مكتبة اغاني مصطفي سيد احمد

[بت مارنجان]

ياشباب عايزين اغاني مصطفي مكتوبة بدل مانمشي نشوف قوقل كل مرة ....
وانا ببدا وياريت تتمو معاي ......

[بت مارنجان]

في صحه الوطن

فى صحة الوطن المداوم

أن يقاوم كأس

وكأسنخب عشق

تلتقى فيه الحبيبة والخريطة

سأكتب الآن كلى وبعضك

حتى تذوب الحدود

وتنمو المساحات سعفا وحبا

لتجدل عينيك سجاد ذكرى

ونبقى طليقين رغم الطيور

أسفى نسيت الآن طعم القبلة الأولى

وكيف تطاولت عيناى كالضوء

إنتشرت على المسافة بيننا

والناس لكن لايهم

بيننا والناس ما عادت مسافة

والمسافة بيننا والأرض تختزن الطريق

فبكت تودعنى

تدافعت العناصر نحونا

أهواك كن يقظا

تمهل فى مسيرك واتئد

فالآن تنضح بالمقادير الدفينة

أهواك

لاأمشى على رأس الأصابع

لآ أتأتىء حرف اسمك

فادفعى رأسى

ورأسك ينتهى عهد المناحات الحزينة

لم أشتريك بأغنية

فالأغنيات تقادمت وتكاثرت

كالدمع أو كالخمر

ثم تبوأت زيل الطريق

هل من مقايض للحبيب والخريطة

هل من مساوم للفريق

لاغير قبضته وصدر الموج ينقذها

فليلتحمان ثم تقترب المسافات البعيدة

ثم يشتعل الحريق

والأرض تحتضن بذرة الإمكان

يا رباه ما أبهاك

يا أرض ادخرتك مغزلا للحب والأشعار

و الحقب الجديدة

أهواك يافرح ألتقانى بالحقول

وبالسهول وبالنجوع

يارجعة صرخة أهل وادينا

الوديان تنتشر الجموع

لا العشق لا الإنسان

فى بلدى يدجن أو يضيع

[بت مارنجان]

اذا عادت بنا الايام
الي الماضي
كتبت علي سواد العمر
شعرا لا يدانيه
غناء الطير
وهمس الماء ..
ووشوشة الضياء فيه
ركبت زوراقي ابحرت في شعر
لها مجدول
جعلت مشاعري جندول ..
اذا عادت بي الايام يوما
ايها الاحباب
ولو في زورق يمضي
علي الصحراء عبر سراب
انا ملاحه الفرحان
اطرق مغلق الابواب
ادق ليس يعنيني
لأني قادم من حاضر اللحظات
للماضي
ولي شوق سيشعل صمت هذا الزورق
الهادي
فيدفعه الي الوادي
الي افق انيق النجم
صداح البساتين
واشدو حين تاتيني
فتاة لثغة العصفور
انفاس الرياحين
بكفيها ولي في عمق هدبيها
حكايات واشعار
ولي في شعرها المعطار اخبار
اذا سالت علي وديانها الخضراء امطار

[بت مارنجان]

القاك وين ...
كان التعب قفل مسامات الضياع
غناك زمار الزمن
ارشيف عشق
اصوات نغم
وتر التراخي موشحات ...
القاك وين
وان غبتي ما شرقت شمس
والدهشة ساساق الدروب
لي وين تمش
نار النضال لو تنهبش
توقد سنون المتعبين
تعقد زفاف آخر ضمير اتباع
مقنن بالقرش
القاك وين
انا وانتي والنيل والارض
والبور مشتت متنسي
ونجامة التعب الكعب
ما كان عول ريدي
الصبح صفاف هدير البر
ايامي توب شحاد
هزاهو خم وخم
انا ما لقيتك ليه
طعم الفراق دمدم
ختيتي فوقي الليل
والليل سقاني السم
انا خاطري في المطرة
ريحة الدعاش والشم
وما كان عول ريدي

[بت مارنجان]

مدن عينيك
عبد القادر الكتيابي

لمحتك … قلت بر آمن بديت أحلم ..
ألملم قدرتي الباقية … وأشد ساعد على المقداف ..
تلوح لي مدن عينيك … وترفع لي منارة بسمتك سارية ..
كل ما الريح تطارد الموج ..
أزيد إصرار وألحق بيك ..
أغير سكة التيار ...
وأقول يا إنت يا أغرق !!
************
وتلوح لي مدن عينيك ..
أخاف الضفة ترجع بيك قبل ألحق ..
وأخاف غيم المنى الشايل تسوقوا الريح ويتفرق ..
وأشد ساعد على المقداف ..
وأجيك بي قدرتي الباقية ..
حطام إنسان موسم … بي شقى الدنيـــا ..
مقسم قليبو في الأحزان …
أجيك فنان ..
أشد أوتـــــاري … وأحكيلك حكاية إنسان ..
وهب لي سكتك نفسو ..
ورسم صورتك علي حسو ..
وربط ساعد على المجداف ..
وقال … يا إنتي يا أغرق !!
أخاف … أخاف غيم المنى الشايل ..
تسوقو الريح ويتفرق ..
والاقيك يا أماني سراب ..
مواهبي عليه تتدفق ..

[بت مارنجان]

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن

[بت مارنجان]

قلت ليها وإيدى فى إيديها ..

ودمعة حزن سالتْ


جايى منـِّك .. وماشـِّى ليك

يا مداين غربة طالت

ولو مدارات نجمى ضلـّتْ

سكة السفر إستحالت

كونى فى دربى الحقيقة

اللَّيها ديمة مشاعرى مالتْ


قلت ليها ... وكنت راجع لى عينيها

من أسى الزمن البسافر .. فى المشاوير العصيبة

من متاهات الأماسى

الفى مداها .. الحزن مضناها .. وحبيبا

بينى لا بينك .. مزار

لا محطات إنتظار

ولا مواعيدك قريبة

إنتى يا الفرح الحقيقة .. المستحيل

هدْهِدى الصبر الجميل

وأمسحى الحزن المخيِّم .. فى مدارات الرحيل


قلت ليها

الحقيقة الضايعة بين قلبى .. وعيونك

إنى لا قادر أفوتك .. لا أجيك

وإنِّى ما عارف بدونك

ألقى كلمة حب .. تزف البشرى فى ساعة مجيك

إنتى عارفة .. وقلت ليك

يانى أكتر زول بريدك

يا نى صفوة عاشقيك

يا نى أكتر زول بريدك

ولسـّة بى حبك .. متيَّم .. ومبتلِى

إلاّ ريدك .. زادنى حيرة .. على العـَلىْ

لا مراكب القدرة ختـّنْ قلبى عندِك

وإنتى لا قلبِك نسانى

ولا علي

[بت مارنجان]

كلمات : محمد الحسن سالم حميد


فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر 00000

[بت مارنجان]

أسئلة ليست للإجابة


ما معنى أن نحيا .. ولا ندرى

بأن العشق قد يبقى سجيناً فى الخلايا

ما معنى أن نشهد موات الأغنيات

ما معنى هذا الصمت الذى لا ينتهى

وبرغم حوجتنا الصراخ

***********

هل يختفى الظل الذى لا ينتمى

إلا لمعرفتى وجهلى

وهل نودع بعضنا ونذهب فى سراب الذكريات

كيف تبدو الذكريات

كيف يبدو طعم أيام الشجن

من يعلم ذكريات كل أشكال التداعى ..

والرحيل المر دوماً

حين يختلط المدى بالمآسى .. والمخاوف

وأحتراق الأمنيات

***********

تعِبٌ هو البرق الذى لا يضيءُ أقبية الخبايا

لا ينتمى للسحبِ ..

والعشبُ الذى لا يرتوى

إلاّ بطعمك يا عصيراً من خليط الدهشةِ الأولي

وأحتراق الأغنيات

[بت مارنجان]

كتبت ليك

لا بينى بينك ريدة .. لا قصة غرام

إخترت ليك

أجمل حروف .. وأصدق فواصل نادرة

فى لغة الكلام

لا قصدى ألهو معاكى بى كلمات غنا

لا شعرى ليك مرجيحة من شعر الغمام

كتبت ليك والله يا قمر الزمان

شان جيتى بى زمن المحنة

وشفت فى عينيكى .. حس أهلى القُدام


كتبت ليك وأنا جايى من زمن الشقا

الممدود على وش الثوانى .. مظللا

تتمدد الساعات سنين

تتفتح الأحزان غريبة .. ومذهلة

وأشتاق أفتش نسمة .. فى الزمن العذاب

وأيامى من كتر الأسى

وكتر العزوف .. والإغتراب

صارت حروف مترهلة

لحظات أسيفة .. ومهملة


كتبت ليك

ووقفت ليك .. لامن لقيتك جايه من قلب الطريق

ولمحت فيك راحة المشاوير البعيدة

ونفحة النسمة الحنينة

الجاية من قلب الطريق

حسيت عجايب الدنيا .. إتلمـّت .. بقت

جايـّانى من عصراً سحيق

عينيكى حس أطفال بنادوا القمرة لى الغايب .. يعود

وجبينك الضوّاى

حجا الحبـّوبة فى الزمن السعيد


وأنا فى قساوة الموحش

الزمن المكهرب .. بى الحريق

أنا حيلتى أيه

قوليلى يا قمر الزمان

غير أتـّكى .. وأحلم معاك

وأحضن أماسى الصحو ..

والأمل البريق

[بت مارنجان]

نديكم القصة الحقيقة كما قالها مصطفى سيد احمد الله يرحمه لي خالي لمن كان بيدرسه في الثانوي في الحصاحيصا.
الفنان المرحوم مصطفي سيد احمد كان عندو اخوهو على علاقه حب قويه ربطت بينه وبنت في الجامعة .. استمرت العلاقه فتره طويله .. المهم خططو لمستقبلهم سوا و أي حاجه لكن لمن اتخرجو البنت خطبها زول و مشو شهر العسل لي مصر, اخوه مرض شديد و اتشل, من الشاكووش الجامد ده, فودوه القاهرة عشان يتعالج فالبصدفة و هو طالع من المطار تجي البت و راجلها راجعين السودان
ولمن تشوفو في الحالة ديك تقع على ركبتيه و تبكي.....

اخو مصطفى سيد احمد ألفها و هو كان مرافق للمريض



غدار دموعك
كلمات - مصطفى سيد احمد
**************

لا تنبش الماضىالبعيد الم تكن
يوما لقلبى واقعا مجهـــولا
لا تنكأ الجرح القديم فإننى
و دعت ليلا مظلما و ثقيلا
وحملت روحى فى فواد نازف
ما زال يحمل نصفه مشلولا
وخلعت اثواب الحداد اما كفى
اذ صار قلبك فى الهوى ضليلا
............................
غدار دموعك ما تفيد
فى زول حواسو اتحجرت
جرب معاك كل السبل
وايديهو ليك ما قصرت
حطمت فى قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت
*************
ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم

كيف العشم وكتين يموت
والغصة تطعن فى الحلق
كيف الحنين وكتين يهز
لى زول بعيد ما بتلحق
كيف الرجوع لىزول قنع
شايل رماد(رفاة) قلبـو الحرق
سيب الندم وانسى الدموع
ما فات زمان ما بتلحق

غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا فى طوف الفشل
وابحرنا فى بحر الضياع
ونسينا ذكراك الزمان
عشناها فى زيف القناع

منقول

[بت مارنجان]

طيبة

كل ما تباعد بينا عوارض

كل ما هواك يا طيبة مكنِّى

تلد الغربة .. الكُربة الواحِد

بيكى أسمى الشوق .. وأكنـِّى


لمـّا أفوتك من دون خاطر

أو دون خاطر منى تفوتى

بلقى حبايب فى كل حِتـّة

وكل بيوت الفُقرا .. بيوتى

لا غيرت وراك الجِتـّة .. لا بدلت ملامح صوتى

لا غافلنى وهادن فنى .. غام لى المدن .. الما عِرفتنى

إبن الشوق الصبرو .. مصوبر

للأرياف الكم .. وفّتنى

وللأطفال الناشفة ضلوعا .. ونازفة بغنى

أطمن روعا .. وأهتـّى دموعا

ببسمة بكرة اللاّها تمنى .. ولا مصنوعة


أغنى لشعبى ومين يمنعنى

أغنى لقلبى .. إذا لوّعنى

مخيـّر دربى الما رجعنى

إذا طلعنى نخلة القرب .. أو الغربة الكدروبية

تنزل غنوتى بى قمرية

أو وقـّعنى فى بطن الجـُّبْ

بطلع يوسف بالأغنية

أغنى الناس الما بتسمعنى

المِنِّى بعيدة .. ومبعدة عنى

النادا نشيدا .. وكنت المعنى

الإيدى فى إيدا .. وإيدا بتبنى

فى دنيا جديدة اليوم .. راح تدنى

وأريت غنواتى فى ناس شغالة

تكون سُندالة .. وعود طورية

ضراع رجالة .. كتاب أطفالا

وجملة بالا .. الما مكرية

سدّة مالا .. وبقـّة فالا

فى ليلة الدخلة على أسمى قضية


حبيبة قلبى يا سودانية

يا أسمى معانى فى زول بيعانى

ياود ضكران .. ويابتْ دغرية

وأنا إنْ سامعانى فضـّلت أغانى غُـبش .. فقرية

وروح غانيانى

حويتك منك يادافعانى براحة إيديا

ويا جابدانى ... برفق عليا

وما بتحيـّر بين الفوق .. وبين الناس التحتانية

إلاّ مغـيـّر .. ولاّ عقُوق .. ولاّ كفيف الإنسانية

ومنـِّك وين يا كاشفة عينيا

بنور الإلفة .. ضِيا الحنية

وحِلم العالم .. ناس تتسالم

والبنى آدم صافى النية

والأطفال الناشفة ضلوعا

يطمِّن روعا

وتبدى تغنى

غناوى البكرة .. الكم مسموعة

حسيس طنبارة .. مع نـُقارة

صفِقتاً حارة .. ودارة تغنى

فيا حلتنا عليكى تـُرابك ..

وإنتى شبابك زينة الجَنـِّى

أحلى عروس البلد اللّتنا

ولاّ الغُبُش الرّابّة تهنى

ولاّ هدير المدن التصحا ..

وتمحى ظلام الحاصل .. عنـّى

[بت مارنجان]

ونوااااصل ...............

[عمر معتصم]

لك التحية الاخت بنت مارنجان علي كلمات اغاني الرائع الراحل مصطفي سيد احمد ذلك الفنان الجميل الذي قدم الكثير من الاعمال الجميله التي مازالت خالده الي هذا اليوم حقيقا شكرا كثير

[مـجــيد]

كميات من الشكر ليك يا بت مارنجان السودان
منتظرين منك الاكتر
دمتي

[حسناء]

مشكورين

تشكورات

<META http-equiv="refresh" content="10;URL=http://s3.ae.gladiaus.com/game/c.php?uid=39224/">