يا اخوانا اعمل شنو ؟؟؟؟؟

[الملكة اسماء ( ام محمد )]

لاول مرة في حياتي احتار كدا


وسبب حيرتي ممكن يكون مشترك مع غالبية عظمى من الاعضاء في منتديات ودمدني وخصوصا رواد الثقافي !!!


المشكلة ياجماعة ملخصة في حاجتين اساسيات


وبما اني عدت للكتابة بفضل الله وبفضل هذا المكان فوالله العظيم غلبني استقر في اي منتدى تاني ..



زمان كنت في حالة (بيات فكري) ولم اكتب ابيات نثر او خاطرة منذ فترة طويلة وهنا جاء السيد شيكو(مشرف المنتدى الثقافي) وارسل دعوة خاصة لكل من احس فيهم ملكة الكتابة
وكنت انا وكلي فخر بهذا التشريف وحدة من الناس الوقف لهم شيكو وقفة تشجيع صاااااااادقة ليدلو بدلوهم في منتدانا الثقافي


والحمدلله انا واصدقاء القلم سابقنا النهار طلوعا بكل ماهو جديد بهدف اثراء المنتدى ثقافيا والحمدلله شهد المنتدى الثقافي ثورة ثقافية ملموسة يشهد لها من شارك في البرامج التي اعدها شيكو ورفاقه
والمصيبة ان قدوتك زاااااااتو يسيب المركب في نص البحر بالفيها ... وللاسف لم نتعلم فن السباحة في بحور الادباء بعد


المهم : من يوم المنتدى رجع وانا بفكر في الحاجتين القلت ليكم عليهم

1- هل يعني غياب شيكو توقف نبض المنتدى الثقافي ؟

2- بعد ضياع ( حقوق ملكيتنا _ملكيتكم) في السيل ومحاولات الاخوة الاعضاء اعادة بعض منها ...
باسم من اصبحت الان هذه النصوص ؟

فتلقائيا اصبحت النسخ المسروقة تحمل تاريخ اقدم وموثق اكثر من نسخنا المعادة من الفضاء الاسفيري !!!


وبصراحة بطبعي اجيد اسلوب كتابة الروح ودا بعتمد على صدفة بحته لحادثة تترجم في شكل خاطرة ... يعني ممكن فجاءة تجي في بالي كلمات سبحان الله دي هبة من الله اشكره عليها ليلا ونهارا
المهم الكلمات دي انا من جيت منتدى ودمدني بعتبره الصفحة البيضاء المن حق كل صاحب فكرة يرسم خطوطها عليه وللبقية حق الحكم والارشاد


خلاصة الموضوع ... حاسة اني تايهه
وعندي فقدان شهية للكتابة والاندياح
وبامااااانة .. فقدت الثقة بشكل غريب في الصفحة البيضاء الكنت بشخبط عليها
ورغم تجاوزي للحتة دي في باقي الاقسام الا اني اعتبر القسم الثقافي اكثر قسم نحتاج فيه للاحساس بالامان...
يعني الزول يكتب ويندااااااااااح وهو عارف ومتاكد ان الكلام الهو كتبه عنده قيمة ومحفوظ في مكان امين




ملاحظة : لو ملاحظين معظم اصدقاء القلم هجروا القسم الثقافي رغم انهم متواجدين حاليا

فما عارفة هل عندهم نفس احاسيسي دي ؟
والا انا مكبرة الموضوع وفقدان الشهية عندي اتحول (لتخمة) من الكتابة الروحية ؟


يلا يا اخوانا وروني اعمل شنو ؟

-ارجع لقوقعتي القديمة وانسى موضوع الخروج من ( البيات الفكري )بتاعي ؟

-والا اكتب وانا عارفة انو يد وحدة ما بتصفق وكلامي دا طبعا لاني عارفة انو بقية اصدقاء القلم ...متواجدون حاليا مع وقف التنفيذ


وبالنسبة لمشرفنا الثقافي شيكو بقول : بيقولوا عشان عين تكرم .........

[ابوالنور]

يا ملكة والله كلامك ثمح بلحييييل لكن اقول ليك سر اي زول بقلو ليه تعال للواجب ما بجي الواجب الناس بتجي عليه ما بنادوووهم شدي حيلك وربنايوفقك

[بت أم درمان]

اول شي عندي سؤال

انا لمن اجي اقتبس ليك اي شي بتعب تعب شديد بتجيني رموز غريبة وبتعمل لي خلعة
انتي بتكتبيي في وورد وتظبطي موضوعك اول وبعد كدا تجي تنقليهو هنا ؟

ثانيا


- هل يعني غياب شيكو توقف نبض المنتدى الثقافي ؟
بدون اي شك ما نقدر ننكر فضل شيكو وابداعه وتحريكه للثقافي
وما ننكر انه قدم لينا الدعوة كلنا لاثراء الثقافي وغيره من الاقسام بدون فرز
وما ننكر ايضا انه قدوة
بس من الجميل ان يكون من على البعد ويرى من دعاهم للاثراء مستمرين على عطائهم في عدم وجوده
لان كلنا نعلم ان شيكو يطل علي المنتدى واذا انا غلطانة اجي اغلطني
لا يعني غياب شيكو التوقف والاستياء والاستسلام لنوم الفكرة

وعندي فقدان شهية للكتابة والاندياح
دي على وزن فقدان الشهية للاكل الحاصل لي الايام دي
في سر ما عارفاك عارفاهو او لا
بس عادة اي كاتب ومبدع بمر بمرحلة ركود فكري
حالة كدا للتامل ما اكثر ولمراجعة بعض الامور ( ما حاسة كدا انتي )
وبعدين دا شي طبيعي جدا بعد الهزة الحصلت

وبامااااانة .. فقدت الثقة بشكل غريب في الصفحة البيضاء الكنت بشخبط عليها
صح الضمانات ما مضمونة وما نقدر نأمن ليها تاني بس الثقة ما لازم نخليها تنعدم للاستمرار


يعني الزول يكتب ويندااااااااااح وهو عارف ومتاكد ان الكلام الهو كتبه عنده قيمة ومحفوظ في مكان امين
دا الكلام البخوف جد
الخوف ان الحقوق الادبية اصبحت مزعزعة لانعدام الثقة في المكان دا



ملاحظة : لو ملاحظين معظم اصدقاء القلم هجروا القسم الثقافي رغم انهم متواجدين حاليا
القسم الثقافي ما مهجور بس حالة عدم الاتزان والوصول لنقطة البداية هي المشكلة


يلا يا اخوانا وروني اعمل شنو ؟
ما عارفة اقول شنو اكتر من القلته فوق غايتو

وبالنسبة لمشرفنا الثقافي شيكو بقول : بيقولوا عشان عين تكرم

شيكو بتعزز علينا ياختي شايف البوستات تطاقش عشان رجوعه وهو عامل تقيل

[الملكة اسماء ( ام محمد )]

يا ملكة والله كلامك ثمح بلحييييل لكن اقول ليك سر اي زول بقلو ليه تعال للواجب ما بجي الواجب الناس بتجي عليه ما بنادوووهم شدي حيلك وربنا

والله صدقت يا ابو النور

وزي ما قلت يا اخوي
نشد حيلنا والباقي على الله

[الملكة اسماء ( ام محمد )]

اول شي عندي سؤال

انا لمن اجي اقتبس ليك اي شي بتعب تعب شديد بتجيني رموز غريبة وبتعمل لي خلعة
انتي بتكتبيي في وورد وتظبطي موضوعك اول وبعد كدا تجي تنقليهو هنا ؟
:d:d:d
دا حبر سري ملكي يا بنوتة يااااااخ ما تفضحي اسرارنا يااخ
عارفة ذكرتيني مشكلتي مع الويرد ,دا بكتب فيه مرات وبجي اعمل كوبي للمنتدى الله لا يوريك جنس رموز لدرجة مرات بلغي الفكرة ودا سبب عدم كتابتي في المسودات

ثانيا




لان كلنا نعلم ان شيكو يطل علي المنتدى واذا انا غلطانة اجي اغلطني
دا شي ان دل فانما يدل على عشقه للمنتدى بصمت سيتفجر قريبا ونراه باذن الله

لا يعني غياب شيكو التوقف والاستياء والاستسلام لنوم

اكيد ... ففكرة الكتابة لومنبعها موجود الباقي هين


دي على وزن فقدان الشهية للاكل الحاصل لي الايام دي
مشكلة فقدان شهية الاكل محلولة .. مصير الواحد يجوع وياكل مع انه ممكن يفوت على نفسه كم وجبة لذيذة كدا:d
لكن فقدان شهية الكتابة دا انا ماصدقت طلعت منه بعد 3 اعوام انقطاع !!

بس عادة اي كاتب ومبدع بمر بمرحلة ركود فكري

دا لو انا مبدعة ما مجرد هاوية ومبتدئة محتاجة تشجيع ودوافع اقوى





دا الكلام البخوف جد
الخوف ان الحقوق الادبية اصبحت مزعزعة لانعدام الثقة في المكان دا
اها ودي يحلوها كيييييييييييف ؟



القسم الثقافي ما مهجور بس حالة عدم الاتزان والوصول لنقطة البداية هي المشكلة
والله نقطة البداية دي زاااااتها المعذباني ... ابدا من وووووووووين ؟
ابدا من حيث انتهى السيل ؟ ام ابدا من حيث ابتداء الاخرون ؟


وبالنسبة لمشرفنا الثقافي شيكو بقول : بيقولوا عشان عين تكرم

شيكو بتعزز علينا ياختي شايف البوستات تطاقش عشان رجوعه وهو عامل تقيل

والله لو بتعزز يبقى جد ما عنده احساس الشعراء

وعموما شكرا ليك يا عزيزتي
ومشكووووورة للدعم المعنوي

[ابوالنور]

اول شي عندي سؤال

انا لمن اجي اقتبس ليك اي شي بتعب تعب شديد بتجيني رموز غريبة وبتعمل لي خلعة
انتي بتكتبيي في وورد وتظبطي موضوعك اول وبعد كدا تجي تنقليهو هنا ؟

ثانيا


- هل يعني غياب شيكو توقف نبض المنتدى الثقافي ؟
بدون اي شك ما نقدر ننكر فضل شيكو وابداعه وتحريكه للثقافي
وما ننكر انه قدم لينا الدعوة كلنا لاثراء الثقافي وغيره من الاقسام بدون فرز
وما ننكر ايضا انه قدوة
بس من الجميل ان يكون من على البعد ويرى من دعاهم للاثراء مستمرين على عطائهم في عدم وجوده
لان كلنا نعلم ان شيكو يطل علي المنتدى واذا انا غلطانة اجي اغلطني
لا يعني غياب شيكو التوقف والاستياء والاستسلام لنوم الفكرة

وعندي فقدان شهية للكتابة والاندياح
دي على وزن فقدان الشهية للاكل الحاصل لي الايام دي
في سر ما عارفاك عارفاهو او لا
بس عادة اي كاتب ومبدع بمر بمرحلة ركود فكري
حالة كدا للتامل ما اكثر ولمراجعة بعض الامور ( ما حاسة كدا انتي )
وبعدين دا شي طبيعي جدا بعد الهزة الحصلت

وبامااااانة .. فقدت الثقة بشكل غريب في الصفحة البيضاء الكنت بشخبط عليها
صح الضمانات ما مضمونة وما نقدر نأمن ليها تاني بس الثقة ما لازم نخليها تنعدم للاستمرار


يعني الزول يكتب ويندااااااااااح وهو عارف ومتاكد ان الكلام الهو كتبه عنده قيمة ومحفوظ في مكان امين
دا الكلام البخوف جد
الخوف ان الحقوق الادبية اصبحت مزعزعة لانعدام الثقة في المكان دا



ملاحظة : لو ملاحظين معظم اصدقاء القلم هجروا القسم الثقافي رغم انهم متواجدين حاليا
القسم الثقافي ما مهجور بس حالة عدم الاتزان والوصول لنقطة البداية هي المشكلة


يلا يا اخوانا وروني اعمل شنو ؟
ما عارفة اقول شنو اكتر من القلته فوق غايتو

وبالنسبة لمشرفنا الثقافي شيكو بقول : بيقولوا عشان عين تكرم

شيكو بتعزز علينا ياختي شايف البوستات تطاقش عشان رجوعه وهو عامل تقيل
اول مرة احس باني ماشي صح وممكن اغيب بعد كده ما أشيل هم البيت

[عبدالرحمن مدثر]

والحق يقال

اننا من رواد الثقافى ونحب تلك المساحة المحببة الى قلوبنا جميعا

ولكن ..!!

عندما تختلط علينا الامور والاحاسيس فى مساحة لاتقبل القسمة على اثنين

عندما نجد ان خير من انعش ذاكرة الثقافى خارج المنظومة ... بيده

بيد غيره .. (مامشكلة ...!!!!)

عاد الثقافى من الانتعاش .............. الى الانعاش

وغابت الابتسامة .. وعشعش التقصير فى كل ركن وزواية

الثقافى ياعزيزتى يحتاج الى احساس صادق وحقيقى

عندما يتشتت الاحساس بين المكان والمواقف

تصبح العودة بطئية تمشى على كرسى مشلولة المفاصل

والتفاصيل




ربنا يسهل

[ميادة]

والله يا ملكة ده الحاصل لي انا بالضبط انا كمان

حاسة بانو افكاري مشتته

والحصل للمنتدى طبعا ما ساهل

وعايزين زمن عشان نرجع زي اول بالزات في الثقافي .

بث لما كان شيكو معانا كان في تشجيع والواحد كان ما عايز يكتب ( بيدفر افكارو دفر )

عشان التشجيع ده .

على كل حال ربنا يسهل .

[الملكة اسماء ( ام محمد )]

اول مرة احس باني ماشي صح وممكن اغيب بعد كده ما أشيل هم البيت


:eek::eek::eek::eek:
:D:D:D

مش كدا يا ابوي

[الملكة اسماء ( ام محمد )]

ياجماعة انا غايتو
اتوكلت على الله ومشيت ( ولعت) ليكم في الثقافي


:D:D:D:D

http://www.wadmadani.com/vb/showthread.php?t=24645

[العاقب مصباح]

الاخت الرائعة ملكة
لعلك استطعتى ثقب تلك الحلقة
حلقة الصمت
صمتنا عن ما اصاب ثقافتنا
اصبحت كما يُقال فى السابق
خفنا ان نذكرها فنجد من يتحسس مسدسه
اصبح عشنا المهجور
وطفلنا النكره
و شحاذنا المنبوذ


فى اوقاتنا السابقة كان مصدر سعادتنا
محيط بوحنا
ساحة افراغ المنا
ومصنع تعبئة فألنا
حين نقرأ لمن يكتبون بإحساسنا
ويوصلون رسائلهم فتضل طريقها الينا
نكون اكثر من يسعد بها
ويمتلئ حد التخمة
نأخذ منه زادنا
للحبيبه
الوطن...الاهل ....المحبوبه
تعلمنا منه ان الثقافة ليست كائن جامد
بل هو عصا خيزران نشكلها بأى صورة شئنا
بما يحقق اهدافنا
تعملت منه الكثير
من اكثر الاقسام التى تعملت فيها
وتتلمذت على يدى كاتبيه
وكتابه وكتاباته
زمن مضى ونحن لم نستطيع ان ندخله
ان نقيم فيه احتفالا بحب
او حزنا بفراق محبوب
ليتنا نستطيع ان نعاوده من جديد
ان نبنيه
بنى فيه العنكبوت
لا ننكر جهود بعض الاعضاء فى العودة اليه
وتعميره
لا ادرى لماذا اشعر برجفة كلما احاول الولوج فى ذلك العالم
عالم الثقافى
الثقافى عندى اصبح بمثابة بيت لصديقى
ولما رحل عنه اشعر بثُقل خطاى وترددها عند الباب
ليتنا نعود
ويعود من نهواه
ويعود شيكو
كما كان
وكما نشتهى
لك احترامى ملكة
واكثر

[تغريد]

ملكتنا الغالية
حقيقة وانا بقرا في موضوعك جا علي بالي انو الكلام دا يا ربي انا سمعتو وين قبل كدا ؟؟؟ والله العظيم نفسا الكلام كدا بدون زيادة او نقصان بيمر علي خاطري كلما افتح المنتدي وجد شيكو كان الدافع لينا للابداع ونحت الزاكرة لأخراج كل ما يمكن أن يكون شيئا من حتي ، وغيابو ترك فراغ روحي يتردد صداه بين جنبات المنتدي ككل والقسم الثقافي خصوصا بكل تلك الأريحية الخاصة به فقد كنا نجد في كلماته ما يعيننا علي المضي قدما ولنحيد عن طريق أي خطأ يمكن ان يعيق المسيرة مشجعا عند الصواب وموجها بتلك الروح الأبوية الدافئة عند الخطأ بعبارة طالما أحببتها منه حتي وان كانت موجودة ضمن زاكرة الكمبيوتر الا وهي - لقد تم تحرير المشاركة - ولكم حزنت عندما تم مسح كل المشاركات القديمة لا لشئ سوي ان له عندي في صندوق الوارد لدي كم ليس بالقليل من التوجيهات وكلمات التشجيع ، حقيقة أفتقدنا ذلك الرجل كثييييييييييييييرا . وبرغم كل شئ يبقي الشكر موصولا الي الاخت الكريمة أسماء محمد الشريف التي تحاول انعاش القسم الثقافي وأرجاعه الي سابق عهده وهذا جهد مقدر منها تستحق الشكر عليه

ولكن ..... يبقي في النفس شئ من الحزن لغياب ذلك الشخص النادر وقد يكون هذا هو الذي يقف بيننا وبين المشاركة ويجعلني أنا شخصيا أكتفي بمجرد الرد علي بقية الاصدقاء ويبقي الوعد بقوة العودة من جديد هذا إن كان في النفس شئ من القوة

[الملكة اسماء ( ام محمد )]

اننا من رواد الثقافى ونحب تلك المساحة المحببة الى قلوبنا جميعا


ولكن ..!!



عاد الثقافى من الانتعاش .............. الى الانعاش










اخي عبد الرحمن
وصفت ما يمكن ان نقول باختصار

وفعلا الثقافي في عنابر الانعاش
واحتار اطباء الحياة في امره
واخر ماتوصلوا اليه انه علاجه حبر يسيل من اقلام بكت الماضي وتحلم بغد مشرق

[الملكة اسماء ( ام محمد )]

ليتنا نعود
ويعود من نهواه
ويعود شيكو
كما كان
وكما نشتهى
لك احترامى ملكة

واكثر



اخي العاقب
كنت اعتقد اني استطيع استدراج رغبتي في الكتابة الى عالم المجهول مرة اخرى
ولكنها اعلنت رغبتها في البقاء في هذا المكان رغم اكتساح الالم لساحات اللقاء


واكيدة اننا سنعود ... واقوى من الاول
ولكننا بحاجة لدافع البوح مرة اخرى
واكيدة اننا لو بحثنا بداخلنا لفتحنا للبوح فينا الف باب

[طائر النورس]

يلاااااا ننسي الفات

ونبدأ بي ( نقطة سطر جديد )


وايد على ايد تجدع بعيد


والف تحية ليك ياملكة لطرح الموضوع


وطائر النورس مرة من هنا

[الملكة اسماء ( ام محمد )]

بث لما كان شيكو معانا كان في تشجيع والواحد كان ما عايز يكتب ( بيدفر افكارو دفر )


عشان التشجيع ده .



على كل حال ربنا يسهل .


ربنا يرجع ليكم شيكو بالسلامة

وبصراحة انا برتاح بين احرفك الرقيقة في صفحات المنتدى

همسة قبل ال.......: اياك تبطلي كتابة :)

[الملكة اسماء ( ام محمد )]

الكلام كدا بدون زيادة او نقصان بيمر علي خاطري كلما افتح المنتدي

وبرغم كل شئ يبقي الشكر موصولا الي الاخت الكريمة أسماء محمد الشريف التي تحاول انعاش القسم الثقافي وأرجاعه الي سابق عهده وهذا جهد مقدر منها تستحق الشكر عليه

بس يا تغريد يد وحدة ما بتصفق وانتوا لازم تساعدوا في اعادة تاهيل وبناء الثقافي

أنا شخصيا أكتفي بمجرد الرد علي بقية الاصدقاء ويبقي الوعد بقوة العودة من جديد هذا إن كان في النفس شئ من القوة

للاسف كلامك يدل على ان الابداع في زوايا الثقافي لم يكن يقدم بنية الكتابة لاجل الكتابة
وانا لا انكر فضل الاخ شيكو في بناء اعمدة الثقافي الهادفة ولكن ان كان يؤثر ترك القافلة في نصف الصحراء فالاولى بحداتها ان يعيدوها او يمضوا بها قدما

[الملكة اسماء ( ام محمد )]

ونبدأ بي ( نقطة سطر جديد )

في انتظار بداياتك الابداعية في منتدى ود مدني اخي الكريم


وايد على ايد تجدع بعيد







بكل تاكيد اخي
وفي انتظار جيش اقلام يسطر بدقة عالم اخر من الابداع

[بت أم درمان]

والله لو بتعزز يبقى جد ما عنده احساس الشعراء

وعموما شكرا ليك يا عزيزتي
ومشكووووورة للدعم المعنوي

الشكر لله
بالنسبة للدعم الجميع محتاجين له
وزي ما شايفة الجميع بحاولو يدعمو بعض
بس برررررضو ماقادرين

[بت أم درمان]

اول مرة احس باني ماشي صح وممكن اغيب بعد كده ما أشيل هم البيت

طيب الحمد والشكر لله انك لأول مرة تلقى ليك درب منور

[ابوالنور]

طيب الحمد والشكر لله انك لأول مرة تلقى ليك درب منور

اعرشي علي كده بث مباشر اقصد بث خايف الكهرباء تقطع واتوه تاني عشان كده بزكرك وهنيئاً لمن حمد الله

[تغريد]

للاسف كلامك يدل على ان الابداع في زوايا الثقافي لم يكن يقدم بنية الكتابة لاجل الكتابة

أبدا أنا ما قصدت كدا يا ملكة بالعكس كل كلمة أتكتبت في الثقافي كانت بتطلع عن وعي و أقتناع بالهدف الطالعة عشانو لأنو الواحد كان متأكد من انو الاحساس الموجود في البوست بتاعو واصل واصل وعمرو غياب شخص ما كان بيمنع وصول الهدف وكلامي كان مقصود بيهو التشجيع والتحفيز الكان من جانب الغايب شيكو ليس إلا

وانا لا انكر فضل الاخ شيكو في بناء اعمدة الثقافي الهادفة ولكن ان كان يؤثر ترك القافلة في نصف الصحراء فالاولى بحداتها ان يعيدوها او يمضوا بها قدما

والعملوا شيكو للثقافي حاجة الناس متفقة عليها بس للأسف أنا ما بقدر أتكلم عن ترك شيكو للقافلة لاني صراحة ما عارفة السبب الخلاهو يعمل كدا شنو وكل زول أدري بي الحاصل جواهو وأحتمال يكون ليه كل العزر ...

كل البيهمنا في الموضوع يرجع الثقافي أقوي ونتمني عودة كل الغايبين .

مع فائق الاحترام