***عثمان جلالة الوطن....بالسلامة يا رب [الأرشيف]

مشاهدة النسخة كاملة : ***عثمان جلالة الوطن....بالسلامة يا رب

العاقب مصباح

31-05-2009, 11:07 AM

يغادر الى الوطن فى الايام المقبلة حبيب المنتدى الرائع عثمان جلالة فى اجازته السنوية وبصحبته الاسرة الكريمة .... خاصة منة الله خطيبتى ....
تمنياتى بأن يصل بالسلامة وان يجد جميع الاهل بكامل وموفور الصحة
دعواتنا تسبقك....
همسه:- يا جماعة الزول دا ليهو كم يوم ما قاعد يجى المنتدى لافى بالسوق ساى....قالوا لى وصايا كتيرة خلاص.........
شئ موبايلات....
وشئ اسبيرات..........
مهروش من منة الله وكدا

ميادة

31-05-2009, 11:38 AM

تمشي وتجي بالسلامة يا رب

وبلاي سلامنا الشديييييييييييييييييييييد للسودان

esmat

31-05-2009, 08:56 PM

تمشي وتجي بالسلام ياحبينا مع سلامة
جلالة يارائع بالله عليك الله محل ما تمشي
ولافي في مدني دي تجي البيت طواااالي
تدونوا لينا ربنا اوصلك بالسلامة واجيبك لينا بالسلامة
ان شاء الله

وسلم على منة خطيبة العاقب

ابو لوزة

31-05-2009, 08:58 PM

تمشي وتجي بالسلامة
والعبال لينا ان شاء الله

عبدالرحمن مدثر

31-05-2009, 09:21 PM

حبيبنا جلالة

فى انتظارك باشواقنا واحاسيسنا الجميلة

وربنا يوصلك بالسلامة

وماتنسى (ضحكات ) جزولى بكل لغات الدنيا

والوصايا الكتيرة لو فيها كم موبايل

نزل لينا فيها نغمة (ضحكة نقار الخشب )

(داير اكتبها لكن غلبتنى ):p:p:p

بالسلامة ياحبيبنا

عثمان جلالة

31-05-2009, 09:32 PM

الحبيب العاقب .. تحياتي ... وأشواقي .. طوااااالي كده فتيتو للجماعة :p

الأعزاء .. إسمت، ريانية، أبو لوزه وجميع الأحباء المتداخلين ... وكما قالها المبدع أزهري محمد علي "أمبارح عصفورتك ركت في البال ... يااااااااااوطن"

مع إنها إجازة صغيره لكن أهو .. القحه ولا صمة الخشم :D

ودعتكم لى الله يا الحبان .. وداعة مفتاحها تبارك وبابها يسن .... وداعة ختوها في النار ما حرقت وختوها في البحر ما غرقت .. وداعة أربعة وأربعين صحابي ونبي ... أولهم أشرف الخلق محمد صلى الله عليه وسلم وآخرهم علي كرم الله وجهه.

ونشوف كيبورتاتكم وتواقيعكم وصوركم الرمزية على الخير ... وكان حيين بنتلاقى:p

أها يا العاقب وإسمت ... الدايرني أخطب ليهو منو فيكم ؟؟؟؟ :D:D

ملحوظة :

سلامات يا زول يا رائع .. سلامات عوااافي

يا خلاصة الخير الفي الناس وترياق الزمن المتعافي

شكراً على الإتصال يا عبد الرحمن ود المدثر "أبو مزن".

ahmed algam

31-05-2009, 09:32 PM

استاذنا جلاله

ان شاء الله توصل بالسلامة

الي ارض الوطن

ودايرين نشوفك في مدني

ودي دعوة مني ليك

اتفضل زورنا في القسم الاول

0924602954
0122969605

مهدي إبراهيم

31-05-2009, 09:33 PM

نتمنى للحبيب عثمان ود جلاله أن يقضي و يستمتع بأجمل إجازة ..
و أن تصحبه السلامه هو و أسرته الكريمة ....

محمد الجزولى

31-05-2009, 09:47 PM

حبيبنا الناطق الرسمى .. ود جلاله ...
ربنا يوصلك سالم غانم ... وما تنسى توزع الصحكات لكل الغلابه ... واحذرك من الحنين الى الهمبته ... مع تمنياتى لك باجازه سعيده ممزوجه بكل الوان الحنين

الملكة اسماء ( ام محمد )

31-05-2009, 10:37 PM

ياسلاااااااااام
بالله سلم لي على كل حته في الوطن الحبيب لحد ما اجي بوراك

روح وسافر بس اوعدنا تجينا
وانت سالم لاننا نتظر رجعتك

ربنا يسهل ويعدل الخطوة ويجيبك لينا بالسلامة
وادعي لينا بالله ربنا يسهل امورنا ويسهل سفرياتنا كلها :D

وجيب لي معاك الحاجات الفي اللستة الحااكتبها ليك في بوست الكرسي :rolleyes::D

عوض صقير

31-05-2009, 11:16 PM

محمد عبد الله عبدالقادر

31-05-2009, 11:44 PM

تمشي وتجينا بالف سلامه
وسلامنا لناس قدام ( جت)
وانشاء الله تلقى الاهل بخير
ومنتظرين جيتك بحاجات البلد
وحكاويها وصورها

ابوالنور

01-06-2009, 12:08 AM

ود العم الغالي ربنا يوصلك بالسلامة

عوض الكريم الخواض

01-06-2009, 12:14 AM

الراقى عثمان جلالة ...
البلد منور بى فرحة قدومك ...
نتنمنى ليك سلامة الوصول ...
وما تنسو تغشونا ...
فى مدنى زورونا .

أبوريلان

01-06-2009, 12:38 AM

تصحبك السلامة أخي عثمان .

مدنيّة

01-06-2009, 02:42 AM

والله ياجلالة ح تنورنا كيف

من دربي دا علي السوق عاد نشتري ليك جنس شئ
خليه ساااااااااااي
شئ ورود من المتار لام تريبات
وشئ زفة لما ام مشمش تتخلع :cool:

moh_alnour

01-06-2009, 03:04 AM

ألف سلامة يا فردة جناحي و إجازة سعيدة إن شاء الله
تمشي و تجي بالسلامة يا جلالة مع السلامة
نتمنى أن تجد الجميع بخير و عافية و أن تعود إلينا سالما ً معافى
همسة : ما تنسى وصية الشاعر المرحوم صلاح أحمد إبراهيم للطير المهاجر

الأعزاء .. إسمت ، ريانية ، أبو لوزه وجميع الأحباء المتداخلين

ركز معانا يا ريس ( ميادة ما ريانية )
الواحد فيكم من ما أجازتو تقرب يقعد يتكبكب زي الترزي يوم التاسوعة ;) عفيت منها أم مشمش

منتصر بسمه

01-06-2009, 06:25 AM

اتمنالك اجازه سعيده بين الاهل

هيثم ادروب

01-06-2009, 08:33 PM

نتمنا لي عمنا عثمان جلالة اجازة سعيدة
ويلقي البلد كلها مرحبا بيه

مختار بازى

01-06-2009, 08:55 PM

تمشي وتجي بالسلامة يا حبيبي مع السلامة

وتحياتنا لكل مار في ام تريبات وللاخ محمــــــــــد يوسف بالمناسبة هو وين ؟؟

خالد أحمد الصول

01-06-2009, 11:07 PM

نتلهف للقياك يا أعز زول
تعال و معك أخرون

سروية

01-06-2009, 11:21 PM

بالسلامة ان شاء الله
وح تنور البلد والله ياراقي

علي النعيم محمد نور

02-06-2009, 12:39 AM

أنا ود الصول و3 حفالات وخروفين . . . لسد ماااااال العاقب ومنة الله. . .وناس مدنيه يجو (بالإستثمار). . .

مرتضى يوسف العركي

02-06-2009, 04:27 AM

الراقى عثمان جلالة ...
البلد كسبانة ومنورة بيكم التحية ولمشمش وامها ونعمة الله
ولعموم الاهل بام تريبات تمشي وتجي بالسلامة

العاقب مصباح

05-06-2009, 11:50 AM

بالسلامة حبيبنا جلالة ... لكن يا العاقب منة الله دى متكلمين فيها من قبلك وحاجزنها للأبن / محمد عوض وكمان أبوها أستلم مننا مقدم بالجنيه الأسترلينى ( sabb ) ..

يا عوض اخوى الاسترلينى الحولته لى ود جلالة قولة خير دا راح فى البورصة والازمة المالية العالمية

وبينى وبين محمد عوض دا حنك يا اقنعنى يا اقنعته

ونشوف منة حتميل لى منو

ربنا يخلى ليك محمد وتعرس ليهو

بس واحدة تانية مش منة:d:d

العاقب مصباح

05-06-2009, 11:53 AM

أنا ود الصول و3 حفالات وخروفين . . . لسد ماااااال العاقب ومنة الله. . .وناس مدنيه يجو (بالإستثمار). . .

الله اكبر والله الحمد

يا جماعة انا خلاص ما فضل لى شئ

الخرفان

والحفالات

وود الخواض قال بجيب التلج

اها يا جلالة عقدتوا ؟؟؟

عبدالله محمد العقاد

05-06-2009, 11:18 PM

ابو عفان

تمشي و تجي بالسلامة ان شالله

و ابعد من الحنين إلى الهمبتة و حتى تعود الينا انت و الاسرة المباركة بالسلامة

سيد البلد

06-06-2009, 12:42 AM

أستوعدك الله دينك وأمانتك وخواتيم اعمالك

المكاشفى

07-06-2009, 04:39 PM

اها يا جلالة عقدتوا ؟؟؟

لا لا نعقد ساى انت الشعيريه ماجبتها

ابو المنه سلامات وتصحبك السلامه
ذهابا وايابا وماتنسى ادينا خبر
عشان نزوغك من مدنيه باقى لليوم فيزته ماجات