المساعد الشخصي الرقمي

مشاهدة النسخة كاملة : عشم الرجوع



هيثم ادروب
03-06-2009, 04:29 AM
اشتقت لي بلد ولوف
راجي السنين لوتنتهي
بلد وفي وناساَ حنان فيهم صباي والكان زمان ما بتنسي
زمني القبيل قرب يجي
يا امنيات ما تسرعي
عدي المسافات والدروب لابد يوماَ توصلي
شوق المحب نظرة عشق
حلم الأديب دفقة قلم
وانا حبي للبلد البعيد كلمة أصل
وبقيت أطالع في النجوم
كان ألقى بس نجماَ سخي
يا خدني في عمق المجرات والشهب
يديني بس شبال فرح أحيا واشوف بسمة أهل
الفيني كله عشم رجوع لي بلدي لي ناسي العزياز
يا ربي طال شوقي للوطن العزيز
ارجع واعيش حلمي القبيل ما بنتهي
املي الدروب كاسات فرح
وتخفف الأيام قساوت دمعتي
ارجع من الزمن الردي
أوصل واعيش زمني الهدي



هيثم محمد جمعة ـ الرياض / 6/9/2008م

العاقب مصباح
03-06-2009, 05:04 AM
المشتاق حقيقة
هيثم ادروب
دعنا نحلم معك
نغنى معك
واترك لنا مساحة خلفية
ربما خلف ستائر العرض
نقولها وبالفم العريض
وانا حبي للبلد البعيد كلمة أصل
وبقيت أطالع في النجوم
كان ألقى بس نجماَ سخي
يا خدني في عمق المجرات والشهب
يديني بس شبال فرح أحيا واشوف بسمة أهل
الفيني كله عشم رجوع لي بلدي لي ناسي العزاز

هذا دواءنا
ووسادتنا للنوم
وطمأنينيتنا
لكن لا ادرى لما مر على صوت عبد الكريم الكابلى وهو ينشد :-


زمان الناس هداوة بال و انت زمانك الترحال

و ليلم عمرو ما سآل و ليلك لي صباحو سؤال

قسمتك يا رقيق الحال مكتوب ليك تعيش رحال

تسامر في الغيوم أشكال روائع تذهل المثّال

شي سيرة زفة بي طبال و عروسة في جبينا هلال

مواكب فرحة من أطفال يحاكوا السمحة ست الخال

و قُبّال ما الصور تنشال على خيوط الأمل و الفال

و صبح الناس يجيك مرسال

يشيلك فوق وسط عينين يوديك مقرن النيلين

يخدر فيك عقيد ياسمين

و تقوم شتلة محنة مثال أريجا دعاش و حزمة نال

قبال توتي ام خداراً شال عيون ام در لبيت المال

غريب و الغربة أقسى نضال غريب و الغربة سترة حال

قريب و بعيد حضور و زوال دا روم الاصلو ما بنقال

تراقب في المجرة زوال عيونك ما عيون أجيال

اسأل الله ان يجمعنا فى حضن الوطن العزيز
ونستنشق هواء نقيا به اوكسجين بدلا من ثانى اوكسيد الكبريت الذى زحم رئاتنا ونحن نظنه اوكسجين
محبتى هيثم

كندشة
03-06-2009, 05:06 AM
الشوق و ماأدراك ما الشوق

ذلك الإحساس الذي يدمي القلوب ألماً

لكنه يخرج منها ابداعاً تبكي له العيون

نص رائع لمس فيني(أقوى) نقطة ضعف

رد الله غربتك

و أبقى كما أنت في إبداعك

هيثم ادروب
03-06-2009, 08:08 PM
العاقب زعيم منتدي ودمدني
كندشة حلاوة المنتدي
اسعدني مروركم علي محاولاتي الشعرية
ولاكن لا احسب نفسي نداً لكم
دمتم لي اخوة اعزاء
وتقبلو مني خالص الاحترام