــره الذي اكنـــــــه لـــ،ـك

[الفخيييم]

مره طربان شلت صوتك شان أغني
وقلت آه يا ليل وآه آه وآه يا ليل وآه
إنتي أول وإنتي تاني وإنتي تالت
وإنتي رابع نافره زي صيد الخلا
وصافيه زي نبع المنابع وقلتي لي غناي خلاص ...
لما تعبري في الشوارع شوفي كيف
الناس تصارع .. ناس تدفر .. وناس تطفر
وناس تصفر .. في البيشابي علي نجومك
وفي البيخب كايس تخومك .. كل زول
من عين سلافك لا لا قال دايرلو كأس ..
حلوة عينيك زي صحابي عنيده كيف
تشبه شريحتين من شبابي .. وحلوة عينيك
وسمحة زي ما تقول ضيوفاً دقوا بابي
وفرحي بيهم سال ملأ حتي الكبابي
حلوة عينيك زي صحابي وحلوة عينيك زي صحابي ...

[سيد البلد]

لو تعلـــــــم بكميــــــــــة الكــــــــــره الذي اكنـــــــه لـــ،ـك

في واحده قرت كلامك ده وصتني وخسمتني اقول ليك
( سجمنا )

مالو ؟

[مدناوية]

ترجع لي بالسلامة ...

[سودانية وافتخر]

في واحده قرت كلامك ده وصتني وخسمتني اقول ليك
( سجمنا )

مالو ؟



هههههههههههههههههههه.... اهو بكرهو كره اعمى وخلااص,,قول ليها تسلمي وما تشغلي بالك



ومضة: وييييييييينك مختفي كداا مشتاقيين والله>>ولا انا المختفية ماعارفة خخخ

[سودانية وافتخر]

اسمعي كلام من قال احذرو المقربين من الارض..وانتي وفهمك يا بطتين

[مدناوية]

إنت مافي الروح تفارق ..

ويبقى موج النيل مفارق ...

الشروق ينسى المشارق ..

والنسيم لي الروض يشاهق ...

والصباح ما ببقى شارق ..

وإنت مافي ...

[سودانية وافتخر]

خايفة اكون فاهمة غلط وخايفة اكون فاهمة صح واتطورط,,,الله يكون في العون يا بطتين

[سودانية وافتخر]

للاسف لا استطيع تحديد اي شئ الان وربما مع الايام استطيع تحديد اي شيئ حتى ولو كان ضئيل...فالمعذرة

[الصادق عمر]

الكلام ليك يا منطط عينيك

[تغريد]

أسماااااااااااااااااااااااااااااء الملكة


عسي المانع خير


مشتاقيييييييين والله يا غالية

[مدناوية]

نفسي أعرف حاجة وحدة بس ،،،

[المسافر]

لهن جت

نفسي أعرف في بتفكروا كيف ؟

[المسافر]

نفسي أعرف حاجة وحدة بس ،،،






واحدة بس ليه ، لازم تعرفي أي شيء
خليك قوية الشتمية ذو قلب صلب من
حديد .

[مدناوية]

لهن جت

نفسي أعرف في بتفكروا كيف ؟






المسافر .. دي بي ياتو لغة ؟؟؟


بس عشان ما يتلخبت علينا الإختساس وكدي يعني ...

:d:d:d

[مدناوية]

واحدة بس ليه ، لازم تعرفي أي شيء
خليك قوية الشتمية ذو قلب صلب من
حديد .







لكن دي أسويها كيف يالمسافر ؟؟؟


وكان هو غتيت حبتين أعمل ليهو شنو؟؟؟


وكان هو كعب شوية بث ... ما كعب كتير يعني .. أتعامل معاهو كيف؟؟؟

[سودانية وافتخر]

يعني حنعمل شنو اهو حال الدنيا

[سودانية وافتخر]

والحمد الله على كل حال

[مدناوية]

حان وقت الإعتراف ،،،

[مدنيّة]

رسالة للملكة
الي متي ياغالية الغياب ؟!!

[بت مارنجان]

لو وشوش صوت الريح في الباب يسبقنا الشوق قبل العينين

[مدناوية]

لا تعلمنى كيف أحبك لأنى أحببتك ..


و لكن علمنى كيف أجدك لأنى أفتقدك ...

[أحمد عمر ( MOODY )]

لا تعلمنى كيف أحبك لأنى أحببتك ..


و لكن علمنى كيف أجدك لأنى أفتقدك ...





الدّنيا يااااااااما تعلِّمك

[esmat]

حان وقت الإعتراف ،،،


لا شفنا اعتراف لا عرفنا الوقت
علاقتك بي هجم النمر شنو

[مدناوية]

لا شفنا اعتراف لا عرفنا الوقت
علاقتك بي هجم النمر شنو






دا من ياتو باب ؟؟؟







إسمت بتعرف شامة الهجامة؟؟؟!!

[ام رغد]

القافية عندك يا ود ابراهيم

[ام رغد]

ملكة القلوب يا ودسنهوري و يا العاقب ..


درداااااااااااااااااااااااقه ما تدقسو..
الكلام خلوهو منســـق و ادرسو ..
ولو فيهو كاني ماني أخيــر تدسو..
وقبل كل خطوه طريكم إتحسسو..
نصيحه ما تبهلو الكلام و تتشاطرو..
و تجوتنفخو شلاضيمكم و تتكرضمو..
وتقولو مهدي كلمني و ما كلمو...
القافية عندك ياود ابراهيم

[ام رغد]

حان وقت الإعتراف ،،،


الليلة يومو اسود

[esmat]

دا من ياتو باب ؟؟؟
إسمت بتعرف شامة الهجامة؟؟؟!!

انتو ما اصغر مننا ناس سنة تامنة وكدا
نحنا ناس مريم الشجاعة والنملة الشفوقة

[مدناوية]

انتو ما اصغر مننا ناس سنة تامنة وكدا
نحنا ناس مريم الشجاعة والنملة الشفوقة





نحن ناس .. عشة أم شبط :eek:

وشامة الهجامة .. :rolleyes:

وحنان لُبط .. :o

[مدناوية]

الليلة يومو اسود







رمادي كفاهو يا أم رغد ،،،

[wad alballal]

طال غيابك ....

[مدناوية]

جميل الهامل ،،،

[wad alballal]

والله مشتاقين

[ام رغد]

دا من ياتو باب ؟؟؟







إسمت بتعرف شامة الهجامة؟؟؟!!

ووووووووووووووب هنا كمان فى شامة ؟؟؟؟؟؟

[مدناوية]

ووووووووووووووب هنا كمان فى شامة ؟؟؟؟؟؟




محل ما تقبلي يا شامة الهجامة ..


(شوشو)

:p:p:p:p:p:p