المساعد الشخصي الرقمي

مشاهدة النسخة كاملة : *** ازمة نسوان ***


العاقب مصباح
30-05-2009, 05:21 AM
احبابى فى النفاج
رغم جدية الموضوع الا اننى اردت طرحه هنا
حيث توجد اكبر كمية من فاقدى قسيمة الزواج
ليس بسبب عدم الحصول على بدل فاقد ولكن بسبب عدم الحصول على الاصل نفسه...
فى الايام السابقة تناقشت مع مجموعة من اعضاء المنتدى سرا ودون تحضير فى مشروع الزواج...
لم يكن الموضوع فكرة قائمة نود مناقشتها ولكنها تكون فى مقدمة السنتنا نراها تخرج طواعية دون اى عناء ....
كلما ادلف الى احد الاشخاص يسألنى بعد السلام عن الزواج ....واسأله انا ايضا...
احيانا تتشابه الاسئلة والاجوبة...
نظل نكررها يوميا دون ان نشعر بذلك.....
اخذت خلاصة اجاباتى واجاباتهم....
كانت الاجابة واحدة....
((توجد ازمة نساء))....
ما هو السبب فى الازمة :- ؟؟؟
السبب ربما يكون من الشخص نفسه ....وربما تكون ازمة من النساء....وربما تكون ازمة من المجتمع الذى لا يرحم....
هل تطلعاتنا جميعنا كشباب ارتفعت عن مستوى العرض اى ان العرض اقل من الطلب بحيث يصعب العثور على شريك حياة مناسب لنا....
ام ان مستوى العرض اكبر من مستوى الطلب كمنتوج اناثى ...
يجب ان نعترف بوجود نسبة من كلتا الحالتين....ارتفاع فى نسبة الشروط والاحكام والقوانين ....والاحلام ايضا ....
وكذلك مسألة العثور على شريك يكون حائزا على شهادة الايزو 90001 فى المواصفات والمقاييس ....
اردت طرح الفكرة هنا لأن الشعب النفاجى يقول الحقيقة....دون اى الوان للتنسيق...
فما هى الحلول ....لحالات مثل تلك....

عفوا :- هذه الحالات رجالية فقط ولم اتطرق الى رأى النساء
مع عظيم محبتى لكم
Osama Alrasheed
30-05-2009, 05:28 AM
ام ان مستوى العرض اكبر من مستوى الطلب كمنتوج اناثى ...
يجب ان نعترف بوجود نسبة من كلتا الحالتين....ارتفاع فى نسبة الشروط والاحكام والقوانين ....والاحلام ايضا ....
وكذلك مسألة العثور على شريك يكون حائزا على شهادة الايزو 90001 فى المواصفات والمقاييس ....


عليك نور ياعقبة ... المشكلة في الصيني ..برضوا...
Osama Alrasheed
30-05-2009, 05:38 AM
همسة ياعقبة في التصنيع الصيني :
المقومات الاساسية :
كوني النجمة = (النجمة السريعة ) ودي دايرة حلقات وبوستات للنقاش يا اخوي
البوهية المضروبة ماحقت التصنيع.. لون الشاشة يختلف عن الكي باد
محمد الواثق
30-05-2009, 05:41 AM
ياعقبة وانت الصادق في ازمة رجال النسوان علي قفي من يشيل اذا قاصد منتدانا فانت علي حق ولا شنو !
عبدالرحمن مدثر
30-05-2009, 05:54 AM
وانت الصادق

فى ازمة ثقة

ثقة فى النفس ... ثقة فى الطرف الاخر

ثقة فى شكل المستقبل ... ثقة فى الاحساس (من ........... والى )

وطالما كانت هذه الازمة الطاحنة تعصف بكيان اى احساس جميل

وتجعل كل الرغبات بدون (سقف ) يقيها من عزيف الريح والزواابع والامطار

الكل لديه مقايس للجمال تتحدى الايزو

لتصبح قريبة من افلام الخيال العلمى

الكل لديه احساس يكفى الجميع ......... ولاينقص

هناك مقدرة على توزيع الاحساس .. وصناعته ... وتصديره فى الفور

من دون بوليصة شحن .. او كشف نوعية الاحساس .. ملامحنا اتزيفت

والحبيبة كذلك ... (لك ان ترجع لحركات الجكس فى التلفون )

كنموذج للاندياحة ... والهروب منها

الازمة فى جيلنا الحالى ... لانه لايعرف معنى البساطة

التعقيد شمل كل شىء حتى الاحساس (تعولم ) ... (وتقوزم ) (اظنها كدا صاح )



من تحت نظارة ابو آية

انتو نقاشكم دا كان كلو عذااااااابة :p:p:p
العاقب مصباح
30-05-2009, 05:58 AM
عليك نور ياعقبة ... المشكلة في الصيني ..برضوا...




الصينى بيقولوا ليك ما عنده اسبيرات

يعنى كان خسر منك تموت كمدا
العاقب مصباح
30-05-2009, 06:01 AM
همسة ياعقبة في التصنيع الصيني :
المقومات الاساسية :
كوني النجمة = (النجمة السريعة ) ودي دايرة حلقات وبوستات للنقاش يا اخوي
البوهية المضروبة ماحقت التصنيع.. لون الشاشة يختلف عن الكي باد





يا اخوى دا الظاهر كلام علمى
على الطلاق تجى تكمله
تعال تعال ياخ
انت شكلك من رواد الازمة دى
العاقب مصباح
30-05-2009, 06:04 AM
ياعقبة وانت الصادق في ازمة رجال النسوان علي قفي من يشيل اذا قاصد منتدانا فانت علي حق ولا شنو !





ود الواثق
سلامات ياخ
الازمة هى عموما متجزرة بين الجزء الذكورى والاناثى
فالازمات عندما تأتى لا تتخذ محورا واحدا
فهى تلتهم الجنسين ذكور واناث
الازمة دى عندك ولا انت خارج من التشكيلة بى شويه
العاقب مصباح
30-05-2009, 06:13 AM
وانت الصادق
فى ازمة ثقة
ثقة فى النفس ... ثقة فى الطرف الاخر
ثقة فى شكل المستقبل ... ثقة فى الاحساس (من ........... والى )
وطالما كانت هذه الازمة الطاحنة تعصف بكيان اى احساس جميل
وتجعل كل الرغبات بدون (سقف ) يقيها من عزيف الريح والزواابع والامطار
الكل لديه مقايس للجمال تتحدى الايزو
لتصبح قريبة من افلام الخيال العلمى
الكل لديه احساس يكفى الجميع ......... ولاينقص
هناك مقدرة على توزيع الاحساس .. وصناعته ... وتصديره فى الفور
من دون بوليصة شحن .. او كشف نوعية الاحساس .. ملامحنا اتزيفت
والحبيبة كذلك ... (لك ان ترجع لحركات الجكس فى التلفون )
كنموذج للاندياحة ... والهروب منها
الازمة فى جيلنا الحالى ... لانه لايعرف معنى البساطة
التعقيد شمل كل شىء حتى الاحساس (تعولم ) ... (وتقوزم ) (اظنها كدا صاح )
من تحت نظارة ابو آية
انتو نقاشكم دا كان كلو عذااااااابة :p:p:p





حباب اول الحاصلين على وثيقة رسمية ضدنا
ود مدثر حضورك ضرورى جد
لأنك شايف النصفين من الكوب
النصف الزواجى والنصف العذوبى
ويمكن لك ان تحكم وتفند وتدعم بالوثائق الرسمية
وتثبت لنا ايضا ان ليس بالشروط والمواصفات وحدها يعيش الانسان
ولما الاحساس يتبدل بين عشية وضحاها يظل الهاجس هو كيفية العثور على شئ لا يتغير....وهذا من الاستحالة بمكان...
اذا يجب علينا خفض تلك التطلعات الى شئ اقرب الى ما كنا نعيش
وبطريقة تمكننا من عدم طرح هذا البوست مستقبلا
اذا هى ارجوحة يمكن لها ان تستمر وتدور الى اجل غير مسمى ....او يمكن ان نعتمد على التشغيل اليدوى الذى يمكننا من ايقافها فى كل لحظة نحتاجها..
من هنا تبرز مشكلة العولمة والقوزمة والانشرار بين ما هو كائن وبين ما كان ممكنا ان يكون فى احلامنا...
لماذا اصبح كل شئ زائفا فى زمننا هذا ...
اين الحقيقة
اهربت من هربنا نحن منها؟؟؟؟
فى انتظار ابو اية...
سلمت يا ود مدثر
على روعتك
Osama Alrasheed
30-05-2009, 06:17 AM
بجيكم بي روااااااااقة...
عبدالرحمن مدثر
30-05-2009, 06:19 AM
بجيكم بي روااااااااقة...


يااااااااخ تعال

الرواقة بنجيبا ليييييك هنا :p:p:p
العاقب مصباح
30-05-2009, 06:22 AM
بجيكم بي روااااااااقة...


يا زول والله دايرنك هسع واسمع كلام ود مدثر كان داير اى رواقة بنجيبها ليك
Osama Alrasheed
30-05-2009, 06:25 AM
اها سمح جيتكم ....
جيب البنبر دااااااااااااااك .... ويا ود مدثر كلم المرة تدنكل لينا شاي ساااااااااادة بالنعاع مظبوط :
واها ركزوووووو معاي هشان ابدأ ليكم حكي :
Osama Alrasheed
30-05-2009, 06:28 AM
آه ااااااا تااااااااااااااااااااااااااااني آه
ابدأ ليكم من شهادة الايزوو 90001 ولا ابدأ ليكم من وووين ؟؟؟
عبدالرحمن مدثر
30-05-2009, 06:31 AM
قبل الاااااااااااااااااااااااااااااااااه الكبيرة دى ياجماعة استحملونى معااااااااكم

بدون اااااااااااااااااااااااااااه طبعا
العاقب مصباح
30-05-2009, 06:32 AM
اها سمح جيتكم ....
جيب البنبر دااااااااااااااك .... ويا ود مدثر كلم المرة تدنكل لينا شاي ساااااااااادة بالنعاع مظبوط :
واها ركزوووووو معاي هشان ابدأ ليكم حكي :





اها
والله ما خيبت املنا تب
عارف الجواك كتير
ماكلو فى حنانك ساى
قول كل العندك
وهدى قعدة
العاقب مصباح
30-05-2009, 06:34 AM
آه ااااااا تااااااااااااااااااااااااااااني آه
ابدأ ليكم من شهادة الايزوو 90001 ولا ابدأ ليكم من وووين ؟؟؟




من الاول عليك الله


ورانا شنو
عبدالرحمن مدثر
30-05-2009, 06:34 AM
حنونة الحبشية قالت الشاى جااااااااهز ياودالرشيد

اها احكى قبل الموج يشيل اسمك يوديهو محل الااااااااااااه بترقد
عبدالرحمن مدثر
30-05-2009, 06:36 AM
من الاول عليك الله


ورانا شنو



من عالم ماقبل الازمة

ام بعد الازمة

عشان نشوف الاختلاف

انا بحب الاختلاف :p:p:p
Osama Alrasheed
30-05-2009, 06:45 AM
وعلي الطناش ياود المصباح الموضوع دا داير محللين نفسيين وخبراء اقتصاديين وخبراء برمجمة وطب الاسرة والمجتمع وبالحيل موضوع ماهو هين وجدير بالنقاش والقصة ما ازمة نسوان ياعقبة يا اخوي النسووووووووان رااااااقدااااااات المشكلة بقت :
1. كيف تختار؟ جوانب الاخلاق والاسرة ؟ مافي كلام ... ؟المشكلة الصباح بتقدر تعاين ليها ؟ تمسك السماحة تلقي العقل ؟؟؟ تمسك الرباية والاسرة تلقي البت ؟؟؟ تمسك التعليم والتحضر بتروح في الرجلين ؟؟؟؟ تغطي قدحك ؟؟؟ بلتقي راسك فار وجاط ؟؟؟؟تلقاها من وووين ولا من وووين ؟؟؟
2. في البداية قبل الخطوبة والارتباط كان علي قول عاطف السماني سر بين اتنين .. تقول عشة صغيرة .. وراكوبة وزير ... مستعدة اعمل المستحيل ..؟
3. تصل البيت ... اها تشوف مسلسل الشهد والدموع...!!!
4. مادايرة شيلة مادايرة .. مادايرة .... ولما تبقي علي الشيلة .. صحبتي قالت وخالتي قالت وعمتي قالت..
5. انا مابستعمل اي كريمات (دا زمن الارتباط بين اتنين زي ماقلنا) ... بعد الارتباط :
الفير مهم * جيب شامبو بتركيبة البيض * وبرضو بتركيبة البصل دا احسن للشعر من دابر اميلا وماكسااام..
ماتنسا صابونة غسيل الوش برضو مهمة واياك تدقس تجيب صابونة الكبريت ...
قبل الارتباط الرسمي ماعندي مشكلة في اللبس بلبس اي شي ومابحب اللبس الضيق ؟ بعد الارتباط الرسمي :
انتا عارف انا مقاستي في السوق مافي مابتتلقي بالساهل ... والألوان دي مهمة عندي لون زينب وبنفسج وبني محروق وكبدي وركز علي اسكرتات الجنز عليك الله..

نووووواااااصل
عبدالرحمن مدثر
30-05-2009, 06:46 AM
جاييييييييييييييييييييييييييييييييييييييكم
العاقب مصباح
30-05-2009, 06:46 AM
من عالم ماقبل الازمة
ام بعد الازمة
عشان نشوف الاختلاف
انا بحب الاختلاف :p:p:p




نحن دايرين نشوف تنظيره للازمة نفسها يا ود مدثر
فى ازمات كتيرة يا ود مدثر اخوى
ومن بين الازمة بتظر ازمة
ومن الازمات طلع خازوق
ما بنختلف
درسنى بس قانون هواك بحفظ حروفه حرف حرف
العاقب مصباح
30-05-2009, 06:49 AM
جاييييييييييييييييييييييييييييييييييييييكم




عمك دخل فى اماكن ضيقة جدا

زى اللبس بالضبط

انا داير لى قعده طويييييييييييييييلة والله

ود مدثر رايك شنو فى الاندياح دا
العاقب مصباح
30-05-2009, 06:50 AM
جاييييييييييييييييييييييييييييييييييييييكم




رااااااااااااااااااااااااااااااااااااااااااااااجيي يييييييييينك والله العظيم
عبدالرحمن مدثر
30-05-2009, 06:51 AM
فيلم ودالرشيد دا انا حضرتو قبل كدا

ياااااخ دا فيلم هندى طبعا قبل الفيلم غير

موسيقى تصويرية .. ورومانسية مفرطة .. واروااااح شفافة تهيم فى الفضاء

لاتعترف بجاذبية .. او طول سكة (هندى ياعمنا )

الواااااااااقع دا مابتحس بيهو لمن (الكاسورى ) يبدا عندها ترجع للواقع

ولطبيعتك البشرية .......... وتكتشف

حاجااااااااااات

عيييييييييييييييييييييييييييييييييك
عبدالرحمن مدثر
30-05-2009, 06:53 AM
ودالرشيد .. وصبحى

ياجماعة فضفضوا الدنيا دى مافيها حاجة

بس انتو ادونى طرف الخييييط

انا زااااتو بجغم معاااااااااااااكم
Osama Alrasheed
30-05-2009, 07:01 AM
اها نتابع جوانب الصحة والتخسيس ودايرة اسمن ودايرة اضعف :
في البداية الحمدلله الصحة أكل الحلة الما بدلا ناااس الموص تعرف الموص يا عقبة الموص دا يعني الكسرة بتاعة دقيق المايو او الفتريتة بعد العواسة بقومو اديهو شوية موية واختوها في التلاجة بعد تشرب الموية كويس تجيب الموص وتكب ليهو شوية سكر (شوية ) ومعاهو كم معلقة كبيرة من الطحنية وتضربن بالخلاط للمعلومة ضروري في شلية الدخان بتاعتك تجيب جردل طحنية والباقي لما اجيك ... يعني لا حبوب نجمة ... ولا النجمة السريعة ولا حبوب البقر وحبوب البقر دي عـــــــــــــــــالم تاني يا اخوي الله لا وراك ؟؟؟
دا لو قمستك ودت لي اوزان الريشة ووبولو وزن ....... ووب تاني ..؟؟؟
نمسك الوزن التاني :
دايرة امشي صالة للتخسيس (الرياضة )اضعف شوية عشان اقدر اللبس زي الناس.. وعشان اقدر اللبس الزفاف ... ارجوك لا تنسي وتهمل الموضوع دا ضروري ومهم وعوووووك ... نوووااااصل
العاقب مصباح
30-05-2009, 07:12 AM
كدى ما دام ود الرشيد انداح
وود مدثر جاى ينداح
انداح ليكم انا برضو
اها نبدا من وين ولا من وين
كله على بعضه بيودى التوج
وبيوديك الشيمة
ويغتس حجرك
المشكلة يا حبان قساى انو الواحد يشوف ليهو واحدة
من اول نظرة يكسر كرونة يلحق التنكر حقى داك الله يطراهو بالخير
ويقعد يفتش ليهو فى مدخل ظريف كدا
اجمل حاجه لما تبدأ بى مشكلة معاها هى زاتها
اتاكد انه دى حتخلق ليك مدخل جميل
لانك حتعتذر
ويقبلوا عذرك
وكل لحظة تعتذر
لمن البت تفكها ضحكة
فى اللحظة ديك بتكون حققت درجة من عشر درحات والمرحلة دى بنسميها مرحلة المجسات ...
اها بعد شويه خفة دم وظرافة بتلقى روحك بقيت قريب منها
تقعد تسالها بتدرسى وين وشغالة وين وتدى رايك فى شباب الزمن دا لانهم غشاشين...تمرق روحك اصدق زول ...
اها تانى تبدأ تحكى معاناتك مع بنات حواء
فى اللحظة ديك البنية بتحن عليك...
وتبدا تحكى ليك قصتها هى كمان
وتتبادلوا الاعجاب
وشويه شويه تحبها
فى اللحظة ديك بتدا انت تطلع من جوك
وتعيش فى عالم خيالى
وتساهر الليل اسى وحنين
ونجمة نجمة اللليل تعدو
وسهر الجداد ولا نومه
فى اليوم التانى بتبدا فى حنك جديد
بتقول مشتاقين بى طريقة غير مباشرة
الشوك اليقطع جلدك يا ولد يا بتاع الحب
وهى ما بترد عليك
نظام تقيلة وكدا
اها تبدا بعد شويه تعلن ليها استسلامك
وتفك اخرك
يمكن يصادف او ما يصادف
طبعا فى مجسات اولية للقبول والرفض
على اساسها بتحدد خطوتك الجاية
وادينى رقم تلفونك
ودا رقم تلفونى
لو حصل طارئى
حصل طارئ؟؟؟ فى الشرطة يا اخوى عاملين رقم خاص للطوارئ
سيب كضبك ودجلك...
وشويه شويه وسكت المركب
وكل الناس اتنين اتنين
وتقعد تحب
وتحب
وتحبى
من تكسرك فيها
داير ليك صبر كم شهر على بال ما تبادلك البضائع
وتعمل مقايضة
يا تحبينى يا اموت
ماتموت ياخ فى زول حايشك
بعد شويه بتنزل منها دمعات
وبتحن عليك
البنات اصلهن حنينات شديد
وهنا تبدا المرحلة الاولى من الحب
بقى من طرفين هنا
بعد ما تكون استنزفت كل اسلحتك
وبقيت مسيكين الجدادة تاكل عشاك...
يلا خلينى تانى اجيك نشوف حكايات ما بعد الحب
Osama Alrasheed
30-05-2009, 07:13 AM
نواصل :
شهادة الايزو 90001 والصيني :
طبعا من مفارقة الزمن العجيب في مرة من المرات صادفت احدي زميلات العمل واستقالت عن منصبها في مناسبة احد الزملاء بعد فترة لسيت بالطويلة ولم اعرفها من الوهلة الاولي الا بعد فترة من الحديث ولما عدت لذلك العهد السابق سبحان الله مغير حال من حال.. تأكدت يقيناً لا مستحيل تحت الشمس ؟

انا لا ادري هل حواء ليس بالتعميم وانما بالتحديد تجهل مخاطر ذلك ام ماذا يحدث من اجل الزواج تغير اللون وتغير الحجم وفي النهاية الضريبة اغلي من الاسرة والارتباط فطالما يا اخي عقبة فتحت بوست ازمة النسوان مفروض تعمل بوست يبين مخاطر الكريمات والانسولين ومخاطر الحبوب الجالبة للسمنة..
العاقب مصباح
30-05-2009, 07:16 AM
ودالرشيد .. وصبحى

ياجماعة فضفضوا الدنيا دى مافيها حاجة

بس انتو ادونى طرف الخييييط

انا زااااتو بجغم معاااااااااااااكم




اى اقعد حرش فينا عليك الله لمن نجيب عاليها سافلها

كدى انداح انت ياخ
العاقب مصباح
30-05-2009, 07:24 AM
فطالما يا اخي عقبة فتحت بوست ازمة النسوان مفروض تعمل بوست يبين مخاطر الكريمات والانسولين ومخاطر الحبوب الجالبة للسمنة..




انا زول مواطن ساى يا اسامة اخوى

يعنى اهالى

ما بفهم فى الحاجات دى

زمااااااان كنت سامع بالمسيجور

ونسيته تب يا اخوى

كدى انداح انداح

منك نستفيد

النحافة بتكسرنى شديد

وجنى وجن المرة السمينة


مع الاعتذار وكدا

خلينى اجى لى كلامك دا كلمة كلمة
العاقب مصباح
30-05-2009, 07:25 AM
يا اخوى والله شكلك حتتخت فى كرسى ساخن

عندى اسئلة كتيرة جدا داير اسالك منها

فكرت فى الخاص لكن قلت عشان الناس تستفيد لازم اسالك منها هنا

بجيك بى رواقة
ودالعمدة
30-05-2009, 08:35 AM
عقبة
أبومزن
اسامة
سلام ناس حوش النفاج
شفتا الايزو 2009 جيت اتاوق اشوف اسم الشركة لقيتا ( شراكة )
بجيكم بعد اهل الاختساس ؟
انت ياابومزن القعدك مع الناس ديل شنو؟
خالد 000 ابقرجة
30-05-2009, 11:18 AM
أها 000

جييييتكم 000

بس قبال ما اخش يا عقبة في الموضوع 000
ذكرتني حلقة من محطة التلفزيون الأهلية 000
كان موضوعا نفس موضوعك ده 000
وأكييييد 000 الخرباش بتاع الشارلستون والخنفس ده متذكروا 000

أها الجماعة اتلاقو في فندق في شهر العسل 000
وكل واحد بحكي لاقا فردتو وين 000

الاتكشح فيهو جردل موية الغسيل 000
والاتزلق يوم في الطين 000 ودخلوهو غسلوا ليهو هدومو 000

لكن الأنا متذكروا تمااام 000
محمد نعيم سعد 000 قال كان لاعب دافوري 000
وجات الفردة قاطعة الميدان 000 في اللحظة الشات فيها الكورة 000
والكورة جات ليك في وشها 000
صاحبك قال 000 الساعة الجاتو ليك بنية 000 تاني ما حسا بي روحو الا الجماعة
بشمموا فيهو في بصلة 000

أها زولك قال ليك دي بتنفع يا حبة مع الحرامية 000
واجتازت امتحان الآيزو بتاع الخدمات الأمنية المنزلية 000
خالد 000 ابقرجة
30-05-2009, 11:24 AM
أها 000
واحد صاحبنا تاني 000 عكس محمد نعيم سعد 000
جاء من ( قطر ) 000 جايب معاهو الشيلة والشنطة ( ش1 و ش 2 ) :p
وطبعا التنظيرات ما بتنتهي 000 الجماعة قالو الشلة ناقصة ( شبشب ) ودي شين انتا ماخاتيها في حساباتك 000

المقاس (40) 000 الجماعة كلما امشو سوق 000 ارجعو يقولو ما لقو المقاس 00
في الآخر لقو صاحبنا سرحان 000
بطمنوا فيهو 000 ياخي ما مشكلة 000 الشبشب بنلقاهو ( البنحلم بيهو يوماتي ) 00

فقال ليهم 000 أنا ما هامي للشبشب 000 لكن الرجل الما لاقيين مقاسا دي بعدين الشلوت بتاعا بكون كيف 000
ودمصباح 000

ما تخاف ساكت 000
والله البنات راقدااااااااااااااااااات 000
بس كدي لمن أرجع ليك تاني 000
لأنو شوف الساعة كم 000
وانتا عارف 000
كان ما عارف أسال الخرباش 000
وود الرشيد 000
و أوووووعا تسأل ود العمدة
:p
عبدالرحمن مدثر
31-05-2009, 02:14 AM
طالما خشيتو جوه الازمة وبمقاس كبير كمااااان

مقاس 40 دا يحير دا مقاس غريب فى عالم الانوثة الجميل

البعيد عن الشلابيت والقريب من الشواكيش وعدة النجارة والحدادة وكدا

ودالرشيد وقف فى محطة مهمة هى محطة التغيير التى تسود عالمنا (الازمة ) اليوم

ودى مرحلة تنتفى فيها شهادة الايزو لعدم وجود المواصفات والمقاييس التى تستند عليها

الشهادة ... يعنى بالنهار تتغير الخارطة ... وبالليل تصبح فى خبر كان

زمان كانو بقولوا لينا لو داير تشوف جمال الازمة الحقيقى .. خليها تكون صاحية يادوبك من النوم

وعينك ماتشوف الا النور :p:p:p

ومرحلة مابعد الحب التى توقف عندها صبحى

مرحلة انعدام وزن لاعلاقة لها بجاذبية الارض طالما كانت الاقامة فى العيون متاحة

وهذا زمان الاندياحة .. مابعد الحب تاتى المخارجة بعد ان توحدت الالوااان فى لونين

ياابيض

ياسود

والجميع يحب (خلط ) الالوان

والبحث عن الرمادية التى تمكنك من القفز بالزاانة بين هذا وذااك

وسالب فؤااااااادى ................. وماعليك

انا فى جحيم .............. بسال عليك
esmat
31-05-2009, 03:11 AM
عجزت وما عرست
شايل هم ما لك ياولدنا
صوووووووووم صوووووم
ولا اعمل ناااااااااااايم
صغير وجاهل
العاقب مصباح
31-05-2009, 05:26 AM
من اكبر الازمات التى تواجهنا نحن فى الغربة هى ازمة الكومبيرز....اى المقارنة...
فعندما تنظر الى التلفزيون ترى المزيعات بأشكالهن المستفزة تتمنى ان تتزوج مثلهن ...وذلك لخفة دمهن ولرشاقتهن ولشكلهن المستفز صراحةً....
تذهب الى خارج السودان فترى تلك الاشكال عيانا بيانا يسيل لعابك ويصيبك داء الحمى الخليجية اللبنانية الفلبينة....
تذهب افكارك فى تلك اللحظة بعيدا وتبدأ من هنا رحلة البحث عن انثى بنفس تلك المواصفات وهنا تكون كمن يبحث فى الظلام عن قطة سوداء فى غرفة مظلمة والحقيقة ان القطة غير موجودة اصلا ...
بتلك الحالة تكون قد حكمت على نفسك بالبورة الشديدة ويكون العمر قد ولى وما تبقى فقط يكفيك للحسرة ولا شئ اخر ....
اشكال ما نراه فى بيئة الغربة هذه ربما يعد نوعا من حب الاستطلاع الكتل الكديسة...يعنى تموت كمدا ساى وما بتلقى ولا التكتح....
اها هنا بتكون احلامك ارتفعت وبقت فى العالى ...مرة طويلة....وزنها محدد ....وشعرها ولونه وطوله ايضا.....ومرات كمان يكون عندك راى فى لون عدسات العين...عاد تجيبن ليك من وين تركب عدسات يعنى؟؟؟
اها لو داير تشوفهن وسماحتن عاين لى مزيعات قناة الجزيرة....ولا اقول ليك لو شفت مريام فارس بتكون شفت الانا شفته.....
وبرضو تقولو لينا عرسو ...
نعرس كيف يا اخوانا ورونى....
هسع الازمة بقت فينا نحن الظاهر .....الهم رضى بينا ونحن ما راضيين بيهو....
نسو شنو طيب
....
الحلول :-
ما تعاين لقناة الجزيرة نهائى الا فى برنامج الاتجاه المعاكس ....يعاكسك ضلك...
تقوم تعمل تشفير لكل قناة فيها بت طويلة وسمحه ......
ياخى اقول ليك حاجه التلفزيون زاتو مافى ليهو داعى...
وكان لاقتك بت فى الشارع اعمل فيها رايح....
وما تعاين ليها كلو كلو....
طبعا يا جماعة هنا نحن فى الدوحة عندنا الكورنيش
والكورنيش على مدار اليوم فيهو ناس بيتريضو
فاهمنى قاصد شنو
ياخى احسن اسكت ساى
الكلام دا بجيب لى هواء
esmat
31-05-2009, 08:01 AM
نحن فى الغربة هى ازمة الكومبيرز....

والله يا العاقب قلت العاقب ده البامبرز عايز بيهو شنو


فاهمنى قاصد شنو


لالا وضح


ياخى احسن اسكت ساى
الكلام دا بجيب لى هواء

غير الهواء والكتاحة بتيجب لينا شنو


الهم رضى بينا ونحن ما راضيين بيهو

اسي دا ما هوا جاااااااااااهز

واصل واصل انا متابع شديد
مدنيّة
31-05-2009, 08:54 AM
انتو شنو الازمات الحائمة في المنتدي دي :eek::eek::eek:
عوض الكريم الخواض
31-05-2009, 12:26 PM
وعلي الطناش ياود المصباح الموضوع دا داير محللين نفسيين وخبراء اقتصاديين وخبراء برمجمة وطب الاسرة والمجتمع وبالحيل موضوع ماهو هين وجدير بالنقاش والقصة ما ازمة نسوان ياعقبة يا اخوي النسووووووووان رااااااقدااااااات المشكلة بقت :
1. كيف تختار؟ جوانب الاخلاق والاسرة ؟ مافي كلام ... ؟المشكلة الصباح بتقدر تعاين ليها ؟ تمسك السماحة تلقي العقل ؟؟؟ تمسك الرباية والاسرة تلقي البت ؟؟؟ تمسك التعليم والتحضر بتروح في الرجلين ؟؟؟؟ تغطي قدحك ؟؟؟ بلتقي راسك فار وجاط ؟؟؟؟تلقاها من وووين ولا من وووين ؟؟؟
2. في البداية قبل الخطوبة والارتباط كان علي قول عاطف السماني سر بين اتنين .. تقول عشة صغيرة .. وراكوبة وزير ... مستعدة اعمل المستحيل ..؟
3. تصل البيت ... اها تشوف مسلسل الشهد والدموع...!!!
4. مادايرة شيلة مادايرة .. مادايرة .... ولما تبقي علي الشيلة .. صحبتي قالت وخالتي قالت وعمتي قالت..
5. انا مابستعمل اي كريمات (دا زمن الارتباط بين اتنين زي ماقلنا) ... بعد الارتباط :
الفير مهم * جيب شامبو بتركيبة البيض * وبرضو بتركيبة البصل دا احسن للشعر من دابر اميلا وماكسااام..
ماتنسا صابونة غسيل الوش برضو مهمة واياك تدقس تجيب صابونة الكبريت ...
قبل الارتباط الرسمي ماعندي مشكلة في اللبس بلبس اي شي ومابحب اللبس الضيق ؟ بعد الارتباط الرسمي :
انتا عارف انا مقاستي في السوق مافي مابتتلقي بالساهل ... والألوان دي مهمة عندي لون زينب وبنفسج وبني محروق وكبدي وركز علي اسكرتات الجنز عليك الله..

نووووواااااصل

هاهاهاهاهاهاهاهاااااااااااااي ...والله يا ود الرشيد لقيتك مشخص الحالة تمام ...
ممكون وصابر ... :p:p:p

نصيحة أخوكم الكبير ( عرسوا ماااااااااااااا بتندموا )
وماااااااااااا تفكروا كتير ... اعقلها وتوكل على الله .
عوض الكريم الخواض
31-05-2009, 12:33 PM
من اكبر الازمات التى تواجهنا نحن فى الغربة هى ازمة الكومبيرز....اى المقارنة...
فعندما تنظر الى التلفزيون ترى المزيعات بأشكالهن المستفزة تتمنى ان تتزوج مثلهن ... :eek::eek: وذلك لخفة دمهن ولرشاقتهن ولشكلهن المستفز صراحةً :)....
تذهب الى خارج السودان فترى تلك الاشكال عيانا بيانا يسيل لعابك ويصيبك داء الحمى الخليجية اللبنانية الفلبينة.... :(:(



لالالالالالالالا ...كمان يا العاقب مااااااااااا تبالغ ...
ما تحلم قدر دا ...
المحلى دا نوديهو وين يعنى . :mad::mad::mad:
ميادة
31-05-2009, 12:42 PM
انتو شنو الازمات الحائمة في المنتدي دي :eek::eek::eek:






العاقب فااااااااااااااااااااااااااااااض بيهو خلاص

وجن وفقد المحنة يا بت امي

وما تخشي واسطة يا مدون بلاي :p
عوض الكريم الخواض
31-05-2009, 12:42 PM
اها نتابع جوانب الصحة والتخسيس ودايرة اسمن ودايرة اضعف :
في البداية الحمدلله الصحة أكل الحلة الما بدلا ناااس الموص تعرف الموص يا عقبة الموص دا يعني الكسرة بتاعة دقيق المايو او الفتريتة بعد العواسة بقومو اديهو شوية موية واختوها في التلاجة بعد تشرب الموية كويس تجيب الموص وتكب ليهو شوية سكر (شوية ) ومعاهو كم معلقة كبيرة من الطحنية وتضربن بالخلاط للمعلومة ضروري في شلية الدخان بتاعتك تجيب جردل طحنية والباقي لما اجيك ... يعني لا حبوب نجمة ... ولا النجمة السريعة ولا حبوب البقر وحبوب البقر دي عـــــــــــــــــالم تاني يا اخوي الله لا وراك ؟؟؟
دا لو قمستك ودت لي اوزان الريشة ووبولو وزن ....... ووب تاني ..؟؟؟
نمسك الوزن التاني :
دايرة امشي صالة للتخسيس (الرياضة )اضعف شوية عشان اقدر اللبس زي الناس.. وعشان اقدر اللبس الزفاف ... ارجوك لا تنسي وتهمل الموضوع دا ضروري ومهم وعوووووك ... نوووااااصل

لا ياااااااااااااااااااااخى ...الحمد لله اتخارجنا بدرى بدرى .
ميادة
31-05-2009, 12:43 PM
لالالالالالالالا ...كمان يا العاقب مااااااااااا تبالغ ...
ما تحلم قدر دا ...
المحلى دا نوديهو وين يعنى . :mad::mad::mad:




عليك النبي اسالو الزول ده

داير يجيب لينا خارجية اخر عمرو :d

هههههههههههههههههه
محمد الواثق
31-05-2009, 10:33 PM
:rolleyes::D:D



ود الواثق
سلامات ياخ
الازمة هى عموما متجزرة بين الجزء الذكورى والاناثى
فالازمات عندما تأتى لا تتخذ محورا واحدا
فهى تلتهم الجنسين ذكور واناث


الازمة دى عندك ولا انت خارج من التشكيلة بى شويه



والله الازمة دي لو عندي تلقاني ناطي ليك بيجاي كل شوية اشوف وحدى متازمة بايرة :rolleyes::rolleyes: بس من كترتهم قلت انوا الباين هي ازمة رجال:rolleyes:


انا ايا عزيزي ليس هناك منطق في حديثك كيف ان الأزمات لا تاخذ محورا احادي وعنوان موضوعك ازمة نسوان اي الحديث دائر حول التساء فالازمة تخص المقصود اذا واشاراتي تلغي النظرة علي كثرة النسوان ليس الي ما ذهبت الية انا حأعمل رايح ;)
وهذا عن دراسات ان اردت التحدث بجدية فلك ان تكتب كتاب ازمة المراة في المجتمع
مستعينا حتي بالدراسات
الطويل
31-05-2009, 10:51 PM
قلنا نسلم بس
esmat
31-05-2009, 11:21 PM
وعليكم السلام

قلنا نرد بس
الملكة اسماء ( ام محمد )
01-06-2009, 01:45 AM
احبابى فى النفاج


رغم جدية الموضوع الا اننى اردت طرحه هنا
حيث توجد اكبر كمية من فاقدى قسيمة الزواج
ليس بسبب عدم الحصول على بدل فاقد ولكن بسبب عدم الحصول على الاصل نفسه...

ما الاهمية في كيفية الحصول عليها حاليا
الاهم ان الحاصل عليها يعرف يحافظ عليها




اخذت خلاصة اجاباتى واجاباتهم....
كانت الاجابة واحدة....
((توجد ازمة نساء))....
بالعكس لاتوجد ازمة نساء
لان حواء واااااالدة وماليه الدنيا بنات
واضف لمعلوميتك عدد الاناث اكبر من عدد الذكرو عموما
ما هو السبب فى الازمة :- ؟؟؟
السبب ربما يكون من الشخص نفسه ....
في الحالة دي تبقى عدم رغبة منه في الارتباط اصلا
ودا ممكن يكون بسبب من عدة اسباب :
-عدم استعداد مادي
-عدم استعداد نفسي لمرحلة خطيرة كالارتباط
-صعوبة تناول لمفهوم الشريكة
يعني ممكن تلاقي واحد طلبه ما موجود في كوكبنا اصلا

وربما تكون ازمة من النساء....
هنا ما فهمتك
هل تقصد نفس السؤال عن نقص عدد النسوان
والا تقصد نقص حاد في ما يلائم عاداتنا التي اصبحت العادات الدخيلة طاغية عليها ؟!

وربما تكون ازمة من المجتمع الذى لا يرحم....
ممكن جدا يكون للمجتمع دخل بالموضوع خصوصا في حالة الازواج البقى قائم على (البهرجة) (والمظاهر) التي لا داعي لها


هل تطلعاتنا جميعنا كشباب ارتفعت عن مستوى العرض اى ان العرض اقل من الطلب بحيث يصعب العثور على شريك حياة مناسب لنا....
والله مع اني اعترض على فكرة ارتفاع العرض والطلب
لكن اقدر اقول ان كل شخص بفكر في الاستقرار بشكل جدي ومباشر بلقى طلبه بسهولة
بس بقت المشكلة ان الفكرة اصبحت قائمة على حاجات هي البتاخر مرحلة الجدية

ام ان مستوى العرض اكبر من مستوى الطلب كمنتوج اناثى ...
تصدق : لفيت لي راسي بالعرض والطلب دي
انت خريج اقتصاد والا شنو ؟

يجب ان نعترف بوجود نسبة من كلتا الحالتين....ارتفاع فى نسبة الشروط والاحكام والقوانين ....والاحلام ايضا ....
كله موجود
وكذلك مسألة العثور على شريك يكون حائزا على شهادة الايزو 90001 فى المواصفات والمقاييس ....

للاسف الجميع يتخلى ويتنازل عن معظم تلك المواصفات والمقاييس
ولكن بعد ضياع الوقت
اردت طرح الفكرة هنا لأن الشعب النفاجى يقول الحقيقة....دون اى الوان للتنسيق...
فما هى الحلول ....لحالات مثل تلك....


عفوا :- هذه الحالات رجالية فقط ولم اتطرق الى رأى النساء

مع عظيم محبتى لكم




الحلول تبداء من تغير جذري في معتقداتنا
ومراجعة انفسنا لعمل مواصفات توافق العرض والطلب :p
مدنيّة
01-06-2009, 02:37 AM
العاقب فااااااااااااااااااااااااااااااض بيهو خلاص

وجن وفقد المحنة يا بت امي

وما تخشي واسطة يا مدون بلاي :p

ياختي ديل هلالاب في بعضهم
شغلتنا بيهم شنووو ;)
ميادة
01-06-2009, 11:46 AM
ياختي ديل هلالاب في بعضهم
شغلتنا بيهم شنووو ;)





ههههههههههههههههههههههههههههههههههههههاي

كلامك جد والله
يسلم تمك على قول المصرييين ;)
خالد 000 ابقرجة
02-06-2009, 03:13 AM
صبحي 000 ( زي ما فكاها فيك الخرباش ) 000
أول حاجة عندي ليك شمار 000 فردتك ود النور شكلو وقع ليهو علي كنز (نسوان ) 000 راصي ليهو اكتر من عشرين صنف منهن هناك 000 في العام مع ميادة 000 كل صنف 000 أجمل من التاني 0000 وانتا بيجاي تقول لي أزمة 0000 والله الملكة ما خاتية عليك 000 الما خايف أكيييييد بلقا 000


وبعدين يا خوي 000 ده كلام شنو البتقول فيهو ده 000

ياخي بنات الجزيرة شنو 000 علا أكان قاصد جزيرتنا الفيها نزرع نتيرب 000 مافي عوجة 000

شوف يا ود الناس 000 هلا هلا علي الجد 000 والجد هلا هلا عليهو 000

أنا عارف انتا ما بتفهم الا بالمقارنات ( كومبيريزون ) و كدة 000

أول بالتبادي 000 النشيل حال بنات الجزيرة ديل 000
النجاضات السعالات 000 ناشفات الريق 000
ياخي مرة واحدة منهن 000 ( هي من ناحية سمحة بالحيل ) 000
لكن يا خوي 000 مسكت ليها واحد مسعول كدي 0000 نجضتو نجاض 000
سعلتو من بن لادن ( ولبان مر 000 وبن صومالي ) 0000
لفت ليك علي حكومتو 0000 ورئيسا 000 والوزرا 000
وما نست الازمة الاقتصادية 000 وقالت ليها فيها كلام كتييييير ما فهمتا منو الا انعكاساتا 000

أها يا خوي 000 افرض زولتنا دي زي مناك كدي رجعتا لقيتا ست بيتك 0000
وخت نفسك بكان المسعول ده 0000 وخلي الموضوع اتاخرتا ليه 000 ولا نسيت الملح ولا جبتو 0000

والباقي تمو براك 0000

ده واحد 0000

أكان علي السماحة واللون 0000 يا خوي غلتان 0000 اسمع كلام مجرب زي ما قال ود الخواض 000

عارف المقارنة 000 بنات الفضائيات 0000 وبنات البلد ( الجزيرة أخبار 0000 والجزيرة زراعة ) 0000

زي الالعاب النارية 00000 والرتينة 0000
أها الألعاب النارية أول بالتبادي 0000 بتخلعك 000
وبعد داك نورا بجهرك 000 ( لا ما بدور القلعة 000 ما تقاطعني ساي )
وفي الآخر 0000 فششششششششششش
ما تلقا ليها أثر

أها ديل بنات الجزيرة أخبار بتاعتك 0000 جمالن ما بنفع مع الزمن 000
أها يا صبحي 0000 نرجع للرتينة 0000

أول ما تولعا 000 نورا خافت 000 ما بجهر 000 ولا بضوي 000
وكلا ما تنفخ فيها 0000 تنور 000
لغاية ما نورا يسوي بق 000
وكان لي الطيب العبق 0000 مذكور في اتفاقية كيوتو 000 ده موضوعو برااااهو 000

أها يا خوي 000 الجزيرة زراعة 000 قناة بلدي 000 زي الرتينة دي 000
كل ما الزمن ينفخ فيها 0000 بتسوي بق 000

ما أظن شفتا حااجة سكينة 000 عيني باردة عيني باردة 000
أحفادا في الجامعة 000 وعيني باردة عيني باردة 0000
كل يوم زايدا حلا 000
وشلاخا 0000 لا فوق 000 نورة الآبري الجدييييييييييييييييييد 000
وكان شفتا الحنا 0000 ع باقي مخالفات ( كيوتو 000 ) 000
تدرج ألوان شنو 0000
و أصيل شنو 000
والشاربة من المغارب شنو 0000

أها يا اللخو 0000
عشان ما اطول عليك 0000
شيل فكرة المستورد دي 000
و أبقي وطني 0000000000 وخليك ضد كيوتو 0000

بس عشان ما تبقي نصيحة طرفا واحد بس 000


في الشيلة (ش1 ) 0000 أوعا من مقاس أربعين 000
من ( 36) ولي تحت 0000
محمد النويري-الفقراء
02-06-2009, 03:21 AM
العاقب اخوي حكايتك شنو انتي مرة تكلمنا عن الدخان وتعمل لينا نفسيات وجائي الان تقول ازمة نسوان حيرتان عديل كدة .. لكن بيني وبينك مافي ازمة نسوات الحكاية وما فيها انو النسوان بقن كتار لحدي ما عملن ازمة للواحد في كيفية الاختيار يعني في حيرة في الاختيار لانو لو مشيت لواحدة حلوة تلقى واحدة احلى منها ( الكلام دا ما لي انا لانو انا موضوعي منتهي.. لاني مكتف بسلبة طويلة ما منها فكة ) ههههه
الملكة اسماء ( ام محمد )
02-06-2009, 03:38 AM
صبحي 000 ( زي ما فكاها فيك الخرباش ) 000




اوعا يكون دا لقب ابو مزن الجديد ؟:p
رضا حسن محمد
02-06-2009, 04:16 AM
أحتاج خريفاً قادم 000
فالقلب انشق به اخدود للذكري 000
كخطو العير 000 في أوحال الأرض الصلدة 0000
لا يمحوه 000 حين تجف 000 الا أمطار أخري 000
والقلب بكي 000
فسحاب بقائي قد ضاع سدي 000
(أبو آية)

يا ود اب قرجة
لا حولا
دة شنو الكلام السمح دى
يا خلودة لا حولااااااااااااااااااااااااااا
أبوريلان
02-06-2009, 04:27 AM
والله يا العاقب قلت العاقب ده البامبرز عايز بيهو شنو








هههههههههههههههههههههههههههههههههههههههههههههه

الله يجازيكم قطعتوا مصارينا بالضحك

ود الرشيد
وصبحي
وأبوقرجة
والخرباش

من أجمل البوستات علي الساحة الآن
( رأي شخصي )

يلا أنداحوا لينا وفضفضوا خلونا نستمتع بحديثكم اللذيذ .
العاقب مصباح
07-06-2009, 02:12 AM
الحل شنوووووووووووووووووووووووووو
عبدالرحمن مدثر
07-06-2009, 03:00 AM
ياختي ديل هلالاب في بعضهم
شغلتنا بيهم شنووو ;)



هههههههههههههههه

المااااااابدورك

فى الازمااااااااااااااات

بحدر لييييييييك
عبدالرحمن مدثر
07-06-2009, 03:09 AM
الحل شنوووووووووووووووووووووووووو


عليك الله بعد كلام الدولى دا بتفتش لحل

لكن شفت كابتن كابو دا حريف كيف

يااااخ افهم انعكاستو دى اصلك مابتنتكس

وناسب حاجة سكينة

عينى باااااااااااااردة

:p:p:p
العاقب مصباح
04-08-2009, 12:22 PM
صبحي 000 ( زي ما فكاها فيك الخرباش ) 000
أول حاجة عندي ليك شمار 000 فردتك ود النور شكلو وقع ليهو علي كنز (نسوان ) 000 راصي ليهو اكتر من عشرين صنف منهن هناك 000 في العام مع ميادة 000 كل صنف 000 أجمل من التاني 0000 وانتا بيجاي تقول لي أزمة 0000 والله الملكة ما خاتية عليك 000 الما خايف أكيييييد بلقا 000


وبعدين يا خوي 000 ده كلام شنو البتقول فيهو ده 000

ياخي بنات الجزيرة شنو 000 علا أكان قاصد جزيرتنا الفيها نزرع نتيرب 000 مافي عوجة 000

شوف يا ود الناس 000 هلا هلا علي الجد 000 والجد هلا هلا عليهو 000

أنا عارف انتا ما بتفهم الا بالمقارنات ( كومبيريزون ) و كدة 000

أول بالتبادي 000 النشيل حال بنات الجزيرة ديل 000
النجاضات السعالات 000 ناشفات الريق 000
ياخي مرة واحدة منهن 000 ( هي من ناحية سمحة بالحيل ) 000
لكن يا خوي 000 مسكت ليها واحد مسعول كدي 0000 نجضتو نجاض 000
سعلتو من بن لادن ( ولبان مر 000 وبن صومالي ) 0000
لفت ليك علي حكومتو 0000 ورئيسا 000 والوزرا 000
وما نست الازمة الاقتصادية 000 وقالت ليها فيها كلام كتييييير ما فهمتا منو الا انعكاساتا 000

أها يا خوي 000 افرض زولتنا دي زي مناك كدي رجعتا لقيتا ست بيتك 0000
وخت نفسك بكان المسعول ده 0000 وخلي الموضوع اتاخرتا ليه 000 ولا نسيت الملح ولا جبتو 0000

والباقي تمو براك 0000

ده واحد 0000

أكان علي السماحة واللون 0000 يا خوي غلتان 0000 اسمع كلام مجرب زي ما قال ود الخواض 000

عارف المقارنة 000 بنات الفضائيات 0000 وبنات البلد ( الجزيرة أخبار 0000 والجزيرة زراعة ) 0000

زي الالعاب النارية 00000 والرتينة 0000
أها الألعاب النارية أول بالتبادي 0000 بتخلعك 000
وبعد داك نورا بجهرك 000 ( لا ما بدور القلعة 000 ما تقاطعني ساي )
وفي الآخر 0000 فششششششششششش
ما تلقا ليها أثر

أها ديل بنات الجزيرة أخبار بتاعتك 0000 جمالن ما بنفع مع الزمن 000
أها يا صبحي 0000 نرجع للرتينة 0000

أول ما تولعا 000 نورا خافت 000 ما بجهر 000 ولا بضوي 000
وكلا ما تنفخ فيها 0000 تنور 000
لغاية ما نورا يسوي بق 000
وكان لي الطيب العبق 0000 مذكور في اتفاقية كيوتو 000 ده موضوعو برااااهو 000

أها يا خوي 000 الجزيرة زراعة 000 قناة بلدي 000 زي الرتينة دي 000
كل ما الزمن ينفخ فيها 0000 بتسوي بق 000

ما أظن شفتا حااجة سكينة 000 عيني باردة عيني باردة 000
أحفادا في الجامعة 000 وعيني باردة عيني باردة 0000
كل يوم زايدا حلا 000
وشلاخا 0000 لا فوق 000 نورة الآبري الجدييييييييييييييييييد 000
وكان شفتا الحنا 0000 ع باقي مخالفات ( كيوتو 000 ) 000
تدرج ألوان شنو 0000
و أصيل شنو 000
والشاربة من المغارب شنو 0000

أها يا اللخو 0000
عشان ما اطول عليك 0000
شيل فكرة المستورد دي 000
و أبقي وطني 0000000000 وخليك ضد كيوتو 0000

بس عشان ما تبقي نصيحة طرفا واحد بس 000


في الشيلة (ش1 ) 0000 أوعا من مقاس أربعين 000
من ( 36) ولي تحت 0000






كلامك دا خلانى اقلع البوست تانى بعد ما مشى الارشيف

جاى ليك يا زمن يا قاسى
خالد 000 ابقرجة
04-08-2009, 12:42 PM
لالالالالالالالا ...كمان يا العاقب مااااااااااا تبالغ ...
ما تحلم قدر دا ...



ياخي الليلة تعبتا تعب لحدي ما لميت في البوست ده
غلبتا كل مشاكل النت المرقتني من الشبكة اسبوع
وغلبتا عدد صفحات النفاج
لاقيت الليلة عنكبة صاحب أيام الجامعة مع مجموعة أصدقاء
قال حاجة 000 رديت عليهو
( انتا كمان ما تبااااااااااااااااااااااااااالغ )

وتفاجأ الجماعة بي ضحكة شديدة مني ومن صاحبي ما متناسبة مع الكلام أبدا 000
وعشان يشيل الاستغراب حكي ليهم قصة ود الجبنة


في جلسة ونسة عزابية 000 مصحوبة بهروب من جو الامتحانات الخانق
اتحولت الونسة للحبكانات
وبدا الحديث يعرج علي بعض المثاليات 000
- الحب ياخي ما ليهو علاقة بالشكل
- آآآي والله ياخي أهم حاجة المشاعر
- ياخي الناس لمن تتفاهم في حاجات كتييييييييييرة ممكن تتجاوزا
- ياخي الواحد ممكن يحب ليهو واحدة شينة طالما قلبو دقا لصفات كتيرة فيها حلوة
- برضو في بنات كتيرات جميلات بقعن في حب ناس شينين 000

الكلام كان كتير 000 والتنظير أكتر 000 وصاحبنا ود الجبنة الكلام ماااااااااااااااا عاجبو 000

لحدي ما في الآآآآآآآآآآآخر واحد صاحبنا دايما ود الجبنة في مناكفة معاهو وبقول ليهو انتا أشنا زول في الدنيا

صاحبنا انتهز الفرصة وحاول امرر نواياهو الكلنا كنا ملاحظنها

- يعني أنا مثلا بي شناتي البقولا ود الجبنة دي 000 ممكن اجكس ( ) 000 و ( ) القالا دي اجمل سودانية شافتا المنصورة علي تعبير عنكبة 000

في اللحظة دي ود الجبنا فكا آخرو 000 وغلبو السكات 000 وغلبو تمرير مطامع صاحبنا وبرد فعل سريع


ياخي انتا كمان ما تباااااااااااااااااااااااااااااااااااااااااااااااا الغ


ولمن عنكبة خلص القصة 000 جماعتي وقعوا من الضحك 000 وعذرونا
لكن انا كنتا سرحتا لأني اتذكرتا بوست الأزمة ده 000 ورد ود الخواض الفوق داك 000 خاصة انو واحد جرا ضحكتو زي صاحبنا ابو كريم

هاهاهاهااااااااااااااااااااااااااي

ود مصباح 000
شايف الازمة اتحلت
والامور مشت قنقليز
والسكة ان شاء الله سلكت

بس برضو بحذرك من مقاس اكبر من 36
ولو وصلت مقاس اربعين
اعمل ليك تمارين صد شلاليت ساااااااااااااااااااااااااااااااكت
العاقب مصباح
04-08-2009, 12:56 PM
ياخي الليلة تعبتا تعب لحدي ما لميت في البوست ده
غلبتا كل مشاكل النت المرقتني من الشبكة اسبوع
وغلبتا عدد صفحات النفاج
لاقيت الليلة عنكبة صاحب أيام الجامعة مع مجموعة أصدقاء
قال حاجة 000 رديت عليهو
( انتا كمان ما تبااااااااااااااااااااااااااالغ )

وتفاجأ الجماعة بي ضحكة شديدة مني ومن صاحبي ما متناسبة مع الكلام أبدا 000
وعشان يشيل الاستغراب حكي ليهم قصة ود الجبنة


في جلسة ونسة عزابية 000 مصحوبة بهروب من جو الامتحانات الخانق
اتحولت الونسة للحبكانات
وبدا الحديث يعرج علي بعض المثاليات 000
- الحب ياخي ما ليهو علاقة بالشكل
- آآآي والله ياخي أهم حاجة المشاعر
- ياخي الناس لمن تتفاهم في حاجات كتييييييييييرة ممكن تتجاوزا
- ياخي الواحد ممكن يحب ليهو واحدة شينة طالما قلبو دقا لصفات كتيرة فيها حلوة
- برضو في بنات كتيرات جميلات بقعن في حب ناس شينين 000

الكلام كان كتير 000 والتنظير أكتر 000 وصاحبنا ود الجبنة الكلام ماااااااااااااااا عاجبو 000

لحدي ما في الآآآآآآآآآآآخر واحد صاحبنا دايما ود الجبنة في مناكفة معاهو وبقول ليهو انتا أشنا زول في الدنيا

صاحبنا انتهز الفرصة وحاول امرر نواياهو الكلنا كنا ملاحظنها

- يعني أنا مثلا بي شناتي البقولا ود الجبنة دي 000 ممكن اجكس ( ) 000 و ( ) القالا دي اجمل سودانية شافتا المنصورة علي تعبير عنكبة 000

في اللحظة دي ود الجبنا فكا آخرو 000 وغلبو السكات 000 وغلبو تمرير مطامع صاحبنا وبرد فعل سريع


ياخي انتا كمان ما تباااااااااااااااااااااااااااااااااااااااااااااااا الغ


ولمن عنكبة خلص القصة 000 جماعتي وقعوا من الضحك 000 وعذرونا
لكن انا كنتا سرحتا لأني اتذكرتا بوست الأزمة ده 000 ورد ود الخواض الفوق داك 000 خاصة انو واحد جرا ضحكتو زي صاحبنا ابو كريم

هاهاهاهااااااااااااااااااااااااااي

ود مصباح 000
شايف الازمة اتحلت
والامور مشت قنقليز
والسكة ان شاء الله سلكت

بس برضو بحذرك من مقاس اكبر من 36
ولو وصلت مقاس اربعين
اعمل ليك تمارين صد شلاليت ساااااااااااااااااااااااااااااااكت




سبحان الله على هذا التوارد العجيب فى الخواطر

حدث امس ايضا مع عصمت فى بوست الكلام الساى

ربنا يخليك وبس
العاقب مصباح
05-12-2009, 11:22 AM
هسع البوست دا مالو قلع لى فوق

غايتو جنس محن
ابو الجيلى
08-12-2009, 04:15 PM
يا ود مصباح الجن بداوى كعبة الاندراوة
ياربى الاندراوة دى معناها شبو
خالد 000 ابقرجة
21-11-2011, 11:25 AM
يا ود مصباح الجن بداوى كعبة الاندراوة
ياربى الاندراوة دى معناها شبو


مواصلة في توارد الخواطر 000
ذكرني البوست ده نكتة حكاها لينا أبو الجيلي قبل يومين في جلسات ما بعد الحج مع حجاج مدني الجميلين 000

لمن جيت هنا ونكتا البوست لقيت آخر مشاركة كانت أبو الجيلي 000

سبحان 000

اخلق من الشبه أربعين 000

ما تقولوا لي شبه شنو بس كلمة (سبحان الله ) في نص الكلام كدة دايماً معلقة معاي بي ( اخلق من الشبه أربعين ) 000

أها نخلي الهضربة 000
نكتة أبو الجيلي قال ليك واحد صاحبم اتزوج فوق مرتو 000

لما ليك فيهو واحدة قريبتم خالة للمرة الأولي 000
وزرتوا ليك جنس زرة 000

هي مالا 000
عورا 000 ؟؟؟؟


لا لا 000

أهي بخيلة ؟؟؟

لا لا

كسلانة ؟؟


لا لا

شفتا منها حاجة ؟

لا والله الا كل خير 000

نان مالك جايب لها ضرة 000


والله حا جة بس كترتا الشكر لي ربنا علي الحاجات الحلوة الكتيرة دي فيها 000

وربنا ما بخلف وعدو


وعد شنو يا ولدي 000

مش ربنا قال ( لئن شكرتم لأزيدنكم ) ؟؟؟

أها شكرتوا علي مرتي زادني مرة تانية 000



ياخي لكن يا أبو الجيلي صاحبك عملا ظااااااهرة 000

وبرضو عقبة اقول ليك في أزمة 000

يا عمك الناس شغالة شكر سااااااي

ومثني وثلاث ورباع 000





ناس النفاج 000
شوق بحر 000

عارف حا ينط لي واحد يقول لي (بحر ) ولا بي برد )
مايسة
21-11-2011, 08:55 PM
مواصلة في توارد الخواطر 000
ذكرني البوست ده نكتة حكاها لينا أبو الجيلي قبل يومين في جلسات ما بعد الحج مع حجاج مدني الجميلين 000

لمن جيت هنا ونكتا البوست لقيت آخر مشاركة كانت أبو الجيلي 000

سبحان 000

اخلق من الشبه أربعين 000

ما تقولوا لي شبه شنو بس كلمة (سبحان الله ) في نص الكلام كدة دايماً معلقة معاي بي ( اخلق من الشبه أربعين ) 000

أها نخلي الهضربة 000
نكتة أبو الجيلي قال ليك واحد صاحبم اتزوج فوق مرتو 000

لما ليك فيهو واحدة قريبتم خالة للمرة الأولي 000
وزرتوا ليك جنس زرة 000

هي مالا 000
عورا 000 ؟؟؟؟


لا لا 000

أهي بخيلة ؟؟؟

لا لا

كسلانة ؟؟


لا لا

شفتا منها حاجة ؟

لا والله الا كل خير 000

نان مالك جايب لها ضرة 000


والله حا جة بس كترتا الشكر لي ربنا علي الحاجات الحلوة الكتيرة دي فيها 000

وربنا ما بخلف وعدو


وعد شنو يا ولدي 000

مش ربنا قال ( لئن شكرتم لأزيدنكم ) ؟؟؟

أها شكرتوا علي مرتي زادني مرة تانية 000



ياخي لكن يا أبو الجيلي صاحبك عملا ظااااااهرة 000

وبرضو عقبة اقول ليك في أزمة 000

يا عمك الناس شغالة شكر سااااااي

ومثني وثلاث ورباع 000





ناس النفاج 000
شوق بحر 000

عارف حا ينط لي واحد يقول لي (بحر ) ولا بي برد )


تصدق قعدته مسافة اتأكد من الاسم ياخ
كيفنك وأحوالك -


اتمنى تكون بعافية وكل الأسرة
وبالجد النفاج طعمو لمن إتغير
وليس مجاملة

تحياتي
mahagoub
22-11-2011, 10:48 AM
ابو قرجه وكل المشاركين ليكم التحيه
يعنى نحمد ونشكر بنلاقى مثنى وثلاث ورباع
ويا العاقب غمض ونط
اصلوا الفى البر عوام
بحيرى
22-11-2011, 09:53 PM
يا جماعه .... بالمختصر المفيد ....
الحل شنو ...
انا والله ما عندى فاتوره بتاعت مرأه ....
وداير اعمل لى فاتوره .... انشاء الله مبدئية ....
لكن ... اللكنه دى لى ود العاقب .... وكويسه مع ابو قرجه ....
والله لكن دى بتجيب مشاكل ....
انا قايتو مستنى نهاية البوست الجميل ده ... وبعد داك بقرر ....!!!
مايسة
22-11-2011, 10:15 PM
يا جماعه .... بالمختصر المفيد ....
الحل شنو ...
انا والله ما عندى فاتوره بتاعت مرأه ....
وداير اعمل لى فاتوره .... انشاء الله مبدئية ....
لكن ... اللكنه دى لى ود العاقب .... وكويسه مع ابو قرجه ....
والله لكن دى بتجيب مشاكل ....
انا قايتو مستنى نهاية البوست الجميل ده ... وبعد داك بقرر ....!!!


بحيري - سلامات

حا تتسنى كتير شكلك لأنو البوست دا ليهو سنتين وكمان تلاتة
وناسو خلو زااااااتو - هههههههههه
فشيل الصبر وشوف ليك طريقة تانية للفاتورة :p