لله يامحسنين .........!!

[عبدالرحمن مدثر]

لله يامحسنين

دايرين وطنية

دايرين احساس بالهم الوطنى الذى يجمع ولايفرق

لولا الوطنية لما وصل المنتخب المصرى الى قمة مستواه وفوزه المستحق

على ايطاليا فى بطولة القارات

بفضل الوطنية وحب الوطن وليس بالفنيات تفوقت مصر

متى نصل الى الغاية الوحيدة من اجل حب الوطن

بعيدا عن الالوان الصارخة

والتعصب الاعمى

اليوم هو يوم السودان

لاهلال لامريخ المنتخب فقط

ضيعنا الانتماء وضيعنا المنتخب

[عمرسنهوري]

القوما ليك يا وطني

الرائع ود مدثر بعون الله انا غالبون
ستشهد سماء السودان معركة الجوارح
وسينتصر صقور الجديان

[خالد عبدالماجد]

نعم أخي عبدالرحمن الوطن أولاً وأخيراً ...

[:@ارجوان:@]

والله يا ود ودثر حتى لو بقينا وطنيين تعال شوف بعد المباريات المهاترات والجاب القون مريخابي والضيع الهجمه هلالابي والحارس لو اخدو هناي ومن هنا بيبتدو الناس ما يشجعو الفريق لانو كل واحد بيتصيد اخطاء التاني وللاماااااااااااانه كدا احنا اكتر شعب عنصري وتعال شوف كلامي دا بعدين لو ضاع قول بي سبب هلالابي شوف المريخاب ولو ضاع بي سبب مريخابي شوف الهلالاب


مجرد ري دمتا بخير

[مدنيّة]

المشكلة ياابومزن اننا كسودانيين مااتربينا علي حب الوطن

عشان كدا صعب نقارن بينا وبين المصريين اللي عندهم مصر دي امهم

تعال نحاول انا وانت وغيرنا نربي اولادنا ونغرس فيهم حب الوطن


شفت انه المنتخب المصري معه الشعب والحكومة والفنانين
وكل مصري
يوم يلعب المنتخب بيبقي بس مصري

احنا لية اختاورا من الهلال اكتر من المريخ

وكمان لو جاء قون
الطرف الاخر يبخس ويقلل من القون دا عشان الجابه الطرف الاخر
والطرف الجاب القون نبقي معاهم لو مااحنا ماكان المنتخب كسب !!!

اها الوطنية ما كلمة بتتقال وخلا
دي احساس وواقع معاش وسلوك بيظهر في حياتنا وتصرفاتنا

سلم لي علي الوطنية ياابومزن

[هيثم عبدالعال]

وطنية في وطنية مافي !!!!

وطنية الجمهور عامل مساعد ، وطنية اللاعب عامل أساسي

لو الحداشر البدخلو الميدان إتشبعوا بالوطنية وختو الوطن في حدقات عيونهم ما بتجينا عوجه

كلموا هيثم مصطفى ، وقبله كلموا بدر الدين قلق :eek:

[مهيد ود السفاح]

حدق العيون

ليك يا وطن

اصبح مقر واصبح سكن

[خالد عبدالماجد]

كلموا هيثم مصطفى ، وقبله كلموا بدر الدين قلق :eek:

والله ياهيثم كل لاعبي المنتخب لو بقو في مستوى وطنية هيثم مصطفى مابتجينا عوجة ..
ولو قاصد مشكلتو الامس دي كانت دفاع عن لاعبي المنتخب وحتى يتم دعمهم وتحفيزهم ولكن كيف لنا مع صحيفة الصدأ التي تستهدف هذا اللاعب وتحاول أن تظهره بمظهر غير كريم وكذلك تحاول زيادة مثل تصرف قلق حتى يفلت من العقوبة ...
لك الله يابرنس فأنت في وطن لايعرف من يقدر ...

[هيثم عبدالعال]

والله ياهيثم كل لاعبي المنتخب لو بقو في مستوى وطنية هيثم مصطفى مابتجينا عوجة ..
ولو قاصد مشكلتو الامس دي كانت دفاع عن لاعبي المنتخب وحتى يتم دعمهم وتحفيزهم ولكن كيف لنا مع صحيفة الصدأ التي تستهدف هذا اللاعب وتحاول أن تظهره بمظهر غير كريم وكذلك تحاول زيادة مثل تصرف قلق حتى يفلت من العقوبة ...
لك الله يابرنس فأنت في وطن لايعرف من يقدر ...
أها يا خالد ياخوي ياهو جنس ده
لم أقصد تصرف البرنس الأخير وإن كان يضاف للتصرفات التي تبتعد عن الوطنية وكمان إحترام الكبار
بل قصدت الإعتذار لاسباب اقل ما يقال عنها واهية وتلاحظ انني ذكرت قلق معه لما بدر منه من تصرف مستهجن لا ينفع معه اي تبرير ، وبالنسبة لأسباب الإعتذار بس بذكر بان إسماعيل مطر لعب لمنتخب الإمارات في اليوم التالي لوفاة والده ... وطنية !!!!

[خالد عبدالماجد]

أها يا خالد ياخوي ياهو جنس ده
لم أقصد تصرف البرنس الأخير وإن كان يضاف للتصرفات التي تبتعد عن الوطنية وكمان إحترام الكبار
بل قصدت الإعتذار لاسباب اقل ما يقال عنها واهية وتلاحظ انني ذكرت قلق معه لما بدر منه من تصرف مستهجن لا ينفع معه اي تبرير ، وبالنسبة لأسباب الإعتذار بس بذكر بان إسماعيل مطر لعب لمنتخب الإمارات في اليوم التالي لوفاة والده ... وطنية !!!!

العزيز هيثم
تصرفات هيثم وإخلاصه وتفانيه للمنتخبات الوطنية طوال مسيرته فيها تدرجاً من منتخب الناشئين والشباب والأولمبي وحتى قيادة المنتخب الأول شهدت الكثير من المواقف التي أظهر فيها هيثم أخلاصاً كبيراً وتفانيا ً وحباً لشعار هذا الوطن وقد منع قبلاً من السفر للحاق بزوجته وأبنه المريض فاستجاب لذلك الأمر ولم يتذمر وترك أسرته من دونه في بلاد غير السودان فماذا ننتظر منه أكثر من ذلك ..
يكفي عطاء هيثم للمنتخب لأكثر من إثني عشر عاماً ليصبح مثالاً للأخلاص والتفاني بدلاً من الزج به في أحداث لاذنب له فيها ...
أما عن حديثك عن عدم إحترامه للكبار فهذا حديث غير منصف ولا يفسر عدم إحترام إنما هي جدالات في الحقوق والواجبات وكثيراً ماتحدث ...
دمت بخير ..

[عبدالرحمن مدثر]

الاحباب

سنهورى

خالد

ارجوان

مدنية

هيثم

مهيد


صادق الدعوات لمنخبنا اليوم وهو يخوض مبارة مصيرية

ان تكلل الجهود بالنجاح .. حتى يبقى لنا بصيص الامل فى ان نخطو خطوات

نحو المونديال ونحو البطولة الافريقية

الجمهور سيقول كلمته

تبقى فقط ان يسكب ابناء الوطن عرقه من اجل تحقيق هذه الغاية

اللهم انصر السودان اليوم

اللهم انصر السودان اليوم

اللهم انصر السودان اليوم

[Amreky]

أنا حابي أشارك في الموضوع...بس الموضع زاتو مشي وين لو لاحظتو معاي..!!!
دعواتنا لي أولادنا..من هزيمة تاريخية بارضنا ووسط جمهورنا...
فالمنتخب الغاني..ليس المنتخب الغاني الذي هزمناه 1/0 قبل حقبة من الذمان منتخب غانا اليوم مدجج باللاعبيين الكبار علي المستوي العالمي في كرة القدم...ويكفي لكل من يريد ان يعرف المنتخب الغاني أن يشاهد مباراته ضد مالي بارض مالي ووسط جمهورها...فقد هزمها هزيمة مزلة..ونحن تعادلنا مع مالي وبارضنا...واحب أئضاّ أن أضيف أنه نفس المنتخب الذي لعب في كاس العالم 2006 وذلك للذين لم يشاهدو المنخب الغاني قريباّ.
صراحة فارق المستوي كبير..إذا كان علي مستوي اللعيبة أو علي مستوي التكتيك لدي المدرب او فهم التكتيك لدي اللعيبه...
لكن لدينا ثلاثة أسلحه يمكن أن يعتمد عليها صقور الجديان..
أولها: القتال داخل الملعب بدافع من ليس لديه شى يخسره.
ثانيها:التشجيع المتواصل من قبل الجمهور لبث الروح في نفوس اللاعبين للقتال... وليس لرهبة المنتخب الغاني المنتخب المتمرس والذي يلعب في أجوا جماهيرية في إستادات عالمية تسع أكبر من أستاداتنا مجتمعه.
ثالثها:وهو الاهم من كل السابقات هو ان تتضرعو معي الي الله صاغرين بان ينصر منخب الصقور..قولوا: آميييييييين....
ع العموم ربنا ينصر السودان...

[عبدالرحمن مدثر]

حبيبنا amreky

ماقلته هو عين الحقيقة ولكننا نطمع فى ان يكون الغياب

المؤثر لبعض المحترفين دوره فى هزيمة النجوم السوداء

ولاشىء يقودنا للنصر سوى الحماس والدافع لتحقيق اداء

يتناسب مع قيمة الوطن ..

التشاؤم موجود

لكننا نطمع فى انتصار يولد من صلب المعاناة على كل الجبهات

فان اتى حتما سيكون غالى

اذا الكرة الان فى ملعب الجمهور اولا

واولادنا اولا وثانيا وثالثا

[تغريد]

ربنا ينصر المنتخب السوداني ويوحد كلمتنا يا رب

[ابوالنور]

والله يا ودمدثر اخوي لفتنيني الكلمة وجيت لقيت الموضوع كورة اتفجأة بأني انا ما عارف
انو في كورة ملعوبة من اصلو شكلو كده يا حبيبنا الجماعة ديل انتهو مننا بحق وحقيقي
وخلونا ننشغل بهمومنا وشكل البيت اتحول لي عنقريب جنازة اقل من اربعة ما بتشال
قلت لي بتشحد في الوطنية يا اخوي الوطنية يا اخوي بقت منسقة ومرصوصة ومترصة
الله يكون في عونك يا بلد

[الجندي المجهول]

لله يامحسنين

دايرين وطنية

دايرين احساس بالهم الوطنى الذى يجمع ولايفرق

لولا الوطنية لما وصل المنتخب المصرى الى قمة مستواه وفوزه المستحق

على ايطاليا فى بطولة القارات

بفضل الوطنية وحب الوطن وليس بالفنيات تفوقت مصر

متى نصل الى الغاية الوحيدة من اجل حب الوطن

بعيدا عن الالوان الصارخة

والتعصب الاعمى

اليوم هو يوم السودان

لاهلال لامريخ المنتخب فقط

ضيعنا الانتماء وضيعنا المنتخب



حبيبنا الغالي تحياتي
فاقد الشئ لا يعطيه
اولا : محمد احمد الكادح المسكين يري ان المسؤولين في الدولة والكبار يعتدون كل يوم على المال العام وينهبونه ولا توجد حرية ولا ديمقراطية واصبح الناس يقاتلون من اجل لقمةالعيش ومن اجل التعليم والعلاج والبلد امكانياتها اصبحت متوفرة ولكن كل يوم في حرامي جديد ( محمد احمد ) دا يمشي يركب من اخر الثورات او من بحري يقطع الكبري او من الخرطوم وحقو ضايع والاتحاد ورئيسه الذي اولاه عمر البشير كل الصلاحيات يتعامل بعنجهية وقطرسة وعدم فهم !!
الوطنية دي صابون بيشتروهو من الدكان ولا شنو ؟

تخريمة *--------
بالنسبة لادا الخدمة الوطنية في كل بلاد العالم بدون استثناء كل واحد عارف متين بيمشي وزبيعمل شنو إلا عندنا في السودان بتحصل كشة وجري ومضايقات .
استاذي الفاضل لو وجدت الوطنية بالله عليك سلم لي عليها .
تخريمة تانية :
اذا كان رب البيت بالدف ضارب فشيمت اهل البيت الرقص والطرب
القادة عندنا العندو فيهم وطنية منو ما كلهم تجار وباحثين عن السلطة مع انهم شبعانين
ومرة تانية سلام مربع للوطنية والمثالية والحرامية