رسالة الي الادارييين

[حسام التنين]

السلام عليكم ورحمة الله
الاخوة الاداريين ولمشرقين والاعضاء
اولا حمد لله علي السلامة الشميتو العافية وربنا اسهل ليكم كمان وكمان
(بس عندي ملاحظتين )
* داخل قسم الكمبيوتر لايوجد اقسام داخلية (جرافيك : تصميم : صيانة /شكات ...)
* واهم من المهم قسم خاااص قواعد اليانات بانواعها
رايكم شنو لو نفتح القسم(database) ونعيد ترتيب المشاركات >

الفرصة مفتوحة للنقاش
وارجو التثبيت للتصويت
Tininana

[حسام التنين]

ماف زول عندو راي

[كندشة]

انا ما عارف الناس دي مالا
الناس دي مشت وين
الحاصل شنو؟

حيرتونا

تينيانا إقتراحك يستحق النظر إليه بعين الإعتبار
و في إنتظار رأي أصحاب الشأن الذين وجهت لهم الرسالة
بعد داك نحن الشعب نجي نصوت سااااي

[esmat]

بما اننا من ناس علوم الحاسوب وكدا
موافقين ياخ

[حسام التنين]

اوك ... كندشة وعصام مشكورين علي الردود الحلوة لكن هو صحي الناس وين (فاتو مدني ولا شنو)
ممكن لاهتمام نفتح بوستر ونسميه Database ونبداء برانا ولا رايكم شنو (ممكن احسو بي حوجتنا للتقسيم والتنظيم)

[Osama Alrasheed]

tininana السلام عليكم
اسف للتأخير
سوف اقوم بنقل رسالتك لمجلس الادارة ... وسوف تجد الاهتمام والنقاش ان شاء الله.. لك الشكر والتقدير.

[حسام التنين]

مشكوووور اخي أسامة وده العشم دائما ... دائما مدني فوق رغم كل المشاكل والعناء

[moh_alnour]

أقتراحك جيد و جدير بالتنفيذ
ومؤكد أن إدارة المنتدى تقف مع كل ما من شأنه نهضة و تطوير المنتدى
دمت بخير و عافية و نشكر لك مجددا ً سعيك لتطوير المنتدى
و كل أمل أن يكون هناك تنسيق بينك وبين الأخ أسامة الرشيد

[حسام التنين]

ياناس الادارة شنو عملتو نايمين وين اخونا اسامة

[نزار السر]

دا كلام ممتاز وياريت يتكرمو المسئولين وبيدو التنفيذ عشان القــــــــسم يكون مرتب

[حسام التنين]

مشكور نزار السر لكن الناس وييين

[esmat]

مشكور نزار السر لكن الناس وييين


موجودين في انتظار التفعيل

[حسام التنين]

ياهلنا انتو نسيتو موضوعي ده

[ودالعمدة]

أقتراحك جيد و جدير بالتنفيذ
ومؤكد أن إدارة المنتدى تقف مع كل ما من شأنه نهضة و تطوير المنتدى
دمت بخير و عافية و نشكر لك مجددا ً سعيك لتطوير المنتدى
و كل أمل أن يكون هناك تنسيق بينك وبين الأخ أسامة الرشيد

نشيد بالاقتراح ونثنى الراى

[حسام التنين]

نشيد بالاقتراح ونثنى الراى

والله نحن شكلنا ح نشيد وبعد شوية ندين ونشجب عموما خير

[bakry kassala]

السلام عليكم ورحمة الله
الاخوة الاداريين ولمشرقين والاعضاء
اولا حمد لله علي السلامة الشميتو العافية وربنا اسهل ليكم كمان وكمان
(بس عندي ملاحظتين )
* داخل قسم الكمبيوتر لايوجد اقسام داخلية (جرافيك : تصميم : صيانة /شكات ...)
* واهم من المهم قسم خاااص قواعد اليانات بانواعها
رايكم شنو لو نفتح القسم(database) ونعيد ترتيب المشاركات >

الفرصة مفتوحة للنقاش
وارجو التثبيت للتصويت
Tininana


الاخ Tininana لك التقدير ..
بعد المتابعة والتشاور في مجلس الادارة بخصوص الطرح ..
أولاً تشكر لك الإدارة إهتمامك .. وتحب تؤكد بأن كل المقترحات تجد الإهتمام ..
ولكن قد تواجه بعض هذه المقترحات صعوبة في الإستمرارية وليس التنفيذ ..
عليه ترى الإدارة أنه يمكنك فتح بوستات متخصصة ..
بدلاً من الاقسام التي تحتاج للكثير من التخصص والمتابعة في بدايتها ..
وتؤكد الإدارة أنه إذا تم فتح بوست مخصص لقواعد البيانات مثلاً ..
وإستمر بالصورة الجيدة والمطلوبة ..
تؤكد لك الإدارة بتطويره كقسم قائم بذاته ... مستقبلاً ..

نرجو منكم ضربة البداية ونتمنى ان تكون بقدر القوة والإهتمام الذي جاء في هذا البوست ..
ونأسف جداً للتأخير في الرد ..
ولكنه كان بسبب التشاور والتروي في إتخاذ هكذا قرارت ..
حيث يحتاج فتح قسم جديد الى مزيد من الدراسة المسبقة ..
و لا بد أن تكون له بيانات ومشاركات جاهزة على الأقل ..

لكم الشكر والتقدير .. ودمتم عوناً للإدارة ..

ع / مجلس الادارة
بكري كسلا
المدير الفني والمشرف العام

[بت أم درمان]

انت يا تنين ما شفت كلام ناس مجلس الادارة ولا شنو ؟

يلا تعال قول بسم الله وضع حجر الأساس

[حسام التنين]

انت يا تنين ما شفت كلام ناس مجلس الادارة ولا شنو ؟

يلا تعال قول بسم الله وضع حجر الأساس

لا والله ختيت الحجر من امبارح انت ماوصلتك الكرامه

[بت أم درمان]

لا والله ختيت الحجر من امبارح انت ماوصلتك الكرامه

لا ما وصلني شي عموما مبروك وربنا اعينك

[saadabi]

الأخ Tininana
موضوعك جميل بجد وهادف جداً
ناس المنتدي فيه مواضيع يعني لكن هنالك تفاعل معها لكن المواضيع الهادفه لا تجد التفاعل
والله نحيك علي هذا الموضوع نتمني لكي التوفيق فيه