كلام عجيب

[صلاح ودالطاهر]

في الاجازه السابقة حصل لي موقف طريف وفيه عظه انو الواحد يلملم قصبو ويرجع البلد في احد أيام الاجازه وإنا في مدني تحركت انا وشقي الأكبر من مايو إلي السوق وشقي الأكبر ده محبوب لده الجميع واصلو هو صاحب ركشه وملقب بعوض صرخة ومن مايو لمن وصلني السوق الشباب البيقابلو يشيل ويكورك ليهو ياصرخه وهو يرد ياحبيب صرخه حتي ولدو الأولاد في الحي يكوروكو ليهو ياصرخه وهو مثل أبوه يرد عليهم ياحبيب صرخه المهم في الموضوع قال لي شنو رائك نمشي نشرب شاي مكرب من جنب نادي الاتحاد بيني وبينكم انا كنت في حوجه لهذا الشاي آها نسيت اصف ليكم كنت لابس كيف واصلو أخوكم عامل مغترب وفي إذني اسع أصداء الغنية البت قول يامغترب سنتين ويا ضابط بدبرتين المهم لابس ليك ديك يالجلابيه البيضه مكويه والشال في الكتف الشمال وديك يالساعه وعامل نفسي شايل ليك داك الجوال الماخمج وواهم نفسي بالاغتراب اها يأهل الخير جلسنا في الكراسي ياحليل زمان البنابر مكان ستات الشاي فاختر أخي واحده وطلب منا شاي صاموتي وانا طلبت كركدي عشان قالو بينزل الضغط طبعا اخي كان جالس يلبس كما البس جلابيه وطاقيه ونتجاذب إطراف الحديث بس فجاء ست الشاي قالت ليهو هووووووووووي انت مغترب وين وحساب عندك ولاعند الفرده داك المهم بلعتها في صمت خشمي وقالت ليه أخوك ده قاصداني انا شغال هنا في مدني ولا الحصاحيصا عشان كنا بنتكلم عن الحصاحيصا ودي صفعه ثانيه المهم اخي عشان يدارك الموقف شافني حبكته وهو كاتم الضاحكة قال ليها انا ما مغترب بس انا عندي ركشه لكن اخوي دع مغترب في السعودية ولكن بداءت افتش في نفسي ياربي ست الشاي دي شافت فينو شنو اها وانا بقعار عيني شفتها مصت الملح وحركة قدومه يمنةً ويسره وجاءت الطامة الكبري عندما رنه جوالي وفي نفس اللحظة رنه جوالها تقول توارد خواطر وبطرف عيني كحلت جوالها كنت بفتش في طريقه ما تشوف جوال لانو جواله اسكتو سااااااااااااااي ذي مابيقولو ناس مدني شده وغسيل عده شديد شدة الحمار القرش القله ولكن محاولاتي باءت بالفشل زولتنا لمحت جوالي وقالت اها يامغترب جوالك ما التمساح عاد ماكشفه وعينته لاخوي لقيتو ميت من الضحك وعرفت انو الجوالات في السودان ليها مسميات علي حسب الوجاه وادناه تلاتين حشره اقصد 3310 طبعا جوال اخوكم طلع من زمن الانجليز انجليز شنو ده من سنة حفروا البحر المهم زولتكم قالت لينا بسرعة يافرد اصلو الجلسة دي انا ساوها لبتاعين الاتوس والركشات ما ......... عرفتها قاصده شنو قالت اها يافرده كدي سوليك اتوس عشان يكون عندك جوال صاح اها ياخواني دحين ست الشاي دي ماوصلت للمغتربين رسالة اها فوتكم بعافية سلملم

[عباس الدسيس]

ود الطاهر يا مبدع كان كده كلنا النسوي لينا اوتس

[طلال الصول]

والله يا استاذ صلاح دا امتحان عديل ما رسالة بس
تعرف معاها حق شديد وانت اتذكر تاني مرة ما تدقس

[صلاح ودالطاهر]

ود الطاهر يا مبدع كان كده كلنا النسوي لينا اوتس



حباب عباس الراجل الكلس المهروش

[صلاح ودالطاهر]

والله يا استاذ صلاح دا امتحان عديل ما رسالة بس
تعرف معاها حق شديد وانت اتذكر تاني مرة ما تدقس


اخي طلال الف حمداً علي السلامة السلامه وين اراضيك لينا زمن نفتش ليك

[طلال الصول]

اخي طلال الف حمداً علي السلامة السلامه وين اراضيك لينا زمن نفتش ليك

والله يا ود الطاهر انتو واحشني اكتر لكن انت عارف البلد دي وقرفا لكن خلاص رجعنا ليكم شايلين اشواقنا قدامنا

[بت أم درمان]

اقول ليك شي يا استاذ صلاح
ناس السودان عايشين بس مظاهر سااااااي
يعني ما مخلين شي في نفسهم الا بسوهو
والمغتربين يلمو القروش لمصاريف الاجازة

وربنا اكون في العون

[كندشة]

ههههههههههههههه ست شاي و و شيالة حال
بالغت معاك والله

او احتمال صرخة متفق معاها عشان يدوك كاميرا خفية و كده

[محمد عباس]

اها يا ود الطاهر سوت ليك اتوس ولا لسع

[isamzaki1978]

في الاجازه السابقة حصل لي موقف طريف وفيه عظه انو الواحد يلملم قصبو ويرجع البلد في احد أيام الاجازه وإنا في مدني تحركت انا وشقي الأكبر من مايو إلي السوق وشقي الأكبر ده محبوب لده الجميع واصلو هو صاحب ركشه وملقب بعوض صرخة ومن مايو لمن وصلني السوق الشباب البيقابلو يشيل ويكورك ليهو ياصرخه وهو يرد ياحبيب صرخه حتي ولدو الأولاد في الحي يكوروكو ليهو ياصرخه وهو مثل أبوه يرد عليهم ياحبيب صرخه المهم في الموضوع قال لي شنو رائك نمشي نشرب شاي مكرب من جنب نادي الاتحاد بيني وبينكم انا كنت في حوجه لهذا الشاي آها نسيت اصف ليكم كنت لابس كيف واصلو أخوكم عامل مغترب وفي إذني اسع أصداء الغنية البت قول يامغترب سنتين ويا ضابط بدبرتين المهم لابس ليك ديك يالجلابيه البيضه مكويه والشال في الكتف الشمال وديك يالساعه وعامل نفسي شايل ليك داك الجوال الماخمج وواهم نفسي بالاغتراب اها يأهل الخير جلسنا في الكراسي ياحليل زمان البنابر مكان ستات الشاي فاختر أخي واحده وطلب منا شاي صاموتي وانا طلبت كركدي عشان قالو بينزل الضغط طبعا اخي كان جالس يلبس كما البس جلابيه وطاقيه ونتجاذب إطراف الحديث بس فجاء ست الشاي قالت ليهو هووووووووووي انت مغترب وين وحساب عندك ولاعند الفرده داك المهم بلعتها في صمت خشمي وقالت ليه أخوك ده قاصداني انا شغال هنا في مدني ولا الحصاحيصا عشان كنا بنتكلم عن الحصاحيصا ودي صفعه ثانيه المهم اخي عشان يدارك الموقف شافني حبكته وهو كاتم الضاحكة قال ليها انا ما مغترب بس انا عندي ركشه لكن اخوي دع مغترب في السعودية ولكن بداءت افتش في نفسي ياربي ست الشاي دي شافت فينو شنو اها وانا بقعار عيني شفتها مصت الملح وحركة قدومه يمنةً ويسره وجاءت الطامة الكبري عندما رنه جوالي وفي نفس اللحظة رنه جوالها تقول توارد خواطر وبطرف عيني كحلت جوالها كنت بفتش في طريقه ما تشوف جوال لانو جواله اسكتو سااااااااااااااي ذي مابيقولو ناس مدني شده وغسيل عده شديد شدة الحمار القرش القله ولكن محاولاتي باءت بالفشل زولتنا لمحت جوالي وقالت اها يامغترب جوالك ما التمساح عاد ماكشفه وعينته لاخوي لقيتو ميت من الضحك وعرفت انو الجوالات في السودان ليها مسميات علي حسب الوجاه وادناه تلاتين حشره اقصد 3310 طبعا جوال اخوكم طلع من زمن الانجليز انجليز شنو ده من سنة حفروا البحر المهم زولتكم قالت لينا بسرعة يافرد اصلو الجلسة دي انا ساوها لبتاعين الاتوس والركشات ما ......... عرفتها قاصده شنو قالت اها يافرده كدي سوليك اتوس عشان يكون عندك جوال صاح اها ياخواني دحين ست الشاي دي ماوصلت للمغتربين رسالة اها فوتكم بعافية سلملم

بلاىىى كيف يا استاذ عوض صرخة وكل الشباب ، مصباح ، ومحمد وبكرى