المساعد الشخصي الرقمي

مشاهدة النسخة كاملة : الشغاله الحلوه


عباس الدسيس
14-06-2009, 09:44 PM
الله لا يحوجك لي شغالة دي بتلخبط حياتك تكون عبء عليك اذ كان عايزا لزوم القشرات معليش الظاهره دي انتشرت في السودان استقدام الشغالات هي ظاهره خطيرة من ناحية تغيير هوية الطفل الي اشكالات اخري كثيره كمان تعال شوف كمية الغباء لدي الشغالات يعني هي شغالة بتكون خريجه.... كل ما تعمل خدمة انت تفتكرا جليلة تلقاها مصيبة بدرجة غباء قالوا في شغالة كانت بتعمل في بيت عيبا الوحيد ما بدق الباب قبل الدخول نبهتها صاحبت البيت تدق الباب قبل الدخول.... قالت الشغالة ما تخافي ياسيده انا بعاين بي خرم الباب قبل ادخل.
أنا ما من انصار الشغالات عندي تعامل دبلوماسي مع ناس البيت كان طلبوا مني شغالة طبعا في حالة الرفض ممكن تحصل مشكلة.... المهم بي علاقات بعرف واحد بتاع مكتب قلت ليهوا عايز لي شغالة لقطة حاجة ما توصف بعد كم يوم الراجل قال لي مرنا بالمساء مشيت فعلا لقيت عندوا شغالة اثيوبيه (( حبشية)) ما تقول لي مهما وصفت ما بديها حقها: اتكيت اخر درجة.. نظيفة بصورة رائعة حلوه بصورة غريبة دمها خفيف وصلنا البيت طلعت بت جدعه شغل مرتب لغة انجليزية .. بعد انتهاء عملها بالليل تدق باب غرفة النوم تقول عايزة تنوم محتاجين حاجة.... زوق عالي كمان لو جينا للبس... الله.... بناطلين جنز اشكال والوان عشان تكون عمليه بلوزات اخر موضه.
اشتغلت معانا اسبوع بعد اسبوع جيت البيت لقيتا مافي سألت ناس البيت وين الشغالة قالوا لي الشغاله خلاص (( ببح)) مافي تاني : ليه الحاصل شنو ما اكون عملت مشكلة ولا حاجة غلط قالوا لي لا مشكله لا غيروا انت جايب لينا عارضة ازياء تقول شغالة يومها كلوا جايه رايحه فينا تتلولو خلاص رجعناها المكتب... قلت ليهم احرجتوني مع الراجل صاحب المكتب..... ده كلام شنو.. طيب مافي تاني شغالة فاهمين.
استمرينا كم شهر تاني جاتنا نغمت الشغالة المره دي الجماعه هم قالوا بمشوا المكتب اختاروها.... بعد نقاش كمان معاهوا مشاكل في النهاية كانت الغلبة لهم.. نسقت مع صاحب المكتب في اليوم الموعود مشينا المكتب انا طبعا متفرج وجدنا اربعة شغالات تم اختيار واحده شينه زي ما بقولوا تقطع الخميره من البيت قصيره شديد اندونيسيه تقول جايه من افريقيا لونا اسود غاتم شالت شنطتا مشينا البيت... بعد الصفات دي كلها تملك درجة غباء مشكلة في التخاطب كان عايز تقول ليها جيبي مويه احسن تجيبا انت من المجهود الذهني والبدني في الوصف بعد نص ساعة حتي تفهم ليك الكلام.... بعد اسبوعين من العناء المتواصل مع الشغالة كان في ضيوف جايني في البيت فهمتها تنظف المجلس بصوره جميلة طلعت من البيت رجعت قريب ميعاد الضيوف دخلت جوه البيت.... لو ما فتحت الباب بي مفتاحي كان اقول انا خاشي مستشفي من ريحة الديتول والكلوركس ....الوقت ضيق حاولنا نعالج الريحه بي معطر جو المدام جابت بخور المشكله طلعت خلطت ريحه كده غريبه فعلا كانت لحظات محرجه.... بعد الضيوف ما مشوا كنت بتكلم مع المدام قلت ليها دي حاله فعلا هي استاءت قالت لي ماشفت اغبي من الشغالة دي قلت ليها والله بعد ده كان نجيب لينا راجل ما تقعد معانا جربنا السمحات والشينات مانفع خلاص ترجع المكتب .... قلت ليها كمان قالوا الرجال البشتغلوا في البيوت في وظيفة عامل منزل اغبي رجال... من الحاجات الطريفة البتتقال عنهم...
اثنين اي واحد اقول للثاني الشغال معاي اغبي انسان في العالم اتفقوا اشوفوا درجة الغباء عندهم
الاول قال لي الهندي شغال معاهوا: خذ الريال ده وامشي تايوتا جيب لينا سيارة اخر موديل جديدة
الهندي أخذ الريال مشي وقال: زين بابا.( طبعاً مع هزة راس)

الثاني نادى الهندي وقاله: روح البيت شوف أنا موجود هناك؟
الهندي هزّ راسه وقال زين بابا.
المهم تقابل الهنديان في الخارج ودار الحوار التالي
الهندي الأول: هذا بابا فكر أنا مافي مخ.
الهندي الثاني: ليه؟
الهندي الأول: هو يقول امشي تايوتا أشتري لينا سيارة اخر موديل جديدة بواحد ريال، بس هو ما يعرف وكالة مافي شغل اليوم جمعة.
الهندي الثاني: والله بابا حمار أنا.
الهندي الأول: سوي ايه؟
الهندي الثاني: يقول روح بيت شوف أنا موجود هناك، ليه هو مايسوي تليفون يسأل ماما.
يا جماعة الخير والله كان ربينا اولادنا برانا والنسوان ديل شافن شغل بيوتم احسن لينا من الفشخره الساكت دي وشيل البطاريه في القمرا..........
الجندي المجهول
14-06-2009, 10:01 PM
الله لا يحوجك لي شغالة دي بتلخبط حياتك تكون عبء عليك اذ كان عايزا لزوم القشرات معليش الظاهره دي انتشرت في السودان استقدام الشغالات هي ظاهره خطيرة من ناحية تغيير هوية الطفل الي اشكالات اخري كثيره كمان تعال شوف كمية الغباء لدي الشغالات يعني هي شغالة بتكون خريجه.... كل ما تعمل خدمة انت تفتكرا جليلة تلقاها مصيبة بدرجة غباء قالوا في شغالة كانت بتعمل في بيت عيبا الوحيد ما بدق الباب قبل الدخول نبهتها صاحبت البيت تدق الباب قبل الدخول.... قالت الشغالة ما تخافي ياسيده انا بعاين بي خرم الباب قبل ادخل.
أنا ما من انصار الشغالات عندي تعامل دبلوماسي مع ناس البيت كان طلبوا مني شغالة طبعا في حالة الرفض ممكن تحصل مشكلة.... المهم بي علاقات بعرف واحد بتاع مكتب قلت ليهوا عايز لي شغالة لقطة حاجة ما توصف بعد كم يوم الراجل قال لي مرنا بالمساء مشيت فعلا لقيت عندوا شغالة اثيوبيه (( حبشية)) ما تقول لي مهما وصفت ما بديها حقها: اتكيت اخر درجة.. نظيفة بصورة رائعة حلوه بصورة غريبة دمها خفيف وصلنا البيت طلعت بت جدعه شغل مرتب لغة انجليزية .. بعد انتهاء عملها بالليل تدق باب غرفة النوم تقول عايزة تنوم محتاجين حاجة.... زوق عالي كمان لو جينا للبس... الله.... بناطلين جنز اشكال والوان عشان تكون عمليه بلوزات اخر موضه.
اشتغلت معانا اسبوع بعد اسبوع جيت البيت لقيتا مافي سألت ناس البيت وين الشغالة قالوا لي الشغاله خلاص (( ببح)) مافي تاني : ليه الحاصل شنو ما اكون عملت مشكلة ولا حاجة غلط قالوا لي لا مشكله لا غيروا انت جايب لينا عارضة ازياء تقول شغالة يومها كلوا جايه رايحه فينا تتلولو خلاص رجعناها المكتب... قلت ليهم احرجتوني مع الراجل صاحب المكتب..... ده كلام شنو.. طيب مافي تاني شغالة فاهمين.
استمرينا كم شهر تاني جاتنا نغمت الشغالة المره دي الجماعه هم قالوا بمشوا المكتب اختاروها.... بعد نقاش كمان معاهوا مشاكل في النهاية كانت الغلبة لهم.. نسقت مع صاحب المكتب في اليوم الموعود مشينا المكتب انا طبعا متفرج وجدنا اربعة شغالات تم اختيار واحده شينه زي ما بقولوا تقطع الخميره من البيت قصيره شديد اندونيسيه تقول جايه من افريقيا لونا اسود غاتم شالت شنطتا مشينا البيت... بعد الصفات دي كلها تملك درجة غباء مشكلة في التخاطب كان عايز تقول ليها جيبي مويه احسن تجيبا انت من المجهود الذهني والبدني في الوصف بعد نص ساعة حتي تفهم ليك الكلام.... بعد اسبوعين من العناء المتواصل مع الشغالة كان في ضيوف جايني في البيت فهمتها تنظف المجلس بصوره جميلة طلعت من البيت رجعت قريب ميعاد الضيوف دخلت جوه البيت.... لو ما فتحت الباب بي مفتاحي كان اقول انا خاشي مستشفي من ريحة الديتول والكلوركس ....الوقت ضيق حاولنا نعالج الريحه بي معطر جو المدام جابت بخور المشكله طلعت خلطت ريحه كده غريبه فعلا كانت لحظات محرجه.... بعد الضيوف ما مشوا كنت بتكلم مع المدام قلت ليها دي حاله فعلا هي استاءت قالت لي ماشفت اغبي من الشغالة دي قلت ليها والله بعد ده كان نجيب لينا راجل ما تقعد معانا جربنا السمحات والشينات مانفع خلاص ترجع المكتب .... قلت ليها كمان قالوا الرجال البشتغلوا في البيوت في وظيفة عامل منزل اغبي رجال... من الحاجات الطريفة البتتقال عنهم...
اثنين اي واحد اقول للثاني الشغال معاي اغبي انسان في العالم اتفقوا اشوفوا درجة الغباء عندهم
الاول قال لي الهندي شغال معاهوا: خذ الريال ده وامشي تايوتا جيب لينا سيارة اخر موديل جديدة
الهندي أخذ الريال مشي وقال: زين بابا.( طبعاً مع هزة راس)

الثاني نادى الهندي وقاله: روح البيت شوف أنا موجود هناك؟
الهندي هزّ راسه وقال زين بابا.
المهم تقابل الهنديان في الخارج ودار الحوار التالي
الهندي الأول: هذا بابا فكر أنا مافي مخ.
الهندي الثاني: ليه؟
الهندي الأول: هو يقول امشي تايوتا أشتري لينا سيارة اخر موديل جديدة بواحد ريال، بس هو ما يعرف وكالة مافي شغل اليوم جمعة.
الهندي الثاني: والله بابا حمار أنا.
الهندي الأول: سوي ايه؟
الهندي الثاني: يقول روح بيت شوف أنا موجود هناك، ليه هو مايسوي تليفون يسأل ماما.
يا جماعة الخير والله كان ربينا اولادنا برانا والنسوان ديل شافن شغل بيوتم احسن لينا من الفشخره الساكت دي وشيل البطاريه في القمرا..........

طبعا جميل ومبالغة ومشاركة رقم (1) ولكنها بيد زول خبير وكتاب شديد وشكلنا كسبنا قلم رائع ،،،،،،،،،،،

------------تخريمة
يا ربي انت عباس ركس (الكان ساكن الدرجة ايام كان بيدرس في الثانوي العالي ) مع ناس الشريف سليمان بجوار مسجد البخاري ولا انا ( ملخبط ) ،،
عباس الدسيس
14-06-2009, 10:12 PM
الجندي المجهول سلامات وتحيه قلبيه اولا شكرا علي المرور ثانيا عباس البتقصدوا انت الساكن مع عمنا الشريف في الدرجه الله ارحموا الشريف ما عباس ده ود عمي.... اما انا عباس سيد الاسم من الدباغه حسي اركويت شوف الفرق بين ديل والدرجه لاكن الدرجه كانت زمان مش زمن الاتقاذ ....دفعت ناس حاتم فتحي هنا في المنتدي بس اصغر من حاتم فتحي.
سوف نتواصل معكم نرجو ان نكون خفيفين عليكم.
محمد عبد الله عبدالقادر
14-06-2009, 10:12 PM
الاخ عباس - سلامات
والله فعلا ده واقع الحال مع الشغالات كده ووب وكده ووبين
بس بتاعت الرجال دي مبالغه

------ تخريمة بعد التخريمة الفاتت انت عباس الدسيس اخو زميلي وصديقي الله يطراهو بالخير عصمت الدسيس والذي لم اراه منذ اكثر من 17 سنه
عباس الدسيس
14-06-2009, 10:17 PM
محمد عبدالله سلامات وشكرا علي المرور .... عصمت الله ادي العافيه طبعا في استراليا حسي شغال في الامم المتحده بعد المشاكل السياسيه في السودان هاجر... وانشاءالله اوصل ليهوا سلامك وبالنيابه عن الاخ العزيز عصمت تقبل تحياتي واشواقي وانا وعصمت واحد الله اديك الصحه
أبوريلان
14-06-2009, 10:20 PM
يا جماعة الخير والله كان ربينا اولادنا برانا والنسوان ديل شافن شغل بيوتم احسن لينا من الفشخره الساكت دي وشيل البطاريه في القمرا..........



العزيز عباس الدسيس
حارسنا وفارسنا
أولاً : مرحب بيك كتييييييييير في دارك وحمداً علي السلامة أنك عرفت طريق ناس مدني .

ثانياً : الجملة الأخيرة دي من قصتك الجميلة شديد وفعلاً موضوعك في غاية الأهمية بالنسبة لينا نحن السودانيين ومحاكاة ناس الخليج في الشغالة وزي ما قلت فشخرة نسوان ساكت ، لكن أنا زمان قلت ليك شنو ؟ من يوم لقيتك بتفتش في الشقة ، الظاهر عليك طاوعته كتيييير وكدايس السعودية الكتااااااااار ومدغلبات ديل ما لقيتك ليك واحدة فيهم تضبحه .
عباس الدسيس
14-06-2009, 10:33 PM
حبيبنا ياسر ود الاستاذ اخبارك والاولاد كلهم تمام والله ياسر لو ما المشغوليات كان جيناك بس طولنا عندنا ظروف صحيه المهم خليها لي قدام يا الحبيب..... والله ياسر كدايس السعوديه دي تخوف كل ما نحاول نمسك واحده تكشر لينا بي سنونا تخلينا نجفل لي وراء كنا عايزين زي بتاعات السودان المضبلنات ديلك بسرعه تمسكا وتضبحا شفتا اتمقلبنا كيف... بعدين انا عندي قصه مع كدايس السعوديه بنزلا ليك عشان تشوف الخطوره بتاعت كدايس السعوديه كيف.
اكرر شكري وتقديري للمرور يا حبيبنا ذكرتنا الزمن الجميل بتاع الدباغه والقلعه ويوسف محمد الامين قبل الانقاذ والتعديل مع فائق تقديري
صابرحسين
14-06-2009, 11:05 PM
ألف مرحب بك أخونا عباس الدسيس وفعلاً ظاهرة جديرة بالتحدث عنها والتنبيه من خطورتها وإذا إضطرتك الظروف أو الحوجة لولادة أو مرض لا بأس وخلي الإختيار على المدام ...........

تخريمة : عندما شاهدت إسم الدسيس تذكرت الصديق طارق الدسيس الشريف ، أتمنى أن أسمع عنه كل خير .

مع عاطر تحياتي
عباس الدسيس
14-06-2009, 11:12 PM
هلا صابر حسين تحياتي وشكرا علي المرور الاخ طارق بخير حاليا بجدة يعمل بشركة سيارات مدير للمنطقه الغربيه وهو بصحه جيده تقبل التحايا نيابه عنه مع فائق التقديري
حاتم مرزوق
14-06-2009, 11:12 PM
عباس الدسيس

وينك يا حبيبنا والله مشتاقين

خلينا نرحب بيك في منتدانا العامر ونجيب ناس الكيته ادوك فاصل.


شغالات شنو يا عبدالله ... جني وجنهم ... خليك معاي


تعمل الآتي:-

تمشي السوق تشتري لكل وآحد طشت و مكنسة و تجيب تربيزة مكوة من النوع الجامد

وتبدأ بي نفسك تخت الطشت في نص الشقة طبعا ما في (بنابر) وتديها قعدة وتعمل الوش الأول كلهم بيفهمو النظام العالمي الجديد :d:(:(


مرحب بك في عقر دارك حبيبنا عباس
عباس الدسيس
14-06-2009, 11:31 PM
حاتم متشركين علي المرور يا حبيبنا ومتشكرين شديد علي الكيته وبابلي الفلاتي وتربيع سلام ... يا الله بابلي ده اكون لسع مع الكيته في فريق فلاته ... نجيب الحاجات القلتها دي ونبدأ شغل يعني فكرة نودي الهدوم الغساله برضوا نلغيها ... يا حاتم ده علينا احنا عايز ترجرج وتكسر ايدينا كدي جرب انت اول احنا بنجرب بعدك... انا قلته لحدي حسي حاتم ده بكون خلا مقالبوا الزمان ديك هههههههه
بت الشبارقه
15-06-2009, 12:49 AM
والله

الرسول وصي انو اي امراة لازم يكون عندها جاريه تخدما
والبناخدو دا ولا حاجه من المفروض
يعني
الواحد لما يتزوج اول حاجه يعملا
يجيب لي زوجتو خادمه تعينا علي البيت
دا لو مستطيع طبعا
اما لو مامستطيع
المفروض براحه يتنازل عن دور سي السيد بتاع المصريين داك ويشمر كده ويوزع الشغل بينهم والله
عباس الدسيس
15-06-2009, 01:25 AM
والله يا بت الشبارقه ما اعتقد الرسول وصي انو اي امرأة لازم اكون عندها شغاله.... بعدين شغل المكتب برضوا اتوزع ولا الراجل اشيل شغل المكتب وجي البيت ادك الكتشينه ووزعا تاني مع المدام... وجهة نظر ... متشكرين يا استاذه علي المرور واسعدتنا طلتكم الحلوه
محمد الجزولى
15-06-2009, 08:58 AM
[size="4"]

تعمل الآتي:-

تمشي السوق تشتري لكل وآحد طشت و مكنسة و تجيب تربيزة مكوة من النوع الجامد

وتبدأ بي نفسك تخت الطشت في نص الشقة طبعا ما في (بنابر) وتديها قعدة وتعمل الوش الأول كلهم بيفهمو النظام العالمي الجديد :d:(:(


/size]
ههههههه
والله اجمل تعليق اخى حاتم
سوف اجعله شعارا لى ولو حصل اى حاجه بنرمى ليك الكوره فى ملعبك

تعرف يا عباس يا اخوى الحكايه فعلا فشخره وبعزيك فلوس
هى عليك الله الشقه كلها غرفتين وصاله وكان كترت 3 غرف وصاله والغساله اتوماتيك
والمفراكه مفراكة كهرباء
تانى شغالة شنو عليك الله
ابوالنور
15-06-2009, 09:41 AM
ها زول ها ماشاءالله عليك عيني باردة يا ود الدسيس حبابك عشرة بلا كشرة
moh_alnour
15-06-2009, 04:22 PM
الأخ : عباس الدسيس
تشرفنا بأنضمامك لنا و نتمنى أن تطيب لك الإقامة بيننا لتفيد و تستفيد
كما نتمنى أن نراك حضور دائم لكي تُعطر لنا المنتدى بطيب منظفاتك ;)
أنا غايتو موضوع الشغالة دا شعر ما عندي ليهو رقبة و شهر ما عندي فيهو نفقة عشان كدا ما بعد أيامو
لكن في أعتقادي أن الموضوع أصبح بوبار في بيت الإيجار
و في السودان أصبح أمر الشغالة نوع من الفشخرة و البريستيج المكمل لمتطلبات الحياة الشوفونية
لك الود و نتطلع إلى أن نرى منك الكثير عبر صفحات هذا الملتقى الطيب
همسة : أنا أبن خالة ( هادي جميل في حي ناصر ) و خريج جامعة الجزيرة كلية الأقتصاد الدفعة 17
فقد ذكرت أنك من أركويت و عطفا ً على الأسم فربما يكون تخميني في محلُه :)
بت الشبارقه
15-06-2009, 06:10 PM
الاخ الفاضل عباس الدسيس
انت قريب الاخ عصمت الدسيس الركاني المخضرم
والا انا داخله شمال ؟
عباس الدسيس
15-06-2009, 08:32 PM
محمد الجزولي حاتم فتحي ده دفعه انا عارفوا كويس ما تابع كلاموا والله كورتك كان بعدين تلعب بيها دافوري براك متشكرين علي المرور.... ابو النور يا الحبيب اسعدتنا طلتك الجميله ...... تخمينك في محلو يا مشرفنا ونسيبنا كيف احوالك واحوال اخو هادي ... همام وناس جدة بعدين الدم ظاهر من صورتك ... سعيد بمعرفتك والحمد لله الواحد خشي منتدي مدني عشان القي ناس حلوين زيكم وأهل ونتمني ان تتاطر الصداقات ولك مني فائق حبي ......... بت الشبارقه انتي داخله يمين عصمت اخوي الله ادي العافيه كان انتي من الشبارقه ناس الشبارقه اهلنا ونسابتنا وكان عجبك الاسم بتاع الشبارقه ده شرف لينا نيابة عن ناس الشبارقه وسلامي لي طه جميل.
اشكر الجميع علي المرور واضافة لوحه جميله بالاطلاع علي البوست مع خالص تقديري
درديري كباشي
10-08-2009, 12:12 AM
مثلما يقال الشئ بالشئ يذكر وبمناسبة موضوع الجزولي عن التفاخر بالشغالات نعيد رائعة عباس الى السطح لما فيها من واقعية تدعم خيال ود الجزولي في قصته الفشخرة
عباس الدسيس
30-09-2009, 05:02 AM
ابو الدر شكرا علي المرور كمان شكرا علي السطح بس ما ترمينا من فوق
فراس
30-09-2009, 05:34 AM
الغالي ودالدسيس
الحمد لله الواحد عرف ليه طريقة جديدة
نتعامل بيها اول مايصلو الجماعة من السودان
وافتحو موضوع الشغالة اجيبا شغالة شديدة
شدة الحرامي والله ليك علي اجيبا ملكة جمال اثيوبيا
ولا الفلبين النشوف الحريم ديل اخرتهم شنو
تسلم يارائع
همسة
ودالشريف انت كنت موظف في البنك الزراعي
في السابق
عباس الدسيس
30-09-2009, 05:54 AM
حبيبنا رفاس شكرا علي المرور اما عن البنك الزراعي تخمينك في محلوا انت جيت شلتا مننا سلقية ولا شنو هههههههههههه
أشرف صلاح السعيد
30-09-2009, 08:26 AM
حبيبنا الدسيس سلام..
يااخى تعرف الواحد يتحير يرد على اسلوبك القصصى ولا الفكرة المطروحة ولا شنو..
تعرف كما عرفت من ردود الاخوة انها كانت اول مشاركة "اكيد انك بتكتب من زمان" بس كمدخل للمنتدى الدخلة كانت من العيار الثقيل باسلوبك السهل الممتنع الجميل والشيق..
بس بالله المكتب دا وين اجيب الحبشية ماالتانية الشينة عشان ام العيال تانى ماتفتح الموضوع دا تانى..
وبمناسبة الشغالين ماسمعت بالشغال القال" والله هذا نفر مافى قلب مرة..هو صغير مافى ماما حليب فى نيدو حليب "..وقس على ذلك الشغالة وتربية الاطفال ومايترتب على ذلك..
غايتو انا اخير منك بجيب الشغالة ايام ام العيال "ووبس المدام"والدة وحامل عشان كدا منظم الخلفة "شفتا الجلدنة دى؟"..
كن بكل خير وماتنسى ترسل ليا عنوان المكتب..
عباس الدسيس
30-09-2009, 11:06 PM
سلامات ابو الشوش اخبارك ..... الف شكرا علي المرور في اول كتاباتنا بالمنتدي وليس بمطلق اول كتابة لنا كما ذكرت ........ يا خوي المكتب عايز بيهوا شنو كان ملح بنديك العنوان بس هنالك طرق اخري لعدم فتح خشم الجماعه ممكن ندخلك كورس حكاية الحليب دي مبااااااااااااااالغه هههههههههه. ولكم شكري
مصطفى هاتريك
01-10-2009, 12:52 AM
تناول ممتع بلا شك
الفكرة طرح القضية بأسلوب ساهل وسلس
تقبل تحياتي يا الشريف]
عباس الدسيس
02-10-2009, 09:48 PM
حبيبنا مصطفي الف شكر علي المرور مع خالص تقديري
ام نوران
03-10-2009, 11:32 AM
والله يا بت الشبارقه ما اعتقد الرسول وصي انو اي امرأة لازم اكون عندها شغاله.... بعدين شغل المكتب برضوا اتوزع ولا الراجل اشيل شغل المكتب وجي البيت ادك الكتشينه ووزعا تاني مع المدام... وجهة نظر ... متشكرين يا استاذه علي المرور واسعدتنا طلتكم الحلوه
اخوي عباس سلام

والله لكن حيتني ,,,,انت وقت ده رايك طيب كايس الشغالات مالك!!!!!!والله لكن كان كده نحن مسكينات مسكنه,,,,لانو نحن بنطالب بيها في الاوقات الحرجه بس,,,,زي ناس اخونا اشرف ,,,,,لكن حرشتني والله قصتك دي

تحياتي
ابوخالد
03-10-2009, 06:33 PM
ود الدسيس ...

إفتقدناك فى اللمة الأخيرة ...

وإفتقدنا قفشاتك الطازجة ... لكن الجاى أكيد أحلى بتواجدكم ....

هى لكن ا أخوى ... لو جبنا شغالة المدام تخلى كل شئ

وتحاحى فيها محل ما ماشا ... يعنى كده كده المدام تعبابه ...

إخير نوفر عليها المجهود الزهنى ... ونخليها مع المجهود البدنى ...

أريح لها وأريح لجيوبنا ....

وما حك جلدك مثل ظفرك ....

ولك الروعة ...

وكلام أخونا ياسر ما تطنشوا ...


****************
ود الدسيس ... وكديستو ... مروا من هنا ...
عباس الدسيس
03-10-2009, 08:35 PM
ام نوران لك التحية يا صاحبة الطلة البهيه مع اكيد تقديري واحترامي

ابو خالد سلامات اخبارك كلام ياسر علي العين والراس واللمه الجايه اول واحد مع اكيد تقديري واحترامي