المساعد الشخصي الرقمي

مشاهدة النسخة كاملة : حوش بت الشريف


أسماء الشريف
30-05-2009, 05:52 AM
ناس النفاج إذيكم إنشاء الله طيبين

قالوا لي إنتو ناس الضحك والفرفشه وأنا زهجااااااااااانه

رايكم شنو نطلع من الغرف والمكاتب ونطلع في الحوش ده نشم حبوب الله وننسي هموم الدنيا ومشاكل الشغل

أنا ماشه أعمل قهوة يلا فرشوا الحوش وأقعدوا لو في زول عايز حاجة غير القهوه يكلمني هسه

عشان الزول يجييب الحاجات كلها ويقعد القعده الياها ويتونس بي راحته

خصوصا وأنا محرومه لي زمن وحالتي صعبة

دايرين شنو ياأخوانا !
عبدالرحمن مدثر
30-05-2009, 06:03 AM
دايرين بوسطة

ومدرسة وسطى

بت الشريف البركة فى الشوفة .. القهوة شوفى ليها قرفة

عشان الكيف يتم ... انا جيت اسلم .. وانتكى فى عنقريب هبابى

لانو اليومين دى فى ازمة عناقريب

ماكلموك والله شنو

وازمة تانية فتحها صبحى جنب حوشك

خليها ريحتها بتصلك

اها ازمة العناقريب دى جات من وين

من قندهار ... قالو ناس المحلية خموا عناقريب الشية

قالو الا بتصديق

عناقريب ساااااى بتصديق :p:p:p

هذا زمان التصاديق

والوخز الممل

والمغرزة





بجيك رااااااااااجع
العاقب مصباح
30-05-2009, 06:16 AM
اسماء
البركة جيتى النفاج الليلة يا بتى
اها ما دام جبتى البرش ورشيتى الضل ايانا القاعدين معاك
اول شئ كبى لينا حلبة
وتانى شئ عليك الله شاى احمر وكبى فيهو تلاتة ملاعق سكر
وقرفة
وحبهان
ونعناع
وستفيها للاخر
باقيلك جاى من ضحوة كااااااااااااربة
وادينى البنبر داك الناخد فيهو راحتى
هدى قعده
ميادة
30-05-2009, 11:18 AM
يا سلااااااااااااااااااااااااااام يا بت الشريف والله نورتي النفاج ياخ

اها قلت لي فيها قعدة وقهوة

بث جيبي لينا معاك البلح والتسالي والنبق

وجيبي لينا المسجل معاك بلاي عشان ننطرب بي اي شريط كده

اها اقعدو عافية
esmat
30-05-2009, 11:24 AM
اسماء الشريف
اخيراً نزلت القزاز يعني
من زمان منتظرين جيتك
وجيتينا في النفاج عديييل
كدي سوي قهوتك وتعالي
اقعدي لي في الواطة دي
العاقب مصباح
30-05-2009, 12:42 PM
اسماء الشريف
اخيراً نزلت القزاز يعني
من زمان منتظرين جيتك
وجيتينا في النفاج عديييل
كدي سوي قهوتك وتعالي
اقعدي لي في الواطة دي


عصمت عليك الله املا لى الكيس دا معاك نشارة

ما تكسر براك ياخ ادينا معاك فرصة
ميادة
30-05-2009, 12:55 PM
عصت عليك الله املا لى الكيس دا معاك نشارة

ما تكسر براك ياخ ادينا معاك فرصة




كسر كسر هو الكسير بي قروووووووووووووووووووش
خالد 000 ابقرجة
30-05-2009, 01:01 PM
بت الشريف 000

أها 000 جيت لقيت الجنيات ملو الحوش ( عيني باردة عيني باردة ) 000
مادام الخرباش ده رقد في العنيقريب الويحيد 000
هادي تكية في البرش ده 000
باقي يا البنية أنا كاتلني شوق لي حاجة غريبة خلاس 000

لا لا 000 القهوة دي ما قطع شك شاربا 000

لا ولا الشاي الدخلو العاقب في نفسي ده 000

لا لا ولا كلمة املا لي الكيس دي زكرتن الصعود 000

كدي يا ناس ما تشبوا لي في حلقي 000 والله هسي أحرد ليكم 000
وتاني علي الـ (000) البتجيب لي الكحة ديك 000 تلج المزاد وشندي فوق ما يرجعوني 000

أها آ البنية الفنجرية 000
الجاية بعد غيبة 000
والوارثة صوت ليلي 000
والصادحة بالكلمة 000
الشايلة للفكرة 00
حمد الله بالعودة 000
للحوش و لي اللمة 00

أها والله العظيم 0000 بس مشتاق أرقد علي قفاي 000
وارفع راسي أشوف السما مغتيني 000
وابداهو من أول الشرق 000 نظرة قوسية 000 لغاية الغرب 000
أعدو نجمة 000 نجمة 000 (وافط القمرا أكان ما مكتملة ) :p
وارجع أحزمو 000 من الشمال 000 لغاية الجنوب ( باقي خبرة في ستيف الكراتين) 00

والله يا الجنيات 000 نوم الشقق 000
وقفيل الخرسانات 000 قرب اعمل لينا عما سماوي 0000

ها جنا ها 000
كب لينا الشاي الريحتو طاقة ده 00
دوب ما جاتنا البنية 00
بفنجان الجبنة ( بي شمالا ) 000

وزي ما بقول الجنا رضا ود حسن 000

وووووووووب أنا من

رقدة القفا 000 وغتاك السما 000
الطويل
31-05-2009, 11:00 PM
عليك الله طرقت كسره ومعاها حبه زبادي

وبالمره كبايه ليمون
أسماء الشريف
03-06-2009, 07:46 AM
بجيك رااااااااااجع



أمشي لكن ماتتأخر وياريت تجيب معاك المدام والله ياأخوي إتعقدت من حكاية أكون البت الوحيدة وسط الرجال

طبعا إنت عارف الحاجة دي خلت الناس تسميني أسامه .

خالد الصول من الناس الإتعودوا علي مناداتي بأسامة ، مرة ونحن في الإستديو شغالين حلقة من برنامج ( منتديات ودمدني ) علي الهواء قال نقدم لكم الآن الأخت أسامة . طبعا الصادق ساتي نطط عيونو بس أنا ضحكت وبررت الحكاية للمستمعين وضحك من بالإستديو وهم ( أسامة الرشيد ، شيكو شقاري ، محمد خدوري و د. عمر )

ربنا يطراهم بالخير ويجمهم علي الخير دايما

لو شموا ريحة القهوه دي أكيد بجونا

عبد الرحمن جيب معاك الأموره مزن
أسماء الشريف
03-06-2009, 07:53 AM
اسماء


البركة جيتى النفاج الليلة يا بتى
اها ما دام جبتى البرش ورشيتى الضل ايانا القاعدين معاك
اول شئ كبى لينا حلبة
وتانى شئ عليك الله شاى احمر وكبى فيهو تلاتة ملاعق سكر
وقرفة
وحبهان
ونعناع
وستفيها للاخر
باقيلك جاى من ضحوة كااااااااااااربة
وادينى البنبر داك الناخد فيهو راحتى

هدى قعده




agibmisbah (http://www.wadmadani.com/vb/member.php?u=7454) أخد راحتك وأخد قعدتك وطلباتك أوامر
أسماء الشريف
03-06-2009, 08:02 AM
يا سلااااااااااااااااااااااااااام يا بت الشريف والله نورتي النفاج ياخ



اها قلت لي فيها قعدة وقهوة


بث جيبي لينا معاك البلح والتسالي والنبق


وجيبي لينا المسجل معاك بلاي عشان ننطرب بي اي شريط كده



اها اقعدو عافية




المنتدي منور بيكم وبي لمتكم الحلوه

معليش يامياده مالقيت نبق لكن جبت ليك البلح والتسالي

المسجل في بس المشكلة أختك بتسمع للجماعة الطيبين الفي الدنيا مبسوطين ومعذبين وصادقين هاديين ورايقين وفي الفن متعمقين .

ماعارفه بتنفع معاك حاجات العجايز دي ولا أشوف حاجة شبابيه شكلك كده عايزه تنطربي

قولي دايرة ياتو شريط وياتو فنان كان مافي بجيبو ليك من السوق ولو مالقيتو وطلع فنانك متواصل معاي بعمل ليك مفاجأة وأخلي يسمعك كوبلي بالتلفون إنت والناس المعاك آها رايك شنو !
أسماء الشريف
03-06-2009, 08:08 AM
اسماء الشريف
اخيراً نزلت القزاز يعني
من زمان منتظرين جيتك
وجيتينا في النفاج عديييل
كدي سوي قهوتك وتعالي
اقعدي لي في الواطة دي



قزاز شنو ياعصمت أنا ماعندي عربيه وعشان مابحب الشي التقليدي سايقه ركشه ومافيها غير القزاز القدام
ومكرهاني العيشه مره تقلب جزره ومره تفصل سلك وأختك ( 4 ) وكده .

وآها ما الواطة دي قعدت ليك فيها ( ياها الجاييين منها وراجعين ليها ) ربنا يحسن الخاتمة .

ماقلت لي أكب ليك كم ملعقه ؟
أسماء الشريف
03-06-2009, 08:15 AM
بت الشريف 000



أها 000 جيت لقيت الجنيات ملو الحوش ( عيني باردة عيني باردة ) 000
مادام الخرباش ده رقد في العنيقريب الويحيد 000
هادي تكية في البرش ده 000
باقي يا البنية أنا كاتلني شوق لي حاجة غريبة خلاس 000


لا لا 000 القهوة دي ما قطع شك شاربا 000


لا ولا الشاي الدخلو العاقب في نفسي ده 000


لا لا ولا كلمة املا لي الكيس دي زكرتن الصعود 000


كدي يا ناس ما تشبوا لي في حلقي 000 والله هسي أحرد ليكم 000
وتاني علي الـ (000) البتجيب لي الكحة ديك 000 تلج المزاد وشندي فوق ما يرجعوني 000


أها آ البنية الفنجرية 000
الجاية بعد غيبة 000
والوارثة صوت ليلي 000
والصادحة بالكلمة 000
الشايلة للفكرة 00
حمد الله بالعودة 000
للحوش و لي اللمة 00


أها والله العظيم 0000 بس مشتاق أرقد علي قفاي 000
وارفع راسي أشوف السما مغتيني 000
وابداهو من أول الشرق 000 نظرة قوسية 000 لغاية الغرب 000
أعدو نجمة 000 نجمة 000 (وافط القمرا أكان ما مكتملة ) :p
وارجع أحزمو 000 من الشمال 000 لغاية الجنوب ( باقي خبرة في ستيف الكراتين) 00


والله يا الجنيات 000 نوم الشقق 000
وقفيل الخرسانات 000 قرب اعمل لينا عما سماوي 0000


ها جنا ها 000
كب لينا الشاي الريحتو طاقة ده 00
دوب ما جاتنا البنية 00
بفنجان الجبنة ( بي شمالا ) 000


وزي ما بقول الجنا رضا ود حسن 000


وووووووووب أنا من



رقدة القفا 000 وغتاك السما 000




أوووو خلوده

كيفك ياأخوي إنشاء كويس

عامل شنو مع الغربه

والله المغتربين معذبني عذاب بي إيميلاتهم

عندي عمود في جريدة الخرطوم بصلكم هناك عامل لي تواصل جميل مع القراء بس كلامهم عن الغربه قاعد يعذبني عذاب شديد خلاص

ربنا يسهل لكل المغتربين لو مارجعه نهائية إنشاء الله إجازه ترفيهيه
أسماء الشريف
03-06-2009, 08:21 AM
عليك الله طرقت كسره ومعاها حبه زبادي

وبالمره كبايه ليمون



بس كده ( كان علي الكسره والزبادي مافيش مشكلة وكمان الليمون ) .

بركه المابقي فيها طبيخ ومشويات لأنو أختك مستجده ماممكن من أول عزومة أجرب فيكم وجبة يقوم يجيكم وجع بطن تقوم تطفش ماتجي حوش بت الشريف تاني .
esmat
03-06-2009, 09:49 AM
قزاز شنو ياعصمت أنا ماعندي عربيه وعشان مابحب الشي التقليدي سايقه ركشه ومافيها غير القزاز القدام
ومكرهاني العيشه مره تقلب جزره ومره تفصل سلك وأختك ( 4 ) وكده .

وآها ما الواطة دي قعدت ليك فيها ( ياها الجاييين منها وراجعين ليها ) ربنا يحسن الخاتمة .

ماقلت لي أكب ليك كم ملعقه ؟


هي لكن ركشتك دي ما كانت حايمة بالثقافي بس
مدام جيتينا بي جاي وفي النفاج
وغيرتي الجزرة ادينا كباية جبنة
ما في فنجان كباية بالله وبعدين السكر
معلقتين وشوية كدا جنزبيل
وبعد داك نشوف الحاصل شنو
كندشة
03-06-2009, 10:28 AM
قزاز شنو ياعصمت أنا ماعندي عربيه وعشان مابحب الشي التقليدي سايقه ركشه ومافيها غير القزاز القدام
ومكرهاني العيشه مره تقلب جزره ومره تفصل سلك وأختك ( 4 ) وكده .

وآها ما الواطة دي قعدت ليك فيها ( ياها الجاييين منها وراجعين ليها ) ربنا يحسن الخاتمة .

ماقلت لي أكب ليك كم ملعقه ؟


ههههههههههه

تقلب جزرة دي والله ضحكتني جنس ضحك
اتذكرتا لي قصة ظريفة كده :D:D:D

المهم

حبابك عشرة

و جينا نكسر مع المكسرين
جايب معاي شاكوش كارب للتكسير يا اسمت ويا عاقب:p:p


و دا عنقريب مني هدية عشان نساعد في أزمة العناقريب الحاصلة
و عشان ما تقعدي في الواطة يا بت الشريف
الحوش حوشك و احنا ضيوفك

http://www.sudani.ws/forum/uploaded/995_1229274613.jpg
الملكة اسماء ( ام محمد )
03-06-2009, 10:32 AM
يااخوانا ست الحوش دي وينها :mad::mad::mad:

قولوا ليها (النيمة) البينات حيشانا دي (حتت) وسخت لينا حوشنا ياااااااخ


:D:D:D:D

حبابك في النفاج ياغالية
عاطف عولي
03-06-2009, 12:16 PM
ازيكم اها جيتك براي بنفسي عشان كلام باكر فيه مناكر وما تقولي ما كلموني باقي انت حكومة عدييييييييييييييييييييييييييييييييييييييييل.
بكرة عاملين كرامة بت مارنجان ضابحين فضلت خيرك في قهوة الشمار تاني شارع منكم يمكن تكوني ما عارفها عشان ما شفناك في الشارع داك.
فطور سريع شية ام فتفت فول وطعمية والتحلية مديدة تمر بالسمن مع لقيمات والشاي وبعدوا القهوة وطوالي علي الباصات ماشين غدا ناس مدني الفي الاستراحة .
اها كلمتك براي وما رسلت ليك مرسال.
وسمعت البنات تحت تحت عاملات تحلية مفاحعا.
علي الله لا ما تخسميني باقي قالوا انتي جنك تخسمي الزول بس فنجان قهوة علي الواقف عشان اعز الحليفة وبرجع ليك بعد الكرامة.
الطويل
03-06-2009, 11:12 PM
بس كده ( كان علي الكسره والزبادي مافيش مشكلة وكمان الليمون ) .

بركه المابقي فيها طبيخ ومشويات لأنو أختك مستجده ماممكن من أول عزومة أجرب فيكم وجبة يقوم يجيكم وجع بطن تقوم تطفش ماتجي حوش بت الشريف تاني .



ههههههههههههههههههههه

ماتخافى وجع البطن عندنا على طول مدام متغربين

عندك فسيخ

والله نفسي فيه بس ما مفروم
مختار بازى
03-06-2009, 11:26 PM
دايرين شنو ياأخوانا !

عييييييييييييييييييييك مفتوحة يعني خلاص حاجات خفيفة كدا لزوم نشوف الباقي شنو يا بت الشريف:d

اولا وليس آخرا

1/ كيس ساعوط من بوش:):d

2/ تسالي ونبق وقنقليز

3/ كم جريدة يومية كدا بس اختي لي الصدي:)

4/ لوح لوحين تلج

5/ سلطة واهم شي فيها الشطة والدكوة

6/ ابو رانيا دا يختا الراكوبة حقتك دي:d

وبعدين نشوف الباقي شنو..:d
كندشة
04-06-2009, 08:14 AM
يا مختار
أنا متبرع بكسير ألواح التلج

و سف الساعوط

و جريدة الصدى أدوني ليها
http://www.alsadda.net/images/n-panner.jpg
أسماء الشريف
20-06-2009, 05:32 AM
هي لكن ركشتك دي ما كانت حايمة بالثقافي بس


مدام جيتينا بي جاي وفي النفاج
وغيرتي الجزرة ادينا كباية جبنة
ما في فنجان كباية بالله وبعدين السكر
معلقتين وشوية كدا جنزبيل

وبعد داك نشوف الحاصل شنو



إذيك يا esmat معليش إتأخرت عليك لكن جهزت ليك قهوة مباااالغة أشرب وأحكم

بعدين ركشتي دي حايمه في كم منتدي إنت فاكرها مؤجرة للثقافي وبس ولاشنو

عموما كدي هسة ضوق القهوه دي وشوف سكرها كيف ؟ ونجي ناخد لينا جولة علي كل المنتديات ونحن في حوشنا ده رأيك شنو
أسماء الشريف
20-06-2009, 05:50 AM
ههههههههههه



تقلب جزرة دي والله ضحكتني جنس ضحك
اتذكرتا لي قصة ظريفة كده :d:d:d


المهم


حبابك عشرة


و جينا نكسر مع المكسرين
جايب معاي شاكوش كارب للتكسير يا اسمت ويا عاقب:p:p



و دا عنقريب مني هدية عشان نساعد في أزمة العناقريب الحاصلة
و عشان ما تقعدي في الواطة يا بت الشريف
الحوش حوشك و احنا ضيوفك



http://www.sudani.ws/forum/uploaded/995_1229274613.jpg (http://www.sudani.ws/forum/uploaded/995_1229274613.jpg)





مرحب بيك ياكندشة ومشكور علي العنقريب الظريف

هو صاح الحوش حوشي لكن إنتو ماضيوفي البيت بيتكم بالغت ياكندشه وعشان تحس بالحالة واحدة قوم رش الحوش ده

وأقعد بعد داك أحكي لينا القصة الطريفة بتاعت قلبة الجزرة
أسماء الشريف
09-10-2009, 03:27 AM
يااخوانا ست الحوش دي وينها :mad::mad::mad:

قولوا ليها (النيمة) البينات حيشانا دي (حتت) وسخت لينا حوشنا ياااااااخ


:d:d:d:d

حبابك في النفاج ياغالية

أها النيم ولميناه
والنفاج وجيناه
والساخن جهزناه

مابتجي تشربي معانا القهوه
أسماء الشريف
09-10-2009, 03:28 AM
ازيكم اها جيتك براي بنفسي عشان كلام باكر فيه مناكر وما تقولي ما كلموني باقي انت حكومة عدييييييييييييييييييييييييييييييييييييييييل.
بكرة عاملين كرامة بت مارنجان ضابحين فضلت خيرك في قهوة الشمار تاني شارع منكم يمكن تكوني ما عارفها عشان ما شفناك في الشارع داك.
فطور سريع شية ام فتفت فول وطعمية والتحلية مديدة تمر بالسمن مع لقيمات والشاي وبعدوا القهوة وطوالي علي الباصات ماشين غدا ناس مدني الفي الاستراحة .
اها كلمتك براي وما رسلت ليك مرسال.
وسمعت البنات تحت تحت عاملات تحلية مفاحعا.
علي الله لا ما تخسميني باقي قالوا انتي جنك تخسمي الزول بس فنجان قهوة علي الواقف عشان اعز الحليفة وبرجع ليك بعد الكرامة.


كر علي جيت متأخره ولقيت السمح فاتني

آها يا أخوي مافي جديد
أسماء الشريف
09-10-2009, 03:31 AM
ههههههههههههههههههههه



ماتخافى وجع البطن عندنا على طول مدام متغربين


عندك فسيخ



والله نفسي فيه بس ما مفروم



الطويل وين إنت
ده سلام من القصيره

الفسيخ جاهز
تغريد
09-10-2009, 03:33 AM
ناس الحوش سلام ما بلقي لي عندكم شوية بن اقلا لي بيهو جبنة باقي مصدعة شوية - وشو واحدة عاملة رايحة وهي شامة ريحة البن تجيب الرايح


:d:d:d
أسماء الشريف
09-10-2009, 03:35 AM
عييييييييييييييييييييك مفتوحة يعني خلاص حاجات خفيفة كدا لزوم نشوف الباقي شنو يا بت الشريف:d

اولا وليس آخرا

1/ كيس ساعوط من بوش:):d

2/ تسالي ونبق وقنقليز

3/ كم جريدة يومية كدا بس اختي لي الصدي:)

4/ لوح لوحين تلج

5/ سلطة واهم شي فيها الشطة والدكوة

6/ ابو رانيا دا يختا الراكوبة حقتك دي:d

وبعدين نشوف الباقي شنو..:d



جدا مافي مانع نجهز ليك الدايروا بس الصدي وابورانيا ديل مالك معاهم غايتو الصدي مشكلتك معاها ظاهره ورينا شمار ابو رنيا إيه

وخلينا نشوف باقي طلباتك شنو
أسماء الشريف
09-10-2009, 03:37 AM
يا مختار
أنا متبرع بكسير ألواح التلج

و سف الساعوط

و جريدة الصدى أدوني ليها
http://www.alsadda.net/images/n-panner.jpg (http://www.alsadda.net/images/n-panner.jpg)


كدي تعال أصل الفي بنديك ليه والمافي بنرسل ليه

لبركه في اللمه
أسماء الشريف
09-10-2009, 03:41 AM
يا أخوانا رايكم شنو نحتفل بي الشمعه السابعه للمنتدي هنا في حوشنا ده

إحتفال خاص بي مزاااااااااااااااااااااااااااااااااااااااااااااااا ااااااااااااااااااااااااااااااج

أها وروني تصوركم شنو

إنشاء كل سنه طيبين طيبين
وفي حوش بت الشريف متلمين
ومرتاحين ومبسوطين
amino
09-10-2009, 03:43 AM
بنت الشريف ازيك
اهاااااا جبنتك اخبارها شنو؟ والله انا اكتر زول زهجان
جاى بعد زمن ولانفاج مافى اعملى قهوة عشان اشيل الصداع دا
وبالمناسبة لازم تقلى لى البن جنبى ماتجيبهوا جاهز ...
:):):):):):):):):):)
نخيل طيبة
09-10-2009, 11:03 AM
ياسلام بوست ظريف يا بنت الشريف
وده تسجيل حضور
أسماء الشريف
10-10-2009, 11:15 PM
ناس الحوش سلام ما بلقي لي عندكم شوية بن اقلا لي بيهو جبنة باقي مصدعة شوية - وشو واحدة عاملة رايحة وهي شامة ريحة البن تجيب الرايح


:d:d:d

( حبايبي الحلوين أهلا جوني
وأنا ماقايله ناس تغريد ديل بزوروني )

إتفضلي البن والقهوه ياعسل
أسماء الشريف
10-10-2009, 11:19 PM
ياسلام بوست ظريف يا بنت الشريف
وده تسجيل حضور


مرحب بيك كتير ( وعلي الطلاق ) مافي مروق ساي أها شاي ولاقهوه ولابارد
ولاشنو
ahmed algam
11-10-2009, 12:02 AM
يابت الشريف


عليك الله كباية قهوة




تقيله





سكره بره
عمرسنهوري
11-10-2009, 01:21 AM
سلام
بت الشريف و المعاها

انا ما بشرب القهوه

لكن ريحة البن بتأسرني

اها يا اخوانا قهوتكم دي ما تكون جاهزه

عشان الريحه وكده يعني
وداد محمد
11-10-2009, 02:03 AM
اسماء وين انتي
تحايا كثيره لكي
فاقدنك بكثره عليكم الله كل الغائبن زمان قولوا لهم هلموا بيننا
نخيل طيبة
11-10-2009, 03:10 PM
مرحب بيك كتير ( وعلي الطلاق ) مافي مروق ساي أها شاي ولاقهوه ولابارد
ولاشنو



تسلمي ياربي وطلاق شنو يابنت الشريف بشرب عصير وشاي وقهوة


تخريمة على قول الجماعه:
توقيعك ده ياهو صحي لو صاح تعالي ادينا بيانات عن المشروع ده
وحقيقته يمكن الله يقسم لينا فيه مسكن...
...
أسماء الشريف
18-10-2009, 10:22 AM
تسلمي ياربي وطلاق شنو يابنت الشريف بشرب عصير وشاي وقهوة




تخريمة على قول الجماعه:
توقيعك ده ياهو صحي لو صاح تعالي ادينا بيانات عن المشروع ده
وحقيقته يمكن الله يقسم لينا فيه مسكن...

...




ياهو صاح والمنتجع جميل وبستاهل الزياره

ح أكتفي بالمرور ورد التحيه هسه وأرجع في مره تانيه أحكي ليك عنو بي مزااااااااااج
نخيل طيبة
18-10-2009, 07:07 PM
تمام يا اختي انا في الانتظار وجااااااااااده جدا...
أسماء الشريف
17-04-2010, 12:47 PM
سجمي الحوش ده فاضي كده مالو إنشاء الله خير الناس لسه ما انتهت من حكاية الانتخابات دي

كنت عايزه اترشح ( حزب البهجه والمسره ) بس تقولوا شنو الاحزان لخبت أموري

بسم الله انا بتكلم براي

كر علي ده شكلو الخرف المبكر

خسارة عجزت وما أنجزت

الحوش فاضي ما بنقعد النخش آخد لي نومه يمكن الاقيكم في الاحلام
خالد علونى
15-05-2010, 10:39 PM
سجمي الحوش ده فاضي كده مالو إنشاء الله خير الناس لسه ما انتهت من حكاية الانتخابات دي

كنت عايزه اترشح ( حزب البهجه والمسره ) بس تقولوا شنو الاحزان لخبت أموري

بسم الله انا بتكلم براي


كر علي ده شكلو الخرف المبكر

خسارة عجزت وما أنجزت

الحوش فاضي ما بنقعد النخش آخد لي نومه يمكن الاقيكم في الاحلام











بت الشريف تبري من الخرف يا بت اخوي




اخبارك واحوالك



ليك شوق والله


اها انا جيت عندك قلت اشرب لي شاي سادة




النمش علي العاقب في النيمة كان لقيت لي زول بجيبوا معاي


باقي بفتش علي ود علقم لي منو كم يوم








كان لقيتي لافي في النفاج قولي لي عوك
أسماء الشريف
21-05-2010, 02:08 AM
بت الشريف تبري من الخرف يا بت اخوي




اخبارك واحوالك



ليك شوق والله


اها انا جيت عندك قلت اشرب لي شاي سادة




النمش علي العاقب في النيمة كان لقيت لي زول بجيبوا معاي


باقي بفتش علي ود علقم لي منو كم يوم








كان لقيتي لافي في النفاج قولي لي عوك[/font][/size][/color][/center]




إذيك ياخلوده وكيف الصحه ونفسيات إنشاء الله بخير

بقولوا السلامه أمانه وصل سلامي وأشوقي لي العاقب وكل المعاه وتحية خاصه للنيمه ( قدرة الله وهي شجره إستقرت بزره بزره في محيط الله قامت أرض قامت غابة كبري هي آية وهي شجرة -جمال عبد الرحيم ) وودعلقم ان لميت فيه قبلي جيب معاك

مسافة أجهز ليك الشاي أمشي وتعال
خالد علونى
23-05-2010, 12:38 AM
إذيك ياخلوده وكيف الصحه ونفسيات إنشاء الله بخير

بقولوا السلامه أمانه وصل سلامي وأشوقي لي العاقب وكل المعاه وتحية خاصه للنيمه ( قدرة الله وهي شجره إستقرت بزره بزره في محيط الله قامت أرض قامت غابة كبري هي آية وهي شجرة -جمال عبد الرحيم ) وودعلقم ان لميت فيه قبلي جيب معاك

مسافة أجهز ليك الشاي أمشي وتعال






والله الجنا البقولوا ود علقم أنا مشستاقلوا عدييييييييييييل

اكان لميتي فيه قولويلوا الزول دا منتظرك في حوش بت الشريف متقريف تب
والله الحمد لي الله


الصحة بخير العافية درت



إلا باقي اليومين دي النفسيات تعبانة شوية




باقي ناس ديوان الأوقاف ولاهيئة الأوقاف الإسلامية ما عارف

جابولنا قرار إخلاء قالوا في ظرف إسبوع ولا جردل يومين تخلولنا البلد دي يندور نكسرا ونخلا دارا برج



وكتمتلك فينا



كدي دحين أديني أديني كباية شاي كأأأأأأأأأأأأأأأأأأأأأأأربة النودربها الزهجة دي




باقي العطالة كترت
b.hofy
02-06-2010, 10:09 AM
ست الحوش كيفنك...
انا جديد لو عندك حاجة باردة اديني انا جاي من شمس تلفح...
(بوست قعدة جبنة) ...والله تحفة...تسلمي..
أسماء الشريف
07-06-2010, 12:22 PM
والله الجنا البقولوا ود علقم أنا مشستاقلوا عدييييييييييييل

اكان لميتي فيه قولويلوا الزول دا منتظرك في حوش بت الشريف متقريف تب
والله الحمد لي الله


الصحة بخير العافية درت



إلا باقي اليومين دي النفسيات تعبانة شوية




باقي ناس ديوان الأوقاف ولاهيئة الأوقاف الإسلامية ما عارف

جابولنا قرار إخلاء قالوا في ظرف إسبوع ولا جردل يومين تخلولنا البلد دي يندور نكسرا ونخلا دارا برج



وكتمتلك فينا



كدي دحين أديني أديني كباية شاي كأأأأأأأأأأأأأأأأأأأأأأأربة النودربها الزهجة دي




باقي العطالة كترت



ماتدبرس عشا الدنيا ماتكشر في وشك إتوكل علي الله وأشرب الشاي ده وإبتسم والله بدي الجنه
أسماء الشريف
07-06-2010, 12:26 PM
ست الحوش كيفنك...
انا جديد لو عندك حاجة باردة اديني انا جاي من شمس تلفح...
(بوست قعدة جبنة) ...والله تحفة...تسلمي..

هلا ومرحب بيك b.hofy

إتفضل البارد والله يكفيك شر الشمس ويديك خيرها
المسافر
07-06-2010, 11:15 PM
يا أسماء الناس منتظراك للقهوة من سنة 2009
يا دوب تجي هسه ، شنو السرعة الرهيبة دي
أسماء الشريف
04-12-2010, 10:43 PM
يا أسماء الناس منتظراك للقهوة من سنة 2009
يا دوب تجي هسه ، شنو السرعة الرهيبة دي


ههههههههههههههههههه
المهم في النهاية جيت
ولقيتكم حولي
اتفضل قهوتك وماتخاف دي جديده مامخزنه من 2009
أجيب ليك موية وأجي يالمسافر
ahmed algam
05-12-2010, 01:04 AM
اه يااخونا قهوتنا وين


ياسومة الخبر شنو
بحيرى
06-12-2010, 03:59 AM
ها ناس
ناس الحوش
كيفنكم
اصبحتوا
امسيتوا
وشربتوا الشاى
وقيلتوا
أسماء الشريف
15-12-2010, 10:52 AM
أحمد وبحيري رايكم شنو في عصير منقة أو ليمون
بالمناسبة باقي الناس وين ؟
ماقلتو لي منقه ولا ليمون ؟ ولا ياتو نوع حابين تشربوا !
أسماء الشريف
15-12-2010, 10:55 AM
يارب رجع الغايبين وسمعنا ذكريات المغتربين
ياتري الجو مدني في إجازة إنبسطوا !
والقاعدين في مدني لسه خبرهم شنو
معزومين كلكم هنا و( وكعبة الغربة الجو البلد )
أسماء الشريف
12-05-2011, 11:00 AM
الحوش بارد ومرشوش بس ناقص جيتكم وونستكم الراقية
بالمناسبة أنا منتظره لمة المواهب في الحوش ده
أي زول عندو موهبه يجينا بي جااااااااااااااي
عايزه الحوش ده يكون أكبر تجمع للمبدعين
( ومدني لسه بي خيرها )
خالد علونى
12-05-2011, 10:00 PM
بت الشريف



كيفنك واحوالك



ان شا الله طيبة





كدى فى الاول ناولينى كباية شاى مظبوطة




عشان تحلى القعدة




قبال ناس بحيرى ديل ما يجو



فى شان هن بدوروا القهوة
مايسة
13-05-2011, 01:50 AM
سلامات يا أسماء
مافي احلى من الجبنة وانت متكي ليك في عنقريب والواطة رملة والبخور ضاارب

كدي لو ممكن اديني في فنجاني الابيض الساده

حمد لله على السلامة تاني

تخريمة : بوست لامي ناس جميلة يا ريت يرجعو
بنت الرفاعي
13-05-2011, 02:34 AM
أهلاً أهلاً بالشاعرة أسماء،
وحمداً لله على السلامة.
:):):)
mahagoub
13-05-2011, 09:41 PM
كدى اخلطى لينا الليمون
الجو الليله حار بالحيل
خالد قرب جاى مالك قاعد بعيد
جيب شايك وتعال
بحيرى وود المطامير جايين وراى
وميمى عنده درس عصر بخلص وبجى
وودالنور الايام دى كهربتوا عاليه
كان بصلح فى كمبيوتر ولطشوا
أسماء الشريف
04-10-2012, 12:17 AM
مرحب بيكم كتير وكل شئ جاهز
طولت من لمتكم آها الجديد شنو
أسماء الشريف
01-02-2013, 02:42 PM
صباح الخير ياربي مافي زول صاحي أشرب معاه القهوة ويحكي لي ناس المنتدي الطولت منهم ديل خبرهم شنو !
mahagoub
02-02-2013, 04:41 AM
كدى ما دام جيتى
نخلى الاولاد يرشوا الحوش
ولعى فحمك الجماعه جايين
أسماء الشريف
08-02-2013, 02:51 AM
الفحم وولعنا والشاي وجهزنا
والقهوة مقلية منتظره للجيه
وين إنتو ياغالي طولتو ماظاهرين
جمعة مباركة
ودالعمدة
08-02-2013, 04:09 PM
حوش بت الشريف الليلة تب لماكم
جبنة وشاى وشاشاى وجيت تالاكم
نتقريف ونتكيف جت نشوف نماتكم
والماجاء اليوم عقبا يكون فى حداكم
ودالعمدة
08-02-2013, 04:10 PM
كبي البكري فوق سمح الكلام اسقينا
وداك يا التنى المع الجنزبيل يروينا
جمر وبخور مع البن الاصيل يقلينا
ان وقع الســما والله ما هــــــــامينا
أسماء الشريف
07-08-2013, 04:45 PM
ود العمدة مرحب بيك نورت الحوش بكلامك السمح
ومرحب بي كل الجونا زمان والهسه والجايين
وكل سنة وانتو كلكم طيبين
وفي المنتدي الجميل متلمين
قولوا آميييييييييين
ماقلتو لي ياناس قهوة وشنو عايزين