ماذا ستكتب للشخص الذي في بالك الآن

[بت أم درمان]

بالله اتونسو في الشارع التاني :mad:

الشارع التاني قافلنه للصيانة :eek::rolleyes:

ياخ والله معليش مرات بنخرج عن طورنا ( الموضوع ) ههههههه:p

[غريب الدار]

بالله اتونسو في الشارع التاني :mad:

معليش ياخالتو لكن الكلام جاب كلام
الشارع التاني فيه ناس بتونسو ونسة كبار وانتي حذرتيني امشي والا اقعد هنا قدام عينك ؟

[غريب الدار]

الشارع التاني قافلنه للصيانة :eek::rolleyes:

ياخ والله معليش مرات بنخرج عن طورنا ( الموضوع ) ههههههه:p

عمال الصيانة بنقالة من اكلة لحوم البشر كمان

[:@ارجوان:@]

معرفتها
في حد ذاتها بتفرح
بيكفي انها ارجوان


ياخي انتي راقيه كيف قولي حبيبتي ما يهمك وما حتجرحيني العايزا تقوليهو كلو عارفاهو

[:@ارجوان:@]

بالله اتونسو في الشارع التاني :mad:


:( :( :( ياخي انتي عثل شديد ياخ عليكي الله خلينا هنا ياخي :( :( والله قدر ما حاولنا نلقا لينا مكان طيب رايك شنو تعملي لينا راكوبه نتونس فيها ;) معلش يا عسل اسفين والله لكي العتبا حتى ترضي

[بت أم درمان]

ياخي انتي راقيه كيف قولي حبيبتي ما يهمك وما حتجرحيني العايزا تقوليهو كلو عارفاهو

يعني اقووول افتوووو
قبال يطفح
عرفتي شنو ومنو القال ليك :eek:

[بت أم درمان]

:mad::mad::mad::mad::mad::mad:

[:@ارجوان:@]

يعني اقووول افتوووو
قبال يطفح
عرفتي شنو ومنو القال ليك :eek:

هههههههههههههههههههههه قولي حبيبتي ما يهمك عشان ما يكون مكتوم في قلبك عادي يا عسل قولي

[بت أم درمان]

هههههههههههههههههههههه قولي حبيبتي ما يهمك عشان ما يكون مكتوم في قلبك عادي يا عسل قولي

يلا افتحي الخاص بتاعك
اقول ليك هناك
لان هنا ماينفع

[:@ارجوان:@]

جمــــــــــــــــــــــــــــــــــــــــــــــــ ــعه سعيده للجميع

[:@ارجوان:@]

ياخي يا ماما زهجتيني حيازن العصر وما اتغدينا ياخي انا جيعانه ياخي

[سودانية وافتخر]

ياخي يا ماما زهجتيني حيازن العصر وما اتغدينا ياخي انا جيعانه ياخي

يا اخي عليك الله قومي سولينا نحنا الاثنين غدا:d:d

[:@ارجوان:@]

يا اخي عليك الله قومي سولينا نحنا الاثنين غدا:d:d


يا بت الونسه هنا ممنوع تعالي بي هناك :eek: الزوله دي شايله ليها صوت في يدها اجري سريع :eek:

[سودانية وافتخر]

بليييييييييييييز خدوني معاكم لموقع التصوير

[سودانية وافتخر]

يا بت الونسه هنا ممنوع تعالي بي هناك :eek: الزوله دي شايله ليها صوت في يدها اجري سريع :eek:


اللييييييبلة خلاص نتقابل هناك اوكي قبل ما تلحقنا

[بت أم درمان]

عجبني وسر بالي
وكمان ربنا ما يهون يلا اها

[ودالسني]

اشتقت ليك اشتقت للحظة البتسرق عمري كلو تجيبو ليك ..
اشتقت للنجم البسافر في الخيال يرحل يجيك ..
اشتقت والشوق مستحيل في دربو يتمرد عليك ..

[غريب الدار]

يسعد قلبك بي وبدوني

ماعارفك قلتي كدا لمنو لكن اتحدى زول يحبك يكون سعيد وانتي بعيدة
الله يسعد كل القلوب بعودتك ياغالية

[غريب الدار]

عجبني وسر بالي
وكمان ربنا ما يهون يلا اها

ياخي كدا ما كويس وكلام مخالف لتوقيعك كمان

[:@ارجوان:@]

كل ما الايام تمر بتزيد حنينك
واكتب لي عن مشاغلك
وقول لي عن اي شي
في الدنيا شاغلك
واي زول في الدنيا لو سألك عليا
قصدو يعرف ايه علاقتك انت بيا

[بت مارنجان]

Inever felt nothing in the world
Like this before
Now imissing you and Im
Wishing you would come back
through my door
Why did you have to go
Yuo could have let me now :so
Now Im alone

You could have stayed but
You wouldnt give me a
Chance
with you not around its alittle
bit more than ican stand
And all my tears they keep
runnin down my face
why did run away?

You could have stayed but
You wouldnt give me a
Chance
withe you not around its alittle
bit more than ican stand
And all my tears they keep
runnin down my face
why did run away?

So why does your bride
make you run and hide
Are you that afraid of me?
But I know its a lie what
You keep inside
This is not how you want
It to be

So Baby
Iwill Wait For You
cause idont know what
else I can do
Dont tell me I ran out of
Time
If it takes the rest of my
Life

So Baby
Iwill Wait For You
If you think I find just aint
True
I really need you in my life
No matter what I have to
Do

Been along time since you
Called me
How could you forget about
Me
You gotta be feeling crazy
How can you walk away
Everything stays the
same
Ijust cant do it baby

What will it take to make
You come back
I told you what it is and
it just aint like that
Why cant you looke me ?
You re still in love with me Dont leave me crying

Why cant we just
Starts all over again
Get it back to the way it
Was
If you give me a chance I
can love you right
But you re telling me it
Wont be enough

Iwill Wait for you

[azam ali]

حاليا ما في زوول في باالي لكن احتمال بكره او بعدو
المهم انا قلت اجي احجز مكاني من اسي
.
.

[littlestar]

حاليا ما في زوول في باالي لكن احتمال بكره او بعدو
المهم انا قلت اجي احجز مكاني من اسي
.
.




كدى أول شى حمدلله على سلامتك
وتانى ما تتأخر كده :mad::mad::mad:
وإلآ بكلم ليك عصمت
معليش يابت مارنجان
أخدنا الناصيه دى :o:o
نشاكل فيها اخونا الزمان

[بت مارنجان]

كدى أول شى حمدلله على سلامتك
وتانى ما تتأخر كده :mad::mad::mad:
وإلآ بكلم ليك عصمت
معليش يابت مارنجان
أخدنا الناصيه دى :o:o
نشاكل فيها اخونا الزمان

:mad::mad::mad::mad::mad::mad:

سماح يا" عروس " عشان فوقك الملايكة بث مابنشاكلك :p

[ود ام تريبات]

خبريني هل انا ابدو حزيناً؟؟
هل انا القاتل والمقتول حيناً والرهينة؟
هل انا البحر الذي لا يأمن الان السفينة ؟
خبئيني بين جدران المسام
قبليني مرة في كل عام
فانا اشتاق ان اولد في عينيك طفلاً من جديد
يرتدي اللون البنفسج يعتلى شكل الهوية
**************

[azam ali]

كدى أول شى حمدلله على سلامتك
وتانى ما تتأخر كده :mad::mad::mad:
وإلآ بكلم ليك عصمت
معليش يابت مارنجان
أخدنا الناصيه دى :o:o


نشاكل فيها اخونا الزمان


ديش اباااااااااك
من زمن الجاهليه تاني ما اتلاقينا
الله يسلمك يا ليتل وان شاء الله تاني ما بنتأخر
.
جا نا الخبر شايلو النسيم بس ما لقينا طريقه نبارك ليك
الف مبرووك وربنا يتمم ليك علي خير
.
عليك الله هو عصمت دا وين انا زاتي داير اشكيهوو
بعدين البيت بيتك شاكلي زي ما عايزه انا وبت ما رنجان داخلين
شراكه في البوست دا
.
.

[بت مارنجان]

بعدين البيت بيتك شاكلي زي ما عايزه انا وبت ما رنجان داخلين
[SIZE="7"]شراكه في البوست دا
.
.



:eek::eek::eek::eek::eek::eek:
يامان شراكتك راحت في السيل ...
لكن برضو نقول شنو الله غالب شراكة شراكة :o

[الملكة اسماء ( ام محمد )]

غاليتي : بت مارنجان

انتي رائعة جد وربنا يديك العافية ياعسل

[غريب الدار]

غاليتي : بت مارنجان

انتي رائعة جد وربنا يديك العافية ياعسل

ياخالتو انا خايف اقول ليك زيها تقولي لي اتلما ياود:d

[الملكة اسماء ( ام محمد )]

ياخالتو انا خايف اقول ليك زيها تقولي لي اتلما ياود:d

:eek::eek::eek:
تقول ليها شنو يا اسامه :mad::mad:

[الملكة اسماء ( ام محمد )]

الله يديك العافية

[هيثم ادروب]

وااااااااااااااااااااااحشني

[ميادة]

مشتاقيييييييييييييييييين

[عبدالرحمن مدثر]

انا جيت .................................!!!!

[:@ارجوان:@]

ياخي غتيت غتاته

[ميادة]

http://up3.m5zn.com/9bjndthcm6y53q1w0kvpz47xgs82rf/2009/6/20/04/kd6c16389.gif (http://www.m5zn.com)

[تغريد]

للأسف طلعت زول عااااااااااااااااااااااااااااااادي

[تغريد]

تعرف ... !
وجودك بيخلي الدنيا غير

[تغريد]

:eek::eek::eek:سجمي جاني أنفصام شخصية الله يستر من الجاي:eek::eek::eek:

[انوريكا]

تعرف ... !
وجودك بيخلي الدنيا غير



تسلمي والله ؟

ربنا يخلينا لـــي بعض إنشاء الله ؟


بيني وبين نفسي : أنا عـــارفها ما بتقدر تعيش من دوني؟:cool:

[:@ارجوان:@]

:eek::eek::eek:سجمي جاني أنفصام شخصية الله يستر من الجاي:eek::eek::eek:

( وش فطسان ضحك وينك ياخي وحشتيني والله )

[معتز الريح]

ليه كدا الظلم دا
مكتوب علي وعلي أنا
في حبي ليك هجر وضنا
انا يامنى لي كم سنه
من هجري داك
عايش وحيد طول الدهر
واتعب عيوني انا ماالسهر
محروم لقاك لي كم شهر
فاقد رضاك .
جافي ونحور وقصد فراق
وكل يوم زيد زيد بعاد
ليه إنت ناسي يوم الميعاد
يوم اللقاء
ليه كدة الظلم دة
--------
أحمد الجابري ..

[معتز الريح]

هات يا زمن
جيب كل أحزانك
تعال جيب المحن
طول يا أسى
وكتر ينابيع الشجن
جرعني كأس
من لوعة من آلام
ما المحبوب خلاص
خلاني ليك الليلة راح
خلف في قلبي الحسرة
والشوق والجراح
خلي النواح
فاض قلبي شمعة
وحيدة في هوج الرياح
خلاني ليك أنا يا زمن
وخلى الشجن
------------
أحمد الجابري

[esmat]

ليتل و عزام
اعملوا حسابكم الاثنين
لتل انتي مسجلة غياااااب تقيل
وعزام "مشتاقين" حمد الله على السلامة
فك التشنيطة وتعال لي في المكتب عايزك "ما تردف لكن"



سماح يا

الله يابت مارنجان سماح دي اختي ياخ مشتاق ليها شديد

[:@ارجوان:@]

انا طرفى جفا المنام آلف الحب والهيام
مع الجمال بالعواطف فى غرامك استمرا
متين أصادف رضاك على وعلى توالف
هواى مناى حياتى حبك المسرة
بلاك أشوف النور ظلام
واضوق طعم كل حاجة مره

[ميادة]

لو تسأل على حالي حالي بعدك عدم

فرقاك ما بقالي ما بقى غير الألم

[Almostshar]

شريدة الوقت والحين

[هيثم ادروب]

انا عندي راي واحد لو انت ليك رايين
الدايرو سويه ونتفارق الاتنين

[مهيد ود السفاح]

تسلمي والله ؟

ربنا يخلينا لـــي بعض إنشاء الله ؟


بيني وبين نفسي : أنا عـــارفها ما بتقدر تعيش من دوني؟:cool:


زمان خالي كان عندو لوري مكتوب فيهو

( البكاء ده ما حقي )

[هيثم ادروب]

الكلمة الحلوة الفي قلبك

وحياتك ماتعاند قولا

خلينا نصابح بيها العيد

نرحل لعوالم مجهولة

لو نحن مقامك ماقدرو

أعذارك عندنا مقبولة

[انوريكا]

لو تسأل على حالي حالي بعدك عدم

فرقاك ما بقالي ما بقى غير الألم




ديمة بطلب بعدك ؟ يا ألـــم

و وجودك فـــي حياتي ، أصبح عدم

ومن هنا ورايح فراقنا حيكون للأبـــد ؟

[انوريكا]

زمان خالي كان عندو لوري مكتوب فيهو

( البكاء ده ما حقي )


هههههههههههههههههههه

أها يا تمساح ؟ ولـــوري خالك دا ؟ بيشحن بصل ؟ ولا طوووووب ؟

[:@ارجوان:@]

عليييييييييييييييييييييييييييييييييييييييييييييييي ييييييييييييييييييييييييك الله ما تزعل مني ياخي ما قاصده اقول شي بيضايقك يعني انت ما عارفني ؟

[الملكة اسماء ( ام محمد )]

الله يسعد ايامك يامن اسعدتني دوما

[عبدالرحمن مدثر]

عليييييييييييييييييييييييييييييييييييييييييييييييي ييييييييييييييييييييييييك الله ما تزعل مني ياخي ما قاصده اقول شي بيضايقك يعني انت ما عارفني ؟


الله لاجاب الزعل

[بت أم درمان]

الله لاجاب الزعل

اللهم امين

ياخ الناس ديل شكلهم ما شايفين توقيعي دا ولا شنو

[:@ارجوان:@]

الله لاجاب الزعل


ياخي ابو الدقيق

شكلي باقي اليوم حقضي تحنيس

[:@ارجوان:@]

اللهم امين


امين نق تربيع يا بت ام در
ياخ الناس ديل شكلهم ما شايفين توقيعي دا ولا شنو

قلوبنا نضيفه بس يا عسل مرات بتحصل هفوات بسيطه كدا

[الملكة اسماء ( ام محمد )]

اللهم امين

ياخ الناس ديل شكلهم ما شايفين توقيعي دا ولا شنو

طيب رائيك شنو في الشايفين توقيعك وحاااااافظنوا وبرضو بزعلوا :(

[الملكة اسماء ( ام محمد )]

ياخي ابو الدقيق

شكلي باقي اليوم حقضي تحنيس

اياك تعملي كدا
سامعاني
:):):)

[:@ارجوان:@]

اياك تعملي كدا
سامعاني
:):):)



والله ما بقدر ياخي من حسه شايله الهم ونفسي بدا يتقبض اخخخخخخ انا لو كنت بقدر

[بت أم درمان]

اخخخخخخ انا لو كنت بقدر

كنتي حا تسوي شنووو :eek:

[:@ارجوان:@]

كنتي حا تسوي شنووو :eek:

كان ما بكيت كان ما اتالمتا كان ما حبيت كان ما شلتها الهم اراضيهو كيف
بس هو كييييييييييف يرضا

[معتز الريح]

محتار جداً .. أنت جادي ؟؟ ..
ولا بتتحجج ؟؟
كل الفي بالك غلط ..
وزي ما أنت حافظنا ,, نحنا حافظنك ..

[الملكة اسماء ( ام محمد )]

والله ما بقدر ياخي من حسه شايله الهم ونفسي بدا يتقبض اخخخخخخ انا لو كنت بقدر

تقدري ونص وتلات ارباع كمان

اهم شي انه هو ما يعرف انك (ما بتقدري);)

[الملكة اسماء ( ام محمد )]

كان ما بكيت كان ما اتالمتا كان ما حبيت كان ما شلتها الهم اراضيهو كيف
بس هو كييييييييييف يرضا

ببساطة
لو ماغلطانة عليه طنشي
بعدها هو برضا

[الملكة اسماء ( ام محمد )]

محتار جداً .. أنت جادي ؟؟ ..
ولا بتتحجج ؟؟
كل الفي بالك غلط ..
وزي ما أنت حافظنا ,, نحنا حافظنك ..

:eek::eek::eek::eek:
انتوا الناس دي الليلة مالها
شي غريب يوم اكون رايقة البلد كلها جايطة

الله يهدي نفوسكم يااااااخ

لو حافظ .... سمع :D

[معتز الريح]

:eek::eek::eek::eek:
انتوا الناس دي الليلة مالها
شي غريب يوم اكون رايقة البلد كلها جايطة

الله يهدي نفوسكم يااااااخ

لو حافظ .... سمع :d



حافظ حفظ ..
قولي يا حفيظ ..

[الملكة اسماء ( ام محمد )]

يابنات ورح نمرق قبل بت مارنجان تجينا مفحطة بعربيتها :o

[:@ارجوان:@]

تقدري ونص وتلات ارباع كمان

اهم شي انه هو ما يعرف انك (ما بتقدري);)




ياخي ضحكتيني والدموع في عيني والله لا يا ستي هو عارف اني ما بفدر ومتاكد كمان شايفه الخيبه التقيله



ببساطة
لو ماغلطانة عليه طنشي
بعدها هو برضا


حتى لو ما كنت غلطانه ما بيهون علي شايفه ايه الحل

[بت أم درمان]

يابنات ورح نمرق قبل بت مارنجان تجينا مفحطة بعربيتها :o

ههههههههه والله بت مارنجان دي احتارت معانا
كل يوم كاشانا ومافي فايدة

[الملكة اسماء ( ام محمد )]

حافظ حفظ ..


قولي يا حفيظ ..


ياحافظ تحفظنا اجمعين
قول امين (في سرك)
نحن مارقين من هنا:o
اصحاب البوست بحرودا لينا :D

[الملكة اسماء ( ام محمد )]

ههههههههه والله بت مارنجان دي احتارت معانا
كل يوم كاشانا ومافي فايدة

هسي اعتبرك انتي الفي بالي


( بما انك ضحكتي الحمدلله )

يلا نتخارج

[الملكة اسماء ( ام محمد )]

ياخي ضحكتيني والدموع في عيني والله
دمووووووووووووووووع ؟:eek::eek::eek:
:mad::mad::mad::mad:
زعلتيني اوي اوي
لكن دام ضحكتي الباقي هين
لا يا ستي هو عارف اني ما بقدر ومتاكد كمان شايفه الخيبه التقيله
براااااااك قلتي خيبة
يلا شوفي دام دموعك هانت عليه يبقى مابستاهل تبكي عليه (يغور ان شاء الله في ستين)




حتى لو ما كنت غلطانه ما بيهون علي شايفه ايه الحل

التشخيص المبدئي لحالتك ( تسمم عاطفي حاد)
العلاج
جرعة كبيرة ....... طناش
جرعة متوسطة ..... تقلة
جرعة صغيرة ..... حسرة (بدون بكاء)
جرعة يومية .... صبر على الانكتب ياعزيزتي

[بت أم درمان]

التشخيص المبدئي لحالتك ( تسمم عاطفي حاد)
العلاج
جرعة كبيرة ....... طناش
جرعة متوسطة ..... تقلة
جرعة صغيرة ..... حسرة (بدون بكاء)
جرعة يومية .... صبر على الانكتب ياعزيزتي



انتي عسل
والله مافي زيك اتنين
ربنا يديمك صديقة عزيزة

[الملكة اسماء ( ام محمد )]

انتي عسل
والله مافي زيك اتنين
ربنا يديمك صديقة عزيزة

ويديك الفي مرادك ياعسل

المهم هسي صاحبتك تلتزم بالعلاج :(

[:@ارجوان:@]

(يغور ان شاء الله في ستين)

وووووووووووووووووب الينا ياخي في ستين انا حرام عليكي ياخ


التشخيص المبدئي لحالتك ( تسمم عاطفي حاد)

والله دا لو تسسم افضل اموت بيهو
العلاج
جرعة كبيرة ....... طناش
كيف تطنشي سبب سعادتك ؟
جرعة متوسطة ..... تقلة
دي نهااااااااائي مافي والله لو توريني بيبيعوها في ياتو سوق بمشي اشتري الكميه كلها
جرعة صغيرة ..... حسرة (بدون بكاء)
جرعة يومية .... صبر على الانكتب ياعزيزتي


اممممممممممم حصبر بس حصبر على دلعو

[الملكة اسماء ( ام محمد )]

لو كان احساسي صح

اسمح لي اقول ليك : :):)

[:@ارجوان:@]

وووووووووووووووووووووووووووووووووووب الينا صحباتي ملكه وبت ام در تعالو باركو لي رضو خلاص وي وي وي بقيت مبسوطه

[الملكة اسماء ( ام محمد )]

وووووووووووووووووب الينا ياخي في ستين انا حرام عليكي ياخ
:confused::confused::confused:
حرام علي والا عليه هسي

والله دا لو تسسم افضل اموت بيهو
:mad::mad::mad:
دا انتحار :mad:
جرعة كبيرة ....... طناش
كيف تطنشي سبب سعادتك ؟

بصراحة : لا

جرعة متوسطة ..... تقلة
دي نهااااااااائي مافي والله لو توريني بيبيعوها في ياتو سوق بمشي اشتري الكميه كلها

:D:D:D:D
غايتو الله يعينك يابت امي

جرعة يومية .... صبر على الانكتب




اممممممممممم حصبر بس حصبر على دلعو

دلعوووووووووووو

خلاص خلينا الدلع للرجال والله :confused:

[الملكة اسماء ( ام محمد )]

وووووووووووووووووووووووووووووووووووب الينا صحباتي ملكه وبت ام در تعالو باركو لي رضو خلاص وي وي وي بقيت مبسوطه


الحمد لله ع السلامة

بس لي معاك كلام بعدين :mad::mad::mad:

[:@ارجوان:@]

الحمد لله ع السلامة

بس لي معاك كلام بعدين :mad::mad::mad:

النبي فيكي ما تشاكليني ياخي بكايه خلاص انا والله ابكي ليكي اقطع قلبك علي :p

[الملكة اسماء ( ام محمد )]

النبي فيكي ما تشاكليني ياخي بكايه خلاص انا والله ابكي ليكي اقطع قلبك علي :p

انا اشاكلك

لاياااخ العفو

بس ممكن اعاتبك والومك
بعدين انا ناقصة دموع ياااخ :mad:

[تغريد]

لمتين يلازمك في هواك مر الشجن

[بت أم درمان]

انا اشاكلك

لاياااخ العفو

بس ممكن اعاتبك والومك
بعدين انا ناقصة دموع ياااخ :mad:


شاكليها ياخ
ما تخليني احلفك
خليها تجي تغرق لينا البوست دا بدموعها:eek:

[بت أم درمان]

منورة يا تغريد
وين الغية

[الملكة اسماء ( ام محمد )]

شاكليها ياخ
ما تخليني احلفك
خليها تجي تغرق لينا البوست دا بدموعها:eek:

لا ياااااااااااخ
البت هساسة ياااااااخ

ممكن نوديها الراكوبة تغرقها اهو بالمرة تبرد لينا المكان مع السخانة دي بدموعها
وش بتين قلبوا عليك يا ارجوان :d

[تغريد]

منورة يا تغريد
وين الغية

النور نورك يا عسل والله مشتاقين

[تغريد]

لا ياااااااااااخ
البت هساسة ياااااااخ

ممكن نوديها الراكوبة تغرقها اهو بالمرة تبرد لينا المكان مع السخانة دي بدموعها
وش بتين قلبوا عليك يا ارجوان :d



حمد لله علي السلامة يا ملكة وبركة الرجعتي بالسلامة منورة ياخ

[الملكة اسماء ( ام محمد )]

حمد لله علي السلامة يا ملكة وبركة الرجعتي بالسلامة منورة ياخ

النور نورك عزيزتي
والله يسلمك ان شاء الله

[بت مارنجان]

ياخ عزبتوني والله اسوي شنو انا :mad:
والله بعد كدة الا اجيب ناس أمن اوقفهم برة ياخ ماسوينا ليكم راكوبة ياخ :o

محارباكم انا ومادايرة كلام معاكم :o

[الملكة اسماء ( ام محمد )]

ياخ عزبتوني والله اسوي شنو انا :mad:
والله بعد كدة الا اجيب ناس أمن اوقفهم برة ياخ ماسوينا ليكم راكوبة ياخ :o

محارباكم انا ومادايرة كلام معاكم :o

انا غايتو وررررريتم براهم عملوا كدا :o:o

[تغريد]

ياخ عزبتوني والله اسوي شنو انا :mad:
والله بعد كدة الا اجيب ناس أمن اوقفهم برة ياخ ماسوينا ليكم راكوبة ياخ :o

محارباكم انا ومادايرة كلام معاكم :o


عليييييييييييييك الله قولي ليهم ما بسمعوا الكلام اصلوا ياخ مية مرة كلموكم قالوا ليكمفضيتوا البوست دا من محتواهو اتونسوا برا ياخ


وش عامل فيها برئ

[الطويل]

اللهم اجعلنا من اصحاب اليمين

[بت مارنجان]

[color="blue"]الله يابت مارنجان سماح دي اختي ياخ مشتاق ليها شديد

انا زاتي مشتاقة ليها والله :o

[بت أم درمان]

ياخ عزبتوني والله اسوي شنو انا :mad:
والله بعد كدة الا اجيب ناس أمن اوقفهم برة ياخ ماسوينا ليكم راكوبة ياخ :o

محارباكم انا ومادايرة كلام معاكم :o

:o:o:o
:p:p:p

[بت مارنجان]

اللهم اجعلنا من اصحاب اليمين

اللهم آمين ...
حمدلله عالسلامة يا " abo rania" مالك مختفي ؟؟؟

[الملكة اسماء ( ام محمد )]

اللهم اجعلنا من اصحاب اليمين


اللهم ااااااااااااااامين

[بت مارنجان]

الليل كلو نقطع فيك .. النبي ماكحيت :p
والله فرقت معاي شديد بتصدق ....

[العاقب مصباح]

الليل كلو نقطع فيك .. النبي ماكحيت :p
والله فرقت معاي شديد بتصدق ....




كح كح كح كح كح كح كح

لحدى هسع صدقى

خلاص فكو سيرتنا ياخ

[:@ارجوان:@]

احم احم عارفه عارفه ياخي مافي داعي تحلف ( وش كدا خجلان )

[esmat]

اقول ليك شي انسي ياخ
حا احصل شنو يعني!!

[:@ارجوان:@]

اقول ليك شي انسي ياخ
حا احصل شنو يعني!!


قلتا لي فاتح بوست للاخطاء طيب اعرب ما تحته خط لووووووووووووووووووووووووول


(وش كدا شمتان )
:D ;) :p :cool:

[esmat]

قلتا لي فاتح بوست للاخطاء طيب اعرب ما تحته خط لووووووووووووووووووووووووول


(وش كدا شمتان )
:d ;) :p :cool:


الحا : للحاء الشجر
الحصل: ما بقدر احكي

لسة والله ما عرفت المشكلة وين في الكلمة ممكن تترجميها لي

(وش منتظر)

[:@ارجوان:@]

الحا : للحاء الشجر

جد ؟:eek:
الحصل: ما بقدر احكي
اندح ياخي بعمل روحي ما ثامعه نووووهائي ;)

لسة والله ما عرفت المشكلة وين في الكلمة ممكن تترجميها لي

(وش منتظر)



حا احصل شنو يعني!!

حا احصل ؟ ولا ح يحصل ولا حيحصل حا يحصل كلو مبلوع لكن حا احصل دي سيباويه لو كان شافها كان مات تاني بي جلطه

( وش كدا بيضحك لمن ضرس العقل طلع دا لو في عقل طبعا )

[الملكة اسماء ( ام محمد )]

احم احم عارفه عارفه ياخي مافي داعي تحلف ( وش كدا خجلان )

:eek::eek::eek:
:confused::confused:
:rolleyes:
هي يا انتي جيتي متين ؟

[الملكة اسماء ( ام محمد )]

اقول ليك شي انسي ياخ
حا احصل شنو يعني!!


:confused::confused::confused:
البوست دا بحسسني انكم جنيتوا يااااااااااخ:D

[esmat]

حا احصل ؟ ولا ح يحصل ولا حيحصل حا يحصل كلو مبلوع لكن حا احصل دي سيباويه لو كان شافها كان مات تاني بي جلطه

( وش كدا بيضحك لمن ضرس العقل طلع دا لو في عقل طبعا )


حا إحصل ياخ

شاهدي الكسرة في الالف ياخ
كسرة بي تقلية زاااتو

احصل بالله ما لاقتك ولا لاقت سيباويه كان كدا
احسن ليه "إحصل" الفاتو

(وش غايتو إلا ادرس بعد كدا)

[:@ارجوان:@]

:eek::eek::eek:
:confused::confused:
:rolleyes:
هي يا انتي جيتي متين ؟



قبل ثويييييييه كدا جيت اقبض عصمت عارفهو حسه شاميني ( وش بيضحك شديد )

[:@ارجوان:@]

حا إحصل ياخ

شاهدي الكسرة في الالف ياخ
كسرة بي تقلية زاااتو

احصل بالله ما لاقتك ولا لاقت سيباويه كان كدا
احسن ليه "إحصل" الفاتو

(وش غايتو إلا ادرس بعد كدا)


وبعد جهد جهيد فسر الماء بي الماء

خلاص خلاص ولا يهمك واثقين منك ;)

(واااااااي والله انا مشروطه ضحك مافي خياط قريب منكم )

[esmat]

قبل ثويييييييه كدا جيت اقبض عصمت عارفهو حسه شاميني ( وش بيضحك شديد )


اشمك لي ياخ انتي متريحة بي شنو اصلو
ولا شايلة ليك لحمة ونحنا ما عارفين

"غايتو الادمن حيرنا في الوشوش زااتو"


الملكة ممكن ازعلك ياخ
"وش غيااااظ"
على فكرة قبل السيل كنت ناوي للبوست بتاع عيد الميلاد السنوي بتاعك
لكن كنت مشغول شوية "وش فاااتو"

[:@ارجوان:@]

اشمك لي ياخ انتي متريحة بي شنو اصلو
[color="darkorchid"]كارتير بتعرفو ؟
ولا شايلة ليك لحمة ونحنا ما عارفين

انا والحمد لله نابتيه فجتيرينز بي الصيني
"غايتو الادمن حيرنا في الوشوش زااتو"

color]

هو حيرنا في الوشوش بس حيرنا في نكبر ونسغر بي ارقام وحروف دي والله كلام عجيب انا اعترض واشجب واستنكر :d

[الملكة اسماء ( ام محمد )]

قبل ثويييييييه كدا جيت اقبض عصمت عارفهو حسه شاميني ( وش بيضحك شديد )

ههههههههههههههههههه
الضحكني انك ما صححتي كلمة كدا :d:d

همسة : لعبة خطيرة اسمعي كلامي واعملي رايحة ولو شفتي زول غلطان غمضي :d

[الملكة اسماء ( ام محمد )]

اشمك لي ياخ انتي متريحة بي شنو اصلو

ولا شايلة ليك لحمة ونحنا ما عارفين

وانت اشتغلت كديسة مؤخرا والا شنو ؟:d


"غايتو الادمن حيرنا في الوشوش زااتو"

الادمن زااااااتو محتار وما لاقي وش يظهر بيه ليه مدة مافيش :p



الملكة ممكن ازعلك ياخ

ممكن بس تعمل حسابك تتصل للاسعاف :p
"وش غيااااظ"

شديد

على فكرة قبل السيل كنت ناوي للبوست بتاع عيد الميلاد السنوي بتاعك

لكن كنت مشغول شوية "وش فاااتو"



السيل عمل اللازم يااااااااااخ
المهم هسي ماتكون مبيت النية لغيره

[:@ارجوان:@]

ههههههههههههههههههه
الضحكني انك ما صححتي كلمة كدا :d:d

همسة : لعبة خطيرة اسمعي كلامي واعملي رايحة ولو شفتي زول غلطان غمضي :d

يا بت انا اكتر كائنه بشريه بتغلط الكيبورد عندي كلو على بعضو شبر بي الظبط نظام العينه داك لو عجبني بيدوني الجهاز جد جد

ياخي عجبني المنظر ما افتكرتا روحي حتورط عشان كدا عادي لو صححو لي من هنا لحد مية سنه زرايري اصغر من اصابعي نوووووووووهائي ما حذعل نوهااااااائي :p

[esmat]

وبعد جهد جهيد فسر الماء بي الماء

خلاص خلاص ولا يهمك واثقين منك ;)

(واااااااي والله انا مشروطه ضحك مافي خياط قريب منكم )


يعني بعد كدا ممكن ابلها واديك تشربي مويتها ولا كيف
خلاص واثقين يعني ممكن اغني بعد كدا

[الملكة اسماء ( ام محمد )]

يا بت انا اكتر كائنه بشريه بتغلط الكيبورد عندي كلو على بعضو شبر بي الظبط نظام العينه داك لو عجبني بيدوني الجهاز جد جد
تيب :)

ياخي عجبني المنظر ما افتكرتا روحي حتورط عشان كدا عادي لو صححو لي من هنا لحد مية سنه زرايري اصغر من اصابعي نوووووووووهائي ما حذعل نوهااااااائي :p

انا لو تابعتك ح ارقد مستشفى تاني ياااااااااخ:mad:
بتبالغي جنس بوليغ غايتو :p

الله يعينك يا اسمت يااااااخ:mad:

[:@ارجوان:@]

يعني بعد كدا ممكن ابلها واديك تشربي مويتها ولا كيف
خلاص واثقين يعني ممكن اغني بعد كدا


وانا ممكن اهدي :D :D :rolleyes: ;)

[بت مارنجان]

الاخوة والاخوات يبدو اننا نسرق ونفرغ البوست من مضمونه الاساسي ارجو الالتزام بمحتوى البوست لكي لا نفقده بريقه الذي دام طويلاً ..

دمتم بالف خير

اظن الكلام دة عربي :mad::mad:

[:@ارجوان:@]

اكتب للشخص الذي في بالي الان ياخي الونسه في البوست بتاعك سمحه ياخ

[esmat]

يا بت انا اكتر كائنه
نوووووووووهائي
ما حذعل نوهااااااائي :p

ما عاش البزعلك ياخ
(وش ممكن اضحك)

[esmat]

اظن الكلام دة عربي :mad::mad:


غايتو الملكة وارجوان ديل
ما عارف اعمل معاهم شنو
كل ما اخشوا بوست لازم ابوظوه
اطرديهم ياخ (وش برئ شديد)

[:@ارجوان:@]

ما عاش البزعلك ياخ
(وش ممكن اضحك)


اكتب للشخص الذي في بالي ياخي مقصوده وبرضو ما حاذعل


وش كدا بيحتال على بت مارنجان ;)

[بت مارنجان]

اقول " للجماعة " الفي بالي اتخارجو لينا بالله :mad:

[بت أم درمان]

اظن الكلام دة عربي :mad::mad:

هو اكيد عربي
بس العتب على النظر والونسة :eek:

[بت أم درمان]

ملكة وارجوان

ممكن تتخارجو من هنا ياخ

ما ممكن معاكم :mad:

[الملكة اسماء ( ام محمد )]

وانا ممكن اهدي :D :D :rolleyes: ;)

كلام لزولة في بالي حاليا :

امرقي قدامي سريع :mad:

[الملكة اسماء ( ام محمد )]

اظن الكلام دة عربي :mad::mad:

بس دا انجليزي يامرسي :p

[الملكة اسماء ( ام محمد )]

غايتو الملكة وارجوان ديل

ما عارف اعمل معاهم شنو
كل ما اخشوا بوست لازم ابوظوه

اطرديهم ياخ (وش برئ شديد)



لشخص في بالي :

غااااااااااايتو
ذكرتني زول كدا الله يذكره بالخير

[بت مارنجان]

لشخص في بالي :

غااااااااااايتو
ذكرتني زول كدا الله يذكره بالخير

آآآآآآآآآآآآآآآآآآآمين وين ماكان ...

[:@ارجوان:@]

ياخي انا نعستا شديد واصحابك ديل كرهوني والله انوم واخليك حسه

( وش كدا بيهدد وهو لا حينوم لا شي)

[الملكة اسماء ( ام محمد )]

ياخي انا نعستا شديد واصحابك ديل كرهوني والله انوم واخليك حسه

( وش كدا بيهدد وهو لا حينوم لا شي)يا



شي ماغريب نهائيا

[:@ارجوان:@]

يا



شي ماغريب نهائيا


الما غريب شنو اني ما انوم لحد ما يتصل ولا الما غريب اني ازهج من اصحابو ؟

[الملكة اسماء ( ام محمد )]

الما غريب شنو اني ما انوم لحد ما يتصل ولا الما غريب اني ازهج من اصحابو ؟


خليها بالنية ياستي
الغرايب الفي حياتي كتاااااااااااااار انا :)

[azam ali]

الليله برضو مافي زوول في بااااالي
يعني انا ما اكتب ولا شنوو؟
طيب انا عندي اقتراح ممكن اكتب لي زوول كان في بالي قبل فتره ؟
والله ممكن؟
طيب خلاص نكتب بي اثر رجعي
.
.
وعدت بإلغاء عينيك من دفتر ذكرياتي

ولم أكن أعلم أني ألغي حياتي

ولم أكن أعلم أنك رغم الخلاف الصغير أنا وأنني أنت
.
.

وعدتك أن لا أعود وعدت

وأن لا أموت إشتياقا ومت

وعدت بأشياء أكبر مني فماذا بنفسي فعلت؟
؟
؟

[العاقب مصباح]

الما غريب شنو اني ما انوم لحد ما يتصل ولا الما غريب اني ازهج من اصحابو ؟




ما دام زهجتى مننا خلاص قولى لى هناى البينا انتهى

وش واحد عامل فيها صاحب هناى دا

[هيثم ادروب]

وزي ما القمرة تبدأ هلال
جمالك إنتي يومي يهل
ومحيك بدرو يتجلى
ويزيد قجة ويوج ويول
وعينيك سارحة ما هماها
يكتر سهري ولا يقل
صباحك إنتي حقو الناس
يجوهوا يشيلوا منو الفال
صباح البشرى للمحزون
صباح العيد على الأطفال
وطبعك فيه رقة ونفرة
زي طبع الجدي الجفال
وأسألي عن سؤالي عليك
الطير في سماه سألتو
لو لاقيتي يشرح ليك
ما فضلت غير أسرح
واناديك وأشابه قيس
وكل عيون أعاين فيها
بينا وبين عيونك أقيس
وكل نغم سمعت نداه
وكل خطاوي جاية تميس
أقول إنتي وخلاص بنتي
وأبشر زي كأني عريس

[azam ali]

ليتل و عزام
اعملوا حسابكم الاثنين
لتل انتي مسجلة غياااااب تقيل
وعزام "مشتاقين" حمد الله على السلامة
فك التشنيطة وتعال لي في المكتب عايزك "ما تردف لكن"



ياعصمت والله مشتاقين بي الاكتر
شنو ياخي تناديني واجي القاك مافي ولا شكلنا اتعاقبنا
رايك شنوو يا عصمت انا عازمك حفلة شاي فيها ناس حلويين
وظريفين بس اوع تجيب معاك صاحبك هنااااي داك
.
.
الليله يا ليتل جبتي لينا الهواء
دا كلو منك
قلت لي ما اردف ياعصمت؟
البركه في فكة التشنيطه طيب

[بت أم درمان]

الما غريب شنو اني ما انوم لحد ما يتصل ولا الما غريب اني ازهج من اصحابو ؟


لا حول ولا قوة الا بالله

البت دي اعمل ليها شنو انا

دائما فاضحانا كدا :eek:

( وشايلة حسنا ):cool:

مافي ليك سهر تاني :mad:

تنومي من الساعة سبعة ( جدادة بس ) :mad:

[هيثم ادروب]

افتقدتك يا صبا عمرى وشبابى
افتقدتك لما زاد الشوق عذابى
افتقدتك فى غيابى وفى اغترابى
وافتقدت الإبتسامة والعيون الساحرة
يوم يسحر كلامها يا حبيبة عمرى فى الدنيا وزحامها
اكتبى لى عن سنينك كل يو وايام تمر بتزيد حنينك
اكتبى لى عن مشاغلك قولى لى عن أى شئ فى الدنيا شاغلك
وأى زول فى الدنيا لو سألك علىّ قصدو يعرف آيه علاقتك انتى بيه
قولى باكر ايوه راجع جاى ليّ .

[الطويل]

اليك انتي فقط



http://alzol.com/music/categories.php?cat_id=149&page=1

[:@ارجوان:@]

ما دام زهجتى مننا خلاص قولى لى هناى البينا انتهى
وي وي وي ما تقولو ليهو انتو طيب والله جنس حقاره :mad:

وش واحد عامل فيها صاحب هناى دا

ياخ ما بستبعد ممكن قريبو كمان وفي روايه ممكن يكون اخوك ;)


دي عشان بت مارنجان ما تشاكلني

اكتب للشخص الذي في بالي الان كيف حالكم واحوالكم وياريت ترسلو المصاريف :p

[:@ارجوان:@]

لا حول ولا قوة الا بالله

المات منو :eek:تنومي من الساعة سبعة ( جدادة بس ) :mad:


اكتب للشخ الذي في بالي الان دجاجي يلقط الحبه :rolleyes:

ياخي يا بت مارنجان جهجهتينا يعني الواحد ما يرد على الناس :mad:

[esmat]

وقد زعموا أن المحب إذا دنا يملّ وأن النأي يشفي من الوجد
بكل تداوينا فلم يشف ما بنا على أن قرب الدار خير من البعد
على أن قرب الدار ليس بنافع إذا كان من تهواه ليس بذي ودّ

[:@ارجوان:@]

اشتقتا ليك اشتقا للحظه البتسرق عمري كلو تجيبو ليك

[:@ارجوان:@]

دايم على البال


:( :( :( :( :(
:( :( :(
:( :(
:(

[بت مارنجان]

اليك انتي فقط



http://alzol.com/music/categories.php?cat_id=149&page=1

طبعآ ابداع الرابط ياابو طويلة ;)
يديك العافية ..
وان شاء الله هي تكون كويسة :p

[الطويل]

طبعآ ابداع الرابط ياابو طويلة ;)
يديك العافية ..
وان شاء الله هي تكون كويسة :p


طبعا لو تعرفى انا سعيد قدر شنو الليله ...

انشاءالله هي تكون كويسه

والحمد الله رسالتى وصلت

[سودانية وافتخر]

هااي انا وصلت:(:(:o

[تغريد]

وين أنتو الليلة ؟ :confused::confused:


غطستكم دي ماااااااااااااااااااااااااااااااا مريحاني :cool::cool:

[بت أم درمان]

وين أنتو الليلة ؟ :confused::confused:


غطستكم دي ماااااااااااااااااااااااااااااااا مريحاني :cool::cool:

دا الهدوء الذي يسبق العاصفة :eek:

[ميادة]

Come Back to Me

[بت مارنجان]

طبعا لو تعرفى انا سعيد قدر شنو الليله ...
انا الاسعد ياخوي :d
الله يسلمك الله يبارك فيك :p:p

انشاءالله هي تكون كويسه
بخييييييييييييير ماعندها عوجة نهائيتآ ...

والحمد الله رسالتى وصلت
اي اي وصلت وركزت تب ;)

[بت مارنجان]

قال صلي الله عليه وسلم : " آيات المنافق ثلاث اذا حدث كزب وأذا وعد اخلف واذااؤتمن خان " ....
" راجع نفسك قبل مالريح تاخدك اكتر .. وحاسب من الانتقام الآلهي .. "

أكبر خسارة بالنسبة لي هو زمني الضيعتو معاك .....

[هيثم ادروب]

Come Back to Me

Never
Never
Never

[الطويل]

المسامح كريم

ان الله غفور رحيم

ماعهدتك كده

وربنا وحده عالم بما فى القلوب

[الملكة اسماء ( ام محمد )]

جاري البحث عن رقم مديركم الشخصي


:mad::mad::mad:
مساعل زي دي محتاجة توصية شخشية
بما ان قتل النفس بغير وجه حق حراااااااااااام
فافضل اعمل ليكم ارهاب بث :D

[هيثم ادروب]

I don't care.. who you are
Where you're from
What you did
As long as you love me

[:@ارجوان:@]

I don't care.. who you are
Where you're from
What you did

غاااااااااااااااااااااااااايتو جنس غايتو حسه يعني كان كانت من واو عادي عندك مافي شي ظاهر غير اسنانها :rolleyes: حناكين يارجل جنس حنك
As long as you love me


طيب يا خوي طيب انا مثدقاك مافي داعي تحلف :rolleyes:

[هيثم ادروب]

طيب يا خوي طيب انا مثدقاك مافي داعي تحلف :rolleyes:

معليش ياختي
الرسالة ماليك
:p:p

[:@ارجوان:@]

معليش ياختي
الرسالة ماليك
:p:p


لمااااااااااااااذا يا هذا جرحتا قلبي بي زجاجه ياخي مكسرني انت وكرفتتك في داعي بس للفضايح

[الملكة اسماء ( ام محمد )]

العمر اياااااااااام ياصاحبي

[الملكة اسماء ( ام محمد )]

لمااااااااااااااذا يا هذا جرحتا قلبي بي زجاجه ياخي مكسرني انت وكرفتتك في داعي بس للفضايح

ابدااااااااااا ماف :o

[:@ارجوان:@]

ابدااااااااااا ماف :o


ازيك يا ملوكه ياخي ؟

[الملكة اسماء ( ام محمد )]

ازيك يا ملوكه ياخي ؟

هلا بيك يا ارجوان يا اخوي :mad:
ماعارفة ليك بتذكريني اخوي :p

[العاقب مصباح]

كلام كتير شديد لكن سر

[بت مارنجان]

كلام كتير شديد لكن سر

هو كلام كتيــــــــــــــــــر قولناهو آخر الليل سواء :o

[ميادة]

Never
Never
Never






بث بعدين كلامك ده ما يبقى ليك حار :mad: :D

[ميادة]

معليش ياختي
الرسالة ماليك
:p:p





معليش ياخ اعزرا



طب عارفاها لي انا بث هي جات غلط :d

[هيثم ادروب]

شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وإن شاء الله طول ما عمري ليك ما تنجرح عزة هواى
بحلم معاك...
بحلم معاك إنو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد
إن شاء الله طول ما حبي ليك ما نعيش زمن قاسى وعنيد

[esmat]

دايم على البال

عشان كدة اقول الخرف دا جاء من وين


هااي انا وصلت

كنتي وين؟؟


غطستكم دي ماااااااااااااااااااااااااااااااا مريحاني

السخانة دي باقي ليك بنطلع من البحر ده


Come Back to Me

اااخ صعبتيها ياخ


أكبر خسارة بالنسبة لي هو زمني الضيعتو معاك .....

انت تريد وانا اريد والله يفعل ما يريد
جات كدا اعمل ليها شنو شاي بي لبن انفع


Never

نفر فول مصلح


جاري البحث عن

جاري وجارين وراء


طيب يا خوي طيب انا مثدقاك مافي داعي تحلف

غايتو لكن لو حلفوا ليكم مابتصدقوا ولو صدقوكم ما بتحلفوا


معليش ياختي الرسالة ماليك

Never Never Never


كلام كتير شديد لكن سر

ومن السر ما قتل برضو - عايز قربك لكن محتار


ازيك يا ملوكه ياخي ؟

وازيدك من الشعر بيت


هو كلام كتيــــــــــــــــــر قولناهو آخر الليل سواء

ما قلنا ليكم ما تساهروا لقيتو التصريح وين


بث بعدين كلامك ده ما يبقى ليك حار

اسي حار وبعدين ناااااار


شفتيني كيف انا ببقى بيك سيد

اكيد اللبن احجز لينا الجمادة ياخ

[ود ام تريبات]

ما باركتي لي!! ..















http://www.umtraibat.com/vb/forumdisplay.php?f=2

[بت مارنجان]

ما باركتي لي!! ..

مبروك .. وسجلنا كمان ;)


http://www.umtraibat.com/vb/forumdisplay.php?f=2


..................

[:@ارجوان:@]

عشان كدة اقول الخرف دا جاء من وين


ولسه على البال
كنتي وين؟؟
ما تسئل انت مالك ومالي


السخانة دي باقي ليك بنطلع من البحر ده
اليتبلبل يعوم



اااخ صعبتيها ياخ

ما يصح الا الصحيح


انت تريد وانا اريد والله يفعل ما يريد
جات كدا اعمل ليها شنو شاي بي لبن انفع

ممكن موية نار

نفر فول مصلح


ما ممكن كروسان ؟
جاري وجارين وراء
لاء احنا ما جرينا ورا احنا صدقناه



غايتو لكن لو حلفوا ليكم مابتصدقوا ولو صدقوكم ما بتحلفوا
والله لو حلف كلامو بيكون مقدس


never never never

لا مستحل تحت الشمس



ومن السر ما قتل برضو - عايز قربك لكن محتار

الحيره تؤدي الى الجنون

وازيدك من الشعر بيت

هو لسه باقي ابيات خلص الكلام


ما قلنا ليكم ما تساهروا لقيتو التصريح وين
انا ما بساهر لاني ما بنوم


اسي حار وبعدين ناااااار
دايما كان نار حمرو ما كان حار


اكيد اللبن احجز لينا الجمادة ياخ

معلش ما بقدر لاني بحب الجماده شديد على غير عادة الجكس

[هيثم ادروب]

قنبلة سماحت الزول في الطول والعلا

[:@ارجوان:@]

قنبلة سماحت الزول في الطول والعلا

برغم منو انو شكلك قصير لكن ما مشكله
المهم عرفتني طويله كيف صورتي ياخي كنت فيها سغيره :p

ازيك يا هيثم ياخ مالك ما بتجي مش تبقا تجي ؟

[esmat]

معلش ما بقدر لاني بحب الجماده شديد على غير عادة الجكس


غايتو احسن ليك من ........ "اللبن" على "حسب"

[هيثم ادروب]

برغم منو انو شكلك قصير لكن ما مشكله
المهم عرفتني طويله كيف صورتي ياخي كنت فيها سغيره :p

ازيك يا هيثم ياخ مالك ما بتجي مش تبقا تجي ؟

اهلين ارجوان
تعالي انا قاعد في عنقريب عقبة اخوي
عازمانة ميادة قهوة لذيذة
:

[esmat]

أسألك اللهم باسمك الأحب إليك الذي
إذا دعيت به أجبت وإذا سئلت به أعطيت
ياذا الجلال والإكرام ياحنان يامنان ياذا الطول
والأنعام تحفظ اخواتي "ملكة وارجوان" ترعاهم
وتعافهم من كل شر ومن كل سوء قادر يارب ياكريم

اليوم كان لكم كلمة ندعو الله لكم ان تنير طريقكم

[بت مارنجان]

اهلين ارجوان
تعالي انا قاعد في عنقريب عقبة اخوي
عازمانة ميادة قهوة لذيذة
:

:rolleyes::rolleyes::rolleyes::rolleyes:

انزار ياخ :mad:

[هيثم ادروب]

:rolleyes::rolleyes::rolleyes::rolleyes:

انزار ياخ :mad:

مالك هسة في شنو ...؟

:mad::mad:

[سودانية وافتخر]

طييب هل ممكن اوغير ممكن...انتي ادعلي بس انو ربنا يوقفني واقدر اكملها..لكن انتي عارفة الايام دي انا كلها بيزي يعني ماعارفة اكملها متين .... بس الله يعين... واشوفك يوم الاحد ان شاء الله



تجيي بالسلامة يا اختيييييي والله مشتا قييييييييين ليكي شديد ومنو قدك بطلت السفر علشانك يلا تجي بالسلامة يارب


يا اخي منو قدك بس ....

[بت مارنجان]

مالك هسة في شنو ...؟

:mad::mad:

:mad::mad::mad::mad::mad:

ماتتونسو ياهيثومة ياخ اتمشو برة كدي علي الراكوبة ولا العنقريب :p

[:@ارجوان:@]

أسألك اللهم باسمك الأحب إليك الذي
إذا دعيت به أجبت وإذا سئلت به أعطيت
ياذا الجلال والإكرام ياحنان يامنان ياذا الطول
والأنعام تحفظ اخواتي "ملكة وارجوان" ترعاهم
وتعافهم من كل شر ومن كل سوء قادر يارب ياكريم

اليوم كان لكم كلمة ندعو الله لكم ان تنير طريقكم


بكيتني وانا ماخده عهد انو ما ابكي
ربنا ما يكسر ليك قلب يارب ويسعدك دنيا واخره

[بت مارنجان]

بالجد المرة دي ...........

ماكان العشم

[esmat]

شكراً ليكم ولي تفهمكم الراقي ياخ

[ميادة]

بحلم بيك أنا بحلم بيك وبأشواقي مستنّيك
وان ما سألتش فيه يبقى كفاية عليَّ
عشتِ ليالي هنيَّة بحلم بيك أنا بحلم بيك
بحلم بيك يا حبيبي أنا يللي مليت أيامي هَنا
بحلم بيك عارف من إمتى من أوَّل ما عرفتِ أحب
بحلم بيك وبحبَّك إنتَ أوَّل حبِّ وآخر حب
إنتَ حياتي وابتساماتي وانتَ الروح والعين والقلب

[:@ارجوان:@]

على فكره انا اسعد جدا بي المعرفه دي

[esmat]

صباحك خير من زمان وين ولا المراقب في؟؟

(وش ضاحك)

مشتاقين ياخ

[بت أم درمان]

خذلتيني جد

[esmat]

بحلم بيك وبحبَّك إنتَ أوَّل حبِّ وآخر حب
إنتَ حياتي وابتساماتي وانتَ الروح والعين والقلب

يا اختي ما تجرى ورا قلبك وحكمي عقلك
(مااااا مضمونين ديل)

على فكرة/ اختك وين يا ان شاء الله بخير

[طائر النورس]

لا لا لا كده ما حلو


ما تزوغي بي صرفة الصندوق

[محمد الواثق]

صباحكم ورد والشوق مطررررر

[عبدالرحمن مدثر]

صباحكم ورد والشوق مطررررر

بركة الجيت

[هيثم ادروب]

واحد ونص ...........!

[العاقب مصباح]

واحد ونص ...........!





جيب رطلين ساى ياخ

[esmat]

لا لا لا كده ما حلو


ما تزوغي بي صرفة الصندوق


النورس انت داخل في كم صندوق
الغريبة كلهم (جكس) وبزوغن بي الصرفة
غايتو لكن الله معاك - نصيحة انتظرن جنب محل قدر ظروفك

محمد الواثق حمد الله على السلامة تعرف زمان انا كنت شاكي في
اعفي لي ياخ

بت مارنجان - غايتو تعبتك معاي لكن عارف تعبي راحة (وش عارف خوتك)

[انوريكا]

بالجد المرة دي ...........

ماكان العشم



هههههههههههههههههه

حلوه والله ذكرتيني أيامي في الروضه .

[العاقب مصباح]

غايتو احسن ليك من ........ "اللبن" على "حسب"





والله العظيم ما فهمت اى شئ


فهمنى يا عصمت اخوى

وش واحد بيتدخل ساى

[العاقب مصباح]

أسألك اللهم باسمك الأحب إليك الذي
إذا دعيت به أجبت وإذا سئلت به أعطيت
ياذا الجلال والإكرام ياحنان يامنان ياذا الطول
والأنعام تحفظ اخواتي "ملكة وارجوان" ترعاهم
وتعافهم من كل شر ومن كل سوء قادر يارب ياكريم

اليوم كان لكم كلمة ندعو الله لكم ان تنير طريقكم





اللهم آمين يا رب العالمين

[طائر النورس]

[QUOTE=esmat;317987][center][size="4"]النورس انت داخل في كم صندوق
الغريبة كلهم (جكس) وبزوغن بي الصرفة
غايتو لكن الله معاك - نصيحة انتظرن جنب محل قدر ظروفك [/size



المشكلة ياا عصمت انا ما خاشي


الحارقني اني شااااهد وبس

[غريب الدار]

سافري تصحبك السلامة

[esmat]

والله العظيم ما فهمت اى شئ
فهمنى يا عصمت اخوى
وش واحد بيتدخل ساى


ياعقبة غايتو انا شغال بي
انا ما بفسر وانت ما تقصر شفت كيف
غايتو دا كان جواب لي زول في بالي في اللحظة
ديك عشان الجمادة كانت كبيرة وعمرها ما بتتحول لي لبن
غايتو مرات اللبن بتققققققطع في الحالة خمرووووووا

اقول ليك حاجة ياعقبة ياخ انا بحبك والله في الله

[ميادة]

يا اختي ما تجرى ورا قلبك وحكمي عقلك
(مااااا مضمونين ديل)

على فكرة/ اختك وين يا ان شاء الله بخير




يا ود ده كثير تلج :p


اختي قااااااااااعده بث مشاغل الدنيا

[بت مارنجان]

هههههههههههههههههه

حلوه والله ذكرتيني أيامي في الروضه .



انت بالله ياانور خشيت روضة وحاجات زي دي :D

بالمناسبة البت الفي الصورة دي منو :rolleyes:

[بت مارنجان]

غايتو ياهناي ...
الله يكضب الشينة :o

[esmat]

ما تلعب الكورة بي يدك ياخ
ما بلعبوها كدا اعمل نايم
وسبب واحد ادخلنا في النص بعد الهزائم دي مافي



كان ليك ياخ (وش ضاحك من عدم الثقة )

[انوريكا]

انت بالله ياانور خشيت روضة وحاجات زي دي :d

بالمناسبة البت الفي الصورة دي منو :rolleyes:


ههههههههه
تصدقي بالله دخلت روضه كان إسمها زماااااااااااااااان روضة مناهل العلم ، لكن حاليا ً غيرو إسمها إلــــي لك العتبي حتي ترضى .

ياتو بت وياتو صورة .
يا حليلك يا بتي من هسع طرشتي!!!

[انوريكا]

كأني ما فـــــــــــــاهم حاجـــــــــــة.

[حسام التنين]

فاهم وفايته اضنيك بي هناك انا سالتك قلت بتي

لاقيتك بي هنااك سالتك قلت اختي

اها الصورة بقت واضحة

وانا خجلت ليك

[حسام التنين]

الانسان الساكن جواي ومتمكن مني ادعوا ليك ربي

تكون بي صحة وعافية وينعم عليك

ويجعلني اعيش واموت مستور الحال

[محمد الواثق]

لم يذهب تفكيري لحظة الي ذلك واعلم في اي اتجاة يسير قلمك

[محمد حسين (المميز)]

يا قمــر الله يخليك

كيف احواله طمني

[محمد الواثق]

جمعة مباركة

[عوض الكريم الخواض]

دع الأيام تفعل ما تشاء وطب نفساً اذا حكم القضاء ...
لا تبكى على اللبن المسكوب .

[ميادة]

مساء الورد

[سودانية وافتخر]

الف الف حمد الله على الســــــــــــلامة يا عسل نورتي الامارات

[هيثم ادروب]

الف مبروك ياخ
وبت مال وعيال

[مايسة]

شوقنا بحر ودموعنا مطر

[esmat]

شكيت محنك دا وقتو

[ميادة]

بخاف اسال عليك الناس

[انوريكا]

شوقنا بحر ودموعنا مطر




بالأكتـــر يا قمـــر

[محمد الواثق]

ابو الأ ظهور في مواعيد معينة يسير الشكوك

[أبو أسامة]

ابو الظهور في مواعيد معينة يسير الشكوك


الذي ييسير في الطرق المظلمة ...
فقط يخاف من الشك ....
احب ان اكون صباح ....
أتمنى أن لاتفقدني حيث يجب ان تجدني ...

[نزار الغرقان]

و ياريت تكبرو الصحن شويه وسامع اولاد الثانوي بيقولو زيت الفول احسن من السمسم لانو ده مر........

[wad alballal]

جديد لنج الصف وين واقف ...

[عبدالرحمن مدثر]

جديد لنج الصف وين واقف ...




احناج دوزنةً وتراً جديداً لايضيف إلي النشيد سوي النشاذ

لغةً تفتش عن أراضٍ خصبةٍ شمساً تغير طعم فاكهة الشتاء

ياسلام عليك

وعلى توقيعك

وعلى عقد الجلاد

مااف صف

انت الاول

اخدر احتك البيت بيتك

حبابك

[بت أم درمان]

صل من قطعك
وإعط من حرمك
و أعفو عمن ظلمك

[غريب الدار]

مافي زول وراك اني ماقادر افهم حاجة عشان افهمك معاي؟

[هيثم ادروب]

ممكن يرحلوا النيلين ويمشوا يهاجروا مغتربين
وممكن يجرح الياسمين والزيتون يجافي التين
إلا الأصلو ما ممكن نعيش انا وانت مفترقين
ممكن أي حاجة تكون وحرف النون يكون ما نون
وممكن تاني يظهر لون يضيع لون دهب شيبون
إلا الأصلو ما ممكن غلاوتك عندي مرة
تــــــــــــــــــهـون

[حسام التنين]

ممكن يرحلوا النيلين ويمشوا يهاجروا مغتربين
وممكن يجرح الياسمين والزيتون يجافي التين
إلا الأصلو ما ممكن نعيش انا وانت مفترقين
ممكن أي حاجة تكون وحرف النون يكون ما نون
وممكن تاني يظهر لون يضيع لون دهب شيبون
إلا الأصلو ما ممكن غلاوتك عندي مرة
تــــــــــــــــــهـون


الكلام ده لي انا صااح:d

[العاقب مصباح]

غريبة والله يا ربى يكون مالو

[بت أم درمان]

غريبة والله يا ربى يكون مالو

:eek::eek::eek:
:p:p:p


ان شاء الله خير

[بت أم درمان]

:mad::mad::mad:
:mad::mad:
:mad:

[ميادة]

:mad::mad::mad:
:mad::mad:
:mad:




ياخ ما تزعلي قلنا

بجيك ضغط :d

[ميادة]

انت المهم والناس جميع ما بتهمني

[esmat]

افرد شراعك ضمني خايف تفوت والسكه بيك ما تلمني

[سودانية وافتخر]

انت المهم والناس جميع ما بتهمني


تسلمي والله احرجتي تواضعنا:p:D:D

[سودانية وافتخر]

تتوقعووو ممكــن ولا ما ممـــكن

[ميادة]

تسلمي والله احرجتي تواضعنا:p:d:d




لا يا عثل

عااااااااادي ;)

[ميادة]

تتوقعووو ممكــن ولا ما ممـــكن


ممكن :rolleyes:

[محمد الواثق]

غريبة والله يا ربى يكون مالو




اكون زهج والله ما كدي

[غريب الدار]

القصة دي تحير بلد وانا محتار لي مدة

[غريب الدار]

اكون زهج والله ما كدي



زهج ساي ياخي خليو بس دا زهج وزهجنا معاهو

[أزاهير]

وبعدت عنك ولما طال بي النوي بقي لي أسيبك مستحيل ....

[الطويل]

ربنا يكبر العقول

لا حولة ولا قوة الا بالله

سبحان الله وبحمده سبحان الله العظيم

[عبدالرحمن مدثر]

ربنا يكبر العقول

لا حولة ولا قوة الا بالله

سبحان الله وبحمده سبحان الله العظيم


انت بتتحاوم بجاى

الجماعة منتظرنك جنب النيمة

[بت أم درمان]

القصة دي تحير بلد وانا محتار لي مدة

قصة شنو ؟كدي احكيها امكن تنفك الحيرة دي

[:@ارجوان:@]

الداخل بين البصلة وقشرتها ما ينوبو غير ..............

وياجماعة هو ما ينوبو غير شنو ؟:rolleyes::rolleyes::rolleyes:

[بت أم درمان]

الداخل بين البصلة وقشرتها ما ينوبو غير ..............

وياجماعة هو ما ينوبو غير شنو ؟:rolleyes::rolleyes::rolleyes:

المشكلة ان الوشوش ما شغالة عندي يازول اختاري ليك اكبر وش مزمهل وختيهو شنو ريحة البصل الطاقة دي