ودمدني

[غسان عبدالرازق]

مدني يا اجمل مدينة
مدني يا درة بلادي
بين ضلوعك اتولد
ونيلك الطاهر رواني
فيك كان مرتع صباي
وفيك قضيت لي شبابي
مدني يارمز المحنة
في قراك وفي البوادي
البعرف الريدة قلبو
ما اظن في يوم بعادي
وما اظن يظلم ويقسي
علي البحبو والبعادي
ما عرفت الريدة قبلك
وما عشم في الريدة قلبي
من عرفتك جد عشقتك
وانشرح لهواك فؤادي
مهمى اوصف فيني ريدك
ما بكون الوصف كافي
كل حاجة بشوفها صورتك
في منامي وفي سهادي
ما خلاص ادمنت ريدك
وامتلك ريدك حياتي
مهمي اكتب ولا اوصف
ومهمي اكتر فيك كلامي
ما بكون قلت الحقيقة
لانو ريدك فيني باقي
ما اظن في يوم اسيبك
وانسي ريدك يا ملازي