المساعد الشخصي الرقمي

مشاهدة النسخة كاملة : فات زمان الاختيار


بنت النيل
16-06-2009, 05:26 AM
الاخوان الكرام
انا عضو جديد في اسرتكم الكريمة ياريت اكون خفيفة على قلوبكم ونكون اصدقلء للابد
وانا عايزة رايكم بصراحة في المحاولة الشعرية دي
ياريتني لو اقدر اجر الة الزمن وامسح سنين الانتظار
العشتهم في حب عيونك
ومرت الساعات بدونك
وفات زمان الاختيار
لما انت كسرت قلبي عشان يحس قلبك حلاوة الانتصار
ختيتني في اصعب مضيق بين الشهيق والانتحار
ياريتني لو اقدر اخبي عيوني من عينيك
قبل ما يحصلن سيف الودار
عشان قلبي في الحب انصدم
يوم قلبك اختارو رسم لي دربو خطط للمسار
وركب معاك سكة ندم
وقطع تذاكرك لي سفر درب العدم
كاس ليك راحة اديتو هم
وزرع غرام وجنى الخسار
لكن بقول ليك المفيد في كلمتين وباختصار
ابعد بعيد ضيعت فرصك ياحبيب في الاختيار
انا نجمي ودع لي مدارك وطل في اجمل مدار
لاغرف يوم الخيانة ولازرع في قلبي نار:cool:
خالد علونى
16-06-2009, 05:32 AM
يوم قلبك اختارو رسم لي دربو خطط للمسار
الجزء دا تقيل شوية انا ما قدرت اشيلوا علي نسق القصيدة اديهوا مراجعه خفيفة
عموما القصيدة ما خدة طابع كويس اتمني انك تواصلي في قراية الاشعار علشان تقدري تنمي افكارك وتطوريها
لك ودي
ودمهدي
16-06-2009, 05:37 AM
بنت النيل
التحيه والاحترام
لست بناقد ولست بشاعر
ولكن عجبني الكلام شديدوحسيتو
في جواي يعني محاولة حلوه
واتمني ليك مزيد من التقدم في محاولاتك
الرائعه وفي انتظار ابداعك الحقيقي الحسيتو
من خلال كلماتك
والف الف تحيه واحترام وموده ليك
ومزيد من التالق .....
عبدالرحمن مدثر
17-06-2009, 01:57 AM
بت النيل

بداية جميلة

وفى انتظار قوافل حروفك

حتى نسعد بالرحلة
حاتم مرزوق
17-06-2009, 02:14 AM
الكلام جميل لا سيما المطلع الأول حتي (وفات زمان الاختيار)

في انتظار المزيد.
محمد الجزولى
17-06-2009, 10:46 PM
لكن بقول ليك المفيد في كلمتين وباختصار
ابعد بعيد ضيعت فرصك ياحبيب في الاختيار
انا نجمي ودع لي مدارك وطل في اجمل مدار
لاغرف يوم الخيانة ولازرع في قلبي نار:cool:

بنت النيل
كلام طاعم ولغه بسيطه
كلمات تلامس شفاف القلب
حتى ننغمس معكى فى التجربه
لكى تحياتى واحترامى
بنت النيل
18-06-2009, 09:15 AM
مشكورين جدا ويديكم العافية
استفدت من رايكم وخاصة علوني
وبوعدكم بمحاوله تانيه قريب ان شاء الله
مهيد ود السفاح
18-06-2009, 09:20 AM
بنت النيل
محاوله ناجحه وليس بشهادتي ولكن بشهادة ابومزن
بس ناقصه حاجه واحده

انك تزيدينا بمحاولات اخرى عشان اكون عندنا فرصه نرجع زمن الاختيار


واكرر المحاوله ناجحه
وفي انتظار المزيد
مدنيّة
18-06-2009, 09:28 AM
والله يابت النيل
مع اني ما بفهم في الشعر
لكم كلماتك بسيطة وساهلة وجميلة وبتوصل رسالتها باسط ما يكون
بنت النيل
30-06-2009, 11:03 AM
مشكورين على المرور مهيد ومدنيه