تسجيل الدخول

مشاهدة النسخة كاملة : جداً بايخة قصة


ودالعمدة
20-06-2009, 07:31 AM
قصة!!
عندما كان صغيرا احبها من كل قلبه لانها كانت «جميلة ولذيذة وحلوة»!


قصة بايخة!!
وعندما شب وكبر ازداد حبه لها بالرغم من المضايقات التي كانت تسببها له!



قصة بايخة جدا!
وعندما بلغ الاربعين نصحه الاطباء بالابتعاد عنها لانها تسبب له «الحيرقان» فابتعد عن «سلطة الاسود» ولم يعد يحبها!!
تغريد
20-06-2009, 07:41 AM
هههههههههههه

-جدا حلوة فكرة -

تسلم ياخي
ودالعمدة
20-06-2009, 07:44 AM
هههههههههههه
-جدا حلوة فكرة -
تسلم ياخي


شكرا تغريد
يبدو انك بتحبى سلطة الأسود
هههههههههههه
العاقب مصباح
20-06-2009, 07:50 AM
بالغت يا ود العمدة

وخليتنى اتمطق ساى

ياخى انا بحبها شديد والله

مشتاقين ياخ
abomazeen
20-06-2009, 08:34 AM
حبيبنا ود العمدة الغالي ...
السلام عليكم ورحمة الله وبركاته
في كثير من المرات كانت تستوقفني كتاباتكم
بيد أن هذه المرة قد جانبكم صياغة وحبكة الطرح
ودالعمدة
20-06-2009, 09:00 AM
بالغت يا ود العمدة
وخليتنى اتمطق ساى
ياخى انا بحبها شديد والله
مشتاقين ياخ

العزيز الغالى عقبة جدن جيتو
مرورك دوما له نكهة وطعم رائعين

عقبة
ماسمعت بالمثل البقول ليك :
الرجل الذي لا يتزوج عندما يصل سن الاربعين
( ناقص ستة ) عليه ان يواصل الطريق.
ودالعمدة
20-06-2009, 09:17 AM
حبيبنا ود العمدة الغالي ...
السلام عليكم ورحمة الله وبركاته
في كثير من المرات كانت تستوقفني كتاباتكم
بيد أن هذه المرة قد جانبكم صياغة وحبكة الطرح


العزيز ابومازن
وعليكم السلام ورحمة الله وبركاته
لا تحرمنا من طلتك ونقدك البناء ودعنى أهمس لك هذهـ المرة :
فى قرية أدخلوا فيها الكهرباء فهل معنى ذلك أن كل المنازل مضاءة؟
معتز الريح
20-06-2009, 09:26 AM
ود العمدة .. سواق سواقة ..
ده السهل الممتنع المتع ..

لكن يا ود العمدة ..
سلطة الأسود دي في أطباق العرس طعم ..
وفي أي بيت طعم تاني..
وأنا بشجع بتاع الأعراس ..

السر في كده شنو؟

تخريمة : طبعاً دي أيام كوكتيل العرس المعروف .. ما حديثاً ..
ودالعمدة
20-06-2009, 10:31 AM
ود العمدة .. سواق سواقة ..
ده السهل الممتنع المتع ..
لكن يا ود العمدة ..
سلطة الأسود دي في أطباق العرس طعم ..
وفي أي بيت طعم تاني..
وأنا بشجع بتاع الأعراس ..
السر في كده شنو؟
تخريمة : طبعاً دي أيام كوكتيل العرس المعروف .. ما حديثاً ..

العزيز معتز الريح
دى حالتها السيل رجعنا من الرخصة العامة
لسواق تحت التمرين يعنى بدون رخصة ...
وياسلام على سلطة الأسود فى كوكتيل الأعراس
والتى بقدر طعامتها تكبر ( ختة ) الكـشف
حاتم مرزوق
20-06-2009, 10:42 AM
حبيبنا ود العمدة

دي قصص عمد مش اي قصص وجاءت في موعدها خصوصا مارقين من هزيمة المنتخب من غانا.

مزيدا من الأبداع يا رائع

ولو جبرت بي خاطرنا وعملت لينا قصة بعنوان

(( ملاح الورق)) تكون ما قصرت.
ودالعمدة
20-06-2009, 01:08 PM
حبيبنا ود العمدة
دي قصص عمد مش اي قصص وجاءت في موعدها خصوصا مارقين من هزيمة المنتخب من غانا.
مزيدا من الأبداع يا رائع
ولو جبرت بي خاطرنا وعملت لينا قصة بعنوان
(( ملاح الورق)) تكون ما قصرت.

الغالى حاتم مرزوق
أشكر شعورك الطيب
وبعدين هزايم المنتخب أصبحت لنا عادة
وياحليل زمن جكسا وبشارة الغلبوا غانا
طلبك على العين والراس بس
اللون الأخضر دا تخصص العاقب أخوى
ميادة
20-06-2009, 01:11 PM
لا والله ما بايخة ولا شي

حلوة خالص

لاني انا بحبها جدا وحصل لي نفس الحصل للولد ده :d


تسلم
moh_alnour
20-06-2009, 02:39 PM
تعرف يا ود العمدة منذ الطفولة و إلى الأن و أنا أعشق سلطة الأسود
و أحبها جدا ً من يد هاجر أختي
و التي تُجيد عملها بصورة يحسدها عليها أي طباخ ماهر
و على نيل بلادنا سلام
تخريمة برا النص : اللهم جنبنا الخيانا و هزائم غانا
محمد الجزولى
20-06-2009, 08:37 PM
ود العمده يا رائع
قصه رائعه
واجمل ما فيها رمزيتها ... تخليك تسرح وتسرح وتتذكر حاجات كثيره
لك ود ى وتحياتى العطره
ودالعمدة
20-06-2009, 10:55 PM
تعرف يا ود العمدة منذ الطفولة و إلى الأن و أنا أعشق سلطة الأسود
و أحبها جدا ً من يد هاجر أختي
و التي تُجيد عملها بصورة يحسدها عليها أي طباخ ماهر
و على نيل بلادنا سلام
تخريمة برا النص : اللهم جنبنا الخيانا و هزائم غانا

ياسلام على سلطة ( سودانا ) وكلو بقى لينا سلطة
بس صدقنى يامحمد النور حدك معاها لحدى الأربعين
وكـفاية عليـنا حيرقـان ( غـانـا ) والسـيل الجــــــــانا
esmat
20-06-2009, 11:14 PM
ود العمدة وسلطة الاسود
حيرتني في البداية وسرحت مع السطور
ومرات الخيال -
سلطة الاسود حبيبة الشعب السوداني
رغم اني بتعب كتيييير وانا بحاول اعمل
سلطة روب يوم الجمعة عشان بحبها اكتر
المسافر
20-06-2009, 11:54 PM
ود العمدة أخوي

الحب الحقيقي
( بعيش ) يا حبيبي
بعلمنا نسامح
خلينا نفكر في أيامنا الجاية
لو نبعد ثواني برجعنا تاني

( مع الإعتذار للنشيد )


( عيش ) مقصود ( رغيف ) أو ( كسرى )
الجندي المجهول
21-06-2009, 09:34 PM
قصة!!
عندما كان صغيرا احبها من كل قلبه لانها كانت «جميلة ولذيذة وحلوة»!


قصة بايخة!!
وعندما شب وكبر ازداد حبه لها بالرغم من المضايقات التي كانت تسببها له!



قصة بايخة جدا!
وعندما بلغ الاربعين نصحه الاطباء بالابتعاد عنها لانها تسبب له «الحيرقان» فابتعد عن «سلطة الاسود» ولم يعد يحبها!!

ود العمدة حبيبنا (سلطة الاسود ) مبالغة طبعا ولا كلمة عاوزين نشوفك

تخريمة --------

غايتو فاتح لي فتحة بس الله يسامحك
محمود (أبو وضاح)
21-06-2009, 10:22 PM
العزيز ود العمدة ،،،
سلطتك دى فيها شطة خضراء ولا بدون ؟؟
وكما ذكر الأخ/معتز ود الريح ، سلطة الباذنجان فى الأعراس زمان ليها طعم ، خاصة أم رقيقة مع الضلع وكده والذى أصبح ذكريات لدى سكان المدن هذه الأيام ، كوكتيل وحنكشة !!
أما سكان الأرياف لازالت لديهم هذه العزائم بطقوسها ، وغسيل الأيادى قبل الخبز وبعده !! وجيب الصابونة دى يا ولد - دا إذا ما كانت صابونة فنيك - تقول لى كامى ولوكس !!
ودالعمدة
01-12-2012, 03:32 AM
العزيز ود العمدة ،،،
سلطتك دى فيها شطة خضراء ولا بدون ؟؟
وكما ذكر الأخ/معتز ود الريح ، سلطة الباذنجان فى الأعراس زمان ليها طعم ، خاصة أم رقيقة مع الضلع وكده والذى أصبح ذكريات لدى سكان المدن هذه الأيام ، كوكتيل وحنكشة !!
أما سكان الأرياف لازالت لديهم هذه العزائم بطقوسها ، وغسيل الأيادى قبل الخبز وبعده !! وجيب الصابونة دى يا ولد - دا إذا ما كانت صابونة فنيك - تقول لى كامى ولوكس !!

عارف يامحمود سلطة الأسود دى زى الايقاع فى الموسيقى بتظبط الوجبة ..فعلا زمان
كانت المناسبات سفرة دسمة والآن أصبحت كوكتيل ويجى زمن يدوك ليها (حبوب) ..;)
برة السلطة : يامحمود سمعت بصابون نادية وصابون صافى