مشاهدة النسخة كاملة : اعملوا حسابكم....بت مارنجان سواقة جديدة لنج
العاقب مصباح
20-06-2009, 12:09 AM
يا جماعة هووووووى
اصحاب السيارات
اعملوا حسابكم
بت مارنجان عملت رخصة قيادة
ونجحت فيها
البتقابلوا يخلى ليها الشارع
البت نيو وكدا
وما معروف البيحصل شنو
نقول ليها مبروك
وربنا يديك خيرها
ويكفيك شرها
تحذير مرة تانية
كان لقيتها لسلامتك اولا وسلامة سيارتك خلى ليها الشارع
الف مبروك ياخ
الطويل
20-06-2009, 12:13 AM
هاهاهاهاهاها
ألف مبروك يابتنا
اخير الفرج حصل ( أيام يازمان )
عقبال الرخصه العامه
مهيد ود السفاح
20-06-2009, 12:25 AM
والله يا عاقب عجبنا ليها وسر بالنا شديد
لكن نطير وين مع سواقه شارلي شابلن دي ؟؟
انت متأكد انو الرخصه حقتها دي لسواقه سياره ولا عجله ؟؟؟
عبدالرحمن مدثر
20-06-2009, 12:25 AM
والله ياصبحى ذكرتنى
سواااقة النسوان
ديل عندهن جنس لخبطة انسى بس
فى اى شاااااااارع زحمة الناس طوالى يتبادر الى ذهنها (يتبادر دى حلوة )
ان هناك امراة جايطة الشغلانية
فى تقاطع كدا
وانا سايق زى الترتيب
فجعاة القى واحدة خاشة فينى شمال وعرض وطول
بعربية ليمزين سميحة كدا
صاحبك معلم شالها جاى مانفعت ... شالها بالجنبة مانفعت
المهم اخيرا دخلت فى العربية تووووووووووشك مافى حل
بس كانت الدخلة خفيفة
نزلت ست الحسن والجمال
قالت لى :
انا قايلة الشارع دا ون وى عشان كدا خشيت
قلت ليها لا لا يالذيذة (لذيذة دى نجرتها ) دا
شارع تو وى
طيب انا اعمل شنو هسه
البصلح لى العربية من
نط فيها عمنا كبير كدا مراقب للموقف
يابت الحلال ماتتوكلى غلطانة وخاااااشة غلط
وكمان دايرة يصلحو ليك عربيتك:p:p:p
ونرجع للشارع بتاعنا
ونهنى بتنا بالرخصة
وسؤال ساى
قدرتى كيييييييييف تجيبى الخلف
لانو عندنا زاوية قائمة وقاعدة ومتعبة
مبرووووووووووووك
الملكة اسماء ( ام محمد )
20-06-2009, 12:25 AM
:eek::eek::eek::eek:
سواقة جديدة في الشارع
ياسااااااااااتر :D
همسة : مبروك ياعسل تستاهليها والعربية ربنا يديك خيرها ويكفيك شرها
عبدالرحمن مدثر
20-06-2009, 12:33 AM
يامدنية خلاص المشكلة انتهت
لقينا عربية للكيتة
والترحيل
والاستقبالات
انوريكا
20-06-2009, 12:38 AM
إنعل ابو الواسطات زاتو ؟
لـــــي 13 شهــــر ساكي الرخصة ؟
مرة أدقش عسكري المروور ، وتارة أرمي الـــ13 عمود ، ومرة تانية أقوم بي تفحيطة ، ومرة تبطل مني ، ومرة أطلع راسي برة (القزاز) ..ومرررات بنزلوني بدووون سبب ، بيقولو شكلي ما شكل سواقيين ، شكلي حرامي بتاع ركشات..!
ومرة بدل ما أدي العربية وأحــــد أقومها بي 6 ؟
وكل مرة الجماعة يقولو لــــي بعد شهــــر ؟
لكن سبحان الله أول ما الجماعة يشوفو ليهم زامووووك ؟ علي بالجزيم الجهجهة الياها ؟ الضابط إتكبكب ، والعسكري إتلخبط ؟ واركب معاهات ، وعشق ليها ، وخليها تلف لفة لفتين ، وتجينا نختم ليها ؟
ونحن المساكين ساكين الختم دا لينا سنين؟ وهي علي بالحراااااااااااام واحد من 6 ما عارفاها ؟ لكن الواسطة المعاها ليها بساتم ؟
غايتو الف مبروووك وعقبالنا إنشاء الله ؟
وأنا حاليا يا العاقب سايق ركشة ؟ عشان نعمل حسابنا وكده ؟ بت مارنجان دي سايقة شنو ؟
عشان الواحد لـــو لاقاها يوم في الشارع يعمل مفحط ومعشق للركشة اربعة وبي كلو ؟
هيثم ادروب
20-06-2009, 01:21 AM
مبرووووووك الرخصة
هوي يناس الركشات اعملو حسابكم
البت دي سواقتها تعبانة
لاكن الحديدة مجنونة
بعد نسميك بت مرنجان هانم
هاهاهاهاهاها
بت أم درمان
20-06-2009, 01:30 AM
والله مبروك يا بت مارنجان
لكن شايفة الناس ديل محبطين كيفن
بس صحي بيني وبينك
ناس الامتحان ديل كيف عملتي معاهم
ياخي ديل بكرهو عديييل
لا هم ما بكرهو ... بزهجو بنرفزو بوترو
غايتو الحمدلله ربنا سهل ليك
esmat
20-06-2009, 01:46 AM
بت مارنجان : مبروك في اقتباس تحت بتاع ملكة القلوب (نفس الكلام ده)
العاقب ياللخو: انت كنت غايب وين بتراقب في السواقة ولا كنت بتعلم فيها
غايت على كل حال (وش اقول ليك تستاهلي)
همسة : مبروك ياعسل تستاهليها والعربية ربنا يديك خيرها ويكفيك شرها
محمد حسين (المميز)
20-06-2009, 03:25 AM
هو نحن ناقصيـــــن زحمه :mad: :mad: :mad:
زي ما قال اخونا فوق
العن ابو الواسطه :p :p
عاطف عولي
20-06-2009, 03:43 AM
الدني قامت وما قعدت عشان بت مارنجان طلعة رخصة سواقة سيارة.
لن أقول أن في ذهن البعض أن مارنجان خارج الكوكب.
أو أقول مافيها سيارات أو اول بت تسوق في سواقين طيارات عبر الأجواء وبواخر
يمخرون عباب البحر.
لكن من باب القيادة فن وذوق.
من يقود الحرف.
من يطوع الجملة.
من يستحلب معاني الكلمة.
يتمتع بحس مرهف.
وذوق عالي.
وفن رفيع.
لذلك لا تخاف علي سياراتكم.
او انفسكم.
او اطفالكم.
فالقائد كامل الدسم غني الطعم.
بت مارنجان
21-06-2009, 07:14 AM
كر كر كر علي ..
والله ماشفتو ياحليل النظر .. والله ياربي دة عامل السن :o
وحاة الله كما فلان لكزني ولا جايبة خبرو لاحول الله يعميني والله ويقد نظري ياخوانا ..
النبي لاتواخذوني ماشايفة جاية من الشمس وكنت سايقة بي 0 :D
بت مارنجان
21-06-2009, 07:18 AM
يا جماعة هووووووى
اصحاب السيارات
اعملوا حسابكم
بت مارنجان عملت رخصة قيادة
ونجحت فيها
لو سمحت امتحنت واجتزت الامتحان بنجاح :d
البتقابلوا يخلى ليها الشارع
البت نيو وكدا
وما معروف البيحصل شنو
وقرضو علي كدة ياخوانا النظر ضعيف ماتنسو :cool:
نقول ليها مبروك
الله يبارك فيك نبارك ليك كدي ان شاء الله في السمح وفي جديدك يالعاقب ياخوي
وربنا يديك خيرها
آآآآآآآآآآآآآآآمين ..
ويكفيك شرها
آآآآآآآآآآآآآآآآآآآآمين ..
تحذير مرة تانية
كان لقيتها لسلامتك اولا وسلامة سيارتك خلى ليها الشارع
واحترس لو الشارع بقي اتجاه واحد دقست :p
الف مبروك ياخ
الله يبارك فيك ياعقوبة وان شاء الله ازغرد في عقدك .. واصنقر في البنبر واحننك يوم
قيدومتك ..
قول آآآآآآآآآآآآآآآآآآآمين ...
بت مارنجان
21-06-2009, 07:22 AM
هاهاهاهاهاها
ألف مبروك يابتنا
اخير الفرج حصل ( أيام يازمان )
عقبال الرخصه العامه
abo rania الله يبارك فيك ونبارك ليك بقدوم رانيا ان شاء الله ..
اي والله والله ايام يازمان .. هسي الشارع شارعنا وبقينا نسوق ايام العمل بدل ماكنا نتلبد بالشوارع الجانبية ونسوق ايام الجمعة والسبت والعطل الرسمية ;)
والله يا عاقب عجبنا ليها وسر بالنا شديد
يخليك يامهيد ان شاء الله يعجبنك وليداتك :p
لكن نطير وين مع سواقه شارلي شابلن دي ؟؟
والله الا تلف تخلي لي الشارع :mad:
انت متأكد انو الرخصه حقتها دي لسواقه سياره ولا عجله ؟؟؟
:mad::mad::mad::mad::mad:
بت مارنجان
21-06-2009, 07:27 AM
فى اى شاااااااارع زحمة الناس طوالى يتبادر الى ذهنها (يتبادر دى حلوة )
حلوة زي " مزونة " :d
نزلت ست الحسن والجمال
دي بت مارنجان :p:p
ونرجع للشارع بتاعنا
حركة وراء ولا يو تيرن :eek:
ونهنى بتنا بالرخصة
ان شاء الله ياابو عبده نهنيك بي تخريج البنية من الروضة والزفة بي عربيتي ;)
وسؤال ساى
قدرتى كيييييييييف تجيبى الخلف
ماتزكرني ححكي ليكم بالتفصيل ;)
لانو عندنا زاوية قائمة وقاعدة ومتعبة
ماتزكرني :o
مبرووووووووووووك
:eek::eek::eek::eek:
سواقة جديدة في الشارع
ياسااااااااااتر :d
همسة : مبروك ياعسل تستاهليها والعربية ربنا يديك خيرها ويكفيك شرها
الله يبارك فيك يابنية وعقبال مانبارك ليك جديدك قولي آمين ;)
وربنا يديك الصحة والعافية وبركة الشفناك طيبة ....
بت مارنجان
21-06-2009, 07:28 AM
يامدنية خلاص المشكلة انتهت
لقينا عربية للكيتة
والترحيل
والاستقبالات
اي اي اي ...
لكن عربيتي سغيرة بتشيل غايتو خمسة احجام سغيرة :d
والترحيل علي منو ماشي الميناء البري ;)
بت مارنجان
21-06-2009, 07:33 AM
إنعل ابو الواسطات زاتو ؟
:mad::mad::mad::mad::mad:
لـــــي 13 شهــــر ساكي الرخصة ؟
دة انت ياانور6 .. لانك بليد بتصقط في الامتحان :p
مرة أدقش عسكري المروور ، وتارة أرمي الـــ13 عمود ، ومرة تانية أقوم بي تفحيطة ، ومرة تبطل مني ، ومرة أطلع راسي برة (القزاز) ..ومرررات بنزلوني بدووون سبب ، بيقولو شكلي ما شكل سواقيين ، شكلي حرامي بتاع ركشات..!
تعال بعدين بعد المدرسة اديك حصة في الخلف وحاتك تجيب قون من اول دخلة ;)
والحصة مجان اها رايك شنو :p
ومرة بدل ما أدي العربية وأحــــد أقومها بي 6 ؟
6 مادرسناها دي جديدة علي :rolleyes:
وكل مرة الجماعة يقولو لــــي بعد شهــــر ؟
لكن سبحان الله أول ما الجماعة يشوفو ليهم زامووووك ؟ علي بالجزيم الجهجهة الياها ؟ الضابط إتكبكب ، والعسكري إتلخبط ؟ واركب معاهات ، وعشق ليها ، وخليها تلف لفة لفتين ، وتجينا نختم ليها ؟
ونحن المساكين ساكين الختم دا لينا سنين؟ وهي علي بالحراااااااااااام واحد من 6 ما عارفاها ؟ لكن الواسطة المعاها ليها بساتم ؟
شفت ياانور انت عشان استعجالك دة مابدوك ليها .. انت شكلك قعدت تحاكي بتاع
الحركة البسوق الاتوز يصلحها في الخلف :eek:
والله تبقي بالغت .. دة بيستفز في الناس الجاية تمتحن :o
غايتو الف مبروووك وعقبالنا إنشاء الله ؟
وأنا حاليا يا العاقب سايق ركشة ؟ عشان نعمل حسابنا وكده ؟ بت مارنجان دي سايقة شنو ؟
سايقة gets لونها blue
ورقمها خ خ خ 0000 :d
عشان الواحد لـــو لاقاها يوم في الشارع يعمل مفحط ومعشق للركشة اربعة وبي كلو ؟
هي الرقشة بالله فيها تقسيمها انا قايلاها مقسمة زاتيآ :d:d
بت مارنجان
21-06-2009, 07:36 AM
والله مبروك يا بت مارنجان
لكن شايفة الناس ديل محبطين كيفن
الله يبارك فيك يابت ام در محبطين عشان انا شاطرة والله :o
بس صحي بيني وبينك
ناس الامتحان ديل كيف عملتي معاهم
لمن احكي امتحاناتي حتحني علي والله :o
ياخي ديل بكرهو عديييل
لا هم ما بكرهو ... بزهجو بنرفزو بوترو
غايتو الحمدلله ربنا سهل ليك
والله يابت ام در فقدوني المنطق عديييييييييييييل :o
بت مارنجان : مبروك في اقتباس تحت بتاع ملكة القلوب (نفس الكلام ده)
العاقب ياللخو: انت كنت غايب وين بتراقب في السواقة ولا كنت بتعلم فيها
غايت على كل حال (وش اقول ليك تستاهلي)
وانت مالك قال بتشيل في اقتباس الناس " محنن :mad: " ولا بتتعلم في الكتابة بقت
كتيرة عليك غايتو " جنس حقارة " ناس يكتبو فيهم صفحة وناس يقتبسو ليهم :mad:
كان بعلم فيني في " بر الدوحة :mad: "
يستاهلك السمح ياعصمت ...
بت مارنجان
21-06-2009, 07:41 AM
مبرووووووك الرخصة
هوي يناس الركشات اعملو حسابكم
البت دي سواقتها تعبانة
لاكن الحديدة مجنونة
بعد نسميك بت مرنجان هانم
هاهاهاهاهاها
الله يبارك فيك ياهيثم .. يباركو ليك خطوبتك علي " هناية " :p
اي اي الحديدة خطيييييييييييييييييرة .. نديك ليها سلفة كدة ياهيثم مامشكلة ياخ البينا
اكبر واكتر " اخوة طبعا عشان في ناس بقت تفهم غلط " ;)
اي اي هانم .. ماشفت لمن اكون خاشة الشارع والجماعة يقومو يوقفو الشارع عشان
اخش ياسلالالالالالالالالالالالالام " شهامة شديدة " :p
بت مارنجان
21-06-2009, 07:42 AM
هو نحن ناقصيـــــن زحمه :mad: :mad: :mad:
:mad::mad::mad::mad::mad::mad::mad:
زي ما قال اخونا فوق
العن ابو الواسطه :p :p
والله مافيها باسطة :D:D
هي قصدي واسطة :p
الطويل
21-06-2009, 07:43 AM
abo rania الله يبارك فيك ونبارك ليك بقدوم رانيا ان شاء الله ..
اي والله والله ايام يازمان .. هسي الشارع شارعنا وبقينا نسوق ايام العمل بدل ماكنا نتلبد بالشوارع الجانبية ونسوق ايام الجمعة والسبت والعطل الرسمية ;)
:mad::mad::mad::mad::mad:
اللهم آمين وفى حياتك وعقبالك انشاءالله
وكلامك حااااار
وبرضو اللبيب بالاشارة يفهم
وبرضو نحن ناس فهم يابتنا
والا ما كده ياعسل
بت مارنجان
21-06-2009, 07:50 AM
الدني قامت وما قعدت عشان بت مارنجان طلعة رخصة سواقة سيارة.
لن أقول أن في ذهن البعض أن مارنجان خارج الكوكب.
والله مارنجان جوة الجك ياعاطف .. وكمان بيصلحو في شارع المصانع بيسفلتو في
خليهم يشوفو ليهم شوارع تانية ;)
لكن من باب القيادة فن وذوق.
من يقود الحرف.
من يطوع الجملة.
من يستحلب معاني الكلمة.
يتمتع بحس مرهف.
وذوق عالي.
وفن رفيع.
لذلك لا تخاف علي سياراتكم.
او انفسكم.
او اطفالكم.
فالقائد كامل الدسم غني الطعم.
والله ياود عولي ياها المحرية فيك وتسلم ياود الاصول وياود تنقسي ;)
الله يخليك وتسلم طيبت خاطري بكلمتين بدل الناس الاشرار ديل :o
بت مارنجان
21-06-2009, 07:52 AM
اللهم آمين وفى حياتك وعقبالك انشاءالله
وكلامك حااااار
وبرضو اللبيب بالاشارة يفهم
وبرضو نحن ناس فهم يابتنا
والا ما كده ياعسل
:confused::confused::confused::confused::confused: :confused:
الناس دي الايام دي بقت تفهمني غلط ليه :o
يامحمد والله ماقصدي :o
وكدة ياsuger الكلمة دي كدة صح كدي راجع قوقل :p
بت مارنجان
21-06-2009, 08:10 AM
يلا النحكي ليكم .. والدرس دة خصيصآ للولد انور6 .. بما انو انا معلمتك :mad:
اول شي انا طلعت كرت تمرين بتاريخ 18/3/2009
وطبعا كرت التمرين دة عشان اقدر اسوق بيه في الشارع .. If لاسمح الله لاقاني
بتاع حركة او عملت حادث اكون في السليم ...
بديت الامتحانات بالظبط للرخصة يوم 28/4
جيت لي رئاسة مرور الخرطوم قالو عايزين حاجة اسمها محاضرة توعية مرورية نحضرها
في مرور بحري ويختم الضابط المسؤول كحضور للمحاضرة ..
مشيت تاني يوم قالو الختم عند " عمك التوم " ياخونا عم التوم وين قالو طلع بدري اليللة
مشيت بعد يومين .. قالو الشغل واقف لانو " اسبوع المرور العربي " تعالي بعد اسبوع
جيت بعد اسبوع مشيت بحري عملت الختم .. ورجعت الرئاسة اها ياخوانا الامتحان كيف
قالو طوالي تمشي المقرن في حوش طوااااااااالي بعد " أمن المجتمع " مشيت عاين لقيت الناس واقفة صفوف ..
رجعت طوالي قلت كدي نمشي " العلاقات البينية قالو اخفا .....
مشيت العلاقات البينية وهي طوالي فاتحة في " المركز عفراء " خشيت قدمت كرتي
قطعوني ايصال بي 80 الف بالقديم دة بس ساي عشان جيت العلاقات البينية .. وتاني
قطعوني ايصال بي 30 للخلف .. مشينا نشوف الخلف ..
الضابط جمع الارانيك وبقي ينده زي القاعدين في عيادة الكشف :o
اها ندهوني وطبعا قبلي ولا زول نجح :o
ركبت الاتوز وسميت بالله ودورت معاي اخوي .. العربية خشت مية مية ;)
لمن جينا نرجعها خلف رجعت وخشت اخوي بقي يصفر ويصفق :p
السغلاء والعبيطين ناس الحركة عاملين حديدتني طواااااااااااااااااااااااال وحدة شبكة في مراية اليمين :eek:
بقيت في النص لاعارفة اوقف العربية وارفع فرملة اليد وادخل المراية .. وبتاع الحركة السخيف حلف مايدخل المراية قالو حالة غش :o
طبعا انا عندي حماقة رفعت فرملت اليد ونزلت من العربية :(
احسب ياانور 6 دي الامتحان الاول ................
رسووووووووووووب :o
بت مارنجان
21-06-2009, 08:19 AM
رجعت وانا ممغوسة من بتاع الحركة ونفسي افلقو :mad:
مشيت الميدان تاني وقلت النتمرن .. قالو لي تعالي الرئاسة اخفا .. مشيت اول مادورت العربية جيت ادخلا عفصت العاكس بتاع الحركة الراكب جمبي قال لي رسوب :eek:
قلت ليه رسوب بتاع الساعة كم والله ماانزل بتاع الحركة المسؤول الضابط القاعد هنااااااااااااك ياانور داك عرفتو .. يلا جاء قال مالك قال ليه الضابط البت دي رسوب ونزلني
الضابط النقيب .. :mad:
وطبعا اتكتب ..................
رسووووووووووووووب ..
الختم احمر بالمناسبة .. وفي كرت التمرين .. وطبعا بتجي بعد تلاتة او خمسة يوم ...
بت مارنجان
21-06-2009, 08:26 AM
اها قالو لي في واحد ضابط ظريف في بحري امشي ليه .. قشيت عيني من النوم يابحري جاك زول .. خشيت ركبت بتاع الحركة قال لي اي شي اقولو ليك سوي .. يمين لفي شمال لفي ..
قولنا بالسم الله وخشينا المسار .. في الرجعة طبقت كلامو بحزافيرو لقيت نفسي برة
المسار وعفصتا عاكسين :mad:
طبعا قعد يضحك بخباثة وقال لي انتي مامركزة معاي :rolleyes:
ملحوظة :
في كل اعادة يوجد ايصال بي 20 الف ....
رسوب :o
بت مارنجان
21-06-2009, 08:35 AM
صراحة زهجت شديد .. لكن انا عكليتا وحلفت ياانا يالخلف :mad: ..
مشيت الميدان تااااااااااااااااني وزاكرت كويس .. رجعت الرئاسة وسميت واتوكلت ومعاي اخوي واولاد عمي اتنين ..
العربية خشت .. الحمدلله الصفقة دورت ..
وانا في الرجعة كوركت ليهو ماتصفقو .. طبعا بكورك بالشباك :p .. اها العربية خشت
استعدلت .. عاينت بالمرايات العواكس الاخيرة ظهرت .. مشيت شوية شوية .. مرقت من الحدايد .. الزغاريد طقت ..
الحمدلله طلعت بامان العربية ..
الختم اخضر ...........
نجاح :D:D
بت مارنجان
21-06-2009, 08:39 AM
ومازال مسلسل الامتحانات مستمر ......
تابعو معي حلقات ..
امتحان العلامات المرورية ..
امتحان الشارع ..............
محمد حسين (المميز)
21-06-2009, 09:05 AM
رســـــــــــــوب
:p :p :p
نزار السر
21-06-2009, 09:12 AM
ممكن تورينا لقت الرخصة بى كــــــــــــــــــــم وما تقول لى طلعتها
اكرامية
عوض الكريم الخواض
21-06-2009, 10:58 AM
[font=courier new][size=5]إنعل ابو الواسطات زاتو ؟
[COLOR="Red"]هاهاهاهاهاهاهاااااااي ...حسادة شديدة ... ;);)
بالتأكيد بت مارنجان عندها ( واسطة ) ... ولا عملوا ليها امتحان ( خسوسى ) :p:p
مبروك الرخصة ...
وأعملى حسابك من الفرامل ... والخلف ... والصينية ...
طبعاً ديل أهم تلات حاجات يجب الأحتراس منهم فى السواقة وخصوصاً المرأة .
انور 6 لقيتك حاسد حسادة شديدة ... أقع الركشات يا فردة :p:p
littlestar
21-06-2009, 11:20 AM
أولاً يابت مارنجان
ألف مبروك
وألف حمدلله ع السلامه
لكن إسمحيلى اقول ليكى إنتى روحك سلللللللللللللبه :o:o:)
بعدين قولى لى
الشباب ديل مالم معاك :mad:
ال بقت فى أنور سته بقت فيهم ولآ شنو:confused::confused::confused:؟؟
بت مارنجان
21-06-2009, 12:09 PM
رســـــــــــــوب
:mad::mad::mad::mad::mad::mad:
:p :p :p
ممكن تورينا لقت الرخصة بى كــــــــــــــــــــم وما تقول لى طلعتها
اكرامية
اكرامية في السودان .. وعند ناس المرور والله انت زول ظريف خلاص .. هنا اي حتة
تمشيها في شباك صغيروني بقطعوك ايصال .. نحن بلد الايصالات ..
شوف يانزار : في العلاقات البينية كدة اجمالي الايصالات لغاية ماتاخد رخصتك وتستلمها
في يدك 390 الف جنيه " بالقديم "
في المرور الرئاسة لغاية ماتستلمها 270 الف بالقديم ..
مع الاخذ في الاعتبار انو اعادة الامتحان بقروش :o
azam ali
21-06-2009, 12:16 PM
تصدقي يا بت ما رنجان رخصتك دي زكرتني النكته
بتاعت الجماعه الاغبياء ..عندهم بير في الحله وكل يوم بقع فيها زول
والمستشفى بعيد لما احصلو بي الزول المستشفى بكوون موضوعو انتهى المهم
قعدو واتفاكرو وكل واحد قدم اقتراح اكتر واحد غبي فيهم قال
ليهم نحن ندفن البير ونمشي نحفرا جمب المستشفى ...
اسي انت بعد رخصتك دي حتكووني زي بير الجماعه ديل عشان كدا بقترح
انك تتعاقدي مع ناس الاسعاف وطول
ما انت سايقه في الشارع تكون في عربيه اسعاف ماشه وراك
عبدالرحمن مدثر
21-06-2009, 09:40 PM
قبل حلقة بت مارنجان التانية
وهاك يالشارع جاااك بلا
تذكرت موقف صديق لى ونحن محشورين فى الاتوز
متجهين على شارع الشهيدة سلمى لامتحان الشارع على جهة الفتيحاب
مع الوضع فى الاعتبار الحفظ الصم لربط الحزام والاشارات والبداية الموفقة
ولو سعادتو قال بركن (اقيف ) ماتقيف الا فى حتة مريحة
صاحبنا مهدى .. تنقش تنقش قام ركب والرائد جنبو يحمر لنفسو زاتو
همو انك انت ماتنجح
عشان ترجع وتدفع 20 جنية وتجى تانى .......... وكدا
مهدى ماشى تمام اشارة يمين ربط الحزام وواحد اتنين خش
والرائد جاء دورو بعد دا فى الجوطة امشى سريييييع والشارع زحمة
صاحبك اتكبك ... الحتة دى اتعداها
فجعاة كدا الرائد قال ليهو انزل من الشااااارع واقيف
رمى الاشارة مهدى ووقف العربية (يعنى جنب شارع الزلط شوية )
طوالى الرائد ختم ليهو (رسووووووووووووووب)
مهدى قعد يبكى ياسعادتك انا ماوقفت
سعادتو قال ليهو وقفت (فى حرم الزلط ):p:p:p
ياسعادتك دا تراب سااااااى
لا دا ترااااب الزلط
وقعدوا يتغالطو
حرم الزلط .... تراب الزلط
المهم بعد داك لاقيتو
يامهدى ماماشى الامتحان
يااااااخ ماماااااشى
حررررررررم ماماشى بلا حرم الظلط برا حرم النور
وضحكت من جوه للموقف المضحك المبكى
وودعته مع تذكيره
يااااخ انت زااااااتك بتبالغ السودان دا ماكبير انت بس حبكت معاك
توقف العربية فى حرم النور :p:p:p
اقصد حرم الظلط
محمد النويري-الفقراء
22-06-2009, 02:04 AM
يا ود مصبح لو قفلت معاي شدييييييييييييييد . بركب مع بت مارنجان في عربيتها والرهيفة التنقد ...
بت مارنجان
22-06-2009, 04:01 AM
هاهاهاهاهاهاهاااااااي ...حسادة شديدة ... ;);)
بالتأكيد بت مارنجان عندها ( واسطة ) ... ولا عملوا ليها امتحان ( خسوسى ) :p:p
والله لاهذا ولا ذاك :o
انتو ليه ياخوانا مستهينين بقدراتي :mad:
والله انا بسوق من زمان بس رخصة ماعندي :mad:
مبروك الرخصة ...
وأعملى حسابك من الفرامل ... والخلف ... والصينية ...
طبعاً ديل أهم تلات حاجات يجب الأحتراس منهم فى السواقة وخصوصاً المرأة .
انور 6 لقيتك حاسد حسادة شديدة ... أقع الركشات يا فردة :p:p
انور6 حنديه دروس خسوسية عشان ينجح في الامتحان .. لانو بيسقط :p
أولاً يابت مارنجان
ألف مبروك
وألف حمدلله ع السلامه
لكن إسمحيلى اقول ليكى إنتى روحك سلللللللللللللبه :o:o:)
يابتي ديل ناس لواااايق لو ماطولت بالي مابدوني ليها ..
الله يبارك فيك يابنية .. خلاص عربية الزفة وزينة العربية علي ;)
بس خلي ابو الشباب يستعجل لينا :p
بعدين قولى لى
الشباب ديل مالم معاك :mad:
ال بقت فى أنور سته بقت فيهم ولآ شنو:confused::confused::confused:؟؟
كلهم كانو " ساقطين :D "
لم ينجح احد :p
بت مارنجان
22-06-2009, 04:05 AM
تصدقي يا بت ما رنجان رخصتك دي زكرتني النكته
بتاعت الجماعه الاغبياء ..عندهم بير في الحله وكل يوم بقع فيها زول
والمستشفى بعيد لما احصلو بي الزول المستشفى بكوون موضوعو انتهى المهم
قعدو واتفاكرو وكل واحد قدم اقتراح اكتر واحد غبي فيهم قال
ليهم نحن ندفن البير ونمشي نحفرا جمب المستشفى ...
اسي انت بعد رخصتك دي حتكووني زي بير الجماعه ديل عشان كدا بقترح
انك تتعاقدي مع ناس الاسعاف وطول
ما انت سايقه في الشارع تكون في عربيه اسعاف ماشه وراك
:mad::mad::mad::mad::mad:
كويس ياعزام .. بجي الخريف واللواري بتقيف .. انت ماراجع السودان تاني :mad:
كدي النشوفك بالغلط بس قلت لي ارح وصليني ولا اديني عربيتك سحبة عندي مشوار
قال بير قال :mad:
بت مارنجان
22-06-2009, 04:06 AM
يا ود مصبح لو قفلت معاي شدييييييييييييييد . بركب مع بت مارنجان في عربيتها والرهيفة التنقد ...
قفلت معاك وين :confused:
ضمنة هي :rolleyes:
مشوارك وين بالظبط ياود الفقراء ؟؟؟؟
بت مارنجان
22-06-2009, 04:49 AM
ياابو مزن انا حخش في الحلقة دي لكن دي الحلقة التالتة والاخيرة .. لانو في حلقة بتاعت العلامات ....
بس لانو قصة مهدي فيها جزء كبير من قصتي ...
قبل حلقة بت مارنجان التانية
متجهين على شارع الشهيدة سلمى لامتحان الشارع على جهة الفتيحاب
طلبنا من الضابط امتحن بي العربية الجاية بيها رفض وقال امتحن بي عربيتهم :o
ركبت معاهم واخوي ورانا بي عربيتو :)
مع الوضع فى الاعتبار الحفظ الصم لربط الحزام والاشارات والبداية الموفقة
ولو سعادتو قال بركن (اقيف ) ماتقيف الا فى حتة مريحة ;)
انا سميت وركبت .. تنقش تنقش قام ركب والرائد جنبو يحمر لنفسو زاتو
همو انك انت ماتنجح " صح مية المية "
عشان ترجع وتدفع 20 جنية وتجى تانى .......... وكدا yes""
مهدى ماشى تمام اشارة يمين ربط الحزام وواحد اتنين خش
والرائد جاء دورو بعد دا فى الجوطة امشى سريييييع والشارع زحمة
صاحبك اتكبك ... الحتة دى اتعداها
فجعاة كدا الرائد قال ليهو انزل من الشااااارع واقيف
رمى الاشارة مهدى ووقف العربية (يعنى جنب شارع الزلط شوية )
انا وقفت بررررررة الظلط :D
طوالى الرائد ختم ليهو (رسووووووووووووووب)
وانا كمان :o
الضابط قال لي العربية دي مافيها تقسيمات .. انا كنت ماشة اتنين علي اساس انحنا في امدرمان والحافلات جارية والرقشات قلت يابت امشي بالهداوة .. قال لي كدة بتهلكي عربيتك سوقي سريع شوية في الشارع :o
قلت يعني انت هسي صقطتني عشان سايقة براحة :mad:
قال لي ايوا تعالي بعد تلاتة يوم :rolleyes:
.......................................
عبدالرحمن مدثر
22-06-2009, 04:51 AM
يعنى طلعتى مهلكة
حسام التنين
22-06-2009, 04:54 AM
لقتني ليكم بت في شارع افريقيا مفحطة
بي نمرة 18 ومطلعا يدها فيها ورقة وبي وراء مكتوب( احسرس سائق تحت التمرين ) الكلمة دي مفروض تكون وراء العربية (الكلمة شالها ليك الهواء وساكة العربية )
:eek::eek::eek:
ياربي السايقاها منوووو ! :confused::rolleyes::confused:
الحقووا في عربية اسعاف الله استر
الف الف مبروك
** ممكن تمتحني لي الخلف ولا اشيل الامتحان (I) احسن!
بت مارنجان
22-06-2009, 05:15 AM
نجي للامتحان رقم 2 " العلامات المرروية " :p
خشينا كدي في عوضة مليانة كومبيوترات زي محل النت .. قالو ياخوانا في امتحانين ..
وحد علامات مررورية والتاني اسئلة قالو دة اسمو الامتحان الشفهي ..
قالو كل امتحان 25 سؤال .. والنجاح من 20 .. زمن السؤال الواحد 30 ثانية :o
قلنا بسم الله خشينا في الشفهي .. طبعا اختكم عندها مشكلة تركيز :o .. لمن اركز هو
قاصد شنو يكون الزمن قرب ينتهي .. اها دة جبت فيه 18 من 25 يعني :
رسوب :o
قالو لي امتحني بتاع العلامات يعني اشكال العلامات .. جبت فيه 22 من 25 يعني :
نجاح :D
قالو لي تعالي بعد اربعة يوم امتحني الاول الصقطي فيه دة :o
بت مارنجان
22-06-2009, 05:19 AM
امتحنت الملحق .. نجحت فيه جبت 20 من 25 .. حق لحكومة .. قالو ياست البنات امشي
علي الفتيحاب امتحان الشارع لكن طبعا اقطعي الايصال :o
الايصال بي 50 جنيه :(
عوضنا الله مشينا علي الفتيحاب وحصل مازكر اعلاه :p
سقوط عشان مافي تقسيمه للعربية وماشة بالراحة :rolleyes:
بت مارنجان
22-06-2009, 05:25 AM
نجحت في امتحان الشارع ياسلام علي الملازم المسؤول والله رجل والرجال قليل .. ياانور6 الضابط اسمو " سيف الاسلام " شخص مهزب جداااااااا وبتعامل بي زوق ..
خشيت الظلط مامشيت اقل من مية متر قال لي اقيفي وختم لي بالاخضر
نجااااااااااااااااااااح ...
طبعا زغردت عديل وانطلقنا الي المقرن لاخذ الختم النهائي " التصديق " وجرينا علي
الرئاسة .. قالو لي وين :mad:
اقطعي ايصال بتاع استخراج الرخصة 190 جنيه :eek:
طبعا في اللحظة دي قربت ابكي وفتحت محفظتي وانا خايفة ماتكفي القروش :o
بقيت اعد لما وصلت 150 جاتني لفة راس قلت ياربي استرها معاي ...
وصلت 190 طق التقول حاسباها :p
قطعنا الايصال رجعت تاني جوة المكاتب شالو الايصال مني ودخلو بياناتي .. وقالو لي خشي اتصوري ..
لكن في مشكلة :confused:
الحبر منتهي تجي تستلمي الرخصة بكرة لو الحبر جاء :eek:
حبر بتاع رئاسة مرور ولا ية الخرطوم منتهي تلاتة يوم .. والرخص واقفة .. لاتجديد ولا بدل فاقد ولا جديد ..
وتمشي في الشارع يقبضك بتاع حركة يقطعك ايصال بي 30 جنيه لا ايدك لاكراعك ..
الطويل
22-06-2009, 05:30 AM
نجحت في امتحان الشارع ياسلام علي الملازم المسؤول والله رجل والرجال قليل .. ياانور6 الضابط اسمو " سيف الاسلام " شخص مهزب جداااااااا وبتعامل بي زوق ..
خشيت الظلط مامشيت اقل من مية متر قال لي اقيفي وختم لي بالاخضر
نجااااااااااااااااااااح ...
طبعا زغردت عديل وانطلقنا الي المقرن لاخذ الختم النهائي " التصديق " وجرينا علي
الرئاسة .. قالو لي وين :mad:
اقطعي ايصال بتاع استخراج الرخصة 190 جنيه :eek:
طبعا في اللحظة دي قربت ابكي وفتحت محفظتي وانا خايفة ماتكفي القروش :o
بقيت اعد لما وصلت 150 جاتني لفة راس قلت ياربي استرها معاي ...
وصلت 190 طق التقول حاسباها :p
قطعنا الايصال رجعت تاني جوة المكاتب شالو الايصال مني ودخلو بياناتي .. وقالو لي خشي اتصوري ..
لكن في مشكلة :confused:
الحبر منتهي تجي تستلمي الرخصة بكرة لو الحبر جاء :eek:
حبر بتاع رئاسة مرور ولا ية الخرطوم منتهي تلاتة يوم .. والرخص واقفة .. لاتجديد ولا بدل فاقد ولا جديد ..
وتمشي في الشارع يقبضك بتاع حركة يقطعك ايصال بي 30 جنيه لا ايدك لاكراعك ..
عجبني
اها انشاءالله الحبر لحدي اسي لا حس لا خبر ؟؟؟
حسام التنين
22-06-2009, 07:13 AM
انا بحول ليك حبر بي جنيه
والله شر البليه مايضحك (رئاسة مرور ولاية الخرطوم) مافيها حبر
يعني ..
.... انا اقوم اكسر طابعتي دي ولا شنو
مامعقول ما ممكن مستحيل ده استهتار دي لا مباله ماكفاية الجرجرة المدنها لي خللق الله
بس عشان الحركات دي انا ماداير اطلع رخصة لحدي ماسمع (سجل للرخصة الصغيرة واحصل علي العامة هدية )
احتمال افكر،،،،
الف مبروك
بت مارنجان
23-06-2009, 02:03 AM
يعنى طلعتى مهلكة
اهلاك الاصول الثاتبة .. ولا المتداولة :d
بت مارنجان
23-06-2009, 02:04 AM
لقتني ليكم بت في شارع افريقيا مفحطة
بي نمرة 18 ومطلعا يدها فيها ورقة وبي وراء مكتوب( احسرس سائق تحت التمرين ) الكلمة دي مفروض تكون وراء العربية (الكلمة شالها ليك الهواء وساكة العربية )
:eek::eek::eek:
ياربي السايقاها منوووو ! :confused::rolleyes::confused:
الحقووا في عربية اسعاف الله استر
دي ماانا والله شارع افريقا دة بي وين :rolleyes: :p
الف الف مبروك
** ممكن تمتحني لي الخلف ولا اشيل الامتحان (i) احسن!
الله يبارك فيك .. لا انت تمتشي تمحتن خلف وتعيد كم مرة عشان تركز :d
محمد النويري-الفقراء
23-06-2009, 02:44 AM
قفلت معاك وين :confused:
ضمنة هي :rolleyes:
مشوارك وين بالظبط ياود الفقراء ؟؟؟؟
ههههههههههههه .. لا لالا لالالا ماعندي مشوار آآبت مارنجان لسه ما قنعت من روحي ومشواري قريب هنا البت الجنبكم دا بمشيهو بي رجلي :d
بت مارنجان
23-06-2009, 07:50 AM
ههههههههههههه .. لا لالا لالالا ماعندي مشوار آآبت مارنجان لسه ما قنعت من روحي ومشواري قريب هنا البت الجنبكم دا بمشيهو بي رجلي :d
شنو ياود الفقراء انحنا عايزين نساعد ونخدم ياخ .. حركتك ماجميلة نوهائي :o
علي كيفك .. بس اياك يوم تلاقيني في لفة تعمل لي مس كول عشان توقفني :rolleyes:
مدنيّة
23-06-2009, 08:23 AM
هووووووووووي تحذير هااااااااااااام
سواقة بت مارنجان الشفتها قبيل دي
الحدها في التعاشيق نمرة اتنين
الكل لازم يعمل حسابه
محمد حسين (المميز)
23-06-2009, 09:51 AM
والله يابت مارنجــان
بعد الإمتحانات دي
مفروض يعينوك سفيره في الخارجيـه :p :D :p
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir