كــلام الـطــيـر ـ هدية للفنان الـمـكاشـفي

[محمد السني دفع الله]

]كــلام الـطــيــر
(( المسرح خالي ..شجرة تتوسط المسرح ..))
نسمع صوت من خارج المسرح ..
السمبيرية ام قدوم ، عيش ابوي متين بقوم ؟؟ بقوم باكر مع العساكر ..
( يدخل جاريا ))
( يحاحي الطير الوهمي ) حي حي ياطير .ز طير ياطير ، طير بعيد ، القندول لسه نيئ. ما نجض ياطير
يا طير السجم والرماد طير بعيد ..
اليوم كلو نحاحي في الطير . وقتين الطير ياكل العيش ، نحن ناكل شنو ؟؟ناكل السجم والرماد ..ناكل
نـيـم .. وانت ياطير مالقيت الا ترك في في عيش ( ود الهميم ) الراجل الطيب ود القبايل ، ما عندك عيون
يا طير ..مالك ما شايف الحواشة دييك مالكم ما ركيتوا فيها ..حواشة الزول المسيخ البخيل ، الهفتان ,,ماشايفين
حواشتو .كان زولا زينا واحد طيب .لمن كان فقران زينا .. اول ماعرف درب القروش ، والمال جرا في يدو ،
الزول اتبدل بقى يلعب بالقروش لعب ، وغير هديماتو ، ورفع نخرتو ، ببقى سلامو من طرف ييدو ، وكلامو مع
الخلق بالقطارة ـ تلغراف ـ عديل ـ كلمة ، ونقطة ، ـ تمد ليهو يدك بالسلام الزين وتكتر في سلامك وتختار الكلام الطيب ...
ـ ازيك يالطريفي ودالحاج الطيب ، كيف حالك ، كيف اصبحت ، طيب ابوي ؟
ـ أهلا
ـ فرد كلمة ـ اهلا ـ بتطلع منو مسيخة ـ اهلا
ـ قدر ما تسلم عليهو ، تترحم عليهو وعلى اهلوا وعلى ابوه وابو ابوه ، تبارك ليهو في تجارتو وقروشو ،
ارد عليك بي فرد كلمة ،
ـ اهلا
وكان زولا مسكين ومحتاج عدمان الحبة ، مر عليهو قدام دكانو ، مد ليهو يدو وقال :
ـ اعطينا مما اعطاك الله
الطريفي يدخل يدو في جيوبو كلها يفتشها ، ساعة يفتش للفكة ، كل ما يلقى قروش ورق الفها ويصرها
ويرجعها محلها ويفتش للقرش واب قرشين الفريني ولمن يلقاه ،يمد يدو براحةوالقرش زي الملصق في
يدو ، والحركة دي بعملها كل سنتين مرة يعني في السنتين حـسـنـة ..وكان الشحاد وقفتوا طالت وما لقى الطريف قروش ما بقولو كلمة طيبة يطيب بيها خاطر الواقف زمن . ولا حتى كلمة مسيخة بس يأشر بي يدو ليهو يفوت ..
هسي ياطير دحين ما شايف حواشتو ؟؟ ركوا فيها وعدموها الحبة ، كان تبقى ليهو زكاة . اصلو لابعرف الزكاة ولا
بدي الصدقة ,, والله قالوا ليك الصدقة تديها الشفع وتبين في صحتك ورزقك .....
اها خُم وصُر جاتك في السكر وجابت ليك السكر والضغط وضيق الخولق ..
الطريفي يا ناس خزن السكر في الحوش الوراني في بيتو . كان جا علينا وقت شربنا الشاي بالبلح والسكر في الحوش الوراني ماعارف خبرو غير النمل ..جات المطرة بعد جفاف ، المطرة الجات وحات شيخي حسن ودحسونة ، دفقت
السما موية كانت ماسكاها من زمن المحل الطول فكت علينا مطر ما شوفنا زيو الا لمن كنا صغار ، برق المع اشيل
موبة عينك .. ورعد .. الشفع ادسو منو تحت العناقريب ...
انا الوحيد الواقف في نص الحلة ، ارقص تحت المطر البرق إجلد فيني بي صوتو والرعد يخلف لي في الإيقاع
وانا ارقص تحت المطر . مطر الخير ، اتبلت الأرض المشققه وناشفه ، وانا في رقيصي حاضر ، الواطة بتتعجن
بي موية السما وتبقى طين . طين اسود ... الشقوق تحضن في المويةالصافية وتتلم طين ..الأرض بتتجهز لي عرس
التيراب ......
يا مطيرة صبي لينا
في عينينا
يا مطيرة ...
وانا في عز رقيصي يوم عرس المطرا لي ألأرض ، اسمع ليك الكوراك ، اناقايل النسوان بزغردن زغاريد العرس
لكن دي ما زغاريد ده كوراك عديل ، جاي من بيت الطريفي وجريت لقيت الناس قدامي جارية ودخلنا بيت الطريفي المافي زول دخلوا من ما مات ابوه الحاج الطيب ....
دخلنا لقينا الطريفي واقف مذهول وسط الشوالات نص الحوش عيونو مفتحة لكن ما كا بشوف غير قروشو الضاعت
السكر بتماص مع المطرة لاقادر يتحرك يمين ولا شمال لاقادر ارفع شوال ولا قادر اكورك ولا قادر يبكي ، والناس
من حولوا اول ماشافوا المنطر وقالوا هيلا هيلا ايشلوا في الشوالات من نص الحوش ويختو في الصالة الكبيرة البرندة في لحظة، اتملت يالشوالات مافي واحد فيهم مدا يدو على شوال ، السكر الماشافوا زمن ، مافي يد اتمدت عليهو والطريفي واقف في نص الحوش زي الهمبول لابنش ولابهش ..
الشوالات الباقية اتماصت وتحتها الموية جارية طاعمة وسكر ( ود الصبر المخرف ) الوحيد الواقف حدا الشوالات
ويضوق في الموية التحت الشوالات ويقول : الموية هنا طاعمة ولي هنا طاعمة
والناس تضحك ــ
وانا قعدت ارقص في الموية الطاعمة ،السكر ..العيش يا ناس بكرة بقوم طاعم وحلو والفريك بكرة ماعايز ليهو سكر
والناس تضحك علينا الأتنين ـ المخرف والمجنون ...
وعلى ايقاع ضحكهم رقصت ورقصت في عرس المطرا للواطة .. رقصت ورقصت والكل يرقص معاي انا وود الصبر
والرقيص بقى عدوى ورقصوا الناس ونسوا السكر والطريفي والحلة واتحول الضحك لي رفيص وبقيت اعلي في صوتي واقول ليهم الليلة كلنا مجانييين في يوم عرس المطرة لي الأرض ..
طير يا طير طير بعيد ......[/size]

[محمد السني دفع الله]

هذه المرحلة الأولى
وتعال نتفاكر لنكمل هذا العمل
لك مودتي

[محمد السني دفع الله]

كلام الطير
مونو دراما
تحكي عن
كلام الطير
من وجهة نظر مجنون نهارو وليلو
جاري من كنار لي كنار
حارس الموية والأرض
يحاحي في الطير
لانو الوحيد العارف
كــلام الـطــيـر ...

[بت أم درمان]

الاستاذ محمد السني

نعم انت نخلة شامخة

شجرة امتدت جذورها و ارتوت من نبع هذا المكان

كن دائما بخير

وامتعنا بكتاباتك الرائعة

[ahmed algam]

واصل بلا فواصل

استاذنا ود السني

[moh_alnour]

أستاذنا محمد السني دفع الله
أندى و أطيب و أزكى التحايا لك
لا أدري لماذا خطر على بالي - و أنا أقرأ في هذا البوست - كتاب كليلة و دمنة الذي قام بترجمته أبن المقفع إلى العربية
ربما لأختيار الأنسان للحيوان للتعبير عن بعض الأراء التي يصعُب التعبير عنها صراحة
ربما للحياء أو ربما للخوف من مقص الرقيب أو ربما لأسباب أخرى
ولكن لماذا إختيار الحيون ليقوم بنطق الحكمة نيابة عن الأنسان الذي ميزه الله بالعقل ؟
فما قراته في هذا البوست لا يشبه ما نطلق عليه كلام الطير في الباقير كلام ناس ( ود الصبر )
فعرس المطرة للأرض رجع فاضي الكلام مليان و أتبرجت غيمات جعلت الشقوق تحتضن الموية
ننتظر معك أن نتعرف على كلام الطير الذي حُشر لك كجنود في هذا العمل الدرامي

[محمد السني دفع الله]

بت امدرمان
يا ربيبة المدينة التي احب
فأمدرمان هي الوطن المزخرف بالمحبة
مثل مدني في فتحها ابواب الحنين والمصاهرة والإندماج الكامل دون من ودون عنصرية
لك بت امدرمان
محبتي ومودتي النقية
وتابعي
كلام الطير

[محمد السني دفع الله]

احمداحمد علقم
اخوي شوق من دون فواصل
ومشتاقين راسنا انقطع بالعطل الافني
لكن تواصل من تاني بدون فواصل
مودتي وخليك قريب مع
كلام الطير

[محمد السني دفع الله]

مو النور
ود جزيرة الفيل الأصالة والعراقة
لك محبتي
وما يمر على خاطرك كلو طيب ومزهر وناضر
وجميل
والله كلامك خلاني ارجع افتش في كليلة ودمنة
ودي اهمية الكتابة التفاعلية
كلما تشاورنا وتناقشنا ـ نفتح لنا ابواب المعرفة طرقا جديدة نبدع فيها
شكرا لك وشوقنا مطرة
وتابع
كلام الطير

[محمد السني دفع الله]

كلام الطير 2
طير يا طير .. انا كان لميت فيكم بخلي ريحتكم طير طير ..انتو يا ناس الطير ده بجي من وين ؟؟ اسراب اسراب !! ينزل على الحواشة يخليها واقفة ورتاب ساكت والله علف ماتنفع ، كمان الجراد داك خليهو ساي الواحدة قدر كفت الجاهل لمن نشرك ليهو بي يدينا يدينا تورم من الخبطي
(( ينزل علة ركبتيه يصيد في الجراد .. يتحول ضربه على الأرض لأيقاع ))
"يصمت فجأة ينظر للسماء مخاطبا الطير "
انت ياطير البلاد الجيت منها مافيها رزق ليك ، ما فيها دود حشرات خبوب زراعة ؟؟
جاي شايل فدومك ونازل في القندول اكل ..انت قابل الزراعة دي ساهلة ؟؟
وقلنا ساهلة حرتنا ونحن بنغني تيربنا ونحن بنغني وسقينا ونحن بنعني !!
اها جينا للحصاد ! قابل بنلقى فيها حاجة ..؟؟ ولا بنغني الغنا ببقى اشتر والحلوق ببقى فيها طعم الملح ( يضحك )
اها حصدنا ولمينا الشوالات وجا الحساب قايل بنلقى فيها حاجة ؟؟
بعد ناس الزكاة .. يشيلووو
وناس الدقاقة ...يشيلووو
وناس المشروع ..يشيلوو
وناس الموية ..يشيلوو
وناس البنوك ..يشيلووو
وتجي زرازير الطير ,,, يشيلووووووو
بتفضل فيها حاجة ؟؟؟؟
طير يا طير طير بعيد .....

[محمد السني دفع الله]

كلام الطير
لوكان عندي نبلة ! ولا قلوبية !! كان جبت خبركم ، وليه ما اجيب خبركم الليلة .
بمشي البيت وبجيب الشبك واجيب القلوبية واجيب النبلة ،، وقعتو معاي ..
بعمل لي همبول اقفوا في نص الحواشات همبول كبير اقيف كده ، (( يمد يديه يحاكي الهمبول))....يتحرك بصورة آليه مثل رجل آلي خشبي .......:
همبول يرك الطير على كتفي ، وعلى راسي ، ما همبول ..لكن كان بقى مع الطير حمام ؟ بشيل في جيوبي حبوب العيش واول مايرك الحمام على كتفي بفتح يدي براحة
فيها العيش ويطير الحمام يرك على يدي وياكل ويطير على الترعة ويشرب ، فرحان .
وانا وقف في نص الحواشة اضاحك الحمام والقمري والبلوم ..ما همبول ياناس
وشن بسوي الهمبول للطير والحمام ؟؟
وشن بسوى الطير للهمبول ؟؟

[محمد السني دفع الله]

http://www.rabeta.net/upload/feral_pigeon.jpg

[محمد السني دفع الله]

http://farm4.static.flickr.com/3537/3424640684_98906a4a27.jpg

[محمد السني دفع الله]

http://www.waraqat.net/2008/03/teoor_mohagrh1.jpg

[محمد السني دفع الله]

http://blogs-static.maktoob.com/userFiles/o/l/ola_ah_3/images/1211073012.jpg

[محمد السني دفع الله]

http://www.alriyadh.com/2008/08/03/img/030539.jpg

[صابرحسين]

السمبيرية ام قدوم ، عيش ابوي متين بقوم ؟؟ بقوم باكر مع العساكر ..

أستاذنا المبدع محمد السني لك التحية وأنت تزين هذا المنتدى بهذه الأعمال التي تعكس ما بداخلك من إبداع وفنون ، لكن يا استاذ السمبرية حيرتنا كانت بتعرف العساكر وما أدراك ما العساكر أكثر مننا وإلى متى يظل عشينا يقوم مع العساكر ؟

واصل نحن في إنتظار المزيد من الإبداع .

[علي النعيم محمد نور]

{وَوَرِثَ سُلَيْمَانُ دَاوُودَ وَقَالَ يَا أَيُّهَا النَّاسُ عُلِّمْنَا مَنطِقَ الطَّيْرِ وَأُوتِينَا مِن كُلِّ شَيْءٍ إِنَّ هَذَا لَهُوَ الْفَضْلُ الْمُبِينُ }النمل16
الحبيب ود السني . . .
نسأل الله أن يعلمك (كلام الطير) . . .
وعليك الله ياودالسني عايزين لينا نص كوميدي وأهديه لاي فرقه سودانيه عبر المنتدي . . . لان الضحك بقي (عمله صعبه) . . .


10 دقيقه صفا : ـــ
(الله ينعل أبو الشوق ليك الخلانا شحادين )

[faqatar007]

ســـــــــكوب ودمـــــــدني الأنيــــــــــق المتغرد
http://www.rabeta.net/upload/feral_pigeon.jpg
يا حمامة الغصون صداحة فوق أغصانك
ذكري لي حبيب يا حمامة مولاي صانك

ســـــــــكوب ودمـــــــدني الأنيــــــــــق المتغرد

لك التحايا والتقدير والعرفان على إفرادك هذه المساحة الأنيقة .. التي حلقت بنا عبر

الحنين والشوق وكلام الطيور مرسال الشوق الكلو ذوق ياذوق ياودالسني سكوب

ياروعه يأنيق يامتتفرد لك الف تحيه وفعلا عبارتك تخاطب الوجدان وتروي الظمآن

وتعزي وتواسي المجروح وتجيب التـايه الحيران كما ان المفردات التي سقتها قد

تكون من نوع خاص وجميل من طيور بأنواعها ونسايم بأوصافها 0فالطيور هي تلك

المخلوقات التي لا تعرف لها خرطة ولا في إيدها جواز سفر ولذلك فهي قادرة على

توصيل الشوق واللوعة للمحبوب وكما تغني بها المبدعين لكي تكون مرسال الشوق

الكلّو ذوق.

وأولاً طائــر الهــــوي

ثانياً الطير المهاجر ....

أنا يا طير محل ما تطير بشوفك

ملك الطيور أرقص وسط الرّياض نشوان

والبلوم في فرعه غنه

حمام الوادي يا راحل

يا طير يا ماشي لي أهلنا بسراع وصّل رسايلنا

لمالهما من مكانة في نفسي.

وياطير يا طاير

كل طائر مرتحل

وياقمري قوقي

همسة
ان شاء الله كل (طائر مرتحل يعبر البحر) يحمل أشواقك الدفينة ... للغالين ...

[esmat]

واصل استاذ السني من المتابعين
وفي انتظار المكاشفي لتكتمل الروعة

[محمد السني دفع الله]

اخوي صابر
لسه صابر في الدنيا العريضة
ليك المحبة والتقدير والإحترام
شكرا على المرور
انا زيك بسأل عن الأغنية الشعبية
شكرا لكلماتك الرقيقة
مودتي

[محمد السني دفع الله]

علي النعيم
جنرال المنتدى الحبيب
يا رب نتعلم كلام الطير
وشكرا لي شوقك
لكن لو مشينا والأشواق نشحد محبتك
لقينا الكرم زاتو واقف على بابك يشحد معانا
مــحــبــك
وواصل معانا كلام الطير

[وجدى محمد خميس]

الجار الرائع الفنان المبدع
لك تحياتى اخوك الصغير



http://www.ss1ss.com/albumsm/43427.gif

[محمد السني دفع الله]

اخي عصمت
التحية والنقدير
عاوز استمر لكن الفنان المكاشفي
لم يظهر حتى الان
شكرا لمرورك ومودتي
وتابع معنا
كلام الطير

[عبدالرحمن مدثر]

استاذنا ودالسنى

تحية ندية مع خيالك المطره المخلوط بموية السكر

التى كانت هناك تحكى عن واااقع حال كل زول بشيل كوموا

وتفضل بس محبتنا لارضنا ولضلك الوريف


خربشة

بمناسبة بعض الكلمات التى ضاعت وسط الزحمة

(الفرينى ) منها .. تذكرت هذه الكلمة التى يجهلها جيل

اليوم .. واخى الاكبر بحس الدعابة يصف بها احدى الطالبات

وهى قصيرة ... يناديها بالفرينى .. وتضحك من اعماقها

لكنى كنت على قناعة بانها لاتعرف معنى الكلمة مثلى تماما

ومع كلام الطير المنساب نحتاج الى توضيح بعض المعانى


تسلم يااستاذى على الروعة

ومتابعين كلام الطير

[محمد ابراهيم خليفه]

[يا ود السنى
غيبتك طالت وشوقنا للاحرف البهيه زاد كلام الطير وعرس الزين هى انفاس
اناس خلقوا ليبدعوا للاخرين انت من ياتى بالغائب لاتقف فى محطه واحده مر
على كل المحطات لنستمتع اين ما وقفت اطال الله عمرك بدون خرف

[moh_alnour]

يا غصون الروض الأمالك
النسيم الجاك من شِمالك
ولا صوت القُمري الحنين
قمرية قالت للتانية مالك ما أنت ِ لسه في عز جمالك
وشايلة حِملك في ضهور جِمالك و نايمة فوق الخِدر الأمين
قتليها أقسم يا أختي خايفة من زمان ما فيهو شايفة
إلا قتا أخير أبقى عايفة و عوني شرفي و نِعمَ المعين
قطعن كلامن شافن بلابل مروا و دخلوا الروض المقابل
غنوا قالوا حليل بنت بابل فيها لينا الشفاء و الأنين

http://sudanesehost.net/uploads/uploads/1226883050_11.mp3

[محمد السني دفع الله]

فتى قطر
يا ظريف
ما خليت حمام ولا بلبل ولا زرزور
شكرا علىالطواف مع الأغاني
محبتي ومودتي

[faqatar007]

صباح الفل والياسمين سكوب ودمدني المتفرد

http://www.up-00.com/dafiles/na316659.jpg (http://www.up-00.com/)

المبدع وثق تماماً لامجال لاي زرزور ولا حتي

ودابرق أو عشوشة ولا قدوم أحمر أن يفلتوا

من شبكة سكوب مدني المميز.........


http://www.up-00.com/hafiles/gTc16659.bmp (http://www.up-00.com/)

مع خالص أمنياتي بالتوفيق والتقدم ولا خلاص

تاني مافي بلادات علشان ما نشرك للطير

وياطير مكان ماتطير شبكة سكوب بشوفك .....

الذكرى أحلى من الواقع حتى لو الماضي كان

مؤلم قوي الواحد بيتمناه يرجع لإني طبيعة الدنيا

ان اللوقتي أحسن من بعيد وبعدين أحسن من بعد

كمان وقت هو كده دي سنة الحياة ما أجمل الذكرى

ومــــا أجمل حروفــك التي لمعت فيها فكرة العودة

للذكريات دون جرح في الماضي تلمسه واستنشاق

رائحة دعاش أرضنا الطيبة الخضراء مع أرق سكوب مدني



http://www.up-00.com/hafiles/bEk16659.bmp (http://www.up-00.com/)
Faqatar007

لك مودتي أيها الأنيق والمبدع والمتفرد والمميز دوماً........

[محمد السني دفع الله]

وجــدي محمد خـــمــيـس
اسمك لمن طل في اول الصفحة
شح الفؤاد
ولمعت دموع في عيوني
رحمة ومغفرةلكبارنا يا وجدي العلمونا معنى المحنة
ياوجدي رجعتني لي زمن جميل وناس رايعيين
ناس ملوا حياتنا بالبهجة والعلم والمعرفة
لكم طلتك اسعدتني وردت الروح لي عافيتي
محبة من غير حدود وسلام للأهل دون فرز
مودتي

[محمد السني دفع الله]

وصلتني
رسالة
من الفنان المكاشفي
وسوف يكون بيننا
قريبا
لكم احيتي
مودتي

[محمد السني دفع الله]

http://www.ead.ae/TacSoft/images/news/Flamingo-1bu%20saieaf.jpg

[محمد السني دفع الله]

الوجيه
عبد الرحمن مدثر
يا اخوي شعرك مالو خفه في الصورة الجديدة
ضحكتني
قلت لي البت اسمها الفريني
يعني يا قصيرة يا مدورة
يا مدقدقة
ياخي تحياتي لأخوك
المسرحية تتحدث عن مجنون كان شعال ( صمد ) بفتح الموية
في المشروع ودي دعوة لأحياء مشروع الجزيرة
اتمنى ان تشاركنا الراي
لك المودة والمحبة

[المكاشفى]

آه من الزمن الجميل السنى اخوى
اولا واولا بعتزر بشده وبكبك وكداره ودقلس امريكى
للتأخير وانتم تعلمون مستشفى وبنيه حليوه وسمايه
لكن الحمد لله رجعت ولقيت كوم الالق الذى اسعدنى
حتى الثماله والله سعدت بالفكره ايما سعاده
ياخى والله ماعارف ابدأمن وين لكن انا بديت بالفعل
من تغمص الشخصيه وانت ماشى ركبت طوالى من
بروفه الطربيزه شد حيلك على الاخراج
لكن الفكره بالجد مبهره العالم بعيون مجنون؟؟؟
جيتك يالسنى

[محمد السني دفع الله]

الف مبروك البنية ولا شنو
وايه حكاية المستشفى
كده فهمنا براحة
بعدين تعال لي المجنون
الحيجننك
منتظرين على احر من شمس يونيو

[mutasim]

الليله كان تطير بحصلك , والله ووالله الا تطير

[المكاشفى]

السنى والشباب سلامات
البنيه ما اتسترت مع امها وجات بى قيصريه
لذا لزام علينا ان نمكث اياما بالمشفى
لكن الحمد لله البنيه وامها فى امان الله
يا معتصم مع منو المابتخليهو كان طار ده؟؟؟
الله يكون فى العون
راجع بى رواقه

[mutasim]

المكاشفى مبروك البنيه ,
الموضوع هو مقطع من احدى الاعمال الدراميه السودانيه وقصدت منه الفكاهه فقط ارجو ان تتابع جيد وسيب الحساسيه

[محمد السني دفع الله]

الف مبروك
والف مبروك البنية الجميلة قطع شك
والف سلامة لوالدتها وربنا يخليهم ليك
ودي بشارة خير
اصلوا انا بحب العلامات ودي علامة فال
البت ما أجملها وهي حبيبة ابيها
صدقنبي علامة خير وفال
الف مبروك
http://www.sunna.info/souwar/data/media/47/f8.jpg

[mutasim]

العزيز السنى ليك الف تحيه وشوق كثير فى اوايل السبعينات كنا اصحاب ايام الاستاذ على مهدى كان منتدب بمسرح الجزيرة وانا كنته عامل فنان ياريت تتزكر اخيرا سلامى وتحياتى لشخصك العزيز

[المكاشفى]

مود فاتر من المجنون بعد مناحاه للطير دامت لزمن
ينزل الايقاع فيت رويدا رويدا

هو آ الطير انا مالى بيك مزازيك ومقلل منامك
هى ماقسمتك يالطير ماتأكلها كان بتقدر ويمين
بالله تأكلها كان دخلناه المخزن ... مى قسمتك
بالحيل قسمتك .. انا ما اناحى المزازيننا ابان كروش
الطاربين الطرطيبه والحاجه عجيبه البياكلو فيها زاهبه
نتعب اولن يابادى من الصيف .. وهاك يا اتلباجه البكوس
فى التيراب .. الامى القنقر .. والعندو ليه عيشات .. والبدبر
فى حق التيراب زالبقسم من مونتو .. المهم التيراب بتدبر
وهاك ياواطه نضافه وقشقيش وهاك ياحرات وهاك ياتيراب
والمويه بعد المويه .. ومنتظرين الليله الله
يامطيره كبى كبى ... يامطيره كبى كبى
والمطره جات جابت العاجات
اها يالطير اخوى العيش كان مالقى مطر مابصح
اي بالحيل يمين بالله العسله تكملو ومسور بروح هبوب ساى
اها الله مابضيع عبدو ساى المطر بكب خيرسان ونتره
عيييييييييييييييك والعيش كبر بقى صقار وعيك حمله ولتيبه
وعييك العيش شره وعيك العيش لبن وعيك العيش نجض
وقطعنا ولمينا وجات الدقاقه ودقينا والحمدلله وجات الكوارو
تنقل العيش للبيت .. لكن اجوك الظابطيه وهاك ياخمخيم
حق المويه براهو والزكاة والضرايب وحق الحكومه يمين
كان يفضل ليك حق تيراب السنه الجايه يمين زى مابكلمك
يالطير الطير اخوى اكل الليله باكر القاهو قدام لكن البشيلوه
ابان كراش دا انا القاهو وين ؟؟؟؟ كلمنى وين القاهو
يمين من الليله انا اناحى ليك الظابطيه والناس البخمخمو حقنا سااى
ولا كلامى كيف آالطير رايك فوق كلامى ده شنو م اياهو



ونتواصل

[المكاشفى]

حاح حاح حاح رو رو رو رو
كورررررررررررررر كورررررررررررررررررررر
اش كفاك خليلنا شيتاً نمرقبو من فك العفريت
شيتا نقتاتبو زمن الشتا شيتا يقيف بينا وبين ابان كروش
الله لا كسبهم .... لا لا يالطير اخوى مارجعت فى كلامى
لكن انت تقلت دمك وبقيت زى الجماعه اديناهم مسورنا
السنه الاولى .. باقى بقو يجونا كل سنه التقول ماسكين
مويته .. ولا حاشينو؟؟ يمين بالله حقاره عديل كدى

اه آ الطير اخوى انا مغايسى كتيره خلاص وما
عندى زولا بشكيلو غيرك الحله وناس الحله كلهم
قايلنى مجنون ... ات لكن يالطير البخلينا ننصح شنو؟؟
كدى ورينى لقيطنا ليها ووطيان الفيل ده براهو ما بفكك الدرب

ات الطير انا وريتك بى خبر الجنويت (جمع جنا) الهاجرو خلو
الحله ماوريتك انا قايل وماك خابرهم منو وفاتو البلد فى شنو
القصه يطول شرحها اسى الضهريه انتهت والشمس غابت
وانا زاتى مسكتك اكتر من اللازم باقى بتدور تدبر مكان نومك
لى الصباح كان اصبحنا من ناس الصباح بوريك حكاوى الجنيات
الفرو والبنيات العنسن ؟؟؟؟؟

دع عيييييييييييييييييييك رو رو رو

[المكاشفى]

عووووووووووووووووووووووووك
السنى اخوى وين روحت

[محمد السني دفع الله]

انا في عزاء الوالدة في السودان ما تشوف شر ولا يجيك حزن
يا مكاشفي

[mutasim]

انشاء الله ربنا يتقبلها قبول حسن , رحمة الله عليه , وتعزينا الحارة لك وللاسرة .

[عباس الدسيس]

ود دفع الله البركه فيكم ربنا يلزمكم الصبر ويفتح ليها باب من ابواب الجنه تقبل نعازينا ومنتظرنك .....

[محمد السني دفع الله]

كلام الطير
صيحة
لإبعاد طير الحقول
من التهام
سنابل المعاني
الطيبة
والعودة لمشاريعنا الخضراء
لتعود يانعة من جديد

[بنت النيل]

استاذنا الجليل عشت رمزا للفن ودمت ذخرا للوطن
ذكرتنا بالذي مضى وايام الطفولة والزمن الجميل والسمبرية ام قدوم
ربنا يخليك لينا ونكمل كلام الطير
تقبل مروري

[محمد السني دفع الله]

الصمد البفتح الموية
يسقي الحواشات بطل المسرحية
في نومة بجيكم صادي
ومعاه الحكايات
اصبروا علينا اااناس

[المكاشفى]

السنى اخوى البركه فيكم وربنا يتقبل الوالده
ويرحمها ويمن عليها بالرخمه والمغفره
سألت منك جيت السودان ولا لا عندك تلفون بره ولا جوه
لكن لامجيب والحمد لله وايى لو متواجد حبرنا
0912955214
0122484663
ديل تلفوناتى بس خبرنى وات ماك مسعول تانى

[مازن الجمّال]

الخير في الطير البلعو الريح
الطار في الليل من غير ترويح

استاذ محمد السني .. البركة فيكم

والمكاشفي .. ألف مبروك المولودة

وبقية الاخوان


بوست حلو زيكم

وبرجع ليكم برواقة ان شاء الله

[محمد السني دفع الله]

مازن الجمال
التحية والمودة وين نلقاك
العمل ده عايز اشعار

ورينا دربك وين بداية الأسبوع الجاي نحن في السودان بأذن الله
نشوفك
عشان نكمل
كلام الطير

[مازن الجمّال]

مازن الجمال
التحية والمودة وين نلقاك
العمل ده عايز اشعار

ورينا دربك وين بداية الأسبوع الجاي نحن في السودان بأذن الله
نشوفك
عشان نكمل
كلام الطير

الجميل المبدع محمد السني

ياخ انا متمني اليوم دا زي هلال العيد

وريني حتكون قاعد في السودان لحدي متين

انا جاي شهر 9 ان شاء الله

[مايسة]

[
center]رائعة بروعتك ايها العملاق

سعيدة وانا اعلق لك على هذا البوست الرمزي الرائع - منتظرين اكثر واكثر [/center]

[عزيز عيسى]

الأخ محمد السني (قبة).. وأخونا كشة لكم التحية..
واصلوا الحكي السمح عن الطيور
وتجدوني من المتابعين..
ليه بقولوا: (كلام الطير في الباقير)..

[محمد السني دفع الله]

مازن الجمال
اتمنى ان نلتقي على خير ومحبة
انا اجازتي حتى العيد
يمكن نلتقي
لك المودة

[محمد السني دفع الله]

مايسة
اختي النبيلة
شكرا على الكلمات الرقيقة
واتمنى ان تشاهدي العمل كاملا وتكوني ضمن
الحضور ايام عرضه
مودتي

[محمد السني دفع الله]

اخي العزيز عزيز عيسى
لك المحبة الصافية
شايف الحنين متلبسك
وانت غاطس في ذكريات فرق الجاز في السودان وخاصة فرقة مدني الجميلة
مدني يا أجمل خبر ..
الحنين
للزمن الجميل
سودان البخاته
هنا فاتحين باب للحنين
لي ايام مشروع الجزيرة
هذه المسرحية
صرخة للعودة لتزدهر الحواشات من جديد
وننظف كل مجرى للمياه ،،
من ،،، الكنار
الى الترعة
الى اب عشرين
الى اب ستة
الى الجداول
واشرب موية صافية انت والحمام
وطير لي بلاد الخيال
مودتي ومحبتي عزيز

[المكاشفى]

اها يالسنى انت وين ووين باقى الحكى
انا الليله بس المنتدى فتح معاى

[محمد السني دفع الله]

كشة الدولي حبيب الكل
اليوم بنتهي من المسرحية حتى الصغحة قبل الأخيرة
وللحقيقة قدم لي الشاعر
معتصم الطاهر مادة جميلة عن مشروع الجزيرة
جعلتني اعيد الكتابة من جديد
المهم اليوم بنزل جزء من الكتابة
والباقي بنعمل عليهو اول ما اصل السودان الأسبوع الجاي باذن الرحمن
دعواتك
مودة ومحبة

[أم وئام]

عزيزنا محمد السنى (ود ستونا) وأنت المبدع دائما نريد ان نري منك المزيد فمقالاتك واعمالك دائما تدخل البهجة فى نفوسنا

[أبو جودي]

الأخ الفاضل ،،،، محمد السني دفع الله ،،، لك مني كل التحايا والأشواق ،،، وبس عاوز ترجع بيك الذكري ،،، للحضن الدافئ ،،، للوطن الصغير ،،،، مارنجان ،،،، أكيد بتعني ليك الكثير ،،، حيث نشأنا وترعرنا في ظل أماسينا الرائعة في رمضان ونادي الموظفين وما كان من نشاط ،،، وعلى رأسه جيمع الأخوان ،، أسامة ،،، وبلة ،،، والعود الأخضر ،،، والكثير الكثير ،،، الذي لا تسعف به الزاكرة الآن ولك مني الشوق الشديد ،،، والأمنيات بالصحة والعافية ،،، أخوك أسامة كمال شعبان ،،،، تحياتي لك وللأسرة الكبيرة والصغيرة ،،، وإنشاء الله نلتقي في منتدى مدني كثيراً ،،،، لك كل التحايا،،،،،،،،،،،،،

[ياسر الريح يوسف]

أخى محمد اتمنى ان يعود المسرح و الكوره فى مدنى ايام الامجاد

[المكاشفى]

السنى سلامات يارائع والله كم سعيت ان اعيد ترتيب
المسرحيه ومرورا بالاهداف الراميه منها من موت للمشروع
وتشريد للشباب وغيره من الاثار السالبه التى ترتب عليها
اها لكن المنتدى لايفتح معى تماما الى ان لجأتل للغاليه ام جمال
فأخبرتنى المشكله فى السيرفر الذى ادخل منه اليوم غيرت
المنهج وتمكنت من الدخول ....... ومنتظرك تكمل او تتركنى اكمل
داير ابرف يااااااااااااااااااااااخ مامن حقى ياخ

تلويشه :-
اتجرجر شويه فى العوده للوطن حتى تحين عودتى للخرطوم
انا سوفانزل اجازه من يوم 3/8 حتى 1/9
فى انتظارك ياشاب

[المكاشفى]

السنى سلامات يارائع والله كم سعيت ان اعيد ترتيب
المسرحيه ومرورا بالاهداف الراميه منها من موت للمشروع
وتشريد للشباب وغيره من الاثار السالبه التى ترتب عليها
اها لكن المنتدى لايفتح معى تماما الى ان لجأتل للغاليه ام جمال
فأخبرتنى المشكله فى السيرفر الذى ادخل منه اليوم غيرت
المنهج وتمكنت من الدخول ....... ومنتظرك تكمل او تتركنى اكمل
داير ابرف يااااااااااااااااااااااخ مامن حقى ياخ

تلويشه :-
اتجرجر شويه فى العوده للوطن حتى تحين عودتى للخرطوم
انا سوفانزل اجازه من يوم 3/8 حتى 1/9
فى انتظارك ياشاب

[عزيز عيسى]

الأخ الفاضل ،،،، محمد السني دفع الله ،،، لك مني كل التحايا والأشواق ،،، وبس عاوز ترجع بيك الذكري ،،، للحضن الدافئ ،،، للوطن الصغير ،،،، مارنجان ،،،، أكيد بتعني ليك الكثير ،،، حيث نشأنا وترعرنا في ظل أماسينا الرائعة في رمضان ونادي الموظفين وما كان من نشاط ،،، وعلى رأسه جيمع الأخوان ،، أسامة ،،، وبلة ،،، والعود الأخضر ،،، والكثير الكثير ،،، الذي لا تسعف به الزاكرة الآن ولك مني الشوق الشديد ،،، والأمنيات بالصحة والعافية ،،، أخوك أسامة كمال شعبان ،،،، تحياتي لك وللأسرة الكبيرة والصغيرة ،،، وإنشاء الله نلتقي في منتدى مدني كثيراً ،،،، لك كل التحايا،،،،،،،،،،،،،
معقولة أسامة كمال شعبان أخو نادر كمال شعبان
معانا هنا في المنتدى.. أصلو ما بصدق؟!!
تحياتي ياود حتتنا.

[المكاشفى]

السنى اخوى انت وين؟؟؟؟؟؟؟؟؟
انا منتظر

[المكاشفى]

اخويا يالسنى السنى طمنى

وينك يارائع ولا بتحزم فى الشنط
استعدادا للرحيل
فى الانتظار ولك مودتى

[المكاشفى]

السنى اخوى سلامات يارائع
والله طال غيابك وشفقتنا
عل المانع خير
فى رجاك ياخى اريد البقيه
وتوقفت عن كتابه كل شئ
عندما علمت انك تستحدث فى الروؤى
اها منتظر يالحبيب

[المكاشفى]

شايفك الليله ظهرت يالسنى
كدى مر بى هنا ورينا الحاصل شنو؟؟

[حسن سادة]

أستاذنا المعجون بجمال مدني محمد السني
سلاماً حتى عودة الطيور إلى أوكارها

كنت فيما مضي قد كتمت أشواق الحنين
داير الدموع يتقلو
ولكنني اليوم وأنا في حضرة ملك الطيور
قد رجعت وخليت الدموع ينسابو مني وينزلو
فلا غرو أيها العزيز إن كنت أنا :
"خضرة مـشاعـرى اشيلها صيف "
ولكنني وجدت أن أسراب الطيور
قد إتلاشت سراعاً تحت الغمام
تـحت الـغمام شـايف
فقلت لها والأسى يلفني ويعتصرني
" ليه يـا عـصافير !!! ليه الاسف ؟
ولكن الطيور لم تسمع مناجاتي وواصلت التحليق
في الفضاءات الممتدة فوقت واجماً وأنا أردد في سري:
على نيل بلادنا سلام
وعلى السني سلام

فهل وصلك سلامي وأقصى الود؟
لله درك أيها المسكون بالإبداع محمد السني
إذا لم تكن مدني ومبدعيها كذلك
فلا وألف لا

[المكاشفى]

رمضان كريم
وتصومو وتفطرو على خير
اها اقول يالطال غيابك طال مابين سنه وزياده

[المكاشفى]

كل عام والجميع بخير
السنى انشاء الله عافيه ياخوى

[محمد السني دفع الله]

جيتكم
وكلي
حنية
امانا ماوقعتوا

[حاتم مرزوق]

جيتكم
وكلي
حنية
امانا ماوقعتوا

افتقدناك كثيرا استاذنا محمد لكننا لم نفقد ابداعاتك وقد شاهدنا لك بعض الأعمال الجميلة وقرأنا من زخيرتك التي ازدانت بها صفحات المنتدي ما يروي شوقنا الي تواجدكم بيننا.

عودا حميدا وكل عام وانت والأسرة بالف خير.

[المكاشفى]

جيتكم
وكلي
حنية
امانا ماوقعتوا

ياخى شفقتنا ياخ وين انت ياراجل
حمدا لله على السلامه
وياخى تانى ورينا الحاصل شنو؟؟
وكل سنه وانت طيب
اها وصلت لى شنو مع ولدنا ودالحصاحيصا
انشاءالله الموضوع نجض خلاص

آخر الغيبات انشاء الله يالسنى اخوى

[درديري كباشي]

كلامك عن الطيور في بوست الخروف ذكرني وانا جديد في المنتدى وما عارف على فين يودي فين على راي عادل امام ( رجب فوق سطح صفيح ساخن) تذكرت انه لمحت لك بوست متعلق بالطيور ... في لحظتها انا ما وجدت فرصة اطلع عليه وانا لازلت جديد واعيش في مرحلة التعريف والتعرف بالناس وبنفسي .. لكن اليوم تذكرت وتفرغت وقرات واستمتعت واقول ما اجمل الفن عندما يوظف من اجل قضايا الانسان .. لذلك الغربيون كانوا اذكياء جدا عندما استخدموا الفنانين كسفراء النوايا الحسنة .. لانه الفنان له القدرة ان يقول للاعور اعور في عينه لكن بطريقة تجعلها مثل القبلة ..
احيك انت والمبدع المكاشفي الذي التقيته ايضا في هذا الصرح الرائع وكان بيننا مداخلات ..نتمنى عودتكم بقوة لاحياء وتكملة هذه التحفة حتى ترى النور ونراها واقعا على الشاشات طالما تعذرت علينا المسارح في الغربة .

[telecom]

والله نحنا مع الطيور الما بتعرف ليها خرطة ولا فى ايدا جواز سفر،،،،،،،،،،،،،،،،،،،،
تعجز اصابعى عن الكتابة لك ايها الاستاذ الرائع المبدع السنى وانا لا اصدق نفسى وانا اقراء هذا البوست الراائع ولا اصدق نفسى انى فى حضرة الروعة والزمن الجميل الذى كم تمنيت ان اكون منه او اعيش ولو جزء بسيط من حياتى فيه ولكن ليس بايدينا بل ايدى القدر مع العجلة والسرعة،،،،،،،،،،،، تقبل مرورى استاذى السنى

[النويري]

أيها الراحل في الليل وحيداً ضائعاً منفردا أمس زارتي بواكير الخريف
كان صيفي دافئاً وشتائي بارداً وجليدا

أستاذنا الكبير ( ود السني) تحية طيبة من عادتي التروي في كل بوست حتى أتعرف على ملامحه وذلك سبب تأخرى في الدخول إلى اللوحة الطبيعية التي رسمتها وبدأنا نستشم رائحة العيش في التقانت وخرير مياه الجداول مع توافد أسراب القماري و(البزة) دي طبعاً عايزه شرح في موسم الحصاد أخي العزيز الفكرة رائعة بقدر روعتك وروعة إنسان الجزيرة الذي يحلم بالخضرة والجمال أمل أن يحالفك التوفيق وينتهي العمل بسلام
تقبل مروري مع خالص التحيات

[محمد السني دفع الله]

النويراوي
كده اتغير الاسم خالص صاح؟
ما علينا
ما تخمنا ساي
شنو البزة
لانو المسرحية دي ان مراهن عليها
وهي مسرحية حب في فقيدنا العظيم
مــشــروع الـجــزيــرة
وسوف نشارك بها بإذن الرحمن
في مهرجا
المطر العام القادم
في القضارف
قول امين
شنو البزة

[النويري]

النويراوي
كده اتغير الاسم خالص صاح؟
ما علينا
ما تخمنا ساي
شنو البزة
لانو المسرحية دي ان مراهن عليها
وهي مسرحية حب في فقيدنا العظيم
مــشــروع الـجــزيــرة
وسوف نشارك بها بإذن الرحمن
في مهرجا
المطر العام القادم
في القضارف
قول امين
شنو البزة

الله يديك العافية وتكسب الرهان إن شاء الله وتشهد خضرة الجزيرة مرة أخرى أما( البزة) فهي نوع من أنواع الطيور أكبر شوية من ناس عشوشة وود أبرق يعني قريبة من قديلو الخريف بتجي مع الدقاقات مع الحصاد بكميات كبيرة جداً حتى المزارع بتفائل بكثرة حصادو لمن تجي البزة وبتلقاها سمينة وطاعمة جداً عند الشوي أها قصرت معاك

[بدر الدين احمد الطائف]

الاخ الفنان الانسان محمد السنى دفع الله
لك الف تحيه
تسجيل حضور ومتابعه
ولنا عوده

[النويري]

أخوناي ود السني سافرت ولا شنو

[المكاشفى]

ماطوااااااااااالى فى حاله سفر السنى ده
الله يجيبو طيب
اها انا مابنتظرك كان لقيت الروقه المسرحيه
بكملها برااااى ومعزوم للعرض بس
ابشر بالخير

[شيخ الدين]

الحبيب السني بطل حركات ونحنا ناطرنك بالبحرين ليه ورشة العمل وارر ما عايزن حركات حبيبي نحا في انتظارك في انتظارك وفي شرايني عطر ..... والباقي انته عارفوه

[محمد السني دفع الله]

الحبايب
المتداخلين
امس اخوكم طلع ليهو من حادث
اللستك طرشق وانا لا في الصينية
لافي لكن مش بي سرعة
ربك سلم لكن الخلعة الدخلتنا
عملت لي حمى وجاب لي انفولنزا طيور
اها بقيت الليل كلو بهضرب بي كلام الطير
قلت لعل المانع خير النشوف بوستنا
بتاع كلام الطير
جيت لقيتو عامر بالاحبة
تسلموا لي
وربنا يغطيكم

[أبو جودي]

ربنا يغطيك لينا أخي السني والجاتك في لستكك سامحتك ،،،،
وربنا يديك الصحة والعافية ويحفظك من كل شر

[ممدوح أبّارو]

الحبايب
المتداخلين
امس اخوكم طلع ليهو من حادث
اللستك طرشق وانا لا في الصينية
لافي لكن مش بي سرعة
ربك سلم لكن الخلعة الدخلتنا
عملت لي حمى وجاب لي انفولنزا طيور
اها بقيت الليل كلو بهضرب بي كلام الطير
قلت لعل المانع خير النشوف بوستنا
بتاع كلام الطير
جيت لقيتو عامر بالاحبة
تسلموا لي
وربنا يغطيكم

ياعمك حمداً لله علي السلامة في الاول والجاتك في لستكك سامحتكhttp://www.wadmadani.com/vb/images/smilies/rolleyes.gif

وكفارة وسلامة لأحلام وقول ليها ما تشوفي شر يارب

وطمنا عليها

[محمد السني دفع الله]

ابوجودي
ربنا يطرح البركة فيك ويعاقيك
وتسلم وما تشوف شر
تعال يا اهوي انا لي متين
بكون عضو مجتهد ؟؟
ما بتعرف لينا واسظة يرقونا
محبة وومودة

[أبو جودي]

ابوجودي
ربنا يطرح البركة فيك ويعاقيك
وتسلم وما تشوف شر
تعال يا اهوي انا لي متين
بكون عضو مجتهد ؟؟
ما بتعرف لينا واسظة يرقونا
محبة وومودة



أخينا الغالي محمد السني
والله يا أخوي السني أنا أكان عندي "سنطة" المثلك ده يا ود السني بدوه مميز بمجرد جرت حرف من حروفك في المنتدى ،،، لكن نقول شنو ،،، أهه أنحنا بنكافح ،،، وإن شاء الله الأحسن والأجمل آتي قريباً
أخي السني بالمناسبة أنا بكتب ردي ده وماشي على طول للاحتفال بــ الشمعة السابعة ولازم نسمع صوتك معانا ،،،، وذي ما سمعته من أخي النويري قالوا خاتين ليكم أنت ود هاشم سرويسرن كبار بتاعة لحمة أهه ،،، إن شاء الله نسمع صوتك
أخي محمد السني "المسرح" وين وين سؤال لا زلت أكرره وفي انتظار ردك عليه أخي
لك تحياتي وودي

[النويري]

مرحب بالخريف الزارنا ومرحب بالشرفنو ا ديارنا

تحية للأستاذ ود السني وحمد الله على السلامة وين الحجبات الديتك ليها الحاجة الكمون والحركات ديك ما قاعد تختها في العربية الحمد لله على كل حال

قال ليك كان في واحد كمساري كضاب كضب جنو يمدح السواق ويحكي عن الرحلات بتاعتوا هو والسواق وفي مرة بحكي إنو اللستك طار والمعلم بتاعوا أسمو حريقة قام قال للمعلم بتاعوا

يا معلم حريقة اللستك طار قال المعلم رجع خلف واللستك رجع في محلوا ديني أنا شغل نضيف

اما يا أستاذ عن مسئلة عضو جديد دي طبعاً قصتي معاهها قصة تخيل أنو أنا من 2004 وانا عضو جديد لحد قبل شهر ولا شهرين حتين غيروها لي أنت ما عارف المعايير هنا بتم كيف هنا ناس شكراً والله خطير أمتعتنا وأبدعتا في اليوم بيعمل ليه ذي دي 30 وكل ما زادت مشاركاتوا بقى فضي وبرنزي ومووووف وبعد ين تاخد الماسية وتتقاعد التقييم عندنا بالكم وليس الكيف ولكن أنت مكانتك عندنا كبيرة وأنا والله لو في حد في الإدارة بتابع بس للأستاذ ود السني أول الأشياء بمنحنك فخر المنتديات وبعدين نشوف يا إدارة كون الأستاذ يكون في منتداكم دي مفخرة لمدني ولمنتداكم وإتخيل لي ما كثيرة عليه فخر المنتديات اللهم لا أعتراض في حكمك

ما وريتنا الجديد شنو وبمناسبة سلامتك من الحادث برضوا عندنا ليك خروف

[محمد السني دفع الله]

lممدوح ابارو
سلام مربع
وينك يازول بابهيج
ده شنو يا عمك مستلف لينا وش عبدالماجد
يعني من قيافتو انت اقيف وسيد الوجاهه
مودتي وشكرا على المرور

[محمد السني دفع الله]

النويري
التحية والمودة
والشكر الجزي على سماع صوتك الشجي
ماتشتغل مذيع
والله افرحني هاتفك الصباحي ونقلني لي مدني الجمال
شكرا على دعمك الغير محدود
يعني هسي اقوم اكتب زي دشليون بوست يرقوني طوالي
شوف البنوم تاني منو
كل يوم بوستات لمن اعمل ليكم وجع وش لك محبتي الاكيدة

[محمد السني دفع الله]

نرجع لي كلام الطير .....
احكي ليك عن شنو ولا شنو يا طير
والله يا طير محل ما تطير بشوفك ( يغني بحزن )
اه يا طير احكي ليك عن البنات العنسن
تعال يا طير انتو طيراتكم بتعنس ؟؟
سؤال وجيه زي ما بقول الناظر ايل المدرسة في كلامو
صحي يا طير عندكن مشكلة عنوسة ؟؟
نحن عندنا وهي جنس مشكلة ...
اجمل البنات عنسن
لوشفت محاسن ولا سعاد ولا الريلة ولا رقية ولا التاية ولا .. لالالا ما تقول لي
قدوم اخمر عنست ..؟ليه ود ابرق فكاها عكس الهوا ؟؟.. (يضحك ضحك يتحول الى بكاء )
ببكيك با اخلاص ..اخلاص الأمين . اسمها طلع مطابق ليها ، تقول ابوها الامين عارف مستقبلها ، زولة في الاخلاص مافي مثيلها ادب وحكمة وحياء وزوق وفهم ويدها طاعمة اليوم التقدم لي فيهو ملاح ولا رز بي لبن بعده كم يوم ماباكل فشان ما مابضوق متل طعامه.انا قلت ليكم اوصافة وما كلمتكم عن جماله .( يضحك ) مرة في زول قريبي
جاء بفتش على عروسة قلت ليهو عندي ليك العروسة زولة مؤدبة ومكملة الأخلاق !!
قال لي : بديت لي بالأدب والاخلاق مالها ماهي جميلة ...( يضحك )
والله جميلة جميلة دواخل وجميلة منظر والله لمن تضحك تحس الكون كلو بضحك معاها لكن شن بنقول ! حبت ليها زول 14 سنة ، قرو سوا واتعلمو واشتغل واغترب وصلح لي اهلو وعمل بيتو وهي صابرة عليهو تفكر ليهو غي كل شئ نصحتو يشتري ارض زراعية ويشتري بيت ود الفحل عشان يوسع لي اهلو وفضت ترتب معاهو وتضاير معاهو وحه اخر المخيرة عرس غيرة... صاحبتها . اي والله العظيم صاحبتها هي لكن اتلجلجت ولا اترددت اول من بارك لي صاحبتها قالن النسوان الساعة الجات داخله عليها في البيت وهي بعلمو فيها الرقيص سلمت عليها وقالت ليها مبروك ووشها ضاحك وطالع منو نور نور طفه نور كل البنات القاعدات وسلمت على النسوان الكبار وطلعت ماشة زي الضابط والناس التقول راكي على ريسينه الطير ..صن ساكتين وبعدها اليوم داك اتلغت التعليمة ورجعت بيتها . وقفلت قلبها على الذكريات وقفلت ضحكتها على الشفع
عايشة عمرها لي الاطفال لاعندها صاحب ولا صاحبة ولا حبيب ..

[النويري]

أيوه يا أستاذ أنا عايزك ما تقيف أصلوا خليك راشي بس

عندنا مشكلة في السودان كما في كل أقطار الدنيا ألا وهي العنوسة هنالك بعض الأسر والبنات يغلب عليها طابع الكبرياء وتجد الأسرة في حال من التكبر والإفتراء من حيث إختيارهم للأسر المرموقة والأسر ذات الثراء والسمعة مما يجعل فرصتهن في الزواج ضعيفة لحد ما ولكن علينا أن نأخذ الأمور بكل بساطة فالحياة رحلة علينا أن نتعامل معها وفق معطياتها المتاحة لنا

أعتقد يا أستاذ أننا كشباب وفينا كثيرون قد ظلمنا المرأة فيما وهبت هي حبها وعشقها ولكننا لمن نحفظ هذا الجميل

أشكرك على العبارات الجميلة من شخص لديه غريزة الكلمات البسيطة من وحي الطبيعة الخاصة بإنسان السودان البسيط

ربنا ما يحرم بيت من الأطفال ويسعد كل إثنين بحيبوا بعض ومتزوجين وأولهم أنا

طبعاً يا أستاذ في نوعين تاني من ودأبرق في واحد أسمو أبرق عجينة وتاني واحد إسموا أبرق ـ ـ دا ما بقدر أقولوا ليك في العام هنا

تقبل خالص التحايا

[أبو جودي]

تسجيل متابعة ...

[المكاشفى]

الحبيب السنى حمدا لله على السلامه
وانشاءالله ماتشوف شر
وعودا حميدا ياشاب وميتين فى الميه
طوالى ركبت الصف من مكان انا انتهيت
بجى بى رواقه وبواصل معاك

[محمد السني دفع الله]

شكرا
مكاشفي
ومنتظرين تسخن الطار وتغني
الف تحية ليك وكل المنى ان نلتقي قريبا
مودتي

[المكاشفى]

آه ولو آه تفيد مجروح
نحن يالطير اخوى حالنا بقى لابسر عدو ولاحبيب
يمين بالله الشغله بقت زى ساقيه جحا من البحر ولى البحر
بعد خبر البنوت العنسن والاسر الاتفرتقت اى اى والله فرتيق عديل كدى
ما الحال بقى مايل وبالعربى كدى الزراعه بقت مامغطيه عديل كدى
عشان كدى الضرب البسعوديه ضربها والضرب البندر ضربه البلد مابقى فيها
الا انا والعجايز المدارس الناس بطلتها بقت مازى زمان مدرسه ضياع عمر
ولم ينجح احد المعلمين الكويسين كلهم اغتربو والفضلوا شغالين دروس عصر
وتجار ويبيعو فى الحاجات بالقصد والساعى ليهو بهايم يعنى بهايم المدرسه
هي طلبه المدرسه مافى زول شغالبهن الشغله ... عييييييييييييييك
دايره تودينا وين عليمو الله
اها يالطير قبال ده كلمتك بى الضابطيه البجو يلمو المحصول
بعد رداوه الزراعه والارض فترت وهالكنها بالزراعه والبنك كتل الناس
ومكتب الناس اصولات اللات امانه كان عجز المزارع ينسجن ياحليلك
يامستر ديفد على قول جدى ودالاخدر اصلو ديفد دا كان مفتش زراعى
جدى بحكى لى طوالى بقولى الخواجه الكافر ده بدق بى سوطو عديل
زى دق المدرس لى الطلبه دق وراه فايده ووراه انتاج وقروش
لكن وين الليله تندق وتنزل وتنهان من شفع فاكنهم بالخلا شايلين
السلاح ودق فى العوج ... اي صح والله دق فى العوج وداكى الليله
ماعارفين قصه عمر ود جدى العوض آه الله يرحمهم جميعا جدى العوض
مات بالحسره على عمر وعمر راح شمار فى مرقه اها داكى الليله
كان دق القمح والحال صعب والناس جايطه والانتاج كعب والناس تحسب
خايفه من البنك ومن ناس الحكومه الفاكه الجنيات بى سلاحهم يردعو الناس
حاج فلان حللك كم والله عشرين شوال والحواشه تجيب خمستاشر يرفعوهن
ناس الحكومه جت فى عرباتهم وتقول شئ تلقى شئ اها جدى العوض
كان الدقاقه دخلت ليهو وحللو كان اتناشر شوال والحواشه جابت اتناشر
يعنى ليهو اجر السعى بس والخيل تجقلب والشكر لى حماد اها جدى العوض
كبير فى السن ومروتو تعبانه وحالف يشيل ليهو شوال يضوقو بناتو باقى
زارع سنه كامله يمرق ملوص اها والجنا الليل الحكومه حلف بالتقطعو
مايخلى فقشه وقدر ما اترجاه وقاليهو ياولدى كان قلت الحواشه دى جابت حداشر
شوال فى زول ساعلك السنه الجايه كان الله حيانا بتتعوض وبنحلكم
حلف يمين مايديه كيله وجدى يحنس فيه اها ياولدى شوال واحد النضوقو اخياتك فى البيت يرضى عليك ربى ... والجنا يقولو ياحاج اختانى كدى كدى حل عن سماى
امرق من نافوخى اها جدى ملحاح خلاص ووكت كتر على الجنا
قوم يالجنا لز جدى بى منعك كلو لمات جدى وقع على قفاه
وقايل ليهو ياعمك انا ماقلت ليك اتفكفك ريحنا
اها هنا عمر ودالعوض كان وين فى ضهر الميجر بترغب فى البلد
الغاب منها سنين بالغربه وجا يادابك ليهو يومين من السعوديه فجأه
شاف ليك ابوه الجنا شايل سلاحو ودافر ابوه لمات وقع اها عمر هنا
الدنيا ضلمت قدامو وجا جارى من ضهر الميجر على الزول الدفر ابوه
والحواشه تانى بيت قريبه من الميجر اها جارى على الزول هنا ابوه
شافو وعارف عمر وحماقتو ابوه حيلو شداهو ويكورك فى عمر
ياولدى انعل الشيطان ، ياولدى اقيف ، انا شديد ماعلى شئ، ماتضيع
رقبتك بى سببى ، عمر لوش منو يمين وفى سكاب شالو عمر وعنى ليك بيهو زول الحكومه فى راسو والدم اتشتت ؟؟؟ لاحوله ولا قوه الا بالله العلى العظيم
والجماعه جرو بالزول الحكيم وقبضو عمر والجنا مات الله يحسن اليه
وعمر طال سجنو؟؟ شنطه عرسو فى البيت وبت المنى بت موسى راجياه
وجا ابو الميت وقال يا اخوانا انا مابدور شئ وعافى لى وجه الله تعالى
ولدى غلطان مافى زولا بهينو ابوه قدامو وبرضى
هيع يالطير (يمين بالله اسى اهانه بالجمله وتعمل مطنش هيع )
اها يوم الحكم والعفو ابو الجنا غصبوه لكن منو عليمو الله ناس بقولو
ام الجنا واخوانو وناس بقولوا عموم اهل حلتهم وناس بقولوا ناس الحكومه
قالتلو ماتعفى عشان كان عفيت الناس تانى طوالى بكتلو جنياتنا
الله اعلم المهم عمر اعدموه وجدى العوض مافات اسبوعين من موت عمر
الفراش ما اترفع لحق بى عمر الله يرحمهم جميعا
لكن يالطير جنس الحقاره دى عندكم الصقار بتقل ادبها عليكم الصقار
عندها حق لكن انا فى القدالى الببقى شيخ القمرى ده نسوى فيهو شنو
هههههههههههههههههههههههههههههه(يضحك ساخر)

ونواصل فى الدهوره من دهوره المشروع

[المكاشفى]

اي المغصه فى القدالى البرفع قرنو على القمرى
ولا ود ابرك الببقى سيد عشه اماقرين
ههههههههههههههههههههههههه
ولا عشوشه البتقود امجغوغه مظاهراااااااات
ههههههههههههههههههههه
والله حكم وجدى ود اللخدر دايما بقول
تعيش كتير تشوف كتير
وامانه يادنيا مافيك محن
ودوام الحال من المحال
دوام الحال من المحال
دوام الحال من المحال
دوام الحال من المحال
دوام الحال من المحال
دوام الحال من المحال

(يختفى من على خشبه المسرح)

ونواصل

[المكاشفى]

ينك يالسنى ؟؟؟؟؟؟؟؟

انا هنا

kshamechanic@hotmail.com

[محمد السني دفع الله]

يا اخوي بي صورتك الجديدة دي بتقدر على النطيط في المسرحية حتى اخر العرض
بالمناسبة العرض سوف يكون في شهر 8 من الخريف القادم باذذن الله في القضارف
مهرجان المطر
لك محبتي

[محمد السني دفع الله]

العرض سوف نتجول به في ربوع الجزيرة
ليكون صوتنا ضد بيع مشروع الجزيرة
هل بالامكان؟؟؟؟

[عبدالمنعم الصديق(خدرا)]

أستادنا الشفيف محمد السنى
لك عاطر التحايا والود
مااحلى كلام الطير لو كان برقة كلامك
اخشى ان يأتى يوم نكون نحن فيه الطير أو كالطير
فيكون احدنا سمبريه
والآخر غرابا
عن نفسى اتمنى لو جاء هدا اليوم ان اكون (حبيب حبيب) بلاع الدبيب
لك حبى
ولكن مالى لا لاارى المكاشفى ام تراه من الغائبين
وعلى فكره سيكون المكاشفى هدهدنا لو اتى اليوم الدى أخشاه

[عبدالمنعم الصديق(خدرا)]

العرض سوف نتجول به في ربوع الجزيرة
ليكون صوتنا ضد بيع مشروع الجزيرة
هل بالامكان؟؟؟؟أخى السنى
آه وآه والف آه لو تنفع الآه

ياحبيبى لقد صار مشوع الجزيره ومواطن الجزيره كاليتيم فى مائدة اللئام
لقد سمعت ان سكة الترماج بيعت لمصنع جياد حديد خرده وان المنازل ملكت للمفصولين مقابل حقوقهم
معقول ياناس الكلام ده
والله كأننى فى كابوس واتمنى ان يكون كل ماسمعته مجرد اشاعات
ياناس الترماج وباعوه نودى قطنا للفبارك بى شنو؟؟؟؟
انا لوزرعت قطن تانى بشترط على اللقاط الوزن فى مارنجان يعنى بشيل ميزانى من الكمير وبقول ليهم جيبو القطن والحقونى فى مارنجان عشان ترماج مافى
ولا احسن يسلمونى ليهو منفوش والقطن لى والغلغل ليهم
وبجيب المترار وبترو براى وببيعو مغزول لمصانع فتح الرحمن عشان ينسجو لينا منو دموريه ونلبس مما نزرع
وبرضو تقول لى الجرول اكل القمح ؟؟؟؟؟؟؟؟؟؟

[محمد السني دفع الله]

عارف يا اخي عبدالمنعم
كم كانت تلفة السكة الحديدية حينما انشئت
وكم اليوم سعرها
وكم ستكلف غدا اذا فكرنا في اعادة تأسيسها من جديد ؟؟؟؟؟؟؟؟
اذا فعلا تم بيع السكة حديد الجزيرة ؟؟!!على الدنيا السلام !!!!!!!

[محمد السني دفع الله]

عارف يا اخي عبدالمنعم
كم كانت تكلفةالسكة الحديدية حينما انشئت
وكم اليوم سعرها
وكم ستكلف غدا اذا فكرنا في اعادة تأسيسها من جديد ؟؟؟؟؟؟؟؟
اذا فعلا تم بيع السكة حديد الجزيرة ؟؟!!على الدنيا السلام !!!!!!!

[محمد السني دفع الله]

http://www.legaljuice.com/train1.jpg
زمن قطر البخار كانت الحياة رخية وكل شئ في مواعيدوا

[محمد السني دفع الله]

الان تضيع القضبان في البعيد دون قطار
دون مسافرين
http://2.bp.blogspot.com/_nqTsEkK8Q44/Sjo5Dq_f4cI/AAAAAAAAAJ0/JnybaXC9VIQ/s400/train-pass.jpg

[المكاشفى]

يا اخوي بي صورتك الجديدة دي بتقدر على النطيط في المسرحية حتى اخر العرض
بالمناسبة العرض سوف يكون في شهر 8 من الخريف القادم باذذن الله في القضارف
مهرجان المطر
لك محبتي
الحبيب اخوى سلامات يارائع
ياخوى الصوره قريبه ساى
انا وزنى يالحبيب 64 كيلو بس
موش انطط والله حمامه بس
اها ابشر جاهز شهر 8 وكل الجزيره

[المكاشفى]

أستادنا الشفيف محمد السنى
لك عاطر التحايا والود
مااحلى كلام الطير لو كان برقة كلامك
اخشى ان يأتى يوم نكون نحن فيه الطير أو كالطير
فيكون احدنا سمبريه
والآخر غرابا
عن نفسى اتمنى لو جاء هدا اليوم ان اكون (حبيب حبيب) بلاع الدبيب
لك حبى
ولكن مالى لا لاارى المكاشفى ام تراه من الغائبين
وعلى فكره سيكون المكاشفى هدهدنا لو اتى اليوم الدى أخشاه

ابشر بالخير الحبيب عبدالمنعم
انا قريب بس غيابات خفيفه وكدى

[المكاشفى]

السكه حديد اتباعت لى جياد كحديد خام
وسمعت انو ناس جياد غلبهم صهرها فى افرامهم العاليه
وجو اهلها الانجليز اشتروها من جياد وشالوها وفاتو
اها شوف الوجع راقد ولاماراقد

[المكاشفى]

السنى جديدك شنو؟؟؟؟؟؟؟؟

[المكاشفى]

اها وصلنا وين ياجماعه

[المكاشفى]

السنى اخوى عل المانع خيرا

[المكاشفى]

رد الله غيابك وغربتك بخير اخونا السنى
الثلاثاء 15/2/2011 انشاء الله ببيت المسرحيين
بالمسرح القومى سيكون هنالك لقاء جامع للمثلين
الشباب تحت رايه اتحاد الممثلين الشباب
وانشاءالله حريص على الحضور ونأمل ان نراك
اون لاين فى الفيس بوك
ولك مودتى

[المكاشفى]

الحبيب سلامات ومفقود عل المانع خيرا
انا بدأت انزل المسرحيه وانشاء الله
ح اعرضها فى يوم المسرح العالمى فى مهرجان
البقعه المسرحى السنوى فى مارس 2012 ننشاء الله
رايك معانا